الوسم: الطبي

مساء الخير بنوتات

حبيباتي منو جرب د.روي جراح التجميل إلي في المركز الطبي الكندي

وكان يشتغل في مستشفى البابطين وبعدين راح دبي وألحين رجع الكويت

أنا رحت له مريح بس مادري إذا شاطر ولا لأ

جان زين إلي تعرفه وأو تعرف أحد تفيدني وأكون شاكرة لها

أنا رحت له مريح بس مادري إذا شاطر ولا لأ

[/CENTER]

معقوله ولا وحده حولت مجلس طبي ؟؟؟

انا ماعندي فكره حبوبه , بس ان شاء الله البنات ما يقصرون ..

والله يسهل عليج ..

الله يثبته ياااااااااااااااااااارب

بس للاسف اختي ماعندي فكره الله يسخرهم لج

وااااااااااااي على المجلس الطبي انا لي اكثر من شهر و للي الحين حتى موعد ما عطووني ما ادري شلون طريقتهم
يا ليييييييييت يفيدونا البنات

انا سويت مجلس طبي مرتين اول مرة رفضوه مع ان حالتي تسمح بس الدكتور اللي دخلت عليه بايخ وشايف حاله كل الحريم اللي كانو موجودين بهاليوم يذمونه وثاني مرته عدته وافقو عليه…. الطريقة الله يسلمج تقدمين كتاب بدوامج انتي تطلبين المجلس الطبي احسن لج وتحطين فيه كل الطبيات اللي خذتيها تالي لي وافقو يعطونج كتاب منهم لي المجلس الطبي بالصباح وتدشين على دكتورة عندهم تالي هم يسوون لج كتاب لي المستشفى اللي تابعتله بطاقتج المدنيه بس اكدي عليهم انج مو بس تبين يوافقون على طبياتج طلبي كتاب توصيه طبيه عشان يعطونج طبيات منهم تالي تاخذين الكتاب بنفس اليوم وتروحين المستشفى اللي حولوج له.. انا بطاقتي جنوب السرة حولوني الفروانية…. المهم تروحين لهم قسم النساء والولاده ويعطونج موعد حق اللجنة الطبية وبالعادة كل يوم اثنين في لجنة وتيين يوم الموعد تاخذين موعد ويلوعون جبدج لين تدشين بس الله يعينج تحمليهم وان شاء الله يوافقون لج على طلبج والله يثبت لج حملج على خير ويرزقج مولود بصحه وعافية……. ادري طولت بس حبيت اشرح بالتفصيل وقبل لا انسى ساليهم لي خذتى موعد منو الطبيب باللجنة لا تروحن يوم فيه دكتور اسمه أنس مصري روحي عند واحد غيره

انا قالولي اروح على طول الفروانيه عندهم بالسكرتاريه يحطولي موعد انا عندي ملف هناك؟؟؟
والله شكلي بدوخ السبع دوخااااات

عادي تاخذين موعد وتنطرينه
تروحين الموعد ويقابلونج دكاتره
المشكله وين
ان على مزاج الدكتور يمشي لج الاجازه
اذا عندج واسطه كله تمام
بس اذا ماعندج انتي وحظج
انا توني مسويه قبل شهرين
وانا حامل
عطوني شهر بس
مع اني استحق اكثر
بس على مزاجهم
الله يعينج

خواتي

انا حامل بأول الرابع ونازله مشيمتي
ووايد تعبانه عندي عيالي صغار 7 شهوور

الدكتوره قالتي لازم راحه تامه وكتبتلي تقرير رحت فيه مجلس طبي وكتبولي بس أسبوع مالت عليهم

الحين يوم الاثنين داومت من بعد المرضيه والناظره ماده بوزها شكلها معصبه
شسوي يعني مو بيدي والله قاعد احاول ما أتعب نفسي

والشغل كلا علي راسي ماسكه صفين

الحين اقترحت علي رئيسه القسم استلم صف واحد والله تعب علي
قاعد تغط نغزات ان توني مخلصه من اجازه الامومه وما اقدر بعد اخذ اجازه ثانيه
والله موبيدي
يعني اعاتب منو أستغفرالله خصوصا انا حاله خاصه حرمان 11 سنه من الذريه
منو مرت مثل حالتي وشنو سويتي
اطنش فيهم واهم شي سلامتي وسلامه الي اب بطني

