الوسم: الوالدات

صباااااااااح الخير::

بنات انا حامل بالتاسع وما معاي لا وعوار ولا شي بس تنزل علي افرازات بيضه وماده مخاطيه رحت الطبيب قال فحص

داخلي ورفضت وانا من دخلت الخامس قامت تنزل علي افرازات واستخدمت تحاميل من الطبيب صارت تروح وترجع

والحين خايفه استعمل تحاميل اخاف عالبيبي يقولون مو زين وما اقدر اقعد جذي لان الافرازات هم مو زينه عالطفل

شنو اسوي قولولي تكفون خاصه ان هذا اول حمل لي وانا خايفه على عنونو فديته

وشكراااا لكل وحده تجاوبني وعسى ربي يوفقها ويرزقها وينولها ما تتمنى

اللهم اني اعوذ بك مافي رحمي بكلماتك التامه من كل شيطان وهامه ومن كل عين لامه..اللهم احسن خلقه وخلقه واجعله قرة عين لي ولوالده يا ارحم الرحمين يااااااااااارب..اللهم سهل حمله ومخرجه ويسر امري وسهل ولادتي يارب العالمين

شدعوه بنات خمسه دخلو ولا وحده جاوبتني الله يسامحكم حرام عليكم وربي قاعده احاتي وما ادري شسوي

اختي عااادى شيء طبيعي الحاجز المائى مال البيبي ينفج وبالتدريج ينزل الماى بس ما تحسين في لان طبيعييييييييييييييييييييييييييييي حيييييييل لا تحاتين انا من السابع ينزل معاى المااى وبعدين ليش رفضتي الفحص الداخلي انتي بالتاسع عادى يعني البيبي طالع طالع ومافي اى مضرا الفحص في الشهههر التاسع بالعكس الفحص يوسع الرحم وجذى راح ينفتح عندج خووو انتي باخر المراحل الحمل نصيحتي لج روحى للطبيب وخل يفحصج ويجيك علي مااى البيبيى وتولدين بالسلاما ترى كلا طبيعي بس اهههههم شيء جيكى علي مااى البيبي

فديتج مهاوي يعطيج العافيه ومشكوووووره عالرد ربي يوفقج

ترى اخطر شئ لمن تفضى المويه على البيبي …انتبهي خليهم يسون لك سونار يقيسون
كمية المويه عند الجنين …واذا كان اللي معك افراز بسيط يعني مقدار فنجان يوميا يمكن يكون طبيعي
في هالشهر تعرفين البيبي يبغى يطلع ..الله يسهل لك ويفرج كربتك

اتوقع طبيعي
لان خلاص انتي بشهرج واي وقت ممكن تولدين
بس لازم تجيكين مع طبيبج وتقولين له اللي يصير معاج لان هالمره لازم تكونين مع الطبيب اول بأول…

الافرازات شي طبيعي والتحاميل تمنع المكروبات انها تضر البيبي وقت الولاده
خو روحي خليهم يفحصون علشان ترتاحين
<— وحده مضايقه من حملها لووول

روحي فحصي لا تسكتين على روحج جذي جذي راح يفحصونج لأنج بالتاسع

والله يسهل عليج وعلينا

روحي فحصي يمكن التهاب و الاتهاب مو زين حق البيبي حزت الولاده

في تحاميل زينه بالصيدلية يصير تسخدمينها بالشهر التاسع بنظف المنطقه

بعدين الفحص الداخلي للي بالشهر التاسع زين

وما يأثر

والله يسهل عليج

حبيبتي اذا افرازات مخاطيه يعني سدادة الرحم قاعده تنفتح لازم تفحصين داخلي لا تسكتين على عمرج

مشكوره كل وحده جاوبتني وعسى ربي يفرج على كل حامل

ويرق كل محرومه الذريه الصالحه اللهم امين

والله حبوبه ياريت اقدر افيدج .. وعسى الله يسهل عليج

بنات بسال اللي ولدت قيصريه و تاخرت بعد السنتين بالحمال شنو كان السبب وهل احتمال يكون التصاق بالانابيب وشنو علاجه لازم عمليه تكفوووووون ردوا

الله يرزقج يارب بنت عمي كانت جذي تاخرت بالحمل بعدين سوت عملية الالتصاقات والحمدالله حملت بعدها

وعملية الالتصاقات هذي لازم انام بالمستشفى والا عادي يعني امرها هين ؟؟؟؟؟؟؟
ولازم علي الدوره والا لا

ياقلبي مرات تصير سبحان الله
سوي اشعه الصبغه ما يبي لها اي نوم وتكون آخر يوم بالدورة لما تنظفين شوي يسوونها
اذكر سويتها مره بالهادي على 60 دينار

شكثر تاخرتي؟؟ وشكثر كليتي مانع؟ وجم قيصريه مسويه؟؟؟؟؟؟

لازم تراجعين

اول شي تأكدي ان فيج التصاقات وهذي يبيله استشاره طبيب

انا رحت للممرخه وقالتلي ان معاي التصاق خفيف بالانابيب

لازم متابعة طبيه و سوي أشعه الصبغة مرات يكون فيً سدد بالأنبوب
و الله يرزقج ان شاء الله

