الوسم: الماجستير

السلام عليكم ورجمه الله وبركاتة

بغيت اسالكم شنو اسهل تخصص للتفرغ الجزئي الجغرافيا ،التاريخ ، الفلسفة
وكم رسوم المادة الواحدة
ومتى تكون المحاضرات من الساعه كم لكم

ومتى يبدأالتسجيل للفصل الثاني ؟

وبالنسبة لامتحان الانجليزي اقدر اقدم الامتحان بعد القبول او لازم قبل ودمتم

لاتنسوني بليز

وموفقه يارب..

ووين اقدر اخد التوفل بالكويت اذا فية معاهد زينة

اقتباس:

المشاركة الأصلية كتبت بواسطة 0(مـــســـ(مطير)ــــــك)0 اي تاخذينه بالكويت وموفقه

الى اقصدة التوفل في معاهد زينه تنصحوني فيها

والله يوفقج

السلام عليكم

بغيت استفسر عن شروط دراسه الماجستير بجامعه الكويت

تخرجت كورس اول هالسنه من الجامعه ومعدلي العام 3.33 والتخصص 3.50

وودي اكمل ماجستير بس ماني عارفه الشروط

وشهر 5 نزل اسمي بالديوان عشان اصير مدرسه

فمنو عنده فكره؟

بانتظار ردودكم ^.^

بس ناوية تكملين تربية ولا شي ثاني؟

هذي شروط الماستر لكلية التربية
https://coe.kuniv.edu/page_descp.php?id=24&pid=5

موفقة

مساء الخير

بعد قلبي يالغاليات ادري انكم ما تقصرون

دستي على الوتر الحساس

ولازم اكون مقيمة هناك والا يصير اروح وقت الامتحانات فقط

بعد قلبي ردي علي

عندي سؤال جم تكاليف الماجستير بمصر ؟؟؟

السلام عليكم ورحمة الله وبركاته

بنات بلييز ظروري ردو علي

اذاشخص بيكمل ماجستير بأمريكا

وين يروح يقدم على بعثه وشنو احسن مكان حق البعثات

ومتى يروح

بلييز بنات ابي التفاصيل

ماعرف ولا شي وابي تساعدوني الله يخليكم

ناطره ردكم

بسم الله الرحمن الرحيم

في البدايه احب ان ابارك لكم .. الخبر الذي نشرته جريده الانباء

(وافق مجلس الخدمة المدنية في اجتماعه الأخير على زيادة علاوة الدكتوراه إلى 400دينار كويتي وعلاوة الماجستير إلى 225 دينار كويتي حسب ما نقلته جريدة الأنباء الكويتية في عددها المنشور اليوم الأحد 28/8/2011م علما بأن المجلس وافق العام الماضي على زيادة علاوة الدكتوراه من 30 دينار إلى 150 دينار كويتي واستحداث علاوة الماجستير 75 دينار كويتي)

ونشكر تجمع حمله الدكتوراه والمنسق لها الدكتور سلطان الشريده … ومن عاونه من الدكاتره (رجال ونساء)

وادعوكم للتكاتف مره الاخرى … والضغط اكثر على الحكومه .. للحصول على باقي المطالب التي يطالب بها التجمع … ليتساوى جميع حمله الشهادات العليا دون تفرقه بين موظفي الوزارات وموطفي الهيئه العامه للتعليم التطبيقي

نرجوا من الجميع المشاركه في التجمع … والاصرار على الحصول على مسمى وظيفي خاص بحمله الشهادات العليا … (خاصه في وزاره التربيه )

وادعوا الله ان يوفقنا واياكم

يزاج الله خير

اعرف وحده ماخذه الماستر و تداوم بحكومه زادوها بس 30 دينار

في أي صفحة بالضبط ؟؟؟؟

كل مره نسمع اشاعات بس الواقع شي ثاني

وتباشري خير … ان شاء الله الخير جاينا

السلام عليكم

شلونكم معلماتنا

الله يوفق الي تساعدني ويسهل امورها

انا طبعت بيانات التعبئه الي وزعتها نشرة الوزاره علينا

ابي اعرف وين اودي نموذج الالتحاق وشنو اسوي بالضبط ووين اروح ومتي امتحان التوفل قبل والا بعد الاجراءات

الله يسعد الي تساعدني

عفيه بنات الي تعرف شسوي خطوة خطوة تساعدني

انا خريجة تربية اساسيه بس اعتقد ان الجامعه تقبل بعثتنا كمؤسسه تربويه معترف فيها

اقتباس:

