الوسم: الترتيب

السلام عليكم ورحمه الله وبركاته

بغيت اسألكم بنات

__ / __
مؤهل للترشيح لأول مرة(المرفوضين 10)

إن الترتيب لأولوية الترشيح بين المسجلين في نظام التوظيف يتغير بالنقص أو الزيادة حسب عمليات الترشيح والرفض واستكمال البيانات بصفة يومية

أبي اعرف اي واحد رقمي اللي ع اليمين ولا اليسار وليش حاطين رقمين

ممكن مساعده

في انتظار ردودكم

رقمج اللي على اليمين

مثال

44/100

انتي رقمج 44 والدفعه اللي مثل تخصصج وشهادتج 100 شخص ونتي بينهم رقمج 44

فهمتي ياقلبي؟؟

اتمنى اني وصلتلج المعلووومه

والله يوفقج ودعيلي اني اتوظف وينزل اسمي

بنآآآت متى يبلشون يختآرون او يحطون الترتيب انا للحين مآ حطولي ترتيب بس كآتبين مرشح لاول مره

يوووووووووووووو صج اجل شكلي مطوله ماتنفع الواسطه ؟؟

مشكوررين على الرد بنات

صباح الورد ,,

بنات بغيت أسألكم اختي قدمت على الديوان بالنت ,,

شنو لازم تراجعهم و لاشنو تسوي

انا بعد ماطلعلي رقم شلون اعرف رقمي
و لما تنزل الاسامي بس تنزل بالجريده ولا يدزولنا مسجات؟

السلام عليكم

شخبااااااااااااااركم بناااات عساكم بخير

واشلونكم مع الجو الحلو

عندي سؤال وحابه تفيدوني فيه

على اي اساس يكون الترتيب بالديوان
!!

انا ترتيبي كان 2 والحين صار 4
4/4

فهذا شنو يعني
وليش قاعد يزيد رقمي !!

مو المفرووض يقل بحيث اللي يسجلون بعدي يكون رقمهم 5 و 6 و7

>>> عز الله اذا رقمي بظل يزيد لا توظفت وظليت قاعده بالبيت لمن اعييز

والترتيب هذا بالنسبه لكل اللي مقدمين بالديوان

والا على حسب التخصص بس

بانتظاركم تفيدونا

والله ما عندي خبر اتمنى البنات يفيدونج
وسهالات المعلومه الوحيده الي انا اعلافها عن الديوان انهم يوظفون للي فوق 25 والمنزوجين هذي للاولويه يا الغاليه اما الباقي ما عندي خبر

صباااح الورد
اشلووونج؟؟؟
والحال من بعضه حبوبه
مثلج رقمي يزيد ويمكن الي معدلاتهم
اعلي يصير ترتيبهم قبل
والترتيب على حسب تخصصج

ان شاء الله يفيدونا
انزين انا لا متزوجه وعمري اقل من 25 :/
يعني شكثر بنطر
اله يكون بالعون
تسلمين على الرد

صباح الفل
ياهلا اميره
الحمد الله بخير
انا تخصصي كيميا واللي مقدمين على الديوان 3 وكلهم اعرفهم واعرف معدلاتهم
اشلون صار رقمي 4 !!!

هذا اللي محيرني
يعني في ان بالموضوع والترتيب

اكيد في انه الموضوع اذا الوسطات شغاله
وان انشاء الله ما تنطرين وايد و يقبلونج بالدفعه
اليايه او قبلها وانا معاج رازه الفيس لووووول

وانا بعد ما اعرف سالفة الترتيب
انزين اتا ترتيبي ينقص؟؟؟؟؟

انشاءالله احد يفيدنا

اكيييييد
ان شاء الله اسمي واسمج بهالدفعه يكونون
وبالمكان اللي نبيه
قولي امين

الله يعلم ليش ينقص
يمكن اللي قبلج قبلوهم !!
ما يندرى عنهم
ان شاء الله اهل الخبره يردون

