الوسم: الماي

السلام عليكم بنات

بسالكم عن شغله:
اذا كنتوا بنفاس هل تشربون ماي ولا لا؟
في بنات مايشربون الا ربع قلاص ماي بالييييوم!!!

وفي بنات (انا منهم)عادي يشربون ماي لان بالاول والاخير بينظف الجسم ومايخرب المراة مثل مايقولون
وانا مجربه

اعرف وحده واهيا بالنفاس ماتشرب الماي فتعبت قبل ماتطلع من ال40 -فلما راحت فحصت طلعت الكليه عندها تعبااانه لانها ماتشرب ماي والحين تتعالج من هالشي

فياريت بنات تقولون اذا انتوا تشربون ماي ولا لا

مالج شغل بهالسوالف
لازم تشرب ماي اول شي مو زين حق الكله
وبعدين اهيا ترضع لازم تشرب ماي
انا بعد بنت عمي ماكانت تشرب ماي وصار فيها
التهاب قوي بالبول والكليه التهبت عندها
والدكتور زفهم زفففففف قال شالخرابيط هذي

وجعلنا من الماء كل شيء حي
عمر الماي ماكان مضر بالعكس مفيد جدا جدا وخصوصا الحامل والنفساء وغير هالكلام خرابيط وخرافات

انا كنت اشرب مااي بس طبعا دافي لانه البارد موزين ..
امي كانت تقولي اشربي عادي كثر ماتبين بس دافي اما اختي تقول موزين تكثرينه لانه ينقع بالبطن مادري شنوو يعني…

انا اشرب ماي بالعكس اهو اللي ينظف الجسم من السموم وما عليج من معتقدات قبل ترا مو كلها صح في اشياء ما ادش العقل

الماي موزين تكثرين منه وقت الاكل سواء بالنفاس او غيره لانه يطلع كرش

فالافضل انج تشربينه بعد الاكل بساعه او شويه وقت الاكل

اما الماي مهم عشان ينظف الجسم مويخرب الرحم مثل مايقولون

شربي ماي حبوبة ضروري بس لا يكون بارد أهم شئ

انا بصراحة اشرب بس ما يكون بارد

انا اشرب ماي لماا قول بس لا خرب الرحم ولا نقع البطن

انا اشرب ماي بالحد المعقول يعني مو 24 ساعة رايحة رادة عالماي
وكل يوم شوربة خضار وايد مفيدة وهي تعتبر من السوائل غير شاي الاعشاب حق التنظيفات

بس يقولون الماي لاتكثرين منه اول الايام وبعدين عادي

السلام عليكم
زوجي صار له فتره تألمه اذنه وينزل منها ماي والحين بعد يحس انها متسكره وينزل منها ماي .. طمنوني شنو هذا من صار له كذا ؟انا خايفه من الا اقراه ان ممكن ماي من الراس وهالاشياء الا تخوف طمنووني الله يجزيكم خير

ليش ما يروح الدكتور ؟!

لازم يروح دكتور

واقري عن بخور الأذن بقوقل بس لا تستخدمين شيء قبل لا تروحين للدكتور

الله يشافيه

هو راح اكثر من مره الدكتور ويعطونه قطره وحبوب اوقات مايفيد واوقات يستفيد شوي وكلها فتره ويرجع له الالم مثل الحين رجع الالم بزياده .. انا الا اشوف مو كل الدكاتره شاطرين وهذي المشكله ياريت نلقى دكتور شاااطر ويفهم ..طبعا في السعوديه *

حبيبتي

خليه يروح عيادات سابا الطيبة

لان اخويا كان يعاني من الالم اذن وقالو دكتور عيب خلقي لان امي كان والده فيه وهي بطيارة شايلته عمره شهور وقتها

وسلامته وقدامها العافية ان شاءلله

يا قلبي يمكن يحتاج حق غسيل أذن يمكن مرتفعة عنده مادة الشمع بالأذن

هاي

احنا نسمع ونشوف سوالف الطلاق ممكن اغلبها من الرجال
ولكن

ليش في بعض البنات ماتحمد ربها على نصيبها او بالاحرى عقولهم صغار ؟

انزين يابنت الناس
الله رزقج بخوش ولد
علا نياته
انزين ليش يوم يت النعمه بيدينج ترفسينه اللي كل البنات يتمنونه ؟

ليش ياترى ؟
مهرج 5 وعقب ماتزوجتي اختج تزوجت ومهرها 6 ؟
انتوا على قولتكم شارين الريال هذا كلامكم بالخطبه
وبعدين غيرتوا بكلامكم ؟

