الوسم: النفاس

السلام عليكم بنات

بسالكم عن شغله:
اذا كنتوا بنفاس هل تشربون ماي ولا لا؟
في بنات مايشربون الا ربع قلاص ماي بالييييوم!!!

وفي بنات (انا منهم)عادي يشربون ماي لان بالاول والاخير بينظف الجسم ومايخرب المراة مثل مايقولون
وانا مجربه

اعرف وحده واهيا بالنفاس ماتشرب الماي فتعبت قبل ماتطلع من ال40 -فلما راحت فحصت طلعت الكليه عندها تعبااانه لانها ماتشرب ماي والحين تتعالج من هالشي

فياريت بنات تقولون اذا انتوا تشربون ماي ولا لا

مالج شغل بهالسوالف
لازم تشرب ماي اول شي مو زين حق الكله
وبعدين اهيا ترضع لازم تشرب ماي
انا بعد بنت عمي ماكانت تشرب ماي وصار فيها
التهاب قوي بالبول والكليه التهبت عندها
والدكتور زفهم زفففففف قال شالخرابيط هذي

وجعلنا من الماء كل شيء حي
عمر الماي ماكان مضر بالعكس مفيد جدا جدا وخصوصا الحامل والنفساء وغير هالكلام خرابيط وخرافات

انا كنت اشرب مااي بس طبعا دافي لانه البارد موزين ..
امي كانت تقولي اشربي عادي كثر ماتبين بس دافي اما اختي تقول موزين تكثرينه لانه ينقع بالبطن مادري شنوو يعني…

انا اشرب ماي بالعكس اهو اللي ينظف الجسم من السموم وما عليج من معتقدات قبل ترا مو كلها صح في اشياء ما ادش العقل

الماي موزين تكثرين منه وقت الاكل سواء بالنفاس او غيره لانه يطلع كرش

فالافضل انج تشربينه بعد الاكل بساعه او شويه وقت الاكل

اما الماي مهم عشان ينظف الجسم مويخرب الرحم مثل مايقولون

شربي ماي حبوبة ضروري بس لا يكون بارد أهم شئ

انا بصراحة اشرب بس ما يكون بارد

انا اشرب ماي لماا قول بس لا خرب الرحم ولا نقع البطن

انا اشرب ماي بالحد المعقول يعني مو 24 ساعة رايحة رادة عالماي
وكل يوم شوربة خضار وايد مفيدة وهي تعتبر من السوائل غير شاي الاعشاب حق التنظيفات

بس يقولون الماي لاتكثرين منه اول الايام وبعدين عادي

حيــــــــاكم الرحمن في موضوع مهم لازم الكـــــــــــل يشارك فيه للاستفاده والله يابنات شكثر بنات ضايعين بهالموضوع وموعارفين من وين يبدون وانا اولهم فالمشاركه بهالموضوع والرد على الأسئله راح يفيــــــــــد بنات وايد ….

نـــبي كل وحده جهزت وخلصت لفترة النفاس تقولنا شنو تجهيزها … مثلا …

* من وين شريتي كفرج وشنو لونه وجم سعره ؟؟؟

* بتسوين او سويت استقبال وشنو تجهيزج له بالتفصيل ؟؟؟

* شريتي دويات للنفاس ومن وين ؟؟؟

* شنو تجهيزج لنفسج ( ملابس – بجامات – ملافع – ملابس داخليه ) ؟؟

* بالنسبه لستيان الرضاعه شريتي قياسج ولا اكبر من قياس وبجم رقم ؟؟

* شنو شريتي علشان تربطين بطنج فيه ؟؟

* شنو الأشياء المهمه بشكل عام ؟؟ وشنو الاشياء اللي شريتيها وماستفدتي منها ؟؟

وجزاها الله خيــــــــــر مقدما كل وحده تعطينا من وقتها وتجاوب على الأسئله

…

شدعوه بنات محد رد !!!!!!

upppp

والله حبيتي موضوعج حلو ومهم مثل ماقلتي بس للاسف ليلحين مابديت اجهز ناوبه على الاسبوع الياي

وان شاء الله نستفيد من ردود البنات

اماكن تحصلون فيها كفرات:

