الوسم: الرشاقه

السلام عليكم ورحمه الله وبركاته بقول لكم سالفتي اليوم مع رحله البحث عن اي شي يضعف ويشد وينحف الجسم المهم اليوم كنت طالعه مع امي ومرينا سوق دريم مول اللي بالري اوكي يم المشاتل
وهالسوق بصراحه انا اول مره ادخل له المهم توني نازله من الدري جان اشوف وحده لبنانيه وانا من النوع اللي فيني فضول احب اعرف كل شي نادتني ولا اشوف عندها علب كريم تخسيس وشد الترهلات وانا ما صدقت على الله لاني قاعده اسوي رجيم وما ابي يصير بجسمي ترهلات المهم قالت لي انه هالكريم طبيعي 100% وماله اي اضرار جانيه وتقدرين تحطينه على اي منطقه تبين تضعفينها حتى اخطر مكان اللي اهو الصدر عاد انا طرت من الوناسه لانه عقدتي بصدري لانه كبير المهم طريقه وضع الكريم هي كالتالي اول شي لازم تاخذين شور (سباحه عاديه ) بدين تحطين الكريم على المنطقه اللي تبينها تخف وتضعف وتدلكين المكان بحركه دائريه وبعدين تاخذين النايلون مال تغليف الاكل عرفتوووووه "اللي اذا زاد عندج شي وبتحطينه بالثلاجه تلفين ااالاكل فيه بدال القصدير اتمنى اني قدرت اوصل لكم اللي في بالي " المهم وتلفينه على المكان اللي حطيتي فيه الكريم وتقعدين في 3 ساعات عاد كيفج تبين تلعبين رياضه تحوسين بالبيت تالي عقب 3 ساعات تسبحي وتقول انه نتيجته تبين خلال اسبوع
المره اللي كلمتها لبنانيه واسمها مدام جوليييييييت ورقمها 9423551يابنات الله العالم اني ابي لكم الفايده مثل ما ابيها حق نفسي الله يخليكم اللي تجرب الكريم تقول لي وتبشرني بالنتايج اللي صارت لها

ويا بنات الله يخليكم ادعولي بالذريه الصالحه ترا بمووووت وانا انطر الضنا

بصراحه الكريمات هذي ماأحبهااااااااااا موليه

وأخاااااااااااف حيل منها!!

شي غير الرياضه00 أو أستشارة الطبيب 00 ما أنصح أحد يستخدمها

هذا رائي أولا

ثانيا: والله قاعده أدعيلج من قلب ويارب أستجب الدعاء

اللهم أرزقها بالذريه الصالحه عاجلا غير أجلا يارب العالمين
آمييييييييييين

انا بعد ما احب اجرب كريمات …..

الله يرزقج الذريه الصالحه … ويرزق كل محرومه … وكل شي خيره حبيبتي

مشكورة بنت الكويت

والله يرزقج الذريه الصالحه ويرزق كل محروم

الله يرزقج الذريه الصالحه يارب ويقر عينج بحق ذرية زكريا انتي وكل محروم

مشكوره على المعلومه ولو ان ماكو شي يضعف غير الريجيم المتوازن مع الرياضه ..عن نفسي ما اجرب الكريمات و اخاف منها .. و احس نتيجتها وقتيه و تزول لا خلص الكريم .

و ان شاء الله الله يرزقج الذريه الصالحه الكاملة الخلق و الخلق

حبيباتي مشكورين وما قصرتوا على الردود والدعاوي
بس شسوي انا صايره كل شي اجرب بعمري وانشالله اذا جربته بقولكم عن النتيجه

مشكورة عالمعلومة

اللهم يا ذا الجلال والاكرام لا اله الا انت سبحانك انا كنا من الظالمين لا اله الا انت سبحانك انا كنا من الظالمين لا اله الا انت سبحانك انا كنا من الظالمين يا حي يا قيوم برحمتك نستغيث يا حي يا قيوم برحمتك نستغيث يا حي يا قيوم برحمتك نستغيث … يا ودود يا ودود يا ودود يا ذا العرش المجيد يا فعالا لما تريد يا كريم يا قادر يا رؤوف لا اله الا انت وحدك لك الملك ولك الحمد وانت على كل شيء قدير
اللهم انا نسألك باسمك ا|لأعظم ما علمنا منه وما لا لم نعلم أن ترزق أختنا وكل من يريد بالذرية الصالحة تؤمن بك وتدعو لك وترفع راية الاسلام باذنك لا اله إلا أنت
اللهم منا الدعاء وعليك متى شئت الاجابة

الللهم آمين …

أم جوري
حبيبتي مشكوره مشكوره مشكوره الف شكر على الدعاء الحلو اللي يشرح القلب

ويالله ياربي يا كريم انك تسلم لها عيالها جوري ويوسف و ود اذا ماني غلطانه بالاسامي من كل شر يارب وتفرح قلبها فيهم اللهم امين

ما شاء الله صح حافظتهم
ان شاء الله ربي يرزقش ويوفقش ترى ما سويت شي حنا خوات والوحدة لازم تحب الخير لغيرها علشان تتوفق

نسيت اقولش يوم الجمعة اقري سورة ممممممممريم والعمران بعد صلاة العصر وادعي ربش لين اذان المغرب ترى فيها ساعة استجابة ونفس الشي آخر يوم الجمعة يعني من العشر لي اقبل ال 12 ادعي كثر ما تقدرين وبعد المغرب يوم الجمعة طلعي صدقة وان شاء الله بتحقق كل الأحلام ونشوفش منفوخة لا يعه كبدش وترجعين وتلوعين كبودنا
وكل شوي تسالينا عن الحمال والترجيع وعوار الراس والبطن والظهر وال ………….
ان شاء الله يارب اول حمال لش توأم ويطلعون شبهي ( ترى انا مو جيكرة وايد ) يعني انبلع مع بطلين ماي صحة وشاني

