الوسم: الديوان

اكو احد سامع او يعرف شكثر ياخذ المهندس بالديوان الأميري؟؟ و اي أداره؟ شنو المميزات شنو العيوب؟ لهم كوادر اخري او مكافات؟؟ و جزا الله خير اي وحده ترد علي )

رفع رفع

upp

انا بعد ودي اعرف عن الديوان الاميري و معاشاتهم و اشلون نقدم وين ! احد يفيدنا بنات

اب اب حتى غير المهندس شنو احسن اداره ؟ والراتب لبكالريوس ؟

^^^^^^
نفس السؤال .. بس اللي سمعته ان معاشاتهم مو ذاك الزود !! جذي 700 -800 و انه اسم عالفاضي المكان مافيه مميزات كلش !

اللي تشتغل هناك تفيدنا بنات بالخبر الاكيد …

om kisha 9ortich eli 7a6atha neskhaa men bentii mashallaah awl shy 3bali benti loool ! chini dasha 3arth sorry

bs eldewan 3ndhum bounsat qweeya o mokafa2at snweya aqwaa a3ref wa7da men sentaain kan bounsha 4 alaaf o kana laha 2 yrs bs hatha 3ala klamha

والله الي سمعته ان معاشاتهم عاديه و هم اسم عالفاضي نفس ما قالت ام كشه بس بالنسه حق المهندسين مادري

بناااااااااات ابي الرابط لاسماء المرشحين اللي اخر شي رشحوهم في وحده من رفيجاتي مسافره برى الكويت وأمنتني ادور بالنت عن اسماء المرشحين

عفيه اللي عندها رابط تنزله

ومشكورين

دخلي على موقع جريدة الوطن ، يمكن تحصلينه

يعطيج العافيه ياقلبي لقيته بالصفحات اللي ورى

الله يعافيج، زين الحمدالله ، وان شاء الله تلقين الاسم.

بنات شخباركم

ما راح اطول

الفتره اللي طافت بعدت عن هالقسم حيل المهم وصلني برودكاست ان ديوان المحاسبة فاتح للتقديم شهر فبراير بالكامل

و حبيت اتأكد .. ما ادري ان منزلين موضوع من قبل اولا

المهم اني ابي احد يأكد لي الخبر اهو فعلا ولا كلام بلاك بيري !!

مابي اطق درب اروح و اخر شي يقولون لي مو فاتحين للتوظيف

و ان فعلا شنو اخذ معاي بالضبط !!

و اي سؤال اخير ما تدرون متى الدفع الياية !!

و مشكوووورين

امبلااا فاتح يااقلبي يمكن تقريباا صارله اسبووع

وطالبين جامعين اتوقع وفي بنات منزلين مووضووع عنه طقيلج فره وبتلاقينه

وعلى الدفعه للحين ماااكو خبر بس في بنات يقولون بعد 10 ايام عاد مايندرى عنهم كل شوي حجي هاليدوان

ديوان المحاسبه فتح للتقديم بتاريخ 1-2 – 2024 والتقديم للجامعين تخصصات هندسه وحقوق واداب

حتى علوم اداريه بتخصصاتها يقدرون يقدمون

اهاا يعني ما يبون دبلوم

اشوه << انا كنت ابيها من الله ان ما يصير لوووول

لان ادري هناك ما بوظفون الا بواسطة
بس كانوا اهلي مصرين ان اقدم اشوه الحين صار عندي حجة ان ما اروح

مشكورين حبايبي

بنات اللي تعرف الديوان متي يعلن ترشبح توظيف اتفيدنا

كلنا عايشين على امل يالغاليه

يقال و الله اعلم ان شهر 11

بس ماني متأكدة

انا سمعت بعد شهر 11 لاني بقدم

وامس كلمت رفيجتي اتقول دقت قالوا لها 12/12

بس مو متأكده منها بقعد اجابل هالجرايد

الي تعرف الخبر الاكيد تقولي

الخبر الاكيد انه 12/12 يفتح الديوان باب التسجل

اما بالنسبه للترشيح مادري والله

والله يالغاليه

الترشيح مادري عنه

وان شاء الله نكون من ضمن المرشحين قولي امين

مبروووووووووووووووووووووووووك

الديوان قبل دفعة يديده انشالله اساميكم معاهم

عاد ابي دعوة حلوة الله يحفظ بيتي وريلي واعيالي واهلي من كل شر يارب

الله يحفظ بيتج وزوجج واهلج من كل شر ان شاءالله

الله يحفظ كل من تعزين

يارب

الله يوفقج حبوبه

بس وين اقبلو اي جريده ومتى ياريت الرابط

لاني دشيت موقع الديوان حطيت اسمي والرقم المدني لي الحين حاطين انت مرشح وحاطين رغباتي الـ5

