|
هلا بنات شلونكم عساكم بخيير ؟ بنات عندي استفسار الحين اللي ريلها يشتغل صارله سنه وقرر يكمل الماجستير بره شلوون ؟ شلون على الشغل و واذا بسافر راح تكون مرته معاه شلون على المعاش شكثر يمشيله و من وين ؟ وعادي يرد على شغله عقب ؟؟
ومشكورييين
|
هلا بنات شلونكم عساكم بخيير ؟ بنات عندي استفسار الحين اللي ريلها يشتغل صارله سنه وقرر يكمل الماجستير بره شلوون ؟ شلون على الشغل و واذا بسافر راح تكون مرته معاه شلون على المعاش شكثر يمشيله و من وين ؟ وعادي يرد على شغله عقب ؟؟
ومشكورييين
|
شلون طريقة التسجيل وبجم وشلون الدراسه فييدوونا اكثر خوو :")
البحرين فل بس بالجامعه الخليجيه ..لكن دلمون توها فاتحه نظام ايام بالشهر فالكويتين شويه فيها وبيني وبينكم احسن
لان الخليجيه يقولون زحمه حيل حتى من كثر الزحمه حسب اقوالهم مافي كراسي
شنو التخصصات الي تبونها؟؟
ومنو يعرف احد يدرس فيها؟؟
وموفقين
وينج غلا تعالي استفيدي لابارك الله بالتجاري …وبسنينه —->خوش دعوه لج
اقول بنات من فيكم يدرس اهناك؟؟
وشلون طريقه الدراسه؟؟
مع تحياتي
وشلون الدراسه بالعربي او الانجليزي
والدوام جم مره بالسنه لازم اداوم
|
مبرووك للى أسمائهم طلعت
والفال للباجى
اللى سجلوا وما طلعت
بس الملاحظ انه العدد كان قليل حيل
على الرابط التالى
|
والي يعافيكم الي تعرف تقولي او ترفع الموضوع لي الله لايهينها
وسلامتكم ومبارك عليكم الشهر
up
و هذا الحجي سألته وحده تشتغل بالمنطقة التعليمية وانا اسوي اوراقي للتعيين
وقالتلي انه كلامها متأكده منه وصحيح
|
مرحبا بنوتات
انا عندي سؤال يخص اختي
لأن طل بعيني انا عندي بكالريوس حقوق
المهم
اختي الحلوه تبي تكمل ماجستير حقوق عن طريق الانتساب
اللي عندها تجربه شخصيه أو معلومات عن أي كليه معترف فيها
وين تدرس
وشنو الطريقه
ياريت والله تفيدني
ومشكورين مقدما حتى لو بمجرد المرور
بس بصراحه مافكرت اكمل
بس بسأل واذا حصلت رد بقولج
بالتوفيق
math2020
المشكله ماتبي بالكويت لأنها جربت نحاستهم وطلعت ما كملت هذا واهيا متفوقه
تقول تبي بره عشان تاخذ اجازه بعد دراسيه من شغلها
يعطيج العافيه
دكتورنا الحقوق يمدح جامعات لندن يقول بسنه خلص ماستر والله اعلم..
والله يوفقها يارب ويوفقج يارب..
|
انا خريجة كلية التربية الاساسية رياض اطفال
انااا صارلي 4 سنوات مدرسة روضة…..وبصراحة حبيت اكمل دراستي واخذ الماجستير ؟؟؟علمااا باني تخرجت بامتياز.
