الوسم: الكويت

ياجماع قمت اهوجس

شكلي بطلع ولدي واحط بمدرسه حكوميه اصرف لي ..

هذا الموقع للاجانب المغتربين وكاتبين تجاربهم عن المدارس ..

الامريكيه بالكويت والعالميه وكامبردج والبريطانيه بالكويت وغيرها من الاسامي الطنانه

طبعا اللي يعرف يقرا انجليزي تمام واللي مايعرف يسوي ترجمه اذا كان يتصفح من قوقل كروم

https://www.expatexchange.com/rspnet….67&start=25631

كان حلم اني ادخلهم فيها ..

قسم بالله شيء يخوف

عاد على تكون التعليقات صج مو تاليف.

مشكوووووره حيااااتي

والله الظاهر بعيد حساباتي ..

زوجي بعد طاح على موقع فيه مدرسين سابقين بهالمدارس وتعالي شوفي الفضايح ..

عاد تقول وحده منهم ان كامبردج المنقف فيها بالوعه مو مقفلينها عدل والمسبح فاضي مافيه مويه ومكشوف .. وان اخر شيء يهتمون فيه السيفتي .. المشكله ولدي بكامبردج ودافعه قسط السنه كامل ..

والله احترناااااااااااااااا

لان ان عيالي بمدرسة الكويت الوطنيه الانجليزيه بحولي
اسمها بالانجليزي kuwait national english school
وكل اللي كاتبين عنها انها مو قويه وان اليهال يبجون مو حابين المدرسه

وانا اشوف العكس لان والله بنتي ماترضى اطلعها امبجر اذا اضطريت ماشالله
واهي صغيره ثاني روضه
واول سنه لها هذي والله بنات يوم دشت بنتي ماتعرف انجلش ميييح والحين لا اله الا الله خلال شهر تقريبا والله تعرف تقولي جمل قصيره وغير حفظها للاغاني وحتى تتحچى انجليزي مع الخدامه (باشياء بسيطه طبعا)
بس حيل فرقت معاي بنتي

وولدي بالحضانه ماشالله هم تعلم وااايد صار يعرف اعضاء جسمه كلها ماباقي الا المصارين يقولي اسمهم بالانجليزي
وجم لون حافظ وجم كلمه( فش .. كار .. هاوس ..تري )
يعني الحمدلله مو مثل ماقالوا

ومع هذا انا مفكره انقلهم عالسنه اليايه حق نيو انجلس سكول لانها وايد عاجبتني وحيل يمدحونها يقولون اقوى من مدرسة عيالي
واشوووووه مالقيت اسمها من ضمن القائمه بالمووقع

اذا ماعليج امر حطيلنا الموقع الي طاح عليه ريلج

اقتباس:

المشاركة الأصلية كتبت بواسطة أنهار الكويت يعطيييييج الف عافيه والله خوش موووقع عاد على تكون التعليقات صج مو تاليف. مشكوووووره حيااااتي

الله يسلمك ياقلبي .. والله مااتوقع تاليف .. لان مافيه مصلحه ..

اقتباس:

المشاركة الأصلية كتبت بواسطة أنهار الكويت اوكي يمكن هذول بس يبون يشوهون السمعه لان ان عيالي بمدرسة الكويت الوطنيه الانجليزيه بحولي اسمها بالانجليزي kuwait national english school وكل اللي كاتبين عنها انها مو قويه وان اليهال يبجون مو حابين المدرسه وانا اشوف العكس لان والله بنتي ماترضى اطلعها امبجر اذا اضطريت ماشالله واهي صغيره ثاني روضه واول سنه لها هذي والله بنات يوم دشت بنتي ماتعرف انجلش ميييح والحين لا اله الا الله خلال شهر تقريبا والله تعرف تقولي جمل قصيره وغير حفظها للاغاني وحتى تتحچى انجليزي مع الخدامه (باشياء بسيطه طبعا) بس حيل فرقت معاي بنتي وولدي بالحضانه ماشالله هم تعلم وااايد صار يعرف اعضاء جسمه كلها ماباقي الا المصارين يقولي اسمهم بالانجليزي وجم لون حافظ وجم كلمه( فش .. كار .. هاوس ..تري ) يعني الحمدلله مو مثل ماقالوا ومع هذا انا مفكره انقلهم عالسنه اليايه حق نيو انجلس سكول لانها وايد عاجبتني وحيل يمدحونها يقولون اقوى من مدرسة عيالي واشوووووه مالقيت اسمها من ضمن القائمه بالمووقع اذا ماعليج امر حطيلنا الموقع الي طاح عليه ريلج