اب اب .. الله يخليهم لج يارب والصراحة ماعندي فكرة عن هالمووضع

الله يتمم عليج الحمل وتولدين بالسلامة

من صجج 11 سنه وتوج تحملين ومداومه ومشيمتج نازله

يبه هذا اللي ابطنج رووح حافظي عليها امانه من رب العالمين بتنسألين عنها بيوم الدين يوم ماتنفعج ناظره همها الاحتياط منو يستلمه ولا رئيسة قسم تداري ناظرتها

المجلس الطبي يبي واسطه حتى لو كنتي بين الحياة والموت مايمشي الا بواسطه وله طريقه معينه سالي عنها بقسم منتدى الحياة العمليه بيفيدونج اكثر

بس نصيحه لج لا تهملين عمرج حراام والله

دشي جمعية المعلمين
راح يجابونج عدل
عن شروط المجلس الطبي

اذا ماني غلطانه الي حمالها عزيز لها اجازه خاصه سالي بالوزاره .. حمالج ابدى لو تاخذين اجازة بدون راتب اهم شي حملج وعيالج … وتسلمين ..

خيولي الدوااااااام

الله يعينج

اذا ادارتج مو مقدره اسحبي عليهم لو تاخذين اجازة خاصة

والمجلس الطبي مو كله واسطه انا اعرف شكثر خذوه بدون واسطه بس حالتها تستدعي

حبيبتي أهم شي صحتج وعيالج والشغل ماراح يخلص
استانسي بحملج ولا تلومين نفسج
الله يقومج بالسلامه
واللي مايقدر حالتج الصحية لاتلتفتين له

اهم شي سلامتج وصحتج واقولها لج من واقع خبره الدوام صاحبهم القوي وما يبونج تتعبين كلن يدور مصلحته

ام عمر

انا اقولك شنو تسوين

خليهم يولون اهم شى حمالك اخذى اسبوعين وراهم اسبوعين
كله من دكتورتك وانصحك بماجده اليتامى

هم دايركت بيحولج مجلس طبي

جيب تقاريك

وتوكلى على الله وراح يوافقون لج

اذا ما وافقوا

عطيهم طاف واخذى طبيات من خاص

واهم شى حملك

لا تصيرين خبله وتفرطين باللى بطنك عشان عيون التربيه

لو سمحتم مرت اخوي تبي مجلس طبي اشلون نسويه

شنو الاوراق وشنو الطريقة الي نقدم الاوراق فيهاااا ؟

ااااااااااااااااااااااااااااااب لرفع

اببببببببببببببببب

أب أب لعيونج

ما ادري بس خل تروووح الشئون الادارية بدوامها وتسالهم لان لها كتاب وبصيغة معينه

على حسب ماسمعت..

ان المرضيات اذا تكررت لاكثر من اسبوعين يحولونها جهة العمل الى المجلس الطبي..

بشوف

حسب اللي اعرفه انها تطلب من دوامها تحويلها لمجلس طبي ويعطونها ورقه تعبي بياناتها عاد في دوامها يوجهونها للمكان المناسب ..

بس نصيحه اخت خلها تجهز واسطتها لان المجلس الطبي عندهم حالات تعسر في الموافقه داااااائما طبعا حسب اللي سمعته بالنسبه لي

ولامره جربته …

موفقه

يالله يا أرحم الراحمين

للرفــــــــــع

1- اتييب تقرير من الطبيب عن حالتها

2- تكتب كتاب لدوامها

(السيد مدير …….

يرجى التكرم بتحويلي للمجلس الطبي و ذلك لظروفي الصحيه

و تفضلوا بقبول فائق الاحترام …

مرفق التقرير الطبي )

3- تراجع المجلس الطبي تحوس من مكتب الى مكتب و بعدين يحولونها الى الولاده

4- الولاده يقولون لها نحط لج موعد عقب ما الدكتوره تشوف التقرير و تقرر متى تدش اللجنه

5- اذا عندعا مرضيات وايد خل تدخلهم بنفس الكتاب مال المجلس اللي فيه التحويل علشان لا يدخلونها لجنتين

