الوسم: الربيعة

السلام عليكم

خلاص انا قررت اسوي ليزك

دقيت على عيادة الربيعة بس محد ارد خذيت الرقم من الجريدة

اللي اتعرف رقم ثاني اتساعدني

د.سامي الربيعه 5752222

وعليكم السلام

الله يسهل عمليتج يارب وتشوفين اللي ورى الطوفه لووول

دشيت ادعيلج حبيبتي واقولج زين سويتي رحتي لسامي انا مسويه عنده
من ثلاث سنين تقريبا والحمد لله كان اول عندي انحراف شديد
والحين نظري ولله الحمد تحسن وايد وفرق والعمليه ماتاخذ دقايق ترى
وماتحسين بشي وبعدها بتقولين ليتني من زمان مسويتها

شوفى اختى انا سويتها عند الربيعه واهو خبره وممتاز بس عيبه انه زحمه بس شاطر اما المنصور اعتقد فاضى اختى انا ما البس عد سات فالنظام كان كالتالى قبل العمليه عطانى قطرات استخدمها لمده ما اذكر كم بس ما تطولين بعدين يسويلك العملبه بس بالعمليه لاتحركين علشان تستفيدين من اكبر قدر من الليزر وعلى فكره هناك فحوصات عنده قبل العمليه وبعد العمليه يلبسك مثل النظاره الكبيره ويكون حاط بعينك عدسات وتلبسين اثاء النوم وما يحوش عينك صابون ولا تفركينها وتراجعين بوعد ويعطيك قطرات وغلى فكره لاتستخدمين المكياج لمدة عشر ايام بعد العمليه والقطرات بعد العمليه لازم تستخدمينها علشان عينك لاتجف وبعدين يتسبب يجروح وانا اختى سويت عين وحده واخذو منى 350 اذا مانى غلطانه لانى نسيت بصراحه واو لشئ ياخذون منك 50 دينار والف سلامه لك

تسلمين اختى وهايب الخير ما قصرتى عسى ربي يوفقج ان شاء الله

>|<

هلا حبيبتي
انا توني سويتها يوم الاثنين اللي طاف عند سامي ربيعه والحمد الله كنت البس عدسات والحين نظري اوكي ما البس لا عدسات ولا نظارات
طريقتهم تاخذين موعد وبعدين يطلبون 50 دينار حق الفحوصات قبل العمليه وبعد العمليه وفتح الملف عندهم بلاش وقبل العمليه يفحصون عيونج انا سويت 3 او 4 فحوصات بعدين تدشين على الدكتور يشوف الفحص ويقولوج العمليه متى؟
طبعا قبل العمليه يعطيج قطرات ثنتين وحده كرتزون والثانيه ترطيب حق العين
بعد العمليه راح تحسيت بحكه بعيونج وهو راح يعطيج نظارات تلبسينها عشان ما تحكينهم وحتى وانتي نايمه تلبسينها وطبعا تستخدمين القطرات ومدة يومين ما يحوش عيونج ماي ولا تتسبحين ولا صابون ولا شامبو ومدة 10 ايام ما تحطين مكياج بعد اسبوعين يعطيج موعد يفحص نظرج وكلفتني العمليه 475 دينار
انا انصحج عنده دكتور شاااطر وبالتوفيق يا قلبي واي سؤال انا حاضر

امي واختي مسوين عند الربيعه ماشالله عليه خبره هالريال
انصحج تسوين عنده

تسلمين يا ام العيون السود و عسى ربي يتمم عليج نعمتة
ما قصرتى حبيبتى

تسلمين فوز عسى ربي يخليلج اميمتج و اخيتج

اختي الحمدالله على سلامتج ومبروووك انج افتكيتي من النظارات والعدسات

بس ممكن سؤال تعور العملية؟
و يسوي كل عين بروخ؟؟؟ ولا نفس الللحظة؟؟؟
,,,,,,,,,,,,,,,,