مشكوره اختي
والله يرزقج بالذريه الصالحه يا رب وتفرحين فيهم

اللهم اقبله منها ومنا يارب العالمين عاجلا غير آجل يا قادر ياكريم يارزاق يا معين

أم جوري
يا حلوج ويا حلو سوالفج والله احرجتيني بطيبتج يا قلبي
والله اذا الله رزقني بالحمال اول وحده ببشرها انتي

الحــــــلا كله
حبيبتي العفو ما سويت شي

ومشكوره يا عمري على الدعوه

jareeeda
حبيبتي مشكوره وما قصرتي وعسالله يارب يوفقج بالدنيا والاخره ويحقق لج كل اللي تبينه امين يارب العالمين

وااااااااااااااااي يا بنات منتدى كويتيات احبكم وااااااااااااااااااايد والله انكم اكثر من خواتي
عسالله لا يحرمنا من بعض

قوه بنات

نبي الحين عاد جد وصج
اللي تبي تضعف قبل أو بعد العيد تدخل تسجل أسمها ونوع الريجيم ووزنها الحالي والوزن اللي تبي توصله ومتى تبي تبدي
أدري كلكم تبون عقب العيد كل من يبي يصوم وبالعيد تبون تاكلون
أنا عقب العيد بسوي ريجيم التمر والحليب أسبوع أبي أضعف من 4ألى 8كيلو
أبي أصير 51
يصير مجموعة بنات يمشون على ريجيم واحد وكلنا بنشجع بعض ونكتب يومياتنا
يالله نبي مشاركه من الجميع

انا اول المسجلييييييين:d

طولي 170 و ابي وزني يوصل 55

رجيمي التمر و اللبن ابتداء من يوم السبت

انا مجربه هالرجيم من قبل و حبيته و ابي اسويه مرة ثانيه

الرسيل جم نزلج هالريجيم؟؟؟
أنا كنت بجربه عقب العيد بس أذا أنتي الحين بتسوينه أسوي معاج
بس عاد هااااااااااااااااااا التزام مضبوط ما عندنا يمين شمال أوكي :q
أي يوم بتبدين نبدي مع بعض

انا أنا أنا أبي أشترك معاكم .. نظامي إهو التخفيف و أبي أنقص كيلوين إلى ثلاث كيلوات .. ها ليلحين فيه مقاعد فاضية ؟

انا اول ماسويته نزلت 3 كيلو بأول اسبوع و من ثاني اسبوع بديت اخربط شوي بس وزني مازاد

لكن عقب ماتركته خير شر رجعت كيلوين

و انشالله راح ابدا من السبت بأذن الله

الله يثبتني علييييييييه و يخليني اتحمل اليوع بهالبرد!!

الله يوفقكم بنوتات

خلاص أنشالله السبت نبدي يويييييييييييييلج أذا كسرتيه أحرمج من الميراث خخخخخخخخخ

أنزين متى راح نبدي المسابقة ؟

مطفوقة ادري انج راح تذبحيني

بس

ببتدي الرجيم من يوم الاربعا الياي لأني هالاسبوع مسافرة و خبرج رجيم+سفر=مهمة مستحيله

يعني انشالله الاربعا تاريخ 26/1 نبدي بالرجيم

و انشالله بشترك بنادي عشان اظعف بسرعه و مايترهل جسمي

ادعووووووولي اصير نفس نوال الزغبي!

خوش يالله انا معاكم ببدا رجيم الاناناس والعيش

سندريلا ؟؟؟؟؟؟؟؟؟؟؟

أناناس ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!! !!!!!!!!!!!!!

انا بحلم والا بعلم ؟؟؟

خخخخخخخخخخخخ رسيل أخاف أنتي اللي بتذبحيني
والله رحت الشاليه الخميس ووقفت بالبرد مده واستمرضت
أمس ما قدرت أقوم من الفراش
يالله اليوم صحيت شوي
أنا ببدا بعد العيد أنشالله

سندريلا يالله السبت بعد العيد زين؟؟؟
رفرف ليش بحلم؟؟؟

مطفوقة ….

تدرين ان سندريلا تخاف وتلوع جبدها من اييييييييييييييي نووووووووووووووووع فااااااكهه او خضاااااااااااااااار اصلا اذا موكلين صبوية فواكه تدقر بنتي وماتشيلها تخليها تفحط لين تقول بس … تقول ريحتها تفااااح !!

شفتي رفرف نزل على الوحي قلت لانا سريع ميخالف اجربا والله يصبرني المهم اضعف واول يوم تمام بس شربت علبه وحده اناناس طول اليوم الي قدرت عليه

حياكم الله

السلام عليكم ورحمة الله وبركاته

إلى أخواتي العزيزات عضوات منتدى كويتيات

سيتم بإذن الله من الغد تاريخ 25/ 1 البداية في ريجيم جماعي وحتى تاريخ 25 / 2 ولمدة شهر كامل

أتمنى الإستمرار على الريجيم خلال هذه الفترة المحددة للتخلص من الكيلوات الزائده
ويمكن لكل وحده أختيار ما يناسبها من ريجيم ألا إذا اتفقتن على ريجيم واحد
وطبعا الرياضه يا بنات وألا الجسم راح يترهل وأيضا هو يساعد على تخفيض الوزن بشكل كبير

[CENTERhttps://up2.q8yat.com/uploads/images/q8yat-b3e2b1af67.jpg][/CENTER]
https://up2.q8yat.com/uploads/images/…b3e2b1af67.jpg
https://up2.q8yat.com/uploads/images/…b3e2b1af67.jpg

بسم الله وعلى بركة الله

تفضلوا ………….. .

حياكم الله ………………………..

كل وحده تشيك على اسمها وتتفضل لغرفتها…..

أسماء المتسابقات

<<<<<<<<<>>>>>>>>>>

1-OMAaAa

2- ام عواشي

3- كويتية بالغربه

4-pharmacist

5- النية الصافيه

6- الاسطوره

7- سعاد

لائحة التعليمات:-

تسجيل الحضور من 5ص – 12م

تسجيل انصراف من 8.30 م الى 12ص

تسجيل الحضور في النادي الرياضي (اجباري) <<< يعني لابد انج تمارسين نشاط رياضي يوميا وتذكرين انج مارستي رياضه كل يوم

الالتزام بالنظام الغذائي ومواعيد الوجبات

هناك وجبه مفتوحه كل يوم جمعه فقط لمن تلتزم بالقوانين من نظام وحضور

هناك انذار وعقاب لمن تخالف القوانين

مع تمنيات اكاديمية الرشاقه لكم بقضاء وقت ممتع والفوز برشاقه دائمه..

