التصنيف: التربية و الطفل

السلام عليكم اخواتي
انت مع او ضد اللهايه ولماذا
انا مثلا ما استغني عنها ووعندي 3 اطفال استخدنها معهم لعمر السنه وبنتي الكبيره لعمر سنه ونص
احسها تريح خصوصا لما يكون البيبي شبعان وما بده ينام
وقرات انه اللهايه في بدايه العمر بتساعد الطفل على انه ينتفس من انفه
وايضا ما تعمل غازات
يعني في ناس تمدح وناس تذم انت شو رايك وليش

انا استخدمتها لبنتي في فتره الاربعين وبعدها قطعتها من عمر شهرين مابيها تتعود عليها وتدخل وصخ لانه دايم بتطيح وبتغسلين

واحس فتره معينه وخلاص

استخدمتها على ثالث ياهل
مع اني كنت ضدها بس الغربه حدتني عليها وكنت احاتي شلون اقطعها بس الحمدالله من كملت بنتي السنه ونص قطعتها وتقبلت الوضع

اذا كان الطفل نوعيته يحن ويبجي وملعوز امه الافضل انه يتعود على المصاصه لانها تحل ازمات

ضد حد الطفل باللهايه ٦ اشهر وخلاااص

ضدها طبعا مع ان ولدي كان اكثر انسان يبجي وحنان والكل كان مصر اني اعطيه بس ماعطيته مادري احسها وصخه ماتعقم عدل+ تخلي الياهل اطرم مايتكلم وايد+ احس تخرب شكل الاسنان يطلع شكلهم مو مرتب وغلط ومره سمعت فبرنامج انها تسبب التسوي حق اليهال اذا استمروا يستخدمونها واهم كبار

انا لحد عمر 3شهوور وبس واقطعها لان مثل ما قالوو موو عقمه وتخرب اسنان الطفل

حاولت اعطيها اياها علشان تخف حنته مايبيها الا وقت النوم ..
و على السبع شهور قاطعتها ان شاءالله ..

بصراحه تريح الياهل والام

انا اتخدمها احسها كتير تريح الام بس طبعا لعمر معين والافضل قبل ظهور الاسنان وقبل لايتعلق فيها الطفل ويصير يرميها الارض ويرجع ياخدها اما وهو صغير تضمنين نظافتها لانك انت اللي تعطيه اياها

وااي لاتخوفوني بنتي تحب المصاصه توها ماكملت شهرين في مجال اقطعها المصاصه !؟

احس صعبه تبجي تبجي احط المصاصه تسكت

انا المصاصه سألت الدكتور عنها اهو دكتور بالسلام مال اطفال اسمه د.وائل و قالي عادي تستخدمون المصاصه ما منها مضره بس لي سن السنه ونص لازم تقطعينها لان بهالسن ممكن تخرب الاسنان , و قال المصاصه تستخدم حق وقت النوم لما يكون الياهل شبعان و مو قادر ينام تحطين له المصاصه يمصها شوي تشوفينه شوي و ينام , انا ولدي مو متعود عليها وايد لان قام يحط اصبعه و يمصه بدال المصاصه و يناام يعني مصاصته منه وفييه , و ساعات لما اسوق احط له المصاصه لان انا ما عندي خدامه تمسكه ولا تلهيه عشان تسكته و انا بروحي بالسياره و اسوق و ولدي بالكار سيت و تكون المصاصه معلقه برقبته بس يبجي و اوقف عالاشاره احطها بحلجه و بس

مع اذا الياهل حنان وعسر وتساعد اول الشهور
وضد لان بنتي الكبيرة بتصيرلها ٣ وانا ماني قادرة عليها
تهستر وتصرخ لين ترجع اهي واايد عسرة سويت كل الطرق حق شقيت المصاصه ماكو صراخ وهسترة بس وقت النوم
وزادة مع البيبي اليديد

انا كنت معارضة المصاصة
بس بنتي تحب تمص.. و صارت ترضع وايد زيادة عن حاجتها و قولونها تعب و صار عندها غازات
و الدكتور قالي عطيها المصاصة عشان ما تأذيج و تحن و منها تنام بسرعه

و فعلا الحين على طول المصاصة اذا بجت اعطيها و تسكت ولا انها تصير حنانة و صياحة
و ساعات هي بروحها تقطها و تلعب بروحها

و بالنسبة للتعقيم انا عندي لها اكثر من وحدة اذا طاحت اغسلها و اعطيها لها
و بين فترة و الثانية اعطيها وحدة من المعقمة و اعقم اللي قاعدة تستخدمها

و ترى مو زين تعقمون وايد بعدين البيبي ما تصير عنده مناعة و من اقل مايكروبات يمرض

السلام عليكم اليوم وانا ادور موضوع عن التسنين لانه ولدي يا قلبي شكله عنده اسنان هو عمره اللحين خمس اشهر