انا ماعندي اي فكرة عن الماجستير حبيت اللي تعرف احد او هي ماخذة ماجستير تعلمني اشلون اقدر اخذ الماجستير من جامعة الكويت ؟؟والواسطة تمشي بسالفة القبول ؟
وبما اني رياض اطفال ؟؟؟ بشنو اقدر اخذ الماجستير ؟؟
وشلون بخصوص جهة العمل ؟؟؟ اي اذا اخذت الماجستير هل ممكن اصير استاذة بالكلية ؟؟
وشنووو التوفل ؟؟؟ولازم اخذة ؟؟؟او لا
والله مالي غير الله ثم انتم واناااا احب اسمع كلامكم حيل .. امانة لا تطنشوني اللي تعرف احد تسالة لاني ما صدقت اقنعت زوجي بسالفة اكمل دراستي
وانتظر اجاباتكم
ماجستير بالكويت ما لج أمل
جامعه الكويت حاطه شروط تعجيزيه لطلبة التربيه الاساسيه
روحى قسم التسجيل بكلية الدراسات العليا بالخالديه وانتى تعرفين
اول شي مالج امل بتخصص تربيه او علم نفس لانه بس لطلبه الجامعه
تعرفين شنو الموجود ؟؟؟؟ أدارة اعمال فقط ولما سالتها يعنى شنو اصير استاذه بالكليه
قالت لى لا تدخلين بيانات على الكمبيوتر
تخيلى ادرس ماجستير عشان ادخل بيانا ت
وعموما اصلا اهم حاطين اختبار تعجيزي التوفل
صديقتى متفوقه بالانجليزى وارسبت فيه
الحل واحد فقط وهو اللى سوته رفيجتى انا بصراحه ما قدرت اسويه
وهو انها راحت قدمت استكمال دراسه بمصر
يعنى انتساب بس تروح حزت الامتحانات
ادرى حبطت معنوياتج بس للاسف هذى الحقيقه المؤلمه
وانتى تقدرين تستفسرين بنفسك من قسم التسجيل بالكليه
وهم قاعد اتدرس معانا الله يعينها بس تقول الوحده لازم تاخذ تفرغ عشان اللي قاعد تدرسه واهني الدكاترة صعبين
مو مثل البحرين سهاله مشالله
بالنسبه للتوفل جنها اسقطت فيه لانه صعب
وهذا اللي اقدر افيدج فيه
اوكي انا ممكن اسافر لدول الخليج وقت الامتحانات مثل البحرين او بحاول بمصر بس شنهي التخصصات الموجودة واللي تتوقعين انها تفيد بالكويت ؟؟؟ وهل اذا بغيت ادرس برااا لازم بعد توفل والا عادي ؟؟
مومو والله ارشاد نفسي حلوو بس رفيقتج مسافرة ومكملة على حسابها ؟؟؟
انتظر اجابتكم؟؟
flana بصراحة كلامج حلوووو وشجعني واسلوبج روعة انتظر ردج وراح اشوف انا بعد العديلية وجزاج الله خير…
|
السلام عليكم خواتي
مبروك عليكم باجي شهر رمضان
بنات أنا طالبة بكلية العلوم الطبية المساعده
تخصص علاج طبيعي
وسنة رابعه وراح أتخرج هالسنة إن شاء الله
بنات أنا التخصص مو عاجبني كلش
ودي أكمل ماجستير بتخصص ثاني يصير ؟؟؟
وشغلة ثانيه أنا كلمت جامعات بمصر جامعات حكومية معترفين فيها التعليم العالي مثل القاهره وعين شمس والامنصوره والاسكندريه قالولي نعطيج ماجستير وإنتي بديرتج بس أوقات الامتحانات تيينه وندرسج إحنا بالكويت
إنزين يصير أشتغل وبنفس الوقت آخذ الماستر وأنا بديرتي
أخاف باجر التعليم العالي يقولون لي شلون إنتي أخذتي ماستر وانتي موظفه إهني ؟؟
ودي أكمل ماستر
بس بتخصص ثااني
وإذا أخذت ماستر أشتغل فيه ولا بشهاده البكالوريوس ؟؟
بنااات ساااعدووني عفيه بأي معلووومة
لأني كارهه تخصصي ومجالي
وعسى الله يتقبل منكم أعمالكم إن شاء الله
مرات يصير اتكملين الماستر ابغير تخصصج
يعني مثلا انا تخصصي علم نفس ومساند ادارة ، يصير اكمل ماستر بعلم نفس وادارة ومكتبات
واذا تبين رقم الدراسات العليا انا حاضرة
والله يوفقج يارب حاسة فيج سامحيني ما قدرت اساعدج وايد
اب اب لعيونج
اخت فوفو اكيد تقدرين تكملين الماستر بغير التخصص . معاي بالدوام تخصصها احصاء وخلصت ماستر بالكويت محاسبه .
بس بغيت معلومات اكثر عن مصر وشنو قلولج بالضبط واشلون اتصلت فيهم .ضروري علشان نفيد بعض. انطرج |
?????????????????????????????????????????????????? ??????
