|
|
مسالخير على كل الأبلات الحلوين 
أنا أول كنت برد على المسكينة اللى تبي تستقيل وأشجعها بس شفت اللي رادين واجد قلت أبي أفتح موضوع جديد نناقش فيه ليش كل هالإحباط ؟ أبلات إذا كنتم كارهين التدريس لي هالدرجة ليش صرتوا أبلات 
ولا السالفة الصج إن احنا حريم كويتيات صفتنا الأساسية التحلطم من كل شي وبس ؟! حتى لو كنتم بأحلى مدرسة ؟؟؟؟؟؟
لا مع الخيل يا شقرا انتقدوا البنات أقوم أصيح معاهم ، شنو ليش كل هذا ، مو هذي الوظيفة اللي معيشتنا وراتبها ولله الحمد زين؟ مو هذيل الأولاد اللي إذا شافوكم بأي مكان فزوا فيكم وفرحوكم بسلامهم ؟، مو هذا الدوام اللي يخلي الإنسان يحس وإنه على قيد الحياة ؟ مو هذا تحدي النجاح ليش احنا دايما سلبين وندور العيوب والتعب وبس ليش نستسلم للناس السلبين ونخليهم يسحبونا معاهم ليش؟ ما في وظيفة بالدنيا إلا مايحوشكم تعب ( ألا إذا كنتم تبون تاخذون معاش حرام بدون شغل وهذا شي ثاني ) التدريس تعب صح صحييح لكن طالعوا إيجابياته وأولها عطلتنا الحلوة هذى لا تخلون أحد يضحك عليكم وقال إيش : ما فيها شي أبلات نفضفض لا ؟ ما اضر نفسي واخزن بعقلي الباطن شي متعب ما يجيب وراه إلا المرض والتعاسة
أخيرا الدراسة وناسة والتدريس لطلب رضى الله سبحانه قمة الوناسة
وإجازة سعيدة يا أبلات يا أحلى وأقوى الحلوات
الموضوع معاد كنت كاتبه عنه ….رايج يهمني ارجو الدخول
اذا حابه ممكن تشوفين هالموضوع وتقبلي مروري
|
المشاركة الأصلية كتبت بواسطة وردة وردية
 مسالخير على كل الأبلات الحلوين
أنا أول كنت برد على المسكينة اللى تبي تستقيل وأشجعها بس شفت اللي رادين واجد قلت أبي أفتح موضوع جديد نناقش فيه ليش كل هالإحباط ؟ أبلات إذا كنتم كارهين التدريس لي هالدرجة ليش صرتوا أبلات ولا السالفة الصج إن احنا حريم كويتيات صفتنا الأساسية التحلطم من كل شي وبس ؟! حتى لو كنتم بأحلى مدرسة ؟؟؟؟؟؟ لا مع الخيل يا شقرا انتقدوا البنات أقوم أصيح معاهم ، شنو ليش كل هذا ، مو هذي الوظيفة اللي معيشتنا وراتبها ولله الحمد زين؟ مو هذيل الأولاد اللي إذا شافوكم بأي مكان فزوا فيكم وفرحوكم بسلامهم ؟، مو هذا الدوام اللي يخلي الإنسان يحس وإنه على قيد الحياة ؟ مو هذا تحدي النجاح ليش احنا دايما سلبين وندور العيوب والتعب وبس ليش نستسلم للناس السلبين ونخليهم يسحبونا معاهم ليش؟ ما في وظيفة بالدنيا إلا مايحوشكم تعب ( ألا إذا كنتم تبون تاخذون معاش حرام بدون شغل وهذا شي ثاني ) التدريس تعب صح صحييح لكن طالعوا إيجابياته وأولها عطلتنا الحلوة هذى لا تخلون أحد يضحك عليكم وقال إيش : ما فيها شي أبلات نفضفض لا ؟ ما اضر نفسي واخزن بعقلي الباطن شي متعب ما يجيب وراه إلا المرض والتعاسة أخيرا الدراسة وناسة والتدريس لطلب رضى الله سبحانه قمة الوناسة وإجازة سعيدة يا أبلات يا أحلى وأقوى الحلوات |
هالوووووووووووووو كاني انا المسكينه 
