الوسم: المسنين

هاااي بنات شلوونكم؟؟..بوودي نزيلات دار المسنين رحله..ووين اووديهم وديناهم سووق شرق.. ابي غيره.. والمركز العلمي ما يصير.. ابي اماكن تناسب حقهم بليييييييييز لا تنطشووني..

اهلين خيتي نور شلونج <<<<<<<<<كانها مو اختي

للرفع

ساعدوها بليز

يوم البحـــار

شاطئ الشويخ

القهوه الشعبية اللي يم سوق شرق ، او اي قهوة شعبية حلوة

الله يعطيج العافيه حبيبتي

وان شاء الله كله بأجره

تصدقين كانت امنيتي اشتغل بدار المسنين احسهم يعورون القلب

وكلام البنات صح دوري قهوه شعبيه حلوه وديهم لانه هل مكان الكبار يحبونه وايد

او وديهم الكوت القهاوي الي بره القعد المغرب اتيين وايد حلووه والحين الجو براد

ويزاج الله خير ياقلبي

لووووووووووووووووووول منوور ..ثاانكس خيتووووووو
Bamya شاطى الشوويخ يبيله والله

احلى كوويتيه تسلمين ياا قلبي اي والله القعده معااهم تعوور القلب بس والله يونسوون..

امممم وديهم رحله بالقوارب اللي بسوق شرق طقوو فره بالبحر حده الجو حلو هاليومين

اوو بالقهاوي اللي بالكوت حزة المغرب ودايما بالجو الحلو ييبون واحد يدق عود حده الجو فظيع هناك

وشوفي مني مناك لاتعتمدين بس على كلامنا

ثاانكـــــــــــس فديتج

السلام عليكم بنات ،

انا خريجة علم اجتماع ومساند علم نفس ( علوم اجتماعيه) …..

أمنية حياتي وحلمي اني أتوظف بدار رعاية الأيتام أو رعاية المسنين

تكفوون الي عندها خبره اذا يقبلوني تبشرني والله احاتي خايفه يقطوني بمكان مابيه

حييييييل حابه اشتغل بهالاماكن وابي الاجر من ربي قبل كل شي اللي تقدر تساعدني لاتبخل علي

الله يسعدكم

عجزت وانا اتصل عليهم مايردون

مع العلم اني قدمت على وزارة الشئون الاجتماعيه وانتظر القبول من الديوان

الله يفرج همومكم

روحي لدار المسنين وقدمي عندهم كتاب ترشيح
ماشاااءالله اعرف بنات علي طول توضفوا بالمسنين

مشكوووره حضن امي الله يوفقج ….

بنات شدعوا لاتبخلون بالرفع …..

السلام عليكم..

انا طالبه بالجامعه عمري 21 سنه ,, صراحه من زماان خاطري بشي انسااني ومن زمان افكر بهالشي ,, بس من كثر ماانا مليت واحس بفراغ قلت بستشيركم..

ودي اشتغل اما بدار الايتام اللي تصير يم الصباح او المسنين او المعاقين..
او بنادي او معهد لذوي الاحتياجات الخاصه مثل مركز عبير 2 او اي مركز يختص بهالشي..

اللي عندهم معاهد ومحتاجين او اللي تعرف اماكن اقدر اروح لهم تقولي او تعطوني ارقامهم وانا ادق استفسر.. طبعا الصبح مااقدر يعني اقدر اداوم من الساعه 5 لي الساعه 9 ..

ياليت تراسلوني عالخاص او مسج على رقمي 99842882

upp

ماشاءالله عليج
اهنيج على هالشي

دور الاتام والمسنين و الاحتياجات الخاصة صوب دوار العظام روحي لهم واكيد راح يفيدونج..