ممرخه شلون تعرف ؟؟؟؟؟

هذا يبيلها اشعة عشان تعرفييين؟؟؟؟؟

فييييج التصااقات اوو لاا ،؟؟

وان شاااءالله مافيييج شي لاتحاتييين ؟؟

فحصي شوراج يمكن رحمج فيه شي لا سمح الله

الله يطمن قلبج

الله يرزقج يارب

بسال بنات اللي والده قيصريه لازم تجيها الالتصاقات ؟

انا اختي والده قيصريه صارلها سنه ونص وماحملت وماتاكل موانع

اغلب الممرخات كلام فاضي الالتصاق لازم اشعه واللذي منه لاتوسوسين روحي دكتور شاطر يشخص حالتج واللي اعرفه الالتصاقات تجي للي حملها ورا بعض وكله قيصريات والله اعلم

لا ياقلبي مو شرط انا والده ثلاث مرات قيصرية يوم بغيت احمل بالرابع صار معاي موضاعفات بالمبيض واحد اكبر من الثاني تميت اربع تشهر اعالج وحملت والله رزفتي بنتين حلوين شياطين

اب اب انا حملي بجر ماعرف ان شالله البنات يفيدونج

الالم ما ينوصف
بس اذا نزل ماي و دم روحي
واذا كان الام متتابع كل خمس دقايق هم روحي
والله يهون ويسهل عليج

نفس الحالة أنا كلها يومين وبدش شهري بجريه وما عندي خبره لوووول

الله يهون علينا .. وأتمنى البنات يفيدونا

والله حبيبتي انا اول ما بدا معاي حسيت اني بروح الحمام عزكم الله
وكل شوي يزيد وانا عبالي محتاجة الحمام بعدين صار متواصل حتى بدون فجة بينهم وكان مثل الم في البطن يمتد للظهر ولما رحت كان الرحم مفتوح 3 سم
بس اذا نزل عليج ماي او دم لازم تروحين حتى لو بدون عوار
وعلى فكرة هذا كان اول عوار يحوشني طوول فترة الحمل ما حسيت بطلوق او عوار

اذا تبين الولاده الصجيه

يكون الالم نفس الم الدوره لكن قوي جدااااااا
و الالم يكون مو خفيف لا يكون شي يضايقج في هذا الوقت لازم تروحين الطبيب

اذا نزل عليج دم او ماي لازم تروحين الطبيب يمكن يكون الرحم مفتوح و بدون طلق و يحتاج مراجعه للدكتور

انا عموما في ولاداتي السابقه ما يجيني طلق بالبيت
ينفتح الرحم و اروح مراجعتي و تقولي الدكتوره ان الرحم مفتوح حزتها اختار يا طلق صناعي و تبط الدكتوره الماي يا انطر ليما اييني طلق
طبعا انا ما انطر سيده اقولها ولديني هههه

بكريه ياقلبي

عسسسسسسى الله يسهلك عليك وعليما ياررب

اييج الم ما تتحملينه

و ع حسب وحدة عن وحدة تفرق

ناس طلقها حار ما تقدر تقعد من الألم

و ناس طلقها بارد ما تحس فيه كلش

بداية الولاده يا اما ينزل عليج ماي او دم هذي ولاده على طول المستشفى او الطلق تحسين بضغط من تحت بدون الم يمر عليج كل جم ساعه على حسب وفعلاً مثل آلام الدوره بالبدايه
وبالتدريج يزيد الضغط ويمر عليج كل ساعه وبألم خفيف اهني تحسين انج محتاجه للمستشفى وولادتج تكون قريبه تفحصج الدكتوره من اربع سانتي اتدخلج الولاده واذا قربت الولاده الصجيه الطلق يمر عليج كل جم دقيقه والم صجي مادري شلون اوصفه لج باختصار ما اعتقد احد حس فيه الا بالولاده بس
وبطلعة الراس تحسين انج انتي انولدتي من جديد ياسبحان الله عقبها ترتاحين وترتخين وتنسين اللي صار لا اله الا الله ذكرتيني والله تدرين عاد احسن شعور هالشعور احلى راحه بالحياة

الله يقومج بالسلامه ويريحج ويسهل عليج الولاده سهالات ان شاءالله *

الله يرزقج الولاده الطبيعيه ياارب السهله ..