ريلج ماقصر هدايا وحاجزتج خوش سفره ويالله من فضلج أثثلج احلى الأثاث وفوق هذا
دوامج يم شقتج بالضبط بفريجكم
وبالمنطقه بنفس قطعه بيت عمج
وبيت ابوج بالمنطقه اللي وراها
انزين
والعرس عطاج 1000 وشوي عشان تسوونه بصاله فلانيه على حنتج ابي 3000 الا بسوي حفله كبيره
تقول اختي ريلها مسويلها عرس بمكان فلان الفلاني
وهو مومسوي ولا شي امه المسكينه اهي اللي دفعت فلوس العرس ريل اختها معاشه ضعيف

وريل اختج موحاجزلها سفره ولا حطلها شقه بروح
مقعدها ببيت اهله غرفه وحمام الله وكيلكم ومن رابع يوم يجعمها
بخطبتهم قالوا عادي يقعد مع اهله عقب الملجه قالوا لا نبي شقه

وتروح هذي عند ريلها المسكين تقوله شوف اختي بيسفرها امريكا وباني شقه كبيره ببيتهم
ويايبلها مادري شنو

انزين من اول ماتزوجتوا مايابلج ( جنطه ساعه بوك اكسسوارات ورود عطور دب الخ)
كل هذا وموعاجبج ؟
ولا عيد الميلاد ماقصر

شتبين ؟

تقول رفيجاتي كل رياييلهم فاتحين لهم سيايير ومادري شنو
انزين والمطلوب ؟

بنرفزك عشان تطلقني ياخي مابيك غصب ؟
اوكي شنو شايفه عليه ؟
لاهو راعي خرابيط ولا هو راعي بنات شنو هذا ؟

لاعت جبده الريال منها
وبالاخير طلقها ولعن ابوالساعه اللي ملج عليها لاتحترم امه ولا اهله شنو لعنبودارج
الريال من عذر طلقج شلون يعيش مع وحده غلطت على امه ؟

واخرتها اختها لاسوت عرس ولا شي كنسلوه لان اهل ريلها حاشتهم حاله وفاة ولا سفرها ولا شي قعدها ببيت اهله غرفه وحمام وماكله تبن يالله هذي اختج اللي تقولين بتروح امريكا مادري وين

سبحان الله

شماله متزوجة ؟
وتظلمين ولد الناس ؟

اوكي منو قالج توافقين ؟
عمرج بيطق ال30 وهذا تفكيرج ؟

شبيقولون الناس عنج ؟
ثوله غبيه ؟

وبعدين ؟ خذيتي نص المهر شنو استفدتي ؟؟
حتى بالمحكمه تخربط تقول حق الاستشاريه يالله سوي اجراءات الطلاق مالي خلق اتحجى

امبيه في ناس جذيه

ماشي الريال مايكسره طلاق باجر ياحبيبتي يتزوج وانتي خلج قاعده

اكو وحده ترفس النعمه ؟

استغفرالله

___________________________
تم تعديل الموضوع من قبل المشرفه العامه Dancing^Queen
السبب : استخدام الفاض غير لائقه ارجو احترام ادب الحوار وقوانين القسم

في ها لحاله أهي الخسراااانه
والريال الربحاااان الله يسخرله اللي احسن منهاااا

حبيبتي الاسباب وايد
في بنات تعودوا في بيت اهلهم عالدلع وطلباتهم مجابة ومحد يقول لهم لا ويتوقعون الشي نفسه من الزوج
وفي بنات يقارنون حياتهم بغيرهم وهالشي يدمر الحياة الزوجية كل زوجين لهم ظروفهم ممكن اختي زوجها بخير ونعمة ومو مقصر عنها وزوجي على قد حاله بس مو مقصر معاي ما يصير اقارن حياتي بحياتهم واطلب منه يوفر لي مثل ما زوج اختي يوفر لها
المقاااااااااارنة سبب الخراااااب

الله يعين

حبيبتي. الحين الزمن تغير واايد وايد

والسبب انه هالزمن جدا جدا مرررفه بشكل مب طبيعي

يعني البنت لما اتزوج اتكون حاطه ابالها شي ولما ما يعجبها تقول شزيني ف بيت اهلي ومب مجبوره اتحمل هالشي ويكون اسهل حل الطلاق

.
وعادي بطلق وباخذ الي احسن منه

الحين الحياه غير غير اللي تطلق عشر مرات عادي اتزوج مو مثل قبل المطلقه لها نظره سوده فالمجتمع