مريووووومه نفس فكرتييي.. ودي احد يفيدنــا

بنت مشرف شرايج نروح مع بعض نسأل

السلام عليكم ورحمه الله وبركاته
خواتي بغيت اسأل عن الوظايف في دار المسنين
اعرف وحده نفسها في هالشغله الي عندها فكره ترد علي
لازم شهاد عاليه ولا موشرط؟؟؟؟؟
كم رواتبهم؟؟؟
وجزاكم الله خير جزااا

quote][/quote]

يعطيج العافيه على الرد
وين البنات محد عنده فكره …؟

ما عندي فكره بس مريت على الموضوع

انا ودي اعرف بعد عندي بكالريوس بس ماكو احد يفيدنا

السلام عليكم

قوه بنات شخباركم

بنات تعرفون شلون اللي تبي تتوظف بدار رعاية الايتام ودار المسنين ؟

يعني التقديم من عندهم والا من الديوان ؟

وهل يقبلون شهادة المتوسط ؟

ومشكورين بنات

والله مايندرى

بس ما انصحج صراحه

ان بغيتي ادارية كلهم كبار بالعمر

وان بغيتي مجابل النزلاء فيه اجرر ماانكر بس تعب موطبيعي

انصحج ان تروحين لدور الرعاية اللى على دوار العظام زيارة وتشوفين الوضع هناك لان المجمع هناك يضم دار المسنين ودار مجهولين الوالدين ودار الاحداث بنات واولاد وعقب تقررين والادارات هناك مختلفة يعنى فية ادارة رعاية الاحداث وادارة المسنين وادارة مجهولين الوالدين0
وبما ان عندج الشهادة المتوسطة يعنى تعيينج راح يكون مشرفة0ولازم يكون عمرج فوق ال 21 سنة0
ومن خبرتى اقولج لازم يكون عندج مرونة للتعامل مع اى فئة منهم المسنين يحتاجون رعاية خاصة تختلف عن رعاية الايتام وتختلف عن الاحداث 0لان بصراحة فية بنات بعد مايضمنون الوظيفة هناك يهملون بعملهم 0ولاتنسين ان اللى اللة يسائلج عن كل دقيقة تقعدينها معاهم لانهم فعلا يحتاجون معاملة خاصة وطولة بال ووساعة صدر ادا مو متوفرة عندج لاتجازفين0
اما سؤالج عن التعيين عندهم راح يكون بوزارة الشئون بمجمع الوزارات بالدور الثانى0
اتمنالج التوفيق واى سؤال انا حاضرة0

مشكوره اختي geneve على المرور

00000000000000000

اختي المهفة جزاج الله الف خير ما قصرتي يالغاليه على المساعده
يالغاليه انا ودي بدار رعاية الايتام
يعني يصير يقبلوني وانا على شهادة المتوسط ؟
والتعيين اختي ما يكون اول شي لازم اسجل بالديوان والا على طول اروح مجمع الوزارات ؟
واخر سؤال يالطيبه الراتب نفس رواتب الوزارات الثانيه ؟
ومشكوره يالغاليه وما قصرتي واسمحيلي على كثرة الاسئله

حبيبتى انت او انا
اللى اعرفة ان مجمع دور الرعاية بكبرة على طول محتاجين مشرفات وخصوصا دار الايتام لان اعداهم تتزايد والعياد باللة وعدد المشرفات يتناقص خصوصا بعد تقاعد المشرفات الكبار منهم واللى باقيين بنات شابات اكثرهم واكون صريحة معاج ان مسئوليتهم كبيرة يعنى اعتبرى نفسك مسئولة عن بيت صغير فية تقريبا 6 اطفال من سن واحد والدوام ثلاث شفتات يعنى فية شفت ليل من 7 الى 7 الصبح ولو يطلعون الصبح من البيت وواحد منهم مو لابس عدل انتى المسئولة صحيح ان الفراشات يلبسونهم بس انتى لازم تراقبين لبسهم واكلهم ونومهم ومرضهم ولعبهم يعنى ام بديلة
اما لو حبيتى تعرفين عن البنات الاكبر بالسن واللى يعتبرون مسئولين عن نفسهم فهدولا ماينفدر عليهم يعنى لازم تكون شخصيتج قوية وصارمة ولا عادى يلفونج ويتناجرون معاج هدى ادا ماتبلو عليج بس الادارة عارفينهم عدل يعنى لاتهتمين ولو حبوج وصادقوج بتستانسين وايد لانهم فعلا يحتاجون الاهتمام والمداراة واحنا نقيم المشرفة الزينة بقدرتها على كسب صداقة البنات0
بالنسبة للتعيين لو تقدرين تاخدين ورقة خطية من ادراة رعاية مجهولى الوالدين بحاجتهم لمشرفات وتودينها الديوان يكون افضل
اما بانسبة للراتب بصراحة ماعندى فكرة بس عندهم بدل طبيعة عمل وبدل عدوى على مااعتقد 80 دينار على الراتب
حبوبتى اتمنى ان اكون فدتج وهم اقولج اى سؤال انا حاضرة وعيونى لج تدللى 0

