الوسم: الحمولة

السلام عليكم شلونكم بنات

اليوم حبيت اطرح موضوع شفت وايد بنات يشتكون منه واهو السكن في بيت الحمولة
انا ولله الحمد من تزوجت شرطت يكون لي سكن خاص بعيد عن اهل زوجي سواء زينين او شينين
حبيت يكون لي سكن خاص اخذ راحتي واستقبل الي ابيه واكون الأمره الناهية بالبيت
والي اشوفه من حق كل بنت يكون لها سكن مستقل والزوج ملزوم يوفر لها هالشي لان زادت المشاكل الزوجية والسبب السكن في بيت الحمولة وللاسف السلبيات اكثر من الايجابيات وبذكرها لكم الحين :

1 – حياتج مع زوجج مافيها خصوصيه

2- ماتقدرين تستقبلين احد عندج لانه مو بيتج

3- تحسين نفسج دايم تحت المجهر وفي اشخاص يراقبون تحركاتج

4- طلعاتج محسوبه عليج وبما انج قاعده في بيت حموله لازم تجاملين حتى وانتي تعبانه ومالج خلق

5- اي مشكله مع زوجج البيت كله يدري اذا ما على صوتكم بيحسون من طريقتج انتي وزوجج مع بعض

6- اذا صار عندج اعيال ممكن تربيه مرت اخو زوجج ماتكون نفس تربيتج وبحكم ان الطفل مع باقي الاطفال بنفس البيت راح يكتسب منهم اطباع انتي مو حابتها

7- وطبعا غير الناس الي يتحكمون في جنتهم وغيره من سلبيات وايد

اول شيء لا وحده تقول يمكن الريال ماعنده بس الريال ملزوم يوفر سكن خاص حق زوجته

والي بتقول اهله ما يقدر يهدهم اهي هدت اهلها وبعدين اهو ماراح يهاجر عنهم معاهم بنفس الديره

بس وايد بنات اشوفهم يعانون من هالمسأله وابي اعرف رايكم هل من مصلحه الزوجة تعيش في بيت الحمولة والا السكن الخاص افضل

كلام جميل

طبعا في بيت خااص

موضوعج حلو

حبيبتي صح كلامج انه الزوج ملزووم يوفر سكن مستقل بس الوحدة تراعي ظروف زوجها وتحسب حساب المستقبل وهالشي بكبرها في عين زوجها اذا كان يستاهل طبعاً
انا ساكنة مع حمولتي ومرتاحة الحمد لله والايجابيات انه لو بنطلع اكون متطمنة على ولدي عند خالتي
زوجي ماعنده اخوان بس خوات عشان جذي حتى لو بنزل آخذ راحتي
بنتم سنتين تقريباً وان شالله اقل عشان نبني ارضنا وما يسوى نطلع في اجار وتضيع فلوسنا ونتم ١٠ سنين نبني
نصبر هالسنتين ونحصل بيت ان شاء الله

اناا عند حمووله

في نقااط صح كلاامج فيه

طبعاا بيت خاص اريح بوووايد

مو شرط كل وحده وظروف زوجها

المفروض الرجال قبل ما يعرس يامن له ارض او بيت او حتى شقة تاجير

الوحده تعيش بسكن مستقل بعيدن عن حمولتها وعن المشاكل
انا في شقه ايجار وبعد جم شهر بنتقل وبسكن في بيت حمولتي وهالشي مضايقني حيل لان الحين دابحين ريلي من كثر طلباتهم فلو بنسكن معاهم شنو راح يسوون ؟؟ وخالتي احس تغار على ولدها الاهو زوجي مني حيل لدرجه احيانا اقول الناقص اللي ماسوته انها تجي تنام في الوسط بينا
الله يعيني بس

ساكنه عند حمولتي ومرتااااااحه ولا شي من السلبيات اللي ذكرتيها موجوده

عيب بعض الناس تدور السلبيه دواااره

وليش ما تطالعين الامور الايجابيه
*

قطيعه متى افتك منهم ورب الكعبه ضيم مو اهل

هم وغم ونكد ومشاكل وعوار راس ابتليت فيهم

الله يصبرني وارتاح

اذا كانت في بيت حمولتها ومدخلها منفصل ممتاز الوضع بس اذا نفس المدخل اليك بالسلبيات:
لا صج صج متاخذ راحتها لان بالطالعه والنازله لازم تمر وتسلم وساعات الوحده تلبس اي شي سريع سريع عشان تروح مشوار بسيط فيكون شكلها موحلو جدامهم او ساعات الهوشات مه ولدهم كلشي راح يعرفونه وراح يكرهونج لان ولدهم! وناهيج اذا شافوه قاعد تحت عندهم قالو هااا متهاوش؟ ولامكدرتك؟ ولا … اي شي المهم انتي موزينه هههه حتى لوكانوا حمولتج عسسسل لاتقولين خنكون واقعيين اكيد بينهم وبين نفسهم بيتراود هالسؤال.
وبالنسبه للايجابيات: اول شي حمولتها تحتها لو صار شي يقدرون يساعدونها وناهيج اليهال يلعبون مع بعض حتى لو ساعه باليوم وغير جذي العلاقات تتوطد ويكفي خالتج ام ريلج عيالها حولها وهالشي يشعرهم بالامان والراحه وبعدين سبحان الله خالتج تبي شي محتاجه شي تعبانه اهيا تحتج تقدرين تبارينها وتدارينها وبالوقت اللي يكون مزاجج مو اوكي تقدرين تقعدين بشقتج وتسكرين الباب عليج.
بس هااا!!! انتي لازم من البدايه تحطين لج خط معين تمشين فيه، تحددين تبين كل يوم يشوفونج ولا بالاسبوع مرتين او كيفج حسب الاتفاق وحسب الشي اللي يناسب خالتج وعمج ولازم تختارين الوقت المناسب لنزولج وهالشي بتعرفينه من زوجج لانه ملزوم ينزل يصبح ويمسي على امه وابوه ويبوس راسهم كل يوم. وبس والله يعديها على خير

صااااجة وكل وحدة ودها تعيش بروحها ماخذة راحتها بس احيانا الظروف تجبرها تنازل

كلام حلو ثانكس

انا في بيت حموله وصح كلامج بعض الامور فيها مراقبه بس شنسوي الاجارات غاليه

رشحو لي شنطة تهبــل من المحلات العالمية

آخذ وحده من لويس فيتون ..والثانية من وين اخذها ؟

ابي شنطة لها هيبة تكون مسكته

وش اخذ الوان : وحده بنيه ووحده سودا ؟

ابي بالصور الله يجزاكم خير

شرايكم بهذولي

اممم

مودري والله

موفقه حبيبتي

وأهم شي التوفيق من الله

لآ تفكرين بالحمووله وآجد ترى النآس لو شنو تسووين مآيعجبهآ العجب

اشتري جنط معقوووله وتكووون كشخه لاتقولين ابي سعرها غالي لا
السعر ماراح يفيدج بشي اهم شي الذوووووق
والله يووووفقج ياقلبي

