|
السلام عليكم بنات ..
والله عندي سؤال …
ويريت الكل يشارك
خاصة الزوجات اللي ساكنين ببيت حمولتهم
بنات حابة اعرف الحين اللي ساكنين بيت حمولة ؟؟
شلون اذا بتعزمين احد والا في احد يبي يبارك لج …
مو جنه فشلة !!!!
يعني رفيجاتج اهلج بنات خالتج خواتج كل هذول مو جنه فشله تددششينهم بيت حمولتج اقصد اللي عندها شقة والمدخل واحد يعني بعرف عادي والا شنو
ترا هذا سؤال رفيجتي على وشك انها تنتقل بيت حمولتها لان توها متزوجة
بنات تفاعلوا خل نستفيد من بعض يعطيكم العافية
اذا خالتج راضية انهم ييون ببيتهم خلاص توكلي على الله
اهوا مافي مشكلة تعزمهم ببيت اهلها بس يعني يمكن تبي توريهم شقتها تبي يباركون لها في بيتها خاصة انه لها شقة خاصة في بيت اهل زوجها
يعني عندها مكان بس مستحية تقول اعزم احد .. على فكرة اهيا متفقة معاهم انه طول عمرها بتقعد عند اهل ريلها فشلون يعني طول العمر مراح تستقبل احد ؟؟؟؟؟؟؟؟؟؟؟
بس مو من اول شهور خلها تصبر شوي على ماتطيح الميانه شوي
خلها تنزل مبجر العصر واهي لابسه وتقول رفيجتي بتزورني مثلا وقاعده انطرها
واذا كانت خالتها موجوده خلها تسلم عليها اذا مافي احراج وعادي يصعدون شقتها
عادي يبه
بس "إبعد عن الشر وغنيلووو" .. انا اشوف خالاتي اللي قاعدين عند حمولتهم عادي يعزمون اللي يبونه .. بس على حسب الاهل في بعضهم يتذمرون ومايحبون .. وفي بعضهم والله والنعم فيهم
بس نصيييحة .. قولي حق رفيجتج تطلب تقعد بروحها . . قبل لايطيح الفاس بالراس
بس اذا رفيجاتي استقبلهم ابيت اختي تعرفوون لوية الرفيجات ووناسة وسوالف وضحك واريح ابيت اختي او ابيت امي
الاحسن انه اذا بيونها ناس تعطي خبر حق خالتها دام المدخل واحد .. تقولهم انه بيون لي ناس
عشان لاتنصدم الخاله وتكون مو مستعده مره وحده يدخلون ناس عليها البيت .. مهما كان الواحد يحب يستقبل الناس وهو مرتب
هذا رايي
اقبلي مروري
ما يزورني أحد
مدخلي مع حمولتي
ضيوفي استقبلهم ببيت اهلي احسن آخذ راحتي
اذا نفس المدخل
بس المهم تبلغ خالتها
خوفج باجر تتضايق منها
تقولها البيت عفيسة او شي جذي
بس خل تعطيها خبر
وتستقبل اللي تبيه
الحين هذا بيتها