الوسم: المشكلة

السلام عليكم حبايبي
ابي اصغر صدري واشده لان وايد مسبب لي ازمة ماقدر البس كلشي
وابي اضعف جربت كل انواع الرجيم بس ماضعفت

حبيبتي في حركات رياضيه اهي اللي تصغر هالمنطقه واهو الحل الوحيد مع الاعشاب راح تفيدج اذا انتي مو سمينه بالمناطق الثانيه فالحل انج تسوين رياضه خاصه بالصدر واذا حابه تعرفينها اكثر روحي لنادي رياضي لمده شهر وحصص ايروبكس راح تفيدج وااااااااااااايد وراح تدعين لي

للرفع

مرحبا بنات اشلونكم

عندي مشكلة واايد محيرتني و حالتي النفسية تعبت معاها ((حماتي)) المشكلة اني احبها وايد و نفس اختي الكبيرة بس واايد مضايقتني ماعندها شغل الا ريلي صبح عصر ليل مليت 24 داقة عليه و حتي بالسفر ماخلتنا نغير جو بعد مسجات و تلفونات ادري اخوها الوحيد بس هم عنده الحين بيت و مره و يهال عنده مسؤوليات وكل مادقت عليه تبي تطلع و اهيا 24 ساعة اهياته ابتلشت فيها صراحه الواحد يجامل مره مرتين بس مو اكثر شسوى فاعدة اكش منها والله

الله يهديها ان شاءالله ويصدها عنكم
بس شتقولين مهما كان هذي اخته
والله يعينج
يمكن تغار
اهي مو متزوجه …؟؟ والا شسالفتها ؟؟؟

والله اخت زوجج الزم عليه منج خصوصا اذا اهي مو متزوجه يعني اذا انتي توج زوجته من جم سنه اهي اخته من طلع على الدنيا لازم تقدرين العلاقه الي بينها وبين اخوها ولا تحاولين تضايقينه اهم شي يقوم بحقوقج واهوه ويا اخته كيفهم علشان ربي يسخرلج اخوج ……. ما ادري يمكن جوابي يضايقج شوي بس انا من واجبي اذا دشيت انصج ما اجاملج

عادي تحملي لان اذا كلمتيها بتطلعين بالشينه وراح يحز بخاطرها صبري ان الله مع الصابرين
زوجج شنو ردة فعله ؟؟ ناقشتيه بالموضوع؟؟

من حقج تتضايفين انا لو بدالج جان طفشت
انزين حزت اللي تدق وانتي مع ريلج قوليله انا محتاجتك الحين وانا لي حق عليك خل شغلها عقب ما احنا نخلص شغلنا
مثلما اهي اخته ولها حق عليه انتي بعد مرته ولج حق عليه خليخلص منج بعدين يشوف اهي شتبي
واذا مسافرين خل يسكر جهازه وايد احسن

لا مو متزوجة بس انا شنو ذنبي اوكي حتي انا عندي خوات و خوان و متعلقين فيني حيل بس يقدرون تزوجت و عندي ريل ما يحاولون يضايقونه باتصالاتهم فيني و مو بكل وقت هذا واهيا بدش 30 سنة و انا اكبر خواتي 22؟؟

شنو يعني الزم عليه منج!!!
يعني ملزوم باخته اكثر من زوجته
لا غلطانه حبيبتي
اخته الملزومين فيها امها وابوها
واخوها تزوج ماتقعد تغثه كل شوي
اذا حته بالسفرات كل شوي تدق وتطرش مسجات
حشى هاذي شريجه مو اخت

الله يعينج عليها اذا شفتيها تبي شي ضروري خليه يوديها
اما اذا شفتيها مصختها بالطلبات
كلميه وبالسفر ماله داعي ياخذ الجهاز معاه

محد مرتاح

الله يعينج حبيبتي

بس انتي حاولي اتفاتحينه بالموضوع بس باسلوب حلو وبدون هواش عشان يعرف يتصرف بدون مايحرج احد منكم

