الوسم: البحرين

السلام عليكم ورحمة الله وبركاته

شلونكم شخباركم خواتي .. بسم الله افتتحنا الدوانية مساكين تجمع طالبات الجامعة الخليجية كل شوي داشين عليهم ومخربين على البنات الباجي اللي يبون يستفسرون ..

ففكرت ان نفتح هالدوانية لكل الطالبات الكويتيات في مملكة البحرين .. وياليت اللي حابه تصير عضوة بالدوانية تدخل اذا حابة تقول اهي بأي جامعة وشنو تدرس وباي مرحلة ومن هالسوالف ..

وانا بابتدي

كويتية أصيلة

طالبة بالجامعة الأهلية في مملكة البحرين

ماجستير علاقات عامة وإعلام

نظام الدراسة التزام كل اسبوع

توني اول كورس

……………

ويالله حياكم الله بالتوفيج يا رب

بالتوفيق ان شالله لج ولكل طالبات مملكة البحرين

يسلمووو على هالديوانيه الحلوه

وان شاءالله نفيد ونستفيد من هالتجمع الحلو

انا أرموشا

طالبة بالجامعة الخليجية

بكالريوس محاسبة

نظام 3days

وهم انا اول كورس

هلا كويتيه… شلووونج ؟؟
جنج حاسه فيني كنت افكر اذا حولت من الجامعه الخليجيه ورحت جامعه ثانيه وين اروح
لووووووووووول لا اتغشمر اكيد نووي راح تستضيفنا وماراح تقصر

انا ثموووونه <<< على قولت اورانجياا

ادرس بالجامعه الخليجيه

بكالوريوس محاسبه

نظام 3 days واول كووورس نفس ارموشا

ضحاوي يا هلا وغلا نورتي الدوانية .. واجمعين يا ربي

الف شكر على هالدعوه الحلوة

ارموشا حياج الله حبيبتي اول الواصلين للدوانيه لوووووووول

بالتوفيج يا ربي عسى الله يوفجج ان شاء الله وتخلصين بغمضه عين

هلا والله التهمينه انا صارلي ساعه ونص بس اعابل عشان اقرا اسمج لول

شخبارج حبيبتي .. وثاني الواصلين للدوانيه لول حياج الله

مو الله يسلمج هناك كسرو خاطري الناس قاعده تدش تسأل وتستفسر وانا داشه عالبراد اقرق واسولف لول فقلنا نخلي السوالف هني

وعسى الله يوفجج يا ربي زين يعني مع ارموشا عندج ربع هناك لول

انا هني بريحاتي لوووووووول الله كريم بس

انا بدرس بابحرين ماستر ان شاءالله..

بس ابي اعلام وبالعربي تعرفون؟؟

كويتيه انتي بالعربي؟؟

والله يوفقج يارب..

هلا والله رونه .. اي حبيبتي بجامعتي دراسة الاعلام بالعربي

اهي الجامعة الأهلية .. في المعارض .. بس دوامها التزام يعني لازم تكونين موجوده هني

إلا اذا انتي تقدرين تيين كل اسبوع تداومين وترجعين هذا شي ثاني

وبالجامعة الخليجية هم في اعلام بعد بس ما ادري اذا بالعربي ولا الانقليزي

شنو اللي تبين تعرفينه بعد؟؟؟

هلا كويتيه..
ماقصرتي..

جزاج الله خير..

اهم شي معترف فيه ؟؟
و جم تكلفة ؟؟
واقدر اخذها بعثه ع حساب الحكومه؟؟
نظامه اقدم رساله او لكل ماده بحث بروح ؟؟

ومشكووره..

انا ودي أدرس بجامعة الخليج ماجستير اقتصاد أو إدارة أعمال , منو عندها فكرة كم المدة إلي أخلص فيها الماجستير , و التكلفة ؟

مصختها ..

بس اهم شي ..

لازم توفل ولا لا؟؟

انا حبيت اتليقف واشاركم بالدوانيه… انا موظفه وطالبه كويتيه ادرس بالجامعه العربيه المفتوحه فرع الكويت ثاني سنه لي وتخصصي حاسب آلي والله يعيني عليه …
المهم بنات شكرا لكم على حسن الضيافه
لوووووووووووووووووول تقبلوا مروري

هلا وغلا ثموووونه

انتي شنو موادج يمكن نكون مع بعض

وناسه ذكرتيني بطابور الصباح مال المدرسه بالابتدائي

نستانس لما نصف باول الطابور

والله يحييج يالغاليه

والله يسمع منج واطوف الماده اللي غاصه فيها

هاي بنات اشلونكم

بليز بغيت اعرف منو منكم مسجله بجامعة البحرين الخليجية بصراحة ابي اسجل فيها و محتاجة معلومات عنها

ياريت تفيدوني

انا بجامعة العلوم التطبيقيه (البحرين)توني امسجله فيها ما عندي معلومات عن الخليجيه لأسف