مجمع الرحاب
اي تو زد بالراية أو الشويخ
تروفاليو
دبنهامز
النقرة
زارا هوم
نكست
كفرات ليالي رقمها 7111311
العضوة هبسا
هذا رقم وحده تبيع كفرات حلوة 66854203
و هذي وحده ثانية رقمها 66677141
و في اكثر من عضوة بالمنتدى

تجهيزات الاستقبال:

اهم شي الكفر و على اساسه تكملين باجي الديكور

افكار الديكور:
– ورد طبيعي أو صناعي (الصناعي من البستان بالمارينا تحت)
-شمعدانات و شموع
-ابجورات
-احواض سمك صغيرة
– في وحده كانت حاطه دوة فحم بس بدال الفحم حاطه التوزيعات

المفارش للطاولات

مواعين التقديم للحلو و الاستكانات و القلاصات و الفناجين

السكر الملون أو اللي يتعلق

اقتراحات للحلو و الكاكاو:
امبرس
واو
تايستي
اروسا
اوبرا
لاكاشيت
باتشي
صافي
شوكولات بار
فاطمة الروضان
عذوب النصرالله
مارشميللو
جينيفا
سيلفرانيا
فيوشون
كاندي
شوكولاتيرا
مس تشوكولات
شاتو دو كادو

ادوية النفاس من خبيرة الاعشاب ام خالد

تجهيزج لنفسج:
قميص الاستقبال بالمستشفى
ملابس اذا زارج احد بالبيت
اندرويرات سلوغي و اندرويرات بوطقه اللي تقطينهم ما تتحسفين
مشد اندونيسي أو كورسيه أو مشد من الصيدلية
بجامات
ستيانات رضاعه اكبر من مقاسج بمقاس واحد
كريمات و سوالف للعناية بالجسم و اصلاح ما افسده الحمل
برست باد جونسون
كوتكس
سليبر دافي و مريح للبيت و واحد حلو حق الاستقبال
دلاقات
بنطرونات أو لقنز حق تحت الهدوم عشان الدفا
روب دافي للبيت و روب مرتب عشان اذا احد دخل عليج فجأة

حيـــــاج ان شاءلله تستفيدين

يعطيج ألف ألف عافيــــــــــه حبيبتي ماقصرتي

للرفع

يعطيج العافيه وما جهزت شي حق النفاس
الشهر الياي بجهز

والله ماجهزت شي لان ولادتي بالشتاء والسوق كله صيفي بنطر ليمن ينزلون الشتوي علشان اجهز لنفسي وللبيبي
وبالنسبه للكفر عندي كفر ولادتي بولدي خذيته من ام الطيب (عسى الله يرزقها بالذريه الصالحه يارب) ماشاءالله كرفته كرف وليم الحين روعه ماتغير
وبالنسبه للاستقبال احنا بعايلتنا مانسوي استقبال بالمستشفى .. استقبالنا طول فترة النفاس بالبيت( الله يعينا) والحلويات كل كم يوم اطلب لي حلو من كذا محل واللي صج احب شغلهم هم محل بسكوته ورويال سويت الوطنيه واوبرا

انا جهزت البيبي و الاستقبال بس ماجهزت عدل حق النفاس
شريت حق النفاس
كورس نفاس من خبيرة الاعشاب
كريمات شد البطن
روب دافي من لاسنزا و واحد من بي اتش اس
سليبر (نعال فرو للبيت) دافي حده عجيب من بي اتش اس
و بس

محتاجه بجامات و هدوم حق اذا احد بيزورني

البنات اللي يسوون make over و نيولوك عقب النفاس جان زين يفيدونا شنسوي لأنه ماعندي فكرة و ابي أرقع بعمري

بنات وخاصة اللي ولدوا وافتكوا
شنو احسن نوع فوط استخدمتوه في النفاس خاصة اول ايام النفاس
ومن وين خذيتوه
ناطرتكم

كوتكس ماغيرت النوع بالنفاس

اكو بالجمعيات فوط مكتوب عليها للولادة

أول الايام المستشفى يعطونج فوط كبار هم بالأساس ملوت البيبي وبعدين يخف الدم تستخدمين أي شي

