الوسم: الحمولة

موضوع يديد حابة تشاركوني فيه :
كل وحدة تقول لنا( شنو شعورها) و( شلون تستعد)
اذا بتروح بيت اهلها او بيت حمولتها.
انا عن نفسى صراحة روحت بيت اهلي حلوة وخفيفة على قلبي
والبس عادي اي شي حلو ومريح وعيالي مثلي اخليهم يلبسون اللي يحبون ويريحهم حتى لو يكررونه جم مره
لكن هاااااااااااااااا اذا بنروح بيت حمولتي لا استنفار وتكشخ والبدلات الجديدة وكل شي على سنقة عشرة والروحه ثقيله شوية.
يللااااااااااا شاركونييييييييييييييييييييييييي
ومشكورين مقدما.

يلا يا حلوين ناطره مشاركاتكم.

مرحبا … انا للحين مع حمولتي واهلي جيراني يعني انا كل يوم عندهم … بس حبييت اشارك لاني اعرف ناس مثل طريقتج وفي ناس لا لازم يكشخون علشان حريم اخوانهم ولا في بعضهم هم يكشون على خواتهم اعرف وحدة تحب تتنافس مع خواتها على الكشخه في زيارة اهلهم .
بالنسبه لي خالاتي يتجمعون كل خميس عند وحده احب دايما يكون شكلي ذرب ومرتب بس بدون تكلف يعني مو نفس العزايم والمناسبات واهتم بلبس عيالي احبب اجدد لهم ودايما يكون لبسهم عملي علشان ياخذون راحتهم باللعب.

خوووووووووووووووش موضوع يا حلاتي

والله هناك فرق والفرق وااااااااااااضح بين روحتي لبيت اهلي وبيت حمولتي

بيت اهلي حتى لو اروح بقميص البيت الي انا قاعده فيه عادي…….البس عباتي واروح لهم ونفس الشي عيالي

يكونون لابسين هدوم البيت الي من المعلم ويطق براسي اروح لاهلي يروحون بلبسهم الي عليهم

يعني اروح لاهلي وانا مرتاحه على الآخر بدون تكلف

بس الحموله لااااااااااا والف لاااااااااااااااا

لازم نكشخ كلنا حتى الخدم خخخخخخخخ

اليهال البسهم هدومهم الحلوه الكشخه ودهن العود والاطياب

مو علشان تكبر ولا اعلي نفسي عليهم لا والله

بس انا احس ان للحموله نظره معينه للجنه وعيالها

يعني الانتقادات والملاحظات على اليهال ولبسهم وتمشط شعرهم وتقريض اظافرهم

اكيد اذا شافوا الياهل فيه اهمال من احد هالنواحي بينتقدون الام سيدا فليش اخلي حق اي احد مجال ينتقدني

لا والله خو كلها ساعتين بالاسبوع اروح لهم انا وعيالي مزهلقين نقعد هالساعتين ونطلع

اكيد الاهل غير و الحموله غير و حتى لو بيني و بينهم ميانه .. لان اهلي طول عمري معاهم و شايفيني بجميع احوالي .. بس الحموله غير .. لابد من الرزه و التسنع ..و مو ضروري كشخه و خبه .. بس المهم الشكل مرتب و مسنع .. عشان باجر يبين في عيونهم اني مهتمه بنفسي و عيالي و خدمي و انه احنا دوم مرتبين .. و عموما انا ما اقول انه اهلي ما البس لهم و الا اروح لهم مو مرتبه بس اهلي اقدر ادش عليهم بترينغ سوت و الا جينز و تي شيرت بس الحموله لا عاد ما يصير اكون عمليه لهدرجه و خاصه و انا مو ساكنه عندهم ..

عموما الموضوع حلو و اعتقد كل البنات هذا رايهم

صحيح كلامكم بيت الاهل يختلف عن بيت الحموله لازم تلبسين وتلبسين عيالك دراء للانتقادات الله يعينا

سلام عليكم يا بنات

مثل ما اهوا مكتوب في العنوان
مترددة ولا اعرف شسوي
بين اتم في بيت حمولتي او اطلع شقة برا هذا القرار صاير عندي وماعرف شسوي
امي و اختي يقولون لي تمي في بيت حمولتج باجر اذا ياج ولد اهيا بداريه و بتقعد عندج واذا احتجتي شي بتعين و تعاون
و اختي الكبيرة تقول لي لا طلعي بروحج احسن لج عن المشاكل اذا الحين مافي مشاكل اذا يبتي اليهال و مع الطلعة والدخلة بتصير مشاكل
مع العلم ان اذا سكنت معاهم بناخذ قرض عشان نبني لنا قسمنا و مدخلي بصير بروحي
و بيت حمولتي حلوين معاي و احبهم و يحبوني بس فيهم تدخل شوي من ام زوجي و ابو زوجي دايما سوو جذي لا تسوون جذي
و ادري باجر لا يبت ياهل او شي بيربونه معاي وانا ماحب احد يتدخل بولا شي بحياتي لا تربية ياهل ولا اي شي
و اذا بقعد معاهم بتحكم بلبس معين انا عادي اطلع ب بدلات بس بيت حمولتي من النوع الملتزم مابيقولون لي شي بس ادري بينظرون لي نظرة غير
انتو شتقولون ؟؟ مادري راسي مفتر لان للحين مو مستقرة مع ريلي يوم في بيتهم و يوم في بيتنا ماقدر انحكر في حجرة وحدة بدون حمام و اهوا متأزم الحين ويبي القرار بسرعة وانا مابي اتسرع بشي

بروحج
بروحج
بروحج
الا
اذا شقة راهية تكفيج سنين جدام
والاهم مدخل منفصل

انا افضل السكن مع الحموله اذا الشقه او الدور كان متوسط الى كبير

بس اذا قرقور لا والله سكن خاص بس مو شرط بعيد او قريب

حبيبتي اشتري راحتج وخذيلج شقه بروحج تاخذين راحتج باللبس وبالطلعه والدخله وبكل شي … صدقيني مهما كانو الحموله طيبين معاج لااتسكنين عندهم قعدي بشقه بروحج دام الحمدلله ماعليج قاصر