روحي المحل نفسه وشوفي شنو آخر الموديلات

L.v ما عليها كلام بس لاتاخذينهم من الكويت لان ماااكو اصلي حتى اللي بالصالحيه

والشانيل روعه والاصلي موجود في 360

والله يوفقج يارب

تــرى كل الجناط ع الطبيــعـه غـيييير عن الصور

ساعات اشووف جناط بالنــت ايننوووون ،، ولما اروح اشوفهم انصــدم

روووحي البوتيكات نفسهم و شووفي اللي يعجبــج

انا عجبتني DKNY اليديده سلاسلها ذهبيه على ورود اتيــنن سعرها 100 وشــي

صراحه انا عندي تاخذين lv و جفنشي او قوتشي والباجي اخذيهم الماركات الرخيصه ما تكون غاليه وايد

االاولي لوي فيتون الجديده والثانيه افضلها شانيل الكولكش الجديد………… روعه شفته بدبي

روحي 360 ومري على البوتيكز واخذي شي يعجبج السعر مو مهم اهم شي الذوق

مري قوتشي قبل فترة مريتهم منزلين جناط حلوة

الجفنشي والفالنتينو لاااااااااا يعلى عليهم ابدا

انا عجبوني هذول بس مادري شلون اشكالهم فالطبيعه

شانيل كلاسك روعه

وبعد عندج ديور وفرساتشي راقيه شنطهم

بصراحاآ ال في كللش ماتعجبني

شوفي غيرهم مو حلوين وماركه معرووفه
ع قولتهم بمتناول الجميع انا ماتعجبني والناس اذواق ..

عندج دكني – ماركو فلنتينو

وشوفي ماركات الايطالية مو ظروري اتكون معروفة يعني اذا جنطة حلوة و شكلها رزة احلى عشان الكل يسال شنو ماركتها

شوفي البوتيكات وبرايي إذا تبين جناط ماركات رخيصة بحدود 40إلى 60 تحصلين فالنتينو بالماسة

السلام عليكم بنات ..

والله عندي سؤال …

ويريت الكل يشارك

خاصة الزوجات اللي ساكنين ببيت حمولتهم

بنات حابة اعرف الحين اللي ساكنين بيت حمولة ؟؟

شلون اذا بتعزمين احد والا في احد يبي يبارك لج …

مو جنه فشلة !!!!

يعني رفيجاتج اهلج بنات خالتج خواتج كل هذول مو جنه فشله تددششينهم بيت حمولتج اقصد اللي عندها شقة والمدخل واحد يعني بعرف عادي والا شنو

ترا هذا سؤال رفيجتي على وشك انها تنتقل بيت حمولتها لان توها متزوجة

بنات تفاعلوا خل نستفيد من بعض يعطيكم العافية

ااااااااااب

ليش ما تعزمينهم عند اهلج او
اذا خالتج راضية انهم ييون ببيتهم خلاص توكلي على الله

عادي بالعكس ما فيها شي

امممممممممممم

اهوا مافي مشكلة تعزمهم ببيت اهلها بس يعني يمكن تبي توريهم شقتها تبي يباركون لها في بيتها خاصة انه لها شقة خاصة في بيت اهل زوجها

يعني عندها مكان بس مستحية تقول اعزم احد .. على فكرة اهيا متفقة معاهم انه طول عمرها بتقعد عند اهل ريلها فشلون يعني طول العمر مراح تستقبل احد ؟؟؟؟؟؟؟؟؟؟؟

شكووووووو فشله لاعادي

بس مو من اول شهور خلها تصبر شوي على ماتطيح الميانه شوي

خلها تنزل مبجر العصر واهي لابسه وتقول رفيجتي بتزورني مثلا وقاعده انطرها

واذا كانت خالتها موجوده خلها تسلم عليها اذا مافي احراج وعادي يصعدون شقتها

عادي يبه

ان اشوا موعايشة معاهم .. كنت بس طلعت ألفت امية قصة وقصة عشان أطلع مع انهم مو راعين مشاكل
بس "إبعد عن الشر وغنيلووو" .. انا اشوف خالاتي اللي قاعدين عند حمولتهم عادي يعزمون اللي يبونه .. بس على حسب الاهل في بعضهم يتذمرون ومايحبون .. وفي بعضهم والله والنعم فيهم

بس نصيييحة .. قولي حق رفيجتج تطلب تقعد بروحها . . قبل لايطيح الفاس بالراس

اذا خواتي عادي استقبلهم عادي تحت ابيت حمولتي مافي الا خالتي وحماتي

بس اذا رفيجاتي استقبلهم ابيت اختي تعرفوون لوية الرفيجات ووناسة وسوالف وضحك واريح ابيت اختي او ابيت امي

عزميهم في بيت أهلج عن العياره قولي أبي شقه وفجي عمرج أتغشمر يالغاليه بيت أهلج تاخذين راحتج أكثر

عادي اذا عروووس لازم اييون لها شقتها يشوفونها ويباركون لها

الاحسن انه اذا بيونها ناس تعطي خبر حق خالتها دام المدخل واحد .. تقولهم انه بيون لي ناس

عشان لاتنصدم الخاله وتكون مو مستعده مره وحده يدخلون ناس عليها البيت .. مهما كان الواحد يحب يستقبل الناس وهو مرتب

والله انا اقولج لا والله فشل اذا المدخل واحده احراج لحموله

هذا رايي

اقبلي مروري

اذا المدخل واحد فشله واذا في مجال فبيت اهلج يكون احسن وتاخذين راحتج

انا ساكنة عند حمولتي

ما يزورني أحد

مدخلي مع حمولتي

ضيوفي استقبلهم ببيت اهلي احسن آخذ راحتي

عادي
اذا نفس المدخل
بس المهم تبلغ خالتها
خوفج باجر تتضايق منها
تقولها البيت عفيسة او شي جذي
بس خل تعطيها خبر
وتستقبل اللي تبيه
الحين هذا بيتها

الله يعينك والصبر كله خير

أنا برأيي انج ما تشدين وااايد معاهم واذا كنت طالعه مع زوجج خلي تلفوناتكم سيلنت لمن ترجعون أو وانت راده دقي عليهم وسئليهم اذا يبون شي إعتبريهم خواتج واكسبيهم وبنفس الوقت قنعي زوجج يطريقه حلوه انكم تطلعون بشقه وان شاء الله يقتنع