وان شاء الله تتزوج عشان تنشغل مع ريلها

شوفي حبيبتي يمكن اهي نوعها اتغار خاصة انها كبيرة ومومتزوجة بس انتي طلعي بالزينة اذا سافرتوا سكرو الجهاز و اذا ما رضا حولوه مغلق قوليله علشان مو كل من يدق عليك ومكالماتك ترتفع
و اهنيه سوي روحج مو هامج صدقيني بتحرج واذا لقتج عادي مردها راح اتمل وصيري انتي الطيبة الحبيبة و شوي شوي خليج مع زوجج بس ديري بالج تشتكين راح تطلعين بالشينة ومهما كان هذي اختة وفي ناس سبحان الله ما يقدرون يبون كلشي حقهم

الله يعينج

حبيبتي بالعطس لو انا منج استانس بدام انه حماتي تحب اخوها فأكيد نحبني صحيح ممكن تكون لاغت في هذا الحب بس بنفس الوقت هذا مو مدعات انج تضايقين حمدي ربج مشكلتج بسيطه في حموات على خسب الي اقراه و اشوفه بلووووووه

الله كريم ان شاء الله

مهما كان هذي اخته ويمكن علاقتهم قويه مع بعض من قبل مايتزوجج علشان جذي اهي حاسه بفراغ عقب ماتزوج انا انصحج تقوين علاقتج معاها وتحبينها مثل اختج وهالشي صدقيني راح يقرب ريلج اكثر لما يشوفج تحبين اهله وما تتأففين منهم لانه اذا شافج تشتكين من كثرة اتصالات اخته راح يحط في باله انج تبعدينه عنهم وانج تغارين منهم وغيره وغيره وخصوصا انه وحيدهم يعني يعزونه ويعزهم وبكل صراحه الاهل علاقتهم مع بعض اهم من المرا لان المرا بدالها مرا بس الاهل مايتبدلون بغيرهم

اقولج عن شي خاص فيني وشايفته بعيني انا علاقتي بأخوي الكبير واااايد قويه من بد كل خواتي سواء قبل ما اتزوج وحتى من بعد ماتزوجت وعلى فكره اهو اكبر مني وايد واكو فرق بيناتنا بالعمر لكن يرتاح يسولفلي عن كل شي بحياته وكل اسراره ودايما احسه محتاج يسولف معاي ويفضفضلي حتى ايام ماكان متزوج هم علاقة اخوي فيني جذي وطلق من جم سنه والحين خاطب عسى الله يوفقه وهم علاقتنا قويه عسى الله لايفرقنا وعلى فكره زوجته اللي قبل كانت تحترم علاقتنا وهي خوش مره يارب يوفقها وولا مره حسستنا انها تغار منا احنا خواته او مني شخصيا لانها عارفه ان اهو يرتاح لي وايد فكانت بالعكس تتقرب لنا وكنا نحبها وايد وهالشي يخليها غاليه علينا لانها مافكرت تبعدنا عن بعض واساسا اخوي طبعه حاد يعني لو بس تقوله نفس الكلام اللي كتبتيه او تحسسه بهالشي راح يكرهها ويوقفها عند حدها وطبعا عاد علاقتنا باخوي مو لزقه وطول الوقت لالالا لكن في اوقات ممكن انه يناديني ونقعد مع بعض بالساعات نسولف انا وياه ويقول كل اللي بقلبه
وحتى خطيبته الحاليه اكسبتنا بسبب حبها لنا وانها دايما تذكرنا بالخيرؤ وحتى لو احننا ما اتصلنا اهي تتصل وتقولنا اشدعوه ماجنا عندكم خطيبة اخو وحتى لما تتصل مثلا وتشوفني قاعده معاه نسولف مسكينه تسكر الخط وتقوله اخذو راحتكم مع بعض واتصل اذا خلصتو ولا حتى تسأله اشكنا نسولف لانها تحترم هالعلاقه الاخويه اللي بينا

