|
|
دخلو ضروري
السلام وعليكم ورحمة الله وبركاته
امي صارلها اسبوع ماتنام من عرق النسا
قريت بالمواقع الطبيه
انه الطب الشعبي ينفع
فيه احد مجرب وشنو صج اللي يخفف الالم
ووين القى طب شعبي بالكويت تعرفون وحده
اتمنى اللي عنده علم يفيدنا
جزاكم الله خير
أنا عندي رقم وحدة متخصصة بالحجامة ودودة العلق..
جيكي على الخاص
|
|
السلام عليكم
شلونكم شخباركم
بنات بليز ابي دكتوره أمراض نسا زينه تعالج تأخر الدورة
لأني كنت أعالج عند دكتورة هندية بالمستوصف وقالت لي مافيج شي بس يبيلج تضعفين وانا سمنتي مو اوفر وايد متبتبه شوي
وتحاليلي كانت زينه ومبايض زينه ماكو تكيسات الحمدالله
فماني عارفة شالمشكله
والدروة اذا يتني يومين بالكثير وتطول شهرين علشان اتيي مره ثانية
المهم ما أطول عليكم
ابي دكتوره زينه حق هالمشكله مع ذكر رقم العيادة
ومشكورين
روحي لعيادة فوزيه القطان عند الدكتوره شيماء
وسوي فحوصات وان شاءالله مافيج الا كل خير
|
المشاركة الأصلية كتبت بواسطة الأميرة جوري
 اللي اعرفه وعن تجربه ان اللي تتاخر وتاخذ شهرين ضعف مبايض روحي لدكتوره ماجده اليتامى كنت اراجع عندها والحمد الله حملت
|
مشكورة
بليز رقم العياده
|
المشاركة الأصلية كتبت بواسطة ترووفه
تاخر الدوره ممكن خلل في الهرمونات
روحي لعيادة فوزيه القطان عند الدكتوره شيماء وسوي فحوصات وان شاءالله مافيج الا كل خير |
مشكورة
جم رقم العياده والدكتوره هذي مصريه والا شنو؟
|
|
متى مراجعة الموظفات حق عيادة النسا والولادة بمستوصف الفيحا اهم قالولي اليوم العصر بس من الساعة جم لي جم ..
الله يعافييكم قولولي عشان الحق عليهم .. شكرا ..
|
|
شلونكم بنات صارلي اسبوع اعاني من الم في ضهري رحت الطبيب وقال التهاب في عصب النسا وعطاني حبوب مسكنة وحولني على العيادة بس ليلحين ماحطيت موعد الي عندها تجربة ولا احد تعرفة قريب منها له تجربة في العلاج او تعرفون مكان علاج طبيعي ياريت تقولون لي لان صج قاعدة اعاني منة
وانا جاني وراح من الكوي ولله الحمد
وعموما هو عباره عن عين ماتروح الا بالنار
لان فيه ايه قرانيه تقول ملعقه من عسل او حرف من قران او لذعه من نار
وتفكرو فيها ترا العلاج بكلهم سبحان الله
والله صاجة عين من طلعت من عرس مو مترقعة لا من دمي ولا من ريولي مشكورة اختي بس اخاف من الكوي واذا تبين رقمه اطرشه لج بالخاص
انا اول ماصار معاي كان لا ليلي ليل ولا نهاري نهار
وايد عانيت منه ولا ازال
رحت حق وايد دكاتره د. مساعد السعيد و د.حذيفه بن نخي ودكتور امريكي زائر بمستشفى السلام
اذا الحين فيه الم انصحج تشترين حبوب اسمهم سيليبريكس وايد زينين ويخففون الالم
واذا حسيتي انج تعابنه وايد انسدحي على ارض يابسه
ولاي استفسار انا حاظره
( ديري بالج من الكي ما انصحج فيه )
|
|
بنات انا حامل بالشهر السادس ربي يتمم علي و على كل الحوامل و ربي يرزق كل الي اتمنى الحمل
المهم بلش معاي عوار بس كان يروح و يرد ماهتميت و امس مسكني عدل والله بنات جنه كهربا تمسكني من اخر ظهري له نص فخذي من ورا جهت اليسار تعذبت امس و قريت انه بيستمر و ماله علاج الى الولاده انصحوني شنو اسوي و منو مرت بنفس حالتي الالم ايني فجئه اخاف اتحرك و المشكله للحين ماجهزت للبيبي بنات ادعولي خايفه و تعبانه من العوار 😭😭😭😭😭
مااهتميت ونسيت عقب الولادة بس كان يرد علي