الله يعينج

الله يعينك
وعيشي حياتك وماعليك من احد

وييييـــع شنو هذا ؟؟
وخير انشالله انتي صبيهم يدقون عليج ايتبين جاي حليب!!ولا المطراش حقهم!!
وانتي شنو راعي البيت وشنو !!
وشكلج انتي معطتهم ويهه من الاول الي يجرؤون يدقون يطلبون منج شكلهم متعودين وانتي تجاملين وتسكتين
ولو كلامي غلط جان عيل ما رديتي عليها دامج تدرين انه دعله يعني طالعه مع ريلج وتدرين انه اتصلاتهم مطراش
ما اشيله ولا اقول حق ريلي انها اختك واحطه صاامت واطل عليه كل شوي دامج قاعده مع ريلج ومو شايفج من زمان
بس انتي فوق انها تعاندج وما تدز مسج جنج خفتي منها ورديتي عليها ..!! ومنو اهي !!؟؟
الصراحة انتي بعد ما ادري شلون صايرة لازم تحطين حد لعلاقتج وياهم خاصه انهم ويه منجب!!
وليش تنطرين الثانيه تزوج بالطقاق عساها ما تزوجت انتي بقوة شخصيتج واستقلاليتج تخلينهم لو 10 خوات ما يقدرون عليج
ولا يأثرون فيج لج حياتج وشقتج وزوجج !!
انا ما اقولج قاطعيهم وصيري نسرة لا بس صيري هيبه عندهم وخل يستحون منج وخلي حدود ..!!

الله يكون بعونج

حيل مطيحه الكلفه والميانه!
وماخذين عليج
لازم تصيرين رسميه شوي!

الله يعيييييينج

استغفر الله ….. هدي النفس يا قلبي

ما فيها شي لو دقوا وطلبو لانهم معتبرينج بحسبة اختهم …

اذا مرة اخوي طلعت و فبالي شي دقيت عليها وصيتها وهي نفس الطريقه اذا تبي شي و انا طالعه تدق تطلب مني

بعمري ما فكرت اني انا مطراش لها او هي مطراش لي

قسما بالله ان حتى اغراض اهلها انا اغلب الاوقات اللي اجيبها اذا وصوها تروح هي توصيني اجيبهم و اغلب الاوقات يدقون علي يوصوني انا دايركت قبل لا يقولون لبنتهم و بالعكس مثل العسل على قلبي .. من كان في عون الناس كان الله في عونه

لا تخسرين ناس عادينج مثل بنتهم … مافيه انسان كامل .. كلن فيه عيوبه …. لكن الحكيم اللي يدمح الزله و يتغاضى … لأنن اللي بيحاسب على كل كلمه ما راح يعيش مرتاح

و بخصوص حماتج الي تطلع مع رياجيل وين قاعدين و ليش ساكته عنها …….؟؟؟ امسكيها و خوفيها من الله و من الفضيحه و ان ما نفع هدديها انج بتعلمين اخوها اذا ما وقفت عند حدها …. و لا تسكتين على هالموضوع هذا شرف مو لعبه و هذي عمة عيالج لازم تسعين انج تحطين حد لهالشي و الله يهدي النفوس

انتي معطيتهم وجه ومو مخليه حدود بينكم

لما تقولين حماتي تطلع مع رياييل

اقتباس:

ووالله طايحة كل يوم تطلع مع الشباب وانا بعيوني اشوفها وساكتة عنها وترد متاخر بس مافيني حيل حالها واقول احسن خلها تطلع وافتك من حنتها شوي عسى يهتدي الريال الي معاها ويتقدملها وافتك ياربي منها لكن….. الله كريم

ترى هالكلام يسيء لزوجج …….ويقلل من قيمه الزوجه اللي تطعن بشرف عمات ريلها

شنو قصة طلبوا بالمسج ما اقدر ارد على الموبايل

حبيبتي

اوباما حاكم امريكا عنده وقت يرد على الاتصالات

وكل حكام العالم عندهم وقت يردون على الاتصالات

خلف الله عليي وانا خارج الكويت ارد على الاتصالات

واحس انه مافي ذوق لو اشوف الرقم واحقره

شنو يصير لو ارد واقول ان شاء الله وانا راجعه اجيب طلبكم

اصلا من الاساس وانتي طالعه قولي لهم تامروني على شي انا طالعه

حبيبتي انتي شكلج داخله حرب وتدورين المشاكل

ودام انك تبحثين عنها رح تجيك

فوفو

يا حبيبتي ما قلنا شيء كلامج على العين والراس بس المشكلة هذه العايلة ما عندها هذه تعبانة او طفشانة يعني انا طوال الاسبوعين مقابل وجوههم وحرام يطرشوني ولا يهلكوني هذه الحركات دايما تصير من زوجي يكون موجود انا حاسة فيهم نار الغيرة والله ان طلعت ورديت يمدون البوز ما ادري كم متر؟؟؟ وان اشتريت اغراضي بروحي وما ابي حد يشوف ومن حقي هالشيء يبوزن ويزعلون؟؟؟ غير انهم يدخلون غرفتي ويسرقون اغراضي يستخدمون سيارتي على كيفهم من دون علمي؟؟؟ يتحكمون في ملابسي وااااايد واااايد اشياء تسوي مالي خلق اتكلم عنها ويستاهلون صراحة هالمعاملة لان مرت اخوهم العود سكنت عندهم سنتين وطفح الكيل اطلعت من البيت فما بال انا وحالتي توني مكملة سنة واكبر دليل انهم ما يراعون انا حامل الحين في الشهر السادس لكن والله ماشيء مراعة مطراش عندهم وللاسف ياخي ما يستحون هذا الي انقهر منهم…

وخلها تولي دام اخوها العود يعرف بموضوعها انا شكو اتدخل فيها وتطلع حتى مع مليون شخص بطقاق يعني من زينها اهي كبيرة بما فيها الكفاية مو مراهقة عمرها 30 سنة وانا شكو اتدخل فيها وتوني 25 سنة… خلها تولي دامها تعرف ربها فهيا حرة بتصرفاتها…

ما عندي مشكلة انهم يعتبروني حسبة بنتهم لكن مشكلتهم يتمادون واستغلالين وان بغوا شيء ما يفكرون فيج سوا كنتي مريضة ولا تعبانة ولا ما عندج فلوس… ان تكلمت ما راح اسكت فخلهم يولون ويحترمون اعمارهم وان بغوا يزعلون احسن افتك شوية من حنة ورنة وصدعان ولوعان

يا حبيبة قلبي كلامج يثلج الصدر لكن مو مثل ما متوقعة انا عايشة معاهم حبيبتي انا اعطيتج قطرة من ماء البحر لان كان فيني حرة بس ان تكلمت ما راح اسكت… شوفي ردي للاخت كويتية كلاس وان كنت هم غلطت في حقهم من بعد ما تكلمت فخبروني لاني ما عرضت موضوعي الا لاني جد اريد حل معاهم…

اشلونكم خواتي صاري لي فترة طويلة ماشاركت بس كل يوم ادخل المنتدي مااستغني عنكم

خواتي أنا عندي مشكله صعبه ولا لقيت لها حل واسأل الله ان يسخر لي زوجي ويهدي أولادي
مشكلتي زوجي غريب واجد وشخصيته عنيد وغريب الأطوار واجد سلبي خصوصا لما امر بمشكلة مع أهله وامه بالخصوص كلش ما تحبني ومساوئه لي طاف من بد كل كناتها وايد مواقف تضايقني فيها وزوجي يشوف ويسكتت حتي لما يدور نقاش بينا مايوقف مع الحق يوقف مع امه حتي لوتغلط علي وايد مواقف اقربها وأبسطها أني من يومين سويت عملية جراحية حق بناتي التوائم تصدقون ما اتصلت تسال اتصلت في زوجي لا حتي قالت له بسلم عليها ويوم كلمته بكل برود يقول لي عادي وهي كيفها !!!! ليش أنامو مرة حالي حال نسوان إخوانه اللي تفز ليهم لين صادهم شي .