لقيت هذا الموضوع بالنت حبيت الكل يقراه علشان نستفيد

هل يسبب ظهور الأسنان الألم للطفل الرضيع؟

لقد أصبح لعاب طفلي يسيل أكثر من الطبيعي! و أصبح يضع أصابعه و كل شئ يطاله في فمه ! و يبلل قميصه ! كل هذا دليل على قرب أو بداية بزوغ الأسنان عند الطفل البالغ من العمر ما بين 5 إلى 8 أشهر, و قد يعزو بعض أفراد العائلة بعض العوارض الصحية عند الطفل كانسداد الأنف و الإسهال و كثرة البكاء إلى بزوغ الأسنان !

فهل يسبب ظهور الأسنان أية عوارض صحية غير طبيعية عند الطفل ؟

غالباً لا , فعملية بزوغ الأسنان خاصة اللبنية منها هي حدث فيزيولوجي طبيعي لا يترافق مع عوارض مرضية عند أكثر الأطفال, و أحياناً تحدث بعض العوارض الطفيفة عند بعض الأطفال بسبب تهيج اللثة خاصة عند بزوغ السن الأول أو احد الأضراس الكبيرة :

العرض الأهم هو زيادة سيلان اللعاب

يميل الطفل لعض أصابعه و كل ما يصل ليديه لأن عملية العض تؤمن له الراحة و تخفف الألم

أكثر الأطفال يشدون آذانهم خلال فترة بزوغ الأسنان

يزداد إفراز المخاط من الأنف على شكل سيلان رائق دون سعال أو ارتفاع درجة الحرارة

قد يصبح البراز لين القوام و قد يزداد عدد مرات التبرز بشكل طفيف عند الطفل دون ترافق ذلك مع الإقياء أو ارتفاع درجة الحرارة أو أيٍ من مواصفات الإسهال المرضي الناجم عن انتان الأمعاء.

قد يصبح الطفل متململاً قليلاً بسنن الألم البسيط و يختلف ذلك من طفلٍ لآخر

قد ترتفع درجة حرارة الطفل بشكل طفيف جداً لا يتجاوز 38 درجة مئوية

ما لا يحدث نتيجة بزوغ الأسنان :

لا يمكن أن ترتفع درجة حرارة الطفل لأكثر من 38,5 درجة بسبب بزوغ الأسنان

لا يسبب بزوغ الاسنان الإسهال و الإقياء وارتفاع درجة الحرارة معاً و يجب العلم أن ترافق بزوغ الاسنان مع الإسهال و التهاب الأمعاء هو بسبب أن الطفل يضع أي شئ في فمه و بالتالي هناك احتمال كبير لوصول الجراثيم و الفيروسات إلى أمعائه مما يسبب انتان الأمعاء

لا يسبب بزوغ الأسنان تململ و تهيج الطفل و نقص رضاعته وقلة نومه

لا يسبب بزوغ الأسنان التهاب الأذن و لو كان الطفل يشد أذنه و وضع الطفل ليده على أذنه قد يكون بسبب بزوغ الاسنان أو بسبب التهاب الأذن علماً أن أكثر التهابات الأذن تسبب الألم الشديد و ارتفاع درجة الحرارة.

لا يسبب بزوغ الاسنان الألم الشديد للطفل أو قلة نومه

لا يسبب بزوغ الاسنان ظهور رائحة غير طبيعية لفم الطفل

ماذا أفعل لأجعل فترة بزوغ الأسنان عند طفلي خالية من الألم ؟

إذا كان طفلك لا يعاني من عوارض غير طبيعية فلا داعٍ للتدخل و هذا هو حال أكثر الأطفال

أكثر علاج ناجح في تخفيف الألم هو أن يقوم الطفل بعض شئ ما ! و أفضلها العضاضة الطبية الطرية , و يجب الإنتباه لنظافتها و عدم لف خيطها حول عنق الطفل و إنما تثبيتها فوق القميص ناحية الصدر.

يفيد أيضاً وضع إصبع الأم بعد تنظيفها جيداً و القيام بتدليك لثة الطفل

لا تعط الطفل جسماً صغيراً ليعضه تجنباً لحدوث الاستنشاق و الاختناق

لا تتركي زجاجة الإرضاع في فم الطفل عند نومه كمحاولة لتخفيف الألم تجنباً لمتلازمة زجاجة الإرضاع و إذا الطفل يحب النوم كذلك فضع فيها قليلاً من الماء النظيف

عند وجود الألم يمكن إعطاء الطفل الباراسيتامول أو الإيبوبرفين عن طريق الفم

كذلك يفيد جل الـ بنزوكائين في تخيف الألم عند تدليك اللثة به

هناك الكثير من الأهالي الذين يقرون بتحسن الطفل على بعض أدوية الطب البديل من الأعشاب !