للاسف ههههههه

مشكورة حبيبتي على مرورج

أي وحدة !؟؟ قصدج الجامعة الخليجية ؟
شنو تبين تعرفين ، أنه اليوم رحت التعليم العالي وقالولي بالنسبة لتخخص الباكاليريوس التخصصين اللي معترف فيهم تسويق + مادة ثانية بالإدارة ما أذكرها ، بس ترى راح يعتمدون مواد ثانية خلال الشهر هذا إن شاء الله ، اما بالنسبة لدراسة الماجستير راح يحددون المواد اللي معترف فيها هم خلال الإسبوع هذا.
أما بالنسبة للدراسة هناك صراحة بعدي ما رحت فما عندي فكرة ، بس اللي أعرفه انج تقدرين تاخذين 3 أيام بالشهر خميس + جمعة + سبت. وهذا موقعهم www.gulfuniversity.net

البحرين تؤجل الدراسة

أعلن وزير التربية البحريني ماجد النعيمي أنه تقرر تأجيل موعد بدء العام الدراسي في مدارس البحرين الحكومية والخاصة حتى 27 سبتمبر المقبل، وإجراء فحوصات على جميع الطلبة في اول يوم دراسي وعمل غرف للعزل بالمدارس تحسباً لانتشار وتفشي مرض انفلونزا الخنازير

مشكوره

زين يسوووووووون

شكرا عالخبريه

زين سوه ومشكوره على الخبر

السلاام عليكم حبيباتي

حبيت اسالكم عن دراسة الدكتوراه في البحرين

هل هي سهله

وجم لازم اييب معدل علشان يقبلوني لاني قاعده اشوف اقبال كبيررررر

علي هالسالفه وبعرف مميزاتها ومعلومات عن الدراسه بالبحرين

لاتبخلون علي باجابتتكن حبيباتي ومشكووووورين

السلام عليكم ..

بنات حبيت استفسر عن الاتي:

1- متى يبلش الكورس الثاني للجامعات الخاصه بالبحرين ( الخليجيه والخليج؟ )

2- بالنسبة لمعهد الاتصالات والملاحه ( دوامي مسائي) شلون أتأكد اذا هالكورس بعد مسائي، وشلون اخذ جدولي؟

دشيت موقعهم الرسي بس ماعرفت من وين اطلع المعلومات

الله يجزيها الجنه اللي تساعدني يارب العالمين

شدعوه بناااااات … ماتعرفون شي ؟ زين رفعوا الموضوع … يمكن احد يعرف عقبكم ..

يالله يا بنات ناطره االرد ,… جدا مستعجل 😐

up

up

up

لعــيـونــج

الله يعز شانج …

امممممممم معقوووووول محد عنده خبر؟؟؟

دشي الموقع الرسمي للمعهد وهذا رابط التطبيقي
https://www.tni-edu.com/students/cxsemtti.php

بس الي عليج تسوينه الفترة المسائية + رقم المدني ويبين عندج ..

بس التوقع اليوم ماراح يبين معاج شي احتمال باجر بعد المغرب ينزلون جميع الجداول ..

انا دخلت عليهم وشفت اتوقع الجداول باجر السبت ..

اتمنى اني ماقصرت معاج وافيدج

السلام عليكم

طبعا عارفين سالفت جامعات البحرين وتوقيف التسجيل فيها

سافر تاريخ 14 وفد كويتي من التعليم العالي عشان يكتبون تقارير عن الجامعات ويعطونها حق نوريه الصبيح عشان تعترف او توقف الاعتراف والله يسهل ان شاءالله

يمكن باجر ولا عقب باجر بنعرف شبصير انا وحده متوقف مستقبلي على هل اعتراف وناطرته مناطر

ادعو معاي ان يعترفون فيهم

ان شاءالله يعترفون فيهم
خو حالهم من حال اي جامعه ثانيه
و الله يوفقج يارب

يا رب يعترفون فيهم

ان شاءاالله يعترفوون فيهاا
انا بعررف ليش هالتعسرر هذاا كله !!!!
يعني ماتبوون احد يدرس برره خفضو نسب دخوول الجامعه بالكويت !!!

يارب يعترفون فيها

جان زيــــــــــــــن

يعني حتى لما وقفوا القبول وقفوه عالجامعه الزينه
جان وقفوا الجامعات اللي تطلع دكاترة ومهندسين بالمراسلة

إن شاء الله يعترفون فيها والله يوفق الجميع

يارب يعترفون فيها ويتوفقون كل المتقدمين لها واللي متعلق مصيرهم وبس عاد نحاسه
مرات احسن انه في ناس ماتبي الكل يصير عنده شهاده خصوصا هالايام صار الماجستير مثل الماي ايه خلوا الناس ترتقي وشعب الكويت يصير من احسن الشعوب من ناحية التعليم ليش يبون يرجعونا ورا ماادري ليش

انا اليوم اتصلت على الجامعات بالبحرين وقالولي الوفد يقولنا كلام يسر بس الله واعلم اليوم رجع الوفد لكويت والبحوث والاطلاعات راح يعطونها حق نوريه عاد واهيا تقرر وببين على يوم الاحد ولا لثنين وجد حدي خايفه الله يستر حياتي متوقفه على الاعتراف