وعندي سؤال للاخت وهايب شلون ما اتحرك اهما مايثبتون العين بشي مادري شلون شكله؟؟؟

ويييي منيرة "ااااه يا حلات هالاسم و يا زين راعيته عسى ربي يخليج لى و اشوفج عروس "

منوره شكلش مثلى ودج و متردده يا ربي عينا و اهدينا للى فيه الخير ان شاء الله

اي بليز سؤال مهم

تعور العمليه ولالا؟؟؟؟؟؟؟؟

وين مكان الدكتور الربيعة وجم رقمه ؟

هلا حبيبتى black sugar رقمة يا محفوظة السلامة 5752222
و هو بالعمارة اللى قبال شوبيز اللى تكون قاعده بروحها على كتر و فيها مطعم بيتزا جان مانى غلطانه

توكلي على الله وسويها عند د.الربيعه

وبالسلامة يارب

حبيتي مورينا
قبل العمليه يحطلج قطره بنج موضعي وما في عوار كلش واول شوي يبدي بالعين اليمنى بعدين اليسري وقت العمليه 10 دقايق او اقل بعد ويثبت عينج بحديده عشان ما ترمشين ولا تحاتين ما تعور

كان ودي اخدمج والله بس للأسف انمسح من تليفوني

عيادته ما تضيع بالفروانيه انا هاليومين انشالله لازم اروح له عشان يخلط لي القطره اذا مو مستعيله حيل اييبه لج اذا رحت

و انشالله ما يقصرون البنات يمكن يعرفونه

افا عليج ما طلبتي شي .. اي عيادته انتقلت لمركز الربيعه بالفروانيه وانا توني رايحه له اخر الشهر اللي طاف قبل لا اروح الشاليه أول مره ضعت مع ان العياده عالشارع ما تضيع بس ظليت افتر يم العماره ولا عرفتها لووول
العماره صايره يم نادي التضامن على طول .. عماره لونها رمادي بأزرق

اتصلي على 808080

عيادته صارت بالفروانيه عند نادي التضامن على شارع المطار

انا كنت مسويه عنه عمليه ليزك قبل اسنتين وعندي نفس الرقم اللي انتي كاتبته

السلام عليكم
بنات ابي مساعده انا رفيجتى راحت عند دكتور سامى الربيعه وبعد الفحص والتمحيص
قالهاا الدكتور انت عندج تجمعات او كوار مادرى بضبط بس انه ممكن تنفجر وتغرق العين بالدم
طبعا البنيه كانت تراجع بمستشفى حكومه وقايلين لهاا عندج ماى بالعين وبين فترة وثانيه يسون لهاا
ليز يسحبون الماى ولماا راجعت الدكتور الربيعه بس فحصهاا وسولهاا اشعه خذا منهاا 120 دينار مادرى
حسيت اسعاره نار ولا انت شنو رايكم؟ وقالهاا مالج شغل بالليز هذا يعالج الشبيكة من بر بس انت مشكلتى حلهاا ابره او ابرتين تنطق بالعين وسعرها 400 دينار مادرى بنات اذا عندكم فكره عن الدكتور
وعن الابره وشنو اضرارها ؟ وتنصحونهاا اطقهااا ولا تم على ليز الحكومه تدرون هذا عين البنيه فيه سكر وسكر عندهاا كلش مو منتظم

شوفي ياقلبي

اولا الف سلامه عليها وماتشوف شر

طبعا سامي الربيعه يعتبر احسن دكتور بالكويت بتخصص العيون والي يشوفه بخبرته احسن من الحكومه الي كل شوي ساحبين الماي منها واهيا فيها سكر خل تستخير الله وتجرب اذا اهيا خايفه دكتور محسن ابل الي بالرقعي هذي ثاني اشطر واحد وبالتوفيق

انا اقترح انتش تستشيرين على الأقل ثلاث أطباء و لاتقولين لهم تشخيص بعض و شوفي شنو يقولون و هم عندتش عبدالمطلب بهبهاني يمدحون فيه. و اذا بالاخير احترتي بآرائهم استخيري و الله ولي التوفيق انشاءالله.

