الوسم: الحوامل

صباااااااااح الخير::

بنات انا حامل بالتاسع وما معاي لا وعوار ولا شي بس تنزل علي افرازات بيضه وماده مخاطيه رحت الطبيب قال فحص

داخلي ورفضت وانا من دخلت الخامس قامت تنزل علي افرازات واستخدمت تحاميل من الطبيب صارت تروح وترجع

والحين خايفه استعمل تحاميل اخاف عالبيبي يقولون مو زين وما اقدر اقعد جذي لان الافرازات هم مو زينه عالطفل

شنو اسوي قولولي تكفون خاصه ان هذا اول حمل لي وانا خايفه على عنونو فديته

وشكراااا لكل وحده تجاوبني وعسى ربي يوفقها ويرزقها وينولها ما تتمنى

اللهم اني اعوذ بك مافي رحمي بكلماتك التامه من كل شيطان وهامه ومن كل عين لامه..اللهم احسن خلقه وخلقه واجعله قرة عين لي ولوالده يا ارحم الرحمين يااااااااااارب..اللهم سهل حمله ومخرجه ويسر امري وسهل ولادتي يارب العالمين

شدعوه بنات خمسه دخلو ولا وحده جاوبتني الله يسامحكم حرام عليكم وربي قاعده احاتي وما ادري شسوي

اختي عااادى شيء طبيعي الحاجز المائى مال البيبي ينفج وبالتدريج ينزل الماى بس ما تحسين في لان طبيعييييييييييييييييييييييييييييي حيييييييل لا تحاتين انا من السابع ينزل معاى المااى وبعدين ليش رفضتي الفحص الداخلي انتي بالتاسع عادى يعني البيبي طالع طالع ومافي اى مضرا الفحص في الشهههر التاسع بالعكس الفحص يوسع الرحم وجذى راح ينفتح عندج خووو انتي باخر المراحل الحمل نصيحتي لج روحى للطبيب وخل يفحصج ويجيك علي مااى البيبيى وتولدين بالسلاما ترى كلا طبيعي بس اهههههم شيء جيكى علي مااى البيبي

فديتج مهاوي يعطيج العافيه ومشكوووووره عالرد ربي يوفقج

ترى اخطر شئ لمن تفضى المويه على البيبي …انتبهي خليهم يسون لك سونار يقيسون
كمية المويه عند الجنين …واذا كان اللي معك افراز بسيط يعني مقدار فنجان يوميا يمكن يكون طبيعي
في هالشهر تعرفين البيبي يبغى يطلع ..الله يسهل لك ويفرج كربتك

اتوقع طبيعي
لان خلاص انتي بشهرج واي وقت ممكن تولدين
بس لازم تجيكين مع طبيبج وتقولين له اللي يصير معاج لان هالمره لازم تكونين مع الطبيب اول بأول…

الافرازات شي طبيعي والتحاميل تمنع المكروبات انها تضر البيبي وقت الولاده
خو روحي خليهم يفحصون علشان ترتاحين
<— وحده مضايقه من حملها لووول

روحي فحصي لا تسكتين على روحج جذي جذي راح يفحصونج لأنج بالتاسع

والله يسهل عليج وعلينا

روحي فحصي يمكن التهاب و الاتهاب مو زين حق البيبي حزت الولاده

في تحاميل زينه بالصيدلية يصير تسخدمينها بالشهر التاسع بنظف المنطقه

بعدين الفحص الداخلي للي بالشهر التاسع زين

وما يأثر

والله يسهل عليج

حبيبتي اذا افرازات مخاطيه يعني سدادة الرحم قاعده تنفتح لازم تفحصين داخلي لا تسكتين على عمرج

