التصنيف: طالبات كويتيات

السلام عليكم و رحمه الله وبركاته
ششششلونكم بناااات يا كويتيات
:eh_s (7):

انا انشاءالله بروح الصف التاسع و ابي اصير شاطره و اجمع درجات حلوووه
يعني شلون ابي اسوي جدول ارتب امورري انا الصراحه ودي اصير شااااطره يعني ودي ينادوني يا المصرررريه علشان استانس انا ودي اذا كبرت اصير محاميه تكفوووووون ساااعدوني
اذا في بنت كانت عاديه و صارت شاااطره قوليلنا شلون و صليتي حق هذي المرحله
بليييييز

يلي تعلمني شلون والله راح ادعيلها بكل صلاتي و قوليلي شنو ادعليلج يعني تصيرين دكتوره مثلا

لاتنسوووون ابي الردود الله يساعدكم يارب

اول شي حبيبتي لازم تحافظين على صلاتج سبحان الله اذا حافظتي عليها تنظم وقتج وعليج بالدعاء ورضا الوالدين ~ ..
ثاني شي لازم تدرسين اول باول واذا انت من النوع اللي ما يحب يدرس يوميا خصصيلج يوم مثلا بتدرسين المادة الفلانية و المادة العلانية ولا تقولين مالي خلق او بعدين او لاحقين عالامتحانات عشان لا يتكود عليج وخلي عنج نومة العصر لان صج صج تخلي يومج يروح عليج وانت ما سويتي شي << مجربتها ): و اكلي اكل صحي ومفيد يعني مكسرات فواكه عصائر طازجه وبس اتمنى انج استفدتي ~~ وما ابي منج الا الدعاء

والله يا حياتي شوفي لازم صج اتغيرين من نظامج انج من داخلج اتقولين انا شاطره انا جبت امتياز وان شاء الله بجيبها مره ثانيه انا قدها وقدود ><لازم يكون عندج حافز عشان توصلين للنتي تبينه >

بعدين اول ما تروحين المدرسه اكيد بيعطونج واجبات وبيعطونج معلومات مهمه فا تكتبين كل هذا بورقه عشان ماتنسين

بعدين تردين وتصلين وتاكلين وترتاحين اشوي يعني نص ساعه او بالكثير ساعه = بعدين تحلين واجباتج كلهم اذا خلصتي طبعا اكيد بيأذن الاذان العصر حتي لو انتي تحلين قومي صلي بعدين كملي حل واذا خلصتي ذاكري شنو خذيتي اليوم خصصي للمواد الصعبه ساعه يعني مثلا الرياضيات ساعه يعني اي ماده اتعانين بصعوبتها تذاكرين لها وتعطين للمواد اهميتها لانه اكيد لا داومتي اليوم الثاني بتسألج الابله شنو خذينا فاتكونين انتي محضره ودارسه وطبعا لا تنسين الصلاه والدعاء لله سبحانه وتعالي قادر علي كل شي وان شاء الله باذن الله تعالي بالتوفيق وللهدف اللي تتمنينه يارب

ولا تنسيني بالدعاء ان ربي يووفقني واوصل للي اتمناه واني احقق طموحي يارب واجيب النسبه اللي اتمناها يارب ><

لازم تدرسين واطلعين عيونج مع الابله وركزي عدل ولا تتلفتين يمين ويسار وسوالف جانبيه بالأوراقوكل يوم حضري والله الابلات. يستانسون حتى لو الابله ماقالت لج سوي أوراق اطبعيها بالبيت عن الدروس واي شي تكتبه الابله بصبوره كتبيه مثلا الرياضيات. عشان لاتنسين طريقة الحل واكتب يهم بالوراق الصفرا ولزقيهم بدفتر عشان تتذكرين هم
وادعيلي ألقا لي رفيجات هسنه. لأني بروح الثانويه ومدرسه جديده مااعرف فيها ولا احد

السلام عليكم

انا خلصت تاسع والصراحه انا يبت اعلى نسبة من دشيت المتوصط بتاسع لاني كنت بالسنين الي طافت مهمله بس لمن دشيت تاسع كان عندي هدف انه اذا يبت درجه زينه بيشترون لي اهلي تيلفون يديد
وبعد انه ابي اتدرب قبل لا ادش الثنوي عشان اكون مستعده

