|
|
مامليتوا من الخلطات والريجيمات اللي ترست ادراجكم؟
ما زهقتوا من البحث عن الطرق والكريمات اللي تخفف الكرش بدون فايدة تذكر؟
ما حسيتوا بالاحباط بعد كل محاولة انقاص وزن فاشلة ؟
العن شي وابيخ شي
لما تكونين في قمة النشاط وفي اوج الاستعداد للبدء بريجيم والعزيمة فوق هام السحب
وتجهزين ريجيم معين وتشترين الاكلات المطلوبة وتعقدين العزم على المقاومة خلاص
لازم اتغير
لازم اسوي ريجيم
لازم اضعف
غيري مو احسن مني
وفي نفس اليوم الوالدة طابخة ذيج الطبخة اللي تسيل اللعاب
او الخوات بالبيت بيطلبون بيتزا
او الزوج يعزمج على مطعم
او اهل الزوج مسوين عزيمة ولازم تحضرينها
وكل الاكل اللي راح يكون موجود هو المفضل عندج ولا تقدرين تقاومينه
هذا يخلينا نتراجع ونقول
( مو مشكلة باجر ببدي او ليش باجر!
احسن
من بداية الاسبوع علشان يكون جدول الريجيم منتظم وما تتلخبط مواعيدي ! )
وبداية الاسبوع هذا تصير بداية الاسبوع اللي وراه واللي وراه الى ان ينتهي فيج المطاف باكتساب المزيد من الكيلوغرامات المقرفة والمزيد من الكسل
احنا ليش كسولات ؟
ليش اتكاليات؟
ليش نبي اوزاننا تنزل من غير اي جهد؟
اي وحدة فيكم لاتقص على روحها وتقول لا من يقول ؟ انا مو كسولة
لا من يقول ؟ انا عندي عزيمة
لامن يقول؟ انا اقدر اسوي كل شي وقت ما ابي بدون لا اتراجع
واهيا قاعدة بمكانها ما تتحرك ولا عندها استعداد جسدي لفعل اي شي
حماسها ما يتعدى كونه تفكير ورغبة وامنية فقط ( يعني بالاحلام وبس )
او نقول:
كله من التكنولوجيا اللي سهلت لنا كل شي
او نقول:
ماعندنا ميزانية تسمح لنا ندخل نوادي طول السنة او نتعامل مع اشهر اخصائيين التغذية مثل الممثلات وعارضات الازياء !
او نقول:
الناس تحبطني
البيت مايساعدون
او نقول :
ما اقدر استغني عن الاكل
احب هالنوعية من الاكل لو ما اكلته احس باكتئاب
وكلها اعذار واهية وكلام فارغ والقاء المسؤولية على القدر والزمن ومن حولنا من البشر
التكنولوجيا سهلت الشغل وقللت من الوقت المبذول في العمل
مما يعني وقت فراغ اضافي
مما يعني بالنسبة لنا الكسولات :
( برتاح اليوم طول الاسبوع بالشغل ، طول الوقت ادرس ، طول الوقت مجابلة الكمبيوتر اطبع، اليوم اجازة بنام وباكل وبقعد ماني متحركة )
لييييييييييييش؟
هالوقت لو احنا اذكياء وعندنا ارادة كافية
نستغله في الرياضة
بس مانبي نبذل جهد
نروح نشتري احزمة السونا الهزازة او شورت السونا الحراري ونشرب بهالاعشاب والزهورات ونبلع بهالحبوب المفقدة للشهية !
وبعدين النتيجة ؟!!
نحافة + ترهل بشع
شنو استفدنا
نقول ياريت نرجع نسمن علشان نترس هالترهلات وترجع تنشد مرة ثانية علشان نبدي صح من البداية
اي لييييييييييييييش ؟؟
ليش مو من البداية نبدي بالطريج الصعب الصح
بدل الطريج السهل الغلط !!!!!!
نبدي صح
نضغط على انفسنا شوي
ريجيم اوكي مو مشكلة
اعشاب احلى واحلى
لكن نسوي رياضة
رياضة المشي بروحها مو كافية ، نقص على روحنا نقول نمشي كل يوم بس
يبيلنا رياضة شد البطن وشد المعدة
رياضة شد الارداف ورفع المؤخرة وشد الافخاذ
رياضة شد وتكبير او تصغير الصدر علشان لايكون شكله مقرف بعد الريجيم
الوزن اللي خسرتيه عبارة عن دهون وماي كانت مالية الجلد وشادته
مافكرتي لما تخسرين هاللي كان شاد الجلد
شبيصير بالجلد؟
وين يروح الجلد الزايد؟
بيتدلدل زي القرف !!!