مشكوره كل وحده جاوبتني وعسى ربي يفرج على كل حامل

ويرق كل محرومه الذريه الصالحه اللهم امين

والله حبوبه ياريت اقدر افيدج .. وعسى الله يسهل عليج

قبل يومين كنت جالسه عند قناة العربيه بالتلفزيون الايجى تقرير يقول ان تركيا مسويه ابحاث واكتشفو ان شرب النعناع بالاشهر الاولى للحامل يسبب الاجهاض وانه خطر تناوله للحامل ايضا يسبب كشط للطبقه الداخليه للرحم

ربى يحفظنا ويحفظكم
حبيت افيدكم بما سمعته

دعواتكم لى

جزاك الله كل خير على هالمعلومة

ahlen

مشكوره توتااااا

يعني قصدج مثلا شاي بالنعناع ؟؟؟؟؟؟؟؟؟

مشكووووووره ع هالمعلومه
انا بعد سمعت
الزنجبيييل
همن يطيح الياهل

جزاج الله الف خير

ومشكورة على المعلومه

مشكووووووووووووووووووره

على الافاده

ديروا بالكم ياحوامل من كل الأعشاب وترى حتى الأناناس يسبب إجهاض الله يكافينا الشر في الاشهر الاولى من الحمل

واللة يحفظنا جميعاً

شكرا على المعلومه

جزاك الله كل خير على هالمعلومة

ahlen

تسلمين على هالمعلومه

مشكورة على التنبيه

وانا لمن كنت حامل طاحيتله نعناع

الحمد لله الله ستر

السلالام عليكم جمييعا…..
حبيباتي حوامل المنتدى شلوونكم و شخباركم…..ان شاء الله بخير …. موضوعي اليوم عن المشي نبي نشوف طرق كل وحده متى بدت تمشي و وين و هل فعلا مشي + تمر = ولادة سهلة؟؟؟
انا عن نفسي بجر سالت بنت خالي و دكتورها الفغاني تقول ان كان يقولها من نص الثامن ابدي مشي مع تمر و اذكر ان ولادتها ما خذت اكثر من الساعه ماشاءالله عليها…ابي اكون مثلها….
عطووني خبرااات يا اهل الخبرة….

انا دكتورتي ناهده قالتلي ابدي امشي بالتاسع

انا لو اقولج ما تصدقين انا من حملت و انا امشي مسافات طويله و بشكل يومي في الكليه لأنه المسافه بعيده و ما في مسافط و دايمن اسفط بعيد و اطقها مشيه و دري و عفيسه

بس معروف انه المشي يسهل الولاده و التمر يحمي الطلق

و انا إلي اعرفه انه ممكن تمشين في نص الثامن بس مو وايد عشان لا تصير ولاده مبكره

والله انا كانوا يقولون لي امشي من اول التاسع وصج كنت ناويه امشي بس الحين لما دخلت التاسع عطتني الدكتوره موعد بعد اسبوعين وقالت لي ماتمشين الحين الى المشي الطبيعي يعني السوق وجذي بس الموعد الياي اقولج شكثر تمشين ومتى يمكن كل وحده وحسب ما ادري والله والسهالات من الله انشاءالله

والله انا حملي لأول كنت امشي بسهل الولادة وللأسف صارت قيصرية

والثاني كنت امشي من اول الحمل لي الخامس لأني كنت بلندن والحمد لله ما ضرني بس من وصلت الديرة ركيت بالبيت ولا تحركت وولدت شفط بعد معاناه .

المشي في الشهر التاسع وحلاته تمشين علي شاطى البحر

مافي احلى من المشي لانه حييييييييييل يسهل الولاده انصحج تمشين من اول التاسع

انا مالي شغل بس داشه ملقوفه

مشكوريييييييييييييين و ما قصرتوو

مرحبا بنات
أبي اسألك عادي الحامل تسافر وهي بالشهر السابع ولا فيها خطر عليها

الدكتورة اللي تراجعين عندها هي اللي تحدد لج اذا في خطر او لا

وطبعا تعطيج تقرير بلا مانع من السفر .