فشنو سويت اول شي حطيت هدف بعدين قلت حق نفسي ابي اقعد اول وحده يم طاولة الابلة عشان انتبه
وصج هالشي ساعدني وااااايد مو شوي لانه اكون مركزة وياها وتكونين قبالهاا
ولا تنسين الصلااااة المداومة عليها
بعدين قمت اسوي كل شي اول باول يعني واجباتي ودروسي
وقبل الامتحانات اسوي جدول ادرس حتى لو نص الكمية او الدروس الي مو فاهمتها عشان ما يتكود علي واسئل
واهتمي بصحتج يعني لا تضغطين على روحج وايد لانه بعدين بتملين وبتهدين كل شي فخصصيلج بنهاية الاسبوع تستانسين فيهاا
وان شاء الله تيبن النسبة الي تبينها
بس تراا تاسع سهههههلللله اذا درستي عدل بتيبن النسبة الي تبينها ^_^
واي سؤال انا حاظرة
وادعيلي هالسنه ايب نسبه زيينه

حتى انا بروح تاسع بس ترى الكل يقول سهلة انتي بس شدي حيلج وانشأ الله تتفوقين وركزي مع الإبلة وادعيلي اني اتفوق بتاسع &#55357;&#56908;&#55357;&#56908;

آمبي والله تآآآسسسع سسسسهههلة بس الانجليزي والرياضيات درسيه اول باول
واذا بتصير شاطرة دشي هالرآبط
https://www.q8yat.com/t1087996.html

وادعي لي وللبنآت تكفين ها

حمدي ربج انتي بتاسع والله العظيم احلفلج انها اسهل مرحله مرت علي وربي سهل خاصة الانقليزي والعربي والاجتماعيات وعلوووم يجننننننننن انقليزي السيت بوووك من اسهل مايكوون والقواعد سخيفه وبعدين عادي تقعدين جدام ورى عادي انا اقعد ورى وشاطره ولا بعد اضحك واسوولف عادي والابلات يحبووني لأني شاطره وياهم واشارك مرات معاهم واتغشمر وياهم وكل يوووم ابتسم عادي خاصة ابلة الانقليزي الله يذكرها بالخير والله اطيب ابله انتي بس ذاكري اول بأول وداومي على الاذكار والصلاة وماتحصليين الا كل خير ربي يوفقج ويوفقنا احنا بعد بعاشر الله يعينا

ابب

بقؤؤلج حبيبتي بنت خالتي كان مستواة عاااااااااااادي يوم دخلت تاااااااسع تفوقت وانا اقولج نظظظمي جدولج مثل يبيلج ورقة وكتبي فيها الايام ولصقيها بغرفتج..واحفظي عدل مدل والعربي الابيات تحفظينهم قبل الابلة حلؤ..
وتشششششاركين اول باول وتدرسين وتحضرين الدروس اول باول..
وخليج مصصلحة مع الابلات سؤلفي معاهم ابلة شلؤنج ابله نحضضر هذا الدرس وصدقيني بتتفوقين..وبالنسسبة الامتحانات اذا سويتي هذا كلة تكونين بالامتحانان ضامنة الدرجات كاملة وبعدين اختي تفوقت بتاااااااااسع وتقؤل تاسع مايبلها شيء تااافها مااااااااااااااي
واتمنى لج التوفيق يارب..ولاتنسسسينا من صالح دعائج حبيبتي؛*موفقة..

البناات ماقصوواا والله يوفققج وتصييريين مصرييه

وعليكم السلام ..
شي حلو ان عندج إراده وتبين تصيرين شاطره ..
اول شي رفيجاتج ..ترا الرفيجات يأثرون وبشكل كبير ..حاولي ترافجين شاطرات والاهم يكونون محترمات ..
من اول يوم اكسبي ابلاتج ..حلي كل الواجبات حتى لو خطأ حلي عادي ..عشان تدري الابله انج مهتمه ..
كل واحد وله طريقته بالدراسه ..الطريقه الي مشت معاي ممكن ما تمشي معاج ..فأنتي حطي لج طريقه ..
وبالتوفيج يا المصريه ..