عيادة طب الاطفال

شكرا دلال

مشكوووره

مشكورة عالمعلومة

خووووووووش معلومات تسلمين دلوووووووووول

يا هلا خواتي وان شاء الله الموضوع فادكم

مشكورة حبيبتي …

مشكوره حبوبه

مرحيا بنات
بغيت اسالكم
انتوا عقب جم فترة طلعتوا عيالكم ؟
يعني الاربعين اوكي ممكن ما اطلعه بس في ناس يقولون لي نطري لين يصير 4 5 اشهر عقب طلعيه
احس وايد ماله داعي !!
في الاربعين بعد يمكن اوديه بيت يدتي معاي مرة مرتين
انتوا متى طلعتوا عيالكم ؟
عقب تطعيم بو شهرين احس اوكي

ما ادري إنتي و ايللي يريحج

في يهال يكونون عسرين ما يركدون الا على خمس أو ست شهور مع ذالك هذه مو قاعدة عامة عادي اذا الياهل ما يأذيج طلعي معاه بعربانه و أغراضج معاج

بالنسبة للزوارات عقب الأربعين على طول اخذيه معاج بيت الأهل و الزوارات مافيها شي ولا راح تتأذين كثر الطلعات تكرمين الحمامات موجودة عندج الأهل يلعبون معاه يمسكونه عنج شوي

أساسا بهالعمر يكون أغلب وقته نايم أو يلعب

بس نصيحة فترة تغيير الجو لا تطلعينه بسرعه يلقط فايروس

والله يخليج لعيالج و يخليج لهم

انا اطلع عيالي عقب ما يكملون شهر بس بيت الاهل

والمجمعات الصراحه اطلعهم بعد 3 شهوور

انا خوافه دايما احس انه الهوا بالمجمعات مو نظيف اخاف عليهم يمرضون

بس انتي ماتشوفين عيال الانجليز والهنود اظن يطلعونهم على طوول من بعد ما يطلعون من المتشفى انتتتتف اقول يمكن عمرهم 3 ايام عاددي

خوش موضوع

عقب الاربعين عادي يطلع معاي

أنا بعد الاربعين اطلعه بيت اهلي بس ليما يكمل ٤ شهور او ٥ شهور أخذه معاي لما اطلع عيالي او أسافر هم يسافر معاي لأني متعوده ما اخلي عيالي عند احد

عقب الاربعين لا بغيت ازور يكون معاي

بس اذا طلعه لا ما اخذه عالاقل لما يكمل ٤ شهور

بعد الاربعين اطلع عادي حطيه بالعربانه وتمشي وينام ماراح يأذيج وبالعكس احسن عشان يتعود

بعد الاربعين

انا بنتي عسره توني باديه اطلعها يوم صارت ٥ شهور

بعد الاربعين طبعا
وعااادي كل مكان معاي

اول شي لن لي عمرها سنتين ماتجيسها الخدامه كلللش
شلون عمرها بالاشهر واخليه عند الخدامه واطلع !!

وثاني شي لني مو شايفه سبب يخليني ما اطلع الياهل

بعد الاربعين طبعا
وعااادي كل مكان معاي

اول شي لن لي عمرها سنتين ماتجيسها الخدامه كلللش
شلون عمرها بالاشهر واخليه عند الخدامه واطلع !!

وثاني شي لني مو شايفه سبب يخليني ما اطلع الياهل

بعد الاربعين طبعا
وعااادي كل مكان معاي

اول شي لن لي عمرها سنتين ماتجيسها الخدامه كلللش
شلون عمرها بالاشهر واخليه عند الخدامه واطلع !!

وثاني شي لني مو شايفه سبب يخليني ما اطلع الياهل

احيانا يكون عندي موعد او مشوار حتى قبل الاربعين اضطر اخذه معاي لان ماعندي خدامه اخليه عندها

وصعبه كل شوي اخليه عند امي ..آخذه معاي كل مكان بأي وقت عادي ماتقيد بعمر

قد تظهر بعض الأعراض بعد أن يُحصن الطفل(يُطعم) من الأمراض.

ومن أشهر الأعراض إرتفاع درجة الحرارة ..وربّما تستمر لأكثر من يوم

تجنبي إطعام الطفل بعد أخذه لحقنة التطعيم ولا تعطيه وجبته الأخرى

إلا بعد مرور نصف ساعة وغالبا ما يصاحب التطعيم الثلاثي حرارة ترتفع

حتى (39 درجة) لمدة يوم أو يومين ولذلك إستخدمي دواء

خافض للحرارة وزيدي كمية السوائل وخففي الملابس وهوّي الغرفة جيداً.