الحين اتطلق وتقول الحياه حلوه

اب اب اب

أي والله كلامج صح ياربي تستر علينا وتصبرنا ع ازوجنا يارب

الله يعين

القناعه كنز والي يقارن نفسه بغيره بيعيش بجحيم والنوعية هذي فرقاها عيد وحتى لو خذت نص المهر ميخالف فكه ودفعه بلا ولا مجابلها طول العمر والعوض من رب العالمين

صح كلامكم بعد الحين البنات ماقاموا يثقون بالرياييل
يعني ريال طلق مره مرتين تسأله وايد ليش طلقت وليش طلقت اكيد انت تأذي حريمك وتفكر وايد ان ماعافوه الا من سوالف اهو مسويها والريال اهو الضحية
لان الريال اذا تزوج مطلقه مايسألها تلقونه بيستقر
الريال يقط وياخذ قرض وايجمع فلوس تلقونه من اهو صغير ابوه يخشله او اهو يشتغل يخش فلوس او ياخذ قرض اخر شي لي قرر يتزوج عادي بعد شهرين سنه سنتين مطلق ؟
ويقعد قعده طويله عشان يقدر يفتح بيت مره ثانيه

على قولتكم اذا كل وحده ماعجبها الوضع وترد بيت اهلها موحاله هذي الوحده لي وافقت عالزواج لازم تعرف ان حياتها مع زوجها غير وشقى وتعب واستقرار لي متى هالبنات يتدلعون

ويطق عمرها 35 ولا 40 45 يالله تحس انها تبي اي ريال يطق بابها

للأسف اغلب الخليجيات شايفين عمرهم
لكن شوفوا بعض العربيات والاجنبيات يخضعون للريال مهما كان وماتتطلق الا بحالات سيئة جدا وتأثر على حياتها ماتطلب وتطلب وتطلب وتطلب

شنو هذا قطع

حبيبتي مو كلهم مثل ماتقولين في بنات سنعات ومتربيات وشايفين خير يبون الستر والريال الصالح
ما يهمهم الفلوس والماديات وبعد يكونون في العشرينات

الرك عل التربيه والاختيار الصحيح للزوجه وأنها تكون من بيئه صالحه ومتربيه وبسسسسس

الحين الاغلب رياييل ما يتحملون المسؤؤؤؤليه والبنات يبون الحريه ومايبون ريال يتحكم تبي تطلع وتدخل علي كيفها يعني مرات من الريا ل مرات من المره العيب والله يهدي الجميع

الله يعين

انا مع شادن كلامها صح

السلام عليكم ..

عندي سؤال بخصوص الماي المقري..

لو ابي انا اسويلي ماي مقري بس اقرا عليه سورة البقره و انفث في ولا شلوون ؟؟

عفيه اللي تعرف تقولي و مشكووورين مقدما

ان شاء الله البنات ما راح يقصرون

السلام عليكم ورحمة الله وبركاتة

بالنسبة للماء الافضل ماء زمزم واذا ماتوفر ماء عادي بس نصيحة زمزم لة مفعول سبحان الله

اما بالنسبة للنفث راح اكتب لك الموجود من كتاب عندي ررررائع هالكتاب

للرقية طرق ثبت عن النبي صلى الله علية وسلم هي
-1قراءة الرقية مع النفث (وهو الريق الخفيف)نهاية كل اية او كل مجموعة من الايات او نهاية القراءة.

2-القراءة بدون نفث.

3-القراءة ثم اخذ الريق بالاصبع ثم خلطة بالتراب ومسح موضع الألم بة .

4-قراءة الرقية مع مسح موضع الألم .

المصدر:
كتاب كيف تعالج مريضك بالرقية الشرعية (دراسة شرعية تأصيلية مع قصص واقعية)

تأليف
د:عبد الله بن محمد السدحان

تقديم كل من فضيلة
**************************
الشيخ عبدالله سليمان المنيع
الشيخ عبدالله عبد الرحمن الجبرين
الشيخ ناصر عبد الكريم العقل
الشيخ محمد عبد الرحمن الخميس

قرئ على سماحة الشيخ :عبد العزيز بن باز رحمه الله .

واتمنى اكووون افدتك اختي راجية من المولى عزوجل لك السلامة والعافيه من كل شر

اختك حبيبة

كلكم فيكم الخير والبركه

مشكوره حبيبتي ماتقصرين عالافاده ..

والله يعافي الجميع ان شاء الله و يشفي كل المرضى ..