طبعا سامحيني قرقت عليج وايد بس والله اني بس بوصلج اشلون الريال يحترم مرته اذا حبت اهله يا حبيبتي اهله بالذات خليه يتقرب منهم ولاتعدينه عنهم علشان تكبرين بعينه وعينهم وتكونين انتي السنعه

لاتفرقين اخت عن اخوها خافي من ربج

يعطيج العافيه

يزاك الله خير ووالله كلامك صحيح كل هالصبغات الي بالاكل تاثر فعليا على الصغار قبل الكبار

هاي حبيباتي ،،،
هذي أول مشاركة لي بهالقسم عسى الله يرزقنا أجمعين بالذرية الصالحة حبيت أستفسر للي عندها مثل مشكلتي آنا قبل سنتين حملت بعلاج ولله الحمد بس كانت المشكلة عند زوجي كان حركة ( السائل المنوي عنده بطيئة فقط ) خذا علاج مدة شهرين فيتامينات وامتناعه عن التدخين وحملت ولله الحمد وصارلي تقريبا سنة أحاول والله ما كتب عمل زوجي تحليل السائل طلعت النتيجة جدا سيئةوما تبشر وكرر التحليل بسبب شكنا بالنتيجة ما فرقت وطلب دكتور أن يسوي سونار الدوالي وطلع من الدرجة الثالثة واستعجله بالعملية ( وقال ان الدوالي اهي إلي مأثرة بالحركة والعدد والشكل ) والحمد الله سواها بس لازم ياخذ وقت عشان يتحسن ومنعه من أخذ أي أدوية مدة شهر وراجعت عند دكتور ثاني عشان أتأكد قالي أن الدوالي ما كانت سبب وليست هي المشكلة فتحبطت ! وقال لازم ياخذ علاج مدة ثلاث أشهر وعقب يسوي التحليل ،،، يالي إللي عندها خبرة تفيدي

السلام عليكم ،

اذا الدوالي كانت السبب في قلة العدد والحركة ما راح تزيد النسبة الا عقب 3 اشهر من عقب العملية

sweet-rose مشكورة على المرور

بقيت أسأل خلال الثلاثة أشهر هل تم أخذ أدوية ؟ وهل تم الحمل ؟

التعريف بأساس المشكلة أولاً /

منذ فترة قصيرة، حوالي 3 أشهر نشرت جريدة دانمركية ذائعة الصيت، وذات مصداقية كبيرة لدى الشعب الدانمركي، مسابقة لرسم أحسن كاريكاتير، للرسول محمد عليه الصلاة والسلام، وبالفعل أرسل القراء أكثر من مائة صورة…

وتم نشر حوالي 12 كاريكاتير، تصور رسول الله، وهو يلبس عمامة مليئة بالقنابل والصواريخ، وتصوره وهو يصلى في أوضاع مهينه للغاية، ولقد تم نشر هذه الصور علنا ,وعلى مدار عدة أسابيع، وبمعرفة وموافقة، بل وتأييد من الحكومة، وتفاعل الرأي العام الدانمركي معها، ولقد حاولت الجالية الإسلامية هناك، الدفاع
عن الإسلام ومقدساته، وذلك بوقف نشر هذه الصور، كما رفض رئيس التحرير مجرد مقابلتهم، وتضامنت كل الهيئات الحكومية مع الجريدة، ورفضت كل محاولات الجالية الإسلامية…

فقاموا بعمل بعثة إسلامية للقيام بجولة في العالم العربي للتضامن معهم عن طريق فرض حصار اقتصادي، بمقاطعة كل المنتجات الدانمركية ومنع استيرادها ، وكل ما نرجوه من كل من يقرأ هذه الرسالة، أن يقاطع كل المنتجات الدانمركية ..