ماجربت الطلق كلششش كنت تعبانه وولدوني قيصري ةالله يكتبلي الطبيعي بحملي الثااني مستقبلاا

لول

انا كان ييني عوار في بطني ورحت المستشفى وسوالي دخول مع ان كنت سانتي واحد بس لان نبض بنتي ضعيف عشان جذي دخلني

وحطلي طلق صناعي تحاميل كل ست ساعات تحميله لمن حطولي التحميله الثالثه كانت الصبح جان يقولي الدكتور خلاص عمليه وبنجوني وولدت قيصريه الحمد الله

بس الحين مادري الي الله كاتبه راح يصير

الله يسهل عليييناا يا رب

انا بجريه نفسج واخر موعد لي بعد 11/8
الله يسهل علييييج وعلي يارب

و عليكم السلام و رحمة الله و بركاته

الله يهون عليج

والله مادري انا بجر

السلام عليكم
تعرفون يا بنات ان كل والدة يلزمها ترديد فاللي تعرف وحدة شغلها عدل وبضمير تقول لنا عنها وشلون شغلها وبكم وكم رقم تلفونها وشكراً

انا سمعت عن وحده وقالولي انها وايد زينه

بس انا ماجربتها لأني حامل الحين ان شاء اللله لما اولد راح اجرب شغلها

واسمها ام عبدالله

انشالله اييب لج رقم وحده مصريه بس خوش وحده

تسلمون يا بنات بس يا ليت بسرعة لأني خلاص واصلة ان شاء الله يمكن اليوم بكرة بعده حدي واولد ان شاء الله
سمعت عن بنت الحجية أحد سمع عنها ..
ويا ريت رقم أم عبدالله والمصرية اليوم يا بنات لو سمحتوا
بعدين وين الباقي ؟

هذا رقم ام عبدالله 6112818

وتولدين بالسلامه ان شالله ومبروووووك مقدما

مشكووووووووووورة

انا اعرف خوش وحده ومجربتها واهى ايرانيه ومحد يعرف شغل الترديد الى اهى انج فيها وانا مجربتها ورقمها 9540273 ورقم 9710217

بعد عمري والله …
اخليها لولادتي الجاية بعد شهرين تقريبا ً
مشكورة سارونة ..

بنات ديرو بالكم ترا كلهم نصابات
انا وحده من الناس بعد ولادتي سمعت عن الترديد واتصلت على وحد يمىىىىىىىىىىىىىىىىىىى اشسوت فيني خلتني بنفاسي جني مطيوره من دكتور لي دكتور ماني مرتاحه ابد
حتى الخياط انفتق وهذا غير انهابخرتني بمادري شنو شي قذر لي درجه ان الجرح تلوث

آنا اللي رددتني بنفاسي الاخير وحده أعتقد انها ايرانيه واسمها ام ناصر وهذا رقمها 9750930
بس ماشاءالله عليها شاطره وارتحت حيل بعد ما رددتني

بنات انا جربت ام عبدالله وعروفه بالكويت اصلا قبل لا تعطينها فلوسها والى اهى ولا شى تفحصين نفسج تحسين نفسج بنت وانا مجربه حتى زوجى يقول كل مره روحى

قوة ينات انا والله جربت واحدة اسمها ام جاسم ماشالله ترديدها حلو وايد حلو يات لي 4 ايام ودهنتني ورددتني على آخر ولادة لي وشغلها ممتاز وعطيتها 40 دينار واذا تبون رقمها انا حاضر ومن عنوني

ام ناصر واايد زينه

انا سمعت ان الايرانيات هم احس شي للترديد اما غيرهم فما ادري

مشكورة انا الحين نفاس
احسن شئ بعد عشرين يوم او اكثر؟؟؟؟

السلااااااااام عليكم

بنات شلوونكم،،، الله يهون علينا ياارب ويسهل علينا،، والله يرزق كل محرومه قولو امين

عندي سؤال ،، الحين اذا الوحده دشت التاسع جم مره تراجع الدكتوره؟؟؟
تحتاج انها تراجع كل اسبوع اذا كان الوضع طبيعي!!

ومتى الدكتوره تحدد لها قيصريه او طبيعي!

وناااطرتكم…

إي راجعي كل أسبوع أحسن و ضروري
خصوصا إذا كنتي بكر
و حبيبتي إنشالله تولدين طبيعي إذا كان وضع الياهل طبيعي و راسه تحت
و أعتقد هالشي يبين من الثامن أو إذا مو امراجعة بأول التاسع إنشالله
و كل شي بيد الله
تولدين بالسلامة يا رب

كل اسبوع

الله يسهل عليج ولادتج وتولدين طبيعي

مشكوووورين بنات ماقصرتو ،،، ومشكورين عالدعوه

لرفع

حبيبتي دام انتي بجر احسن كل اسبوع
انا نفسيا ماحب اطووووف ولا مراجعة والوحدة تتطمن عالبيبي احسن
الله يسهل عليج وتولدين بالسلامة يارب

ام احمدوو اي خصوصا انه فيني ضغط

ومشمورين بنات

يالله يابطبوطات كل وحده تقول اطرف موقف حاشها بحمالها او بولادتها عشان يكون هذا الموضوع فيه لكل وحده ذكرى و لازم احنا صار معانا موقف يضحك بهالفتره وماراح ننساه منو يبدي