أنا اللي قاهرني أني مؤ عارفه سبب كراهيتها لي وسبب برود زوجي لما أساله ليش امك تعاملني بقسوة وتفلت علي كلام يضايق ولا تعبرني لا أنا ولا حتي أولادي ولا اذكر فيها موقف مشرف لا في خزن ولا فرح وجودي وعدم وجودي واحد والغريب أنا الكل يكرهني أهي وبناتها وحتي نسوان أولادها يكرهوني

تعبت اسأل ودور سبب أنا الوحيدة اللي توجبهم والوحيدة اللي في الزوارة ما اروح الا وفي ايدي طبق وأعمالهم زين وحتي لو سمعت نغزات علي وعلي أولادي الزم الصمت ولا ارد ولا اقول حق زوجي
أنزين لما متي اصبر صار لي 7 سنوات متزوجه وللحين عمتي وبناتها يتجاهلونني ولين غبت عنهم لو شهر محد يرفع السماعة ويسأل وزوجي كل شي عنده عادي وكل ما تناقشت معاه ما احصل الا الكلام اللي يضايق ويغث
واصلا ما يبي يحاول حتي انه يسال امه او حتي يعطيها ملاحظه علي تصرفاتها معاي ويقول عادي طنشي وهي ما تدري بشي وانتي قاهره روحش
شسوي ابي نصيحتكم بنات تكفون أنا حدي متضايقه وساعات افكر في الانفصال وزوجي واجد سلبي حتي لو إخوانه ضايقوه كلش مافي أكشن احس انه ما عنده شخصية بالمرة مع انه الوسطي اقول له سوا حق روحك شخصيه حق الكل يحترمك انت وأولادك … تعبت كل الامور معلقة واجد بارد مؤ مكترث حق اي شي كل المواقف اللي تصير مع أهله كله مافي ردود أفعال

اشلون أغير زوجي واشلون اقدر أبعد المشاكل عن بيتي وكيف أتصرف مع أهله وخصوصا امه حاولت اكلمه واجد فشلت فشل ذريع وعقب كل خلاف ما احصل حل ولا جواب بس غير كلمة ابي هدوء وانا احبك!!!

تعبت وانا أدور حل لمشكلتي .

رفع

المنتدى يكرر الرد

كلام ام درر صح… انت لي بدورين المشاكل
7 سنين يعني خلاص تعرفين طباع زوجك و أهله
ترى زوجك مسالم مو مثل ماذكرتي ماعنده شخصيه
المهم انتي عامليهم بالتي هي أحسن و عيشي حياتك
اهتمي بييتك و زوجك و بناتك وبس

,

ترا حبها لج مو الجنه `
حبتج و لا مآ حبتج .. مآ تشوف شر !
آنتي الي عليج انج توجبين بالمناسبات ..
و خلي علاقتج فيهم سطحيه و لا تدخلين بمشاكل و عوار راس :/

آهم شي بيتج و زوجج و عيالج

ألزم ماعليكِ زوجك وعيآلك
ابعدي عن المشآكل ووجع الرآس ..

إذا اهتموآ فيكِ وحبوكِ ع العين وآلراس ..!
إذا ماحبوكِ خلاص خليكِ سطحيه ولاتسوين مشاكل بيتك ونفسك عشان ناس ماسألوا فيكِ ..

صدق بعض الحريم يدورون المشاكل دواره
امه واخواته حبوني ولا ماحبوني مايشوفون شر
اهم شي زوجي زين معاي والباقي طاااااف

الزمي الاستغفار

كل مافيه الامر ان الشيطان يبحث لج عن المشاكل

وهذا اختبار من الله

غيري اسلوبك خلاص سبع سنين غيري باسلوبك عشان يعرفوك عدل مدل

واتركيهم دام عيالج وزوجج معاج وش عليج منهم

مع الآخوات ما قصرو ..

نصيحه لوجه الله سطح علاقاتك مع الناس تسلم
والله لو تشبين اصابعج العشر شموع مايبن بعينهم حموله نصيحه طاااف وارفعي نفسج عن الحريم واهم شي زوجج وعيالج
والله العظيم عن تجربه اللي تخدمهم وتعطيهم عيونها مايبونها اما العوبه واللي مالها شغل وحاطه حدود هاذي شيخه اللي يحترمونها
يابنت الحلال طاف وعمرهم ماحبوج اهم شي زوجج وعيالج بس

اهم شي زوجج وعيالج مالج شغل فيهم ان شاءالله عمرهم ماحبوج وانتي غيري طبعج وزوجج اسلوب طبيعي مايبي مشاكل
مع اهله وخاصه امه انتي قاعده تشيشينه عليها موزين لج حتي لو امه غلطانه ماراح يقولها انتي غلطانه بيسكت
لاتروحين لهم دايم روحي بالمناسبات ولاتاخذين شي معاج وان تكلموا علي عيالج وقفيهم قولي انا اربي عيالي
مثل مابي لااحد يتدخل ادقريهم وانتي تضحكين

واصلا مافي عمه تحب حريم عيالها إلا ماندر

ماتشوف شر

انتي متضايقه لان زوجج سلبي!

هذي امه مهما كان ، تبينه يتهاوش معاها ليش ما سالتي عن مرتي؟!