مااتوقع يشوهون السمعه اساليني ليه .. لان فيه امهات يمدحون ببعض الاشياء اللي ببعض المدارس

ومااتوقع متفقين .. ماعندهم الاجانب هالسوالف انا عشت معهم طول عمري واعرفهم

اقتباس:

المشاركة الأصلية كتبت بواسطة حورية بنت حواء بنات انزين اللي مترجه الموقع تحطه لنا علشان نقرا ونستفيد

حبيبتي اذا متصفحك قوقل كروم راح تلقين اعلى الصفحه "ترجم" اضغطيه ويترجم لك واذا متصفحك انترنت اكسبلورر انسخي رابط الموقع ولصقيه بقوقل حق ترجمة المواقع

اقتباس:

المشاركة الأصلية كتبت بواسطة sweet lady رفع

مشكوره حبيبتي

اقتباس:

المشاركة الأصلية كتبت بواسطة احلى.قمر ياساتر الله يحفظهم

اللهم امين يارب مشكوره عالمرور ياقلبي

اقتباس:

المشاركة الأصلية كتبت بواسطة قلبي معاك مشكوره

الشكر لك عالمرور

اقتباس:

المشاركة الأصلية كتبت بواسطة كوكو لاتي منو قال ان مسبح كيمبرج مافي ماي انا ذاك اليوم كان اجتماع حق ولدي ومريت صوب المسبح اشوفه وكان في طلبه يسبحون ومعاهم المدرس

والله هذي مدرسه سابقه تقول .. بس يمكن عبوه اللحين .. طيب انتي بما انك شفتي المسبح كل هو امين ومقفل عن اليهال .. يعني لو ماكو احد ممكن اي طفل يدش او صعب ..