بذمتج من يضحك بالحمال؟
كلنا نتنسى والا نرجع والا دايخين

جان زين اكو احد يقول موقف يضحك … يمكن نتشجع ويطري علينا شي

والله انا ولادتي الاولى بالهادي عاد دششوني مع الحريم يعني غرفة الولاده وكان فيني طلق حيل لما سمعت صراخ الحريم راح الطلق جان اتربع على السرير وقعد اتسمع لهم م وبعدين قلت انا ليحد متى ناطره خليني اطلع اكلم امي بره جان تجيني السستر جان تقولي اقعدي لا تطلعين قلت اوكي بس ابيها تروح عن وجهي تخيلو الحظ كان اللبس اللي ملبسيني اياه مقطوع الحبل من وره عاد الفضايح طالعه جان اتسحب من الغرفه اللي داخل واركض ولا دكاتره بوجهي جان اركض وعطيهم الفضايح من وره والله شكلهم يضحكون علي ومن المستحى دشيت على غرفة وحده تولد جان ارجع بسرعه ولا امي توه تكلم السستر جان تشوفني اركض مني ومنيه شكلي يضحك جان اروح وابجي عند امي وقالتلهم خلاص ابيها تولد يمي لا تاخذونها داخل واخر المطاف ماولدة طبيعي ولدة بقيصريه مايسوه على خلق الله كلها شافت فضايحي هههههههههههههههههههههههههه

انا بالحمال بس ابجي جني عيوز بايقين عشاها

انا في بجري ولدت بالمواساة واول ما دخلوني كان العوار يدوب توه بادي .. وانا احسب ان خلاص هذا العوار وماراح يتطور اكثر ..

بالغرفه الي يمي وحده والله بنات لي الحين ما انسى صراخها من قمة راسها تصااااااااااااااااااااااااااااااارخ ..

اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااي

طبعا انا @@@@@@@@@@@@@@@@@@@@@@@@@@@@@@@@@@@@

جان التفت على امي واقول لها مسكينه الله يسهل عليها …

امي ويها انقلب ومادري شقاعده تقول جنها تكلم عمرها …

طبعا ثاني يوم عقب ما ولدت قعدنا نسولف جان تقولي امي … ها بدور الله يسهل على منو ؟؟ انتي ولا هي ؟؟ ( قصدها عن المره اللي تصارخ )

هههههههههههههه تقول لمن قلتي جذي انا قلت بس انتي ما سمعتيني .. وعليه ما تدرين شنو اللي بييلج يمه … الله يسهل عليج ..

يعني كنت مسويه روحي بطله … كنت وايد صغيره 18 سنه عمري ..

لووووووووووول نفوده حدج ضحكتييني على الفضايح

انا يوم ياني الطلق رحت الهادي على اساس اولد وفحصتني تقولي توج سانتي روحي البيت وتعالي العصر يمكن تولدين انتي تو الناس عليج عالهجي 6 الصبح
وبما اني مادري شسالفه وبجر سمعت كلامها ورديت البيت بس العوار قام يزيد نطرت ريلي يرجع من الدوام والساعه 9 واقوله ودني الفروانيه على بون ان يفحوني يعطوني شي يسكن المهم يوم فحطتني والا تقولي انتي ولاده انا هني@@ عاد ادق على اختي واقولها بدخلوني ولاده مادري شسوي ؟؟!! خخخخخخخخ ياحليلي وانا استشير اختي بالولاده والدكتوره تقولي يالله اكتبلج دخول وانا اقولها مادري خل اكلم ريلي خخخخخخخخ وريلي يطالعني يقولي كيفج وانا كنت ابي الهادي بس ماكان يمديني اطلع كنت ابجي من العوار وينزل مني دم تكرمون

كل ما اذكر هالسالفه اضحك والحين الله يسهل علي هالولاده الثانيه وماتكرر المصخخخخخخخخخره واعرف اتخذ قراري

هههههههه الله يقطع ابليسكم عيل انا بعد مادخلوني عمليات قيصريه كانو محاولين فيني اولد طبيعي فمعطيني كمام وابره ادوخ فكنت حدي مسطوووووله اول ماشفت دكتور البنج والدكتوره لابسين اخضر جان اقولهم انا معلمة فنيه والاخضر مكمل اللون الاحمر وانتو تلبسونه عشان اعيونكم ماتتأذه وتنعمون جان اصرخ واااااااي ياربي يعني ليش الديايه تبيض وانا اولد ماااااابي ابي ابيض ابي تبيض

موضوع مميز وحبيت أضيف هذا عليه

https://q8yat.net/showthread.php?t=295501&page=2

هي هي ذكرتيني بالفلم المكسيكي الي سويته

انا خذيت كمام وابرة ظهر ف بدعت بحياتي

في سستر هنديه كانت تمسح على راسي وتواسيني

ف حبيتها ودشت قلبي شنو قلتلها امبيه بلكنه وحدة سكرانه قلتلها انتي احلى وحدة واحسن وحدة عطيني رقمج @@

امبيه ليششششش!!!