لا اهي و لا انتي ملزومين تسالون عن بعض

سالت زين على زين ومن طيبها ما سالت الله والنبي محييها

لا تعورين راسج

[السلام من العنوان مبين الموضوع اول شي كل عام وانتو بخير زايدين ولاانتو ناقصين احب هالدعوة مدري ليه ابي كل وحدة تقول شنو استايلها برمضان لأني اشوف حريم وقت الفطور شنهم مريضات لا مكياج ولاشي وبعدة يكشخون أنتو شلون لأني أنا كشختي وحدة البس واحط مكياج واقعد لين أذان العشا مالي خلق اصعد مرة ثانية علشان الكشخة ألمايك لكم center][/center]

أخيرا نزل الموضوع يلا بنات شاركوني موضوعي

انا احب الفطور ببيتي ومملكتي

ما احب اتفطر عند احد

واكون مرتبه

ولكن التزكرت والميك اب

بعد صلاة التراويح

ويا حلو رمضان ويا حلو لياليه

ليت السنه كلها رمضان

فوفو

الميك أب ماحطه والله لاقبل الفطور ولا بعد التراويح

انا خلقة ماحب الميك اب وخصوصا رمضان ماحب احطه ماادري ليه

وترى وجهي ماكني مريضه بدون مكياج اسم الله علي لا عادي احسه .,

واهل زوجي اهلي مابيننا رسميات

احب اكون علي طبيعتي والدراريع لبسي اليومي

،

اول رمضان مع اهل زوجي
ومو ساكنه عندهم بس حاسبه حسابي اذا بروح لهم قبل الفطور مكياج مو اوفر ولا خفيف لا بس ما امط الكحله السائله مط لا اقصرها مع حمره لونها هادي وباهت < مسويه شي لوول والبس دراعه تكون ناعمه حيل مافيها الا نقشه خفيفه
واذا بروح لهم بعد الفطور لاوالله مكياجي الي اسويه دايم ( كحل وعدسات ورموش وكله كله ) وبدل شوي فيها شغل

بس انا مازور اهل زوجي حيل خبري فيهم من شهر وشي اتوقع برمضان راح اجيهم مره وحده عاد الله العالم قبل او بعد الفطور

واااااااااااي ياحلات رمضان ولياليه له طعم غيرررررررررر…..انا بروحى بس اذا رحت احط فل ميك اب……

ميك اب خفيف ودراريع خفاف لانه انزل قبل الفطور بساعه
بس بعد الفطور الركب واكشخ واكشخ بنتي وننزل على ساعه 9ونصف

أنا هذا اول رمضان في بيت ريلي مادري شلون بيكون الوضع
اب

مكياج خفيف كحل داخل العين وقلوس وبلشر

واللبس دراريع ونفانيف

وع يالحموله ودي ارمض ي بيتي واصلي وارتاح وان اجنمعنا وصل لوجه الله والسلام

كحل وماسكرا ودراريع بالويكند بس ايام الاسبوع عباة

أنا اتكشخ وميك أب كامل لآنه أحنا طبعنا غير عنكم الرجال مايفوتون عند الحريم وانا ما اعرف اخوان زوجي الا من بعيد كيفك يا فلآن وكيفك يا فلآنه حتى المصافحه مافيه والحمدلله احس حريه بمجلس الحريم وبالبيت لآن مصادفتنا قليل وياهم عاد عمي يدخل
ويسلم علينا ويتقوى وسواليف ويروح لديوان الرجال …. وبس

انا اول رمضاان بيت الحموله يس الحمدلله ماعندي حريم حموان

شلونكم كويتيات هذا مسج وصلني عن الحمولة وحبيت انكم تشاركوني فيه وابي تعليقاتكم عليه ان رحتي لهم دايم قالو: نشبه وإن قللتي الروحات قالو : قاطعه
وإن دخلتي وإيدج فاضية قالو : ماتستحي وإن جبتي معاج شي قالو : البيت متروس
وإن تكلمتي بالمجالس قالو: قرقه وإن سكتي قالو ماتعرف تسولف
وإن فزعتي لهم بالعزايم قالو : اترزز ومسويه روحها سنعه وإن تركتيهم بدون فزعه قالو : ماتستحي جنها غريبه تجي تاكل وتطلع
وان وديتي عيالج لهم قالو: تبي الفكه منهم تخليهم يحوسون بيتنا واذا ماوديتيهم قالو : تعلمهم من الحين على القطاعه
وان علمتيهم بأخبارج واخبار أهلج قالو : ماتخش عندها سالفة وان سكتي قالو : خبيثة تجي تاخذأخبار وتطلع
وان زعلو على مرت حماج رفعوج وطيروج بالسما علشان يقهرونها وان رضوا عليها اسفطوج على حنب هذا اذا ماقلبو عليج
ان حضرتي كل عزايمهم قالو : مشفوحه ماتفوت شي وان تعذرتي قالو:لو اهلها جان وجبتهم وجت
وان صار لسانج زين معاهم قالو:بس لسانوان صرتي سلام عليكم السلام قالو: رسميه وحاطه حدود وماعندها اسلوب
غلطه وحده منج تنسف تاريخج كله تدخلين فجأه تلقين الخشش معفوسة وانتي ياغافلين لكم اللة
اللة يعينا يالمتزوجات

ارضاء الناس غايه لاتدرك

لووووووووول

بس خير الامور اوسطها

المره السنعه تسوي اللي يرضي ربهاا اولا

واللي متربيه عليه ويا حلو المره لا صارت على نياتهااا وما تنبش

بالسوالف سوي اللي عليج وبس لازياااده ولا نقصان

بعض الحريم اول ما تزوج اطير وبعد مده اطخ ويقولون تغيرت

تصرفي باعتدال

واعتبريهم اهلج مشاكلكم بينكم مو طلعين الغسيل عند الناس وبعد جم سنه تقولين يا حلوهم احبهم

لان ما في بيت مافي مشاااكل حتى الاخوان يتهاوشون وبث

انا اقول ان اهم موشي مهم في حياتي فليش ادور رضاهم الي يرضى على عيني وعلى راسي والي مايرضى ما شوفون شر لا هم امي ولا ابوي واهم شي ارضي زوجي وبس

مشكورة

واللة يابنات هذا مسج وصلني من حماتي وقالت هذا المسج يصلح اطرشة يونس وبطرشه لج بما انج جنة

مشكوورة

مشكورين بنات على ردودكم
وين الباجين بعرف هالمسج صح ولالا

اللي تشغل روحها فيهم رضو و الا ما رضو تتعب
انا اقول كل وحده تسوي الللي يريحها و اللي يعكس لهم بالضبط اهيااا شنوو و لا تفكر فيهم

طنش تعش تنتعش

صاجة بكل كلمة

اهم شي زوجي وبس

صحيح 100%

اكييد والكلام عدل ههههه

الي يمشي ورا الناس بيتعب ،،،

تصدقين صارت عندي قناعه من محيط اللي عايشة فيه
ان حب الحموله لزوجة ولدهم في اغلب الاحيان ((حظ))

أغلب اللي قلتيه صح

بس انا عندي قااااعده

(( اي شخص رضاه ما يدخلني الجنه ماااااا اهتم فيه ولا في زعله ))

حدي أوجب واطلع بس مو بس الحموله لالالا صديقااتي بنات خالاتي 00000الخ

إي واللة صاجين لوشنو ماتسوين ماينفع علشان جذي ماهمني يرضون او لأ اهم شي اكون انا راضيه عن اللي اسويه