شكرااااااااااااااااااااااااااااااااااااااا

يالله كل وحده تقعد في مكانها

تعالووووووووو مااقدر ادش من الساعه 5 الى 12 !! انا في الدوام
و اي الساعد 1 و مااقدر ادش الا الساعه 4 و فوق
عادي ادش تأخير !!

بس ديروا بالكم…

مو قسمناكم مجموعات ووزعناكم بالاجنحه عبالكم غبتوا عن عيني…

لا يا حبيبات قلبي الاكاديمية مليانه كاميرات ..قلت لكم انا متسلفه كاميرات خالتي قماشه

يعني اراقبكم واشوف تحركاتكم…

ام عواشي شخبار الرياضه ؟؟؟

هاااااااااااااااااااا اتحاجيني !!
و الله ما العبت
الحين بروح اسوي معده و انام

تصبحون على خير قاعده من الصبح مانمت دخت و ماكو اكل ماكو طاقه

ام عواشي مادام بلغتينا

خلاص مسموح لج..تمديد الفترة

بس اجباري تدخلين تسجلين حضور متى ماقدرتي كل يوم
وتسجلين انصراف

يعني لازم تدقين الكرت <<< متاثره بالدوام ههههههههههههه

تصبحين على خير ام عواشي

بس لا تنسين تمارين المعده …ولو تصعدين السلم مرتين ثلاث يكون ممتاز…

بس مرة ثانيه حاولي تتحركين اكثر…

بارك الله فيج…عفيه عليج
يالله شدي حيلج واستمررررري ……<<<<< هالله هالله بالحركه

تصبحون على الف خير

<<<<انتظر تسجيل الانصراف..

سوري توني ادخل عادي حضور وانصراف مع بعض واسطة

انا تريقت عصير ليمون وبس

واعصر اكلت قطعة صمون صغيرة حيل مع شوي جبن

والمغرب شربة نعناع

وبعد العشا تعشيت قطعة دجاجة مع خيار وروب

الله لا يحرمني ….من المرشدة اللي متابعتنا
ومتابعة…كل تحركاتنا……….
انا بعد ما اقدر دق كرت باتظام…..حسب الظروف
متى ما لقيت ظهري يعورني..قعدت عالنت…..
يعني معاكم على طوووووووووول لكن بدون تحديد اوقاااااااات

[COLOR=DarkRed]أسماء المتسابقات

<<<<<<<<<>>>>>>>>>>[/{{{ lCOLOR]1-<< مقبول OMAaAa

2- ام عواشي<< مقبول

3- كويتية بالغربه<<< مقبول

4-pharmacist<<< انذار

5- النية الصافيه<<< انذار اخيييير

6- الاسطوره<<< انذار اخير

7- سعاد<<< انذار اخير

________

هذي اسماء المتسابقات

المقبولات بالاكاديميه…

كل يوم ستنزل اسماء كهذة الائحه والتي تتخلف عن الالتزام بتسجيل الحضور والانصراف راح تاخذ انذار

ومن تحصل على 3 انذارات تخرج من الاكاديمية

فارجوا الالتزام

وشكرا

صباح الخير

صباح الرشاقه والهمه والنشاط

ننتظر تسجيل الدخول من الرشيقات

هذي الله يسلمكم رفيجتي دازه لي مسج تقول تعالي شوفي بطني شلون ضعف وايد………………ونزل وزني قلت مايبله مسج جان ادق والا تقولي هالوصفه عاد تقول جربيها خلال اسبوعين نزلت 5 كيلوات تقول بس من هالخلطه ولامشت ولاقال هالله عاد قلت حبيباتي الكويتيات يموتون علي شي سهل ومايتعب هذي الخلطه:

الوصفة الأولى:

· مرامية.
· اكليل الجبل
· من بذرة الكتان.
· شاي اخضر.
الطريقة:تحطين من كل صنف شويه تالي تغلين ماي وتحطينه فيه مدة 3 دقايق وطفي الماي وهم خليه 3 دقايق وتقول تشربه الصبح علي الريج

وبعد وجبة الغدي بس اهي تقول اشربه العصر بعد ماقعد من النوم
وبالليل تشرب منه قلاص قبل لاتنااام

والشكر تحط سويتن لوووو

تقول بس كانت مخففه اكل شوي مو وايد يعني
بس تقول الخصر ضعف وايد والبطن نفس الشي وايد فرق عليها

وهم عطتني خلطه قالت رفيجتها مستخدمتها وتقول عجيبه وضعفت عليها
بس ماجربتها تقول ناطره علي اول 12 تقول كل شهر بتجرب خلطهههههههههههههههههههههه

قلاص شاي سواء الاخضر او شاينا العادي وقصي عليه نص ليمونه
يعني بقشورها علي عدالها بس قصيها ونقعيها بليل
والصبح دردعي القلاص تقول في مروره بس الي يبي الدح لايقول اححححححححححححححححححححححححححححح

وعاد مايب لكم شي مو ثقهههههههههههه توكلوا علي الله وجربوا

موفقين ان شاء الله

وان شاء الله البطوطات يستفيدون ….

نسيت اقولكم عقب هالخلطه عطتني وصفة اكلهههههههههههههههه
قلت بنزلها لكم الحين بالاطباق الرئيسيه بس عاد انتوا مو تاكلونها وتخربون رجيمكم

هههههههههههههههههههههههههه
يعطيج العافيه …
اهم خل يطبقون الرجيم واحنا ناكل عنهم هههههههههههههههههههههه

مشكورة عالخلطة….