و الله يعينها و يساعدها

حبيبتي اول شي تخلي الدكتور يسويلها تقارير بحالتها وتحاليل وعقب تسوي نسخ منهم و تاخذهم دوامها وتسوي كتاب بانها تحتاج المجلس الطبي وعلى حسب كل جهة وصيغتها بالكتاب وبعدين عقب مايخلص الكتاب اجراءاته والتواقيع من المسؤولين والسجل العام بداومها تروح فيهم مستشفى الولادة الي تابعة منطقتها مثلا لوهيتابعة العاصمة تروح ادارة مستشفى الولادة( مركز الوراثة)في مبنى يديد ويعطونها تااااريخ بموعد تحضرفيه اللجنة وتتكون من اطباء يسالون فيه عن سبب حالتها وطلبها للمجلس وتاخذ تقارير احسن او اي اثباتات بحالتها ويعطونها موافقةوكل شهرين موعد بس نصيحتي اذا تقدر اداوم الحين خليها اداوم لي موعد اللجنة الاولى لان حرام موعدهم شوية بعيد وراح تاخذ طبيات وااااااايد ويخصمون عليها الا اذا عندكم واسطة.وشكرا انا الحين بمجلس طبي واي استفسار انا حاضرة.

الله يوفق يارب

اهم شي ان يكون التقرير من مستشفى حكومي مو خاص

لانهم مو دايما يعترفون بالخاص

عالله

السلام عليكم بغبت أسأل إشلون أقدر آخذ تقاعد طبي وأشلون أيحسبون نسبة المعاش

اب لعيوونننج

للرفع

رفـــع موضوع حلو

مايعطونج التقاعد الا لما تكونين مريضة وتقارير ولجان

أنا فعلا مريضة بمرض مزمن ومالة علاج بس أبي أسأل شنو قصدك بقارير طبية أبي شرح مفصل وللي يعافيك

بنات انا بعد ابي اسأل اشلون آخذ تقاعد طبي .

اللي تعرف لا تبخل ………..موضوع مهم
سبحان الله وبحمده سبحان الله العظيم

الي اعرفه ان الخصم يكون على نسبة المرض

يعني اللجنه تحدد ,, وكل مرض له نسبة عجز

يعني مثلا في ناس يعطونهم نسبة ينخصم من معاشهم نسبة 25% يعني الربع وفي ناس العشر وفي ناس …..

وفي ناس ما ينخصم منهم شي والماش ينزل كااامل يعتمد على تحديد الفحوصات

وان شالله الي يعرفون يفيدونا اكثر

السلااااااام

اول شي تاخذين كتاب من دوامج عشان يحولونج مجلس طبي وعقب تاخذين كل تقاريرج الطبية مع كتاب الدوام تقدمينه بالمجلس الطبي اللي بمستشفى الصباح وهناك راح يحولونج حق المستشفى اللي فيها ملفج واللي تتعالجين فيها ويطلبون تحديد موعد لجنه طبيه ولما ييي الموعد ويعاينون حالتج ويشوفون اوراقج عقب تطلع النتيحه عقب اسبوعين تقريبا .. عقب راح يبلغونج اذا تستحقين تقاعد طبي وبالنسبه اللي يحددونها حقج ,, وطبعا 50% كنسبة عجز وفوق ما ينخصم من الراتب وايد مبلغ قليل.
وما تشوفين شر انشالله

ماتشوفين شر
اب لعيوونج

hffffffffffffffff

يعطيكم العافية وماقصرتوا

يعطيج العافية على هذه المعلومة
انا حاطة البالى أول شىء أروح حق التأمينات وأسأل عن التقاعد الطبى
لكن جزاج الله خير وفرتى على الطريق

مرحباا

شلونكم

بنات باجر فحصي الدم والاشعه بغيت اسال الدم لازم اكون صايمة؟؟ وشكثر اصوم جم ساعه ..؟؟ هذي قالوا سويهم بالمستشفى التابعه لها بعدين ارد لهم شنو الفحوصات اللي راح اسويها عندهم … ؟؟

وشكثر طول النتيجة لكل الفحوصات … ؟؟؟

رفع لعيونج

هلا حبيبتي
انا لما سويت تحليل الدم ما قالولي صومي بس انا احتياطا رحت صايمة
واذا بعدج ما سويتي التحليل صومي احسن خوفج يطلعون فيج الف عذروب خو اهما تخصص حق اذا في اغلاط
وتحليل الدم تسوينه بالمجلس الطبي مو بالمستشفى التابعة لها