شوووي تمر من عندي واسحب الاقلام من جيبها

شوووي ممرضه تفلت جان اسأل اختي بصوت عالي منو االي تفل!!!!!!!!!!! @@

جان تقولي اختي هذي الممرضه جان اقول صج وصخه !!!! لا مو من صجي

ايني ريلي مسكين امسك ايده لمن اتيني الطلقه احذفها واقوله اطلع برررررررررررررره كله منك !! لووول شنو كليت زف من اختي

شوووي اقول حق اختي يالله خل نروح تقولي وين اقولها الشاليه تقولي شحقه!! اقولها عشان نطب من السطح:\ loool يأأس ادري

اخر شيئ مابقى احد مادعيتله حرفيا مابقى احد اعرفه بحياتي مادعيتله لمن خلصت دعاوي جان اقول حق الطبيبه شنو تبيني ادعيلج!!

جان تقولي بعد قلبي ادعي حق عمرج لوووووووووووول حسيت اني كسرت خاطرها جان اقولها لالا صج صج انا حبيتج انتي طيبه شنو تببين ادعيلج بس !!!

لووول استغفرالله الي يقول اسكت

وبسسسس سلامتكم

والله في بدايع

هههههههههههههه والله موقف كل وحده يضحك اكثر من الثانيه يالله مين كمان ههههههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه حلوة حلوة واااااااااااااااااااي غشيت ضحك

عيل انا بعد الولادة مباشرة يتني صخونة وكانت ترتفع توصل 40 وكنت اهلوس عاد ريلي مصورني جم لقطة كنت مبدعه صج شكلي كان يخرع من المرض بس جد جد بدعت تخيلوا كنت اهلوس ودش علي دكتور اقرع ومن الصخونة ماني قادرة ابطل عيوني غصب اطالعه واغنيله ( همتي دمتي سات ان وول ..) امبيييييييييه لوووووووووووووووووووول استغفر الله

وكانوا يحطون لي كمادات ماي مثلج كنت اوخرهم والعوز السسترات واقولهم وخروا وخروا عني تأذوني جان ريلي ايي صوبي بيرد الفوط ويمسك ايدي عشان اهما يكملون شغلهم جان اقوله انته وخر بعد قاللي انا ريلج قلت له اي من قالك تلبس ابيض لوووووووووووووووول يعني سستر فقير اهو شكو

وفي موقف قبل لا اولد كنت حامل ونايمة في بيت امي ……. لوووووووووووووووووووول امبيه ذكريات
عاد امي كانت نايمة دشيت عليها الدار يعني مابي اطلع صوت باخذ الشحن ماني قادرة اخذه وانا واقفه والسبة بطني جان انزل ابوبز ولا ليش ما يختل توازني وادبغ على خلفيتي لوووووووووووووووووووووووووووول امي فزت ها شنو منو شافتني طايحة على خلفيتي وريلي بالهوا شكلي يضحك متقلقصة تقوللي شفيج طحتي اقولها لا اختل توازني بس ماكو شي ردي نامي لوووووووووووووووول ثاني يوم نازلة امي مبتسمة تقوللي اسمحيلي شكلج كان عجيب امي عبالي حلمانة

موقف صغير صار فيني بهالولادة …
كنت بغرفة الولاده وشامه الكمام شم لمه شوي صحيت قبل لا اولد جان اسأل اختي فلان وينه (عن ريلها) لوووووووووول وريلي ما يبت طاريه المسكين

واى بدعتى على هالموقف ضحكتينى انا كنت باديه بالطلق من العصر وكنت ببجرى انا رايحه بثقه وقلت لهم ولدونى المهم قلت بهذ لا عزما ولزما ماروح الالما يجى الطلق طبيعى لانى أكلت هواء وعشتو مابى أضايق أمى قلت بس أخلص اقولها المهم كنت خبله ههههههههههههههههه كان فينى طلق خفيف جان امر اختى واروح الممشى أنا وأختى والخدامه سبحان الله الطلق الطبيعى نعمه المهم امشى وانافينى طلق يوم حسيت لا السالفه صج جان امر اخذ وجبه حق اختى وولدى واروح شقتى اتسبح على ماكلو اختى وولدى المهم وادق على ريلى تعال ابى اولد
بس بقط اختى بيتنا وارجع انته بالبيت انطرنى واطلع وارجع قرى وادعم سيارة جارتى واطلع دايركت واروح بيتنا وعقب أقط اختى وارجع وطبعا عوارواروح عقب مع ريلى حق حمولتى اقط ولدى مع خدامته عليهم مابى اضايق أمى المهم واروح بيتهم وننزل احط الياهل عندهم بعدين خلص موقادرة واقوله يالله بسرعه الحقنى وركضه وأحنا تخيلو بالندلس نمسك الخامس يوم الخميس تخلو عطله ماكو سيارة موتارسه الشارع وزحمه انا المستشفى حقى المواساه تخيلو طوووووووووووول الطريق طلق ذبحنى وزوجى يهدى فينى ويسوق وزحمه لين وصلنا الخليج كان صاك الشارع وشوى شوى لين وصلنا المستشفى وانا بموت من العوار ركضه للفحص بس فحصتنى لقتنى 5سانتى دخلتنى ولادة النذل ريلى قطنى وراح خخخخخخخخ وظليت بروحى الحجى الساعه 9كنت بموت وخلص رأس الياهل واصل لانى أطلق من العصر طلق حامى وطنشت لانى هبله المهم نص ساعه على مايت دكتورتى وبدحلتها على طلع الراس الساعه عشر ولدت عشر وعشر دقيت على ريلى لان يم راسى تلفون جان اقوله ولدت جان يقول ها من صجج انصد اناجايج الحين وعقب ادق على أمى يمه جان تقولى من وين الرقم اللى تدقين منه جان اقولها يمه ولد خخخخ امى انصدمت مالقيت شوى الا امى عندى واخوانى وزوجى بس مادرى عن شى لانى رحت بسبات عميق ومادرى لان عقب قالولى انهم يونى وانامخدرة وخالصه ويايبه حبيبى ووليدى