باختصار اصلا عمري مافكرت اصير مدرسه ولا حلمي بس الله يسامح الوالد مع اني اداب مو تربيه بس حاليا لمن شاف وضعي يقولي كيفج استقيلي لان شاف ان زمنهم ماكان في هاللويه مع العلم الوالد وكيل متقاعد يعني فاهم امور التربيه لمن اسولف معاه باللي يصير معاي يقولي شنو !! ليش! ليش هالتسلط بالحريم والخ والخ والخ اقوله زمنكم غير واعتقد ان الرياييل عايشين بنعيم وتدرين شلون عيشتهم بالتربيه بس صدقيني بيي يوم راح اطق التربيه طرااااااااااااااااااااااااااااااق ومابي منها شي مع اني ودي استقيل بس امي موراضيه تقولي لا ومادري شنو والله يا ناس محد حااااااااااااااااااااااااااااااااااااااااس فيني وتقبلي قززززززززززززززززي عندج
عزيزتي التعليم عند الرجال يمكن اسهل منا صح بس اذا قصدج ان زمان اول اسهل لا وألف لا انا اختي كانت مدرسه عربي تقول قبل النصاب 21 وكنت اشوفها تييب الدفاتر البيت وتصلح وتحضر بالبيت لان بالمدرسه ماكو وقت
الحين احنا نصلح ونحضر بالمدرسه اعتقد قبل اصعب والله اعلم…..اذا موحابه التدريس روحي مكان ثاني لان حرام هذي المهنه بالذات يبيلها احد يحبها
تقبلي رايي
جربي ولا تقولين محد حاس فيني كلنا حاسين فيك ( خصوصا أنا وريانا ) الله يوفقك عزيزتي في شريحه من المعلمات دشوا التدريس تحت رغبة الأهل .. تعرفين بعض الاعراف
الشريحة الثانية اللي آنا انتمي لها .. تسرعت وما ألمت بمعلومات كافيه عن مدى ثقل هالمهنه .. بمعنى ,, كل انسان له طاقه وميول معينه .. لكن كنا نشوف المدرسات قبل وماكنا نعرف عن سالفة التحضير اللي يكون على مزاج الناظره والمدرسه الاولى .. حتى بشكل الدفتر يتدخلون .. واشياء وايد اعتقد المفروض يحعون مساحة حرية شخصية للمعلمه لأنها تنعكس على نفسيتها بالتالي على عطاءها .. والا شالفرق بينا وبين الطلبه؟
الشي الثاني .. التعليم ممل .. يعني اكيد بتصدقيني لمن اقولج اني قاعده ادرس مناهج وكتب آنا درستها ايام المتوسطه .. تتخيلين؟ ماكو ابداع ولا تغيير وبالاخير يبون يشيلون اهم الدروس والليس تتعلق بهوية الكويت وهي عن الغزو
عزيزتي المعلم يخرج الطبيب والمهندس ووووو
المفروض يريحونه شوي مانبي نتدلع .. بس نبي شوية احترام ..
شنو ردج عالمدرسه اللي تتبهدل امام طالباتها من ناظره غير محترمه .. نعم غير محترمه اللي تزعزع من كرامة شخص المفروض انها تكون قدوه ولها هيبتها واحترامها امام الطلبه .. هالشي حتن جدام الاهل علمونا اياه ان الاب ما يهزأ الام جدام عيالها .. فما بالج بالمعلمه
الشي الثاني .. هالناشاطات اللي مالها داعي .. يعني اتوقع المعلمه يكفي انها تعطي يوم بالاذاعه المدرسيه وحصة احتياط بجانب حصصها
مو يكدشونها احتياطات ومناوبات واكيد انتي ادرى بالباجي
هل يستوي مجهودنا البدني والعقلي والنفسي مع الطالب والاداره مع اللي يقعدون على مكتب؟
بالعربي هاللي يشتكون وانا وحده منهم لو عطيتينا بديل ماراح نقعد ثانيه بالتدريس .. وانتي شايفه شلون قاعدين نحوس على شغل ثاني
لولا الاتزامات جان مستقيلين من امس وربي شاهد عزيزتي .. الشي الوحيد اللي يخفف عني هو حب البنات والله لهم وحشه .. بس من اتذكر التعب ارد انام واقول خن استانس قبل الشقى
ونصيحة لي للبنات قبل ما يتخصصون بتخصص يدرسونه عدل
الامهات لو عيالكم مايلين لتخصص معين علموهم شنو مميزاته وعيوبه وعطه صوره كامله لا يتحسف
وسامحيني طولت بس كلمتين بجبدي والله يوفقني ويوفقكم يارب
مشكوره
حبيبتي ذكرتيني بروحي قبل أجرب رئاسة القسم و أحتك أكثر بالإدارة و سوالف الإدارة و خرابيطهم ..