انا ارتحت على اولوز
لان يمتص احسن مو اي شي ثاني
بس يعتمد على حسب كمية النزيف و تلقين بالجمعيه وايد انواع زينه على حسب الي ترتاحين عليه

انا عطوني فوط صحية للولادة اسمها لوتس وارتحت عليهم

اي مستشفى اللي عطوكم
السلام يعطون؟ خلني احلل فلوسي

المستشفى يعطونج كبار اسمهم جنه بيبي سوفت واستخدميهم بالبيت وايد زينيين بس حق اول ايام
بعدين كيفج عادي اللي متعوده عليهم

انزين مستشفى السلام يعطون؟ البنات اللي جربوا السلام يقولونلي
لان انا بولد هناك بس بولاتي اللي طافت ماعطوني شي انا كنت جايبه وياي بس من 3 سنوات هالكلام

ديرى بالج اختى لا تستخدمين اوليز انا مره جربتها او علقت بخيط جرحى اطلعت روحى استخمى فوط قطنيه ما فيها شبك لما باذن الله يطيحون الخيوط والحمد الله على السلامه

انا ولدت بالسلام وعطوني ( لوتس)

السلام يعطون فوط صحيه وكريمات ومطهر ومعقم
روعه فوطهم الصحيه تجنن

صج غدير الله يبشرج بالخير
انا قبل 3 سنوات ماعطوني شي!!!!!!!!!111
بس طمنتيني
زين هذي بالمستشفى واذا طلعتوا بالبيت اول اسبوع شنوااحسن نوع تاخذونه من الجمعيه

واااي على كوتكس حيل يسبب حسااسيه ويخلي المنطقه حمره

انا توي نفاس

وكنت ناويه على فام لانها قطنيه

بس اعطوني المستشفى فوط سندريلا لونها موف حجمها زين واحلى مافيها طولها

وان شاء الله ناويه مااغيرها حتى بعد النفاس لانها مريحه وحجمها تمام

شلونكم بنات الله يسهل علي كل حامل قولوا امين

بنات الله يوفقكم ابى وحده تسوى شغلات حق النفاس مثل اللهوم وشغلات التنظيفات الي تعرف وحده ثقه وشاطره ومجربه
تفيدنى برقمها وما عليكم امر ابى رداده حق النفاس بس تكون شاطره ومجربه انا ادرى انى ثقلت عليكم بس ادرى انكم ما راح تقصرون

في وحده بالمنتدى اسمها ام خالد خبيرة اعشاب راح تفيدج

عندج ام خالد معانا بالمنتدى شغلها نظيف وعن تجربه روووعه ..

ام خالد خبيرة اعشاب وايد شاطره ويمدحونها
موجودة بالمنتدى تقدر اتفيدج

الله يعطيكم العافيه حبايبى

ام خالد انا توني جربت شغلها روعه وريحته فرش فرش ماشالله

انا عند_03ba:_03ba:ي االردادة ام جاسم واااايد زينة ادهنج ومع التدليك 3 ايام و ترديد اخر يوم
هذا رقمها 6642114725643566

حبيبتي في وحده بجابر العلي اسمها ام فيصل واااااااايد زيده وادويتها هم زيده

الله يوفقكم وهنيكم حبايبى على الافاده

ام ناصر الردادة 99750930 بس ترا تمصعج

عندج ام خالد غلها يهبل انا مجربتها و في وحدة كاتبة رقم ام جاسم هم بعد ترددها عن تجربة

الله يعطيكم العافيه حبايبى

ام خالد شغلها حلو معانا

عن تجربة شغل ام خالد بالمول رووووووعه ** يخليج تتنفسين عدل وان شاء الله تقومين بالسلامة **

في وحدة تعاملت معاها تهبل اسمها ام سارة الرفاعي وشغلها نظيييف وتطبخ بعد اكل نفاس وتوصلة لج

66790112

السلام عليكم …………
بنات منو فيكم تعرف طريقة عمل الحسو للنفاس وشنو الادويه الي احط معاه
انا ولادتي مقربه وماعرف شلون ؟ والي تعلمني بدعيلها