الي تسوينه بالمستشفى التابع حق منطقتج اهو: تحليل البول + اشعة صدر
اما بالمجلس الطبي تسوين: تحليل الدم + فحص سريري ( يعني فحص نظر + يفحصون صدرج وبس )

وعقب ما تسوين تحليل البول واشعة الصدر تاخذين النتايج بنفس اليوم واذا تأخروا اليوم الي بعده تاخذين النتايج
بعدها تروحين المجلس الطبي وتعطينهم نتيجة اشعة الصدر وتحليل البول بعدها تعطيج ورقة تسوين تحليل دم وفحص سريري بنفس المبنى وعقب ماتخلصينهم تقولج تعالي بعد اسبوع استلمي النتيجة

هلا حبيبتي
انا لما سويت تحليل الدم ما قالولي صومي بس انا احتياطا رحت صايمة
واذا بعدج ما سويتي التحليل صومي احسن خوفج يطلعون فيج الف عذروب خو اهما تخصص حق اذا في اغلاط
وتحليل الدم تسوينه بالمجلس الطبي مو بالمستشفى التابعة لها

الي تسوينه بالمستشفى التابع حق منطقتج اهو: تحليل البول + اشعة صدر
اما بالمجلس الطبي تسوين: تحليل الدم + فحص سريري ( يعني فحص نظر + يفحصون صدرج وبس )

وعقب ما تسوين تحليل البول واشعة الصدر تاخذين النتايج بنفس اليوم واذا تأخروا اليوم الي بعده تاخذين النتايج
بعدها تروحين المجلس الطبي وتعطينهم نتيجة اشعة الصدر وتحليل البول بعدها تعطيج ورقة تسوين تحليل دم وفحص سريري بنفس المبنى وعقب ماتخلصينهم تقولج تعالي بعد اسبوع استلمي النتيجة

خوش سؤال

انزين اول شي اول مااروح لهم .. سيده يسون لي تحاليل ولا اخد موعد ؟ لان انا للحين مارحت سويت كنت مسافره بس عندي ورقه الفحص ؟

انزين بنات انا طلع اسمي بوزراة التربية ورحت عندهم وعبيت البيانات وبعدها قالوا راح نتصل عليج بس ما قالوا سوي فحص طبي شسوي سوري طلعت عن موضوعج بليز ترا ما اعرف شي

تمنيتك: انا الي اعرفه ان في فترة معينة ان ماسويتي فيها التحليل يلغونه خاصة ان عندج ورقة ف اكيد لاغينج الحين بس راجعيهم وتأكدي
لأن اذكر وحدة قالت ماتبي تسوي التحليل وبتأجله قالولها عندي بس اسبوع وان ما راح ما عيونها الا على الكورس اليديد

ميمي:الفحص الطبي تو الناس دام توهم اتصلوا عليج يعني يبيلج تقريبا شهر على ما توصلين للفحص الطبي

انا مو تربيه @@ انا الداخليه ولا نفس الشي ؟

ووي عاد اخوي كان يقولي روحي اليوم وانا اقوله مالي خلق بس رحت طلعت ورقتي مالت ادله الجنائيه .. خلاص باجر بروح وواشوفهم ؟ مشكله امس راده من سفر يعني موقاعده جدي ادلع لوول :/

ماقالوا فحص دم ولا لا قالوا روحي سوي هالتحاليل والاشعة بالمستشفى اللي تابعه لها وبعدين ردي بالنتيجة بس اخوي قالي دم وصومي

متأكدة ان مو دم ..؟؟ اخاف اصوم وما يسوون لي

والله ماعندي فكره

لكن منال القلب ماقصررررررررررررررت

شوفي يا الغلا

فحص اشعة الصدر تسوينه بمستشفى التابع لج

وفحص الدم والبول تكرمين تسوينه بالمركز الطبي

وموفقه يارب

انا باجر اخذ ورقة الفحص

من الوزاره ادعيلي

جذابة موفقة ان شاء الله يارب

قالت لي واحد اشعة وواحد فحص بس انا مادري دم ولا البول (تكرمون)

بما انج رايحة باجر ماعليج امر ساليهم اللي بالمستشفى التابعه له فحص شنو عشان اعرف اصوم ولا لا ..؟؟

