الوسم: النموذجية

السلام عليكم اختي يزاتش الله كل خير وموفقين ان شالله بس في عندس استفسار هم جم ياخذون على الطفل وشنو جنسيات مدرساتها واكو عندهم باصات للروحه والرده
وعسى الله تدوم الحضانه لاهلها ومشكوره

عليكم السلام
تقريباً ياخذون على الطفل 60 دينار بالشهر الواحد
والتسجيل مستمر
وجنسيات المعلمات خليجيات وعربيات
بس ما في باصات للروحة والردة
بس الباصات للرحلات الخارجية
ومشكورة اختي على مرورج

السلام عليكم يامهات

اشلونكم انشالله بخير وعافية

الله يدومه عليكم انشالله

حبايبي انا ابي استفسر عن مدرسة التميز النموذجيه الي بخيطان ق 7

ياريت تساعدوني اي وحدة تعرف عنها اي شي
تقولي
عن طريقة تدريسهم
عن الادارة
عن المدرسين حريم ولا رياجيل
عن اي شي اي شي

سوري على الاطاله

في انتظار الردود

للرفع

للرفع

للرفع

وين بنات ماتعرفون عنها شي

انا اعرف وحدة رفيجتها كانت تشتغل فيها
تقول يطقون اليهال والطفل يبجي محد يدري عنه

والله البنت نفسها طلعت واهيا موظفة مو طالبة
ومكدسين الطلبه

وانت براحتج

مشكوره اختي بينغ بينغ

وشكرا" للجميع

ابي ردود ثانيه عفيه حدي متوهقة والتسجيل للسنه الجديدة بتدى في جميع المدارس الخاصة من تاريخ

1522009

لا بالعكس آنة كنت بودي ولدي بس ما قدرت بسبب بعد السكن بس رئيسة قسمي عيالها هناك مدرسة الأولاد يادوب 25 طالب والأساتذة عرب ( سوريا-مصر-اليمن) اسعاهم تقريبا500دينار بالسنة واللة تمدحها بس سمعت ناس يقولون ان يمشون الضعيف يعني يساعدونة

يعطيج العافيه اختي يارا 1980

ياليت اللي مجرب المدرسه يقولنا

والله انا بعد مفكرة اودي ولدي السنة الجاية المرحلة الثانوية ياليت اللي عند هل فكرة تفيدنا

ما انصحج مدارس الصبيان الابتدائية يمشون الاطفال لو بخامس ولا يعرف الاحرف الانجليزية هذا كلام بنت عمي عيالها فيها وبطلعهم السنه الجاية ويسمونها مدرسة الكسالى

والله انا مدخلا اولدي بالعكس مدرسة قوية وادارتها كلها ريلييل واحسن من الحريم انصحج ادخلين اولدج

انا كل اخواني بمدرسة التميز يمدحونها وتفهم والاداره قويه ووواهي للصبيان من اوله لم الثانويه ووشاديين عليهم الي يمشيء معاهم ينجحونه بس مايطلعون الطالب غير لم يفهم تهبل ويقول اخوي مدرسين موابلات يقولون تفهم المدرسين اردنين وومصريين يفهمون واخوي الصغير مافي مكان زحمه الناس عليها وابوي قال السنه الي تجي ننقله مالقينا اماكن واللحمدلله الحين اخواني يفهمون ويذاكرون موقبل على الابتوب فقط ههههههههه

عن نفسي امدحتها رفيجتي وكل عيالهم فيها ودخلت ولدي فيها للامانه مرتاحه من تعاملهم مدرسينهم مصريين-سوريين-يمني-وكلهم دينين ويعطونج لسته بارقام المدرسين وتكلمينهم يوميا من الساعة 5-9 واذا عطيتيهم ملاحظة اهتمو حيل فيها ويشجعون ويعطونهم هداياوحريصين ع الصلاة يحليلهم ماعندهم حصة موسيقى وشركت ولدي بالباص ووصيت سايق الباص شكله بدون وحيل اهتم فيه وولدي كنت مأسسته قبل يدخل وهذا المفروض وأتابعه- والحمدلله ممتاز وبصراحة ولاشي سعرها 600 اهي تابعه لمدرسة النجاة