اذا ماديتكم تسمح ، اطلعي بشقه

أريّح لج ، ومحد بيتدخل فيج بالطلعه والدخله غير زوجج

واضح انه مو عاجبج بيت اهل زوجج عيل طلعي انتي تبين البنات يشجعونج وانتي اصلا مقتنعه بالطلعه وبس تبين الاهل عشان يربون عيالج ويسااعدونج !! لاحبيبتي طلعي

بروحج طبعا ومافي مقارنة
اشتري راحتج باجر تكثر التدخلات وتناشبون

بروووووووووحك احسن وبتاخذين راحتك

بروحج نصيحه لوجهه الله

برووحش حبيبتي واذا تقدرين بمنطقة بعيييييييدة

ياما انغشينا بالحمووولة وبعدين اللهم ياكافي

طلعي بروحج احسن

اختاري الراحه وسكني بروحج أحسن

و عليكم السلام

اذا رضيتي يوم من الايام ولدج يهد البيت و يروح شقه مع مرته ارضيها لهم

و ترا مو كل حموله مو زينه

انا ماجربت اسكن بروحي بس من تزوجت كنت ساكنه بقرقور بيت اهل ريلي وعقب 6 سنوات زواج وياهل واحد الحمدالله بنالي وسوالي مدخلي الخاص حتى غرفة غسيل سوالي بروحي ومرتااااااحه واااااااايد فررررررق لمن كنت اغسل واطبخ وادش واطلع معاهم
الحين صج اني ساكنه عندهم بس الحمدالله اقفل بابي علي ومالي شغل باحد حتى ولدي صرت اقدر اسوي كنترول عليه قبل وااااي بس يبجي شوي الا مدرعمين علي يشيلونه وينومونه عندهم وكنت صج منزعجه منهم
بس الحمدالله الحين مرتاااااحه

شقه بعيد عنهم نصيحه ترا تندمين لو سكنتي معهم

[b] صباح الخير على أحلى حلوات و الله مشتاقة لكم [/b

حبيباتي أنا أكره أروح لهم لأن ما قصروا فيني ما أبي أشرح بس بقولكم مدري محتارة هل أروح ولا مو كل زيارة لان حرام أقطع شوفو كل ما أزورهم أكتئب و أخرب بيتي أسوي مشاكل مع الريل أو أطنش عيالي أو أهمل نفسي ساعدوني أن ساكنة بره أفيدوني و إذا أزور شلون أتعامل و الله فشلانة أنا متزوجة قريب العشر سنوات و احس اني غريبة

اشدعوة

رددددددددددددددددددددددددددددددددددددددددددددددددد ددددددددددددددددو

حبيبتى اذا متضايقه منهم مو مجبورة تزورينهم كل اسبوع … روحى بالشهر مرة وخلى عيالج يروحون مع ابوهم

ما ادري لاني ساكنه عندهم فاشوفهم كل يوم بس مو جابره نفس اجامل و كل مازارهم احد اقعد لاني جذي راح التزم

مو لازم تزورين كل اسبوع و اذا خف عليج مريهم يوم بعرض الاسبوع غير يوم الزواره بس حرصي عيالج و زوجج يروحون لا يقطعون اهلهم
و اذا رحتي خلج مرتاحه مع نفسج و تصرفي عادي لا تتشنجين و تتوترين كلها ساعه و تعدي
و اذا اضطريتي تروحين الزواره قعدي يم اكثر شخص ترتاحين له عالاقل عشان اتسولفين و تستانسين شوي

لا شدعووه

عاااااادي دامج ساكنه برووحج

زوريهم بالاسبووع مره

ومو شرط يوم محدد يعني حتى لو بنص الاسبووع

واعتبريهم اهلج من بعيييييييد حتى لو بنات عمج عشان ماتصير مشااكل

ولا تتدخلين بأأأأأأأأأأأأأأأأأأأأأأأأأأأأأأحد

حبيبتي مو شرط اسبوعي انتي عندج عيالج ورجلج واهلج هم بتزورينهم

خلى زيارتج بشهر مره اريح لج اذا متضايقه منهم

يا بعد عمري ما قصرتوا

انا اموت بخالتي ان ماكلمتها يوم احس شي ناقصني

حاولي بهالزيارات تغيرين طبيعة العلاقة الي بينكم صدقيني تتصلح صيري احسن منهم

الوصل زين وعسى الله يوفقج
تقبلى مرورى

مادري ..

انا معاهم .. وهم ما اشوفهم ..

وهم ماهمني خخخخ

عل العموم .. كله يرجع لج .. دام ماترتاحين .. انا اقول خليها بالشهر مره .. وريحي راسج ..

..

زوريهم كل اسبوع مره حددي يوم معين لان اولا واخيرا تعتبر صلة رحم واجر لج عليها ان شاء الله

ولاتطولين عندهم ساعه بالكثير وقولي والله انا مشغوله وجيبي اي عذر علشان تمشين مبجر

انا ساكنة مع حمولتي

لو مكانج … أزورهم كل اسبوع او اسبوعين

و لا بالشهر مرة … مو شرط

و بعدين ليش تحسن انج غريبة بينهم

انتي خليج مع الناس فرفووووشية سوووولفي و ضحكي و استانسي … عاااااادي الحياة حلوة

و انتي اللي يريحج سويه ….. مو مجبوووورة

سوي اللي يريحج ولا تضغطييين على نفسج

مرحبا حبيباتي
اريد التكلم عن اهل الزوج
ليش المشاكل والتحدي والصراع والتدخل بين الزوجه واهل الزوج ( امة وخواته واحيانا زوجه الاخ (مرت الحما))
؟؟؟؟؟؟؟؟؟؟؟؟؟؟؟!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟ ؟!!!!!!!!!!!11
وين المشكله اذا كل واحد قعد في بيته وجابل روحة وارتاح ؟!؟!؟!
ما هي انسب الحلول في التعامل مع هؤلاء البشر
ارجو من الخوات المتزوجات يفيدونا بتجاربهم مع اهل الزوج واسلوب التعامل معاهم لان الامور اصبحت لا تطاق وحالات الطلاق مرتفعه والكل يشتكي من مساله التدخل ( اهل الزوج او الزوجه )

انااا والله مادري بس من خلااااااااال اللي حولي استنتجت << صج والله

المووهيم استنتجت انه الغييييييييييييييييييييييييييييره هي سبب المصايب ..

