الوسم: الموظفات

السلام عليكم

تكفون البنات الموظفات بدعم العماله تكفون ابي خدمه بسيطه منكم

اللي بدعم العماله تعلمنى او تدر رساله خاصه ومشكورين

مافي احد

السلام عليكم

بغيت اسألكم شلون نظامكم مع اهل ريلج
يعني كل يوم تنزلين عندهم ولا يوم وترك ولا محددين ايام تنزلون تحت …
تتقهووون وسوالف وتصعدين شقتج ولا كل يوم تتعشين معاهم يوميا…

اول ايام عرسي كنت انزل يوميا عندهم واللحين ماقمت انزل وايد
مادري اللي اسويه صح ولا لازم انزل يوميا .. وان نزلت ما اطول واذا طولت ساعتين
بالكثير وصعدت شقتي ..
اهل ريلي حبوبين وخالتي وعمي ينحطون عالجرح يبري .. الحمدلله يارب …
ما ابي اكون مقصره معاهم ونفس الوقت مااحب اكون ثقيله علي احد ..
والله يقدرنا يارب علي طاعته

عفياااااااا بنااات ابي مشاركتكم بشوف الاكثريه شلون نظامهم مع اهل ريلهم ….
خاصه اذا اهم زينين معاج….

.

انا مرات اذا العشا فوق و حمآي مو موجود آتعشى فوق !
بس الغدآ من الـ آحد ليه الـ خميس > كلا آكل بالكليه لأني آدرس !
لمآ آرد يشيلون لي غدآ

و ايام العطل على حسب حمآي
اذا مو موجود بالبيت يدزون لي مسج على طول آروح آقعد آتعشى و لا اتغدى
لمآ ايي حمآي آنزل شقتي

انا مانزل كلش ملش دوام وحمال وتعب امر عليهم بدشة وطلعة واقعد بوساعة اوساعتين وبس هذا اذ طلعت

للحين ماصار العرس لين صار بقولج

لاني بسكن عند حمولتي ان شاء الله وهم مووظفه ~

سوي اللي يريحج بس لا تقطعين

متى مافضيتي نزلي يوم وترك قعدي ساعة بالكثير ويوميا سلام واشلونج خالتي وشخبارج

بس اذا اقدر وانا راده من الجامعه او وانا رايحه ادش اسلم بس واطلع بدون قعده وسوالف

لكن القعده والمجابل كل يوم لأ بس يوم يمعتهم

الا اذا متيمعين وانا حاسه بملل ادش عادي

بس عادي يمر اكثر من يوم ومايشوفوني

لكن على حسب حمولتج اذا كانو من النوع الي عادي عندهم او يطنقرون

انا عن نفسي أنصحج لا تعودينهم كل يوم تنزلين عندهم خصصي يوم تنزلين عشان لا يتشرهون عليج اذا صار عندج ظرف ومارحتي لهم لا سمح الله

حتى لو حبوبييين نصيحه انتي راح ترتاحين ولا راح تحاتين

على حسب اذا كانوا زينين وعادي مايعلقون على كل شي ,
اما اذا مايعجبهم العجب حاولي تنزلين عشان زوجج بس وعشان تتحاشين القيل والقال ,

انا كانوا يقولون عني شايفا نفسي وانا اصلاً كنت ارد من الكليه تعبانه :/

اب اب

ماكو حموله

بس اتوقع براحتج اذا عندج وقت قعدي وجابلي اذا لا عادي بس بعدين تكلمي معاهم انه ترا ماكو وقت وجذي واهم اكيد بيعذرونج