مشكووووورين واااااااايد
بس ما جاوبتوا على أسئلتي (((((( 1 – ودي أكمل ماجستير بتخصص ثاني يصير ؟؟؟ 2 زين يعني ديوان الخدمة يوظفوني على شهاده الماستر أو البكالوريوس ؟؟ 3 – إنزين يصير أشتغل وبنفس الوقت آخذ الماستر وأنا بديرتي أخاف باجر التعليم العالي يقولون لي شلون إنتي أخذتي ماستر وانتي موظفه إهني ؟؟ |
بالنسبه للقبول في الديوان بشهادة الماجستير فالجواب نعم يصير .. وانا دشيتلج على سستم الديوان واهما طالبين حاليا تخصصات معينه مثل الإحتياجات للإناث -ط/ ماجستير في أمراض الدم-ع/ ماجستير في الميكروبيولوجي
الإحتياجات الغير محددة -ط/ ماجستير في التقنية الحيوية والطبية-ط/ ماجستير في طب الأسنان
بس الكلام انه هالتخصصات يحطونها على حسب الحاجه يعني احتمال هالمره يبون هالتخصصات بس بعد فتره لا يعني فيها مغامره هذا شي.. وبالنسبه انج تكملين ماستر وانتي موظفه فالجواب عادي ما فيها اي مشكله بس اهم شي انج تضبطين وضعج بوزارتج بحيث تقدرين تروحين الاختبارات وتردين
فيه شغله اخيره ومهمه.. بالنسبه لتغيير التخصص.. اغلب التخصصات للماستر يكون مطلوب لها تخصصات معينه من البكلريوس.. هذا شي والشي الثاني والاهم انج لما تختارين التخصص لدراسة الماجستير تروحين الديوان وتسألين هل تخصص الماجستير اللي بتاخذينه يخليج تعدلين مؤهلج الوظيفي بالديوان ؟؟ هذا شي مهم لانه بعطيج مثال.. انا مهندسة وحابه يكون عندي ماجستير اداره.. بالنسبه لي عادي اقدر اخذها بس هل لو اقدم شهادة الماجستير بالاداره للديوان ياخذه ويحسبها لي؟؟ لان سمعت لازم على حسب التخصص.. يعني بختصار هالشي لازم تتأكدين منه في الديوان.. بالتوفيق انشالله
ايضا التعليم العالي كل يوم لها قانون فكوني safe side
وبالعكس انا اشوف تخصصج روعة اذا تكملين فيه بس خلي اطروحتج في مجال محد تطرق له مثلا عشان يكون لج الافضلية
اتذكر وحده اعرفها ما شاء الله عليها كملت ماجستير علاج طبيعي في استراليا بخصوص تأهيل المرأة الحاامل .. وكانت تقدم دورات وتمرينات للحامل , فيعني شوفي شنو يناسبج بس انتبهي عدل , عشان لا تروح دراستج ادراج الرياح
حلوة ادراج الرياح مووو
)
والله يوفقج
|
السلام عليكم ورحمة الله وبركاته ……….
شلونكم بنات ان شاءالله بخير واحسن حال ومرتاحين وكل اموركم عال العال
ادخل بالموضوع … بالمختصر قصتي اني سجلت في مصر من خلال الملحق الثقافي الكويتي اني اكمل ماستر علم نفس في مصر …
الحمدالله كل شيء صار واكتمل على احسن صوره بعد جهد جهيد من وقت وتواقيع واختام … المهم …
طلع قبولي في جامعة القاهره تخصص ارشاد نفسي بما اني حابه اتخصص علم نفس هذا انسب تخصص لي ( الارشاد النفسي ) …
طبعا بالمختصر عمري ما طبيت مصر ولا اعرف اتعامل معاهم ولا اعرفهم خير شر .. والسمعه الي واصلتني من نصب و و و و …….. و و و ……… اكيد سامعين فيها وماره عليكم ..
مو هني المشكله… وماكو مشاكل ان شاءالله الله يبعدها عني وعنكم وعن جميع المسلمين والمسلمات
الي بوصله .. شنو الوضع وشسالفه وشنو تنصحوني و شسوي … انا المطلوب مني حاليا اني ادفع لهم مبلغ 2300 استرليني + 8 صور شخصيه حجم ما ادري شسمه نسيت ..
عشان بعدها يضبطوني مع الدكاتره اني اداوم وقت الاختبارات النهائيه واحضر اوقات الاجازات ..