يا ريت لو أي حد يعرف معلومات عن المدرسة الهندية النموذجية في السالميه يفيدنا بيها عن الدراسة والمصاريف ويا ترى بتفتح باب التقديم تاني امتي

ان شاء الله البنات بتفيدك

هلا أمهات مدرستنا
اشلونكم

ليش ما يكون لنا تجمع لمدرستنا يلا خلونا نتناقش في امور عيالنا

خلونا نذكر ايجابيات وسلبيات المدرسة ونذكر تجاربنا

اشرايكم نذكر صف ولدنا او بنتنا ومرحله اللي هم فيها

لتعم الفائده على الكل

يلا لنتناقش

اللي اعرفه عن المدرسة انها من الروضة الي 5 الابتدائي
وسمعت انهم فتحوا السادس بنات
والمدرسة يمدحونها

انا ولدي برابع وتوني السنه ناقلته من الحكومة الى الخاااص

والله ولدي مستانس الله لا يغير عليه والله لا يضره ومرتاح مع ابلاته بس في عيب ان في بنات معاهم بالمدرسة

ويقول يما فرق عن الحكومة مافي هواش ولا صبيان يتطاققون وغيره من بلاوي الحكومة

هلا يا توتا

بعد شنو اللي اتعرفينه افيدينا

هلا بالسوري

ترى ولدج صاج انه كل اللي مدخلينهم اهلهم خايفين عليهم من المشاكل والطاق مطاقق اللي في الحكومه

فتلاقين اليهال كلهم مسالمين

انا بالنسبالي ولدى بالصف الثاني الابتدائي

يلا أمهات يلا عطونا مشاركات

وينكم أمهات

تكلمو عن مدرستنا

يلا لنتناقش

أفا

ويييييينكم

بالنسبة للرسوم

الروضةة 525

الابتدائي 725

السلام عليكم
حبيت اشارك معاكم في الموضوع آنه ولدي أولى ابتدائي
صراحة في نظام واهتمام والمدرسة حيل مرتاحتلها
بس أهوا للحين مو متأقلم على الجو وسوالف الصبيان
كل يوم يشتكي من واحد بالصف حيل مأذيه
ولما بلغت الاخصائية بنفس اليوم راحت للصف وغيرت مكان الصبي عشان لا يضايق ولدي بالحصص

أبلاتهم حيل قوايا في التدريس
ماشالله الدين اييلي حافظ السورة مع الأبلة وآنه أكمل معاه في البيت
ويحطون لج على كل كتاب ورقة ملاحظات تكتبلج فيها كل شي صار بالحصة
يعني ولدج يشارك بالحصة ولا لأ
صراحة يعطيهم العافية

up

up

صاجه والله
بس تدرين انا وليدي في الصف 2 الابتدائي

غاعده احاتي انشاء الله اذا لنا عمر
لما يروح المتوسط اشلونننننننن
لانه المدرسة بس ابتدائي الي خامس

طيب وبعدين شنو نسوييييييي
علشان جذي غاعده اقول احوله من السنه اليايه انشاء الله على النجاة علشان متوسط والثانوي انشاء الله

اختى منو مدرساته شساميهم

up

up

والله ما اعرف اسمائم كلهم
بس العربي نهلة
والوطنية تريزه (ياااااحلوها من أبلة) من تعامل ومتابعة واليهال يموتون عليها
الدين تهبل اللي تلبس خمار
مدرسة العلوم حيييل شاطرة ومتابعة اليهال وتشجعهم على التطبيق الشخصي في الحل
بس شوي الرياضيات احسها مو قادرة تلحق مع اليهال يعني ما تطبق بالصف وايد
والانجليزي وحدة خليجية وكلش مو قادرة تمشي مع اليهال لدرجة اني آنه أعطي ولدي واجب بالدفتر

السلام عليكم

بنات ابي اعرف حضانة الدانة النموذجية تقبل اقل من سنة

وجم رسومها بالشهر

آنا أعرف الدانة اللي تابعة لوزارة الشؤون عند دوار العظام اذا هذه اللي تقصدينها تقبل من عمر 3.5 ويعطون خصم لموظفات الشؤون ويمكن غيروا القوانين ترى كل سنة قانون