شوفي حبيبتي حمولتج لا تقصرين معاهم مهما كانو ولكن كل وحده وضروفها وطبيعة حمولتها والحين اغلب البنات يا دراسه يا دوام ولكن لابد انه فيه وقت تخصصينه للنزله عند حمولتج وخاصة عند خالتج ام زوجج حسسيها باهتمامج فيها حتى لو كان عندج شغل قعدي شوي تقهوي معاها وسولفي معها وكل يومين اوثلاثه نزليلها حلو اوكيك اوجاي وفهوة من صنع ايدج ترى الخاله تستانس لا شافت جنتها هابت ريح وراح تريح ولدها اللي اهو زوجج وخليج انيقه وذربه بس بدون بهرجه وتصنع علشان ما تصرين جنج عروس المولد وتصير نزلتج لهم متعبه ومكلفه عليج ومن جذيه مع الايام تتكاسلين من النزله عندهم والسبه كثرة البهرجه باللبس والمكياج وخلي قعدتج خفيفه وبعدين استاذنيها لان عندج دراسه او ترتيب وتنظيف شقتج او بتروحين مشوار وتردين
ترى مو لازم انج تبسطين كل اليوم عندهم خليج خفيفه ترى حتى الحموله تحتاج انهم ياخذون راحه لان قعدتج عندهم طول الوقت راح يتثاقلونها وبنفس الوقت مو تسحبين عليهم بالايام ما يشوفونج وكله قاعده بشقتج لاتنسين ان الاشهر الاولى هي الاصعب بس لا قدرتي انج تعودين نفسج راح تكسبين رضاهم فهو مكسب لج ولتربيتج وسمعة اهلج اللي قدرو يربون بنيتهم على السنع والله ان القعدة مع الحموله اللي الله هاديهم راح تشوفونها من امتع ايامكم بعد ما تطلعون لبيوتكم ان شاء الله تعالى

انا حسب ظروفي
وبالمناسبات اكيد

على حسب الوضع

up

up

هااااااااي بنات شلونكم

بما ان توه طلع اسمي بالديوان وقريبا انشالله راح اداوم
ودايما اسمع من الناس ان بالدوام راح اشوف اشكال والوان من البشر
و ان لازم ما احتك وايد مع اللي معاي و تكون علاقتنا محدودة و من هالحجي
وانا الصراحة وايد اجتماعية و غشمرجية و ما اقدر اقعد و ما اسولف احس اني مليقة و دمي ثقيل و معقدة هههههه
يعني ما ادري اشلون قاعدة جني طرمة و كل كلمة بقطها بحسبلها الف حساب قبل والله اموت انبط

المهم و الزبدة
اتمنى تقولولي و تنصحوني شنو اهم شي لازم اخذه بالحسبان
و احط بالي منه عدل مدل و ما ادري شنو بعد انتوا اخبر
و شلون اتعامل مع الناس بمختلف انواعهم

اتمنى الكل يستفيد من الموضوع خاصة اللموضفات اليدد

وشكرا مقدما

لا تعطين سرج لاي احد

لا تصيرين طيبه زياده على اللزوم

خلج شوي غامضه لا تطلعين سوالج من او شي

لا تخالطين احد الا لما تعرفينهم عدل
الشغل الي يعطيج اياه المسؤل بس هو الي تسوينه محد يعطيج شغل غيره
ولا تتكلمين عند اي وحده لابالزين ولا بالشين اغلب البنات ينقلون الكلام
واجد اشياء بس هذول الي اتذكرهم

نسيت اهم شي الف مبروك على الوظيفه داشه حاميه سامحيني

مشكورة غلاي غير و الله يبارك فيج
عاد انا وايد على نياتي و احسب كل اللناس مثلي
و عادي اذا توني متعرفة على وحدة اخرلها كل اللي بقلبي

بس صج استفدت من كلامج وايد و راح اكتب كل النصايح بورقة و الزقها على الباب عشان كل يوم اشوفها بالروحة و الردة لمن اتعلم و يكونون على بالي مو انسى و اصير غشيمة <<< اهئ اهئ اهئ حالتي متأزمة