الله يبعدها عنا ..

الحل الافضل للناس اللي عندهم هالنوع من المشاكل هو

المنزل المنفصل عن اهل الزوج

وهذا هو الحل

يعني

روح بعيد وارجع سالم

والوحده لازم اتطوف اذا بتزعل علي كل شي ماراح تدوم حياتها الزوجيه

يعني تحط امه في مكان امها

واذا كسبت امه كسبته هو

والدنيا ماسوي وكلها عبره ايام ومحد ضامن عمره ومافي ضيق الا في القبر

وتقبلي مروري

الف شكر ع الموضوع

الحمدلله انه علاقتي مع خالتي فوق الممتازه وحمواتي الكبيره علاقتي رسميه معاها بس حاليا بدينا نتوالم شوى بس الثانيه انا حيل حيل معاها
بس باجر اذا حماني تزوجوا مايندرى شصير

مشكورين حبوبات عالمشاركة
فعلا كلام الاخت ( غير كل الناس ) البيت المنفصل نعمة وشئ ضروري ومهم
لكن مو كل الناس تقدر تطلب هالشرط او تعيش في بيت منفصل ( احيانا يكون الريال ولد امة ) يعني ما يقدر يتصرف الي بامر امة هنا تكون المشكله ان الزوجه لازم تهتم بالزوج وامة بعني الطلعه برة البيت مستحيل …. وبعض الناس مثل حلاتي لازم اهتم بزوجي وامه وخواته وازواجهم وحماني وزوجاتهم ( تدرون ليش ) لان انا كنت اول وحده تدخل البيت ( يعني ولدهم اول واحد يتزوج ) وكنت وايد طيبه وعلى نياتي واراعي الكل واطوف واحترم حتى لو كان على حساب راحتي واحيانا على كرامتي ( غبية ) والحين بديت اتغير لما تعبت نفسيا وصحيا وجسديا والامراض كلتني وانا ما وصلت 30 سنة .. طبعا اهم زايدين ويانين وقاعدين لاني تغيرت وقمت ارفض واقول رايي ( طبعا هذا ممنوع الكلمة الاولي والاخيرة للام في كل شئ )
انا مستغربة ليش يسوون جذية في بنات الناس ؟؟؟؟
اذا كان هذي المعامله يا حبيبي مكاتب الخدم تارسة الديرة اخذوا منها باللون والجنسية الي تبون وريحوا بنات الناس

صح لسانج يا روح الدنيا الغيرة هي سبب المشاكل الزوجية وانا وحدة متزوجة ومومرتاحة كلش وللعلم للحين قاغدة بيت الحمولة

اقدر اطلع بيت منفصل بس اذا مافي امكانية لزوجي شلون ؟؟؟الحل اقعد بمكاني واسكت مع اني مو مقصرة مع اي احد منهم

أنا الحمد للة طالعة بس شنو بعد طلعت الروح .. بس واللة الطيب في هالزمن مايعيش لان اول ماتزوجت كان عمري18وكان علنياتي وكنت حسبتهم مثل أهلي وكان الاستغلال مالاوالي …
بس الحين واللة يوم كبرت حسيت أني طيبة زيادة علي اللزوم لازم كنت من أول احط حدود بيني وبينهم . ألحين من تزوج حماي ويتلهم جنة يديدة حسو بالفرق وشافو ان أهي من أول مادشت عليهم ماتبي تحتك فيهم ورسميات معاهم. وقت لزواره تقعد بس فترة الغدا وتطلع علطول .
بس صج حسيت ان محترمينة وحسبيلها ألف حساب ..
هذي الحموله حتي لوتعطينهم ماي اعيونج لازم يطلعون فيج أعيوب ..

والله هذي المشكله تقريبا مشكله عامه بس والله مادري قبل الناس تلوم دايما الجنه وتعتقد اهيه اساس المصايب بس انا لاحظت اهل الريل لوتعطينهم ماي عينج مايبين طبعا في شواذ

الغيره أحد الاسباب

و سبب ثاني اهوا الطيبه، اذا كانت الزوجه طيبه و تجامل يتعودون على هالشي و اذا اعترضت على شي أو ماقدرت تنفذ طلب من طلباتهم بتكون مصيبه عظمى لأنهم تعودوا على انها لازم تنفذ و بس

و سبب ثالث احتمال الحموله يكونون طيبين بس خايفين انه الزوجه تكون مؤذية فيجهزون الدوا قبل الفلعه و يبدون بالشر لما تثبت لهم انها طيبه و ماوراها إلا الخير، وقتها يتطمنون لها و يتغير الوضع

في اسباب وايد لكن المهم طريقة التعامل

انا ببداية زواجي وحده قالتلي (حتى لو الحموله طيبين و سنعين ، ترا عمرهم ماراح يكونون أهلج)

بالنسبة لي اتعامل معاهم مثل أهلي لكن في مسافه من المجاملة و الخصوصية مطلوبه

في حدود

مشكلة موجودة من عمر الدنيا
always has been
always will be
انا مو شايفة حل

والله هالمشكلة موجودة من عمر ..