لاني رايحة الاربعا ان شاء الله

ابشري ياقلبي شوي اروح واقولج

حبوبه انا رحت اليوم

تحليل دم و …. تكرمين .. وانا رحت لهم وانا موماكله شي بس ماسألوني
وفحص نظر بس

واالاشعه صدر بس

انا سويت اليوم وخلصت الحمدالله

بنات أنا قدمت على مجلس طبي بالصباح و سولي لحنه و ما وافقو يعطوني شي
الحين الي أخذ موعد ثاني شلون ألطريقه لإرم أبيب كتاب من دوامي مره ثانيه و لا شلوون الطريقه بليز فيدوني لاني جد تعبانه من الدوام

مادري حبيبتي سأليهم قولي يصير اسوي اعاده لجنه ؟
والحين مو بالساهل يعطون مجلس طبي :/

انتي مثلي

وانا رحت مركز غنيمه مره ثانيه وقدمت على مجلس طبي ودفعت الرسوم دينار

بعده قالولي بندق عليج تردين تاخذين تقريرج من دكتورتج بالصباح

وللحين مادقوا

اذا خلص راح اخذ التقرير واسوي طلب من مكان عملي

وواقدم مره ثانيه

لان هالمره ابي اعتمد طبياتي

حسبي الله عليهم ليش ماوافقوا !

اكيد حمل يتعب ويبونا نداوم حرام عليهم !

انتي تبع اي وزارة
واي مستشفى كتبتي تقرير من دكتورج ؟

مادري ليـش مايعطون الي محتاجين للمجلس

حسبي اللـه ونعم الوكيل

لازم تسوين اعادة محلس وتاهذين اوراق من دوامج مره ثانيه انتي زين ماعطوج مجلس انا كنت باخر الثامن واكتفوا بتنويمي بالمستشفى لغاية الولادة ولا بطبية مو مجلس

الله يسهل عليج

انا اشتغل بهيئة صايرين وايد صعبين
أبي اقدم عليهم مره ثانيه شلون الطريقه لازم أبيب كتاب من دوامي مره ثانيه ولا اقدر أخذ موعد عن طريقهم بدون كتاب
بليز فيدوووني 😭

لازم واسطه والا ما يمشي شغلج

الله يسهل عليج

هذا اسمه مجلس العله .. في دكاتره يا شينهم مايقدرون

والحين صارو يخصمون من الراتب دايركت لان اعتماد الطبيات غير والمجلس غير

السلام عليكم

والله متعشمه واااايد في بنااات المنتدى انه ماراح يقصرون معااااي

انا حامل و تعبااانه واااايد ولي الحين النسااات ماخفت اخذت مرضياات في بدايه النساات وبعدها اخذت رصيد اجازتي

كله وبقى بس اسبوع ولي الحين النسااات ماخفت شنو اسوي وشنو الحل؟؟

اذا اخذت بعد مرضيات راح اعدي 15 يوم و ماادري شنو عواقبه بس الي اعرفه

انه مايصير اعديهم ،، عفيااا كل وحده قدمت عالمجلس الطبي تقولي اشلون

انا موظفه مو مدرسه كل المواضيع عن المدرساات ماكو موظفات خذوا مجلس طبي؟؟

تقدمين طلب من دوامج تحويل مجلس طبي

وسوي تقريرج عند دكتورتج
عن حالتج

وبعدها اخذيهم وروحي مجلس طبي بالصباح
يعتمدونها ويحولنج ع اقرب مستشفي لج
وبعدها يعطونج موعد مستشفاج
وتروحين
بس انصح عند موعد اللجنه عندج واسطه
واذا حالتج قوويه
انشالله ماتحتاجين واسطه

وسلامتج

وعليكم السلام..
اختي اذا ما فيج شي وبس نسات ما يوافقون المجلس الطبي لازم فيج شي مثل سكر او شي بالمشيمة او اي مرض يكون خطر على حملج ..
بس عادي انج تعدين ال 15 يوم بالمرضيات .. الي راح يصير انهم يحسبون لج 15 يوم براتب كامل و15 يوم نص راتب 15 يوم بربع راتب و15 يوم من غير راتب

وبعدين دام انج حامل الدوام يتساهل معاج لا تحاتين لانه وضع مؤقت.. واذا حولوج على المجلس الطبي راح يوافقون على المرضيات اذا كانت متفرقة ما تكون شهر متواصل