يلا يا بنات هل من نصائح اخرى

انا مو موظفه .. بس مادري احس تكونين علي طبيعتج احسن وواثقه من نفسج

والله يوفقج ان شاءالله

ياليت الوحدة تقدر تكون على طبيعتها بدون لا تواجه مشاكل
خاصة انا من كثر ما انصدمت بالناس قلت لازم اخذ الحذر لان هذا المكان راح اكون فيه تقريبا طول عمري فما ابي مشاكل انا في غنى عنها
و كلام اختي غلاي غير كلا عدل
يعني اذا صرت وايد طيبة راح اكون مغفلة فلازم اكون واعية
وهم في ناس تستغل طيبتج و تخليج تسوين شغلها و اهي تطلع عذر و انتي تصدقينها
وهم مو حلوة كلمن يعرف اسرارج
و هم الكلام بالزين والشين بين البنات لان صج في ناس تنقل حجي و تزلغ وايرات
و اصير انا المنبوذة حتى لو كان قصدي شريف و انا اتكلم عن وحدة

لوول

انا مو ضد كلامها بالعكس كلامها سح مو اي شخص يعرف عني كل شي او اطيح الميانه معاه وشكو اخذ شغل غيري.. واهي مجربه و ادري اكثر مني

بس قصدي اخذ واعطي عشان محد ياخذ عني فكره متكبره او يكرهوني لان علي قولتج هالمكان بظل فيه طول العمر .. مااكره الناس فيني ولا انا اكرهه ..فهمتي قصدي حبوبه @@

وبرد اقول الله يوفقج وان شاءالله ترتاحين بالمكان وطيحين بناس حبوبين ومحترمين

تسلمين حبيبتي و يوفق الجميع
اكيد انا معاج ما توصل لي درجة اكره الناس فيني
بس امسك لساني شوي لاني وايد اعاني من هالشي اللي بقلبي على لساني

الف مليون مبرووووووووووووووووووووووووووووووووك

اختي غلاي غير كلامها صحيح

عاد انا نفسك كله اسولف واضحك مااعرف اسكت

المشكله هاللسان يبي له ربط ههههههههههههههههههههههههههههه

موفقه ياقلبي

الف مبروك التوظيف

انصج

تبرزين نفسج بالشغل حاولي تبدعين علشان تثبتين وجودج

اذا وصتلكم نشرة لأي دوره اشتركي فيها

لان الدورات تفيدج تتعلمين منها وتفيدح للشغل وعليها شهادات وراح تنحط في ملفج وتفيدج للترقيات

شاركي الموظفات اللي معاج تعاوني معاهم بس بحدود طاقتج

لا تجاملين زميلاتج على حساب نفسج لان كثرت المجالات نفاق

ولا تصيرين جافه معاهم خير الامور الوسط

ركزي على شغلج وخليه اهم شي لانج يديده والعين عليج ويراقبونج

ومن اول يوم وضحي لهم ان في شي اسمه حدود لامورج الشخصيه

لا تسمحين لاي احد يتجاوز حدوده

اول ماتداومين وايد راح يسألونج أسئله جنه تحقيق

الشي اللي ماتبين تجاوبين عليه قوليلهم ماابي اجاوب على هالسؤال

والله يوفقج

مبروك الوظيفه

واهم شي ..

مسئولج .. لاتطرينه الا بالخير .. حتى لو ضايقج بشغله كلميه اهو ووضحي له ..

صدقيني ,,

لو تنطقين كلمه وحدة من وراه بتوصله وبتوصله مبهّره بعد !!

..

والشي الثاني بالبدايه خلي علاقتج سطحيه بالكل .. لين ماتعرفين شخصية كل وحدة

ساعتها بس

يبين لج الطيبه والرديه .. <<<يبيله عامل وقت

..