قد يصاحب التطعيم ألم شديد بالساق يمنع الطفل من المشي يوم أو يومين

لذلك ضعي كمادة باردة على موضع التطعيم

تطعيم الحصبة وجدري الماء قد يصاحبه طفح أحمر صغير عابر على الجسم

لكن سرعان ما يختفي..فلا تقلقي.

كما يتبع تطعيم الدرن قيح قد يستمر لعدة أسابيع

لذلك نظفي بالماء المعقم وغطيه بضمادة ناشفة دون أي دواء مطهر

وللعلم تطعيم الدرن لابد أن يترك أثرا دائما (ندبة)

صغيرتي تورّمت فِخذها بعد التطعيم وظل الورم لأكثر من 3أسابيع

لكنه إختفى بعد ذلك ..هناك نصائح لتجنب الورم وهي مسح المنطقة بماء دافيء ..

وداموا أطفالكم سالمين@@

منقووووووووووووووووووووووووول

مشكووووورة على المعومات والله يعطيج العافية
صج الكمادات لازم بعد التطعيم

معلومات جد مفيدة بارك الله فيج

عفوا حبيبتى وحياجججججججججججججج ربى

معلومات مفيدة
يعطيج العافية

تسلمين على موضوعج الروووووووووووووووووووعه

تسلمين على الموضوع المفيد @نجد@

يزاج الله خير معلومات وايد حلووه

مشكوره حبيبتي عالمعلومات

السلام عليكم
بنات اللي تطلب من جمبوري لقيت بالموقع كاتبين ان في توصيل الكويت بس منو جرب شكثر يطول ؟؟
واذا عادي على بريد امريكا ويوصلونه بالاراميكس اسرع شي اللي ب18$ شكثر يطول على ما يوصل ؟؟

هلا وغلا حبيبتي

انا اطلب من من قيمبوري بس عن طريق الارامكس

انا طلبت منه مره وحده !!!
تقريبا اخذ اسبوعين او 20 يوم تقريبا مو اكثر
وتكلفة التوصيل جدا بسيطه …
والبضاعه جوده حلوووووووه … والقياسات مضبوطه … ووصلني عالبيت ورقة ان واصلني طرد من امريكا واستلمته من بريد كيفان ..

انا اطلب عن طريق ارامكس يوصل تقريبا خلال 3 اسابيع بس انا ما اخذ اسرع توصيل لأ اختار الستاندارد و ما جربت دايركت لي الكويت

بعد عمري مشكورين عالرد زاجل و ميممو و توينزمان

انا اصلا ما قمت اطلب منه عن طريق الارامكس لأنهم يعلون الجبد وغصب يوصلون ،
اخر جم مرة كله اطلب دايركت لي الكويت ، الطلب ياخذ له تقريبا اسبوع (انا اختار اكسبرس اسرع) ، ويوصل لج لي باب البيت عالفيديكس ،
وسعر الشحن يختلف حسب فاتورتج يعني كل ما كان حسابج اكثر كل ما زاد سعر الشحن ، واذا بتطلبين نصيحة طلبي الخميس او الاربعا لأنهم يطلعون الشحنات الدولية يوم الجمعة فبسرعه يطلع طلبج ،

واذا على الارامكس هم نصيحة لا تختارين الاسرع لأن اصلا الارامكس والجمارك هني اهمه اللي يطولون يعني نفس الشي

واي استفسار ثاني من عيوني

سلام. اي عنوان تحطين على الدايركت؟ عنوان البيت؟
يعني جم تقريبا يطلع التوصيل عليج؟ اقل من الارامكس؟

مرحبا .. اطلب ويوصلني للكويت .. واحط عنوان بالكويت .. ووصلني اخر مره خلال 10 ايام وكنت شاحنه على البريد العادي وخذو مي على الشحن 60 دولار

مرحبا .. اطلب ويوصلني للكويت .. واحط عنوان بالكويت .. ووصلني اخر مره خلال 10 ايام وكنت شاحنه على البريد العادي وخذو مي على الشحن 60 دولار

هلا حبيبتي ،،

اي احط عنوان البيت ، والتوصيل مرات يطلع اقل من ارامكس ومرات نفسه ، على حسب فاتورتج ،،

https://www.gymboree.com/our_company/…=1288595532213

شوفي اخر جدول بالصفحة يبين لج جم التوصيل حسب الفاتورة

وعلى فكرة ترى فتح بدبي اللي لها روحة تمر ، ان شاء الله يفتح عندنا قريب

جزاكم الله خير أمهات

سؤالي واضح من العنوان

شلون تطعيم الدرن للشهر الثالث؟؟ فيه حرارة ؟؟ وإذا فيه حرارة جايدة ولا بسيطة؟؟؟

بنتي منشولة بعد عمري وفيها كحة اليوم باجر إن شاء الله ناوية آخذها الطبيب قبل التطعيم