والله ماعندي فكره

مشكورين وما قصرتوا
ودقيت عليهم يقولون يقبلون من سنتين ونص يعني ما يقبلون ولدي

السلام عليكم

شلونكم يا معلمات

عندي سؤال صغير

اذا الوحده تبي تقدم في المدارس النموذجية سواء ادارية او مدرسة

شلوووووون تقدم؟

وشلون تعرف المدارس الللي فيها نقص؟

هذي اسئله رفيجتي ومكلفتني اوصلها لكم وادري ما راح تقصرون معاها

اهي تبي مدرسه تكون قريبه من بيتها

بيتها في بيان

ناااطرة ردكم يا مربياتنا الفاضلات

تقدر تروح للمدرسة الخاصة نفسها وتسأل عندهم

ومديرة المدرسة راح تسوي معاها مقابله

والله ما عندي فكره للأسف بس اشوفهم مراات يحطون اعلانات بالجريده

مشكوووووووورين

وبانتظار باجي البنات

انتي قصدج مدارس المستقبل الحكومية ولا مدرسة خاصه قطاع اهلي
(اهلي ولا زمالك ———> ملاقة مو)

مدرسه خاصه قطاع زمالك

اقصد مدرسه اهلية

تروح للمدرسة نفسها و تقدم طلب

—-

————-

السلام عليكم و رحمة الله و بركاته

ابي اعرف معلوماتكم وتجاربكم مع مدرسة دسمان النموذجية ثنائية اللغة

لاني لما بحثت اغلب المواضيع والتعليقات عنها قديمة

وانا جد محتارة ياليت تساعدوني

رفع

وانا ابي اعرف

ياليت اللي يعرف يفيدني لأن كل المواضيع بالبحث قديمه

من أسوء المدارس الخاصة ،،،، ما انصح احد فيها

اسوا مدرسة خاصة بالكويت اليهال ما يتعلمون الا الشطانة وطواله اللسان عيال وحده تصيرلي وصلوا رابعه ابتدائي مستواهم بالحضيض لا يعرفون يقرون ولا يكتبون ومردها السنه اللي طافت طلعتهم وودتهم مدارس حكومية

معقوله عاد نظامها غير ومعترف فيها عالميا شسالفة وبعدين غاليه مصاريفها مو اي شي

انا عيال اخوي هناك ومرت اخوي حييييل تمدحه من جميع النواحي

السلام عليكم ورحمة الله وبركاته

حبييت انه يكون عندنا تجمع لمدرستنا

مدرسة النجاة النموذجية الخاصة اللي في المنقف يم مركز سلطان

المدرسة فيها قسم خاص للبنين وقسم خاص للبنات
المدرسة ماشاء الله قوية جدا وفيها الطابع الاسلامي
عندهم سباحه وعلى ما اتوقع كارتيل للبنيين

رسومها 600 د.ك بالسنه تدفع على دفعات كل قصد على 200 ثلاث مرات
وفيها الباص متوفر لمناطقنا على 150 معاهم مشرف معلم

بالنسبة لمدرسة الاولاد
جميع المعلمين رجال والادارة ايضا رجال مديرها كندري ومساعدها فيلجاوي ناس ماشاء الله عليهم واضح عليهم الالتزام والنظام .

يلا بنات خلونا نتفاعل مع بعض ونعرف عن عيالنا شنو اللي قاعد يصير معاهم داخل المدرسة
يلا خلونا نبدأ النقاش

اهلين انا ولدي فيها بس بصف 6 المرحله المتوسطه كنت بسجل بولدي الثاني بصف لللأسف الشديد طافني اولي ابتدائي وزياده عالكلام اللي قلتيه متابعين الطالب في الكتاب تنحط في ورقه ملاحظات وحتي اسلوبه معاهم شلون صاير يكتبون بالورقه