المشاركة الأصلية كتبت بواسطة fofowa_q8 قصدج تكملين ماجستير بجامعة الكويت؟ اذا هذا قصدج عادي يقبلونج جامعة الكويت بس امتحني توفل بأسرع وقت لان النتيجة مالته تطول وكملي باجي الإجراءات واذا عندج اي استفسار دزي لي عالخاص لأني أنا بقدم بعد يومين ان شاء الله*

الله يوفقج ياااا رب

الحين الي عرفته اني اروح لكلية الهندسة في قسم ادارة الدراسات العليا وهناك بياخذون النموذج ويعطونا موعد لامتحان التوفل

بس الخوف انهم يطلعون يبون اوراق من المنطقه ومالي خلق ارجع بصراحه المشوار طويل

اقتباس:

المشاركة الأصلية كتبت بواسطة بنات حواء2 ام رتوجه حبيبتي اذا عندج معدل انصحج تقدمين على التطبيقي لانه مضمون مكانج و محلج لي رديتي بنسبه للنشره و الله و لا ادري عنها و لا يابوها الله يهداهم عمومن مشكوره على الخبر و ربي يوفقج ترى تسجيل التطبيقي يبلش شهر اثنين الله يوفقنه يارب و لا تنسين تبشريني عنج انا انشالله على شهر واحد بقدم امتحان التوفل على فكره التوفل مو تسوينه باي مكان لازم تسوينه بمكانين اهمه الي معترف فيهم معهد ايمديست بسالميه او الجامعه و يقولون الجامعه اسهل من ايميديست و ربي يوفقج

الله يجزاج خير

انا ماكنت اعرف ان للتطبيقي ماستر

عبالي الماستر واحد ناخذه من الجامعه

وفعلا انا ابي ارجع للتطبيقي اداوم فيه مابي الجامعه بس يبيلنا نتأكد من هالخبر

وبالنسبه لامتحان التوفل ببدا اتدرب عليه من النت

من متى وشنو التخصصات اللي عندهم والبرامج

توني ادري وحددي مصدومة ومستغربة

طيب شنو شروطهم؟! وعادي اي احد يسجل ولا بس خريجي التطبيقي؟!

البعثات غير مو تدرسن بالتطبيقي

هذي تسجلين عندهم ويدزونج برا تدرسين ع حسابهم ولما تردين تتعينين عندهم

والبعثات موجودة بكل المؤسسات والوزارات

حتى جامعة الكويت عندها خطة بعثات سنويا للماستر والدكتوراة

بسم الله الرحمان الرحيم

حبيت اطرح هذا الموضوع علشان البنات إلي عندها طموح تستفيد >>>ما اطـــول علـيكــــم …….

منو عندها فكره عن الدراسات العليا بعد البكلريوس (الماجستير, والدكتوراه)

*يعني شنو شروطهم ؟؟
*ولازم الطالبة تتخرج بتقدير معين ؟؟
*ولي عندها تجربة شخصية او احد تعرفه تقوله لاستفادة ؟؟

وبس سلامتج..

وموفقه يارب..

وبس وبالتوفيق للجميع

اقتباس:

المشاركة الأصلية كتبت بواسطة المملوحه23 انزين بالنسبه للمدرسات اللي بتاخذ ماجستير .. شنو التخصصات المتاحه لها ؟؟؟؟ محد عنده فكره؟؟؟؟؟؟؟؟

*خوووووش سؤال ياريت البنات يردون عليه

مع حــبي ..