ماشاء الله
نصاايحكم
درر
الله يوفقكم

مشكورين بنات ما قصرتوا
صج اشياء ما كنت حاطتها ببالي و نبهتوني عليها
يلا باجي البنات لا تحرمونا من نصايحكم

ماعندي نصايح
بس حبيت اقول الله يوفقج يارب

بنااااات تعرفون معلومات عن الهيئة العامه للزراعه والثروة السمكيه ولا الهيئه العامه للبيئه ولا الشباب والرياضه
لانه ملاحظه الكل يتكلم عن الوزرات الا الهيئات مااشوف احد يشتغل فيها الي عندها احد يشغل من معارفها ياريت تفيدنا لانه يمدحون الشغل بالهيئات يقولون احسن من الوزرات ويعطيكم الف عافيه

الشباب والرياضه فله ^_^

صج يعني تعرفين عنها شي معلومات عن معاشاتها وشغلها
شكرا حبيبت يعلى المشاركه

السلام عليكم
شلونكم بنات
انشالله مرتاحين

ما عليكم عندي جك سؤال لموظفات الي باجازه دراسيه
في احد @@

ربي يرزقها كل ما تتمنى الي تفيدني

آمري اختي شبغيتي

ما يامر عليج
عندي جم سؤال ياريت تجاوبيني اذا ما في مانع
انا شهادتي الدبلوم حاسب الي
و قدمت على تخصص تكنولوجيا التعليم
و قانون ديوان الخدمه المدنيه اني لازم اكمل على نفس التخصص
و قانون الهيئه ما يسمح يعني تضاربت القوانين
و الخطا كان من الطرفين
عطوني استثناء و قبلوني
بس بغيت اعرف هل بعد التخرج راح انزل درجه ؟

انا مشكلتي بالدبلوم اني دراستي كلها كانت فنيه و لما توظفت مسماي صار اداري
يعني صارت حوسه
و الغلط من الديوان و الهيئه و عشان جذي عطوني استثناء
لانه في الاساس الهيئه من البدايه ما كان المفروض يقبلوني بتخصص حاسب الي لاني اساسا بالثاويه كنت ادبي و بعد ما تخرت وتوظفت و قدمت على الاجازه اكتشفو الغلطه
و الديوان كان المفروض يعينيي على مسمى فني بس الخبير المصري الي رحت له حطني اداري و هذي غلطة الديوان
المهم الحين بالدراسه انا بعدل اموري انشالله
بس ابي اعرف راح ينزلوني درجه و انا الحين بالدرجه الرابعه

اتمنى فهمتوني قرقت وايد :/

حبيت اقولج اللي اعرفه ان مااتروح درجتج ولا يقدروون ينزلوونج درجه
لان اسااساا مو غلطتج هذا من الديوااان .. واسااساا ما يصير ينزلوونج درجه
لام عقب مااتخرجيين انشااءالله راح تسوويين تعديل وضع على شهاادتج البكالووريوس
فلي راح يتغيررر يمكن بس علاواتج وبس

يعني اذا سويت تعديل وضع اتم على الثالثه
لانه انا الحين بالرجه الرابعه و عندي ترشيح حق الثالثه بالاختيار
؟؟

اي اتمين عليهااا ويمكن تاخذينهاا اختيااار اذا مرشحه على قوولتج بس الاختيارر مخلصين منه
وحتى لو ما اخذتيهاا اختياار ترى تاخذينهاا بالاقدميه يعني كل شى ماااشي عاادي لانج مجازه درااسيااا

عارفه انه مخلصين بس على كلام المدير انه راح اخذها السنه اليايه يعني راح اكون بالاجازه و حبيت اعرف بعد التخرج شنو راح يكون وضعي

لا ماتاخذينهااا السنه الجاايه لانج اجاازه دراسيه والمجازين دراسيااا ما ياااخذوونها اختيااااار بس بالاقدميه
راح تسويين تعديل وضع عشان شهاادتج وعلى حسب تخصصج تكون بدلاتج بس من ناحيه الدرجه لا تحاتين ما تنزلين درجه على ماتخرجيين من الكليه تكوون ماخذه الثاالثه اقدميه وهالشىء حلووو…