مشكووورة وايد وانا من باجر بجرب وانشاءالله ينفع معاي

مشكوره .. بس خل نشوف نتايج التجربه على البنات

ايه كفوووووووووووووووو شدوا حيلكم بس عن جد رفيجتي هذي اذا قالت شي يعني اوكييييييييييييييييي وهذا الي خلاني اتشجع واكتب لكم

مشكوره جونم

مواضيعج دايما حلوه وثقه

thanks 7aboba shakelha khoosh khal6a

mashkooora

مشكوررة اختى ،وانشاالله بنجربها (:

يعطيج العافية ما قصرتي

يعطيج العافية ما قصرتي

يعطيج العافية ما قصرتي

السلام عليكم بنات

اشلونــكم عساكم بخير ،،،

ادري طفشــتو من الرجيم ،، بقولكم ســـر انا جربته بس لا تعلمــون الا اللي تحبونه وتعزونه

تـــــــــــدرون تجربتي مــع الرجيم بقولكم اياهـــا ،،

طبــــعا كان جسمي واو لغاية ماتــــــــــــوظفت ،، بدأت المأساة بنات اللي معاي ماهمهم شي غير البلعه ،، طبعا

مكاني كان مافيه حركة بحكم شغلي على المكتب وبس والله يعافي البنات الريوق اشكال والوان هذا غير الحلو وااللي مرافق القهوه وين ماراح ،،

المهم اول سنة من دوامي ما لاحظت فرق في وزني لانه جسمي من كثر ما قاعد احط فيه يخزن يخزن

يوم صرت بالسنه الثانية حسيت فجأه انتفخت في اماكن من جسمي وهدومي صارت صاكه علي

المهم دشيت نادي شـــهر ،، والحمدالله ،، وايد تعدل جسمي وكل الشحم بجسمي احترق وتحول عظل

المهم ،، بعد ما هديت النادي ،، هم ما حافظت انهديت على الأكل وفجأه لقيت روحي وزني

صار من 60 الى 80 تخيــلوووووووو ،،

بعدين انخطبت وملجت قلت لازم اضعف حق بدلة العرس والعرس اشلون ابي بسرعه ماعندي كان مجال غير شهر ونص ،،

سويت رجيم اتكنز مال حسين دشتي طبعا شريت الكتاب ومشيت عليه وبالفعل وقت العرس كان وزني زين 70 بس من مساوؤه يطلع ريحه خايسه بالحلج فترة الرجيم بس

المهم بعد عرسي بشهرين حملت في بنتي طبعا ،، اول 4 شهور نساتي قوية ماشتهي الأكـل وبالخامس

صرت أكل الخضر واليابس وصل وزني لي وقت الولادة 90

طبعا لا تشوفون شكلي صرت اخرع ،،، المهم ولدت تنفست وكنت ارضع بنتي في اربع شهور وسويت تخفيف وماقص عليكم بعد الأربعين راجعت عند الدكتور يوسف الخضر بس مااستفدت شي في شهر بس نزلت 4 كيلوات وبعدها جان اسوي رجيم من كيفي يعني الريوق كان توسته سمره + جبنة حلومه
والغدا اي شي مشوي + لبن وسلطة

والعصر فواكه لأني ارضع كنت لازم اكل اشياء تدر الحليب وكنت اشرب ينسون مع حبه حلوه هم عشان حليبي يزيد

والعشا توسته سمره مع تيركي او مرتديلا+ حبه تفاح وصج نزلت عليه وحمداللله وصل وزني 78 وسويت جسات مساج في معهد اللافندر كملت لي ثمانية جلسه

وبعدها اكتشفت اني حامل الحمدالله على كل حال كنت معتمده انه الرضاعه تمنع الحمل بس شنقول هذه ارادة رب العالمين ،،،،،،،،،،

بحمالي الثاني نفس الشي وصل وزني 90 وبعد الأربعين نفس الشي

سويت رجيم و دشيت رجيم سنتر

بصراحه لما رحت لهم كان وزني 85 وخلال شهرين ونص وبعد ماكنت منتظمه وايد يعني ساعات اخربط

وصل وزني 72.5 بدون رياضه بس كنت ارقص مره بالاسبوع ساعه بس والله هم ماحافظت دش علينا رمضان وراه العيد وخربطت وايد المهم وصل وزني

79 هني طق عندي مؤشر الخطر طبعا غير تعليقات وخواتي وريلي،،، اهني ارجعت الارادة اني بغير من اسلوب حياتي خلاص مليت

قعدت مع نفسي وسالت نفسي انا ليش قاعد وزني يرتفع شنو الاسباب

لقيت

1- لما ازعل او اتضايق احط حرتي بالاكل مو لاني يوعانه لأ تلاقوني اكل كاكو ولاراه 2 3 4 ولا يهمني

بس عشان انفس عن اللي مضايقني

لاحظت انه الخبز واي شي في عجين يمتني على عكس العيش اللي مايمتني

لاحظت اني ما اتريق بس كنت اتعشا عشا دسم

لاحظت اني كنت اتغدا وانام

واهم ملاحظة اني ماكنت اشرب ماي

واني ما اسوي اي مجهود او نشاط رياضي مستمر

قلت بدأ مع نفسي صح هالمره مابي احد يحطلي رجيم انا بحط حق روحي المسموح والممنوع النتيجة حبيباتي

من 79 الى 72 الحمدالله رب العالمين في شهرين ادري انه مو وايد بس والله كل ماتنزلون ابطأ كل ماكان

احسن لأني كنت أكل كل شي يابنات ،، بس مع تقليل الكميات ولعلمكم نزلت 5 كيلوات دهن وكلوين من الماي يعني خاسرتي كانت حلووه مو كلها ماي

المهم اقولكم شنو كنت اسوي

الصبح على الريق كوبين ماي دافي (كنت اسويها مو كل يوم يعني كل يوم وترك )

الريوق بعد ساعه من كوبين الماي عباره عن

بيضتين ( مفيوح) اقصصه واحط عليه شوية زيت زيتون وفلفل اسود
او
كورن فليكس مال الرشاقه جنه من نستله والله مو ذاكره بالنخاله يكون مع كوب كي ديدي خالي الدسم
او
شريحه توسته سمره مع قفشه صغيره لبنه مع شوي زيت زيتون
او
سلطة فواكه (اقص عرموطه + تفاحه + اناناس مع نص كوب عصير افندي او برتقال طبعا بدون سكر )
او
شريحه توسته سمره + شريحه مرتديلا أو تيركي احط معاهم خس وشوية زيت زيتون وفلفل اسود