حبيبتي إلي اعرفه انا في اولويات مثل المعدل والعمر وبخصوص الزواج اعتقد بالنسبه للاولاد بس
يعني اذا قدمت وحده احسن من معدلج تكون قبلج واذا كان من الذكور ومتزوج يسير قبلج

انا اعرف واحد يشتغل هناك باستفسر منه ان شاء الله واعطيج خبر حبيبتي

وبالتوفيق ان شاء الله

الترتيب يكون على حسب التخصص يعني انتي رقمج 4|4 يعني انتو اللي نفس التخصص بس 4 واذا قاعد يزيد يعني اهما لهم الاولويه

يزيد!!!
مادري انا ينقص
بس الله يعينج كل مايزيد ضغطج يزيد<<<اسم الله عليج

دقي عليهم و سألي

تسلمو حبايبي
ان شاء الله باجر باذن الله بروح لهم
بشووف شسالفه
خصوصا اي اعرف الي وياي
وكلنا على بعض3 بنات
ومافي غيرنا
الله كريم

والله يا بنات لمن قلت لكم في ان بالسالفه
ما جذبت
توه جيكت رقمي والا 3
امس 4 :/
واحنا بس 3 بنات بهالتخصص وما معانا احد

انا رقمي كان 5 والحين صار 41 ابي انفجر الله كريم بس لازوم واسطه قويه

مساء الخير…يشرفني اني اشارك بهالمنتدى العجيب…وتسمحولي اني عديتكم كلكم خواتي بدون ماتعرفوني منو أنا…
صج اني يديدة عليكم بس أنا متصفحة بشكل يومي للمنتدى ووايد استفدت الصراحة…فا بارك الله للقائمات على هالمنتدى و العضوات جميعا…وأتمنى تقبولي أخت لكم
سؤالي…
أنا مقدمة عالديوان آخر دفعة …يعني أقل من شهر و اليوم طلعلي الترتيب …قبلها ماكان طالع الترتيب…
وطالعلي:
3 / 3
مؤهل للترشيح لأول مرة(المرفوضين 3)

شنو يعني المرفوضين 3؟ شنو وضعي من هالكلام؟
وشكرا

السلام هلا والله حبيبتى حياج الله ويانا وسامحى البنات اللى ماردوا عليج اغلبية البنات اللى مداوميين على هالقسم بعد المغرب ايون
وعلى سالفة الديوان انشا الله خير
وجنة على ما اضن انة رقمج اقرييب
وبس حبيت اسالج شى ماكو شى بحتياجات الجهاات وزارات او شى جذى

المرفوضين عادى لازم يحطون لج مرفوضيين بس انتى مالج شغل فيهم

هلا والله أختي أم يوسف السعد عسى أيامج كلها سعادة
أنا للي بي افهمه ليش 3 مرفوضين ان كان انا ترتيبي 3 فهل انا من المرفوضين ولا شالسالفة؟

والله ما اعرف ولا عندي فكرة بس ما حبيت ادش وما ادعيلج

الله يوفقج ويبشرج خير

ترتيبج 3 والعدد اللي نفس تخصصج 3

والمرفوضين مو متأكده

هلا والله حياج اختي

ممكن سؤال انتي قبلوج بالتوظيف قبل هالمرة

أم يوسف السعد…أنا تخصصي ميكروبيولوجي وجم وزارة محتاجين تخصصنا فا أنا مااحاتي هالناحية
راقية بأخلاقي…أسم على مسمى …بارك الله فيج حبوبة
حبيبة العلي تسلمين
عيوني حزينة…لأ أول مره اقدم عالديوان…وتوني مقدمة قبل لا يسكر الديوان بجم يوم…بس الغريبة الحين توني ادش واشوف الترتيب انشال!!
انا قبل كنت اشتغل بقطاع خاص وقدمت استقالتي وقدمت عالديوان

حبيبتي (3/3) يعني انتو ثلاث بنات حلوو وقبلج ثنتين يعني انتي رقمج ثلاثه
والمرفوضين 3 يعني في ثلاث بنات غيركم رافضين عرفتي ياقلبي

