|
|
السلام عليكم بنات
اسوي ليزك عادي ولا lcv عند سامي.. فيدوني بليز!!
المكتوب مبين من عنوانه
بنات آنا قررت بإذن الله اسوي ليزك عيةني ..
وأمس رحت عند دكتور سامي الربيعة .. وسوالي أكثر من فحص
سألني تبين ليزك ولا ليزك إل سي في؟ قلت له شنو الفرق؟
قال الليزك العادي فيه مشرط وباندج
الثاني ( مشتقين اسمه من ليوناردو ديفنشي) مافيه مشرط بس يوجهون ليزك
إللي يولد كمية من فقاعات الهواء بين العدسة والطبقة اللي فوقها ( بالليزك العادي بالمشرط يفصلون هالطبقة عن العدسة)
ويكمل العملية .. يعني كله بالكمبيوتر ما يحط إيده بشي
عاد إني للأسعار الحين
الليزك العادية إب 400 وخردة
الليزك lcv إب 800 وخردة
( تنويه: الخردة إهي الـ 50 مالت الفحص)
بنات الحين شنو أحسن؟ أي وحده أسوي؟
بليز نصحوني .. أختي تقول لا يقص عليج
بنات بالمنتدى سوو عند دكتور .. مادري شنو اسمه نسيته بي عجمي
شنو رايكم بنات؟
ويزاها الله خير اللي تفيدني 
انا اقول ياحبيبتي استشيري الدكتور نفسه ماعليج من احد اهو الي يقولج شنو يناسبج
وانا بصراحه قبل 5سنين سويت الليزك عند سامي الربيعه حييييييييييل حيييييييييييل حيييييييييييل ممتااز ماشاءالله
شي خيالي من معامله من علاج من مواعيد كل شي الحمدالله كان حلووو وحتى العمليه كانت سهالات والحمدالله ياربي مع اني كنت متخوفه حييييل واهوا كان يضحك علي كت ارجف لوول
الله يكتب لج الي فيه الخير ويقومج بالسلامه و يشافيج حبيبتي
اهو خرعني يقول الليزك العاديه بستخدم المشرط اما اليديد بدون مشرط ولا جراحه .. وآنا أموت من المشرط
واهو قال لج الخيار
وآنا مدرسة يعني ماقدر اغيب وايد حرام يتبهدلون البنات وآنا اتبهدل بعدين ماحب اغيب
وبعدين استغربت لمن قال ماتلبسين نظارات شمسية ولا باندج ولا شي
والبول تقدرين تستخدمينه بعد اسبوع عادي
بس نسيت اسأله على العدسات
يزاكم الله كل خير بنات شجعتوني
لج قطره مخدره ووبجهاز يسويها ابداا لا تخافين ! سمى بالرحمن وصلى الاستخاره
ومن استخار الله ما خاب ,,,
والليزك ما تحتاج نظارات ,,الليزر اهيا ايللى تحتاج نظارات !!
انصحج تسوينها راح ترتاحين باذن الله حييل خصوصا ان جونا غبار وتراب ,,,
وياثره على العدسات ,,,,
والف سلامه ,,وبالنسبه للدكتور ربيعه خوش ريال صحيح طريقته جاف شوى بس الله يعينه
كل يوم يشوف ناس اشكال ,,,,,
و رحم الله والدتج ويمعج وياها في دار كرامته
حبيبتي آنا الحين خفت اكثر لأن البنات قالوا شوفي عاليوتيوب
شفت شلون يشيلون الطبقة الخفيفة أحسمن اح يحور شلون اترد تلصق مره ثانية؟
بس دشيت هاللنك ريحني شوي .. تجربة واحد بالليزك
https://www.youtube.com/watch?v=7RbbcxiIG_Q
بس بنات لاحظت إنه ماكو فرق بين الليزك العادي وبين الليزك LDV
هاذا الليزك العادي
وهذا ليزك إل دي في
يعني ماكو فايده "
ما قصرتى على هالدعوه الحلوه حبيبتى ,,فى هاليوم الفضيل يزاج الله خير
وتوكلى على الله وسويها وبلغينااا باخر الاخبار,,,
يبت الكورتيزون اللي قبل العملية
بس باجي المرهم اللي بعد العملية شلون طريقتهم؟؟
اول قبل العمليه اعتقد 4 مرات ويقلل منها الى بعد العمليه
والمرهم مرطب بس الاحسن تتاكدين منه
عمليتي ان شالله باجر الساعة 9 الصبح
راح اغيب عن المنتدى بس فترة النقاهة وبشتاقلكم
ييت تفحص .. شفتوا شلون؟ ماقدر على فراقكم
الحمد الله سويت العملية
وهذا الرابط بالتفاصيل
يزاكم الله خير على دعواتكم الحلوه ولكم مثلها ان شالله