واشرب بعد الريوق اشرب السوائل طبعا ماي وجاي والجاي يكون اخضر

كنت امشي قبل الغدا ساعه (كنت اسويها ثلاث مرات بالاسبوع وقت الدوره اوقف )

وبعدها بساعه ونص اتغدا

اي شي مشوي ( صدر دجاج منزوع الجلد او فليه سمج أو سلطة تونه او ستيك مشوي مع خضار سوتيه
او ربيان مشوي مع خضار سوتيه ) هذا من الأحد الى الخميس

والجمعه والسبت كنت اخذ راحتي بس مع التخفيف

يعني زوارة بيت اهلي الجمعه ( ماكنت اتكان تريق بس كنت اكل اذا كان مجبوس لحم ولا دجاج او برياني

بس كنت اقيس بمقدار كوب روب احط لي عيش

حتى حلو مع قهوه اكل

ويوم السبت هم فري زوراة بيت عمي يعني يومين تكسرين الروتين

والله حتى مكسرات وفطاير كليت بس مو بشبع يعني عن خاطري قطعتين

وايام الدوره كنت اوقف رجيم ورياضه لأنه الجسم يحتاج الراحه والأكل الزين

والعشا مبجر مايكون بعد الثمان من السبع الى الثمان احاول اتعشى بهالفتره

قوطي روب اكتفيا الصغير اقصص فوقه اناناس او فراوله او توت او تفاح يعني كل يوم انوع عشان ما امل

وعلى فكره كنت يومين وترك اكل اي كاكاو انا مشتيهيه يعني ماحط بخاطري شي

وقبل لا انام هم مو كل يوم كنت منتظمه عليها يعني كل يوم وترك شاي اعشاب كيفج انا كنت احط مراميه واكليل الجبل + زعتر + شاي اخضر مع سكر سبلندا

النتيجة : ريلي لاحظ اني ضعفت رفيجاتي لاحظــــــــو ،، وحده معاي ما اعرفها اسالتني انتي شو عامله كثير

ضعفانه انحرجت قلت لها امشي وما اتعشى وجسمي ماترهل بالعكس ضعفت بس جسمي مشدودو

وخصر نزل وايد ومنطقة الارداف عندي نازله بس يبيلي اعالج كرشي اللي مالت الولادة لانها بالاصل مترهله ويبيلها تمرينات

طبعا انا يبيلي بعد ابي اوصل 60

وطبعا للحين ما مليت من نظامي لأني مو محرومه من شي وراح ادش شهر 3 جلسات مساج لأني ناويه
اعطي شكل حلو حق جسمي لأني متني من تحت اكثر من الفوق وانا بسرعه اخق من فوق ومن تحت بطىء بس النتيجة اللي وصلت لها حلووه

واتمنى كل وحده تحط جدامها هدف والله والله والله النفسيه اهيا اللي ذبحتنا تركي النفسيه الخايسه عنج
وحاولي تتحكمين بمشاعرج يعني اول ماتسمعين خبر يغثج مو تروحين تدورين كيك وبطاط وكاكاو وواحد ورا الثاني والله حاولي تلهين عمرج باي شي خلال ربع ساعه راح تنسين انج تبين هالاشياء

انا ادري طولت عليكم وايد بس حبيت انقل لكم تجربتي

واتمنى للجميع الصحة والعافيه

وانا عن نفسي ماراح اترك النظام بحياتي وباكلي وبشاعري ولا عن المشي حتى نومي تعدل

اول سهر اربع وعشرين ساعه اما الحين انام بكير واصحا بكير وماقمت انام الظهر والحمدالله نفسيتي مثل الفل

انا اسفه يمكن وايد تفاصيل ماذكرتها بس اعذروني عيالي يمي يننوني اكتب حرف وكل شوي ارد اكمل الباقي

وبنتي كل شوي اطقق بالكيبورد معاي المهم اللي عندها اي استفسار انا حاضره

اهم شي لا تياسوون وانا حاسه خلال شهرين انشاءالله راح اوصل الوزن اللي انا ابيه وخاصة اني نوعيه جسمي تنزل بالسنتيمترات اكثر من الكيلوات ،،،،،،،،،،،

اتمنى تستفدون من تجربتي

وسامحوني على الاطــاله

ام محمد

الله يسهل عليج يارب و توصلين الوزن الي تبينه
والله انج وضحتي كل شي قاعد يصير معاي و انا مثلج كله من الدوام والقعدة و النفسية التعبانة و الاكل الي ماله معنى …
شجعتيني وودي ابلش من الليلة بس يمعة حمولتي اليوم فراح ابلش باكر ان شاء الله ،،، مع اني مشاركة بالتحدي الثاني و مع هذا وزني موقاعد ينزل ثابت على 78 و 77 و الحين مع الدورة صاير لووووووعة جسمي مليان ماي مادري شسوي فيه
الله يعيينا و ننزل وزنا بسهولة.