والله انا سافرت عقب مشورت الدكتورة

و الحمدلله

لا تحاتين
سافرت ورجعت و كله تساهيل

وانا بددش الثامن تتوقعون عادي ولا لا ودي اسافر قبل لا انحكر بالبيبي

اهم شي تسالين طبيبتج لانه هي ملمه بوضعج

انا بالرابع او الخامس بسافر عاادي تهقوون ؟؟؟؟؟

انا مرة سافرت بالسادس ومادري ان لازم اجهز لا مانع من السفر
فاللي صار ان الطيارة وقعوني على ورقة بأن اتحمل اي شي يصير فيني على مسئوليتي وركبوني الطيارة
بس الافضل زيارة الدكتورة واستشارتها قبل

انا ماحب اسافر فترة الحمل ..

أنا سافرت بالشهر الثالث عمرة بالسيارة و مباشرة بعدها رحت الامارات ساعة ونص بالطيارة و الحمد لله ما صار لي شي وناوية أسافر للمغرب بالشهر الجاي بكون في نص السادس مع انو السفرة طويلة بس ربنا يسهل هذا اول حمل لي وودي اكون جنب امي و عائلتي
قريبتي سافرت من ابوظبي للمغرب في السابع و ردت بالثامن و هي رادة نزلوها من الطيارة و طلبوا منها تقرير من دكتورة نسائية و حجزوا لها على طيارة ثاني يوم و هي بعد وصلت من غير مشاكل صحية و طبعا كل واحدة و حالتها في اجسام تتحمل و أجسام ما تتحمل و أغلب شركات الطيران تمنع الحوامل ابتداءا من الشهر السابع
الله يحفظ كل الحوامل ونصيحة إدا السفر مو ضروري من الأحسن عدم المجازفة

والله اتوقع دكتورتج تفيدج اكثر بس لازم ماتقعدين واجد لازم تتحركين بين فتره وفتره

والله ماعندي فكره
بس بنت عمتي تدرس بره وحامل من السابع ماكانو يرضون انها تركب الطياره

السلام عليكم ورحمة الله وبركاته

شلونكم يابنات وشخباركم

قبل جم يوم كنت بعيادة دكتورتي وكل ما أروحلها أشوف عندها إعلان فيه صورة طفل مكتوب عليه ( إحفظي خلايا طفلك فإنها قد تنقذه في يوم من الأيام )

وطبعا سألتها على طول عن هالإعلان عطتني بروشور وقالتلي الآتي :-

الله يسلمكم لما تولدون بالسلامه .. الحبل السري للبيبي مليان دم وهالدم فيه خلايا تسمى بالخلايا الجذعية .. يخزنون نصها في بلجيكا ونصها في دبي ..

إنزين حق شنو تستخدم هالخلايا ياحلوات ؟؟ هني السؤال

الله يسلمكم أقرباء الطفل مثل : ( أمه وأبوه / أخوانه وخواته / أجداده وجداته )
يقدرون يستخدمون هالخلايا هذي بطريقة الإستزراع إذا كانوا يعانون من الأمراض التالية :-

– اللوكيميا ( سرطان الدم )

– الشلل الرباعي

– القلب

– الضغط والسكر

– الأنيميا

وواااااااااااايد وايد وايد أمراض والزهايمر وغيره وغيره

يعني تقريبا أي خلية تالفه عند أي أحد من أقرباء الطفل ياخذون خلايا الحبل السري عنده ويستزرعونها للشخص المريض يتشافى بإذن الله تعالى .

وطبعا عملية الإستزراع تتم بإحدى هالثلاث دول وعند مستشفيات معينه ( أمريكا / الصين / الهند )

وطبعا قبل ما تولدين بفترة طويله تراسلين الشركة علشان يرسلون للمستشفى إللي بتولدين فيها بإذن الله صندوق خاص لحفظ هذه الخلايا ..

وعندهم هني مكاتب في قرطبة تقدرين تاخذين موعد معاهم ويشرحولج كل شي بالتفصيل الممل .