ولا تنسوا أنكم سوف تلقون رسول الله يوم القيامة على نهر
الكوثر فماذا ستقولون له وقد علمتم ما علمتم ؟ أرجوكم يا شباب لا تجعلوا الأمر يمر عليكم مرور الكرام، وتخيلوا لو أن أحدهم سب أمك أو أختك فماذا سيكون رد فعلك؟ وهل أهلك وذويك، أحب إليك من رسول الله………………..

حسبي الله عليهم

الله ينتقم منهمممممممممممممممممممممم

حسبي الله عليهم مالت عليهم وعلى مسابقاتهم علشان تعرفون بس الاجانب قلوبهم نيييسه

انتو تلومون الأجانب ليش…….كاهو سلمان رشدي الله يلعنه قبل جم سنه مو الف كتاب يسب فيه الرسول والإسلام ويشكك في القرآن اسمه ( آيات شيطانيه )…..قامت عليه الدنيا وقعدت……..وحكمو عليه حكم المرتد……..لكنه انحاش مثل الفار في جحر…..ولمن الحين يسرح ويمرح……..وهذا بعد مسلم يعني وغيره واايد…….وكتاب ( د. نصر ابو زيد ) ينتقد فيه الإسلام…..( عشتو اتفلسف عليكم )…….ولأنهم يخافون من انتشار الإسلام علشان جذي يستفزونا……..والله محد قايم حظه الا اليهود الله يلعنهم اللي من احد يتحجى عنهم او عن محرقتهم…..الا شالو الدنيا وما قعدوها لمن يعتذرون لهم…….ويسبون لهم الف حساب لأن عندهم لوبي قوي…….وصدقوني لوبي المسلمين ترى اكثر منهم……..بس للأسف ما عندنا ارادة قوية ولا احنا على قلب وااحد……..ولا جان صدقوني ولا احد يتجرأ علينا او على ديننا الحنيف……..

ادري شلّختكم بس محترة……..واللي عندها تصحيح حق معلوماتي تتفضل…….الله كريم

يلا بااااااااااااااي

ربما كانت هذه الأحداث درسا لنا في التكاتف نحن المسلمون
ودرس لهم لعدم معاودة او محاولة معاودة ذلك مستقبلا وان يكون لنا القدر العظيم لديهم رغما عن انوفهم

هاي بنات شلونكم

انا خذيت مادة مدخل علم نفس و بعض مواد علم النفس هذي السنه بس عندي مشكلة لمن ابي اسجل بعض المواد من مواد علم نفس ما اقدر و يطلعلي لا توجد شروط مستوفة و انا ناوية اتخصص هالكورس علم نفس يعني شسوي شلون اسجل ؟؟؟ ساعدوني وعلموني شسوي بلييز

اتوقع لازم تتخصصين أول بعدين تسجلين

مادري احس هذي المشكلة : !!

ما أقدر أفيدج روحي للتوجيه والارشاد واسأليهم والله يعينج عالنفسيات

عالعموم ألحين السستم معلق ولا غير مستوفي الشروط
ضغطي على غير مستوفي الشروط وشوفي شالسبب

موفقه

مشكورين عالردود و إن شاء الله ألقى حل للمشكلة

لازم تتخصصين بأسرع وقت
لأن ماتقدرين تاخذين حاليا إلا مواد مستوى200
اللي اهي: فسيولوجي ودوافع وانفعالات ونمو1 وتعلم(اختيارية) وبيولوجي(اختيارية واتوقع مسبقها فسيولوجي)
وضغوط(اختيارية) واجتماعي
ومناهج بحث وتجريبي(اثنيناتهم مسبقهم إحصاء)
واذا ماخذيتي إحصاء لازم تاخذينه لأن مسبق 5مواد تقريبا بعلم النفس
وهم إنجلش141و142 مسبق مادة نصوص نفسية