شئ حلو انه يكون عندج هدف .. ترا الانسان حلاته يكون عنده هددف
والله حلاوة التفوق حلوه يعني صج لها وناسه غيير
شوفي انا نسبتي عاليه الحمدالله وشخصيتي حلوه واضحك واستعبط والبنات كللهم يحبوني الحمدالله يعني مو لاوزم شاطره خلاص ما تتكلم او تضحك لا بالعكس
وانا متأكده انه انتي تقدرين تتغيرين لانه عندج اراده
* اول شئ الرفيجات لههم اثر كببير عليج رافجي الشطار الزينين وراح تتحدينهم وودج تصيرين نفسهم
* والصلاه والدعاء هاذا اهممم شئ ادعي انه الله يوفقج
* اقعدي جدام وراح تنتبهين مع الابله دربالج من ورآ !
* حضري حق درس باجر
وبععد في مواضيع وآيد عن هالشغلله
سووي سيرج
يآ رب تتوفقين وتصيرين مصريه

الله يوفقج يارب

بالتوفيج حبوبه
والله انا كنت ادبي ولا اساعدج

يـابعد عمري ما تقـصرين

والله ودي اساعدج بس انا المعلومات اللي بالثنويه انمحت كلها ههههه

بس نصيحه ليش ما تدقين عليه وتخلينه يعلمج ؟

وكتبيها الطريقه عشان ماتنسينها

قوليله نسيت عادي ما اتوقع يقول شي

وموفقه ياقلبي

هـلا لـودا شـلونج حبيبتي؟
مشـكورة حبيبتي على ردج بس المشـكله ما اقدر ادق عليـه

حسـافه عاد خوش طريقة كانت انا شكلي بييب مدرس ثاني بس عشان هالطريقـة

كان ودي افيدج بس انا ادبـــــي

عادي دقي عليه ويقولج الطريقه بالتليفون ^_^

مرحبا

حماتي بعاشر وتبي تسوي برزنتيشين ومو عارفة شنو تسوي

شنو تنصحوني اقولها ؟؟

شووفي هالموضوع وان شاء الله يفيدج..
https://q8yat.net/showthread.php?t=22…t=%DA%C7%D4%D1

السلام عليكم ،،،،

شلووونكم خواااتي الحبيبااات ،،،،،،،،،

في أحد ماخذ دبلوم إعداد تربوي مابعد الشهادة الجامعية ، بغيت أسأل شنو مواد الدبلوم التربوي ؟

شنوو هذا الدبـلوم ؟؟

الدبلوم هذا لحملة الشهادة الجامعية من غير كلية التربية وحابة ان تكون مدرسه ،مثال خريجة الشريعه شهادتها عند وزارة التربية اذا تبي تصير مدرسه غير تربويه تحتاج الى دبلوم تاخذه في كلية التربية اسمه دبلوم اعداد تربوي

اهااااااااااااا

على بالي حق المدرسات ناخذه زود ويزيد المعاش بعدين
<<< اهم شي الفلوس لوووووووووووووول

عاد لو في ومضبـوط بقول حق وحدة من رفيجاتي
بالآداب تدرس انجليزي
وبتصير مدرسة انجليزي .. وتخاف انه مايقبلـوونها لأن ما درست الاعداد المهني

عطونا جوااب تكفووون

عطوني رقم ادراه الجامعه

قـــــــــــــــــوه ..

بنآت بغيت اسألكم متى امتحان القدرات و الدوره متى يبدأ التسجيل فيها ..؟؟

سوري ماعرف والله

اتوقع 18-11

ابــ …}~

التسجيل 18-11 الاربعا
والامتحان 26-12

والله يوفقنـــا

دشي على موقع الجامعة

السلام عليكم

شلونكم بنات انشالله بخيرر

بدش بالموضوع على طووووووول

انا سمعت هالسالفه من اختي واهي مدرسه وقالتلي انه النسبه تغيرت مال الصف الحادي عشر من 35 الى 25

هل صحيح هل الكلام؟؟؟؟؟؟؟

والله ماادري بس ياريت تسألين اختج وتقولين لها الدفعه الي طلعت من الصف الحادي عشر كانت 35 تتحاسب على انها 35 ولا على النسبه اليديده؟؟