رفع

رفع

للفائدة

رفع رفع

شلونكم بنات شخباركم ؟؟

شرايكم بالدورة اللي صارت بأبراج الكويت في الفترة من 2/3 إلى 6/3

وشنو استفدتو منها ؟؟ وشرايكم بالمحاضرين ؟؟

أنا عن نفسي عجبتني الدورة وايد وفعلا كانت متعة

أنتو شرليكم

انتظر ردودكم

كل المعاهد الخاصة بالكويت بس تطبيقين دوراتها يعني تكون معتمدة

تسجل بالديوان عليها وفيها زيادة راتب وتغيير مسمى

بنات المعهد الاثري صج معتمده شهادته ؟؟

اي معتمدة من التطبيقي

السلام عليكم

شلونكم بنات؟

أنا وحده الحمد لله ملتزمة بدوامي وبشغلي وقلبي عالشغل

وواثقة من قدراتي (يعني ماقول هالكلام تفسف زايد ولا مداح نفسه لا هالكلام حتى من مديري)

بس حظي الله بلاني بموظفات ماشلون صايرين

جم مرة أسمع نغزات بخصوص الشغل وأقول طاف يمكن مو قصدهم أنا

لي تأكدت إن وحده منهم تكلم عني عند مسؤولي المباشر وسمعتهم يعني مو أحد قايلي

أهو صارت مشكلة معاه من فترة وهي قاعده تشيشه علي حسبي الله ونعم الوكيل

مع إني مابيني وبينهم مشاكل بالعكس علاقتنا رسمية وزينة ولا مرة متكلمه عنهم حق أحد ولا عنده

وهالشي باط جبدي

فشلون أتصرف أحس مو طايقه أحد

وأخاف مسؤولي ياخذ بكلامها

وباجر يخفسون بتقييمي

علشان أهما يطلعون زينين

كل دوام جذي ترى حررررريم ماايووزون من سوالفهم
عطيهم طاااااااف وتحسبي عليها
وحقج ماراح يضيع
ولاتخلين احد ياثر فيج دامج ماشيه صح
امشي سيدا يحتار عدوج فيج
وكلنا بالهوى سوا هذي الدوامات وهذي سوالفها ماتخلص

الصراحة ماتوقعتهم حقودات جذي يوم عن يوم أنصدم أكثر وأكثر

وهو شكله إنترس قلبه علي

خوفي يترسون قلب المدير

حبيبتي واجهيهم

في هالزمن يالغاليه واجهي .. ماينفع مع هالاشكال الا المواجهه

الحريم في روسهم حب لالحين ماطحن …

او ااذا ماتبين المشاكل طنشي ولاتشيلين هم هالاشكال ..

ترا هم يسون جذي من الغيره .. والقهر الي بداخلهم عندهم ان انتي مخربه عليهم باجتهادج وشطارتج …

الله يصبرج ويكون في عونج

يعتمد هالشئ على مديرج
اذا اهو من النوع اللي يسمع من طرف واحد
فما أقولج الا الله يعينج
اما اذا اهو عاقل
اهني روحيله وفهميه وجهة نظرج واللي انتي حاسة فيه
عساس ما ياخذ عنج فكره غلط

السلام عليكم اخواتي انا بقولكم قصتي انا ادرس بالتجاري علي اني احول للتربيه جبت النقاط المطلوبه للتحويل طلعت مشكله ثانيه اني سعوديه والتحويل للكويتيات فقط وانا جنسيتي علي وشك تطلع وانا من البدايه ماكنت اعرف ان من شروط التحويل الجنسيه والكورس هذا وقفت قيدي علي ان تطلع الجنسيه واحول الكورس الثاني بس الحين مافيه اي تجنيس لان المجلس منحل وشهر 12 بيكون التحويل يعني ماراح اقدر احول وغير جذيه رياض الاطفال سكروه وانا كنت ابي الرياض وزوجي يقول وقفي الكورس الثاني حتي تطلع الجنسيه وحولي تربيه اسلاميه وشرايكم معلمات واداريات اكمل في التجاري والا اوقف قيدي والا اكمل الكوس الثاني وبعدين احول مع العلم انا جايبه نقاط التحويل بس اللي اخرني الجنسيه وانا ماابي التدريس كنت ابي رياض الاطفال اشرايكم اكمل تجاري علي ات زوجي يقول لتدريس احسن لج في الاجازات لاني ابي في الصيف اسافر لاهلي تكفون انا اكتب لكم وانا في قمة الحيره مااقدر احدد مصير دراستي ابي احد يوجهني اكمل بالتجاري ولا انطر الجنسيه واحول ومن ناحية التدريس متعب ابي رايكم وجزاها الله خير اللي تنورني وين اروح