بنات ابي اعرف تخصصات الماجستير في البحرين بالنسبه لتخصص الكمبيوتر

ومكان موضوعج غلط

اذا تبين البنات يفيدونج حطي موضوع بقسم طالبات الجامعة والمعاهد

يوم 20/6/2010 نشرت جريدة الكويت اليوم قراركم (7) لسنة 2024 المتضمن منح موظفي الجهات الحكومية من حملة الماجستير علاوة 75 دينار وحملة الدكتوراه علاوة 150 دينار وفي يوم 7/7/2010 صدر قرار (78) لسنة 2024 من رئيس ديوان المحاسبة المتضمن منح موظفي ديوان المحاسبة من حملة الماجستير علاوة 200دينار وحملة الدكتوراه 400دينار بناء على قرار اللجنة العليا لديوان المحاسبة يوم 29/6/2010 والذي يمثل فيها مجلس الوزراء رئيس ديوان الخدمة المدنية و رئيس الفتوى والتشريع واللذان نقلا موافقة مجلس الوزراء على العلاوتين مما يعد ذلك تناقضا من مجلس الوزراء ومخالفا لمبادئ الدستور من العدالة الاجتماعية والمساواة حيث أن العاملين في ديوان المحاسبة من موظفي الجهات الحكومية و يخضعون لقرار (15) لسنة 1979 بشأن الخدمة المدنية والقرارات المعدلة لها.
لذا أتظلم من قرار (7) لسنة 2024 بصفتي أحد المتضررين منه مطالبا بتعديله على وفق ما جاء في قرار ديوان المحاسبة رقم (78) لسنة2010

منقول من موقع تجمع حملة الدكتوراه

من وجهة نظري ليش مافي مساواة بالحاصلين على الماجستير والدكتوراه بكل الجهات دون تمييز عن الباقي
والله يوفق الجميع

يا ديرتي الحبيبة .. يكفي .. انصفي شعبج.. ليش هالتفرقة و الظلم .. خلاص الناس بتقطع بعض من الغيرة و الحسد بسبب هالتفرقة والظلم

اقتباس:

المشاركة الأصلية كتبت بواسطة tyraa شالظلم!!!!!! يعني بس هم اللي تعبوا على شهاداتهم و الباقي لا!!!!! بعد اشيبون .. كافي رواتبهم اللي بالالاف و البونص اللي يحصلونه كل شهر و غيره و غيره و دوامهم الله بالخير ديوان المحاسبة بروحه يبيله محاسبة يا ديرتي الحبيبة .. يكفي .. انصفي شعبج.. ليش هالتفرقة و الظلم .. خلاص الناس بتقطع بعض من الغيرة و الحسد بسبب هالتفرقة والظلم

الكل تعب على شهادته بس تخصص عن تخصص يفرق

الدكاتره معاشاتهم اكثر من المدرسين ليش هالتفرقه والظلم؟؟

المدرسين مو قاعدين يداومون من فير الله لي الظهر غير الشغل اللي ياخذونه البيت؟؟؟؟

اشوف ما سويتوا تظلم مادري شنو

انا مادري اذا صج بيزيدونهم ولا لأ بس حبوا الشي حق غيركم مثل ما تحبونه حق نفسكم!

بدال هالسوالف سووا اضراب عشان يزيدونكم! ليش تبون الكل يصير معاشه شوي خل الكل يزيدون معاشه!

عجبي!

اقتباس:

المشاركة الأصلية كتبت بواسطة tyraa شالظلم!!!!!! يعني بس هم اللي تعبوا على شهاداتهم و الباقي لا!!!!! بعد اشيبون .. كافي رواتبهم اللي بالالاف و البونص اللي يحصلونه كل شهر و غيره و غيره و دوامهم الله بالخير ديوان المحاسبة بروحه يبيله محاسبة يا ديرتي الحبيبة .. يكفي .. انصفي شعبج.. ليش هالتفرقة و الظلم .. خلاص الناس بتقطع بعض من الغيرة و الحسد بسبب هالتفرقة والظلم

الصراحه ما عجبني كلامج ترى المحاسبه مو كل مكان الاف ما تشوفين مواضيعنا اغلب المحاسبه 900 او 800
و صج حبي الخير حق الباجي عشان ايلج مثله مو داشه هجوم على تخصص انتي ما تعرفيننه و ما درستيه

اقتباس:

المشاركة الأصلية كتبت بواسطة faloda الصراحه ما عجبني كلامج ترى المحاسبه مو كل مكان الاف ما تشوفين مواضيعنا اغلب المحاسبه 900 او 800 و صج حبي الخير حق الباجي عشان ايلج مثله مو داشه هجوم على تخصص انتي ما تعرفيننه و ما درستيه

يا ماما الموضوع مو عن تخصص المحاسبة
الموضوع عن التفرقة بالراتب بين حملة الشهادات العليا في الحكومة
و بين حملة الشهادات العليا في " ديــــــــــــــــوان المحاسبة"
فهمتي؟
اعتراضنا ليش ما يكونون سيم سيم الثنين تعبوا و ادرسوا و هالشي مو تقليل من اهمية حاملي الشهادات في " ديوان المحاسبة" عليهم بالعافية
لكم مطالبة بالمساواة
يعني تخيلي مثلا واحد عنده ماجستير طب او هندسة لكنه يشتغل بالحكومة .. زيادته بتكون 75 بس
وواحد مثلا اخذ ماجستير في ادارة اعمال او جغرافيا لكنه يشتغل بديوان المحاسبة بتكون زيادته 200 دينار
فهمتي؟

