الخضار المشكلة ، شلون تسوونها ؟

قوة بنات
شلونكم ؟؟

انا متبعة ريجيم وفيه لازم اكل خضار مشكلة ، شلون تسوونها للرجيم ؟
مع العلم انا ما عندي Steamer

إلي اعرفه
تحطين الخضار إلي تحبينهم
مثلا : ( جزر و بروكلي و فلفل أخضر و أحمر)
المهم تقطعينهم و تحطينهم بالفرن شويه
انا عندي الخضار وايد أحلى من السلطه

انا كنت اتبع رجيم دشتي واسويلي خضار مشكله

اول شي اسلقهم بالماي لانهم مثلجييين

عقب احمسهم مع ملعقه صغيره زبده لوفات وبس ملح وفلفل وكنت اضيف عليه بروكلي بعد ومشروم

عندي طريقتين

1- الخضار مثل : كوسا – جزر – زهر – بروكلي – بطاطا – ثوم – بصل
تحطينهم بمشخال فوق ماي يغلي وراح يستوون على البخار
وحزة الاكل حطي شوية ملح وفلفل وليمون

2- تقطعين الكوسا واليزر وباجي الخضار وتحطينهم بجدر فيه مكعب ماجي خضار او دياي ليم
يستوي وتاكلينه وطعمها لذيذ

طبعا هالطبختين تنطبق على الخضار الطازجه لأني ما جربت اسوي المثلجه

واتمنى اني فدتج

نفس خاشوقة

عندي طريقه حق الخضار
المكونات: بصل ابيض مقصص طوال .فاصولياء خضراء مجمده. مشروم مقطع.كوسا مقصصه طوال.
الطريقه تخلطينهم معه بعض وتحطين ملح وفلفل اسود معه شوية زيت زيتون معه صويا صوص كيكومان
وتشوينهم بالشوايه اللي عالكهربه واذا تبين بعدين تحطين جبن موزاريلا
الشوايه انا شريتها من سيتي سنتر وايد عجيبه اب 10 دنانير وربع وفيها غطا زجاج ليمن يستوي الخضار حطي الجبن وسكري الغطا وشوفي الطعم

انا في البدايات كنت اشتري الجياس اللي تثلجينهم وكنت اسلقهم , والطعم الله يزيد النعمه كلش مو مقبول ..

بعدها حولت على المعلبات , تعرفينهم معلبات الخضار ؟؟
صرت اسخنهم وبس , والطعم شوي احلى ..