هلا حبيبتي

مثل ماقالت اختي المكسيكيه

يعني انشالله اسمج ينزل مع الدفعه الجاية والله كريم

اللي اعرفه نفس اللي قالوه البنات
وموفقه يارب

أنا مكتوب 4/7 يعني انا قبلي 3 مو ؟

تسلمون خواتي عالدعوات الطيبة
بس انا شنو استفيد انهم يقولولي انه اكو 3 مرفوضين؟ شتفيدني هالمعلومة؟
انا عرفت انه ترتيبي ال3 واكو قبلي 2 بس شفايدة انهم يكتبون مرفوضين 3؟

سيدة المطر…على كلام خواتي أتوقع اييي

بالضبط حبيبتي

والله ما ادري شلون نظامهم حبيبتي

مرحبااااا حبوبات تكفون لاعت جبدي من ديوان الخدمة المدنية مقدمة كتاب تغيير مسمى بس مو تعديل وضع صار له فوق الشهر وماحد راضي يفيدني كل ماادق يقولون عند المحاسب يعقوب الرفاعي ويعقوب لاحياة لمن تنادي قام يصيح تلفونه من كثر ماادق مو محصلته تكفون شالحل ويقولون مااقدر اراجعهم تكفوووون فيدوني واسفه على الاطاله

مالج شغل فيهم روووحي راجعي
شنو يعني ما يصير تراجعين !!
لا راجعي و كل يوم بعد لين اخلص شغلج
تلقين اوراقج محذوفه بالدرج
و خل يروح معاج ريال اعرف يتفاهم معاهم
ما يمشي شغلج الا اذا دبلتي جبدهم

الأول في الترتيب: سأل أحد الأزواج زوجته بكتابة اهتماماتها ومسئولياتها بالأولوية والترتيب الرقمي 1، 2، 3 فكتبت الزوجة:
1ـ الأولاد
2ـ البيت
3ـ الزوج
4ـ العمل
5ـ الأهل والأقارب
6ـ الصديقات.
فقال لها الزوج: أرجو إعادة الترتيب بكتابة: 1ـ الزوج 2ـ الأولاد… وهكذا.

احبائي …. ياغالي وياغالية لا ينبغي استغراب الموقف السابق فهذا حال الكثير من الزوجات ـ إلا من رحم ربي ـ وهناك أيضًا من يضع العمل قبل الزوج في الترتيب والأهمية، على اعتبار أن الوظيفة مركز قوة وأمان استراتيجي لها إذا غدر بها زوجها. فقد قالت لي إحدى المعلمات الفاضلات:
‘أنا لستُ في حاجة إلى العمل عندي الذهب والرصيد في البنك و…و…و… ولكني أعمل لأن الرجل ليس له أمان’.
وفي رأينا الشخصي، أن المرأة إذا برمجت عقلها على هذه الأفكار فإنه يترتب على ذلك طريقة في الحياة والتعامل مع الزوج تخالف تماما الطريقة التي ارتضاها المولى جل وعلا لهذه العلاقة.
ونحن لا نعترض على العمل ولكن أن تعمل ليكون سلاحًا ضد زوجها، هذا غير مقبول طبعًا وعلى من تفكر بهذه الطريقة أن تصحح التصور فتقول أنا أعمل لأنني شريكة زوجي في الحياة، فنحن شركاء في المنزل وشركاء في تربية الأولاد، وهناك علاقة تكامل أدوار بيننا.

إعادة الترتيب: تخيّل معي عزيزي القارئ أن هذه المرأة أعادت ترتيب أولوياتها فكان:
1ـ الزوج 2ـ الأولاد……………… وهكذا
فكيف تكون الحياة وأسلوب التعامل مع الزوج والاهتمام به والمشاعر تجاه هذا الشريك، بالطبع سيختلف الأمر كثيرًا.
لذلك أقول: إن الزوجة هي التي تقع عليها في المقام الأول مسؤولية ابتعاد الزوج، أو انبهاره بأي امرأة أخرى لأن هذه الزوجة لم تعرف كيف تحتفظ به.
إن ابتعاد الأزواج ـ أو انحرافهم ـ يرجع في معظم الأحيان إلى جهل الزوجات بالأسلوب الذي يجب أن يتعاملن به مع أزواجهن. وكذلك سوء معاملة الزوج وجفاف المشاعر تجاهه.