واتوقع السبب اهوا الشخص الجديد على العائلة .. خصوصا (مرت الولد) .. وسببها اتوقع الغيرة

وأنسب حل اهوا تكون الوحدة بحالها وماتتدخل باحد من اهل زوجها .. وتكون طيبة وزينة معاهم

وتحط لكل شي حدووود عشان تبتعد عن المشاكل
وأهم أهم شي ان يكون البيت مستقل .. يعني مو مع بعض لأن هالشي اساس المشاكل

انا زوجي عنده 3 اخوان وبيتهم ماشاء الله كبير تحت لاهله وفوق شقق للاولاد ، يوم خطبني زوجي انا قلت ابي اسكن بره منعا للمشاكل وحتى لو كانوا طيبين واهلي كانوا من رايي والحمدلله انا ساكنه في شقه لوحدي وبعيده عنهم ازورهم بالاسبوع مره او مرتين على حسب ،،، علاقتي معاهم عاديه جدا وسطحيه بس عمتي وحمواتي اللي مو متزوجين علاقتي معاهم حلوه لانهم يحبوني وطيبين معي اما الباقي مااحب اختلط فيهم لان طبايعهم مزعجه ….

كلامكم عين العقل
فعلا المشاكل ماتخلص واسبابها مثل ما ذكرتوا والشقا كله على الجنه ( الزوجه الجديده )
بس ليش الغيرة ؟؟؟ انتوا الي خطبتوها وانتوا سالتو عنها واخترتوها .. وبعد ما ترضا العروس فيكم تنهشونها وتقطعون لحمه
؟!؟!؟!؟!؟!؟!؟!؟!؟!؟!؟!؟!؟!؟!؟!؟؟!؟!؟!؟!؟!؟!؟!؟!؟!؟ !؟!؟!؟!؟؟!؟!؟!؟!؟!؟!؟!؟!؟!؟
خوااااااااتي
اذا الوحده ما تقدر تطلع من البيت ( ساكنه معاهم بنفس البيت غير انهم داخلين طالعين عليها وما في خصوصية ابد ابد ابد حتى لو الزوج يبي…. لازم الاخت اولام تعلق والزوج ولد امة لا يمكن يتكلم او يرد عليها )
مالحل ؟؟

آآآآآآآآه ماأدري شقول طبعا"الغيره هذا أوسبب والحسدعلى كل شي حتى على الضحكه يحسدون
لازم نحط منظمه لبيت الحموله عشان أي غلط منهم نشتكي عليهم هذا الحل المستحل طبعا"
لاكن الحل الوحييييد الواحدإذابيتزوج قبل لايعطيهم المهرياخذله شقه بصراحه هذا الحل
بس يابنااااااات ترى موكل البيوت مثاااال وحده سيرت عليناقبل العصر سألنهاعن حريم عيالهاقالت والله ماأنزلو لحدألحين قلت للخدامه إذاخلصتي الغدا أنجبي لكل وحده ووديه لهم شوفوالرحمه جان أناأقول منغيرشعور ياريتج خالتي صج هذي الخالات وإلابلاش

السلام عليكم
مبارك عليكم الشهر انشالله
ياليت كل وحدة تكتب يومياتها في بيت حمولتها خاصة الموظفة
من ناحية متى تنزل بالساعة قبل الفطور ومتى تصعد بعد الفطور وشنو تلبس هل كشختها اووفر او عادي
انا راح ابتدي
انا موظفة اول ما ارد من الدوام اريح جسمي ساعة يا انام فيها او انسداح فقط وبعدها ابدل عيالي وانزل تقريبا قبل الفطور بساعة ونص اسوي طبق يا بمطبخي او تحت عندهم اذا الطبق جايد تحت طبعن واذا خفيف اسويه بمطبخي
واتفطر عقب الفطور بنص ساعة اصعد انا وعيالي نتبدل ونلبس البس الجديد وانزلهم وبالنسبة لكشختي اخليها اووفر اول اسبوع لاني اروح اسلم على اهلي واهله من خوال وعمام والساعة 11 تقريبا اصعد واكون منزله معاي حلو بس مو يوميا انزل حلو معاي ورى الفطور يعني بالاسبوع مرة او مرتين
وطبعن اساعد خالتي بالمطبخ ما اخليها بروحها

وانتووووووووووووووووو؟ كيف الاوضاع عندكم

مبارك عليج الشهر

انا مو متزوجه بس دشيت اقرااا لقافه

هلا فيج سارة علينا وعليج يتبارك
مشكورة على المرور

هلا فيج سارة علينا وعليج يتبارك
مشكورة على المرور

حتى انا داشه لقافه ساكنه بروحي ومبارك عليكم الشهر

بما اني اعتبر نفسي حموله وعندي جنه بقوول لكم عن نظااامي مع جنتي بالشهر الفضيل

اهي موظفه فديت قلبها ويتني قالت لي خالتي باجر اش تبين تسوين الفطور قلت لها كل خير الله اللي بسويه تاكلينه حالج من حالنا ضحكت وقالت لا يعني تبيني اساعدج بشي بالمطبخ

قلت لايمه بس ديري بالج علي نفسج وبنتج وماحتاج مساعده ابتسمت وقالت لي الله يعطيج الصحه والعافيه خالتي بتتعبين وكله بميزان حسناتج

بيني وبينكم ماحب الحوسه بالمطبخ لاصرت صايمه احب اسوي كل شى ابروحي وبعدين اهي عندها مطبخ اذاا بتسوي شى يزاها الله خير تسويه بشقتها واتييبه واذاا ماهي مسويه ماجبرها بترد من دوامها تعبانه واقول لها ساعديني لا والله ماسويها وعساني عالقوه اليوم ودوم

بيني وبينكم عااد وتبون الصج الخاله تستانس حيل حيل حيل اذاا شافت جنتهااا تتنقص لحمولتها لوووووو بقرص خبز شدوا حيلكم وعن الرباده وعساكم من عواده يارب

يعطيج العافيه يالغاليه نونو والله يزرقني بخاله مثلج بجد حبيتج من الله

السلام عليكم
مبارك عليكم الشهر

صراحه انا توني متزوجه صارلي اربع شهور
ودي اعرف نظامكم اشلون

اول ما اردين من الدوام وخصوصا اني طالبه بالجامعه ويبيلها شغل ارتاح شوي
بس عااادي انا راح اسوي جذي …..