إذا انتي واايد تحبين التدريس خلج على طول مدرسة أفضل لج بلا ترقية و بلا منصب يخرب عليج هالحب
آنا اللي شفته بخبرتي علمني أشياء وايد .. و اتضحت لي الصورة أكثر لما صرت رئيسة قسم .. انت يمكن لأنج معلمة و ما تحتكين واايد مع الإدارات و ما تمسكين ملفات و لا تلحقين ورا توجيه و طلايبه , عشان جذي انتي بعيدة عن اللوية اللي قطونا فيها ..
آنا خريجة آداب و اخترت التدريس بإرادتي و حبيته .. بس الوزارة و إدارات المدارس و الصنف من الناس اللي ماسك مناصب في هالوزارة هم اللي خربوا على وزارة التربية و التعليم بشكل عام في الفترة الأخيرة .. غير التغييرات و التطورات اللي قاعد تحدث بشكل سريع و من غير دراسة متأنية .
آنا إيجابية لأقصى الحدود .. و لا عمري كنت سلبية .. و لما أشتغل أطالع رب العالمين ما أطالع ناس عشان يرفعوني .. بس المشكلة إن الأغلب من المعلمات و الإدارات جذي .. و هذا اللي صدمني أكثر
طبعا غير الأهواء .. و كلن على هواه يا حبيبتي لما توضع التقارير .. ما يهمهم شكثر تعبتي و شكثر انتي ملتزمة بدوامج .. آنا شفت هالشي بعيني لما انحطت التقارير .. صرت أعرف شلون أغلب الناظرات تحط التقارير .. و شنو يحطون في بالهم لما يحطون تقديرج .. ينسون كل شي سويتيه و كل شي تعبتي عليه .. منو يرفعونه و منو يقدرونه .. يقدرون اللي ترز ويها عندهم و تنافقهم و تعطيهم اللسان الحلو .. طبعا القلة القليلة من الإدارات اللي تخاف الله في هالموضوع ..
آنا ليمن ألحين مو سلبية .. قاعدة أعطيج حقائق يمكن تخفى عنج و عن غيرج .. آنا حاولت و قلت نفسج خلني أحاول أبعد نفسي عن هالسوالف و أحاول أمشي روحي معاهم .. بس ما قدرت .. آنا ما أعرف أنافق و لا أعرف أجامل و لا أعرف أرز عمري عند فلان و علان ..
أنا أتفق معاج إن معظم الحريم طبعهم التحلطم .. بس في تحلطم على سنع و فيه تحلطم على غير سنع .. يعني لا يمكن تقولين إن كلهم صح و لا كلهم غلط ..
و إذا الميزة اللي ناخذها من هالتربية الإجازة ترا ما تفرق عن الدوام العادي بأي وزارة اللي يعطيج 45 يوم .. فرقت ألحين هال 15 يوم .. ما أظن أحد يرتاح فيها كلها .. تلقين الوحدة فينا على آخر أسبوعين تجهز للمدرسة .. أوراق .. وسائل .. و غيره .. حتى إذا ناوية تعطي ورشة عمل أو درس نموذجي تلقينها تجهز لها من الصيف ..
و إذا عالمتعة .. ما أظن بتلاقين متعة إذا اللي حوالينج في الشغل ما يريحونج .. إلا إذا الوحدة يحوشها انفصام شخصية يمكن تمشي أمورها جذي …
أما الأجر .. فالأجر في نفسي و في بيتي و في عيالي و في زوجي .. و الأقربون أولى بالمعروف .. آنا ليش آخذ من وقت بيتي حق شغلي .. هو لو بس التحضير مو مشكلة .. المشكلة المهام الإضافية .. إعداد اختبارات و إعداد تقارير و تحليل مستوى و خطط و سجلات و غيره .. يعني غصبن عليج تداومين في البيت بعد ..