للرفع

مشكوووره يا عمري المهفه ما قصرتي والله من طيبج بارك الله فيج
زين يالغالي وين صاير مكان دار رعاية الايتام ؟

اب اب

مجمع دور الرعاية مكانة على دوار مجلس التعاون واللى كان اسمة اول
دوار مستشفى العظام وهو عبارة عن مجمع كبير يضم ادارة رعاية المسنين رجال ونساء طبعا منفصلين وادارة رعاية المعاقين رجال ونساء وادارة رعاية مجهولين الوالدينوتنقسم لعدة دور القسم الكبير فية الاطفال من المواليد وحتى سن 14 وعددهم بالمئات وقسم ثانى منفصل للبنات من 15 الى 30 ويمكن اكبروعددهم باعشرات اما الاولاد يقيمون بالدار حتى 10 سنوات وبعدها يتحولون لدور الشباب واللى تكون خارج المجمع وهى عبارة عن عمارات متوزعة فى مناطق الكويت للشباب من10 وحتى اكبر عمر0 وبالنسبة للجميع يتقابلون فى المناسبات والاعياد مع بعض بحضور الادارة عشان يتشاوفون فى حال رغبتهم بازواج من بعض0
وفية ايضا ادارة رعاية الاحداث الاولاد وهى عبارة عن دار الرعاية بنفس المجمع ودار التقويم وهى بالصليبية ودار الضيافة وهى فى خيطان والبنات دار رعاية البنات وتضم عدة دور فى دار وحدة لقلة عدد البنات الاحداث0بالاضافة الى ان المجمع يوجد فية المطبخ المركزى واللى يخدم جميع نزلاء الدور والمشرفين المناوبين على 3 شفتات بواقع خمس وجبات يومية 3 رئيسية ووجبتين خفيفة0
وفية المصبغة المركزية واللى تخدم كل النزلاة سواء غسيل ملابس او شراشف وبطانيات0
وفية وفية ادارة الخدمات العامة واللى توفر عمال النظافة ومتابعتهم وبعد قسم النقليات اللى يوفر السيارات الخاصة لنقل النزلاء للمدارس والباصات للترفية والتنزة 0
على فكرة هالمجمع اللى تشوفونة من برا جنة مافية احد ترا اهو دولة داخل الدولة ىعنى عايشيين فية عالم وامة واللى يشتغل معاهم بصراحة لة اجر من يدخل لما يطلع 0
والحين حبوبتى انت او انا صار عندج فكرة كاملة عن هالمجمع 0
واى خدمة انا حاضرة

الله يووووفقج يا اختي انت و انا
والله يرحم والديج يا المهفه …

مشكلتي قلبي

واب لعيووونج

قواج الله اختي المهفه ومشكوره والله وما قصرتي جزاج الله الف خير حبوبه

‏​شاب ..

يودع أمه في دار المسنين ..
فتكتب له قصيدة بدمع عينيها .. "وينك" ..
القاء الشيخ
⌣̊∂•̣̣̣.̣̣̣ احمد القطان.̣̣̣•̣̣̣∂⌣̊
وبحضور الشيخ
⌣̊∂•̣̣̣.̣̣̣ نبيل العوضي.̣̣̣•̣̣̣∂⌣̊
والشيخ
⌣̊∂•̣̣̣.̣̣̣ مشاري العفاسي.̣̣̣•̣̣̣∂⌣̊ ‏​​‏​‏​‏​‏​‏​‏​‏

https://66.160.159.25/17/f2/17f25d7b5…72066&s=BMHxOT

اب اب

الله يزاكي كل خير اختي

جزااااااااااااج ربي خير

وياج حبيبتي

هااي بنات شلوونكم؟؟

انا ميداني بدار رعايه المسنين..

شنوو انشطه اللي اسوويها لهم..

ابي اقتراحاتكم..

ومشكوورين..

هلآ حبيبتي
انتي شنو وظيفـتج هنآك شتسوين بالضبط لأن مآفهمت شنهي الأنشـطة الي تبينهآ

انا ميداني اخصائيه احتماعيه..

زين بسووووي مساابقات عطوني افكار..