المهم اكيد في منكم دارسين ومارين بهل تجربه وعارفين الاوضاع هناك …
وعلى الي قالوه لي ان جامعة القاهره جامعه حكوميه مو خاص … يعني ما فيها مصخره وغش وتبخشش .. وانهم حيل متشددين مع طلبتهم وملتزمين … الحجي وايد وايد وايد …
ابي اعرف تجاربكم الشخصيه بكل صراحه عشان اتطمن … في بعض الناس الله يهديهم يبالغون بالحجي ويهولون المواضيع جنا محد غيرهم راح ودرس وجرب … ابي تجارب حقيقيه ونصايح تفيدوني فيها .. شنو نصايحكم وتجاربكم ؟
قالو الدراسه فيها من سنتين لي 3 سنين واتخرج معاي شهادت الماستر اذا كنت ملتزمه ومجتهده … هل فعلا ممكن ارسب او ممكن يتمادون معاي اذا شافوني خليجيه … بنات نصايحكم الله يخليكم …
بانتظاركم صديقاتي وشكرا
بالنسبه لجامعه القاهره وعين شمس هذيلا اول جامعتين بالمستوى بمصر ومن اقوى الجامعات بالعالم ..
والوضع مو سهل ولا الدراسه بس تمشي ..
والناس اجناس بنشوفين الزين والشين المصلحجي ويبنون من اول شي فلاتحاتين ..
وايد بنات ينطرون هالفرصه واهي يت لي عندج فلا تطوفينها والله يسهل امورج .
بس سؤال انتي موظفه او لا وشلون الطريقه
موفقه حبيبتي ..
الله يرسبون ويسقطون غالبا اهما الجامعات الخاصه علشان يستفيدون من وراج .. بالنسبه لجامعه القاهره وعين شمس هذيلا اول جامعتين بالمستوى بمصر ومن اقوى الجامعات بالعالم .. والوضع مو سهل ولا الدراسه بس تمشي .. وايد بنات ينطرون هالفرصه واهي يت لي عندج فلا تطوفينها والله يسهل امورج . بس سؤال انتي موظفه او لا وشلون الطريقه |
شكرا حبيبتي على الرد .. وبالتوفيق اجمعين ان شاءالله
انتي درستي هناك ؟ وشنو الاوضاع .. ؟ هل الدراسه صعبه .. كيف نظامهم وطريقتهم .. ؟ شنو تنصحيني .. ؟ انا موظفه في التربيه .. لكن قالو لي اخذ ورقة القبول مالت الجامعه واوديها ديوان الخدمه المدنيه يعطوني 45 يوم اجازه مع راتب مستقطع …
هذا الي صار معاي …
|
هاااي بنات شخباركم
انا ان شاء الله نويت اقدم ماجستير في الmba بالمملكة المتحدة و الي عندها خبرة ولا عندها خبر عن الجامعات الزينة الي هنااااك أتمنى ماتبخل علي لاني رحت حق التعليييم العالي اللهم ياكافي كل وحدة نفسها ابخشمها و محد يعطيييييج ويييييه مولية و كله مقفلييييين البيباااان ماخذيت منهم لا حق ولا باطل أنا بكمل على حساااابي و عطوني لستت جامعات اقولها هذي حق البكالريوس ولا الماجستير تقولي مادري
بس الي اتعرف جامعات معترف فيها هنااااك تقولي الله يخليكم
و عسى الله يوفقكم دنيا و آخرة و يفتحها بويه كل وحدة ترد علي
آنـآ تونـي طآلبـه بالجآمعه ولآ لي خبرهـ بس آن شآء الله نآويه آخذ المآستر وحآبة جآمعآت لندن
االجآمعآت اللي حيل معروفـه وقويـه جآمعة آكسفورد وكآمبردج ومآنشستر ..!
وفـي بأمريكـآ هآرفرد ..!
ع العمـوم هآذآ الرآبط ان شاء الله يفيدش
https://vb.eqla3.com/showthread.php?t=312637
مـوفقـه آن شاء الله
|
السلا م عليكم ورحمة الله وبركاته
انا سمعت اذا درست ماجستير اعطي الوزاره الفاتوره يرجعون لي الي دفعته للجامعه ؟؟؟
صح الخبر او كلام ؟؟
بس حتى اذا كنت تدرسين بجامعة الكويت ؟
واذا كان عندي خبر اقولكم
السلا م عليكم ورحمة الله وبركاته
انا سمعت اذا درست ماجستير اعطي الوزاره الفاتوره يرجعون لي الي دفعته للجامعه ؟؟؟ |
وعليكم السلام والرحمة
حسب معلوماتي، اذا انتي دارسة على حسابهم (يمشي لج راتب ومصاريف جامعة)، أوطالعه بعثة دراسية (راتب بدون مصاريف جامعية) أو اجازة دراسية (براتب كامل، أو نص راتب، أو بدون راتب)،
سالفه الفاتورة شي يديد ، وما اعتقد ، جان كل الكويت يابوو فواتيرهم