اسوي بشكل يومي او مرات على حسب اذا كنت تعبانه او لا
اسوي سلطه
و
طبق رئيسي واحد

وطبق حلو

واروح عندهم اتفطر
شرايكم جذي حلو نظامي او عندكم اقتراح ثاني؟؟؟

الغالية نونو … خالة مو متخيلة ابدا مادري ليش (عندى انطباع اني كبير القوم بالسن طبعا .. يازينج من خالة والله وكثر الله من امثالج ويارب يرزقنا خالة نفسج .. ومبارك عليج الشهر ويعلج من صيامة وقيامة ويسخرلج عبادة وإمائه .. بخاطري على يوم اتفطر عندج .. ( اتحسين مو لله هالدعاء….)

رينبو و خالتنا الغالية نونو ومنو انا وحلوة حدي وقهوة برية اسعدتني مشاركتكم ومشكورين على الردو

وين الباجي نبي تفاعلكم

آنا عن نفسي من أرد من الدوام ما أرتاح أصلاُ ريلي ما يرضى يادوب أبدل وأنزل أساعد خالتي بالمطبخ وعقب الفطور عاد أريح أنام ساعه ساعتين وأرد أنزل بس الحمدلله إني آخذ إجازه بنص رمضان واستلم الطباخ عن خالتي آنا الحمدلله أحب أطبخ واستمتع بالطبخ وايد

الله يعطيكم العافيه
انا ارد من الدوام واريح واقعد قبل الفطور بساعه
إذا لي خلق سويت لي طبق مو اجباري لان خالتي بعد عمري ما تجبرني بشي
اتيب طباخه من برى وتساعدها طباخة البيت فماله داعي انعور قلوبنا
بس حزت النجاب نساعد

عقب الفطور بنص ساعه اصعد
اريح شوي والبس وانزل او اطلع لاهلي

السلام عليكم
انا مو متزوجه بس دشيت لقافه وقلت اشارك
الصراحه اساعد امي دايم بالمطبخ وازهب معاها الفطوور وخصوصا اللحين ماداومت للجامعه وهم ماعندنا خدامه فمجبوره نوعا ما بس الحمدالله احب الطبخ واساعد الماما وادعوا توصل خدامتناااا باسرع وقت لانها مصختها وايد :>

داشه اقرا لقافه

ساكنه بروحى

مبارك عليكم الشهر . أنا ساكنه مع أهل زوجى وأول رمضان لى مع زوجى , خالتى الله يهديها راحت تقول حق بناتها كلموا مرة اخوكم خلا تدش المطبخ برمضان وقالت لى حماتى دشى المطبخ قلت لها أصلا من غير ما تقولون أنا أعرف بالاصول وراح أدش المطبخ من غير ما أحد يقول لى . وصار لى 3 سنين متزوجه وكل رمضان أدش المطبخ . واللى يخلينى استانس ان عمى وحماتى وحتى خالتى كلهم ياكلون الاصناف اللى انا اطبخها .

مساء الورد لأحلى منتدى لأحلى بنات.. العنوان واضح ببدي الكل مايبييني مع اني طيبة وحنونة لدرجة ما احب أطلع من البيت تعقدت وقلت البعد عنهم غنيمة ياما خدمتهم وما قصرت مثل ما يقول المثل سوي خير وقطي بحر ليش الناس ما تعاملنا مثل ما نعاملهم جزاء الأحسان بالاحسان وليس بلأساءة بس هم اللي حاسين فيني خواتي الله لا يحرمني منهم امي وابوي الله يرحمهم ليش الناس تغيرت وما يفكرون الا بنفسهم وبس أعرف وحدة من الأهل وقفت معاها على الحلوة والمرة أخرتها بين الوجه الثاني قامت تقولي فلان ما قصرت عن وحدة ثانية مو انا وبنتها تقول لي ياحلات هدية فلانة يابت لي فلوس استغربت احنا من النوع اللي ما نتكلم على الهدية هذا بدال ما تقول مشكورة ونعم الله عليج تقول لي ايه زينه هديتج من غير نفس يعني تبي فلوس الاخت بعد الله سبحانه وتعالى قال لا يكلف الله نفسا الا وسعها شي يبط الجبد حدي منقهرة من معاملتهم لي فقمت ما اطلع ولا اروح الا مع عيالي وزوجي الله يخليهم لي يارب ميخالف اسفة طولت عليكم. ابي حل وتفاعل وردودكم اللي تبرد القلب والله يعطيكم اللي تتمنونه باشهر الفضيل يارب

والله ب تتعبين ..جانج ب تعاتبين وتشرهين

يبا .. زوجج وعيالج وبيتج وبسسس < اذا كنتي متزوجه

واذا توج .. مالج الا بأهلج ..وحتى الصديقاات خلي علاقتج معهم بس سلام وضحك ودراسه لا اكثر

وجذي انا الحمدلله مرتاحه

موفقة

شووفى انا لوتتغير على النااس كلهااا طااااف عادى بس اهلى هذاا شى ثاانى بحيااتى لو شنو يسون عسل على قلبى والحمدلله حييل فخورة فيهم ولو حصلت مشكلة صغيرة اعتذر وادرى مهما اسوى غالية عليهم مثل ماهم غالين على
اما سالفة الصدااقات حلو الوحدة تكون عندها صديقة تشكيلها وتسمع لها وتقضى الوقت معاها بس لما تنصدمين من فعل صديقتج لاتتحسفين على معرفتج فيها بلعكس اكيد هالتجربة استفدتى منها شى ومايمنع هذا انج اتكونين صدااقات ثاانية عيشى حيااتج طبيعية مو حلوو الواحد ينغلق على عمرة ويكتفى باسرتة وعياله

الله المستعان

[quote=ريماا;18407595]شووفى انا لوتتغير على النااس كلهااا طااااف عادى بس اهلى هذاا شى ثاانى بحيااتى لو شنو يسون عسل على قلبى والحمدلله حييل فخورة فيهم ولو حصلت مشكلة صغيرة اعتذر وادرى مهما اسوى غالية عليهم مثل ماهم غالين على
اما سالفة الصدااقات حلو الوحدة تكون عندها صديقة تشكيلها وتسمع لها وتقضى الوقت معاها بس لما تنصدمين من فعل صديقتج لاتتحسفين على معرفتج فيها بلعكس اكيد هالتجربة استفدتى منها شى ومايمنع هذا انج اتكونين صدااقات ثاانية عيشى حيااتج طبيعية مو حلوو الواحد ينغلق على عمرة ويكتفى باسرتة وعياله[/
انا مع الاخت حتي لو ازعل علي هلي مالي غنات عنهم بس الحموات والا الصديقات اقدر اعوضهم

دام الناس كلها تخلت عنج العيب مو بالناس اكيد العيب فيج

شوفي انتي شنو فيج وحاولي تصلحينه ..

