|
|
السلام عليكم
والله متعشمه واااايد في بنااات المنتدى انه ماراح يقصرون معااااي
انا حامل و تعبااانه واااايد ولي الحين النسااات ماخفت اخذت مرضياات في بدايه النساات وبعدها اخذت رصيد اجازتي
كله وبقى بس اسبوع ولي الحين النسااات ماخفت شنو اسوي وشنو الحل؟؟
اذا اخذت بعد مرضيات راح اعدي 15 يوم و ماادري شنو عواقبه بس الي اعرفه
انه مايصير اعديهم ،، عفيااا كل وحده قدمت عالمجلس الطبي تقولي اشلون
انا موظفه مو مدرسه كل المواضيع عن المدرساات ماكو موظفات خذوا مجلس طبي؟؟
وسوي تقريرج عند دكتورتج
عن حالتج
وبعدها اخذيهم وروحي مجلس طبي بالصباح
يعتمدونها ويحولنج ع اقرب مستشفي لج
وبعدها يعطونج موعد مستشفاج
وتروحين
بس انصح عند موعد اللجنه عندج واسطه
واذا حالتج قوويه
انشالله ماتحتاجين واسطه
وسلامتج
اختي اذا ما فيج شي وبس نسات ما يوافقون المجلس الطبي لازم فيج شي مثل سكر او شي بالمشيمة او اي مرض يكون خطر على حملج ..
بس عادي انج تعدين ال 15 يوم بالمرضيات .. الي راح يصير انهم يحسبون لج 15 يوم براتب كامل و15 يوم نص راتب 15 يوم بربع راتب و15 يوم من غير راتب
وبعدين دام انج حامل الدوام يتساهل معاج لا تحاتين لانه وضع مؤقت.. واذا حولوج على المجلس الطبي راح يوافقون على المرضيات اذا كانت متفرقة ما تكون شهر متواصل
تروحين دوامج وتقدمينهم (المرضيات) مع تقرير عن حالتج من المستشفى ونموذج تحويل مجلس طبي من الدوام وتقولينلهم ابي ورقة اعتماد توصيات مرضيه عشان اتحول مجلس طبي .. طبعا راح تحوس بدوامج من رئيسج لي المدير لي الاجازات والدوام لي لي لي (علوووووني ) اخر شي تودينها المجلس الطبي وتسوين الاجراءات بعدها تروحين تاخذينلج موعد عشان تدخلين عاللجنه
انا ماكنت ادري عن المرضيات ان لازم اقدمهم وماكنت ادري انه في ورقه اسمها اعتماد طبيات فعطوني اللجنه من تاريخ اللجنه وقالولي لازم تسوين هاللويه كلها عشان نعتمد مرضياتج اللي طافت تعييزت صراحه وقلت ماتسوى قدمت مرضياتي للدوام قلت طاف خل يحسبونهم مرضيات
اتمنى اني فدتج واي سؤال انا حاضره
هذا رد كتبته حق وحده سألت عن المجلس الطبي قبل
اتمنى يفيدج
مايحسبونهم من ضمن ال 15
بس شنو اسوي تتوقعون حق النساات مايعطوني ؟؟
اشلون اداوم؟ يعني اداوم وارجع جدام الموظفين؟
انزين اشلون اعرف منو اكو بالمجلس الطبي علشان اخلي ابوي و زوجي يشوف لي احد يعرفونه
انا اراجع عند الدكتوره فوزيه وكل مرضياتي مجزأه تقول مايصير متواصل
يعني الاحد ، الاثنين ، الثلاثه في مرضيه و الاربعاء ، والخميس في مرضيه 
شنو الحل؟؟
انتي اخذتي مرضيااات اكثر من ١٥ ؟؟؟؟
كنت تعبانه ونسات
ماغبت ١٥ يوم لا ماسويت كل هذا
قدمت طلب مجلس طبي من ادارتي
بعدين عطوني ورقه رسميه للمجلس الطبي
وديتها الصباح
وديت تقرير طبي من دكتورتي ضرورري ( خل تكتب كل شي مريت فيه اذا فقر دم ضغط نازل ، حملتي بعلاج ، تعرضتي حق اي عمليه خل تكتب كل شي عن حالتج ، اذا بجر خل تكتب فيرست بيبي ، واذا ثاني بيبي بس الاول تعسرت ولادتج خل تكتب … المهم تكتب كل كل كل شي)
عطوني موعد
ورحت الموعد ودشيت اللجنه يسالوني واجاوب
سهااااالات الحمد الله
وعقب قالوا دقوا علينا نعطيكم نتيجة القرار
بس محد راح يرد عليج خخخخ
المهم رحت عقب اسبوع
والحمد الله عطوني الموافقه
وديتها دوامي
بس نصييييحه خل يكتبون لج بالموافقه ابمادة الثالثه
يعني ماينخصم منج شي ويردون اي شي انخصم منج قبل
لكن
اذا ماده ثاانيه مايردون لج مستحقاتج
نصيحه
اذا اخذتي موافقة مجلس طبي شفتي المادة الثالثه الحمد الله
اذا شفتي الماده الثانيه لاتسكتين
دشي عل دكتوره كلميها بكل احترام هههه انها تغير لج اياه وتحط ماده ثالثه
وروحي عند سكرتاريه قوليلها ببكل احترام تغيرها
اهناك مزززاجين كلميهم باحترااام اللي مايعجبهم مايلقونه ويه
فخلج هاديه
وبالتوفيق ياااارب
انتي اخذتي مرضيااات اكثر من 15 ؟؟؟؟
اشلون ماغبتي كنتي تداومين وانتي تعبانه ؟؟
انا ماوديت ولا مرضيه
في طريقتين للمحلس الطبي
١ تغيبين ١٥ يوم ودوامج يحولج مجلس طبي
٢ انتي تقدمين عل مجلس طبي ومايحتاج تنطرين ١٥ يوم وتغيبين
انا سويت طريقه الثانيه
لانها من صالحي انا اللي اطلبه مو دوام يحولني
وعلشان ليش انطر واغيب ١٥ يوم ليش هاللويه
ما نطر من احد انا اروح بنفسي واقدم عل مجلس
وكان الله غفور رحيم
بس نصييييحه
والله انا لما دشيت اللجنه كنت متنحه وناقلت كل اللي فيني كنت تعبانه ودايخه
بس داخل قلبي واااثقه من الله سبحانه اهو عالم بحالي
ولا سويت لا واسطه ولابطيخ
توكلت على رب العالمين
وكتت ادعي بصلاااتي الله يسهل اموري بالمجلس الطبي ادعي من كل قلبي
سبحان الله استجاب دعائي
( اهم شي وكلي امرج لرب العالمين ، اخذي تقرير من دكتورتج وخل تكتب كل شي وقدميه ادارتج يعطونج ورقه رسميه للمجلس الطبي تودينها الصباح)
وبس نفس الكلام اللي قلته لج فوق)
وبالتوفيق
ورفيجتي تغيب جم يوم واداوم يوم
غيبي بس لاتنطرين ١٥ يوم
انتي اخذي تقرير دكتورتج وديه دوامج
لانه الصباح يطول يعطونج موعد عقب شهر
طبعا خلال هالفتره
بتغيبين بس اخذي مرضيات
الله يسهل
بس الحين انا توهقت
انا قدمت اجازه اسبوعين من غير راتب
وخلصت اموري
الحمد الله
الله يتمم على خير