وبالتوفيق حبيبتي،،

مشكوورة عالرد حبيبتي شواقه ما تقصرين

قوة بنات
احنا اذا طنقرنا ومدينا البوز على موضوع مع ازواجنا
بحزتها او عقب فترة قصيرة نتحلطم ونتكلم ونبجي يمكن ونفضفض ونطلع اللي بقلبنا

بس الزوج بوايد احيان نشوفه فيه شي
شنو اهو ؟؟ ما ندري
بس اكيد انه متضايق
فيه شي مكدرة وشاغل باله وهالشي واضح من ويهه وحركاته

بس مهما الزوج حب زوجته يمكن ما يقولها اللي فيه ،، مو كره فيها ولا عدم ثقة او انه ما يرتاح لها
بس يمكن لأن الزوج او الريال عموما كتوم وما يحب يبين ضعفه بالشكوى او ان البعض من الرياييل يظن ان الشكوى ضعف ومن صفات الحريم فيفضل انه يحل اموره بينه وبين روحه وبسكات

بنات
لما تشوفون ازواجكم فيهم شي
بس ازواجكم كتومين ( مثل الحلو الشاب اللطيف اللي عندي )
ابهالحالة شلون تعرفون شنو اللي مضايق ازواجكم ؟؟
وشلون اللي غيرت زوجها وخلته من انسان كتوم الي انسان قادر انه يفضفض شلون سوت هالتغيير ؟

والله هذه المشكلة اللي ادور لها حل!!!!
افيدونا

نفس الحاله انا صارتلي من جم يوم وبغيت اموت لمن عرفت
وطبعا مو منه من ريل اختي

و منكم نستفيد ..

حبيبتي والله اذا ريلج الشاب اللطيف هذا طبعه خلاص خلي ولا تحاولين تحنين عليه الا بعرف الا بعرف
واييج ذاك الرد اللي بيزعلج نصيحه خلي بروحه لحد ما يهدى
يعني قعدي عنده وكلميه باشياء سويتيهه يعني موضوع واحد مواكثر علشان لايقول اي شافتني متضايق وعطتني طاف
بس لالالالالالالالالالالالالاتحنين والله علشان لاتزعلن عقب

بالعكس لي حنت الوحده على رجلها بيصر ان يكتم عباله انه فضول

فخليه على راحته الين ماهو يجي يبخ الحجي

انا ماقدر اشوفه متضايق وماعرف السبب وسواء طول ما رده بيتحجى عشان لا احن عليه واكل قلبه لوووووول

انا ايي اساحله

شفيك منو مضاسقك

من الدوام؟

من اهلك؟

انا مضايقتك؟

ان جاوبني جاوبني وان ما جاوبني خليته على راحته

انا بصراحه ما احن عليه واهو حييييييل كتووووم بس مع العشره صار يثق فيني و قمت امسح راسه وادلكه له و اساله اشفيك ؟ اذا قال احاول اساعده اذا ما حب يقول ما اضغط عليه اخليه و يطلع الموضوع بعدين و بس مشكورين

مهما ســــــألته ومهما قلت له من كــلام ما يقول ! ولا يعلمني ! وإذا قال أحــس جذب مو هذا السبب الحقيقي

والله انا لواحن من اليوم لى السنة الياية مايتحجى اخلية جم يوم يطخ بروحة وتنسى السالفة

بصراحه انا زوجي ما يقولي شنو فيه الا اذا سألته
وانا احس فيه من ملامح ويهه انه تعبان ومتضايق

تلقيني ايله الغرفه واسكر الباب وراي واسئله شفيك عسى ما شر شنو اللي مضايقك ؟
قولي يمكن ترتاح
طبعا اول مره يقول مافيني شي بس تعبان
اقوله ليش انا ما اعرفك ؟؟ قولي شنو فيك
وبعدها يقولي اللي عنده واحاول اخفف عنه واريحه كثر ما اقدر بالكلام واهدي واخليه يتعوذ من ابليس وان شاء الله ربنا يفرجها