شتبين بالناس الزم ماعليج ريلج وبيتج

شوفي العلاقات اللي تسبب لي تعب بحياتي اكيد ابتعد عنها

لكن لي اهلي وخواتي اقول ستوب

والله لو اوخر عن خواتي اموووووت ما اعيش دقيقه وحده >>>> عسى الله يخلينا لبعض ولا يرحمنا من بعض ياااااااااااااااااااارب

اصلا الدنيا من دونهم ماااااتسوى

مهما كان ترى الاهل عزوه

والوحده منا ترى مالها غناة عن اهلها

ومو حلوة تعيشين منغلقه على روحج

الحكمه تقول ……………ارضاء الناس غايه لاتدرك

حبيبتي راقبي تصرفاتج أكيد أنت تتخطين وأنت مو حاسة

مو معقول كل الناس غلط وأنت اللي صح

مادري والله شوفي حبيبتي
اهم شي خلي جدامج زوجج وعيالج
الصديقات مو دايمين لج واذا تبين صديقه نقيها نقوا بنت زينه وماعندها سوالف مصبنا ولا خرابيط وهمن لاتعطينها كل شي
يعني تسوقو مع بعظ ومن هالامور وهمن لا تقطين نفسج عليها
واهل الزوج لازم من البدايه علاقتج تكون سطحيه حيل حيل حتا اذا صار تج او مشكلا لاتردين وتعلين صوتج بس كلمه بالصميم وقطعيهم جم يوم وردي عادي جنا ما صار شي بس لاتخلين بقلبج شي ولا يجرحونج وتسكتين عشان لاتصيرين ظعينفه
واخوانج وخواتج لازم تكونون سمن على عسل تقربي منهم
عززميهم سينما مطاعم اي شي وسولفو واستانسو

افعل خير وقطه بحر لاتقولين جذيه افعلي خير والاجر عند الله ان شاء الله
وارضاء الناس غايه لاتدرك
اهم ماعليج صله رحمج وريلج وعيالج وبس

لا تصيرين حساسة ولا تدققين ولا تتشرهين

وخلج طيبة بشوشة وابيتعدي عن النكد والتشكي والاعصاب والصراخ

حاولي تشوفين شنو الشي الغلط اللي تسوينه يخلي الناس تبعد عنج

ولا تفكرين بهالموضوع في ناس كله شاكين ان الناس ما يحبونهم وما يبونهم مع انه مو صحيح

ليش اني طيبة واعطي بدون مقابل علشان ليش اني طيبة ما يبوني واكتشفت ان الطيبة باهالزمن ما تنفع ورد على الاخت جواهر ترى كل انسان له عيوب وله حسنات وله سيئات يمكن طيبتي ماثرة ساعات احاول اكون صداقات بس اخاف وأخذ الحذر لأني انقرصت اكيد راح تقولون اصابيعج مو مثل بعض بس الزمن هذا يخررررع وكله مصالح بصراحة

مشكورة حياتي على الرد الحلو عسى ربي يخليج لعيالج ويوفقج

صباح الورد …
مثل ما مبين من العنوان .. عندي أزمة نفسية سببها الحمولة … مب قادرة أتجاوزها ولا قادرة أنساها .. قلت أطرحها هني يمكن كلمة منكم مني مناك تساعدني اتجاوزها …
المشكلة ومافيها :
تزوجت في بيت عايلة … زوجي محبوب بينهم .. مب الكبير … بس اهو القايم بكل شي لأمه .. بيت اهل زوجي صعبين شوي .. دايم ينقدون .. ودايم يتكلمون على الناس .. وحارين محد يقدر عليهم لو عصبوا .. وآنه كنت صغيرة عمري 17 توني على الدنيا .. قلت اكسبهم دامهم ما يعجبهم العجب وفعلا قدرت اكسبهم .. بس على حساب شنو ؟ على حساب وقتي وجهدي وحياتي ودراستي .. صرت شغالة بما تعنيه الكلمة .. اطبخ .. أنظف .. اشتغل لهذي وذيك .. وربي جمعاتهم الاسبوعية واليومية قايمة فيها .. أطبخ وانظف وهم قاعدين … واستحمل كلامهم لو غلطوا .. كنت اخاف منهم واااايد … وأسوي اي شي يبونه .. فكان كل شي على راسي … ومن يبون اي شي ينادوني .. طباخ .. توصيل .. روحة سوق … اختيار ثياب ومكياج بحكم يثقون في ذوقي.. اي شي وكل شي حتى الحفاف والحلاوة اسوي لهم تخيلو … ما أنكر انهم يحبوني بس مستغليني من الزين وما يمنع يسمعوني كلام يغث بين فترة وثانية ..
شلي صار بعدين ؟
زوجي كان يتاجر بالعقارات .. وكان بخير والكل متنعم بخيره يصرف على امه .. وخواته يمد لهم ..
اللي صار انه خسر خسارة كبيرة … من بعد هالخسارة .. محد وقف ويانا الا القليل القليل القليل … الناس اللي كنت اتعب واكرف علشانهم … ونصرف عليهم .. ونضيع اوقاتنا عليهم .. الكل تباعد … الكل عايش حياته ولا أحد يرفع السماعة حتى يسأل عننا … القهر انهم خواته واخوانه … وفي عز أزمتنا كان يوم جمعتهم يشتري الخضرة والاغراض وانزل اطبخ واكرف واركب اقعد وياه لأن نفسيته تعبانة كلش والشرطة دوم تبيه … والديانة مأذينه .. وفوق هذا يجون ياكلون من خيره ومن تعبي … ولا أحد منهم يفكر حتى يسأل عنه أو يفتقده او يركب له ويطيب خاطره بكلمتين … بصريح العبارة الكل تخلى عنه .. الكل نساه … تعرضنا لظروف الله أعلم بها وعشناها لحالنا …
اضطريت اطلع واشتغل بس علشان لا نمد يدنا لأحد رغم ان اهلي مو مخلين علينا قاصر ..
اللي صار ان الدنيا فعلا حكتنا وخلتنا نشوف الناس بدون الاقنعة اللي كانت عليهم وبان اللي فيه الخير من اللي مافيه خير وياكثرهم … والحين .. مب طايقتهم .. مب هاضمتهم .. ما اطيق حتى سيرتهم تجي .. جايتني ردة فعل قوية عليهم .. للعلم انتقلنا لبيت على قد حالنا .. ولازال زوجي اهو الوحيد اللي يعزمهم ويجمعهم من فترة لثانية … بس بعد مو طايقتهم .. احس اللي بينا انكسر .. واحس تسع سنين ضاعت من عمري في خدمتهم استغلوني عدل .. ماتم شي ما سويته لهم .. اقعد ابجي والوم نفسي على ضعفي ذيك الفترة وشلون صرت طحين جميع الاستعمالات لهم …
المشكلة الحين في نفسيتي اللي مب راضية تنسى اللي صار .. عقلي يقول خلاص سو يتي خير قطيه بحر وانسي وواصلي حياتج .. بس قلبي لا .. دوم يتحسر ويبجي على سنين التعب والظروف اللي مرينا ولازلنا نمر فيها … ومتأثرة وايد من جفا الناس ونكرانهم …
هذا اللي عندي وقلته .. انتو شتقولون ؟