بسم الله
السلام عليكم بنات ورحمة وبركاته

موضوعي من عنوانه مبين
الرسمية
مع الحمولة يعني مع خالتي وحريم حماي وحمواتي

اشرايكم فيها ؟
اشلون تكونين رسمية ؟
شنو حدودها ؟
تجاربكم معها ؟
يا ليت نفيد ونستفيد

طبعا الرسميه مطلوووبه مع الحموله
ولا بتصير حياتج كتاب مفتوح الكل يتدخل ويعطي رايه
وجهة نظر

صاجه اذا ما كنتي رسمية بتصير كتاب مفتوح

دنيا الوله ::
اشلون حديتي من التدخل ؟

اكبر غلطه سويتها بحياتي اني اعتبرت حمولتي مثل اهلي بدون حدود وكنا مانخش شي على بعض واخرتها انصدمت فيهم بس حسبي الله ونعم الوكيل… صج غلطت لما كنت كتاب مفتوح لان على نيتي عبالي خالتي مثل امي وعمي مثل ابوي…

بس لازم يكون في حدود وودي اتعلم شلون اسوي هالشي بالتدريج

حمولتج مو اهلج يعني مو امج ولا خواتج

انا كنت اسلم واقعد واسولف وطبعا بالغصب اخذ سالفه منها فايده واهما كله خش ودس

صرت اسلم وبس
حتى ماكو شلونج فلانه ولا شخبارج لا
بس خالتي شلونج شخبارج
ومع السلامه

اذا تبين ترتاحين وتريحين راسج مع اهل ريلج خليج رسميه

وانتي سألتي شلون حديتي من التدخل

انا اقولج

شقتج مو لازم مشرعه بابها وكل من هب ودب دش وقعد وسسولف واخذ اخبارج لا

و المصيبه ياخذون اخبار وما يعطون

موضوعج حلو عجبني حيل لانه واااااااااقع مرير عايشينه ههههه

تسلمين

اهم شي الرسميه في التعامل معاهم لان نفس ماقالو البنات بتصير حياتج كتاب مفتوح والكل بيتدخل فيها

اكيد رسميه بالتعامل تخيلي انا رسميه معاهم وهم ماسلمت في تصيد علي وهدا بعد انا موبالكويت بره الديرة بس لما ارد اجازه 10 ايام شوفي السوالف اللي تطلع اتوقع لو اني بالكويت جان من زمان تطلقت

انا وياج ام حيدر
تعطعين وتعطين بعدين تصيرين جنه حالج حال الباقي صح
نفس الي صارلي ؟
انا معاج ابي اعرف اشلون
صاجه لازم هشي يصير بالتدريج مو على جك بم

والله دشينا بقلوب صافيه وخايفين ربنا بس مادري الناس شنو تبي
اشوف امي بعد عمري شافت بلاوي وتحترم جناينها وتجابلهم وتخاف ربها في بنات الناس

بس شوفي سوي اللي يرضي ضميرج وربج عشان عيالج يسوولج

ودج ما تسالين وايد علشان مايتجراووووووووووون عليج ويسالون … واجابتج علي اسالتهم تكون مووووووووووشافيه ومو واضحه …

انا مره قريت من وحده جزاها الله الف خير تدرون شتقول ام مهره وام حيدر؟

اذا صار الشي على قولتج جك بم عبالهم انج زعلانه ولا فيج شي

بس اهم شي ان الريل يكون عنده خبر.. يعني انشالله انا لي رجع زوجي من السفر بالسلامه راح اقوله يا فلان في اشياء راح تتغير بس مو معناته ان صاير شي بس انا حسيت ان هالشي غلط ومفروض يتعدل..راح يسألني شنو؟ راح اقوله…….

والله مادري شقوله؟؟؟

بس لازم ريلي يعرف اني انا موزعلانه عليهم…اهم بطقاق خل يفكرون الي يفكرون ماهموني..الي يهمني ريلي…

مابي لي شافني قاعده ساكته او ماادش داخل عندهم عباله ان صاير شي بيني وبين اهله…

يا ربي شسوي؟؟

شتقووووول..

تقول لاتقولين عند حمولتج زوجي شرالي والا رحت شريت وسوينا وطلعنا لان مره كبيره صح استانست وعاشت اللي عشتيه واكثر بس الحين ماعندها مثلا اكيد كل وقت له شي بس عاد شتقولين طبيعه البشر فلا تقولين رحنا وطلعنا وسوينا بس المشكله بالريل يتكلم بعد عباله زين مايدري قاعد يثير غيرة امه حتى لو تسوي نفسها مستاااااااااااانسه عشانه اهيه مهما كان بشر

وعن الفلوس بجم شريت وبجم حطيت عشان مايقولون نتفته تلقين اول مره تشترين هالشي واخر مره ههههههههه بس مايدرون شدراهم
يعني هالنقطتين طرو علي

كلوا قلبي نزلي اغراضج بالمخزن مانزلت اشيا مهمه فيوم زوجي بسرعه من العيله نزل جنطة عزيزة وايد على مالت يدي الله يرحمها وفيها كل ذكرياتي وصوري ومذكرات قصص وانا صغيرونه تخيلي خالتي معطيتها الهندي بيسافر شكو الا جنطتي حرت قلبي عسا ربي يحر قلبها مواول مرة تسويها طبعا الريل يسوي روحه مايدري دقيت وين جنطتي قلب السالفه علي بس ماعندنا الا الجنطه قلت له امي تبي شغله ماقلتي امج تبي ؟ رساله كاتبتها لي بالغزو موشغلكم ابيها والا لاا موالمفروض اشيل السماعه فلانه تبين هالجلنطه انزين صوري بدون حجاب اغراضي شلون تسمحون لنفسكم الحين ريلي مايكلمني قلب السالفه على وانا احترق اهو مايدري اني دريت هل ادق على خالتي ولاقالت عطيت الهندي اتحلطم للعلم اهما امهم لو تقول طلق يطلقون هذي مشكلتي من تزوجت وفنانه بالتمثيل امه شنو الحل هل غلطتي مادري شلون يتكلمون بالسنع السنع موهدمه والا طبخه بهالاامور السنع

خلاص الجنطه راحت الهند لوووول

الحين روحي هاتي اغراضج وصورج وحطيها عندج
وبلا مشاكل شسوين اذا اهي الله يسامحها ماتعرف السنع خليها مره عوده بتحاسبينها وتادبينها !!!!!!
وانا اقول اكسبي امه مادام هي الكل فى الكل وانتي الربحانه من صوبها وصوب ريلج
وموفقه حبيبتي

ع قولت شادن راحت للهند

وكل شي يمكن يوقف معج الريل الا اهله

لاتكلمين عنهم بالشينه لو هم شينين علشان مايقلبها عليج
اكسبيها قد ماتقدرين

ومالج غير الدعاء ان الله يجعلهم يقدرونج

اغراضج صعديهم عندج
والجنطه خلاص باح
ودام خالتج عوبه سكتي وبلعيها
وريلج لازم تتكلمين معاه

حبيبتي انا خالتي اتضااايقني وما اقول لزوجي اذا خلاص بموت اقوله:
خالتي على نياتها عبالها الناس نفسها قالتلي قدامهم(واجيب السالفه اللي حارتني) ليش؟ لانها امه اولا صعب تجرحينه فيها راح يطلعج غلطانه
ثاني شي خليها حق الامور الكبيره يعني سلفاتيعادي اتشكى منهم بس امه وخواته واخوانه لا مستحيل ممكن بس باسلوب غير مباشر

عموما على قولة شادن الجنطه بالهند
بس انتي شلون دريتي انها عطتها الهندي يمكن انتي غلطانه الخدامه بايقتها!