والحمدالله صار زوجي من اسئله شفيك يقولي اللي فيه بس لازم اسئله من نفسه ما يتكلم
لأنه ما يبي ينكد علي مرات الريال يتحاشا يقول حق زوجته اللي فيه لأنه ما يبي ينكد عليها
ومرات يكون مو في مود أنه يسولف ويشكي
يكون متضايق ومتنرفز وماله خلق شي
اذا شفتيه في هالحاله لا تكلمينه لأن احتمال يحط حرته فيج لوووول
نطريه لين يهدى ويرتاح وساعتها سئليه شنو اللي مكدره

خليه على راحته لا تحنين وتزنين على راسه وخليج قريبة منه تلقينه اهو بروحه يجيج ويعلمج شنو اللي مضايقه

دايما لما يكون متضايق مايقول احن عليه وايد اما انه يقول او اذا ما قال اخليه براحته بس ما اهده اكون قريبة منه واسولف معاه بأشياء ثانية لما يرتاح او تخلص المشكلة هو من نفسه ايي يقولي ،،،هذا في بداية الزواج بس الحمدالله مع الحب والعشرة اهو بروح يقول بدون ما احن وازن عليه لان قام يثق فيني ويحس اني اخفف عليه ويحتاج لنصايحي وحلولي

هلا فيكم

عسى الله يتمم عليكم
بس والله انا كلش ما احن
بس اقوله شفيك بروحه يفر ويهه ويقولي مافيني شي يعني اشكره فيه ومو قادر يقول

وان ما قال
خلاص اسكت واقوله على راحتك

بعدين اشكره يسوي حركات يبين لي انه متضايق مع هذا ما يتكلم
وانا بس خلاص اسكت ،، واقول بقلبي كيفه لو يبي يتكلم بيي يتكلم بروحه

[COLOR="DarkSlateGray"]

طفلك عنيد تعرفي على أساليب التغلب على المشكلة

ألاساليب

1- الاعتدال بالمعاملة: أن تكون مطالب الأبوين من الطفل معقولة وبالإمكان تنفيذها.

2- الثبات في المعاملة: عدم تذبذب في معاملة الطفل مرة نتساهل معه في فرض القواعد ومرة نتشدد معه لذلك لابد من إتباع القواعد في أي ظرف كان.

3- توفير الأمن والأمان للطفل:يجب أن يكون الجو الأسري للطفل مفعم بالحب والحنان والثقة والعمل على احترام شخصيته وإشعاره بأن أفكاره ومشاعره مأخوذة بعين الاعتبار.
4- توعية الطفل باسلوب الحياة: على الآباء توعية الطفل باسلوب الحيات وقواعدها الاجتماعية من احترام وطاعة للوالدين.

5- الحث على التكلم: يمكن الدخول مع الطفل في حديث من أجل اكتشاف السبب الذي يدفعه نحو العناد وما الداعي لعدم الإصغاء لكلام الوالدين.

6- ذكر القصص والحكايات: ذكر القصص عن حياة الناس أو حتى عن الحيوانات أو شخصيات كرتونية لأنه يصغي إليها بكل اهتمامه ويحاول التشبه بها.

7- تكليفه بعمل أو مهمة محددة: من الضروري أن نمنح للطفل شخصيته لكي يشعر بأهميته ويسعى للتعاون معنا من أجل حفظ مكانته.

8- اتباع السلوك المثالي: حينما يكون الطفل في حالة غضب وعناد فذلك يعني أنه في حالة انفعال شديد ولا يمكن اقناعه بسهولة لذلك من الأفضل التحدث بلسان المشاعر من خلال انتهاج سلوك سلمي مقرون بالصبر والتأني.

9- مكافأة السلوك الإيجابي: لابد من الثناء على سلوك الطاعة عند الطفل في كل مرة يقوم بذلك.

