|
|
مرحبا يااحلى عرايس
اليوم موضوعي خـــــاص للعرايس الحلوين
بصراحه انا قلت دام توني فريش وذاكره كل تفاصيل تجهيزي ابي افيدكم بأفكاري الخاصه عشان اساعدكم لأن ادري اصعب مرحله اهي مرحله الترتيب وتحضير الجناط…
يالله مستعدين
Let`s Go Girls
أول نصيحه تشترون سيت جناط الكامل وبأحجام مختلفه بتفيدج واااايد اولا بتجهيزج وبعدين حق السفرات والصغيره ممكن تخصصينها حق يوم زوارتج لأهلج..
. 
أول شئ ببدى فيه الملابس…بيكونون 3 أقسام وكل قسم بيكون له طريقته الخاصه بالترتيب..
ملابس البيت العمليه تريننغات_بديات_برمودا_وبجامات
هالملابس خلي الخدامه او اختج تساعدج جهزي مسك العروس السائل من القرشي صج صج ريحة عروس ونااااااااااااااااااعم واااايد حطي منه شوي بغرشه رش وزيدي عليها ماي ورد او ماي عادي براحتكم بتكون ريحه المسك مخفف وناااااعمه وريحة نظافه وانتعاش ترشين عالملابس وتعطينها اللي تساعدج عشان تصفطها وتحطها بالجنطه واول ماتخلصين تسكرينها علطول والملابس بتلزق فيها رحه المسك بهالطريقه بتستفيد اختصار الوقت ولو كنتي مستعيله او خذيتي شئ ولبستي حتى لو ماتعطرتي ملابسج معطره وتينن..
القسم الثاني من الملابس اهي اللانجري ملابس داخليه وقمصان نوم
هذي انا احب اسوي هالطريقة ارتب وشكلها بيطلع حلو بالرف(خاصة الغالي واللي ممكن يخترب بسهوله) وبنفس الوقت ماراح تضيع الملابس وتتخربط يعني مرات القميص معاه كلوت ويضيع بين الملابس فأنتي اختصري وحطيها في أكياس اورغنزا بأحجام وايد وفي كبار وصغار ..حطي فيها الانجري وعطريه بالمسك وسكري الجيس..
واذا بحطونها في الكبت في بيت الزوجيه تقدرين تجهزين سلال كبار المستطيله ويصفونها وشكلها بيطلع مرررررررررتب..
وتترتب بهالطريقه
القسم الثالث والأخير من الملابس
اهو ملابس الطلعه البدل_الدراريع
هالملابس بنات تاخذونها وتحطونها على المنشر عرفتوه مال الملابس حطو اكثر من قطعه فوق بعض وتحتها حطوه مبخر وحطوا عليه بخور حلو وناعم بخرو الملابس ورشوها بمسك او اي عطر حلو وبعدين علطووول حطيها بالجياس مالت الملابس …
طبعاً حطوها واهي تكون مسوينها بخار وخالصه وحطوها بدون ماتتعفس وعلطول عالجياس وعلقيها بالستاند مال الملابس..
هالأشياء قبل ليله او ليلتين من العرس وصدقوني اول ماتفتحين الجيس جنه توه مبخرتها ومعطرتها واذا انحطت بالكبت بتعطره..
وغير هذا بتكون مرتبه ماتحتاج اوتي واذا احتجتيها بتلبسينها بدون ماتتعطلين..
خلصنا من الملابس الحين دور الميك آب وأغراض الحمام
اكيد وااايد ومحتارين بترتيبها…اول شئ نصيحة تشترين الجنطه الخاصه مالت المكياج اللي فيها اكثر من رف تلقينها بكل اماكن المكياج..
رتبي مكياجج والفرش فيها ولا راح يتكسر ولايضيع شئ وبتفيدج للسفر بعد او حق اذا بتنامين في بيت اهلج ( انا عن نفسي مرتبه مكياجي فيها علطول اذا بغيت اتمكيج ابطلها واحط ميك اب واردها بمكانها ولاعفيسه المكياج وبيوسخ التواليت فخليه بالجنطه احسن واذا بروح مكان بسهوله اخذه معاي)
واخذي وحده صغيرة لجنطتج مع منظره..
وبالنسبة للأغراض الحمام..