الله يحفظ بيتج وزوجج واهلج من كل شر ان شاءالله أمييييييييييييييييييين

مشكووووووره والله يوفقج ياااااااارب ويهنيج

مشكوره والله يوفقج يارب

الله يحفظهم ياااارب

الله يحفظهم يارب

يسلمو والله يحفظك انت ومن تحبين من كل مكروه

السلام عليكم ورحمة الله وبركاته

بنات تكفووون دلوني شنو اسوي اليوم دزولي الديوان مسج ترشيح لوزارة الدفاع

وانا كتاب ترشيحي لوزارة الكهرباء بيطلع يوم الاحد

وانا ماابي وزارة الدفاع ابي وزارة الكهرباء

الله يجزاها خير اللي بتساعدني والله يفرح همها وييسر امرها

أتمنى اعرف أنا بعد

up

موفقة

حبيبتي روحي الديوان وقوليلهم ان عندج كتاب ترشيح من وزاره الكهربا وراح يشيلون اسمج من الدفاع

عادي روحيلهم رفضي

لا ترفضين اخذي الكتاب ووديه الديوان وبس

لا ترفضين اخذي الكتاب ووديه الديوان اول شي وشوفي شنو يقولونلج عالموضع وشنو تسوين

موفقه ان شاء الله

لا تنسيني بدعواتج الحلوه ..

روحي الديوان وعطيهم خبر إن معاج كتاب ترشيح ..~
والله يوفقج

قوه بنات طبعا انا خريجة كليه التربيه الكورس اللي طاف وسجلت يوم الجمعه بالديوان وكاتبيلي اني مؤهله للترشيح وطبعا رحت الديوان الوزاره ابي اقدم اوراقي قالولي نطري اسمج ينزل بالجريده وبعدها راجعينا
طبعا أيست وقلت بعد انطر شهر واليوم انا قاعده من الصبح وقلت خليني اروح المنطقه التعليميه اجرب وانا طبعا مشنقله اوراقي معاي رحت قسم التعيينات قلتلهم انا توني متخرجه الكورس اللي طاف وسجلت بالديوان يوم الجمعه اقدر اقدم اوراقي
قالتلي الموظفه اكيد تقدرين
سألتها يصير اقدم الحين وانا مونازل اسمي بالجريده ولا مرشحه انا مؤهله للترشيح
قالتلي اكيد يصير اوريدي هذي فتره استثنائيه من غير ماتكونين مرشحه اهم شي لج اسم بالديوان
واخذت بطاقتي المدنيه وفتحتلي ملف طبعاً انا مجهزه اوراقي كلها وعطيتها وبعد ما عبيت بياناتي عطتني ورقة الفحص الطبي وقالتلي روحي المجلس الطبي خلصي فحوصاتج وتعاليلي
يالله بنات باجر طيرو المنطقه لا تنطرون لأن الموظفه قالتلي خلصي فحوصاتج قبل 3 / 5 لأن بعدها مافي توظيف لي السنه الجايه
واخيرا قدمت والفال لكم
عاد ابي دعوه حلوه منكم

جزاج الله خير

حتى انا اليوم سويت نفسج بالضبط زين سويتي سبقتيني وبلغتي البنات

الله يوفقنا كلنا يارب ..

مشكوووره ام نتركي

بس انا رايحه الاحد وقالتلي اسمج مو طالع عندي بالكمبيوتر

انطري اسبوع الياي مادري ليش

انا الفروانيه

الله كريم كل شوي يقولونآ شي . .

آنآ بنطر أسبوع وبروح أرآجع المنطقه يتروآلي وآيد خير . .
انزين المجلس الطبي جم يوم على ما تطلع التحاليل قالو عشر ايام ؟

وهآذي دعوه لعيونج . .