خالتج لا تقولين لها ولا حرف صدقيني لوكان يهمها الكلام ماخذت الشنطه
لذلك لاتناقشينها واغراضج لاتحطينه بمخزنهم افتكييي

صورج ليش حاطتهم بمخزن حمولتج
ماعندج مكان بشقتج خليهم عند اهلج
انتي الغلطانه بالاول المخزن تحطين اشيا زايده مو مهمه فيه بس شغلات مهمه لج وخاصه حيل ليش تخلينهم فرجه للكل
خالتج غلطانه بعد وماتعرف الحق بس انتي من الاول عارفه طبعها وان ولدها خاتم بصبعها شلج بعوا. الراس بعدي عن مخزنهم

الله يعينج حبيبتي

ياكرهي للخالات اللي نوعهم جذي وييييع

انا مادري انتي زوجتي ولدج عشان تغثينه ولا تريحينه مع اللي اخترتيها

صج عيايز ماعليهم شرهه

يبه طنشيها شتسوين امرج لله

الله يعينج ويفكج منهم وتطلعين بيت بروحج

ا

كفي خيرج شرج عنهم و سدي بابج و خلي علاقتج معاهم رسمية
و احتسبي الأجر

خلاص روحي اخذي اغراضج حطيهم ابيت اهلج صور وذكريات حطيهم ابيت اهلج

الي صار صار
خلاص لا تكبرين الموضوع
اخذي اغراضج وحطيهم بشنطه ثانيه وخلي شنطتج عندج او في اي مكان تثقين فيه
وهاي امه لاتتوقعين ريلج بيوقف معاج ضد امه
والله يهدي النفوس

حبيبتي الشنطه وراحت مو بيدك شي وماتقدرين تتكلمين عن اهله لانه بيزيد السالفه ويسبب لك مشكله مو وقتها كلش كل الي عليك تروحين وتاخذين اغراضك المهمه واذا سمعتي نصيحتي فضيلك مكان بالكبت او اشتري صندوق وحطي فيه اغراضك المهمه واسمحيلي على الكلمه هذي لانه شكلهم ناس يحبون الشنط وتصريف امور الغير

راس مالها جنطه وبعدين مو ملزومين باغراض مولهم أهما مخصصين لج مكان لاغراضج خلاص حطي كل شي لج شحقه المناشب وبعدين ليش تكرهون اهل الزوج جذي يبا ترى اهل زوجج يعني احترام زوجج من احترام أهله ترضين اهو يتكلم عن اهلج

الصور والذكريات القديمه انا اقدرها وهاذي تنحط بمكان محفوظ وامين

مثل تشترين علب ايكيا وتحطينها فوق الكبت

وغلطتج سلمتي ذكرياتج الى ناس ما عرفوا اهميتها وقيمتها

الزعل والعتب والكلام ما رح ينفع لانه الموضوع انتهى

ولكن استفيدي من الغلط

والحين عندي فضول اعرف اسم الممثله على الخاص اذا احببتي

فوفو

فووفوو .. هي قصدها انه امه فنانه بالتمثييل يعني بيصدقها
مش شي ثاني ،

بصراحه انتي الغلطانه ؟ حد يقط اغراضه وصوره بالمخزن و ذكرياته ؟
و ليش شليتيهم من بيت اهلج جان خليتيهم ؟ لين مايكون عندج شقه بروحج و تخشينهم بأي مكان ..
انا برأيي لو طرأت هالسالفه ترمسينها بهدووء .. و تتفاهمين وياها
و علميهم إنه لازم يستأذنون قبل لا يجيسون أغراضج ويتصرفون فيها بدون علمج ،
وسعي صدرج ههههههههه أسلوبج عجبني ،

شوفى ياقلبى المعادلة اللى تبينها صعبة خليج عادية يعنى رسمية الاشوية ترى اذا كنت مرت الكبير من اولها اقولج مهما تسوين من حب ماراح تكسبين الا الغيرة احسن خليج رسمية وجاملى ولا تطولين القعدة واهتمى بامة نصيحة لاتطولين القعدة معاهم وخليج عادية وماكو مشاكل افرحى واستانسى ياقلبى

الله يهنيج اانا اقول خليهم حسبة اهلج يعني تنقصيلهم ساعدييهم واهم شي امه تحتها ستين الف خط تبي شي تحتاج شي اذا طلعتي شوفي تبي شي غير حمواتج اذا يبون شي صدقيني اذا انتي صرتي طيبه راح يصيرون زينين معاج

موفقه اختى اعتبريهم مثل اهلج وخليج معاهم طيبه خلي اسلوبج حلو معاهم بالكلام ترى الكلمه الطيبه تفتح لج طريق السعاده لوووووول الله يسعدج يارب

بنات انا اخاف اصير طيبه يطيحون الميانه وايد

يصير ماكو احترام

ويدخلون بحياتنا
يعني مثلا يقعون بداري والا يشوفون شنو اشتري ويتليقفون

عاد اتصدقون
انا اقول جذي بس ادري بنفسي خواره
من اول يومين بطيح الميانه واصير اضحك معاهم
ما اقدر ياربي انقمت
بس بحاول اوفق بين الشيين
وهمتكم هاوشوني

الله يوفقج ويسعدج انشاء الله
طبعا هالشي يعتمد على اهله وطريقتهم
بس انتي خلج رسميه شوي معاهم
يعني لا تطيح الميانه وايد بين خواته
على الاقل اول جم شهر
لمن تعرفين كل وحده عدل وطبايعها
بعدين انتي تقررين نوع علاقتج معاهم
عشان تتفاديين وايد امور

السلام عليكم ورحمة الله وبركاته

الله يوفقج يارب ويطرح بينكم البركة

آنا امي الله يرحمها نصحتني نصيحة ليلة عرسي ثقلها ذهب

قالت لي عاملي أمه مثل ما تعامليني وحبيلها مثل ما تحبينلي وشيلي امه علشان اهو يشيلج