وقالتلي سكرتيرة دكتورتي إن حالات شلل أطفال وشلل رباعي إهي تعرفهم شخصيا تشافوا من بعد ما سوولهم عملية الإستزراع بالخلايا الجذعيه ..

يعني شغله مو هينه ولا بسيطه ومكلفه لكن تستاهل التعب .. ووحده من الأمهات عندها طفلين فيهم بعيد الشر عنكم ( القلب ) وقالت للسكرتيره إنها مضطرة تحمل وتاخذ خلايا المولود الجديد علشان تستزرع فيه الخلايا التالفه لأخوانه الكبار .

وأنا بإذن الله تعالى إذا الله سبحانه قدرني راح أسويها لأ، أبو زوجي معاه السكر / وأبوي معاه حساسه شديده بجسمه كلللللللله ويعالج بالكورتيزون بعد عمري الله يطول بعمره / وبنت أختي الله يحفظها معاها إعاقه حركية

وإن شالله ياربي الموضوع ينفعهم ياااااااااااااااااااااارب

وإللي تبي الموقع على الإنترنت هذا أهو

www.cryo-save.com

دشوا الموقع وتلاقون كل المعلومات

لا تنسوني بالدعاء

مشكوره على المعلومات المفيده

شكرا حبيبتي وربنا يشفي كل مريض ويرزقك ويرزقنا اطفال كاميلي الخلقة يارب

ايه هذا أنا سمعت عنه بأمريكا و ينصحون الحوامل يسونه ..

جزاج الله خير : )

مشكورة عالنصيحه

و احب اضيف انها تكلف 1000 دينار 250 عند سحب العينه 750 لما تطلع العينه قابله للتخزين

و الحين بالكويت في مستشفى الشيخه بدريه للخلايا الجذعيه

حياكم الله عالمرور يالغاليات

و بإذن الله تعالى أنا بسويه برويال حياة

وقالتلي يخزونه لي 20 سنة .. بدون رسوم شهريه مثل أمريكا .. أمريكا غير المبلغ الأصلي يدفعول 30
دولار شهري

والله يشافي كل مريض ويولد كل حامل بالسلامه ياربي

وحياكنننن مرة ثانيه

https://www.q8yat.net/showthread.php?p=11755396&posted=1#post11755396

هذا موضوع مشرفتنا ام طلال بقسم نساء وحمل و ولاده !!

انا برايي تاخذون طبيات احسن .. والله يبعد الامراض عن الجمييع

مشكورة حبيبتي00000بس صعبة بتاخذين مرضيات لين تولدين000

الحااااافظ الله00ويحفظنا00ويحفظ ديرتنا0000

السلام عليكم بنااااات تكفون اللي ترد علي عسي الله يدخلها الجنه. بناااات رحت لدكتوره قالتلي حجم الليبي ١كيلو و600 أنا بشهر الثااااامن بنات شاسوي تكفون معارف شي في شي يكبر البيبي او عادي وآخر شهر ثامن يمكن يكبر والله اكتب ودموعي علي خدي فيدوني تكفووووووووووف. *

رفيجتي صار معاها نفس الشي و الدكتورة قتلناها كثري من الحلو و النشويات اساعدون ان البيبي يكبر و انشالله اكون فدتج

اسم الله عليج حبيبتي شفيج عادي
انا قبل يومين دخلت التاسع …واخر مراجعه لي عند الدكتورة قبل اسبوعين يعني بنص الثامن وقالت لي الدكتورة ان وزن البيبي كيلو و200 غرام قلت لها صغير حيل قالت شي طبيعي راح يكبر مقدار 250 غرام بكل اسبوع بالذات الشهرين الاخرين
لاتخافين شي طبيعي الله يقومك بالسلامة

مشكووووورين عسي الله يسهل عليكم ويجزااااكم الجنه. بنات تكفون ساعدوني خاااايفه

حبيبتي ماله داعي الخوف البيبي اخر الشهور يكبر بسرعه خصيصا لادشيتي التاسع
انتي كثري نشويات واكلي فيتامينات وتحركي عشان تنفتح شهيتج للاكل واكلي فاكهه بس ديري بالج من الحلويات ولاتكثرين شغلات تضرج ويزيد السكر وموفقه خيررررررررر