مرحبا بنات …

حبيت اسمع خبرات البنات اللي ولدوا عند عند دكتور ،

1- هل حسيتي باحراج شديد ؟ ولا عادي

2- نزين شنو اهون الفحص الدوري ولا الولادة ؟ يعني شنو اللي يقص الوجه ؟

3- هل حسيتي انه الدكتور لمساته ولا نظراته مشبوهة؟ يعني ما وسوستي منه؟

4- شنو موقف زوجج لما عرف انه طبيبج النسائي رجل؟

ان شالله البنات يفيدونج

والله يسهل عليج وعلي يارب

انا ماحب رجال يولدني احس ماخذ راحتي

بس مره من المرات جاني دكتور كان عندي البيبي راسه مايل ويحتاج يفرونه وجاني وانا كنت في عز الطلق فماقدرت اقول شي

بس اماانه الدكتور كلش ماطالعني كان لاف وجه الناحيه الثانيه وفر البيبي وطلع وكملت ولادتي مع دكتوره

والله حبيبتي انا ولدت بحكومه وقعدت جم يوم بالمستشفى ف الخفارات كلها الي مرت علي فيها ريايل ومره يه قروب حريم وريايل والله اول شي مو استحيت الا انقص ويهي بس والله ما عرفلي غير دكتور وشاطر واهو فحصني وولدني لانه كانت حالتي حرجه والحمدالله ووقت اولاده ما تدرين منو يولدج بس تبين البيبي يطلع

انا كل ولاداتي قيصريه فمادري شيصير وقت الولاده

امبيه رياييل فشلة

بصراحه انا ولدني دكتور حسين بدار الشفا واااايد زين وبالعكس ما استحييت ولاشي اهم شي اولد
وريلي ماقال شي لانه دكتور عادي

– هل حسيتي باحراج شديد ؟ ولا عادي
لا عاادي
2- نزين شنو اهون الفحص الدوري ولا الولادة ؟ يعني شنو اللي يقص الوجه ؟
انا مراجعااتي وولاداتي كله عند دكتور ما اجاازف عند دكتوره
3- هل حسيتي انه الدكتور لمساته ولا نظراته مشبوهة؟ يعني ما وسوستي منه؟
لا بالعكس اصلا ماايطالع
4- شنو موقف زوجج لما عرف انه طبيبج النسائي رجل؟
من قبل لا اراجع قايلتله ان ابي دكتور مو دكتوره واهم شي رااحتي

انا ما احب يولدني دكتور احس فشللللله
وبعدين ريلي مايرضى
الا اذا كانت الحاله حرجه ومايعرف لها
الا دكتور هذا شي ثاني

مشكورين بنات وماقصرتوا

أنا بجرية .. مادري شالطبخة .. بس أراجع عند دكتور مصري .. و ساعات أنحرج أطلعله بطني بالسونار خخخخخ

الله يستر من الياي هههههه

1- هل حسيتي باحراج شديد ؟ ولا عادي

وقتها لو يمر جيش جدامج والله ماتنحرجين ولاتفكرين بشي لانج بحاله مايعلم فيها الا الله

2- نزين شنو اهون الفحص الدوري ولا الولادة ؟ يعني شنو اللي يقص الوجه ؟

الفحص الدوري مافي شي من اول زياره لي اخر زياره ماكو غير بطنج والسونار

انا قبل ولادتي بيوم بس فحصني الدكتور بس ماطل حط ايد على بطني والايد الثانيه من تحت الشرشف وبس هذي كانت اول مره

والولاده مثل ماقلتلج مايهمج منو المهم يطلع البيبي

3- هل حسيتي انه الدكتور لمساته ولا نظراته مشبوهة؟ يعني ما وسوستي منه؟

لا حرام دكتوري حسام بدار الشفا يهبل حتى مايطالع بطني وقت السونار وعقب الولاده ياني يقولي امريني يابنتي ياحبيبتي انا هنا عشانك

جيك علي ثلاث مرات عقب الولاده والا اللي غيره يقول خلاص ولدتها وخذيت فلوسي

4- شنو موقف زوجج لما عرف انه طبيبج النسائي رجل؟

ماقال شي قال هذا دكتور ونظرته ماراح تكون نظرة ريال لمره لان مار عليه اشكال والوان وثاني شي يقول ماعتقد منظر دم ولحم يشد انتباه اي ريال ( هذا كلام ريلي )