من فترة لي فترة والحين يوم حملت مره ثانيه رد علي اقوى
والالم نفس ماوصفتيه وبنفس المكان بس هالمره
اقوى والالم ممتد من اخر ظهري لي اصابع ريلي اليسار
قلت حق دكتورتي عطتني كريم طبعا مافاد بشي
لان العصب من داخل يكون ملتهب.. ان شاالله بعد الولادة
بعالجه لان كل ماله ويزيد وعواره مو طبيعي الله ياجرنا
و ممكن تسوينه و انتي حامل بس من الشهر الرابع و فوق و مجربينها وايد
99702923 ام محمد
|
|
شلونكم بنات كويتيات
ياريت يابنات تساعدوني ابي طبيبة نساء شاطرة بامراض الناس مالي شغل بالحمال والولادة لاني توني بنت وابيها شاطرة بامراض النسا
تكفون بنات الله يوفقكم ويرزقكم الي تتمنونه
.gif "Eh S(8)")
دكتوره دلال السالم
دكتوره قمه و تهبل و ماتستحين منها كلش
|
|
بنات شلون انا ابي بس اعالج مو حمل ولا شي يعني التهابات تكيس جذي؟؟
يعني مادري ليش مافي كل يوم بالمستوصف امراض نسا وإذا عياده حوامل ليش ماندش؟؟ وليش الحوامل يومين بس وامراض النسا يوم واحد وصبح بعد ياليت عصر وشلون واحنا دوام
وفوق هذا الحين رمضان يقولون مافي امراض نسا العصر يعني قصدي بعد الفطور وإذا بروح المستشفى صوب الصباح مادري وين اروح ولمه رحت الطواريء يقولون لازم تحويل من المستوصف والمستوصف غير دكتور امراض النسا مايعطيج تحويل يعني انطر اسبوع بعد ..؟؟؟ ليش كل هالقعد؟؟
يعني يحدونا على الخاص؟؟ وإللي ماعنده فلوس شيسوي؟؟ دووووخه حرام والله مادري فهموني
ليش مافي كل يوم دكتور امراض نسا؟؟ يعالج الحوامل والنسا مع بعض يعني نفس طريقة الخاص؟؟ عادي إللي تجي تاخذ رقم بس بالعكس جذي يكودونهم يوم واحد فلمه تجيين تلقيين زحمه امه لا إله إلا الله كلها هناك إذا صار كل يوم راح تخف الزحمه وبعدين شالفرق بين دكتور الحوامل ودكتور امراض النسا كله واحد ليش هالقعد؟؟ وبعدين النسا بس يوم واحد بلأسبوع؟؟؟
انتو شرايكم بالموضوع؟؟ يصير نجمع تواقيع نوديها المختار يخلون عياده النسا كل يوم؟؟
والله يلوعون الجبد على هالسالفه … بس لان انا فكيت عمري وصرت اروح خاص
|
|
السلام عليكم ورحمه الله وبركاته
مبارك عليكم الشهر
بنات الله يعافيكم بسالكم عن عرج النسا تعرفون وين نقدر نعالج وعند منوو ضرووووري ابي احد ثقه
يارب من تساعدني وترفع الموضوع ترزقها في هالشهر الفضيل كل ما تتمناه وتجعلها من عتقاء النار :"
بنات ووين اقدر القى ماء مقري عليه ؟؟
بيتنا ما يترقع هالعين ذبحتنا والمشكله بامي وابوي لا بارك الله في من تعمتد ينظلهم
حسبي الله ونعم الوكيل تكفووووون دعواتكم لامي وابوي
ويزاج الله خير حبيبتي
عسوله الله يرفع قدرج مشكوره
توفا رفع الله قدرج
والحمدلله تشافت
الناس ثقافات وكل له طب
|
|
هاي بنات
شلونكم
الصراحه انا بتكلم بموضوع اليوم
واهو
لما تروحين حق طبيب النسا حق التهابات وغيره
وخصوصا الالتهاباااااات
واي بنات ماحب طريقه الكشف والتحليل حدها تفشل
انا من تزوجت سنيتن وشوي رحت مره بس
واي حده فشله حتى لو مره الطريقه موحلوه ماحبيتها
الحين لا صار فيني التهاب اقعد ماروح بسبب هالشي وهذ غلط
لاصار فيج التهاب شنو تسوين في طرق غير الطبيب؟
وشنو اكثر طبيبه ارتحتولها
صج ادويه وحاله والالتهاب يبيله علاج سريع مايتحمل تصبرين من الالم
وخاصة الأله الي تخرعععععععععععععععععععع
شنسوي مجبورين
مراجعة الطبيب لابد منه ..