شنو اللي مقدر احددانتي شتحبينشنو تبينشنو ميولجشنو اللي بيريحج بعدينشنو طموحجشنو رغبتججاوبي على هالاسئله وبتعرفين الجوابومافيها شي لو وقفتي قيدج كورس عادي ترا ماراح يصير شي اعتبريها فترة نقاها

حياتي حاسه فيج

يمكن انهم سكرو التخصص اللي تبينه و سالفة الجنسيه تكون خيره لج ماتدرين ويمكن مو مكتوب لج التدريس
انتي شوفي اللي يريحج بعد الاستخاره طبعا

وينكم بنات

انا من رايي انتظري كورس بعد
وحولي
حتى لو ماتدرسين تكونين اداريه عالدرجه الرابعه فرق بالمعاش
وتكون الخيارات اوسع سواء تدرسين او اداريه
بالتوفيق

الباسمه اشلون اصير اداريه وانا بحول للتربيه مافمت اشرحيلي مشكوره ياقلبي

اعتقد افضل تنتظرين و تحولين اسلاميه و تصيرين مدرسه معاشجج انشالله بيكون زين و شهادتج بكالريوس و لا تفكرين تصيرين اداريه احسن وظيفه بوزارة التربيه التدريس باجي الوظايف بالوزاره معشاتهم عاديه و مافي مميزات و لا تطور

تدريس هم وغم وتعب

خليج تجاري وتكونين شوون طلبة مدري
اي تخصص اهو ..

شغل خفيف ودايما لهم زيادات
افتكي من تدريس اخيس شى والله

صيري اداريه بمدرسه عشان اجازات الصيف وافتكي من التدريس تعب اذا موحابه من البدايه

نصصصصصصصيحه لوجه الله من معلمة رياض اطفال انه هالتخصصصص شقى وغثى وحتا صحتج ونفسيتج تتعب
اقسم بالله العلي العظيم بدوون مبالغه مافيه راحه تقعدين طول الاسبوع اتحاتين

وهالكلام من ابله اتحاول تنحاششش وقاعده اتحوس ادور لها واسطه تنقل اداريه

ومااااااابي فلوس فيها توتر وغثى ومحاتاة

السلام عليكم ورحمة الله…
انا مب عارفه وين احط هالموضوع وحطيته هني واتمنى الاقي لي جواب
اول شي انا موظفه في جامعة البحرين ومديري وكلني بمهمه اني ادور عنها بالنت ومن امس وانا ابحث وماحصلت جواب .. مالكم بالطويله
السؤال هو هل الموظفين الإداريين والاكادميين اللي بجامعة الكويت لهم تأمين صحي شامل؟؟ واللي يسلمكم اللي يعرف احد يشتغل بالجامعة يسأله ويرد علي واكون شاكره لكم حبيباتي وهذي العشم فيكم

up

ااب ااب

وين لا ماكو ياحسرتي جان زين بس يقولون طالبين هالشي ويمكن يوافقون عليه

:::::::::

البنات ماقصروا

,

آآآآآآآآآآآآآآآآب =)

لا ماعندهم

مشكورين حبايبي وماقصرتو هذي العشم فيكم

لا حبيبتي انا موظفة بجامعة الكويت

ومالي تأمين صحي

واحنا تبع التعليم العالي مو التربيه وتعتبر هيئة مستقلة

مشكوره بوسي كات وماقصرتي حبيبتي وان شاءالله يسوون لكم تأمين واحنا بعد وراكم ههههه

اب
اب
اب

لا حبيبتي مافي ..