بتقولين انا ماعندي ميزانية حق النوادي
اقولج مو مشكلة اشتري اشرطة رياضة تفيدج وابدي بالرياضة بالبيت
بتقولين انا احب احد يشجعني
لما اشوف ناس متحمسين ويلعبون اتشجع
بقولج مو مشكلة
تبين تتشجعين صح
خلي احد من اهلج يعلب معك رياضة
خواتج
بناتج
عماتج
خالاتج
ولو ماتوفروا لك كل يوم…..
منو من الفنانات عاجبج جسمها وودج تصيرين زيها؟
لصقي صورها دار مدارج بالغرفة اللي تبين تلعبين فيها علشان تطالعينها وتتشجعين
الحل الاخير علشان تتشجعين لو ضاقت فيج الحال كلش كلش
فكري في وحدة من العايلة باطة جبدج وجسمها حلو
وحدة انتي ماتحبينها وودج تقهرينها
وحدة دايم تتفلسف عن نفسها
حلوة من بره وماتنطاق من داخل
فكري انج لازم تسوين لنفسج اكستريم ميك اوفر
علشان تقهرينها وفي نفس الوقت تكونين حققتي هدفج بالرشاقة بدون ترهل
انا وحدة اتبعت الطريق السهل الغلط واعترف بهالشي
وهذا اللي خلاني افضفض بما في جعبتي اليوم
سويت ريجيم قاسي
نزلت عليه 20 كيلو في شهر ونص
النتيجة
الوزن المثالي اللي طالما حلمت فيه
لكن الجسم كان جسم عجوز وانا عمري كان 21 !!
صدري كان اشبه بجورب مملوء بالرمال !!
التجعيد ببشرتي كان مأزمني
تخيلي حالتي النفسية
يافرحة ماتمت
والنتيجة اني بعد 6 شهور من الوزن المثالي الثابت
رجع وزني كله ورجعت ترست الترهلات كلها
وتميت على هالحالة سنتين متأزمة ومكتئبة
لكن صارلي فترة افكر بوضعي
انا ماتزوجت للحين
والف الحمدلله انه ماصار
لو صار
شلون بوري ريلي جسمي
شلون بلبس قمصان النوم وبتدلع
يافشلتي يافشلتي
الجسم لوعة وقرف
رحت
وشريت اشرطة رياضة
وشريت اكلات خاصة بالريجيم
وفكرت بجم طريقة تخليني متحمسة ومتشجعة طول الوقت
وصارلي اسبوعين احاول انزل اول 5 كيلو من الوزن لكن النتيجة فقدان كيلووين فقط
قلت بعد اول 5 كيلو بخفف من قسوة الريجيم و بلعب رياضة وبشد جسمي
بعدين انزل 5 كيلو ثانيين وبعدين العب رياضة علشان اشدهم
وهكذا الى ان اوصل للوزن المطلوب
والله كريم
اخيرا وليس آخرا
سوري على الكلام القاسي
لكن لابد منه لكي نبدأ صح
من جديد
ميرسي
.
.
.
مشكورة على التشجيع
كلامج 100%
بس في نقطة !
الرياضة
المشي كافي اما الرياضة لا لانها تطلع عضلات و هالعضلات راح تنبني على شحووووم و هذا غلط راح تنزلين لكن وقت ما تبين الشحوووم اللي انبنت عليها العضلات تعالي عابلي فيها ماراح تنزل و الوزن خلااااص يعلق
المشي يغني عن كل شي 
يعطيج العافية كلامج واقعي و كله صح صح الله لسانج
اخت بطاطا
صح كلامج
حتى اغلب اخصائيين التغذية يمانعون ان الوحدة تمارس الرياضة خلال اول فترة من الريجيم لأنها تبني عضلات وتزيد الوزن
وينصحون فيها بالفترة الثانية علشان تشدين جسمج
لكن انا اللي شفته من ترهل جسمي
قلت والله خل اعضل من البداية راضية
بس يتعدل جسمي.gif "Eh S(3)")
.
.
.
وتوصلين للى تبيه يارب
صدى الاحزان
الله يسلمكم يارب
انا لو متذكرة شنو كان ريجيمي جان صارت هذي حالتي .gif "Eh S(11)")
بس اللي اتذكره اني كنت آكل سلطة ( خيار وطماط وخس وجزر وبقدونس او كرفس مع ليمون وشوية ملح )
وكنت اشرب منقوع اعشاب ( كراوية + مرمية + يانسون + اكليل الجبل + بابونج ) 3 مرات باليوم
وريوقي كان بيضة مفيوحة مع كوب كبير عصير برتقال
بس ماني متذكرة اكثر شنو كان مكتوب باوراقي
والاوراق ضاعوا
والحين بادية بريجيم ثاني والله يستر
.
.
.
بطبع كلامج والزقه على باب دار اختي خخخخخخ
بس إنشالله اليوم باديه رجيم لأن عندي فجه طويله لي آخر امتحان فاينل
على الفكره، آنا شايفه إن المشي كافي، سويت رجيم ووصلت للوزن المثالي مع مشي وكان مشدود.
ومشكوره عالتشجيع، يا بوقته