10- الإنذار: عندما تفشل جميع الجهود السلمية نضطر لانتهاج اسلوب الإنذار والتلويح له بأن هذه التصرفات لا تجديه نفعا وقد تنتهي بمعاقبته ومن ثم التهديد وأخيرا العقاب.

11- التجاهل: فالطفل الذي يكثر من الصياح والضجيج يمكن تجاهله أو حتى يمكن الخروج من الغرفة وتركه وحده يبكي ويصرخ.

12- العقاب الفوري: يرى البعض ضرورة العقاب أثناء وقوع العناد مباشرة بشرط معرفة نوع العقاب الذي يجدي مع هذا الطفل بالذات لأن نوع العقاب يختلف بتأثيره من طفل لآخر.

13- التعاون بين المنزل والروضة والمدرسة: لابد من التعاون بين الأطراف المختلفة للتخلص من سلوك التمرد والعصيان عند الطفل.

دعوتكم ربنا يرزقني الولد الصالح/COLOR]

يعطيج العافية جنج تدلاين بحالي مع ولدي

يعطيك العافيه
لاني كنت محتاره في ىالتعامل معه
الله يرزقك الولد الصالح

السلام عليكم

بنات شنو الحل لمشكلة التابعه انا اعاني من التابعه يا بنات بحملي احلم بقطاوة و القطاوة تشمخني او تشبك بملابسي

يا بنات السالفة سالفة عين وتابعه سبحان الله شنو اسوي لا تقولولي قفلي وسوي ربط لاني مو معترفة بهالسالفة

كلش منو كان عندها لاتابعه و تعالجت منها شلون ووين وشنو الطريقة

وفهموني سالفة اني اربط او اقفل صج مو مقتنعه فيها بس ابي احد يفهمني شلون ؟؟

تكفون اختكم محتاجه وقفتكم ابي اعالج من التابعه

وعليكم السلااام

هلا حبيبتي

طمنيني عنج الحين شلون صحتج؟؟

افتكيتي من المستشفى؟؟

واذا عن التابعه والله مادري عنها ومااعرف

بس سامعه ان وحده جابت عيال معوقين قالولها انتي فيج التابعه وما صدقتهم

المهم قالو لها تحط اعتقد القرآن بقلاده وتلبسه طول حملها المهم قالت خلني اجرب

ويوم جربت في حملين جابت عيال صاحين

وحملت عقبها وقالت يمكن صدفه وجابت معوق

عاد انا مادري قصه وسمعتها وقلتها لج يمكن تستفيدين

والله يسهل امورج

مدرسه فنيه : حبيبتي الحمدلله انا بخير و طلعت يوم الاحد من المعتقل رب لك الحمد
بس التابعه تسقط الاجنه مادري و الله
مشكوووووووورة ياريت الي تعرف تفيدنا

طالعه من الشر ان شا الله

والحمدلله على سلامتج

رفع

ايييييييييي انا اعرف وحده

و الحين حملت و يابت بيبي بعد ما طاحوا 7

الصبح أسأل امي و اردلج خبر

الله يشفيج يآرب

ويرزقج بالتوأم الي يعوضونج عن هالسنوآت يآآآآآآرب

اي و الله جزاج الله خير ساليها بعد التوكل على الله شنو الحل

شوفي هالرابط يمكن يفيدج

https://www.q8yat.net/showthread.php?t=54402

الله يحفظج يارب

اعتقد ان سورة البقره والرقيه الشرعيه والاذكار اهم احسن حل حبيبتي

وطبعا السدر والماي المقري عليه وزيت الزيتون المقري عليه بعد زين

الرقية الشرعية ي حياتي طوال فترة حملج كل يوم والفاتحة سبع مرات
والله يعوضج خير انشالله
وحمدالله ع سلامتج ي قلبي

الله يعوضج خير يا رب ويكتب لج الذريه الصالحه سوره البقره كل يوم تسمعينها وتقرينها والرقيه الشرعيه واذكار الصباح والمساء