عفية ردوا علي ضروري بسرعة

جزاكم الله خير

كل تطعيم تحووشه حراره بس يختلف من طفل لي الثاني

والثالث ماذكر ان في حراره جايده عطيها ادول قبل لا تطعمينها

لا الدرن مافيه حراره لان تحت الجلد مو بالعضل بس لازم تتعرض للهوا

بعد عمري

جزاكم الله خير

لا انا توني مطعمه ولدي مافيه حراره
والسستر قالت لي لا تعطييينه ادول ولا شي لان مايسخن

مشكورة دلع والله يخليلج وليدج و تشوفينه معرس ان شاء الله

انا توني مطعمة ولدي والحمد الله ما سخن وهي الدكتورة قالتلي ما راح يسخن

تطعم الدرن كلش مافيه حراره ولا شي ولا يتاذى منها حتى ما تعطينه ادول ولا شي وطبيعيه
بس عقب شهر راح تنتفخ مكان التطعيم ولازم لا يحوشه لا بودر ولا كريم ولازم تتعرض للشمس عشان تنشف وطلع مثل الوصخ

جزاكم الله خير بنات وما قصرتوا

آنا وديتها اليوم الطبيب لأن نشلتها تحولت إلى كحة ونصحني أأجل التطعيم خمسة أيام ليما تخلص كورس الكمام
إن شاء الله بطعمها الخميس بإذن واحد أحد

بنات ولدي عمره سنتين ونص وهبل فيني علي هالحليب ماياكل ولايتغدي ويتعشي تخيلوا جنه بالاربعين كل شوي قاعد بالليل ابي حليب مع ان عندي اخوانه ماسوين جذيه يمكن عشان تاخرت علي ماحملت فيه ونسيت كل شي خخخخخخخخخخخ
بس هذا مادري ليش غيررررر موراضي يكرهها حطيت له داخلها اعواد دارسين وقصيت عليه وفتح الغطا وطلع الاعواد وشربها عادي يعني مايكرهها ابي طريقه ثانيه وحطيت فيها ملح موراضي يبجي حيللللللل ويكسر خاطري واغشلها واسوي له حليب حبيت اقولكم حليبه بدياشور حلو ومغذي ممن سنه الي 10 سنوات شسوي محتاره والله ابيه ياكل بس يحب البفك والعصير ومرات صمونه قليل ياكل

شوفي حبيبتي
اول شي لا تقطعين الحليب… خليه على بيدياشور …. وايد زين… على قولتج ما اكل عدل… وهذا الحليب مكمل غذائي… بس انتي ما تبينه يشرب الحليب بالرضاعة ( الممية)… اقولج ش سوين… لان هذي الطريقة انفعت مع ولدي:
1- لا تعطينة الرضاعة وهو بكرفايته… خليه يشربها بالصالة… واذا قام بالليل عادي عطيه.. ك بداية
2- بعدين قوليله بوديك معاي نشتري قلاص حلو… وديه الاندمارك.. وخليه ينقي قلاص على الشخصية اللي يحبها مثل سبايدر مان…الخ
3- لما تردين البيت خليه يول ح ابوه ان شرى قلاص حلو عشان هو صار كبير… وقعدي دي على اهلج كلهم عشان يقولهم ويصدق انه صار كبير..
4- اخذي رضاعته وحطي فيها نمل وقوليله شوف النمل اكل الرضاعة… وخليه بنفسه يقطعا بالزبالة اللي برة… مو اللي في البيت … وقوليله الحين القطوة بتاخذها… ردي البيت وسويله الحليب ب قلاصه الجديد.
5. وباليل اذا صحى حطي بقلاصه ماي وقعديه يشرب.

واهم شي يكون متعشي قبل لينام… لان ولدج يصحى باليل من الجوع…

واذا في استفسار اقدر اساعدج انشا الله

اولا قلبي شيلي عنه البفك والحلويات
وحاولي تقللي الرضعات اللي يرضعها بالاوقات العادية ولا تعطيه الا بوقت النوم بس خليه يجوع الين ياكل وعوضيه بالحليب الطازج بالكوب او بالمزاز
ولو طلب الرضعة وهو نايم جيبي له بالكوب او بالمزاز لا تعطيه رضاعة نهائي ولو صار يبكي وعاند ويبغيها حطي فيها مره او لزقي حلمتها ( الفتحة اللي يطلع منها الحليب بس ) بلزقة قوية مايقدر يفكها ….