الله يوفقج لمآ تحبين وترضين . .
وبالتوفيق للجميع

حبيبي مس لما سجلتي بالديوان طلعلج انت مسجل حالياً
جيكي عالديوان الحين
على فكره اليوم الموظفه سألتي انتي الجهراء او الفروانيه قلتلها الجهراء قلتلها الجهراء
وقدمت يمكن تقديم الفروانيه بالجهراء

عالبركه ام تروكي والله يجزاج خير انج بلغتينا
الحين اروح باجر المنطقه التعليميه أنا الفروانيه والا اشلون ماني عارفه

اجمعين يجزاكم الله خير انشالله
اي روحي المنطقه التعليميه التابعه لج
واللي تقول انا رحت وردوني روحي باجر شخسرانه لأن بجريده اليوم كاتبين ان وزارة التربية حاطه فتره استثنائيه للي يبون يسجلون بالتربيه كمعلمه
روحي شخسرانين واللي تقول بنطر على فكره بعد 3 / 5 مافي تعيين للسنه الجديده

الف مبروك وعسى الله يوفقج

بس هذا الاستثناء حق اللي بكليه التربيه بس والا عادي اي كليه بس المهم يكون تدريس؟؟؟

ويعطيج العافيه

مشكورة حبيبتي على هااالافادة

وبليز بنات اللي تروح منطقة الاحمدي التعليمية ياليت تفيدنا

والله مالي خلق اتعنى ع الفاضي

جنان اتوقع عادي اهم شي معلمه روحي سألي

صججججججج انا رحت الوزاره سيدا قالو لي ماكووووو
بس باجر بروح المنطقه التعليميه انا العاصمه بنات في احد راح العاصمه

ومشكووووووووره الله يوفقج انج بلغتينا

مشكوووره حبيبتي إن زين شنو الاوراق اللي خذتها منج .؟؟؟
لان مو عارفه شنو الارواق المطلوبه طبعا غير الشهاده وطبق الاصل
إي سؤآل إنتي رحتي أي منطقه تعليميه ؟ الفروآنيه عدل .؟
وإن شآء الله بروح وبآجر وأشوف
وجزاج الله كل خير حبوووبه

بلييييييييييييييييييز حبيبتي ممكن بالشرح الوافي
تقولين لنا اي قسم رحتي ؟؟

وين خذو منج الاوراق وفتحولج الملف بليز قولي بالتوضيح اي قسم

الاوراق المطلوبه:
4 صور شخصيه
3 صور بطاقه مدنيه
3 صور الجنسيه
3 صور شهادة الميلاد
صورة عقد الزواج
وشهادة تحويل راتب من البنك لوزارة التربيه
و3 نسخ طبق الاصل لشهادتج

انا رحت منطقة الجهراء مو الفروانيه

السلام عليكم شلونكم كويتيات انشالله طيبين

تكفووون انا نزل اسمي بالديوان واقبلوني بمكان انا ما ابيه وصادف قبولي مع سفرتي انا بمشي الاحد وماراح ارد الا بعد تقريبا شهرين يعني ما في مجال اسوي اي شي ساعدوني شنو اقدر اسوي بهالموقف انا ما ابي ارفض وارجع للديوان لان مااقبلوي الا بعد سنتين ؟؟؟
وابسأل اذا ماراجعت الديوان شنو راح يصير راح اظل بالوزاره اللي اقبلوني فيها او راح يردوني للديوان؟؟؟؟ ياليت اللي عندها خبر ترد علي الحين لان حدي محتاره وموعارفه شأسوي؟؟؟؟؟

اذا رفضتي اسمج راح يتم بالديوان و كل ما كان فيه شاغر بدزونلج مسج
و اذا ما رفضتي اسمج بضل بنفس الوزاره بس يمكن اتروحينلها بعد مده و يقولون ما في حاجه لتخصصج
انا اقول اذا تقدرين من الصبح اتروحين لهم يكون زين اذا ما قدرتي خلي احد من اهلج يتابع موضوعج
لان الحجي ما يفيد
وكل يوم الديوان لهم قرار و عشان تروحين مرتاحه
و ما اتحسفين

انا اول مره طلع ترشيحي بالديوان كنت مسافره و راحت اختي ارفضتلي لاني ما كنت ابي الوزاره
خلي احد يروح بدالج مافي مشاكل

البنات ماقصروا …. وموفقه ياقلبي
وان شالله تروحين وتردين بالسلامة

مرحبا ابي استفسر آنـّـّّـّّّـّّـّاََ
تخصصي مكتبات اقدر اصير مدرسه فـِ♡ـيْ مجال
الله يخليكم الي عندها معلومة لا تبخل علي

اب اب

طيب انتي موظفه حاليآ ؟ إذآ موظفه تكلمة درآسهه بعد 3 سنين من آلوظيفه بس يكون عندج امتيآز بالعمل