العصفور في القفص: ومن أمثلة التصورات الخاطئة ما تعتقده بعض الزوجات أنها بزواجها قد ملكت زوجها، وقد تهمل نفسها وتهتم أكثر بأولادها وتتصور أنها مهما فعلت فلن يفلت من قبضتها هذا العصفور.
وتظن خطأً أن اهتمام زوجها بها أمر مفروغ منه؛ لأن ذلك يجعلها تتصرف بلا مبالاة فيما يتعلق بجلب اهتمام زوجها، الذي سرعان ما يمل وقد ينزلق إلى طريق آخر ملقيًا باللوم عليها.

محطات حرجة في عمر الزواج: على الزوجة أن تفطن أن هناك مراحل حرجة في عمر الزواج تزيد فيها فرص ابتعاد الزوج مثل قدوم الأطفال، وتزايد أعباء الزوجة وإرهاقها ساعات الليل والنهار.
وهنا أقول لكل زوجة: لا تذوبي في خدمة الأطفال بشكل جائر على حق الزوج.
وعلى الزوج أيضًا تفهم الأوضاع الجديدة لدى الزوجة والمشاركة معها في رعاية الصغار ما أمكن ذلك. ولا نغفل رسولنا الحبيب صلي الله عليه وسلم وقدوتنا في هذا المقام فإنه كان يداعب الصغار ويحنو عليهم ويشارك في أعمال المنزل.
وهناك مرحلة حرجة أخرى تأتي مع تقدم سنوات الزواج عندما يبلغ الأبناء سن المراهقة وتنغمس الأم في مشاكل أبنائها، وأيضًا قد يؤدي تقدمها في العمل ووصولها لمركز مرموق أن يشعر الزوج أنها ليست في حاجة إليه وأن هناك أشياء كثيرة تشغلها عنه وهذه الأشياء أهم عندها منه.
فهو يحتاج العطف والحنان في جميع المراحل:
يجب على كل زوجة أن تغدق على زوجها بكلمات المجاملة الرقيقة التي تشعره باهتمامها البالغ مهما بلغ عمره أو عمر زواجهما، فالمرأة بحكم طبيعتها أكثر قدرة على العطاء وهذا العطاء هو الباعث الحقيقي لعطاء الزوج أيضًا.
إن جلوسك مع زوجك لمدة ساعة على الأقل يوميًا تكونين خلالها متفرغة له تمامًا؛ تتجاذبين أطراف الحديث في الشؤون التي تهمه يُعد أنفع وأجدى من قيامك بأي عمل آخر مهما كلفك ذلك من تضحيات.
وأخيرًا نؤكد أن المرأة الذكية لا يمكنها فقط أن تحتفظ بزوجها بل يكون في استطاعتها أن تستعيده إليها حتى لو انزلق نحو امرأة أخرى.

مشكووره اختي على هالنصاايح
وعجبتني اخر جمله

&&المرأة الذكية لا يمكنها فقط أن تحتفظ بزوجها بل يكون في استطاعتها أن تستعيده إليها حتى لو انزلق نحو امرأة أخرى&&

يعطيييج العااافيه

يعطيج العافية حبوبة على الموضوع

صح كلامج اختي الزوج قبل الاولاد لان ان الله سهل على الاولاد راح يتزوجون ويهدوني وياه بروحنا يعني اهو الأساس والاهم بنظري
بس حبيت اعلق على جملتج الاخيره

شوفي عاد اذا انزلق الى مره ثانيه الله لا يقوله انا بدزه علشان تصير بدال الانزلاق هبده مره وحده لان مابي اللي يفكر يخوني مو بس يجرب يخوني