ربي يا حبيبي اضعفج وضعفنا بصحه وعافييه
ومشاء الله علييج عطيتيني ارااده برووح اللحيين امشي على الجهاز المقطووط هههههه

مشكورة على نقل تجربتج الناجحة….وفعلا التخفيف بالاكل احسن وسيلة للتخفيف بالوزن والواحد مايمل من نمط حياته…بس حبيت اسالج شنو احسن مكان يسوي مساج للتخسيس خاصة انه انا نفس جسمج احتاج اضعف فخوذي اكثر من اي جزء بجسمي؟

تجربه اكثر من رائعه وايد حلوه

الف مبرووووووووووك

واحلى شي انج عرفتي حق نفسج وافتكيتي من الرجيم

ماشالله تجربتج واايد حلوه الله يهنيج ويحفظج وتوصلين للوزن اللي تبينه
انا نفسج
لمه ازعل اكل اليابس والخضر
كنت متينه وايد بعدين ضعفت ورديت متنت وضعفت شوي بعدين متنت والحين قررت اني اضعف والحمدالله على كل حال
اهم شي سويته اني اقنعت نفسي انه من سنة الحياة يوم حلو ويوم مر فاذا على كل يوم مر يمر علي بروح اكل يعني ماراح اضعف
عشان جذيه خذيت قرار بهالشي وقاطعت المطاعم والكافيها مبدئين والله المستعان
وناويه جريب اسوي جلسات مساج

ومشكوره على ذكر تجربتج

مشكوره على التجربه المثمره وان شاء الله الكل يستفيد منها

مشاءالله عليج وان شاء الله توصلين لمه الوزن اللي تبينه يارب

وفعلا احسن نظام اهوا تغير عاداتنا الغذائيه عشان ينزل بدون لا نحس

مشكوره وماتقصرين والله يوفقج يارب

اشكركم خواتي على الكلمات الرائعـه وان شاء الله تضعفون بالصحة والعافيه

اختي ام جاسم بالنسبة لسؤالج والله ماعرف مكان معين حق المساج ،، ان لما دشيت معهد اللافندر بالصدفه شفت اعلانهم بالجريده
وكانو مسوين عرض وقتها على ما اتذكر 12 جلسه كانت 130 اذا ماخانتي الذاكره وكان نوعا ما زين

اسمع وايد يمدحون مساج كوين ويمكن اجرب معاهم ،،،،،، 7745760

طبعا انا دقيت عليهم وسالتهم قالولي خلالي 10 ايام تنزلين اقل شي ثلاث كيلوات قلت شنو ثلاث كيلوات شويه مع رجيم

جان تقولي صدقني احنا نهتم مو بالكيلوات كثر مانهتم اشلون راح نطلع شكل جسمج واشلون راح انرتبه لج بصراحه تشجعت

خصوصا وايد بنات يمدوحنه ،، عموما

حتى مع تجربتي مع معهد اللافندر للامانه لاحظت جسمي ترتب بس مانقصت يمكن خلال 8 جلسات شي بس شكل جسمي من المساج صار مشدود ،،،،، بصراحه انصح كل وحده تسوي مساج بعد ماتخسر ثلاث ارباع الوزن اللي تبيه

اما اللي بتعتمد على المساج لانقاص الوزن مادري ما انصح لانهم اهما يشدون الترهلات ويسوون لج قالب جديد حق جسمج فروحي لهم مستويه على الآخر حرام تقطون فلوسكم على الفاضي

يعني اللي تبي تتبع نظام تسوي جذيه

رجيم اول 10 ايام بدون رياضه

وبعدها تبلش رجيم + رياضه وانا افضل رياضه المشي بالهواء الطلق خاصة هالايام الجو موطبيعي عدا ايام الغبار
مارسوها في البيت

بعدين بعد اسبوعين من المشي ابدي مع المشي تمرين ثاني انا كنت انط الحبل بصراحه بس مو كل يوم يعني يومين وترك

بس قمت العب وايد مع عيالي واطامر واقولها سوي رياضه جذيه 1 2 3 4 حركة القاري وانتي نايمه وعندي غرفة بنتي فيها الارضيه الربل فيها الوان احمر وازرق واصفر واخضر صارلي يومين العب معاها عليها انطامر على الوان ساعات نمشي عليها باربع اريول وجذيه يعني قمت ابتكر اشيا ما امل منهـــا

وأخر مرحله راح ابمساج ،، عموما دايم المراكز المساج ينصحونج بعدم فعل رياضه وبالفعل انا لما كنت اسوي مساج
ضغطت على نفسي ومشيت صار فيني شد عضلي فعرفت شنو حكمة عدم ممارسة الرياضه مع المساج بس عقب ماتخلصتون كورس المساج المشي ………….. المشي ثم المشي على الاقل ثلاث مرات اسبوعيا ساعه

لأنه والله المـــــشي *** وعلى قولتهم رياضة الفقراء ،، وصج انا ذكرت اني ابلش مساج شهر مارس

خطأ مطبعي راح ابلشها شهر ابريل عشان اكوون على الاقل باقي بس جم كيلو على الوزن المثالي

الله يحفظكم وينحفكم واشوفكم بالصيف سامبتيكاااااااااات يلا شيدو الهمة

واخر الختام كلمة سلام

الله يعطيج العافيه
مشكوووره

اشركم ياغاليات على الكلام الحـــلوووو

طبعا كتبت حق كل وحده رد ،،،،،،،،،، بس تفاجات ماكـــــــو شي بالصفحه

المهم اختي ام جاسم ،، ماعندي خبره كبيره بمعاهد المساج بس سمعت عن كوين مساج وايد يمدحوونه

وانا دقيت عليهم واستفسرت عن جم شغله وجني في شهر ابريل القادم راح اشترك معاهم

اتمنى لكم الصحة والعافية وتصيرون احلا سمباتيكات

وشيدو الهمة

تحياتي
لــــــــــــــومي

الله يتمم عليج

وياااااااارب نضعف بصحه وعاااافيه

مشكوورة لومي عالتوضيح وعلى النصايح الحلوة

بر ااافو عليج

ومنها للأعلى

السلام عليكم ورحمة الله وبركاته

شلونكم ياحلوين ((يابطات ويارشيقات؟؟؟))

انا اول مره ادخل هالقسم وشفت عناوين تبجي وعناوين تضحك

بنات شوفو ياحبيباتي
اذا تبين الجسم الحلو لازم تكونين رشيقه واذا تبين تكونين رشيقه لازم تكونين خفيفه واذا تبين تكونين خفيفه لازم تتحركين

يعني اهم شي يابنات الحركه اذا كنتي من النوع الي ياكل ويبين عليه تحركي كثر ماتقدرين
شي ثاني احرمي نفسج بس موكل شي لا ااا مثلا اكلي الي تبينه بس لي وصلتي رابع شي قولي
ستووووووووووووب
وقفي <<<احرمي نفسج