حبيبتي ماتشوفين شر

سألي كذا دكتور

والدكتور سامي الربيعة من أحسن الدكاترة بالكويت وماشاالله خبرة

الدكتور سامى الربيعه من احسن اطباء العيون

وكلامى هذا من سابق تجربه

بس هم راجعى اكثر من دكتور للاستشاره للاطمئنان

احلى كويتية و نجد بتبوتاا وام صالح شاكرتلكم وشواركم وهداية الله

دكتور سامي يستاهل كل خير .. شاطر مشالله وعارف شغله وصريح وكل اهلنا عنده انا انصحها تتوكل على الله وماتشوف شر

خل تستشير طبيب ثاني وبسرعه لا تبرد واذا نفس رايه تتوكل على الله وتستخير وترا د سامي شاطر وخبرة وحبيبتي لا تستغلي ولاتقول عشان لفلوس اسعار الخاص جذي

حبيبتي انا انصحج تسافرين ايران واعطيج اسم سفريات النور اهم يودون رحلات للعلاج بايران واهناك معروفين ماشالله عليهم ناس فاهمه ولحقي على عينج ولا تهملينا وهذا رقمهم
سفريات النور بحولي 2666056

شوفي حبيبتي انا الوالد الله يحفظه توه ماخذ هالابره عند دكتور خالد السبتي

بس ب 500 دينار وقايله انه بعد شهر يسويله الليزر لان هالابره تشيل الدم اللي بالشكبيه وبعدين تصير اسهل حق الليزر

وتتعالج العين ومع العلم انه هم فيه سكر

السلام عليكم بنات

اسوي ليزك عادي ولا lcv عند سامي.. فيدوني بليز!!

المكتوب مبين من عنوانه

بنات آنا قررت بإذن الله اسوي ليزك عيةني ..
وأمس رحت عند دكتور سامي الربيعة .. وسوالي أكثر من فحص
سألني تبين ليزك ولا ليزك إل سي في؟ قلت له شنو الفرق؟

قال الليزك العادي فيه مشرط وباندج

الثاني ( مشتقين اسمه من ليوناردو ديفنشي) مافيه مشرط بس يوجهون ليزك

إللي يولد كمية من فقاعات الهواء بين العدسة والطبقة اللي فوقها ( بالليزك العادي بالمشرط يفصلون هالطبقة عن العدسة)

ويكمل العملية .. يعني كله بالكمبيوتر ما يحط إيده بشي

عاد إني للأسعار الحين

الليزك العادية إب 400 وخردة

الليزك lcv إب 800 وخردة

( تنويه: الخردة إهي الـ 50 مالت الفحص)

بنات الحين شنو أحسن؟ أي وحده أسوي؟

بليز نصحوني .. أختي تقول لا يقص عليج

بنات بالمنتدى سوو عند دكتور .. مادري شنو اسمه نسيته بي عجمي

شنو رايكم بنات؟

ويزاها الله خير اللي تفيدني

السلام عليكم إختي ليزك LDV أو إنترا ليز تقنيه حديثه ونتايجها وايد أحسن وتقدرين تدشبن you tube وتشوفين الفرق بين العمليتين، في ناس ماينفعلهم غير LDV لأن سماكت قرنيتهم رقيقه بس إنتي بما أن الدكتور خيرج بين العمليتين معناته قرنيتج OKونصيحتي إذا تقدرين على المبلغ توكلي على الله وإذا ما تقدرين ترا اليزك العادي ماعليه قاصر ويريت تكتبيلنا تجربتج بعد العمليه وبالتوفيق