اهلين انا ولدي فيها بس بصف 6 المرحله المتوسطه
كنت بسجل ولدي الثاني بصف اولي ابتدائي بس لللأسف الشديد طافني التسجيل
وزياده عالكلام اللي قلتيه متابعين الطالب في الكتاب تنحط في ورقه ملاحظات وحتي اسلوبه معاهم شلون صاير يكتبون بالورقه
تدرين عندهم موقع اتابعين المنهج معاهم [/u]وتسحبيت المراجعات منه مرات اشيك ولدي يخش عني الأحاديث الحفظ واصيده من المنتدي

مرحبا بنات
عفيه فيدوني اكثر عن المدرسه ودي ادخل ولدي فيها شنو منهجها ؟ وعدد الطلبه وايد بالصف ؟ والمدرسين شلونهم ؟صج وايد اجانب (سوريين ومصريين 00)فيها

هلا اختى

اشلونج

مشكوره على الافاده

وبالنسبة للموقع تكفين عطينياه
خليني اشوفه

اهلين ام ميشو حبيبتي المدرسه عدد الطلاب بالصف 25 طالب والمنهج مثل مناهج الحكومه مايفرقون عنها الا بالموسيقي ماعندهم جد المدرسه مهتمه بالطلاب في اشراف كل خمس دقايق والفرصه الثانيه يجمعونهم للصلاه في اهتمام مثل ولدي مهمل يضيع ملخصات العلوم اوراق العمل ادق ع الأخصائي يعطيه الورقه الضايعه يعني مايطنش مدرسينهم مصرين وسورين في مشرف بالباص .

اختي حوريه هذا الموقع

www.alnajat.net

السلام عليكم أنا ولد اختي بالنجاة بالصف السابع و بادي معاهم من اولى ابتدائب ما شاء الله قوي جداً بالعربي و الانجليزي ومتأسس صح وهذا المهم مناهج التربية لكن مدرسيين يشتغلون ويجتهدون.

مشكوره اختي كرستال بس انا محتاره اسجل ولدي فيها ولا بمدرسه الفحيحيل الانجليزيه ماغيرها القديمه حلو الجو الديني فيها بس انت تدرسين عيالج بالبيت يعني جنه بمدرسه حكومه انا بناتي بالحكومه اتعب العصر وانا ادرس مابي يصير فيني جذي بعد مع ولدي يعبي ابيه يعتمد على نفسه الدراسه والواجبات وهم يتابعونه ومادري اهما جذي ولا لا؟

بالنسبه للواجبات ولدي بالمتوسط سادس يعطونهم بس خفيف مو تأسيس مثل يكمل ورقه العمل حق العلوم والجهد الذاتي للعربي مثل الحكومه بس منظمين شوي

مشكوره اذا تذكرت شي بسال

مشكوره اذا تذكرت شي بسال

عفوا خواتي
بالنسبة للابتدائي شنو لون لبسهم

المتوسطه قميص ابيض والبنطلون كحلي اما الأبتدائي اشوفهم القميص مخطط خطوط بالطول ضعيفه حيل جنه بكحلي والبنطلون كحلي

انا ولدي دخلته عندهم العام بصف سادس والخمدلله مرتاحه وايد من المدرسه بسبب ان الطابع الديني والاخلاقي بالمدرسه وايد مهتمين فيه وهذا له اثر على سلوك الطالب وبالنسبه لمدير المدرسه أ. حيدر القلاف والمدير المساعد أ. احمد عبدالحليم سوري الجنسيه وعندهم خوش اخصائي وايد متعاون مع اولياء الامور والطلبه ومريح بالتعامل
عندي مشكله صغيره ولدي مو حاب الانجليزي ولا مدرس الماده مع انه كان فتره الروضه بالمدرسه الهنديه والانجليزي ماله قوي بس من الابتدائي وهو بدا يكره الماده
شوفو شلون شطحت عن الموضوع صج حريم هههههههههه
عالعموم انا وايد مرتاحه من المدرسه التدريس فيها قوي

اختي ميمي ريحتيني بسالفه الجوالديني انا عند ولد واحد وحابه مدرسه تركز على الدين اثر من الانجليزي مثل باجي المدارس الخاصه وانشالله بسجل ولدي فيها بس مو هالسنه توه ولدي الحين اولى روضه