اقتباس:

المشاركة الأصلية كتبت بواسطة tyraa يا ماما الموضوع مو عن تخصص المحاسبة الموضوع عن التفرقة بالراتب بين حملة الشهادات العليا في الحكومة و بين حملة الشهادات العليا في " ديــــــــــــــــوان المحاسبة" فهمتي؟ اعتراضنا ليش ما يكونون سيم سيم الثنين تعبوا و ادرسوا و هالشي مو تقليل من اهمية حاملي الشهادات في " ديوان المحاسبة" عليهم بالعافية لكم مطالبة بالمساواة يعني تخيلي مثلا واحد عنده ماجستير طب او هندسة لكنه يشتغل بالحكومة .. زيادته بتكون 75 بس وواحد مثلا اخذ ماجستير في ادارة اعمال او جغرافيا لكنه يشتغل بديوان المحاسبة بتكون زيادته 200 دينار فهمتي؟

سوري فهمتج غلط…

اذا بتشوفين الموضوع جذي انا اعطيج اللي صج يعور القلب
الفرق بين المحاسب بديوان المحاسبه و المعيد في جامعة الكويت ترى رواتبهم نفس الشي
يعني بكالريوس ديوان المحاسبه = معيده في الجامعه تقريبا نفس الراتب
هذاك درس و تعب و الدكاتره قاطين الشغل عليه و البكلريوس بس 4 سنوات

و اللي يعور اكثر و اكثر الطب اول ما يشتغلون 1800 المحاسب بديوان المحاسبه 1556
هذه الحالات اتضايق اكثر
فقولج اللي بيحط في خاطره ليش ديوان الحاسبه غير راح يتضايق

مرحبا بنات .
عندكم فكرة عن إعانة طالب الماستر ؟ نفس إعانة طلبة البكالريوس 100 ؟
+ شنو الفرق بين دوام كلي ودوام جزئي ؟

اللي عنده فكرة لا يبخل علي بليز ..

العليا كطالب مقيد إعانته 400 دينار

وانا اشوف طلبة الماستر بكليتنا يداومون بعد الظهر يعني محاضراتهم من 4 الى 8 عرفتي الحين

وان شاء اكون افدتج

واي سؤال انا حضرة خيتووو

وموفقه خيتوو ,,

اقتباس:

المشاركة الأصلية كتبت بواسطة jazzer يا حلوج يا بنت حوا قولي آمين , الله يوفقج دنيا وآخرة . وإن شاء الله تلاقين وظيفتج جاهزة قبل لا تتخرجين . حيل ساعدتيني والله تسلمين حياتي 😡

وااااااااااي شحلات دعائج .. اللهم آآآمييييييييين

وتصيرين ماجستيرية

ويشترط عشان تقدمين على الاعانه انح تكونين دوام كلي ومو موظفه

اما اذا كنتي دوام جزئي فماراح تقدرين تقدمين على الاعانه

اقتباس:

المشاركة الأصلية كتبت بواسطة gosha انزين واللي بتكمل بعد التخرج مباشرة ماستر بجامعة الكويت يعني مو متوظفة بعد تاخذ الاعانة ولا شنو ؟

مايصير الماستر بعد البكالوريوس مباشره لان اخر موعد لتقديم الماستر يكون شهر 2 و البكالوريوس تطلع الشهاده على شهر 6 فلازم تنطرين السنه اللي بعدها
و هم بهالحاله تاخذين ال 400

ولازم لتقديم الاعانه شهاده من التامينات تثبت انج ماتشتغلين

ومن ناحيه الداوم بالاضافه للي قالته الاخت في من 5 لي 8

ومن 6 لي 9

وبالنسبه للدوام الجزئي ممكن تنزل لهم اعانه في حاله استثنائيه

وذلك بموااافقه مدير البرناامج

موفقــــين

اقتباس:

المشاركة الأصلية كتبت بواسطة gosha اوكي واللي يتخرج كورس 2 يصير يكمل ماستر مباشرة ولا لأ ؟

قصدج كورس اول؟ متى تطلع الشهاده؟ اذا قبل نهايه شهر 2 تقدرين