ااختي الكبيرة تدرس بالجامعة الخليجية وتقول مستواها وايد زين من دكاترة ومن مناهج ومن متطلبات وما اشوف انها اي شي ء حتى الحضور والغياب يدققون عليه يعني مو لعب …….
يعني صج دراسة اعرف وايد ناس حولو مصر عشان هناك اسهل من البحرين

بس قراااااااار الوقف كاان السبب الرئيسي له هو عدد الهائل للطلبة الكويتيين بالبحرين

اي والله السبب بالعدد شكو يوقفون مادري

لييييش هالعسااااره لييييييش سهلووو عالطللللللبه

اوو خفضوو نسبه قبوووول جامعه الكوييييت

للرفع

الله يستر انشالله يبشروما بشي زين

بنات انا توني يايه من التعليم العالي ولي الحين ماكو شي يديد بس اخر خبر وصل ان التقارير سلمت حق نوريه الصبيح وعاد تراجعهم ويطلع الخبر يوم الاحد او الاثنين وان شاءالله خير

ادعو وياي بنات

قوة بناتنا بجامعة البحرين الأهلية حبيباتي أبيكم تساعدوني جزاكم الله خير أنا بقدم ماجستير إعلام بجامعة البحرين الأهلية يابنات الدراسه اهناك سهله ولا لأ وجم تكاليف الدراسه أهناك بالكويتي وفيها أمتحان توفل ولا لأ والدراسه انتظام ولا عادي بس بالامتحانات الحضور ، وآخر سؤال جزاكم الله خير ويارب توفق كل وحده ترد علي بالي تبيه الدراسه بالعربي ولا بالانجليزي ويعطيكم ألف عافيه

مافي أحد يدرس بالبحرين ؟

آنا بحرينيه ، الجامعه الخليجيه فيها اعلام وانا خريجه منها إذا تبين اساعدج بمعلومات عن الخليجيه ابشري

جزاج الله خير بس الخليجية مو معترف فيها بالتعليم العالي الكويتي ، الجامعة الأهلية أهي المعترف فيها وجزاج الله خير أذا تعرفين أحد يدرس فيها ياريت يساعدني .

قلبي الدراسه بالاهليه نسبه للتخصص اللي تبينه 70% بالعربي و 30% بالانقلش .

المقررات الدراسيه 18 ساعه اجباريه ، و 6 ساعات مواد اختياريه ، من ثم تخلصين هالمواد كلها واتيين للرساله " الاطروحه 12 ساعه .

يعني مجموع الساعات للماجستير كلها 36 ساعه معتمده .

ورسوم الدراسه :
40 دينار بحريني للتقديم يعني حق تملين اوراقج بالبدايه .

و 300 دينار غير قابله للاستيراد للتسجيل .

و بعدين سعر الساعه الوحده 160 دينار

يعني مجموع الدراسه الكلي بالكويتي : 4 آلاف و 475 دينار كويتي .

وطبعا المعروف ان دراسه الماجستير ما تكون يوميه
واي استفسار ابشري .

طبعا نسيت اقولج اكيد في دراسه م وبس تقديم امتحانات بس الحظور مو يوميا اكيد لان ماجستير

وهذه الخطه الدراسيه للتخصص اللي تبينه .

اضغطي للخطه

وموفقه إن شاء الله

اختي دشي هالموقع راح يفيدج وايد ملتقى طلابي الكويتي فيه كل الجامعات البحرينيه
https://gccbh.com/vb/

لا حبيبتي …
دوامهم طوال الاسبوع …

الفصل الاول من الاحد الى الاربعا .. والفصل الثاني طوال الاسبوع

اتمنى اكون افدتج .. واي سؤال انا حاضرة

بس انا سمعت تروحين بالويك اند بس

اب اب

انا ابي الدراسة اللي بالويك اند

قووة
بناات بغيت استفسر منك عن جامعة البحرين الحكوميه او اي احد يعرف عنها شي
انشالله انا وجي اكمل بكلية الحقوق هناك دام الجامعات الخاصه موقفه
وابي اعرف معلومات عنها اكثر يعني الجامعة شلونها؟ وكلية الحقوق صعبه؟وبالنسبة لسكن الجامعة ؟وفي كويتيين وايد يدرسون هناك بالجامعة؟
وبس اللي عنده معلومات زياده او يعرف احد يدرس هناك يقدر يفيدني فيها لان سمعت يقولون مو زينيه مع الطلبه اللي برا البحربن والجامعة صعبه
سوري طولت عليكم

حبيبتي هاذي الجامعة موقوفة والشهادة منها غير معترف فيها
ونزل إعلان بالجريدة مفاده ان كل الجامعات البحرينية غير معترف بشهادتها ماعدا الجامعه الملكية للبنات والجامعه الطبية بس

لا حبيبتي ذيلاك جامعات خاصه هاذي جامعة حكوميه معترف فيها والتلعيم العالي يدز بعثات حق الطلبه الكويتيين فيها
ننطر الباجي

uppppppppppppppp