السلام عليكم خواتي عزيزاتي

نبي هالموضوع يكون اكبر تجمع للدروس النموذجية

والافكار الغريبة والحلوة والممتعة

حضرتي درس

سمعتي عن درس

سويتي درس

حتى لو فكرة خلونا نفيد ونستفيد وانا اول سنة تدريس يعني جديدة بس ان شاء الله استفيد منكم وافيدكم باذن الله

اي شي يخطر على بالج عن الدروس مو شرط النموذجية افكار لتوصيل المعلومة اسدحيه اهني ماعليج امر

ويكون دليل للافكار وللدروس المميزة والي بتفنتق وتسوي درس ماعليها الا انها تطق فرة اهني وتشفط بعد
د

انا ملاحظه شى و سامحونى شوي
القليل يرضى يشارك الآخرين بمجهوده
و القليل فعلا يقدم مساعدة فعاله
مادري ليش مع ان احنا معلمات يعنى العطاء عندنا ماله حدود و مع جذيه نبخل على بعضنا البعض
عموما انا رئيسق قسم لغة انجليزيه مرحله ثانويه
و مستعدة لأي استفسار يخص مادتى من دروس وورش عمل و سمنار
و سامحينى ماقدرت اساعدك بخصوص الدروس الرياديه لأنى ما اعرف شنو تخصصك
و ربى يعين الجميع

آنا معلمة اجتماعيات ودرست اليوم سادس درس الصناعة عطيتهم أول فكرة عن تنوع الموارد الإقتصادية وحطيت لهم صور للخدمات وقلت ضروري لازم الدولة توفر هالخدمات وعلشان توفرهم محتاجة إلى اموال والكويت معتمدة على شنو في الوقت الحالي كمصدر للرزق جاوبوني وقالو على النفط وقلت صح يا حبيباتي بس النفط مرده بيخلص شن سوي لازم ندور على مصدر ثاني للدخل ونقلل الإعتماد على النفط علشان ما يخلص شنو المصدر الثاني هي الصناعة وبديت بدرسي وبتعريف الصناعة يبتلهم عينات من الطحين وقلت نصنع من الخبز ويبت أخشاب لصناعة الأثاث وغيرها من المعلومات اللي استعنت معاها بالصور والعينات والبطاقات .:

حياج الله مادري
وماشاء الله عليج انتي اكثر وحدة يمكن تقدرين تفيدينا لانج مدرسة اولى واكيد مسوية ومارة عليج دروس وانا متاكدةانها مميزة

الموضوع ياعزيزتي مولي لوحدي ابي الجمييييييييييييييييييع يستفيد ويكون دليل للافكار والدروس بجميع تخصصاتها
اي شي اي فكرة حطيه اهني وفيدي واستفيدي
وكل وحدة لازم تتاكد ان هذا ان شا ءالله في ميزان اعمالها يارب
وصدقوني كلنا مانحب التقليد للكن لما نسمع عن فكرة او شي نطورها او تفتح لنا افاق على فكرة ثانية هذا القصد من الموضوع تبادل خبرات
وبنات الكويت كلهم خير وبركة

حياج الله الزهراء وبارك الله فيج
مشكووووووووووووووووووووووووووووووورة عزيزتي ويشرفني مرورج وحلوة فكرة العينات

يالله بنات
نبي افكار
دروس
منوطبقت التعليم التعاوني بالحصص
على شنو تعتمدين بحصتج
شلون تكسرون الملل والرتابة في الدروس
نبي مدرسات الكويت افضل مدرسات نبيهم
ابدااااااااااااااااااااااااااااااااااااااااااااااا ااااااااااااااع

يعطيكم العافيه
بصراحه خوووووووووووووووووووش فكره وخوووووووووووووووووووش موضوع فعلا احنا محتاجين تبادل الافكار
وبما اني مدرسة اجتماعيات ثانوي جديده محتاجه افكار اطور نفسي وانمي افكاري
بصراحه ودي اسوي ندوه للطالبات واللي تحاضر الدكتوره فوزيه الدريع اشرايكم ينفع؟ بما ان الطالبات وايد عندهم مشاكل بالثانويه