( مو هذا الدوام اللي يخلي الواحد يحس إنه على قيد الحياة ) اسمحيلي حبيبتي .. كأنك بالغتي واايد .. أنا عن نفسي ما أحس إني على قيد الحياة إلا لما أطلع من الدوام .. أعتقد الأغلب راح تلقين ردودهم يشابه ردي ..
آنا حاولت و قدمت شكوى بالتدريج .. يعني مشيت عالقانون .. قدمت شكوى عند المديرة .. و لما ما عطتني ويه .. قدمتها عند التوجيه بالمنطقة و لما ما سوولي شي .. رحت للمراقب و طلع الأخ يسمع اليوم و ينسى باجر .. و قدمت بعدها الشكوى للتوجيه العام بالوزارة و لا حس و لا خبر … تعتقدين هذيل كفؤ لوظائفهم إذا الشكوى يتلقونها و لا يتصرفون ؟؟ ليش ؟؟؟ سألت نفسي واايد هالسؤال .. يبا الوزارة ماسكينها ناس يركبون فوق ظهور ناس .. و ناس تخدم مصالح ناس .. يطالعون فيج ليش ؟ منو انتي ؟؟
روحي للوزارة و شوفي المكاتب اللي هناك و شوفي موظفين و موظفات المناطق شلون يعاملونج .. عبالج بيشيلونج فوق راسهم و يخدمونج .. أو يقدرون الوقت اللي انتي ماخذته استئذان عشان اتيينهم .. ما يهمهم .. أقصاج معلمة .. إذا وزارتج و هي وزارتج ما تقدرج و لا تقدر جهدج .. حتى المعاش يذلونج عليه .. عبالهم قاطته على هدوم .. ما يدرون إن المعاش رايح عليهم و على مناسباتهم و مشاريعهم اللي ما تخلص ..
لو للمعلم هيبة و تقدير في الكويت ما شفتي وايد منا يستقيل .. بس اللي حاصل إن التدريس صار وظيفة طاردة لأي شخص طموح و مخلص ..
اسمحيلي بس ما أعتقد تجربتج تعادل تجربتي بأي ناحية .. يمكن تكون خبرتج قليلة أو ما طلعتي برا مدرستج و جربتي غيرها .. يمكن كلامج بعدها راح يتغير ..
موفقة
|
المشاركة الأصلية كتبت بواسطة mi corazon
ورديه ورديه تسلمين على هالموضوع اللي نقدر نفضفض فيه بدون لوم وعتاب مع انج لمتينا
عزيزتي في شريحه من المعلمات دشوا التدريس تحت رغبة الأهل .. تعرفين بعض الاعراف الشريحة الثانية اللي آنا انتمي لها .. تسرعت وما ألمت بمعلومات كافيه عن مدى ثقل هالمهنه .. بمعنى ,, كل انسان له طاقه وميول معينه .. لكن كنا نشوف المدرسات قبل وماكنا نعرف عن سالفة التحضير اللي يكون على مزاج الناظره والمدرسه الاولى .. حتى بشكل الدفتر يتدخلون .. واشياء وايد اعتقد المفروض يحعون مساحة حرية شخصية للمعلمه لأنها تنعكس على نفسيتها بالتالي على عطاءها .. والا شالفرق بينا وبين الطلبه؟ الشي الثاني .. التعليم ممل .. يعني اكيد بتصدقيني لمن اقولج اني قاعده ادرس مناهج وكتب آنا درستها ايام المتوسطه .. تتخيلين؟ ماكو ابداع ولا تغيير وبالاخير يبون يشيلون اهم الدروس والليس تتعلق بهوية الكويت وهي عن الغزو عزيزتي المعلم يخرج الطبيب والمهندس ووووو المفروض يريحونه شوي مانبي نتدلع .. بس نبي شوية احترام .. شنو ردج عالمدرسه اللي تتبهدل امام طالباتها من ناظره غير محترمه .. نعم غير محترمه اللي تزعزع من كرامة شخص المفروض انها تكون قدوه ولها هيبتها واحترامها امام الطلبه .. هالشي حتن جدام الاهل علمونا اياه ان الاب ما يهزأ الام جدام عيالها .. فما بالج بالمعلمه الشي الثاني .. هالناشاطات اللي مالها داعي .. يعني اتوقع المعلمه يكفي انها تعطي يوم بالاذاعه المدرسيه وحصة احتياط بجانب حصصها مو يكدشونها احتياطات ومناوبات واكيد انتي ادرى بالباجي هل يستوي مجهودنا البدني والعقلي والنفسي مع الطالب والاداره مع اللي يقعدون على مكتب؟ بالعربي هاللي يشتكون وانا وحده منهم لو عطيتينا بديل ماراح نقعد ثانيه بالتدريس .. وانتي شايفه شلون قاعدين نحوس على شغل ثاني لولا الاتزامات جان مستقيلين من امس وربي شاهد عزيزتي .. الشي الوحيد اللي يخفف عني هو حب البنات والله لهم وحشه .. بس من اتذكر التعب ارد انام واقول خن استانس قبل الشقى ونصيحة لي للبنات قبل ما يتخصصون بتخصص يدرسونه عدل وسامحيني طولت بس كلمتين بجبدي والله يوفقني ويوفقكم يارب مشكوره |
ابله مس ,, اللله يبعينج ,, انتى يمكن شفتي ادارة مو زينه ,, بس ادارات عسل وتخاف ربها ,, والمديرة هم انسان ممكن يخطىء
|
المشاركة الأصلية كتبت بواسطة الدانة
حبيبتى فعلا ,, في ناس بس همها تحلطم تدور اي شي عشان تتحلطم عليه
ابله مس ,, اللله يبعينج ,, انتى يمكن شفتي ادارة مو زينه ,, بس ادارات عسل وتخاف ربها ,, والمديرة هم انسان ممكن يخطىء |
آنا بصراحة شفت إدارات مو إدارة وحدة .. و كان بينهم الزينة .. بس يظلون قلة قليلة ..
.gif "Eh S(6)")
.gif "Eh S(9)")
… الوحدة لازم لما تشوف المشاكل والمصايب على قولتكم في دوامها تواجهها في ابتسامه وروح رياضية وتفاؤل 
… لأن أكرر وأقول ( يمكن هذي الجملة كررتها عشرين مرة في ردود سابقة ) المعلمة ما تقدر تنجز أو تجتهد في مجالها اذا ماحبت التدريس … وكافي ان التعليم مهنة الأنبياء وكل حرف وكل معلومة توصلينها للطالب راح يكون لها أثر كبير في نفسه ويكون لج انتي أجر كبييييييير الله يجازيج عليه 
( على قولة وحدة من الخوات في موضوع سابق ) … يعني هالكلام يمكن يعطينا دافع عشان نواصل العطاء بغض النظر عن المصاعب اللي تواجهنا واللي أغلبها تكون مواقف فردية وشخصية مرت فيها المعلمة بمرحلة من حياتها 
…
يالله ألحين ردوا وراي وقولوا (( التدريس حلو وانا احب التدريس ))
( اسفة عشت الدور شوي )
احتسبي ألاجر عند الله سبحانه
بعض مجتمعات الحريم مثل مدرستي "مايخافون ربهم"
وكله حقد وحسد وغيره ومشاكل ونفاق حتى للابلات موعلى قلب واحد
يحشون برئيسة القسم لان رئيسة القسم ماتقعد بالقسم طول اليوم تروح تقعد في قسم ثاني
ولما رئيسة القسم تقعد في القسم شوفي انفاق والجذب واهيا مستانسه مالت عليها علباها صج يحبونها
بس تستاهل لانها عقرب رمل وتزلق وايرات بين الابلات حتى الابلات كل يوم هوشه
بس موكل المدارس جذي في مدارس تلقين الادارة تخاف ربها حتى الابلات على قلب واحد
ووناسه ماودج تعطلين يارب يرزقني بمدرسه من هالنوع
.gif "Eh S(20)")
.gif "Eh S(16)")