لانه الحرمان القوي وهو الرجيم القاسي مايدوم الى الابد وهذا انتو اكبر دليل انكم دايم مسوين رجيم والا ماترتاحون الا جم اسبوع اذا مو جم شهر

يعني وايد اشياء في بالي بس مادري اذا يفيدكم والا لا ؟؟

بس اي شي تبون انا حاظره وبالشوفه ومن عيوني

بس لاتسألوني عن رجيم فلان وعلان لاني ماحب سوالفهم وماتبع طرقهم لي طريقتي الخاصه
واذا تبون اي شي عن الرياضه تمارين معينه حق شي معين انا عند ويهج ياقمر<<حق كل وحده

بحفظ الله
وتحياتي للكل بدون استثناء ياجينين

تعجبيني يارشيقه

مشكووورة

عاد قصبن عنج يامزيونه <<<تضحك معاها اهيا تدري بس انتو لاتصدقون

العفو ياقمر يامزهرية المنتدى الي حاطينها بالاستقبال عاد انتي كشخه

تحياتي

انزين سؤاااااااااااااااااااااال ,, الحركه اللي المفروض انتحركها شكثر –> حلو سؤال ها؟

لا والله صج .. بما اني اعييز !!! يعني نادر ماامشي صراحه .. فيعني شنو الحركه اللي بمقدار المشي تقريباً

مشكوووووووووووره نونو جيييييييييين

مثل ماقالت اعييييييييز شكثر نتحررررررررررك

نبي نشيل الكرررررررررررروش شلوووووووون

هلااااااااا وغلاااااااااااا
فيكم

حبايب قلبييي
الحركه الي توخر الكرش وتخسرج وايد وبسييييييييييييطه
بس يبيلها طولت بال
والنتايج باهره
قعدي وقومي مثلا نثري اي شي بس مو ثقيل مثلا اقلام ثريهم على كبر الدار
وشيلي واحد واحد بس زلي كلج مو تدنقين وتاخذين لا جنج بتقعدين وقومي مادري اذا فهمتوها
ترى وايد حلوه حق الكرش
ولعبة التنس الريشه يابنات لعبت كل الرياضات احس بالمجهود واعرق بعد مده طويله بس هاللعبه والله يابنات من اول شي يعني 5دقايق الى 10 دقايق والله اصب صب واحس اني سويت مجهود قوي بس هاااه يون لعب لعب مناقز وركض ورا الريشه مره تروحي يسار ومره يمين يعني لعب صج مو دلع
اذا مالج خلق سوي على الاقل نفس حركاتهم

تحياتي لكم وحياكم الله
واذا في شي هم انا موجوده وبالخدمه

مشكوره حبووبه

غير جذي ماكو وممكن توضحين اكثر

لاني يلا يلا استوعب وافهم

عذبة الصوت شنو بالضبط الي موفاهمته يليت تحددين عشان اقدر افهمج ياوخيتي
وحياج الله
شرفني تواجدج

ملاحظه ::
حبيبتي ياقمر يارشيقة الرشيقات << تبين هالشي

بكل بساطه ضيعي ريموت تلفزيونج وقصري وطولي بروحه وبرده وغيري قنوات بدون ريموت احلى حركه للي تبي الحركه وماعندها وقت

يارشـيق إنتـاااا

زين ,, سؤال ؟!
شنو الأكـل اللـي يزيد الكرشـه
وشنو الأكل اللي ممكن انه يساعـد بزوالهـا
ويعطيـج العافيه خبيرتنـا ..

ياحبيبتي العيش والخبز يزيد الكرش بس اذا تسوين رياضه وتخففين من هالشيين لا عادي ولا راح يكون فيه اي اثر عن تجربه شخصيه
بس بتاكلين وماتتحركين يعني صعبه شوي

تحياتي لج حياج الله

مشكوره على النصايح

العفو ياقمر
حياكم الله

انزين يا خبيرتنا شنو التمارين اللي تشد الزنووود ؟؟؟

والصدر بعد بالمره جنج ماتدرين هههههههه

السلام عليكم ورحمة الله وبركاته

بنات انا قررت افيدكم باللي عندي وليش ابخل عليكم انا عندي فايل من اكثر من 3 سنوات احتفظت بوصفات كثيره كثييره من مدونة عديده سأكتبها كما هي لحفظ حقوقها لاصحابها

قلت ليش ما اسوي موضوع خاااااص واحط وصفاتي بالموضوع ويكون مثبت لو حبيتوا عشان الكل يستفيد

وادعوا لي بالشفاء العاجل … وان تتحقق كل الاماني لنا يارب

الوصفه الاولى ( وصفة البقدونس السحريه )

يمكن تتفاجئن بهذا العنوان ولكن هو الصحيح إن البقدونس يساعد على إنقاص الوزن إذا ما صاحبه تخفيف مو حرمان ولازمته رياضة كالمشي .
وطريقته : ينظف البقدونس ويوضع بقدر ربع كوب بعد تقطيعه ثم يصب عليه ماء مغلي ويغطى ثم يصفى ويشرب على الريق وقبل الغداء وقبل العشاء ولاحظي الثلاث أيام يا سلام ؟؟

اول شيء البشرة تصفي ويصير لها رونق والثاني التخسيس في منطقة الوسط .

أرجو أن تكون لي ولكن المنفعة والفائدة

لو تحبون اضيف لكم اكثر آمروني بس

اي حتى آنا وايد سمعت ودي اجرب قريبا

تسلمين على الوصفه
بس ياريت لوحد مجربه يفيدنا عن الطعم

والله يساعدنا ونضعف جميع يارب

مشكووووووووووووووورة زيدينا من خبراتج نبي نستفيد

مشكورة وناطرين باجي الوصفات

كمليهم عااد :>

و مو تنسين تقولين لنا لما تجربيين خل نشووف الطعم عشان نجرب من وراج هههه

تدرون ان ها الطريقه تمنع الحمل ؟؟!!!