لازم تمنعينه من البفك اللي ما من اي فايده
وانا عن نفسي حطيت المره على راس المميه وتركها ولدي

سويت له حطيت فيها كل شي بس يصارخ ويرفس يموووووووووووووت في المميه ومرات يروح المطبخ ويشوفها فوق السله تكون الخدامه غاسلتها ويجي يبجي ويأشر عليها وقعدت اخشها باماكن مايشوفها بالمطبخ عشان لي دخل يدورها مايلقاها وانا قلبي رهيف يكسر خاطري ودايم الحقه ابي اغديه او اعشيه والله اني مومقصره وياه بس غصب عني وفكرتج حلووه باطبقها ياقلبي ماتقصرين

انا والله ماشتري في بيتي اي بفك او حلويات مرات اخوه الكبير يروح يشتري من الجمعيه ويجيب له بس انا عن نفسي ماشتري ولا احط في البيت لان اعرف اعيالي يخلصونه بنفس اليوم وفكرة المره حلوه وباجرب الزقها والله اعرف ولدي بيفتحها نفس اعواد الدارسين فتحها وطلع الاعواد كلها ورد شربها ياقلبي قلبه والله يعيني واذا صار كل شي تمام والله ابشررركم لان بافرح من قلب وماقصرتوا كويتيات هذا العشم فيكم

اهو ياكله مره باليوم اذا راح اخوه العصر يجيب له بس لاني انا ماشتريه صراحه اعيالي مايخلونه يغضون عليه ولاياكلون انا احاول بقدر استطاعتي مادخل حلويات ولاكاماو ولابفك ابداا وقاعده اجاهد وياهم والله يعيني
والله فكرت المره اكثر من وحده قالت لي والله باجربها اليوم وباشوف ماقصرتي اختي الغاليه

السلام عليكم

امهات بغيت اسألكم متى يشد الياهل؟ انا عيالي اسمالله عليهم عمرهم 4 شهور وللحينهم احسهم رخوييين حيييل وارقبتهم تطوطح

الصراحه بديت اخاف طمنوني بليز

ويصير اوكلهم الحين ؟ وشنو اوكلهم ؟ عشان يشد عودهم شوي

ومشكورين

الله يخليهم لج
انا ولدي 6 شهور ونص وللحين كل اللي يشوفه يقول رخو
ما يقعد بروحه وما يصلب جسمه

لازم تعرضين ولدج لشمس الصبح قبل 9 او قبل الغروب خلي عليه بس التبانه علشان يستفيد من فيتامين د,,,,,,,,

عادي … عيال هل الوقت كلهم جذي!!!!
بس انتي ش لازم تسوين… كل يوم الصبح دهني ب زيت زيتون حق المواليد . انا اخذه من جمعية بيان(الحواي) مكتوب عليه زيت زيتون مخفف… وكل صبح ادهنه ودلكيه… بيستانس … وباليلل سبحيه ودهني بي بي اويل .. وانشا الله لمن يكمل 6 شهور عطيه جلي.. لان فيه جيلاتين .. والجيلاتين زين حق اليهال…
وعرضي للشمس مثل ما قالت اختنا…. ولازم حليبه يكون زين..
وانشا الله يشد

والله وعيالي رخوووين مايشدووون الا على 8 شهوووور عاااااااااااااااااادي

على حسب يالغالية ،
انتي شلون تشيلينهم ؟ اذا من النوع اللي حيل تخافين عليهم ! ويالله تشيلينهم ويالله تحطينهم ودايم منسدحين !
هنيه شوي يصيرون رخوين ، وطبعا بنيتهم اساسا تكون رخوة ،،
فيه جهال تلقينهم من تجيبينهم بنيتهم شادة ومع الشيل ، والمهاد طبعا بالصغر ، واذا شلتيهم ، شوي توقفينهم على رجولهم ،
ولما تسبحينهم اتدهنيهم بكريم جونسن السائل ، او زيت زيتون مقري ولو انه ريحته تبين !
وهيك ،،
عسى الله يخليك لهم ويخليهم لك ويبلغك فيهم اللهم آمين ،

حياتي الكل يشد من ست شهور

واكوو اكل بالجمعية قمح وارز وبسكويت من عمر 4 شهور

انا مع الاخت
اذا انتي من النوع اللي يخاف وايد عل البيبي ماراح يستقوي
و لدي اختي ما شاء الله ليش كله قاطته باييد اليهال يلعبون فيه لعب شد عوده بسرعة
هم عرضيه للشمس وايد زينة

مشكورين ياقلبي ماقصرتووو

وفعلا انا اخاف على عيالي وما اخلي احد يمسكهم اخاف عليهم :

نفس الي بقوله

انا ولدي نفس حالتج كل من يشوفه يقوول رخوو بس انشالله مع الوقت يشد شوي

الظاهر عيالنا من الرخويات ههههه لا اسم الله عليهم

انا قالولي ولاحظت هالشي!!! إنصحوني أدهن البيبي بزيت زيتون وانا من كيفه قلت اكملها بمساج هههه