مرحبا اختي
انا اقول ياحبيبتي استشيري الدكتور نفسه ماعليج من احد اهو الي يقولج شنو يناسبج
وانا بصراحه قبل 5سنين سويت الليزك عند سامي الربيعه حييييييييييل حيييييييييييل حيييييييييييل ممتااز ماشاءالله
شي خيالي من معامله من علاج من مواعيد كل شي الحمدالله كان حلووو وحتى العمليه كانت سهالات والحمدالله ياربي مع اني كنت متخوفه حييييل واهوا كان يضحك علي كت ارجف لوول

الله يكتب لج الي فيه الخير ويقومج بالسلامه و يشافيج حبيبتي

تسلمون حبيباتي

اهو خرعني يقول الليزك العاديه بستخدم المشرط اما اليديد بدون مشرط ولا جراحه .. وآنا أموت من المشرط

واهو قال لج الخيار

وآنا مدرسة يعني ماقدر اغيب وايد حرام يتبهدلون البنات وآنا اتبهدل بعدين ماحب اغيب

وبعدين استغربت لمن قال ماتلبسين نظارات شمسية ولا باندج ولا شي

والبول تقدرين تستخدمينه بعد اسبوع عادي

بس نسيت اسأله على العدسات

يزاكم الله كل خير بنات شجعتوني

الليزك وااايد زين المشرط ايللى يقولج اصلا ماراح تحسين فيه كلش يحط

لج قطره مخدره ووبجهاز يسويها ابداا لا تخافين ! سمى بالرحمن وصلى الاستخاره

ومن استخار الله ما خاب ,,,

والليزك ما تحتاج نظارات ,,الليزر اهيا ايللى تحتاج نظارات !!

انصحج تسوينها راح ترتاحين باذن الله حييل خصوصا ان جونا غبار وتراب ,,,

وياثره على العدسات ,,,,

والف سلامه ,,وبالنسبه للدكتور ربيعه خوش ريال صحيح طريقته جاف شوى بس الله يعينه

كل يوم يشوف ناس اشكال ,,,,,

تسلمين حياتي والله نجد

و رحم الله والدتج ويمعج وياها في دار كرامته

حبيبتي آنا الحين خفت اكثر لأن البنات قالوا شوفي عاليوتيوب

شفت شلون يشيلون الطبقة الخفيفة أحسمن اح يحور شلون اترد تلصق مره ثانية؟

بس دشيت هاللنك ريحني شوي .. تجربة واحد بالليزك

https://www.youtube.com/watch?v=7RbbcxiIG_Q

بس بنات لاحظت إنه ماكو فرق بين الليزك العادي وبين الليزك LDV

هاذا الليزك العادي

اضغط هنا

وهذا ليزك إل دي في

ليزك إل دي في

يعني ماكو فايده "

مشكوره الغاليه

ما قصرتى على هالدعوه الحلوه حبيبتى ,,فى هاليوم الفضيل يزاج الله خير

وتوكلى على الله وسويها وبلغينااا باخر الاخبار,,,

انزين شسالفة القطرة؟

يبت الكورتيزون اللي قبل العملية

بس باجي المرهم اللي بعد العملية شلون طريقتهم؟؟

القطره راح يقولج

اول قبل العمليه اعتقد 4 مرات ويقلل منها الى بعد العمليه

والمرهم مرطب بس الاحسن تتاكدين منه

آنا سويت الليزك عند سامي الربيعة صارلي ألحين تقريباً سنتين والحمد الله كل شيئ تمام وسهاله من رب العالمين طبعاً الدكتور يشرح لج كل شئ ويقولج الأفضل لج بس نصيحة سويها راح ترتاحين وايد والدكتور ماشاء الله عليه ممتاز وتعامله وايد مريح