حبيبتي انا اللي اعرفه

من خالتي مدرسه اولى رياضيات

تقول ان

العاشر صار 10 %
والحادي عشر 40%
والثاني عشر 50%

وهم قالت ان في مواد شالوهم من عاشر عاد شنو المواد ماادري

اي انا مثلج والله مو عارفه التفاصيل بالضبط

لان اختي الصغيره بتروح 12 وماادري اذا طلع هالحجي صحيح هل يمشي عليهم النسبه اليديده ولا لا

لكن انشالله بدق عليهاا باجر وبشوووووف

بس انا حبيت اعرف هالسالفه احد سمع فيها ولا لا

ومشكوره حبيبتي عالمرور

لا واللـه انا ما سمعت فيها

وانا بعد رايحه لـ 12 ان شاء اللـهـ

نسبه عاشر 5 %
والحادي عشر 35 %
والثاني عشر 50%

هذ1 اللي نعرفـه لحد اللحين

انا مااسمعت هالكلام وبنت عمي مدرسه بالثانويه ماجابت لي طاري انهم غيروا النسب ولا شي..

اللي اعرفه على دفعتنا.. وانا هالسنه بروح 12..

ان عاشر>> 5%

11 >> 35%

12 >> 60%

ميس نونا

انتي مخربطه اكييد قصدج >>

12>> 60% ^_^

ايي شييييييي
زين واحنا 12 شنو بيتطبق علينا

واللـه ما ادري اللي اعرفه ان 12 –> 50%

واول مرهـ اسمع بالـ 60

اي حبيبتي 12 نسبتهم 60%

لان عاشر 5%

و11 نسبتهم 35%

اجمعيهم حبيبتي المجموع لازم يصير 100% لانه هذي نسبه

عشان جذي 50%غلط

لكن مادري اذا غيروو النظام

10 >>>> 5%

11 >>>> 35%

12 >>>> 60%

فوشيه حبيبتي احنا ندري انه هذي النسب

لكن الاخت روز تقول سمعت انه النسب متغيره

اي انا سمعت انها تغيرت اختي اخصائيه والناظره قالت لها ان عاشر صاارت نسبتهم 10 بس نسبت جم نسبة الحادي عشر والثاني عشر

وانا بروح 11 فحبيت اتأكد مثلكم ودشيت موقع الوزاره وطلع ان عاشر >>20
والحادي عشر >>30
و 12 >>50

والله اعلم
وقالوا ان راح تتوزع عليهم نشره بخصوص هالشغله والشغلات اللي تغيرت واذا وزعوا ع اختي بقولكم
واللي سمعته ان عاشر شالوا منهم مادة الدستور

اي والله صاجة انا الحين بطلت موقع وزارة التربية بشوف صج هالسالفة والا لا

السلااام

بختصاار عندي مشكله

انا كنت 11 علميي ولانه كنت تعبانه

قلت احول ادبي لانه على قولتهم سهل ومايبييله شي

ويوم حولت ماعجبني كلللللللللللللش مااتاقلمت معااي

وودي ارجع للعلميي واخااف ان الاداره مااراح ترضى ومييته ابي علميي

قولولي شسوي

حبيبتي انتي الحين اي صف 12 ولا 11 ؟؟

حبوووبه ..

أنتي روووحي للأداره وإذا وافقوا كان بها ..

وإذا ماوافقوا "أمرك لله" ..

استخيري حبيبتي يمكن خيره لج الادبي …

اي واله يمكن خيره
و عسا ان تكرهو شي فهو خيرا لكم ماتدرييين حبوبه
الخيره فيما اختاره الله و الأدبي سهل ماعليج انتي داومي على طول و شدي حيلج

استخيري..

والله يسهل دربج ويوفقج يارب..

بوضح العنوان..

^_^

شكلج وايد مترددة ..

