السلام عليكم كويتيات
شلوونكم بنــــــــــــــنات.gif "Eh S(7)")
محتاجه راي اهل الذووق الرفيع
انا حجزت كوشتي والمسكه من محل والحين لما صار باقي على زواجي اسبوع كلموني
يعتذرون عن ان الورد اللي طلبته مو موجود باللون المحدد.gif "Eh S(16)")
بس موجوود منه لون برتقالي فاتح (بطيخي)
حدي انقهرت من الموضوع
بس قلت خيره
والحينه هم بيسوونه على الكووشه والمسكه
مشكلتي محتاره شنو اسوي معااهاا مكياج يناسبها.gif "Eh S(2)")
؟؟ وهل احط في تسريحتى اكسسوار أو ورد؟؟
واذا اكسسوار اي لون اختار؟
علما ان لون فستان الفرح سكري على بيج شوي
الله يوفق اللي تساعدني بنصيحه للمكياج والتسريحه
وربي ادعي لهاا في الغيب اللي تساعدني بتسريحه ومكياج مناسب
تكــــــــــــــــفوووووووووون
ساعدوني حدي خايفه
شوفي اذا مسكتج برتقالي حطي حمره مشمشي
وتسريحتج على حسب وجهج اذا كان عريض او ضعيف
شخباري اكسسوار على الشعر لا لا تحطين حتى الورده
انتي مبين عليج سعوديه صح
اقتباس:
المشاركة الأصلية كتبت بواسطة عروسة خالد 
شوفي اذا مسكتج برتقالي حطي حمره مشمشي
وتسريحتج على حسب وجهج اذا كان عريض او ضعيف
شخباري اكسسوار على الشعر لا لا تحطين حتى الورده
انتي مبين عليج سعوديه صح
|
ماادري شنو علاقة السؤال .gif "Eh S(10)")
مشكوووووووووره ع المساعده 4
الله يتمم لي ولج يارب
امممممممممم الشعر مافضل انه يكوون فيه اكسسوار واذا بتحطين وتحبين تحطين الورده أحلى وتكون نفس لون الكوشه
والميك أب حطي البرتقاالي ع المشمشي وحطي عدسات رمادي فيهم اطار احلى ع الميك اب الاطار غاده عبدالرازق حلوه
وحطي ميك أب أخضر ترااا حيل حيل يحلي والمسكيه اوريدي فيها اخضر فأحلى يا اخضر يا بني وتقبلي مروري
والتسريحه كل ماتكوون ناعمه كل ماتكون احلى
اذا كان عندج جبهه حطي قذله خفيفه ثلاث خصل بس و اذا ماعندج جبهه>نفسي ههههاي شيلي كل شعرج لاتحطين قذله
اقتباس:
المشاركة الأصلية كتبت بواسطة *عهد* |
طرحتي فيهاا شورافسكي خفيف على الاطراف بس يعني مااحط اكسسوار
يسلموو ياقلبي
الله لايخلي في خاطرج امنيه هالحزه الا ويحققهها لج باذن واحد احد
آآمـــــــــــــــين
اقتباس:
المشاركة الأصلية كتبت بواسطة لسووعه والتسريحه كل ماتكوون ناعمه كل ماتكون احلى
اذا كان عندج جبهه حطي قذله خفيفه ثلاث خصل بس و اذا ماعندج جبهه>نفسي ههههاي شيلي كل شعرج لاتحطين قذله |
يالبى قلبج لسووعه
انا فكرت مااحط ورده نفس لون الكوشه لان المسكه من نفس الورد و لان عدساتي كانت عسليه
طيب انا شريت عدسات غاده عبد الرزاق اخضر فاتح ينفع او لا
لا ماعندي جبهه ناويه اشيلهاا باذن الله
يعطيج الف عافيه انتي وكل اللي ردوا علي والله خفت حيرتي صرت اعرف شنو ابي
لاخلا ولاعدم
حبيبتي انا جفت عروس من فتره قريبه عرسها برتقالي ..حطت ميك اب مشمشي ناعم كانت طالعه روعه وناعمه،،ونصيحه لاتحطين عدسات
وبالنسبه حق التسريحه على حسب شكل ويهج وما افضل اتحطين اكسسوار
ياااحياااتي عسىىى ربي يوفقج
بالنسبه للميك اب الحمره مشمشيه والشدو درجات اخضر او نحاسي
والتسريحه لاتحطين اكسسوار ولا ورد خليها ناااعمه والطرحه تغنيج على الاكسسوارات
وان شاءالله تطلعين احلىى عروووس موفقه اختي
عزيزتي رفع لعيووووونج
موفقه
انا رايي ان المكياج ماله علاقه بالوان الكوشه والمسكه هذي موضه قديمه وااااااااااايد وراحت
انتي تعرفين شنو الوان المكياج اللي تناسبج وشنو لون الحمره الحلو عليج
هذا يوم عمرج لاتخربين شكلج علشان تكونين طقم مع الكوشه
يمكن المشمشي حلو عليج وتمشي الامور ويمكن لأ
اول شي شوفي شنو حلو عليج وهذا اهم شي
ودام طرحتج فيها شوارفسكي لاتحطين اكسسوارت ولا ورد
حطي تاج ضعيف ولاتسوين تسريحه لووويه وفيها اشياء صاعده ونازله لأ خليها مرتبه
مشمشي رووووعه شفته علي عروس وكانت مسكتها مشمشي علي برتقالي رووووعه
موفقه ياا قلبي
.gif "Eh S(1)")
.gif "Eh S(4)")