تسلمين نوارة حبيبتي

عمليتي ان شالله باجر الساعة 9 الصبح

راح اغيب عن المنتدى بس فترة النقاهة وبشتاقلكم

الله يقومج بسلانه انشاءالله وطمنينا عليج

فوه بنات

ييت تفحص .. شفتوا شلون؟ ماقدر على فراقكم

الحمد الله سويت العملية

وهذا الرابط بالتفاصيل

عمليتي الليزك هنا بالتفاصبل

يزاكم الله خير على دعواتكم الحلوه ولكم مثلها ان شالله

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

اخواتي المعلمات

الموضوع لتبادل اراء واستفسارات الجميع عن اي اداره مدرسيه

يعني احنا كلنا محتاجينه بالذات في فترات النقل والندب

عشان نتعرف اكثر على اسلوب الاداره وطريقتها في التعامل

فيرجى من الجميع التقييد بالشروط التاليه

1- عدم ذكر الأسماء على العام

2- احترام اراء الاخرين

3- يمنع منعا باتا التلميح او التشهير باي احد

( سواء مديره او مديره مساعده او رئيسة قسم اواداريه او معلمه )

4- للمشرفه الحق في حذف او تعديل اي رد تراه غير لائق او غير مناسب

يرجى التقييد بالشروط

وبالتوفيق

ملاحظه : تم فتح الموضوع من جديد لتعم الفائده على الجميع

يسلموووووووووو يا ضحاوي وبارك الله فيكم

وان شاءالله الفائدة تعم للجميع

مشكوووووره حبيبتي ضحاوي وانشاء الله الكل يستفيد

وين الموضوع القديم كنت اقراه امس وابي اكمله ؟؟؟؟؟؟؟؟؟؟؟

هلا والله بنات العاشره فديتكم على الدخول وهذا العشم من غير ما اطول السالفه انا ابي اغير مدرستي صراحه ملييييت اللي مرفوع مرفوع على طول والمنداس منداس على طول يعني فاهميني .. والحين ما دام ان التقارير بيدين الناظرات والموجهات مالهم دور الا ابداء الراي ف.. المطلوب منكم يا حبوبات ..
ابي اترشحولي مدارس بالعاشرةناظرتها زينه وتكفون لا اتخلوني …

ايام عدت كانت مدرستي انا متخرجه منها سنة97
الله يالدنيه ذكرتوني فيها

انا بعد كنت ادرس فيها انا خريجة 2001 ياحلوها من ايام كلها مغامرات وشطانه ذكرتوني بالايام الخوالي

انا درست فيها كانت تهبل اللحين ما ادرى عنها

أختي شهالاسلوب بطه وكحيانه وعرجه والله عيب يمكن اهم يقرون الكلام الله يهديج بس هذول كانو ابلاتنا ولازم نحترمهم نبي شوي اسلوب لبق بنات

اي مرحلة ؟ اي مادة ؟؟

اذا ابتدائي ماعرف ماعرف

اذا متوسط عندج سودة بنت مالك فهد الاحمد
ام حكيم فحيحيل
عاتكة بنت عبدالمطلب جابر العلي
زبيدة الصباحية

وموفقة

مشكورة فطووومة
ابي ابتدائي تكفون يالعاشرة الفزعه ؟؟؟

يعطيج العافية ضحاوي وبارك الله فيج وين الموضوع الأول مايخالف تعطينآ الرابط عشان يكون مرجع لنا

الله يسلمج زيتونه حبيبتي

العفو البيداء حبيبتي

فتحنا موضوع جديد ,, والقديم صار للقراءه فقط

الله يعافيج حبيبتي

وغاااااليه والطلب رخيص مطيريه ,, هذا الرابط

https://www.q8yat.net/showthread.php?t=90156

أبتدائي أكيد مو أم الفضل

فاطمه بنت الخطاب الصباحيه

بناءً على موافقة المقام السامي الكريم يترأس معالي وزير الصحة د.عبدالله بن عبدالعزيز الربيعة وفد المملكة لحضور الاجتماع الطارئ لمجلس وزراء الصحة العرب الذي سيعقد في مقر الأمانة العامة لجامعة الدول العربية في القاهرة صباح الخميس المقبل 29 المحرم 1445هـ الموافق 13 ديسمبر 2024م.