واااصلي احنا معاااج

تصدقووون انا قالتلي دكتورتي اكلي مع الغدا شدة بقدووونس وبتنزلين اكثر من 5 كيلو بالاسبوع بس طبعاً مع المشي ونظام غذائي متوازن
بس ما جربتها للحين

ان شاء الله بجرب البقدونس

وتفضلوا باجي وصفاتي اللي احتفظت فيها

25 كيلو في أسبوعين فففففقط !!!

معايا وحده وحده !!

أولأ: تأخذ عشبه إسمها بذرة الكتان وتتطحنيها وتأخذين منها ملعقه واحده ثم تضعين عليها كاستان من الماء المغلي وتضعينها على النار لمدة خمسه دقايق أو ثلاث دقايق وبعد كده تصبيها في الكاس بدون تصفيه وتضعين عليها ملعقه من زيت بذرة الكتان وتشربينها قبل الأكل
بعد كده تقومين بعمل الرياضه ثم بعد كده نبدء بالوجبات :

الفطور :
حبه واحده من التوست الأسمر +عصير برتقال +خيار +جبن قليل الدسم أو بيضه مسلوقه

الغداء :
ربع دجاجه مسلوقه بدون وضع الملح +سلطة خضار +خضارمسلوقه أو ربع رغيف خبز أسمر

العشاء :
لبن زبادي قليل الدسم +خيار

ملاحظه هامه :
ممنوع شرب الماء البارد
جربوها ماتخسرو شئ ومضمونه بنسبة 100%

لكن والله إن أنا بنفسي مجربه هذا النظام وأستمريت شهر عليه وكان

وزني 130 كيلو والحين صار 75كيلو والله العظيم بس أنا ماصبرت وقمت أخربط في النظام فبأ ينزل 10كيلو في أسبوعين
والعشبه هذه مافيها أي ضرر ولاتسبب مغص وتأخذينه مره واحده في اليوم أول ماتصحي من النوم
وبالنسبه يلي تريد أن تنزل 10 كيلو أو 20 كيلو ممكن تستخدم العشبه لوحدها بدون أي نظام غذائ وهذه الطريقه مجربتها أختي وفعلا نقص وزنها
وهذه الطريقه مو من الكتب هذه من خبيره تغذيه وأعشاب

فلا تقلقو من هذا النظام

يسلمواااا

مشكووووورة وننطر البقية

البقدونس مفهومة و مقدور عليها ان شاء الله و نلقاه بالخضره <<<< صج عاد

السؤاااااااااااااال الحين

وين نلقى بذرة الكتان و زيتها ؟؟؟

حواء جربتي البقدونس و بذرة الكتان ؟؟

شوفوا شلقيت عن البقدونس

البقدونس:
– الاسم النباتى (Petroselinum sativum)، البقدونس عشب شهير وينمو ليصل ارتفاعه إلى حوالى 12 بوصة وأوراقه غنية وكثيفة ولونها أخضر.

أشهر استخداماته أغراض الطهى ويمكن زراعته فى حدائق أو فى المنزل.

* فوائد البقدونس:
– البقدونس عشب مدر للبول، وهام للكلى ومشاكل الجهاز البولى واحتجاز الماء.
– عالٍ فى قيمه الغذائية وخاصة فيتامين (أ) والحديد.
– كما يساعد على نزول الحيض فى حالة تأخره ويساعد على تدفقه.
– من الممكن تناول أوراق البقدونس طازجة فى السلطة أو تنقع فى الماء المغلى للاستخدام فى الشاى، والعصير الطازج للبقدونس أو الشاى الذى ينتج من الأوراق أو البذور يساعد فى الهضم.
– يساعد البقدونس فى التخلص من رائحة الفم الكريهة وكغسول للفم أو الغرغرة وذلك باتباع هذه الوصفة: غلى كوبان من الماء مع البقدونس وثلاث قرنفلات و1/4 ملعقة صغيرة من القرنفل الجاف بعد صحنه ثم يصفى الخليط بعد تمام هدوئه ويستخدم على عدة مرات فى اليوم.
– البقونس علاج للرءووس السوداء:
البقدونس فعال فى التخلص من الرءووس السوداء، وذلك باتباع الخطوات التالية:
– يخفق البقدونس فى الخلاط الكهربائى.
– يعد بخار ماء.
– يوضع البقدونس المخفوق على أماكن الرءووس السوداء.
– يعرض الوجه لبخار الماء وخليط البقدونس عليه لمدة خمس دقائق.
– تفرك الرءووس السوداء بالبقدونس واتركه قليلاً على الوجه.

https://www.feedo.net/Nutrition/Herbs/Herbs-Parsley.htm

انا ساعات يرتفع ضغطي اذا كليت اشياء ترفع الضغط ، فدورت و لقيت هذا ( فايدة للي فيهم ضغط )

في أحيان كثيرة يكون علاج ضغط الدم في تغيير نمط التغذية التي يسلكها المريض وذلك بواسطة تناول عصير بعض الفاكهة مع بعض الخضار مثل الجزر- السبانخ- البقدونس- الثوم بالبصل- يعمل منها عصير ويؤخذ منه لمدة معينة وهي شهر واحد لتخليص الجسم من أي ترسبات ومن تراكم كلوريد الصوديوم، كما يمد الجسم بمعدن البوتاسيوم، ويستحب تكرار هذه الطريقة مرتين في السنة للحصول على نتيجة أفضل بإذن الله والتمتع بحياة طبيعية جميلة.

https://www.balagh.com/woman/jamal/ew0qrhja.htm

العلبه 50 حبه ب 15 دينار لفتره محدوده

بالتوفيق يارب

وما توفيقى إلا بالله

لا اله الا الله محمد رسول الله

حسبي الله لا اله الى هو علية توكلت و هو رب العرش العظيم

وما توفيقى إلا بالله

وما توفيقى إلا بالله

وما توفيقى إلا بالله

وما توفيقى إلا بالله

وما توفيقى إلا بالله

اللهم اغفر وارحم وانت خير الراحمين

اللهم اغفر وارحم وانت خير الراحمين

وما توفيقى إلا بالله

وما توفيقى إلا بالله

وما توفيقى إلا بالله