شوفي انا لما كنت اولد خرجت على نفسي والدكتور كان توه ياي ومستعد للولاده تتوقعين استحيت ..؟؟

والله ولا هامني لان انتي بعالم ثاني والطلق ينسيج اسمج تبين تستحين بعد ؟؟

بس اللي يفشل عقب الولده ياني جان يقول بشوف الخياط قلتله لا جان يضحك هو والسسترات بس قالي لازم اشوف زين والا ملتهب

اذا ملتهب ترا راح تاذين واضطريت اخليه يشوف بعد توني طالعه من الولاده مابي اي عوار ثاني

وعقب اسبوعين من الولاده رحتله شاف خياطي وهالخطوه الاخيره المره اليايه ماراح اسويها لانها مو مهمه خلاص يطيح بروحه بس لاني

كنت بجريه مادري شسالفه واخاف من كل شي

الحمدلله انا كل ولاداتي قيصريه وعند دكتور

عادي ما فيها فشلة هذا دكتووور موجود عشان يولدج مو عشان يطالع ويتفرج وبعدين حزة الولادة الوحدة حالتها حاله يرثى لها شنو بيطالع بالله !! انا بصراحة احس الرجال اشطر من الحريم مع اني لا جربت حرمة ولا رجال ولدتني السستر لا دكتور ولا دكتورة بس قبل الالولادة افحصوني رجال وحريم عادي ما اهتميت كنت ابي اولد وافتك بس والله الحافظ والله اللي يسهل مو الدكاترة

بصراحة كل وحدة على اللي ترتاحلة والدكاترة ما اضن يطالعون ويخززون
لكن عن نفسي افضل دكتورة لاني اخذ راحتي اكثر

صباح الخير

شخباركم ان شاء الله تكونون بخير وصحه وسلامه
المهم انتو تدرون اني ولدت من 10 ايام وكل يوم احوس بالنت وبكل مكان ابي
حبوب او اي وصفه للرضاعه تزيد الحليب
خصوصا اول الايام كلش مادر صدري وهالشي صج صج وقف قلبي

تميت مده احاول ومافي الا قطرات حتى ماتكفي الزرزوور
مريت كذا صيدليه كله يقولون حق ريلي حبوب فيتامين وانا عندي وقاعد اخذ برقنا بلان
ومابي اغير

المهم لقيت خوش وصفه عن الحليب مع الحلبه وحبة الحلوه
وصج قمت انقعهم واشرب الحليب يحلاته احسن من جاي الحلبه او الحبه الحلوه

المهم وانا اسولف مع رفيجتي ولا تقولي في حبوب بالصيدليه مكوناتها حلبه وحبه حلوه
خاصه للرضاعه قتلها من صجج ايدج على الاسم ودزته لي والحمدلله امس يابلي اياهم ريلي

وقلت لازم افييييييييييدكم فيهم عشان ماتحتاسون مثل حوستي

وصورتلكم اياهم وهذي الصوره

انا اليوم بديت فيهم اي واهم شي تقول رفيجتي مايسون ريحه بالجسم

مشكوره

بعد قلبي زجوووووووووووول كلج خير يعطيج الف عااافية وصج فدتينا الله يقوم ولديج بالسلامه وتفرحين فيه

مشكوره حبيبتي

لان انا العام عانيت علشان ارضع بنتي
مافي شيء ما استخدمته وقالوا لي عن هذى الحبوب بس قلت خلص مليت تجارب

راح اخليها من ظمن اللسته بعد الولاده

مشكووووووووووووووووووووووووووره

مشكووووره :***

قوليلنا النتايج

خوش والله سامعه فييه بس نسيته مشكووووووووورة حبيبتي

اثمان

العفو ياقلبي

فرفشه

العفو حبيبتي ومثل مانا عانيت اكيد يغري هم يعاني وحبيت افيدكم
وامييييييييييييييين الله يسمع منج ياقلبي

فور افر

اي والله انا اعاني الحييييين مع الشفط وربج كريم

مسوه

العفو جبيبتي

ساد فيس

تيييييييييييييييج العلوم هههههه

حوا

زين ذكرتج فييييييييييييييه

مشكووووووووووووووووووووووووووووووورة وايد وايد وايد لاني ناويه ارضع بنتي

حبيبتي بما إني بجر وااايد ونستيني لأني ما أحب الحلبة و بنفس الوقت ودي أرضع مشكورة وااايد زجول و الله يقوم وليدج بالسلامة

يعطيج العافيه على الإفاده وجزاج الله خير وننتظر النتيجة إن شاء الله خير

شوشوه

حبيبتي ان شاء الله ترضعينه وتفرحين فيها يارب

بيتي

بعد قلبي والله سجليه باللسته وان شاء الله من تولدين اخذيه ورفيجتي حيل تمدحه هم اهي ماتاخذ حلبه