والله ماعرف……..وانا ودي بعد اعرف

ان شاء الله البنات يفيدونج

للاسف مااعرف ولا عندي احد يسولي اياه

او اساله

هذا رقم وحده تسويه وتقدرين تطلبين منها وتحطينه بالثلاجه ومتى ماتبين تسخنينه بنات وايد يمدحونها وانا راح اجربها اذا ولدت انشالله اسمها ام جاسم 5514084

هذي وحدة تسويه ورخيص ام سارة 6790112والصراحة انا مجربتة لذيييذ

شوفي اختي موضوعي مال ادوية النفاس بالتفصيل الممل , الرابط في توقيعي

تلقين فيه مو بس الحسو انما كل ادوية النفاس

و حياج يا قلبي

السلام عليكم
حماتي نفاس دم نفاسها مستمر بشكل خفيف يعني لا خف ولا انقطع و الحين زاد معها هي لها 32يوم

شالسبب و هل فيه شي يساعد على تنظيف الرحم بسرعه و معها الم بالظهر هل تجي الدوره خلال النفسه

لازم اتراجع طبيب يالغاليه

يمكن جتها اخت النفاس

وهم بعد ختراجع الطبيب

مشكورين شكله اخت النفاس

شنو اخت النفاس
او اذا استمر الدم لاكثر من ايام الدوره تكون مو طاهره يعني ما تصلي حتى لو 40 يوم ؟

السلام عليكم ورحمة الله وبركاته

معاكم ام خالد المتخصصة بالاعشاب الطبيه للولادة والنفااس وامراض النساء و اضطراب بالدورة وعندنا كل الاعشااب المفيدة والمطلوبه

من لهوم ومتكتك ومردود وحسوو وبخور الهوا وتحاميل طبيه غيرها الكثير لكل وحدة تريد المعالجة والشراء

الاتصال على ؛24908898 ام خالد

واللي عندها مشكلة تتصل على التليفون لاني ما اقدر اخدمك الا على التليفون

ودمتم سالمين

الله يعطييج العاااافيه

الله يجزاج خير

السلام عليكم

بنات شرايكم نتكلم عن طفل النفاس
شنو انصحوكم عن نومته … التبديل البامبرز وانتو بكرامه….
الرضاعة….

يعني مثلا ..هل صحيح انه ينصحون تدهنينه بزيت الزيتون؟ يقوي العظام؟

هل عادي بهالفتره تستخدمين لها كريمات معينة؟
ولا (انا افضل الاشياء الطبيعية) ؟ بشنو انصحوكم؟

وشكرا…. منكم نستفيد

ليش …..لا احد

:'(

Oops
!!!

طفل النفآس أغلب السآآعات نايم او يبجي

بس اول الايام انتبهي لاتسوين شي لمن يطيح السر لان مرات يتلهب ويزعج الطفل

وبخصوص البامبرز لاتسكرينه حيل علشان السر ماينحشر ويتالم

وعادي يصير تسبحينه وتحطين له زيت مابعد السبوح تقريبا عادي بس شوي تحرصين لان الزيت يزلق

والطفل اذا قام يبجي

يا جوعان او البامبرز او في مغص نوميه ع بطنه وعطيه دوا المغص
او متملل يبي الشيل ولاتعودينه تشيلينه ولا يطول بحضنج بيقعد كل شوي يبي الشيل
او في شي ملابسه مضايقه جيكي مممم

وان شاءالله يفيدوونج البنات

اي طفل النفاس يدهنونه بدهن الزيت ماله ريحة مثل زيت الزيتون عشان عظامة تتقوى
وبعدين مباشرة يلفونه وبالخيط صج الدكاترة ماينصحون بالخيط الا ان عيالنا كلها بالخيط لان الرجايل يتابعدون
عن بعض ولا تنسين البودرة وشغلات الاطفال الحلوة