هذي طريقه قال لي عنها الشيخ ابو مشعل وهي قرااة الفاتحه سبع مرات بعد كل مره تنفثين في الماء اوعلى نفسج ثم تقراين الفلق والناس مجزاه اي بعد كل ايه تنفثين ثم تشربين من الماء الى حد الارتواء حتى اذا كان فيكي شي ترجعينه وتستخدم هذه الطريقه مع الزيت او اي شي تودين القراءه عليه والله يشفي مرضانا ومرضى المسلمين انشاء الله

مشكوووره واااايد حبيبتي ..

والله يشفي الجميييع ان شاء الله ..

و جعله في ميزان حسناتكم ..

صباح الخير

ودي اسألكم عن طريقة في منع الحمل احد سامع عنها
و اهي انه الوحدة عقب …… تحط ماي
صج هالطريقة و لا لأ؟؟
في احد جربها و لا لأ؟؟؟؟

اول مرة اسمع عنة

مبروك الحمال مقدما

و الله طريقة غريبة عمري ما سمعت عنها ..

يمكن احد يفيدنا !!

ام زيزو على شنو اتباركين؟؟؟؟؟؟؟؟؟؟؟؟؟؟
انا سألت عن طريقة لمنع الحمل مو للحمل
شككتيني بعمري؟؟

بنات معقولة محد سامع عن هالطريقة !!
اهي انه عقب الجماع تحط ماي داخل
مو سامعين

اول مره اسمع عن هالشيئ

خخخخ ام زيزو على شنو تباركين

اي انا سامعه بعد الجماع بسرعه تغسلين من تحت بالماي صح؟
بس ترا مو مضمونه بنات واااجد يسوونها ممكن تأخر الحمل بس ما تمنعه في ناس ضبطت معاهم وناس لأ..
بس اذا انتي تبين طرق طبيعيه لمنع الحمل سوو مناعه..والظاهر ام زيزو قصدها اذا انتي تسوين هالطريقه مبروك الحمل لانها مش مضمونه ورحتي فيها هاهاهاي والله اعلم؟

ايييي
هذا قصدي أقول لك مبروك الحمال مقدما اذا تبين تسوين هالطريقة

لا هالطريقة كلش مو مضمونة كلللللللللللللللللللللللش

بنات هالطريقه مره سمعت عنها بس الدكتوره سألتها قالتلي موزينه تأذي الرحم بعد لأن في بنات يسوون غسيل مهبلي يعني يستخدمون الماي (الهوز)

لااااااااااااااا لاتقولون
استغفر الله
لانه مرة صارت غلطة فانه سويت هالطريقة
شنو اهي طريقة المناعة ؟ليكون العد هذي كلش مو مطمنه لها

لاااااااااااااااااااا لا تقولون
استغفر الله
لانه مرة صارت غلطة و فعلطول سويت هالطريقة

اختى اهيه مو طريقه لمنع الحمل لانها مو مظمونه بس للتاكيد من الدكاتره للى تبى الحمل لا تغسل عقب الجماع عشان تكون فرصة الحمل اكبر ودمتم

امبيه انا على طوووول اغسل شكلي من جذي تاخر حملي واغسل بضمير بعد

ما أعتقد انها تمنع الحمل من وين سامعتها اختي

مساء الخير
شلونككم بنات سمعت ان البشرة اذا كانت تعبانة لها علاقة بالكبد
وان شرب كوب ماي دافي مع نص عصير ليمونة ينظف الكبد ويصفي البشرة
وسؤال يصير الحامل تشرب هالخلطة ؟!؟!

والله مادري عن هالمعلومه

بس انا كله اشربه اذا مرضت وانا حامل وازيد عليه قفشة عسل

لان ماحب اخذ ادويه وانا حامل

انا سامعه ان الحمضيات مثل الليمون مو زين

بس تأكدي

عادي حبيبتي بس لاتكثرين واحتمال يحوشج حارج

عادي ان شاءالله

اااااااااااب

سلام عليكم

حريم وكروشات سمعت ان الماي الحار مو زين على الحامل وانا مااتسبح الا بماي حار وايد والحين صيف يعني الماي حار اساسا ومرات اغسل من تحت بماي حار فمادري اهو صج مضر والا لا

انا عن نفسي هم اتسبح بماي حار
اتوقع ما فيها شي شنو الضرر الي بيحوشج من الماي الحار؟
بس ما يمنع انج تسألين اهل الاختصاص اهم اخبر منا

والله مادري انا كله اتسبح بماي حار بس اللي سمعته موزين انج تحطين ببانيوو ماي حار وتقعدين فيه هذا موزين

انا ما اتسبح الا بماي حاااااااار

والله سمعت انه موزين بس الافضل تسالين دكتورج

بنات باسألكم ليش موزين الوحدة تكثر من الماي في النفاس؟

يعني ما ادري الوحدة لازم ما تشرب اللي يكفيفها وتموت عطش؟

شنو مضرة الماي؟

لا ياقلبي بالعكس الماي زين للنفاس . بس مو البارد اللي يكون وسط ..