نعومه

بعد قلبي الله يعاااااااااااافيج حبيبتي

واااااااااااااااااو زجووووووووووووووول فعلا روعه لك مافي أحلى من اني واحد يدعيلك والأذااااااااااان بيأذن
ربي يفرحك بحياتك يارب وبولادك فعلا روووعه هالحبوب لأني مابحب ريحة الحلبه يارب تكون فعلا منيحه انتي قبلنا طمنينا عن النتايج أول بأول

ناطرين النتيجة
يعطيج العافية

بسم الله الرحمن الرحيم

حبيت اعمل هذا التجمع للحوامل المصابات بارتفاع ضغط الدم او الاخوات التى سبق وحملن وتمت ولادتهن رغم اصابتهن بارتفاع ضغط الدم

بحيث تحكي كل واحده على قصتها وتجيب عن الاسئله التاليه
1- هل انتي مصابه بارتفاع ضغط الدم قبل الحمل
2- ما هي الادويه التي تناولتيها اثناء الحمل لعلاج الضغط
3-هل كانت الولاده طبيعيه ام قيصريه
4- في اي شهرمن شهور الحمل تمت الولاده
5- كم كان وزن الجنين عند الولاده
6- هل عانيتي انتي او المولود من اي مشاكل بعد الولاده

ويمكن اي اخت ان تكتب مشاركه وتحكي عن امها او اختها او جارتها او زميلتها
ربي يجعل كل من تكتب او تشارك جزائها الجنه

أب
لعيونج
وماتشوفين شر

روحي أسامه

شكرا جزيل

حياك الله

دشوووووووووووووووو

شلونكم امهاات عفيه ساعدووني

انا لي 15 يوم والده ولاده قيصريه
طبعا من كملت اسبووع وقف علي الدم قلت عادي كل ولاداتي جذي
بس يوم رحت مراجعتي والدكتوره سوتلي سونار قالتي ترااا ليلحيين مانضفتي ورحمج في دم تنفسي عدل
مع اني قاعد اكل حسوو ولهووم بس وقفتهم من اليوم العاشر انا صاحبه ربوو يعني هالادويه قاعد تاذي صدري وطول الوقت اكحكح ومع الكحه الجرح يشبن علي
اول امس لما دخلت الحمام لقيت في دم بس مو قاعد ينزل بس لما امسح بالكلنكس
وفووق هذا الحسووو والرشااد مسويلي امساااك حااااااااااااااااااااااااااااااااااااااااااااااااا اااااااااااااااااااااااد

الحين شسوي علشان الامسااك و الدم اللي معلق

الفزعه يالربع بليييييييييييييييييييييييييييييييييييييييييييييييي يييييييييييييييييييييييييييييييييييييييييييييييز
لاتحققروونيييييييييييييييييييييييييييييييييييي

اب لعيووووووووووووونج (:

مشكوووور حبيبتي

بناااااااات شدعوه تدشوون ولا تفيدوني عالاقل رفغووووووووووووووووووووووووووووووه

مالج الا تحاميل تنظفج عدل
تنزل الوسخ والمويات

بسبووووووووووووووووووووووووووس
الف الف الف مبروووووووووووووووووووك وحمدالله على سلامتج وليش عسى ماشر قيصري يالله ماتشوفين شر حبيبتي

صراحه انا على طووووووووووووول كنت اشرب جاي زعتر والله من اخلص كان الدم تكرمين يصب صب
واحس براحه موطبيعيه
جربي شاي الزعتر عجييييييييييييييييييييييييييييب

الله يسلللللمج حبيييييييييييي

انا كل ولاداتي قيصري

بجرب الزعتتتتتتتتتتتر شورتج وهدايه الله

بسبوس لا والله ههههه توني ادري
تدرين انا يايبته معاي المستشفه فيه على تي باق يعني لاتعبين حالج وتيبين زعتر وشحلاتهم

وااااااااااااايد مريح لا ويلين البطن ويطلع الغازات ونصيه شربي من 2 الى 3 كوابه وشوفي الراحه

^

الله الزعتر يطلع الغازات ؟ بشربه ولدي << مجرمه ههههههههه

الحمدلله على سلامتج بسبوووووس :**

ماعنديش فكرة :>

هلا والله

الف الف مبروك والله يجعله من الذرية الصالحة يارب

الهمي رشاد 5 قفشات باليوم بس يكون متفرقين يعني وحده الصبح وحده الظهر وجذي

اول شي زين ما يسوي امساك ويلين البطن بدون عوار

وثاني شي ينزل الدم

وحاولي انج ترضعين الياهل طبيعي لان سبحان الله لما يرضع الياهل من صدرج راح تلاحظين ان ينزل معاج دم

لو فترة بس تنظفين

الحمد الله على سلامتج ..
مثل ما قالولج البنات الزعتر ممتاز

للامساك اكلي حبوب يوكاربون من الصيدليه
طبيعيه و اعشاب اوصفتلي اياهم دكتورتي حق بعد الولاده وايد ارتحت منهم

اب اب اب