وبالنسبة لنوماته ينام مدة طويلة وخصوصا اذا شبعان ومهتمين فيه ومدللينه بالرضاعة الطبيعية
يحبون حليب الام وينامون عليه لا تعطينه حليب صناعي كلشش الا اذا مضطرة او لا سمح الله مافيج حليب بس من اول الايام لازم تحطينه على سدرج عشان ياخذ المادة المضادة للامراض
والبمبرز عادة خمس تبديلات في اليوم مع كريم البمبرز عشان الحروق مال البمبرز حنا نستخدم ايدين احمر البارد بس ماعندي صورته ويحتاج محاسبة وقت تبديلة وسباحته لان كتكوت ومايتحمل فانصح بالسفنجة اللي ع شكل طفل ولي جيتي بتبدلينه انصح بطاولة تبديل الطفل اللي يحطونها بالحمام وينيمون عليها الطفل وتبدلينه وانتي طالعة احسن شي ويكون عليه ثياب سيفتي عن البرد في الشتا وعن الايسي في الصيف وسيدة ترضعينه وينام ويرتاح الفقير الله يحفضه يمكن ناسية اشية فاي سؤال لا تتردين

خووووش موضوع

��تَسَلُّمَـ♡̨̐ ـيْنِ ��

اب
اب

ابب

تدهنين بطنه ورجوله وايينه بزيت زيتون دافي بعد اسوعين من الولاده
يرتاحون واذاىفيه غازات تطلع
وترضعينه وينام
واهم شي لاتعطينه رضعه بارده!!!؟؟؟وبليل بعد الساعه ثمان لاينام وحاولي تفكين مهاده عشان بالكثير ئ١٠ ونص يدوخ وينام

حبيباتي ماقصرتوووو
الله يجزاكم خير عالردود الطيبة
صج صج افدتوني

عالرضاعة
الطبيب قالي اول يومين صعب يطلع علا طول الحليب يطلع عالثالث

موضوع جميل ان شالله الكل يستفيد

البنات ماقصروا وان شاء الله تستفيدين أكثر

الي اعرفه اول كم شهر ميصير تسبحيه بصابون ابدااااااا
عندنا قانون ٦ لشهر بس ينمسح بزيت
اعرف انو بالعرب ميسوون هالشي انو ميتحملون امي من الناس اول مسمعت بيا حامل اول شي اشترته صابون وليفه (اسفنجه) تريد تسبح الولد
واني متت خوف هههه بس شلون اشرحلها انو ميصير بس اكول لا تكولي لا انت ولا السويديين يفهمون رح تعلميني يعني وهكذا هههه

نصيحه علميه ع المصاصه

انا هلكت من قلت النوم في النفاس والسبه الصياح

يعطيكم العافيه
Up

مرحبا بنات

بغيت اقول لكم عن صابونة اسمها (( فيرجيني )) موجودة بالسعودية اصلية بس للأسف يقولون بالكويت تقليد الكل يمدح فيها .

اللي تعرفها تقول تجربتها هنيه والي ما تعرفها تآخذ فكرة علما بانها رخيصة حيل بالسعودية 15 ريال تقريبا .

تنشف المنطقة عدل .

ماشاء الله انا اول وحدة
للاسف ما عندي علم فيها بس لو تلاحظين اسمها نفس اسم تحاميل فيرجن اللى تساعد على التضييق مجرد ملاحظة

ما عندي فكرة والله

حيل يمدحونها

جربتها تلقينها عند الحواي او في الجمعيات عند الصابون بس ما سوت شي استخدمتها شهرين و لا يابت اي نتيجه

اول مرة اسمع فيها حبيبتى بس علعمووم مشكوووورة

انا سمعت عنها وشفتهابمحل تجهيز صالونات واتوقع سعرها بنص بس ماجربتها

ما اعرفها

اللي بالكويت مو اصلية تقليد جيبوها من السعودية

اليوم شفتها عند وحدة فلبينية تبيعها وفيه نوعين علبة عادية رخيصة وعلبة ذهبيه تقول اصلية بدينارين

انا بعد سمعت عنها!! بس قالولي تلاقينها اصليه عند الفلبن!! :d
مشكوره اختي توت عنكبوت ماتقصرين بس يعني اهيا شنو تسوي بالضبط؟

اي والله شنو فايدتها؟؟؟
وين بالسعودية

ما ادري والله

يقولون تضيق المنطقه …؟ بس و الله ما تسوي شي

انا استخدم ادوية ام يوسف صج تنشف والله وتخليج ماكو ولا افرازات ولا بطيخ كلها اشياء تينن بلا صابونة بلا بطيخ