الوحده تحط ريلها اول اولوياتها علشان اتفادى الخيانه
وان خانها دربه عسر
روحه بلا رده

يعطيييييييييييييج العافيه

واين الخبيرات

صباح الخير ياحلوات ..
قبل شوي دخلت ع رابط الديوان طبعا من الايفون لان ابي اعرف ترتيبي طلع لي جذي :-

12 / 84
عدد المرفوضين (275)

موفاهمه شي بليز اللي عندها معلومه تفيدني فيها بنات ..
بليز جد موفاهمه يعني جم ترتيبي بالديوان ..
انا توني مقدمه بدفعت 38 ، يعني رقمي قريب ولا لا؟؟؟؟؟؟
فيدوني بلييييييييز

يعني ترتيبج 12 من العدد الكلي 84
اللي نفس تخصصج ومؤهلاتج ..

.
.

وعدد المرفوضين اللي ارفضوا الوزاره اللي اهمم من نفس تخصصج اعتقد

@@

@________@

لا لا لا صج والله !!!!

حبطتيني ع الآخر انا جدامي فوق ال 200 شخص

=_______="""

الله يستر ويعين بس ..

أول مره تقدمين ؟

بنات يعني شنو مخي قفل
انا عدد المرفوضين ٢٢

أب

أب

حمام شاقني فنة

إيي والله اول مرة اسجل ^^"""

راحيل العبدلي

اظنتي ان 22 شخص رفضهم الديوان .. ^^"

شلووووونكم يابنات حطو الترتيب مال ديوان الخدمه وطلع ترتيبي86/78 ابي وحده تفهمني يعني شنو مافهمت
تتوقعون راح اطول جم انا شهادتي اتصالات وملاحه فني صياغة حاسب وسجلت اول7الدفعه اللي طافت35منو كانت مثل ترتيبي وتوظفت بسرعه انا حاطه وزارات الكهربا والتربيه والعدل والاوقاف بس خاطري بالتربيه منو مثل شهادتي وتوتيبها وتوظفت علطول يعني جم راح انطر

شدعوه بنات ولارد

يعني جدامج ٧٧ ماكو مرفوضين

شوف اهو يعتمد علي تخصصكم اذا كان مرغوبً ولالا بس اتوقع التربيه ماعندهم مشاكل بلتخصصات

انا متخرجه بنفس ابمعهد بس تخصصي صيانة حاسب آلي وماطولت شهر ٨ قدمت وشهر١٠ طلع اسمي بالتربيه

الله يووووفقج يارب وينزل بسرعه اسمج*

يوووووووووووووم الخمييييس يطرشون مسجاااااااات اللي دفعه 35
وتنزل الاسامي يوم الجمعه
وان شاااء الله انكووون من ضمن المقبوووووولين

مثل ما قالت ريماس جدامج 77 و اذا تخصصج مطلوب راح يكون التوظيف اسرع

موفق

انا الدفعه ال30 وليلحين ماتوظفت ان شاء الله نتوظف ومانطول بس انا تخصصي تامين
انتي لازم يتوظفو ال77 اسم اللي قبلج عشان تتوظفين

بنات من وين اطلع ترتيبي

لمن اتدشين موقع ديوان الخدمه

في مكان يكون فيه الترتيب

حطي رقمج المدني وشوفي

طبعا الموقع ساعات يعلق وما يطلع الترتيب

ونشيت اقولكم المرفوووضين6

ريماس تذكرين جم كان ترتيبج بالديوان وفي مرفوضين ٦ معاي

انا ترتيبي 30

والمرفوضين جنه 3 نسيت بلضبط

عطوني الموقع الي تشوفون منه بنااااااااااات

https://www.csc.net.kw/ هذا اهو ولا في غيره ؟؟؟؟
و وين المكان الي يكون فيه الترتيب اي صوب O_o

بنات يعني شنو مؤهل للترشيح ؟؟؟؟؟

سلام انا دفعت 32 ورقمي 8 وللحين ماترشحت بس كلي امل لي يوم الخميس انطر مسج منهم يارب اتكون اسماينا معاهم