اذا مو التهابات شي غيره الله لايقووله ..
ترى الالتهابات مو شي هين ينسكت عنه
————————-
اثبت الابحات بان 65 بالمية من النساء يعانون في حياتهم بافرزات المهبلة تكون
كثرة الافرازات المهبيلة يتغير لونها ورائحة كريهة حكة بالمهبل
ممكن تكون هذه الاعراض بداية لاصابة بنوع من الالتهابات المهبيلية او اصابة بالفطريات في حالات ناذرة قد تكون بداية لبعض الا ورام
ماهي الافرازات السليمة
يجب على المراة ان تعرف ان الافرازات السليمة تكون مائية سائلة شفافة ومافيها ولااي رائحة
تفرز هذه من عنق الرحم تكون في منتصف الشهر خلال فترة التبويض وتكثر الافرازات خلال الحمل بسبب ارتفاع هرمون الاستروجين تختلف كمية الافرازات من فترة لاخرى من امراة الى اخرى
تغير الافرازات المهبلية
تغير طبيعتها تكون ناتجة على مشاكل صحية تعاني منها النساء لان 65 بالمية يزرن الطبيب بسبب هذا المشاكل
الافرازات المهبلية تكون غالبا طبيعية
الافرازات غير طبيعية
يتغير لون الافرازات وتزيد الكمية لما تشعر المراة برائحة كريهة من المهبل او حكة او حرقة مهبلة وتكون هذه الافرازات كثيرة او لون ابيض سميك او لون اخضر او اصفر او رمادي
وياتي عن هذه الافرازات غير الطبيعية تراكم الفطريات في المهبل او اصابة بالتهابات مختلفة
ماهي الاسباب التي تسبب هذه الافرازات غير طبيعية
ممكن تكون اصابة بالمهبل بمكروبات او فطريات
الجهاز التناسلي عضو من اعضاء الجسم الحيوية يتعرض بسهولة للمكروبات او الفطريات تكون عوامل عديدة مثل نقص في المناعة الجسم وتعرضه للعدوى
ممكن يكون من النشاط الجنسي او تلوث المنطقة المحيطة بالجهاز التناسلي
المهم هناك كثير من الاسباب يمكن تسبب الافرازات والاسباب تختلف بنوع الافرازات
مسببات المرض
استعمال كريم او صابون معطر للتنظيف المهبل
لبس ثياب غير قطني ضمور في منطقة المهبل بسبب انقطاع الدورة الشهرية للمراة التي تصل سن الياس داء السكري يسبب نقص في المناعة وزيادة في الاصابة اصابة ببعض الامراض التناسلية تغيير الهرمونات مثل فترة الحمل او استعمال حبوب منع الحمل
بجب على المراة ان تعمل تحليل مسح لعنق الرحم سنوياً هذا التحليل ممكن تتفادى خطر الاصابة ببعض الامراض التي تسبب سرطان عنق الرحم
اشياء يجب على المراة ان تعرفها
هل تكون الافرازات بالنسبة للدورة او مؤقة او دائماً
هل تشعرين بحكة او تقرحات
هذه الافرازات لها علاقة بالعلاقة الحميمة
هل هناك تغيير ادوات النظافة
هل تتناولين بعض الادوية هل تعانين من داء السكري
يجب ان يعرف السبب من المراة او من الرجل ضروري زيارة الطبيب في هذه الحالة لكي لاتتطور الحالة