اللي مو زين للمرأة التنقع بالماي ( الحوض ) او حتى استخدام نظام المرش في الحمامات .. لو الحرمه تتشطف بيدها و تصب الماي على ايدها وتتشطف وااايد احسن .
بس اللي ترش الماي رش ( مثل الاكثريه ) من داخل بينترس ماي و الرحم يصير مثل الجربه

لا بالعكس الماي وايـد زين
بس مايكون بارد
بس اللي اسمعه من امي الله يطول بعمرها ان الماي يتفخ اللي بالنفاس
بس مو ماتشربين شربي بس بحد معقول
يعني كافي لترين باليوم

هلا كلام حريم اول هو مو صحيح

بس الصراحه المااااااااااااااااااااي فوايده وايد خوصوصا بالنفاس
وماعليييييييييييييييج شربي ماي كثر ماتقدريييييييييييين وعصيرات طبيعيه بس وخري عن المشروبات الغازيه

يعنى عادى الوحدة تشرب ماى يقولون الوحدة تصير منفوخة اذا شربت ماى أوحتى عصير

ذكرتيني بانفاسي امي تقول لاتشربين الماي وايد لين صار فيني جفاف الله وكيلج وحرقة بالبول عزج الله رحت الطبيب ثالي انتي شنو مسوية قتله ماشرب ماي وايد قال حرام عليج جان ااشر على امي ههههههههههههههه

لا كثري منه والكرشة طالعه طالعه

الماي زين للجلد والحليب وبعدين انتي قاعدة تفقدين سوائل شربي ماي بس عاد مووااايد شربي كميات صغيرة باوقات متقاربة

لازم تشربين ماي والا تنشفين مو زين

شرب الماي بالنفاس زين بس مو على بطن فاضية

ههههههههههههههههههه بدعو فينا امهاتنا اللله يخليهم لي ما عليج يالحلوه شربي اللي يكفيج بس شرط لا يكون بارد

زوالله امي ماكانت تخليني اشرب ماي الا بالغصب

والله انا توني طالعه من النفاس واشرب بنفاسي شرب والحمد الله كل شي تماااااااااااااام

لارطوبه ولايحزنون بصرااااحه الوحده بالنفاااس تموت عطش

انا شخصيا اثق براي حبيرة الاعشاب

السلام عليكم والرحمه

بنـات تكفون اللي عندها خبره بهالشي لاتبخل علي

انا بالشهر الثامن وقبل جم يوم سويت سونار قالولي ان المشيمه ناازله بس مووايد وان الماي وايد وقالتلي الدكتووره يمكن الماي اللي فيج من سكر حمل سوى تحليل وتعاليلي

اللي نزلت عندها المشيمه ششنو لازم تسوى وشنو اللي موزين لهااا واللي يخليها ترجع مكانها

واللي كان الماي عندها وايد ششنو ممكن يكون السبب وشنو حله

ناطرتكم

بناااااات شدعوه محتاجتكم ولا وحده تررد

هلا حبيبتي

انا مشيمتي كانت نازله والحمدلله ردت
الي سويته راحه تامه وارفع رجولي وانام على ظهري
هذا للمشيمه لا تبذلين اي مجهود
اما بالنسبه للماي ماعندي فكره والله

وعسى ربي يقومج بالسلامه

بالنسبه للمشيمه اهم شي انج ترتاحين راحه تااامه

وما تتحركين الا للضروره واهم شي خلج على ظهرج ورفعي ريولج شوي

والماي الزايد هذا احتمال يكون من سكر الحمل

والله يهون عليج ويقومج بالسلامه يارب

سوي.تحليل.وارتاحي.

مشششكورن بناات بس معقووله محد سمع عن الماي الزايد

بليييز اللي عندها خبره تقووووووووووول

انا بالخامس كان الماى زايد وشكو ان فينى سكر وسويت تحاليل وطلع مافينى سكر

والحمدلله بالسابع صار الماى طبيعى

اذا المشمة نازلة لي الولادة تولدين قيصرية
وبالنسبة للماي ماعندي فكرة بس انتي لاتسكتين
سالي اكثر من دكتور لان انا كان عندي مشكله بالحمل
وماخذت راي ا دكتور ثاني غير دكتورتي وللاسف ولدي كلاها بعدين
الله يقومج بالسلامة وانشالله مافيج الا العافيه