اكلي تمر مع لبن

انا امس كنت عند الدكتور وقاللي نفس الكلام
عادي ليش انتي خايفه
وقاللي انه البيبي يزين وزنه بالاسابيع اليايه باليوم
عادي يعني

يااااارب يسهل عليكم ويدخلكم الجنه يااااارب ومشكورااااات انتم خوانتي اللي أمي مايبتهم. طمنتوني بعد ماكنت ابجي ساعتان وزوجي يحول يهدي فيني مشكورين أحبكم

انا نفس سالفتج بالضببببببببببط بالثامن رحت لها وكان وزن البيبي كيلو و600

قالت لي البيبي صغير ووصتني على اشياء والحمدلله الحين وزن البيبي طبيعي

اول شي لاتضيقين خلقج وتبجين لان مو زين عالبيبي

شوفي حبيبتي انا شريت عسل من معجزة الشفاء اسمه عسل الامراء

وااااايد زين تاخذين منه 3 مرات باليوم وتكثرين من التمر وحليب كامل الدسم

وتاكلين بقوليات وايد مثل العدس والنخي ترا يمتنون البيبي خصوصا العدس

وهم بعد اكلي فواكهه مجففه ومكسرات

وكل شوي اكلي بين الوجبات حتى لو انتي شبعانه

والله من مشيت على كلامها وانا باسبوعين زاد وزن البيبي ماشاالله بسرعه

و الله يسهل عليج وتفرحين فيه

ادعي لي

نسيت اقولج ان الدكتوره قالت لي استمري عالفيتامينات ضروري ماتقطعينها

وانا فيتاميناتي بريجنابلان وهم عطتني بروتين نفس البودر ينخلط مع الحليب

هم يمتن البيبي قولي حق دكتورتج توصف لج اياه

عادي حبيبتي لاتحاتين البيبي يكبر بسرعه لدشيتي التاسع ووزنه معقوول مو صغير حيل
انا لمن كنت حامل في بنتي كان وزنها 800 جرام وانا بالثامن لاني كنت تعبانه حيل ومااشتهي آكل
عطتني دكتورتي بيبي اسبرين يضخ الدم اكثر للمشيمه وتغذي البيبي وماشاءالله ولدتهاا وكان وزنها 2,800
كثري من الاكل المفيد والفواكه والفيتامينات
الله يسهل عليج الولاده وتقومين بالسلامه

صج أنا بعد أسبوعين عندي موعد عند دكتورتي اجل بسوي مثل ماقلتولي ياحبايبي عاد في حملي الاول كان معاي ضغط وزلال ويبت بنتي علي 3كيلو 678 غرام كانت وايد كبير ولله الحمد بيتها طبيعي وحملي هذا تقدرون تقولون بتعدت عن انواع الجبان كنت ما اكل وايد والله خااايفه قاعده اوسوس بس الحمدالله الحين مو معاي ضغط وزني 85 يايمه خااااايفه*

والله ما ادري بس البنات ما قصروا

حبيبتي الله يسهل عليج وعلى كل اللي موصلين يارب

عمري انا قريت مرة من منتدى خليجي ان في وحدة كانت هزيلة حيل بالحمال والبيبي تعبان والدكتور قالتلها شربي كوكتيل على طوووووووول
وماشاءالله تعافت والبيبي صار تماااااااااااااام

يعني من نصايح الخوات يزاهم الله خير شربي لج باليوم مرتين كوكتيل حطي لج هالجلنات الكبار عصير مراعي او نادك فراولة ومانجا
وسويلج عصير الموز فريش بالبيت وخلطيهم وشربي وعليج بالعاااااااااااااااااااااااااااافية

ويارب تقومين بالسلامة والنونو تشوفينه مربرب وبعافية

شلونكم

لكل الحوامل وغير الحوامل لقيت لكم الحل السحرررررررررري ..