يا بعد جبدي شنو شتسوين؟

ماكو طريقة إلا انج تروحين الإدارة

روحي حق شؤون الطلبة وقوليلهم بحول ما قدرت اتأقلم ومن هالحجي

أتوقع ينقلونج لأنه اهما اساساً يبون البنات يروحون علمي
وايد بنات انحاشوا راحوا أدبي

عندج واسطه ؟

روحي وكل شي يمشي

بس استخيري قبل

روحي قبل يروح الوقت عليج

عقب بيحطون عذرهم الوقت

هااي بنات شلونكم ؟
بليييز ابي مسااعدتكم : ( ضروووووووووووووووري حق الصبح احتااااجله

أبي تقريرعن مركز العلمي
تقرير عن رحلة أقمتي بها الى المركز العلمي
________
بليييز بناات ساعدووني
مشكووورين

.
هايات

غمضي عيونج تخيلي انج رحلتي رحلة وكتبي وخلصت وملصت ويت الدياية وعنفصت !

up
up

حآضر من عيووني ..!

,

عند تمام الساعة التاسعة صباحاً انطلق بنا باص المدرسة الى منطقه السالمية وتحديداً الى المركز العلمي , للقيام برحلة استكشافيه لهذا الصرح الكبير , كان عددنا 23 طالبة وكانت ترافقنا معلمة اللغة العربية " ضبطي الابلة ما وصيج " , وقمنا بزيارة الاكواريوم حيث شاهدنا انواع كثيرة ومتعدده من الأسماك ذات الاحجام المختلفة وجلسنا نتأمل قدرة الخالق عزوجل , وحدثتنا المحاضر عن طريقة تكيف الأسماك في هذه البيئة الاصطناعية وتلقينا معلومات جديده وشيقه زدات حصيلتنا الثقافيه , وقمنا بالاستطلاع على المركز ككل في جولة سريعة للتعرف على المرافق الموجوده في المركز واستمتعنا بالرحلة المفيدة وعند الساعة الحادية عشر والنصف ظهراً رجعنا الى المدرسة بسلآم وقمنا بشكر معلمتنا الفاضلة على هذه الرحلة الهادفه الممتعه ,

موفقه حبيبتي =)

ما عرف شنو اسوي بالتقرير شنو انحط تاريخ والتوقيع ما اعرف شي
لااازم اسويها عندي شفيفه ذااك المره نسيت وسامحتني وناااو مادري شسوي :'(

مشكووووووووووووووووووووووووووووووووووووووووووووووو ووووووووره
ههههههههههههههههههههههههه حااظر انشالله

.
آلعفووو آخيتي =)

.
اي صج جنه تحطين التاريخ ..!

واخر شي حطي اسسمج !

هههههههههههههههه أي بحط مرسي حيااتي على الموضوع أكره شي بحياتي اسمه موااد أدبيه : (

..
الله يعينج ^_^ وتفتكين من المدرسسسه !

alläh y3eèn

لؤؤؤؤؤؤؤؤؤؤل نفس واجبي أخـاف اعرفج بس

قوه كويتيات ….
بنات انا اخوي نسبته 74 يصير يدش التربيه الاساسيه …
وشنو التخصصات الموجوده….
ويصير اذا شد حيله وجاب معدل يقدر يحول جامعه الكويت؟؟؟؟؟

ااذا علمي يصير واذا ادبي ما يصير اقل من 75

و مافي تحويل من التربية االاساسية لي الجامعه

انزين الحين كلش ما يصير يدش تربيه اساسيه اذا نسبته 74

امبلا يحول من تجاري يعني ياخذ كورس بالتجاري بعدين يحول للتربية الاساسية

لا حبيبتي ما يصير كلش يدخل التربيه حتى لو نسبته 74.99 ما يدخلونه
لازم نسبته 75 هذا للادبي اما العلمي مادري والله

لاني اعرف وحده نسبتها 74 ونص مادخلوها وراحت التجاري

التربية الاساسيه
ادنى نسب القبول
العلمي 70 %
الادبي 75 %

يعني ماراح يقبلونه ..

و ماكو تحويل من التربية الاساسيه لي الجامعه ..

بس اذا يبي يدش التربية الاساسيه
يقدر بطريقه ثانيه
انه يسجل بالتجاري
و ياخذ كورس فيه مواد سهله وخفيفه
و لازم يخلي معدله 3.50 عقبها يحول تربية اساسيه
وانشالله يقبلونه

=)

قوه بنات الي بمدرسة فاطمه عبدالملك بصباح السالم
مسائي وينكم عشان اشوفكم

اب اب