مشكوره الللللف عالتفاعل

هذي بعض سايتات المدارس الخاصة في الكويت ان شاء الله تستفيدون منها

المدرسة البريطانية

https://www.bsk.edu.kw/

مدرسة التكامل العالمية

https://www.atakamul.edu.kw/

المدرسة الامريكيه

https://www.ask.edu.kw/

مدرسة الخليج

https://www.ges.edu.kw/index2.htm

المدرسة الانجليزيه الفحاحيل

https://www.skee.com/index.htm

مدرسة الرؤية

https://www.alruyaschool.org/

المدرسه الانجليزية الحديثه

https://www.neskt.com/

اكاديمية الابداع

https://www.aca.edu.kw/

المدرسة الانجليزية

https://www.kes.edu.kw/music.htm

مدرسة البيان ثنائية اللغه

https://www.bbs.edu.kw/home.htm

يتبع

الجيل الجديد
https://www.ajeducationalinstitute.com/

المدرسه الامريكيه العالميه
https://www.aiskuwait.org/

الاكاديميه الهنديه
https://www.ieasonline.com/index2.htm

المدرسه العالميه الامريكيه
https://www.uas.edu.kw/affiliates/index.html

اذا لقيت زياده بضيفهم

الله يعطيج العافية

بس حبيت اسأل اذا فيه أحد جرب المدارس العربية الخاصة ؟؟ وشنو اسمها ؟؟

يعطيج العافيه

ترى اذا تقصدين مدرسة التميز الي بالفروانية ترى مو شي

رفيجتي دخلت ولدها نحجوه وبكل المواد امتياز واهوا مو فاهم شي

الحين طلعته منها وردته الحكومه

ام عبدالمحسن
—————-
مدرسة القطوف وايد زينه بالنسبة للمدارس العربيه

يعطيج العافيه

والحين غـــــص بالدراسة لانه أهم شي اولى ابتدائي اهيا الاساس

بحاول اييب لج رقمهم

السلام عليكم يا بنات

مساع وانا قاعده اتابع الراي ,, وياريتني ماتابعت ,,,حطوا خبرين عاجلين

اول خبر عن وفاة مواطنه اربعينيه بانفلونزا الخنازير اتوقع هذي سادس اصابه حسب ما اذكر-عسى ربي يرحمها ياارب

والخبر الثاني اللي صرقعني ان ثلث سكان الكويت راح يصابون بالموجه القادمه من انفلونزا الخنازير ,,حسب تقرير مادري اي منظمه ما انتبهت الله يكافينا الشرر يابنات ويرفع عنا هالبلاء

يابنات في سؤال يدور ابالي

الحين بس الكويت اللي المرض منتشر وفيها لويه وعفسه من هالمرض؟؟ شلون على دول الخليج؟؟؟؟ ماعندي اي فكره الصراحه انتو عندكم خبر شلون الوضع بالخليج؟؟؟ ز

وعندي اقتراح مادري شرايكم فيه وتايدوني والا لا ؟؟؟؟؟؟؟؟؟؟؟؟

انا اتحجى عن الكشف مو العلاج
حسب ما فهمت ان اهم شي بهالمرض اهو سرعة اكتشافه ,, واهم باجاراءاتهم وتعقيداتهم ياخرون الاوادم

عسى ربي يحفظنا ويفرج عنا يااااااارب

والله انا رايي من راايج
انزين الاوادم اللي يحسوون فيهم اعراض مرض حتى لو خفيفه ليش مايلبسوون كمامات ؟
وليش الحين الشعب مايلبس كمامات بالطلعات ؟ انا والله قبل جم يووم كنت بمحل بشتري ولا وحده جدامي قاعده اتقول حق رفيجاتنها انا اخواني واللي يصيرونلي كله فيهم انلونزا الخنازير

انزين دام تدرين انج معرضه ليش طالعه ؟ وليش مو مغطيه ويهج ؟ بعد صج الناس مادري شلوون قايله

الله الحافظ

انا امس اقرا بجريده الوطن أن الوزير الساير عطى تعليمات ببناء مختبرات إضافية بكل المستشفيات
وبالتدريج حتى المستوصفات راح يكون فيها اجهزه جديده للكشف عن الفيروسات

وترى الخبه بالكويت بس انا قعدت بالطايف شهر ماشفت شي والوضع طبيعي والله يابنات ماعندهم مثل اللي عندنا
والاخبار اللي تجينا من الكويت كانت تضيق خلقنا وهناك الوضع عادي جداً مادري ليش !!

الله يرفع عنا هالداااء يا رب

استغفر الله هذا ابتلاء يانه من ربنه طالعوا حواليكم والكل يعرف ليش
الفساد الي بالديره مو شويه

اذكار الصباح والمساء ودعاء الوباء اعتقد كلكم تعرفونهم لازم 3 مرات الصبح وبالليل

السلام عليــــــكم

السعر 25 دينار غير شامل التوصيل

اضغطى هنا

السلام عليكم

هذه اول مشاركة لي وحبيت احط المنتديات الخاصة بطلبة جامعة الكويت

اولا : مدونة طلبة جامعة الكويت ( https://www.kw-univer.com ) توني طايحه عليه يديد اليوم فاتح

ثانيا : مدونة طلاب وطالبات جامعة الكويت ( https://www.kuniv.in ) ( مافيه مميزات وبطيء وبايخ ) هذه وجهة نظري