والله وكيلج الحين انا لي سبع سنين عند الحمولة ماشاء الله لا قوة الا بالله يحلفون فيني

لابد تصير مشاكل بس كوني واضحة فيها من غير انفعال وحطي النقاط على الحروف من البداية

لان الحمولة بيعاملونج مثل ما انتي تبين اذا انتي عودتيهم

الله يوفقج

اللة يوفقج حبيبتى ويعطيج على قد نيتج
اهم شى يكون الاحترام متبادل وانتى تقدرين من البداية تحددين علاقتج معاهم والاعتدال مطلوب مالة داعى الميانة الزايدة والضحك الاوفر بعدها راح ينقلب زعل <<<وانتى قلتى…. وانتى تقصدين ….
ولا تكونين رسمية لانج عايشة معاهم وجذى راح تتعبين من التصنع
معادلة صعبةخليج حبيبة معاهم وطيبةواشاللة تلقين طيبج جدامج
بالتووووووووووووووفيق

السلام عليكم

ألف مبروك وان شالله الله يوفقج ويسعدج ويبعد عنج العين والحسد والمشاكل

بس نصيحه ومن اللي اشوفه " إرضاء الناس غاية لا تدرك "

اذا انتي من النوع اللي حساسه وعلى اقل شي تتأثرين حاولي تغيرين طبعج

ولازم تكونين حكيمه في اقوالج وافعالج علشان تكبرين بعين زوجج

واذا شفتي تصرفات ما عجبتج حاولي تحلينها بالكلمه الحلوه علشان تبينين لهم انج متربيه واهلج علموج على السنع واحترام الغير وعامليهم مثل اهلج وبجذي اذا كان اهما بقلبهم شي عليج راح تكسرين عيونهم

واذا لا سمح الله صار شي يكدر خاطرج ، مو تقعدين تتشكيين حق ريلج امك وامك واختك واختك ترا حتى لو كان الحق معاج راح يشيل بقلبه عليج ومع الوقت واذا كثرت الحنه والرنه على راسه يمل ويخلي لكم البيت وبطلع علشان يفتك من الحنه وكله راح ينشغل عنج مع ربعه وسفراته ويخليج انتي دمعتج على خدج

خلج حكيمه وتعرفين متى وشنو تقولين وشلون تشرحين له مشكلتج بالهداوه واللسان الحلو

واذا يا عندج لا تقعدين تذمين امه او خواته بالعكس علشان لا سمح الله اذا سمع منهم شي يقول بقلبه البنت كله تمدحهم واهم يذمونها .. وبعدين اهم شي عندج انتي ريلج اهم شي راحته ورضاه عنج

و خاااااااالتج ( ام ريلج ) حطيها بعيونج وعامليها مثل امج وحماواتج اوكي عامليهم مثل خواتج بس لا تطيحين الميانه وايد لدرجه انهم يغلطون عليج على بو انه ميانه خلج عاديه يعني مسكي العصايه من النص

وبعدين في شغله : ترا من حقج يكون لج بيت بروحج حتى لو مع الحموله بس يكون لج باب بروحج تدشين وتطلعين منه مو مشترك معاهم و دور مفصول عنهم يعني مو معقوله كل كلمه وهمسه يبون يسمعونها واقل صوت يطقون الباب عليكم شفيكم ؟ ولا احد يدش دارج ويتعبث بأغراضج

حاولي تطلبين دور منفصل عنهم على الاقل هذا حقج وماكو شي يزعل

والله لا ايييب المشاكل ياااااااارب

وبالتوفيق

الله يوفقج ان شاءالله ويعطيج على نيتج وأكثر

حبوبه تعاملي على طبيعتج بس بحدود

يعني عندج مثال بالنسبه لي الي يشوفني عند حمولتي ما يصدق ان انا نفسي الي عند بيت أهلي

عند الحموله الكلمه لها حساب وماتطلع الا موزونه مو مثل عند الاهل تاخذين راحتج بالسوالف والوناسه

ولاتحطين في بالج المشاكل وتصيد الزلات

كثر ماتقدرين طوفي

واهم شي عند ريلج

اذا عندج سالفه زينه عن اهله قوليها

وأذا متضايقه منهم سكتي لاتبينين له ترى صدقيني بتكبرين بعينه

ترى مهما يكون هذيله أهله وما يرضى عليهم

وعسى الله يوفقج يارب

اول شي مبروك الزواج والله يتمم على خير ثاني شي السالفه ماتحتاج الى تعقيد انتي طيبه اهما بيصيرون معاج طيبين
الاحترام والله يخليهم يحبونج والمعامله الطيبه ولاتحاولين اتقولين اسرارج حق احد وفهمي زوجج ان اسرارنا بينا لو مهما يصير عشان مانخسر احد ولانخسر بعضنا وموفقه خيير

حبيبتي مثل ما قالوا البنات عامليهم بطيب بيحبونج

مثلا انتي قلتي مابيهم يدشون غرفتي ويفتشون اغراضي وجذي وصح كلامج لكن هالشي انتي تقدرين تسوينه

يعني حطي لهم حدود

مثلا صارت بينكم ميانه وجذي وصداقه بعد لا تدخلينهم غرفتج، لين تبين تروحين لهم نزلي تحت او اذا مثلا دقوا عليج باب الغرفة طلعي لهم بره لا تدخلينهم

سوي حدود بينج وبينهم وبطيب.. وصج المفروض مثلا يكون لج دور بروحج او باب منفصل

لا تدخلينهم في حياتج الخاصه وخلي الوناسه والضحك على مواضيع ثانيه

والله يوفقج

مبروك عليج الزواج والله يوفقك
لاتخافين أنا مع الحموله 10 سنوات ولله الحمد خالتي أمي وحمواتي خواتي أذكرو الله
وأنتي تحددين معاملتهم لج وأهم شي أسرارهم لاتطلع منج أسمعي أكثر منج تتكلمين ولاتناقشين كثير وتجادلين حتى لو أحتاج الأمر طوفي
ولاتققين في كل كلمة وحركة تتعبين على الفاضي وإلى مايعجبج لا تهتمين فيه وشليه من تفكيرج
وإذا قدرتهم في أفراحهم وأحزانهم تأكدي أنج راح تكبر معزتك عندهم
وإن شاء الله تعجبك نصايحي وإذا أحتجتي لأي شي أنا موجوده بالخدمة والله الموفق

الله يوفقج ويتمم لج بخير وأم الغالي ماقصرت وباقي البنات قالو الي بقوله واكثر

انا نفسج حدي خايفه وخصوصا اني اجتماعيه وادخل مع الناس بسرعه !

بس مشكله اذا كنتي ماتعرفين طبعهم تقعدين تحاتين !

الله يوفقنا جميييييع !