الله يعوضك ويعوض رجلك ويرزقكم من فضله وخيرة ياحبيبتي انتي عملتي خير لاتتحسفين عليه صدقيني مالك الا الدعاء وانسي وعيشي حياتك لان مااحد داري عنك انتي بس تغثين روحج وزوجك وماحد داري عنك

خلاص تجربه وتعلمتي منها ولولا التجارب القاسيه ماراح نتعلم

انسي واللي سويته ان شاء لاالله تاجرين عليه…والله يكون بعون زوجججج

حلو الواحد يشوف اهله اللي ماقصر عليهم بشي يكونون اول ناس يوقفون معاه بشدته
ويمكن اهم يشوفون اللي سويتوه مفروض عليكم موطيب منكم وخصوصا اهم مايعجبهم العجب انتي سويتي اللي سويتييه علشانهم وشفتي النتيجه لو كان عملج لله ونيتج الاجر احسن لج بالدنيا والاخره وهذا درس لج وتعلمي منه والحمدلله الله سخرلج اهلج وان شاءالله ماتحتاجين لأهل زوجج بشي

عمرج لا تندمين علي شي زين سويتيه

ولا عمرج تنطرين كلمه شكر من ابن ادم

دايم سوي وخليه حق ميزان اعمالج بالاخره

لانه يمكن بالنسبه للناس هذا امر وغصبن عليج تسوينه ولا يقدرون وقفتج هذى اللى منتي ملزومه فيها

لكن عند ربج مافي شي يضيع

ليش تهتمين للناس وتفكرين انهم استغلوج

ليش ما تقولين انج سويتي بأصلج واجرج علي ربج ؟

الحين دام انكشفت حقيقتهم خلاص خلي اللى بالقلب بالقلب الزم ما عليج ريلج ووقفتج معاه

والناس الباجي طز فيهم لا يهمج احد غير بيتج وظروفكم اللى تمرون فيها

وعسى الله يعديها علي خير يارب

احتسبوا الاجر عند رب العالمين والا البشر عمرها مايبين بعينها الطيب
انتي سويتي باصلج وان شالله ربج مايضيعكم لا انتي ولا ريلج
الحموله طول عمرهم جذي مايتغيرون ياخذون ومايعطون لاتتوقعين منهم خير
مثل ماعودتيهم عليج حاولي تسحبي منهم شوي شوي وطنشيهم وجبيهم وعامليهم بذوق كاي ضيف يدخل بيتج مو اكثر
وعوضج عند رب العالمين

القضة القديمه قدم التاريخ + الله بوفقج ويشتر على كل البنات حبيبتي

ان يكون الواحد منا انسان فيه الخير وطيب ومو مقصر عاللي حوله ، فهذا باختياره !
انتي كنتي زينه معاهم وهذي شغله المفروض تذكرينها وانتي مستانسه وتستمرين عليها باللي يرضيج

قولي الحمدلله غيرج ابتلى بنفس شينة ، وانتي مرا فيج الخير وسند لريلج وعاده اهله اهلج ،
ما شاء الله عليج ، وربي يهني زوجج فيج ويفك كربتكم ، خلج مثل ما انتي والله يثبتج ع كل خلق يحبه سبحانه ..

وهذي لج

انتي سويتي ب اصلج و انسي اللي فات لان اكيد ريلج مقدر اللي سويتيه معاهم

دام ان ريلج الحمدالله زين معاج و اكيد اهو شايف و مقدر بس ما يقدر يتكلم و يقول شي عنهم

بس اكيد بينه و بين نفسه مو عاجبه تخليهم عنه في هذي الظروف

اعرف وحده ريلها ما يجيب عيال و هم كان مو زين معها .. كان مخليها ممرضه حق ابوه المريض و خدامه حق امه

صبرت عليه لمن صار عمرها 40 سنه و بعدها طلقها

لأنه ابوه المريض توفى و ضامن ان ما فيه أحد بيتزوجها لان عمرها تعدى الاربعين

يعني هذي اللي صج المفروض تتحسف على شبابها و خدمتها لأهله و اخر شي لا ريل و لا عيال

شي يقهر بس وضعج انتي احسن من زوجج اقل شي انتي بالنسبه لهم غريبه وبنت الناس

الله يعين زوجج اللي صدمته قويه هذول اهله مفروض يكونون له عزوه وسند بصراحه الله يعين قلبه صج قهررر