الله يشافيج
ويرزقج ويعوضج خير

الحمدالله على سلامتج والله يعوضج خير
بس انا اعرف انا القطاوة عين
داومي على الاذكار وايه الكرسي
حبيبتي تبارك ابي ادز لج على الخاص

حالي حالج فيني مو عارفة شسوي ووين اروح

السلام عليكم

بنات ولدي رجولة ناشفة وجافة وطالع فيها حبوب وولدي كلة ويقعد يحك رجولة

شسويلة ابي احسن كريم اشتري من الصيدلية عشان تروح منة نهائية لانة الحبوب بدت تبقع على رجولة ومنظرها خايس

اختي جم عمر ولدج … انا ولدي فيه حساسية من بعض الاكل ودكتورة سعاد عطتني كريم يهبل وايد ارتحت عليه
تري ولدي بعد يحك ريوله لما يطلع الدم منه بعد عمري…

ولدي عمره الحين 10 اشهر الله يحفظه ويحفظ عيالكم يارب

انا ولدي عمرة 5 شهور

حبيبتي لاااااااااازم تودينه الطبيب وموزين تستعمليله اي كريم قبل مايشوفه الدكتور
لازم اهوا يحدد درجة الحساسيه في خفيفه في متوسطه في شديده الله لايقوله
على وصفج الظاهر بداية اكزيما ودايما تحوش اليهال بهالعمر لاتحاتين انا ولدي بعد امس وديته ومسكين هم راسه وجبهته وقالتلي
بداية اكزيما وعطتني كريمين ودوا شراب
حرام الياهل توه صغير لاتعطينه اي شي ووديه احسن

هو يرضع طبيعي ولا صناعي ؟؟

اذا صناعي ترا في حليب أطفال ملوث ويسوي نفس هالاعراض ؟؟

بس عموما وديه الطبيب وماعليه الا العافيه

يمكن اكزيما او عنقز
لا تسكتين
وديه لدكتور بسرعه

بنات هالحساسية فية من زمان مرات تروح ومرات تخف ومرات تقب مرة وحدة

وديتة قالي حساسية وعطاني كريم حساسية وخلص الكريم وردت الحساسية مرة ثانية

في كريم اسمه qv
بنتي حبب ويهها لما كان عمرها شهر او اقل و وصفتلي اياه الدكتورة اللي بدار الشفا
و حتى اختي الدكتوره وصفتلها اياه حق حساسية بنتها
بس لا تستخدمين شي قبل استشارة الطبيب و الاحسن انج تودينه الطبيب

و في كريم اسمه ( ايليكوم ) هذا يوصفونه لج بالمستوصف بس نادر ما تحصلينه لأنه بسرعه يخلص و ما تاخذينه من غير وصفه
بس هالكريم عجييييييييييب حتى احنا نشتريه من السعودية لأن ينباع بصدلياتهم من غير وصفه
انا انصحج تروحين تشترينه .. روحي الخفجي اقرب شي
هالكريم بيتنا ما يخلا منه

نفس مشكلة بناتي هذي اكزيما رحت اكثر من دكتور كلهم نفس الحجي لازم جلد الطفل علي طول ترطيب خصوصا اذا حاشه ماي لازم ترطيب اي كريم اطفال ما تخلين جلده ناشف والله يشافي عيالنا يا رب

الله يعينج حبيبتي

الجهال يبيلهم عناية خاصة والله يعيناعل تربيتهم وبروح الصيدلية وبورية ولدي يمكن يعطيني شي

المفروض على طول ترطبين الريل عشان لاتجف في لوشن سيباميد وايد زين

أكزيييييييييييييييييييييييييييييييما

ديري بالج و روحي المستشفى احسن

انا استخدم كريم isisصارلي يوم انتظري بكره ارد عليك او الليله اذا نفع روحي اشتريه

^^^^^

بنات الكريم روووووعه