آنـّـّّـّّّـّّـّاََ تو متخرجه من التربية الاساسيه

وينكم ابي رد

السلام عليكم

بنات ترا هالشي معقدني ادش على موقع الديوان يقولي مسجل ومؤهل للترشيح

ادش على الترتيب قبل لا تنزل الدفعه الاخيره كنت 2 / 2 الحين اشوف محطوط 1 / 1

وانا ضايعه مادري شسالفه قلت بدق على الديوان اليوم ونسيت

ممكن احد يفهمني …

حبيبتي الرقم الي عاليمين يعني ترتيبج كل ما صار اقل كل ماراح تتوظفين اسرع.. والرقم الي عاليسار يعني عدد الاشخاص الي من نفس تخصصج مسجلين.. اذا رقمج 1 يعني انتي ان شاء الله خلالالالاص ما بقى شي وتتوظفين يعني يمكن الدفعه اليايه

قوووه أختي مس 89 أنتي مثل رقمي (يعني أنتي رقمج واااحد من المجموعه اللي بقوا واحد اللي هو أنتي الواحد الأول هذا رقمج و الواحد الثاني هذا رقم المجموعه اللي نفس تخصصج والمجموعه كلهم مشواا توظفوا بقيتي انتس ولمن كان رقمج 2/2 يعني رقمج 2 أنتي ثاني وحده وعلى 2 يعني معاج وحده والوحده هذي رقمها كان 1/2 جذي وإن شاءالله ينزل اسمج قريييييييييييييب جداا وإن شاءالله مايصير الأسبوع الياي إلا دازيلج مسج لقد تم ترشيحك إن شاءالله قولي آمييييييييييييييييين..

وإذا عندج وااااسطه أستغليها روحي الوزاره اللي تبينها وقولي حق الواسطه اللي عندج تيبلج كتاب أحتياج أنهم يبونج لأن كتاب الأحتياج أو عموما الكتاب مايعطونه إلا إذا كان رقمج وااحد وأنتي أستغلي الفرصه والله يوفقج ويوفقنااا ونتوظف عن قرييييييب

أختي مس89 أنتي شكثر صارلج ناطره؟؟ وشنو شهادتج وتخصصج ؟؟

وأسفه طولت عليج وإن شاءالله أكون أفدتج

باااك

شكرا على ردودكم ما تقصرون

واختي شقردية ذهبيه انا شهادتي متوسطه + دبلوم 9 اشهر اخراج تلفزيوني من الاكاديميه الدوليه اللاعلام

وقاعده اكمل مسائي

وقدمت على الديوان من شهر 6 صارلي 7 اشهر يعني

زييين ماشاءالله أنا رقمي 1 وقبل 3 سنيين كان رقمي 10 يعني اللي جدامي كلبهم مشواا وىنا نزل اسمي بس كان الداخليه والأهل حيييييل رافضينها الداخليه ورفضت وكان رقمي مثلج أول شي كان 2/2 وتوى قبل 6 أشهر تقريبا صار 1/1 لأن اللي قبلي أخرتيني إلا تبي الماليه ومسويه ربط .. عاد مادري عنها توظفت بنفس المكان ولا ل..

آنا تخصصي سياحه ومناسبات دبلوم خامسه كلش مو مرغووووووووووووووب بالكويت (خصوصا الحكومه أما الخاص لااا عادي دقواا علي 4 مرات وكل مره أرفضهم يلا إن شاءالله ينزل أسمج قرييييييييييب إن شاءالله الأسبوع الجاي ينزل .. لأن تاريخ 12-1 بناات دزولهم مسجاات أنهم ترشحواا حق مكان و غن شاءالله كل تاخيره فيها خيره والله كرييييييم..

الله يسمع منج يارب

وبالتوفيق لج يارب

إن شاءالله أجمعيييييييييييييييييين..

يا بنات اللي رقمها 1 ختيب كتاب احتياج من الوزاره اللي تبيها وراح تمشي والله يوفقكم

انا رفيجتي رقمها 1 1 ومسجله من شهر 2 ومايالها الدور
بس توها يابت ورقه اسمها (مدى حاجه) من ورازه الصحه لانها تبيها
وماشاءالله قبلوها على طول

يعني الي تكون الوحيده من تخصصها يكون لها الاحقيه انها تختار الوزاره الي تبيها وبإذن الله يقبلونها
وترى من غير وااااااااااااسطه
والله يوفقج