اول شي لاااااازم يكون عندج مرضيه اسبوعين او اكثر من مستشفى بورقه وحده يعني كاتبين لج راحه لمدة اسبوعين مو مرضيات مفرقين
تروحين دوامج وتقدمينهم (المرضيات) مع تقرير عن حالتج من المستشفى ونموذج تحويل مجلس طبي من الدوام وتقولينلهم ابي ورقة اعتماد توصيات مرضيه عشان اتحول مجلس طبي .. طبعا راح تحوس بدوامج من رئيسج لي المدير لي الاجازات والدوام لي لي لي (علوووووني ) اخر شي تودينها المجلس الطبي وتسوين الاجراءات بعدها تروحين تاخذينلج موعد عشان تدخلين عاللجنه
انا ماكنت ادري عن المرضيات ان لازم اقدمهم وماكنت ادري انه في ورقه اسمها اعتماد طبيات فعطوني اللجنه من تاريخ اللجنه وقالولي لازم تسوين هاللويه كلها عشان نعتمد مرضياتج اللي طافت تعييزت صراحه وقلت ماتسوى قدمت مرضياتي للدوام قلت طاف خل يحسبونهم مرضيات
اتمنى اني فدتج واي سؤال انا حاضره

هذا رد كتبته حق وحده سألت عن المجلس الطبي قبل
اتمنى يفيدج

ومادري اذا عادي يعطونج حق النساة او لأ بس ليش ماتاخذين مرضيات من المستشفى خل دكتورج يكتبلج اسبوعين
مايحسبونهم من ضمن ال 15

مشكورين خوااااتي ماقصرتو

بس شنو اسوي تتوقعون حق النساات مايعطوني ؟؟
اشلون اداوم؟ يعني اداوم وارجع جدام الموظفين؟

انزين اشلون اعرف منو اكو بالمجلس الطبي علشان اخلي ابوي و زوجي يشوف لي احد يعرفونه

انا اراجع عند الدكتوره فوزيه وكل مرضياتي مجزأه تقول مايصير متواصل
يعني الاحد ، الاثنين ، الثلاثه في مرضيه و الاربعاء ، والخميس في مرضيه

شنو الحل؟؟

ليمونه

انتي اخذتي مرضيااات اكثر من ١٥ ؟؟؟؟

حبيبتي انا مثلج

كنت تعبانه ونسات

ماغبت ١٥ يوم لا ماسويت كل هذا

قدمت طلب مجلس طبي من ادارتي

بعدين عطوني ورقه رسميه للمجلس الطبي

وديتها الصباح

وديت تقرير طبي من دكتورتي ضرورري ( خل تكتب كل شي مريت فيه اذا فقر دم ضغط نازل ، حملتي بعلاج ، تعرضتي حق اي عمليه خل تكتب كل شي عن حالتج ، اذا بجر خل تكتب فيرست بيبي ، واذا ثاني بيبي بس الاول تعسرت ولادتج خل تكتب … المهم تكتب كل كل كل شي)