لا حظت في بعض حفلات الزفاف ان الناس تخسر فلوس عالفاضي يعني يدفعون على اشياء وتكون غير متناسقه او مالها داعي ويكون ما في اي تناسق لا بالالوان ولا بالفستان ولا بالمسكه و كل شي بصوب و الكيكه بصوب و من خلال عملي عرفت اشياء وايد و نواقص ممكن ينسونها اهل العروسين فحبيت افيدكم فيها واوفر عليكم التفكير :

تحديد اليزانيه

اختيار المكان المناسب صاله او قاعة فندق

اذا صاله

اختيار البوفيه

و اذا قاعه بتفتكون من لويه البوفيه

اختيار الفستان

تحديد تاريخ الزفاف

ثم اختيار الكوشه ويفضل ان تكون على ستايل الفستان والشبكه

و كذلك بطاقات الدعوه للنساء و تكون متناسبه مع ديكور القاعه و الكوشه

اختيار اواني التقديم اما ذهبي او فضي او شفاف او موديلات جديده مثل البامبو .. الخ

اختيار المباخر والديكورات على اساس اختيار الاواني

اختيار الورد الخاصه بالكوشه مثل ورد المسكه و البوفيه والديكورات الاخرى من حيث نوع ولون الورد

و يجب ان يكون متناسق مع لون حمرة العروس

وضح موكيت او بست للرقص لانه ينور القاعه و يبين الكوشه

التأكد من الاضاءه و يمكن وضع سستم خاص للاضاءه

وضع توزيعات خاصه للمعازيم و تكون على عدد المدعوين و بنفس روح او لون الكوشه و البطاقات

وضع اثواب خاصه للرقص السامري و ربطات شرقيه و عصي لبعض الرقصات النقازيه للي يحب
ويفضل تطريز الاثواب بأسماء العوائل للعروسين

تصميم كيكة العروسين بنفس الديكور الخاصه بالكوشه و تصميم نوع من الحلويات بنفس الديكور

اختيار لبس الويترس اللي يقدمون بنفس الطابع و كذلك ممكن تلبيس الكراسي او وضع كراسي خاصين مصممين للحفله

اختيار دجي او فرقه ناجحه و ان يكون الصوت واضح

واهم شي توقيت دخول العروس و المعرس و توقيت خروجهم

وضع خدمه خاصه للبخور بحيث كل نصف ساعه تقوم بإشعال البخور و وضع الرشوش

و هناك الكثير من الافكار الحلوه ممكن ان يتم عملها مثل :

وضع ادوات الخياطه و الديودرنت البخاخ و العطور العربيه و الفرنسيه مع فوط صحيه و بلاستر جروح و مكياج بالحمام اعزكم الله

لانه ممكن تكون حالات طارئه الواحد يتوهق

وكذلك عمل اكياس ستن او تور او شيفون مطبوع عليها اسماء العوائل توزع عند مدخل الباب لوضع العبايات و الشيلات

والكثير من الافكار الجديده ممكن عملها بس اهم شي التنااااااسق بإختيار هذه الاشياء مع بعض بنفس اللون والروح

اتمنى اني اكون قدمت لكم الاشياء المهمه اللي تحتاجونها

مشكوووووووووووووووره …

حياج الله

افكار مهمه جزاك الله خير

يسلموووو حبيبتي

يعطيج الف عافيه

يسلمووووو يالغلاا …

حياكم الله

مشكوره والله انج ذكرتينا بشغلات ناسيينهم
يعطـــــــــــــــيج الف عافيه

حياكم الله و هذا الهدف ساعات الواحد يلهى

يعطيك العافيه ……صراحه اعجبتني فكرة اجياس الستان للعبي انشاءالله بطبقها بعرسي

حياكم الله

upupup

يعطيكـ العافية.:.:.:…

مشكوره حبيبتي عالافكار الحلوه

يعطيج العافيه ومشكوره على الموضوع ……