الله بعينج حبيبتى ويعوضج

خلاااص انسي

الله يعوضكم يارب

اجر ان شاء الله

كل شي ب آجره

ومايضيع لج شي عند اللله

ان شاء الله هال9 سنين حسنات ومغفرة وثوووووواب يارب

وطريقج للجنة بفعل الخير

الحين انسي كل شي وسوي دليت وامسحي كل شي ف بالج انسي الماضي عيشي اللحظة وادعي اللله

والله بيفتحها عليكم

هاي ابتلاء ف المال

((وَلَنَبْلُوَنَّكُمْ بِشَيْ‏ءٍ مِنَ الْخَوْفِ وَالْجُوعِ وَنَقْصٍ مِنَ الأَْمْوالِ وَالأَْنْفُسِ وَالثَّمَراتِ وَبَشِّرِ الصَّابِرِينَ))

الله يجزاج خير يارب

وتعوذي من الشيطان

قولي " اعوذ بالله من الشيطان الرجيم "

لان الشيطان يوسوس لج ويخليج حزينه ويبي حسناتج تروح

ويخليج تنقهرين وتككرهين وتحقدين ويخلي تفكيرج كله ان شي مب زين اللي سويتيه

وانا اقوووولج بيض اللله ويهج وماقصرتي صج انج مرة سنعه

انتي انسانة مسلمة قلبج ابيض .. لاتخلين الشيطان يخلي فعل الخير اللي سويتيه من 9 سنين يروح اجره ف معاملة سيئة او مقاطعة اهل

انتي سوي اللي يرضي اللله ويرضى زوجج

قوة متزوجاااااااااااات

شلونكم

من زمان ما كتبت موضوع بهالقسم

واليوم طرا على بالي هالموضوع وان شالله ينال اعجابكم << يا عيني عالنحوي

المهم لما تزوجنا خاصة اذا كنا ماخذين غرب يعني مو من الاهل

اكيييد مرت علينا كلمات ما قط سمعناها في بيوت اهلنا وتوهقنا والا ضعنا بالطوشة

خل اسمع شنو عندكم وتالي اكتب لكم ابداعات سمعتها واحتاجت الى مترجم

يالله يا بنات كل وحدة خل تدلي اب تبها خخخخخخخخخخخخ

يللااااا بلشي انتي عشااااان نتشجع ههههههههه

خووووش مووووضوع..
انا عندي مشاركة..بس ماسمعت الكلمة ببيت حمولتي…ماعندي حموله اصلا

مرة كنا نتاقش بموضوع عن شغله فنقول..نخاف ان لونها بعددين يدودم…

وريل اختي كان موجود و ظل ساعة يسمعنا واحنا نتاقش على هاالشغلة واهوا ساكت..

بس يفكر…

اخر شي…جان يسألنا…

شنو يدودم؟؟؟

من وين هالكلمة….

بس حرام…زوجته ظلت تطنز عليه…تقوله انت مو كويتي ..ما تعرف شنو يدودم…

بعدين

لوووووووووول اهم شي انكم تتعازمون يلا قولوووووووووووووووو …. انا مو متزوجة ولا جان قتلكم تجربتي يلا .. موضوع حلو لاتحرموننا

اي صج شنو يدودم خخخخخخخخخخخخخخ؟؟؟؟؟

والله صح كلامج في كلمات ماسمعتها عند اهلي و سمعتها عند حمولتي

خصوصا ان ام زوجي من النوع اللي تحب تستخدم الكلمات الكويتيه القديـــــــــــــــمه

لوووووووووووووووووول

ابدي افا عليج ولو ان الغالية يا بختي بلشت

الا صج شنو يدودم؟؟

جنه يصير ادعم خخخخخخخخخخخخخخخخخخخخخ

انا سمعت منهم ازعق <<< كانو يقولون حق ولد حماي ازعق على عمتك وقول لها طاح مرزوق

هههههههههههههههه يعني صج صج كنت مادري شيقولون

جنهاا شفرة خخخخخخخخخخخخخخخخخخخخخ

والبقية تاتي

حوراااء اشدعوا يالغالية
حطي من ابداعات خالتج ههههههههههههههه

ياليت يابنات الي تقول كلمه تقولنا المرادف

هههههههههههههههه…الحين اقووول…لا يسمعونج اهلي… تصفين مع ريل اختي…

والله انتيي الغالية ياجرح…..

لا مو ادعم…الحين اقووول…

ازعق يعني نادي ..صح؟؟؟

حاضر…

يدودم… يعني لونه يسود..يميل الى السواد نتيجة الاستعمال…. مثل يغبر..او يصير رمادي….المهم انه يعتق ويصير مو حلو..يدودم…

انا اهلي كله اصغار وامي اصلا اصغيره ماعنده عيايز اول ماتزوجت قالتلي خالتي ماتبين روتي قتلها لامشكوره خالتي شرينه اوتي اشدراني انه التوست روتي قصت ويه وريلي خو ماصدق خبر مات من الضحك

امبيييييييييييييييييه صج بدعتوا موتوني من الضحك
خل اذكر واقولكم
عاد احنا عيم ولازم بدليات

ياكثر ما عانيت والسبب هالكلمات العجيبة صج صج تضحك
مثال شحلو فطووووووووووووم مسوية شعرها قماصيع =يعني قناعيص
لا وبعد تهبل صباجاتها=شباصات

انا مو متزوجه غريب بس دايم ضايعه بالطوشه مع عمتي اول ماتزوجت اذا شافتني متسبحه تقولي لا تطلعين راسج اخضر انا تنح شنو تقصد ولما سالت زوجي قال يعني راسج مبلول وضحك علي شغلات كثير اتذكر وارد الموضوع وتسلم اعيت الموضوع خوش مزضوع

امبيه ضحك ابصراحه الكلام الغريب يضحك كلش ولا سالفه الروتي ههههههههههههههههههههههههههههه انا مو متزوجه بس انا خالتي تقول جباصه يعني شباصه