اذا حصلت افرازات للفتاة قبل سن الرشد هذه المشكلة من وقت الى اخر غالبا تكون بسبب تواجد جسم غريب في المهبل في غالب الاحيان الفتاة لاتعرف هذه المشكلة ربما لاتعرف كيف تميز بين الافرازات اذا كانت مصاحبة باعراض مثل آلآم في اسفل البطن او ارتفاع الحرارة او الم اثناء التبول او خروج دم مع البول يجب زيارت الطبيب فورا
هناك بعض السيدات تصاب بافرازات غير طبيعية ويرجع الامرالى نقص في هرمون الاستروجين عندها ويؤدي الى دمور في المهبل وجفافه
هناك بعض يعانون من كثرة الافرازات مما تسبب مشاكل عند العلاقة الحميمة وفي هذه الحالة يجب زيارة الطبيب مختص يصف دواء للمراة يركز علىمنع المراة هرمونا ضد الهرمون الانتوي الاستروجين يسمى البروجيسترون ان هذا الدواء اثبت نجاحا كبيرا لحل المشكلة
وشوفي هالموضوع
https://www.q8yat.net/showthread.php?t=57243
|
المشاركة الأصلية كتبت بواسطة tota in indiana
شوفي بقولج على طريقة لا طبيب ولا غيرة تيبين شدة بقدونس و تغسلينها عدل بعدين تفوحين البقدونس عقب تخلين الماي مال البقدونس وتستعملينة كغسول او تقعدين فيه ربع ساعة احسن وشوفي
|
صججججججججججججج
خوش طريقه والله نجرب ليش لأ
ومشكوره
بالبدايه اللي مو متعوده تنحرج لكن انا صار عندي مناعه من كثر ما اراجع واكشف والسبه اني تأخرت بالحمال.
روحي الطبيب ولا تفكرين ولا تهتمين لأن الطبيبه متعوده وكل يوم يدشون عندها اشكثر.
انا قبل كنت اعاني من هالمشكله ( الالتهابات ) في بداية زواجي وهالشي طبيعي بسبب التغيرات اللي صارت وآنا ما خليت طبيبه مارحتلها علشان اتعالجلي هالالتهابات وما بقى غسول ولا تحاميل ما استخدمتهم وبالأخير استخدمت تحاميل عطتني اياهم دكتوره بالصباح صج صج هالتحاميل احسن نوع واهمه الوحيدين اللي انفعوني ولا رجعتلي الالتهابات واسمهم Warimazol. جربيهم وانشالله بينفعونج.
والملل لم يحوشني
لم اروح عند ناهده العلي
واشوف البنات الحمل الله يتمم عليهم
قاعدين ينطرون بالساعات
مساكين احس في مأساتهممم
روحي عند فوزية القطان شاطرة و ما تطالع و لا شي و ايدها خفيفة تبارك الرحمن
الله يوفقج
بس في الاحوال العادية اعالج روحي بروحي خخخ استعمل تحاميل كانيستينواغسل بغسول طبي وكريم ليموكسين وخلاص (صرت خبرة)
لين برايتون وين صاير مكانها؟
|
|
السلام..
بنات متى دوام طبيبات النسا اللي بالدعيه.. الايام (أتوقع يومين بالاسبوع بس مادري متى) والوقت؟؟
هذاك اليوم رايحة اغز ابرة والا واحد في انفلونزا الخنازير
وفوق هذا الحوامل وامراض النسااا كلة هنود وباكستنيات مادري الله يوفقج