يهدف الاجتماع إلى اتخاذ قرار عاجل بتقديم كافة أشكال الدعم الصحي والإنساني العاجل لقطاع غزة، وذلك نظرًا للأوضاع الصحية والإنسانية في قطاع غزة؛ بسبب الاعتداءات الإسرائيلية على القطاع والنقص الحاد في الأدوية والمستلزمات الطبية.

وأوضح المتحدث الرسمي لوزارة الصحة الدكتور خالد مرغلاني أن الوفد يضم كلاً من وكيل الوزارة للإمداد والشؤون الهندسية الدكتور صلاح بن فهد المزروع، والمشرف العام على الإدارة العامة للعلاقات الدولية الدكتورة عفاف بنت سميحان الشمري، ومساعد مدير عام الإدارة العامة للطوارئ الأستاذ سليمان بن أحمد الشريع.

https://drstemcells.blogspot.com/

مشكورره

الشككر موصول لكي حبيبتي

يا حلوات … تكفون اللي عندها رقم عيادة دكتور سامي الربيعة … لأن اللي محطوط بالجريدة مفصول

826826

مشكورة حبوية ويزاج الله خير

الي سمعت انه نقل الفروانيه وكبر عيادته

يشارك معالي وزير الصحة الدكتور عبدالله بن عبدالعزيز الربيعة في مؤتمر دبي العالمي السابع للعلوم الطبية، المتزامن مع حفل تكريم الفائزين بجائزة الشيخ حمدان بن راشد آل مكتوم للعلوم الطبية في دورتها السابعة 2024-2012، والمقام في بمركز دبي الدولي للمؤتمرات والمعارض خلال الفترة من 10 وحتى 12 ديسمبر 2024.
وسيلقي الدكتور الربيعة بعد غد الثلاثاء محاضرة حول تجربة المملكة الثرية في مجال فصل التوائم السيامية, واستعراض خبرة "فريق واحد" التي امتدت لأكثر من عشرين عامًا (1990 ـ 2024م) وتعد إنجازًا علميًّا مهمًّا في مجال الطب، برعاية أبوية من لدن خادم الحرمين الشريفين الملك عبدالله بن عبدالعزيز (يحفظه الله )، إذ بلغ عدد الحالات التي استقبلتها المملكة نحو 69 حالة توائم سيامية من 17 دولة، منها 30 حالة تم فصلها بنجاح، كان منها ثلاث حالات لتوائم طفيلية، وما عكسته هذا العمليات الجراحية المعقدة من بُعد إنساني نبيل حرص عليه شخصيًّا خادم الحرمين الشريفين الملك عبدالله بن عبدالعزيز ـ يحفظه الله ـ.
إلى ذلك يسلّم سمو الشيخ حمدان بن راشد آل مكتوم نائب حاكم دبي ووزير المالية وبحضور عدد كبير من الجهات العالمية والدبلوماسية مساء غدٍ الاثنين، وضمن جائزة سموه للعلوم الطبية، "جائزة الشيخ حمدان للشخصيات الطبية المتميزة في العالم العربي"، والتي نالها لهذا العام معالي وزير الصحة الدكتور عبدالله بن عبدالعزيز الربيعة، وذلك في حفل يقام بقاعة راشد بمركز دبي العالمي للمؤتمرات والمعارض.
وتأتي هذه الجائزة تقديرًا لإسهامات الدكتور الربيعة الكبيرة وجهوده المتواصلة من أجل الارتقاء بالقطاع الصحي بالمملكة تحديدًا، وكافة مجالات الخدمات الإنسانية والطبية على الصعيد الدولي.
https://drstemcells.blogspot.com

تسلمين ي الغاليه ع المرورالراقي