ثالثا : مدونة الهندسة والبترول ( https://www.q8-eng.com ) لكلية الهندسة والعلوم فقط

رابعا : منتدى كلية الاداب ( https://www.artkw.com ) لكلية الاداب فقط

واذا فيه مدونة ما ندري عنها نورونا الله ينور عليكم

اختكم : جااااااااامعية

عاد الله يستر هذه اول مشاركة لي ومخالفة ( لووووووول )

يسلمووووو حبيبتي

ويعطيج العافيه مفيده هالمنتديات

وحياج الله بالمنتدى

عاد انا بغيت احط رابط المنتدى مالي بس دامه مخالف احترم هالشي ..

بالتوفيق ..

بس كان قصدي افيدكم

وسامحوني ما ادري توني يديدة على المنتديات

السلام عليكم ورحمة الله وبركاته:eh _s(17):,,,,,,

شلونكم ؟ شخبااااركم؟ عسااااكم بخييير

مبروووووك حق كل الخريجااااااات

انا سعودية خريجة جامعة الكويت كلية التربية تخصصي انجليزي

قدمت على وزارة التربية في مبنى 2 والحمدالله اقبلوا اوراقي وقالولي اني ما احتاج مقابلة ولا

امتحان وقالولي بندق عليج بعد شهر

راجعتهم الاسبووع اللي فات مافي جديد

بناااات منو نفسي تخرجت كورس اول وعينوها اكورس ثاني للي بعرفه الحيييين

التسجيل هذا حق الكورس الاول والا الكوس الثاني بعد ما نزلت دفعة من الديوان قالوا في نقص

شديد هل في تعيييين لهالكوس والا لا,,,,,,

ادري طولت عليكم بس اتمنى انكم ما تطنشوني وااللي ماعندها علم ترفع الموضوع الله يرفع قدرها

ان شاااءالله

وتسلــــــــــــــــــــــــموووووون

اقتباس:

المشاركة الأصلية كتبت بواسطة موعدي الجنان هلااااا فييج حبيبتي  الله ييسرلج اموورج 

تسلمييييين ،،، اجمعييين ي رب

اقتباس:

المشاركة الأصلية كتبت بواسطة ميس لولو هلا حبيبتي دام انهم اوعدوج خلاص لاتشيلين هم ان شاءالله انا مثلج خريجه كورس اول بس للحين ماقدمت مايبون تخصصي هالفترة وهو تخصص نادر لغه عربيه ودراسات اجتماعيه ان شاءالله الله يكتب لنا الي فيه خير قدمت كذا مرة بس مايبون

تسلميييين حبيبتي الله يطمنج ان شاءالله
ويقبلوووون اوراقج

بنات منو فيكم جربت وعالجت أحد من عيالها بمستشفى بره الكويت

عفيه عطوني التفاصيل رحتوا علي حساب الحكومه والا على حسابكم ؟؟

عن طريق مكتب والا بروحكم ؟؟

شكثر كلفكم العلاج ؟؟ وشكثر طولتوا ؟؟

وشنو اسم المستشفى ؟؟ وين مكانها؟؟

آسفة وايد سألت بس ابي استفيد من تجاربكم وادري ما تقصرون

مفكرة أودي ولدي واتمنى تفيدوني

و اذا الامر يحتاج دكاتره اشطر روحي المانيا او فرنسا

اما الطريقه و المصاريف ما عندي فكره

بريطانيا اخواني عايشين هناك ما يمدحونهم

الله يشفي ولدش و تفرحين به ولا تنسين تحتسبين الاجر في كل اموركم

السلام عليكم

عضوات وتاجرات اذا فيه امكانيه وحده توفر لي خدمة شحن منتجات من الكويت لي قطر

انا كنت اتعامل قبل مع الاخت مريومه بس اعتقد انها وقفت الخدمه

فياريت اللي تقدر توفر لي هالخدمه تتواصل معاي على الخاص وان شاء الله لها العموله اللي تحبها

تحياتي لكم