عطوني موعد

ورحت الموعد ودشيت اللجنه يسالوني واجاوب

سهااااالات الحمد الله

وعقب قالوا دقوا علينا نعطيكم نتيجة القرار

بس محد راح يرد عليج خخخخ

المهم رحت عقب اسبوع

والحمد الله عطوني الموافقه

وديتها دوامي

بس نصييييحه خل يكتبون لج بالموافقه ابمادة الثالثه

يعني ماينخصم منج شي ويردون اي شي انخصم منج قبل

لكن

اذا ماده ثاانيه مايردون لج مستحقاتج

نصيحه

اذا اخذتي موافقة مجلس طبي شفتي المادة الثالثه الحمد الله

اذا شفتي الماده الثانيه لاتسكتين

دشي عل دكتوره كلميها بكل احترام هههه انها تغير لج اياه وتحط ماده ثالثه

وروحي عند سكرتاريه قوليلها ببكل احترام تغيرها

اهناك مزززاجين كلميهم باحترااام اللي مايعجبهم مايلقونه ويه

فخلج هاديه

وبالتوفيق ياااارب

ليمونه

انتي اخذتي مرضيااات اكثر من 15 ؟؟؟؟

ايس مون

اشلون ماغبتي كنتي تداومين وانتي تعبانه ؟؟

حبيبتي مو شرط متواصل

انا ماوديت ولا مرضيه

في طريقتين للمحلس الطبي

١ تغيبين ١٥ يوم ودوامج يحولج مجلس طبي

٢ انتي تقدمين عل مجلس طبي ومايحتاج تنطرين ١٥ يوم وتغيبين

انا سويت طريقه الثانيه

لانها من صالحي انا اللي اطلبه مو دوام يحولني

وعلشان ليش انطر واغيب ١٥ يوم ليش هاللويه

ما نطر من احد انا اروح بنفسي واقدم عل مجلس

وكان الله غفور رحيم

بس نصييييحه

والله انا لما دشيت اللجنه كنت متنحه وناقلت كل اللي فيني كنت تعبانه ودايخه

بس داخل قلبي واااثقه من الله سبحانه اهو عالم بحالي

ولا سويت لا واسطه ولابطيخ

توكلت على رب العالمين

وكتت ادعي بصلاااتي الله يسهل اموري بالمجلس الطبي ادعي من كل قلبي

سبحان الله استجاب دعائي

( اهم شي وكلي امرج لرب العالمين ، اخذي تقرير من دكتورتج وخل تكتب كل شي وقدميه ادارتج يعطونج ورقه رسميه للمجلس الطبي تودينها الصباح)

وبس نفس الكلام اللي قلته لج فوق)

وبالتوفيق

لا قدمت اجازه خاصه اسبوعين

ورفيجتي تغيب جم يوم واداوم يوم

غيبي بس لاتنطرين ١٥ يوم

انتي اخذي تقرير دكتورتج وديه دوامج

لانه الصباح يطول يعطونج موعد عقب شهر

طبعا خلال هالفتره

بتغيبين بس اخذي مرضيات

الله يسهل

المفروض من اول مابدت نساتي ارووح ماانطر

بس الحين انا توهقت

الله يوفقج شوفي الاحسن لج وسويه

انا قدمت اجازه اسبوعين من غير راتب

وخلصت اموري

الحمد الله

الله يتمم على خير

الله يسهل ان شااااااءالله

صبااح مسااء الخير

بناات بعد ماااستلم نتيجة الفحص الطبي وارووح المنطقة التعليميه شنو يصير

وفي مقاابلة ومع منو وشنو الاسئلة وشنو يصير….

السلام عليكم

اشلونكم ابلاتي حبيباتي

اليوم كما عودتكم

بعلمكم شى جديد ومفيد

وهو ما يسمى

بالصلصال الطبي

للاطفال

بدل الصلصال الكيميائي

وطبعا

بالامكان الاستفادة منه

في ركن الفنية باضافة الوان الطعام وعمل نشاط لاصفي ابداعي بالصلصال تري وايد يحبونه الاطفال

او في ركن المطبخ يعنى سويها وانسيها اسبوعين ما تخترب

لراحتكم يا ابلاتي فديتكم

او نشاط لاصفي مطبخ طرق الفرد والعجن والتقطيع يصير وااااااااو وتطلعين بفنتك جدام مشرفتك

والله يوفقكم

هيا بنا للعمل

*****

الصاصال الطبي

المقادير
كوب طحين2
ملعقة زيت2
ملعقة اكل بكنج باودر
كوب ملح 1
كوب ماء2
ألوان طعام

الطريقة
تخلط جميع المقادير مع بعض وتطهى على النار

الى ان تصبح عجينة ناعمة ملساء

ثم نتركها الى ان تبرد ومن ثم نحفظها

في كيس نايلون داخل وعاء محكم الغلق

بالتوفيق ان شاء الله جزاك الله الف خير

يعطيج العاااااااااااااااااافية يا أم الفناتق
بصراحة كنت اسمع بالعجينة بركن الفنية بس
بس عجبتني فكرة استخدامها بالاصفي شكلي بسويها

تشكراااااااااااااااااااااااااااات

مشكوره

سارونه

حياك الله يا حياتى

مخروشه

العفو

نيرو

شكرا يا عسل

مشكورة و ما قصرتي

مشكووره ويعطيج العافيه

حياك الله سوسو حبيبتى

سبحان الله وبحمدة سبحان ربي العظيم

جزاك الله خير

حياج الله شموسة

الله يعطيك العافيه ما قصرتى

حياج الله الخلوقة

مشكورة