من الطرق اللى استخدمتها مع طالباتى فى الفصول الكبيرة انى كنت اقعدهم فى مجموعات و كل مجموعه فيها ما اسميه مراقبة اللغة ( English monitor) و تكون مهمة هالطالبه التأكد ان الأحاديث اللى تدور بالمجموعه فقط باللغة الإنجليزيه و اللى تتكلم بالعربى تاخذ مخالفة و و المخالفه بهالحاله تكون كرت احمر او اصفر كيفك و انا ادور على المجموعه اشوف منو اللى جدامها كرت و اعرف انها تستخدم العربى و بالتالى اذا صار معاها 4 كروت حمر راح تدفع غرامه تكون مثلا ربع دينار و اذا وصلت القيمه اللى دفعتها على مدى اكثر من حصة الى دينار فى هالحاله استدعى ولى امرها
و الشى الثانى اللى استخدمته بنظام المجموعة بالفصول الكبيرة انى مثلا بعد الإنتهاء من درس و ابى اسوي مراجعة او فيد باك سريع و اتأكد الكل شارك اعطى لكل طالبه بطاقه او شريط و بعدين اعطيهم سؤال…مثلا… ماهى اضرار المخدرات… كل وحدة تعطى اجابه لمجموعتها و لما تجاوب تحط بطاقتها بالنص …و انا ادور راح اعرف منو شارك و منو ما شارك لأن البطاقة تكون جدامها… و بالتالى اقعد جنبها و اشجعها لين تعطينى اجابه حتى لو اعادة لإجابه سابقة
طبعا البعض راح يقول الصف راح يكون ازعاج بس الإزعاج الإيجابى مو السلبي… و دائما هالنوع من الإزعاج يكون دليل وجود شغل داخل الفصل
فى هناك اكثر من اسلوب و طريقه و نشاط انا جربتهم مع بناتى الطالبات و كانوا و الله روعه
و راح احطهم من وقت للثانى عشان لا تملون من قرقتى
و سامحونى

حبيبتي علشان أكسر الروتين والملل بالحصة أعرض جزء من الدرس على البور بوينت وأحط اصوات وحركات وايد تشد البنات واتخليهم يندمجون بالحصة والمعلومة إلي تنعرض لاحظتها إنها تثبت عندهم لن فيه نوع من التشويق ، والتقويم في نهاية الحصة أسويه على شكل مسابقات وإلي تحله لها هدية هذي بعض الأفكار إلي تكسر الروتين.

هاي بنااات

انا طبقت التعلم التعاوني السنة اللي طافت

سويت نموذج درس للتعلم التعاوني كان على مستوى المنطقة

للصف الخامس بنين مادة العلوم

كل مجموعة لها اسم (فريق كرة قدم)

اعضاء الفريق:
الكابتن
اللاعب
الحكم
حارس المرمى

ولكل عضو مهام خاصة فيه
مطبوعه على لوحة

عطيتهم اوراق عمل وبين كل ورقة وورقة كانت المهام تتغير وتنتقل بين التلاميذ

استخدمت كرت اصفر واحمر للانذارات والتوجيهات

وبعد حطيت لوحة تشجيعية عليها كور وصورة كأس ذهبي
وسميتها (دوري الأبطال )
ارفع الكرة للفريق واللي يوصل للكأس اهو الفايز

هذي اللوحة انا استخدمها للحين حتى من غير (تعلم تعاوني)

وطبعا عندي ورقة تقييم فيها بنود اقيم من خلالها سير العمل لكل فريق

واستخدمت بعد البوربوينت لعرض مدخل الدرس واوراق العمل

هلا عزيزتي حياج الله
ان شاء الله تلقين ضالتج بهالتجمع

فوزية الدريع كلش ماتصلح من وجهة نظري طبعا احس تخورها صوب هذيج السوالف
دوري لج داعية افضل والله وتحل كل مشاكلهم باسلوب ديني افضل

عاشت مادري والله
افكارج عجيييييييييييييييييييييييييبة وتهبل ان شاء الله ابلات الانجليزي يستفيدون
والله يجعله في ميزان اعمالج

حياج الله عزيزتي وجزاج الله خير على هالافكار

انتي ابداااااااااااااااااااااااااع
الله يخلي لج حمود اكيد استانسو الاصبيان

موفقين أبلات