بنات استحيت احط اسمه بالعنواان
بس اللي تعاني من الامساك حل سحررري يابنات وانا ماقلته إلا لمن لاحظت علي نفسي
كذا مرااااا …لاني ماكنت استخدمه دايم يعني كان في بدائل له… وهالشي اول ما استخدمه علي
طول ما اطول اكثر من سااااعه إلااااااااااااااااااااااااااااااااااا ونداء الطبيعه ينااادي خخخخخخخ
وانا من اول اشهور حملي كنت معاناة معاه ….. والحين الحمدلله ماكو معناة معااااه تمام التمام
اموري طيبة الحمدلله

وحبيت إلا افييييييييييييدكم حبيباااتي استفدت منكم وااايد ……

والحل بسيط وبكل بيت موووجوود ومامنه خوووف … وبلااا ادويه بلا خووف منها …
حليييييييييييييييييييب بو قوووس يابنات هذااااااا الحل اللي جبر بخاطري ومالي غني عنه ….
لا بعد بقولكم علي الطريقة <<<<<حلفي بس خخخخخخخخخ
الطريقة سخني الماي بالغلايه ويبي الكوب حطي فيه اللبتون وشويه شكر وحليب بوقوس
وبالهنا والشفاااااااا

بنات مابي منكم غير دعوه طيبة منكم …

جزاج الله خير

بميزان اعماالج

/

/

لوووووووووول عبالي عندج سالفة ؛ppp

مشكورة احلى مون

ام تسنيم لووول اهوا بروحه سالفته سالفه خخخخخ الله لا يحطج بهالموقف معانات وربي

حياكم منوررين

مشكوره

العفوووو

ومنووورة

من صجج @@

امبييييه جان زين يطلع صح
انا باجر بجرب واقولج النتيجه
لو طلع صحيح هالشي صج صج تكسبين فيني اجر
وادعيلج كل مره يناديني نداء الطبيييعه
لوووووووووو


من يوم وريح مااشرب الا حليب بوقوس هههههههههه

عاد مااحبه

بس مشكوووووره وبجربه

بجرب طريقتج 

ياحلوج حلواااااااه

فطستيني ضحك

مشكوووره غلااااتي

التجربة خير برهااااان

لووووووول
لا السالفه صج وحتي الكرنيشن بعد نفس المفعووول
وقولي تجربتج معااه

يسلمووووووووووووو

موفقه

يزاج الله خير
والله يسهل عالكل ياارب

يزاج الله خير

شاكرة مروركم

جزاج الله خير

جزاج الله خير

يعكيج العافيه يا بنت الفرس …. وينج يالقاطعه مالج بينه …!!

الله يتمم عليج وعلينا ان شاء الله … يمكن فيني بنوته واحتمال اسميها نفس اسمج ..

وووووووووووووووووووووووووووووووووووووووووووووووووو وووووووواااااااااااااااااااااااوووووووووووووووو

والله نفس اسمي ولك الحلاوة بس بنولد مع بعض بس قوليلي عاد لي ولدتي ان شاء احنا الثنتين نفس المستشفى نزور بعض

وانا لما الحين مادري شنو فيني ان شاء الله بنت يختي نبي تغير

بس اسامي البنات يحيرون اقول حق ريلي بسميها على اسمي موعاجبني ولا اسم الا اسمييعني وحده مغرورة

شاكرة مروركم الطيب نورتوا الموضوع

يزاج الله خير
والله يسهل عالكل ياارب

يعطيج العافيااا

نورتوا الموضوع

جزاج الله خير

والله يجعله بميزان حسناتج

مشكورة والله يسهل على الجميع ..

انا شالله في ميزان حسنااااااااااااااتج

يزاج الله خير..,,

والله يهون ويسهل عالكل آن شاءالله..,,