اول شئ في اشياء بتكون برى معروضه واشياء مخشوشه ماحد يشوفها الا انتي..شلون الحين اقولكم…
الأغراض العروضه اهي الاشياء الحلوة والنعومه مثلاً الشامبو طبعاً الكوندشينر الشور جل وغيره…هذي حطيها بسلال مرتبه وحطيها بالحمام بطريقه حلوة…حاولي تختارين السلال على لون الحمام
والأشياء المخشوشه…اهي الشيره الأمواس النسائية والديودرنت وكريماتج الخاصه والكيرفري وهالسوالف احس فشله وماله داعي يشوفها..حطيها بجناط صغار نايلون شكلها حلو ومرتب وحطيها بلأدراج اللي بالحمام حق استعمالج الخاص..
الحين بقى الساعات والأكسسورات
الساعات بصراحه افضل الساعات الماركات الغاليه خليها ببوكسها لأن دايم يكون بوكس راقي وشكله حلو…اما الساعات السبورت والأستعمال اليومي حطيها ببوكس الساعات اللي ينحط فيه اكثر من ساعه وحلو بيكون شكلهم مرتب
والأكسسوريز نفس الشئ في جناط خاصه لها عشان ماتخترب او تضيع خاصه الأشياء الصغيره..
واخذي لج بوكس شكله حلو وخصصيه للشبابيص ..
الحين بتكلم عن الأشياء اللي بعض العرايس ينسونها وانا نسيت بعضها
سجاده وثوب صلاة ومصحف..
حلو انج تاخذين لج كفر على ذوقك ويكون مميز طبعاً اكيد اهل المعرس بيحطون بس انتي لج لمستج الخاصه عشان تغيرين فيه بشهر العسل وبعدين طبعاً بتدلين الطريج كل شهر كفر يديد
مع الكفر اختاري ورد مجفف نفس اللون تنثرين بغرفتج بشكل رومانسي وحلو
وشموع طبعاً اختاريها لون متناسق مع الكفر…
لاتنسين الفواحه والزيوت العطريه لأنها تعطي جو حلو ورومانسي..
مبخر وفحم لأن مرات تتفاجئين لما تبين تتبخرين انج نسيتيهم..
ومعطرات للبيت عن تجربة اكوا كوثر من الرصاصي تووووووووب
وفي بسنتر بوينت معطر للبيت رش بريحة الفراوله عجيب ومركز
في عند الشايع اوراق معطره تنحط داخل الكبت وتعطره
وفي اكياس معطره للملابس من كومفرت حلوووووووه تعلقينها بالكبت..
وبعد في جم شغله ممكن تروح من بالج..
باندول -فوط صحيه- جوتي رياضه مريح للسفر – قطن – غسول للمكياج – محلول العدسات
اغراض المنيكير..اسيتون-جهاز بخار احس واسهل من الأوتي..
وانتظر اضافاتكم..
والله يوفقك كـــــــل العـــــــــرايس
[grade="FF1493 32CD32 FFA500 00BFFF 800080"]هالموضوع مجهود شخصي ارجو ذكر اسمي عند نقله
بنات اذا عجبكم موضوعي اتمنى تدعولي بالتوفيق بحياتي ودراستي[/grade]
الله يجازيييج كل خييير حبيبتي
موضوع تشكرين علييييييه
منظم ومرتب الله يعطيج العافيه
الله يوفقج ويسعدج ويتتم عليج بخير !
مشكوره حبيبتي
جزاج الله خير كسبتي اجر بالعرايس اللي حايسين وانا منهم طبعا ههههههههه
مشكووووووووووووووووووووووووووووووووووووووووووووووو وووووووورة وتسلم هالأيدين والله يوفقج ويسهل لج كل خطوة ويكتبلج فيها الخير
من وين الصندوق حق الساعات ؟؟؟؟؟؟
والله يوفقج..
اجياس الاورجنزا و صناديق الملابس الداخليه وين نحصلهم؟
وناسه وناسه موضوعج من صج اينن عيشتيني الجو مع اني مو متزوجه
.gif "Eh S(22)")
بس اللقافه ثقافه وانا تثقفت منج .gif "Eh S(6)")
مشـــــــــــــــــــــكورة وااايــــــــــــــــــــــد على المووضوع عسولة تسلم ايدج
والله يوفقج يارب في حياتج ودراستج
.gif "Eh S(7)")
خوووووووووووووووووووووووووووش موضوع وااااااايد استفدت منه ماشاء الله عليج
نبهتيني على اشياء واااايد حلوه
الله يوفقج بحياتج ودراستج
كل شي من وين شريتيه وبكم ؟؟
.gif "Eh S(17)")