اول مرة جربت فيه فديته حده انثول هههه لعبت فيه وكانت حزة نومته حسيته نام مرتاح …

مسويتله سبا عشتاو زبوط النقعه هههه اضاء خفيفه وسادحته ومساج برقه وهدووووء تقريبا,,, تالي قلبته على ظهره لان ارقيبته اتطوطح هههه قلت بسويلها مساج من ورا ومابي اطير نومته كان شكله صج مال تصوير اول مره عقبها مو كل مره يخليني العب فيه على كيفي! ساعات ماله خلق… والمشكله ماني فاضيه كل يوم ادهنه واسبحه! نظامي عالمزاج متى ماطق براسي دهنته

ياالله عساهم يشدون بصحة وعافيه يارب

شرايكم نسويلهم تمارين ؟ واحد اثنين ايوا ايوا

حلووو كلامكم استقدت

حبيبتي لازم تنقزين البيبي شوي شوي عشان يشد من نفسه هذي المعلومه خذيتها من رفيجتي

مشكورييين حبايبي ان شاءالله بسوي اللي قلتو عليه

اورنيجيا

لووووووووووووول حدج ضحكتيني على ولدج يحلوه الله يخليه لج

شلونكم بنات

ابي اسألكم اذا عندكم بنت صغيره شلون تنظفون الأماكن الحساسه لها

ابي اجاوبكم بالنسبه لي عندي بنتي عمرها تسع سنوات فكرت وايد وتعبت من التفكير لما جربت ماكينة براون ماقدرت تتحمل اصلا آنا ماقدر اتحملها فكرت بالكريمات خفت يسمر المكان آخر شي لجأت حق الشيره بعد معاااااااااااااااااااااااااناااااااااااااااااااااا ااااااااة وايد تعبت على مانظفتها بعد عمري وايد تالمت بس درت بالي شويشوي واقنعتها ان الشيره تنظف عدل تشيل الشعر من البصيله ومايطلع الشعر بسرعه لما خلصت حممتها عدل مدل وسويت لها حمام بخار حق شعرها بعدها نشفتها وحطيت لها كريم وبودر وعطر وملابس نظيفه ارتاحت واستانست من النظافه قامت بعد عمري تبوس راسي وهذي معاناتنا كل شهر

عطوني رايكم انا بانتظاركم

لا يا قلبي غلطاااااااااااانة

تسع سنوات وتشيل بالشيرة
احنا ما عرفنا الشيرة الا بالثانوي
والله اذكر امي كله تقولنا عيب عيب

وكانت تعطينا الموس او كريم ايماك بس انا افضل الموس

وانا عن بنتي عطيتها موس تنظف فيه المنطقة وعلميها انها بعد كل حمام تنشف المنطقة عدل وتحط زيت اللوز فرغيه لها
بعلبة رعاص مثل جيرجنز

وسلامتك

سوووري بس 9 سنوات يطلعله شعر؟؟

مادري انا ناسيه

بس ماله داعي الشيره حرام صغيييييييييييره حليها عالموس حاليا

اي حرام خليها تجرب شيء غير الشيرة توها صغيره

انا مع كلام اختي عسوله ودلوعه حرام البنت صغيره حيييل
ماعرفنا هالسوالف الا بعد البلوغ
وربي يخليها لج ياعمري

بنتج عنووووونه

حبيييبتي ،، اشلووون تحملت العوااار اسم الله عليييها

بس ،،، عمرها 9 سنوات وفيها شعر ؟؟؟

اهيا بالغه ؟؟؟

الصراحه اخاف عليها من الموس صعب خطر واصلا الموس يكثر الشعر معروف ويطلع خشن حيييل ويطلع بسرعه ويسمر المكان ولما يبدي يطلع الشعر ياكلج هذا كل اللي سمعته واهي تنشف عدل معلمتها الحمدالله بس النظافه حلوه

اي والله عمرها تسع سنوات وآنا مستغربه من هذا قبل كنا بهالعمر موجذي بس الزمن تغير مع ان ماناكل وجبات سريعه
ومشكوره على مرورج وردج يالغاليه

اهي موبالغه بس ماادري مبجر مو والله قصب تحملت العوار بعد قلبي

سوري حبوبة بس انتي غلطانة

تدرين ان الشيرة تسبب نزول الرحم

الحين احنا حريم وقاعدين انحاول بطرق غير الشيرة

ولا تقولين امهاتنا كان يستخدمونها ومافيهم شي

الزمن تغير حتى احنا ماكان يطلع لنا شي الا بالبلوغ او قبله بشوي

نصيحتي اذا تبين النظافة بدون ما تضرين ابنيتج خليها تستخدم الكريمات احسنولا تعودينها انج انتي الي تنظفينها لان باكر تكبر وهاذي عورة ما يجوز تتكشفين عليها حتى لو انج امها

وسامحيني على كلامي بس هذا رايي

حراااام توها صغييره
على الاقل ختروح المتوسط
جذي تفتحيين عيونهاا مبجر
الله يخلييها لج انشالله و يحفظظهاا

واي من صجج شيره

حبوبه اشتريلها مكينه نسائيه على بطاريه المخصوصه حق هالاماكن بس مو اللي تسحب مثل الملاقط لاااااااااااا

المكينه اللي تقص الشعر تخففه فهمتي عليي وهالمكينه ما تجرحها مثل الموس وخليها بروحها تسوي هالشي

مقص تخففه
او مكينة حلاقه الي تخفف مو الي تشيل الشعر من جذوره

مو داش مخي هالموضووووع

لا والله حرام@@

حبوبه تو الناس عليهاااا من اللحين تحاتينهاا؟؟؟

خليها لما تكبر ويصير عمرهاا فوق 15 يالله تشيل هالمنطقه؟؟

ومثل ماقالوو لج الاخوات خليهاا تقص هالمنطقه بس مو تنزع الشعره؟؟

شكلج عذبتيهااااااااااا ههههههههههه@@

الله يخليلهااا لج ان شاء الله$$

السلام عليكم بنات اشلونكم
انا غيرت حليبة ولدي من امس من ابتاميل لي نان1 عمرره 3 اشهر بس اليوم لاحظت ان ولدي في امساك شسوي بنات
وشنو افضل حليب وهل نان يسوي حق الياهل امسام بليز ردو علي

هلا اختي

يختلف من طفل الى طفل

انا بنتي ماشي وياها نان

بس انتي ليش غيرتي الحليب دامه ماشي معاه

بيبتي كلش ما يشرب ابتاميل شكله مو حابه عادي يظل ولدي 6 لي 7 ساعات ما يشرب كلش واذا شرب يشرب رقمين واذا كثر 3 وولدي خلص 3 اشهر المفروض 150 يشرب

انا ولدي عمره شهرين وحليبه نان

صراحة حلو لا غازات حتى ما فيه امساك يمكن انتي لان توك مغيرة الحليب عشان جذي امساك

وخفيف الحليب مو دسم حتى رغوة ما فيه ما يكون ثقيل على المعدة

انا هذا رايي

انا ما مشي معاي نان حده خفيف والياهله ماتشبع منه و3 رضعات وري بعض تبي تشرب وايد تاذيت منه
والامساك تري عادي طبيعي اذا غيرتي الحليب يصير امساك عطيهاا عصير برتقال مو مركز يعني زيدييه ماي

ابتاميل زين وكنت الفترة الماضية استعمله لحد ما سمعت بنوفولاك من احدى البنات لان بنتي احيانا يجيها غازات
امس غيرت الى نوفولاك
واشوف الامور طيبة وبنتي نامت بشكل افضل
انتي نطري شوية بعدين قرري

يختلف من طفل لطفل

انا بنتي ابتاميل وماشاءالله لاغازات ولا شي يهبل …

واختي تعطي بنتها نان تقول غازات

جربي نوفولاك حبيبتي
واااااااايد زين وفي نوع
خاص بس حق الامساك
وعن تجربه وطعممه حلوو
واليهال يحبونه لان طعمه
على فانيليا

بنات انا استخدم لولدي سيميلاك غازات فيه بشكل فظيع وامساك قوي ومايتقبل الحليب مايكمل رقم واحد وعمره شهرو خمس ايام شنو تنصحوني فيه نفسي اغير حليبه ابيه يسمن وصحته زينه

حبيبتي انتي تقولين مايكمل رقم واحد المسكين
موحابة وفوق هذا كله غازات وامساك حرام عليج
لاحق عالمتن وانشالله من يبتدي توكلينه راح يمتن
شالفايدة متن على غازات والله الزم ماعليج صحة ولدج
اذا مايشربة حرام غيريه عطيه نوفولاك والله عجييييب
وانشالله يطيح على ولدج بس انا ملاحظه ابتاميل ولدي ماحبه
ووايد يهال بعد ماحبوة مادري ليش احسن شي نوفولاك

انا اعطي ولدي بيبيلاك … والدكتور قالي زين … بس هم ارضعه من صدري …

ماشي الحال بس هم يسويله غازات … ومغص …

مادري شنو اعطيه …

فعلا نبي تجاربكم

اس 26 وايد زين وابتاميل ماجربته بس سمعت كثير يمدحونه

انا توني مغيره حليب بنتي

من نان الى بيبلاك

الدكتور نصحني فيه

حبيبتي انا عيالي اثنينهم على ابتاميل والله روعه خليج عليه وابعدي عن نان