الوسم: الفيحاء

متى مراجعة الموظفات حق عيادة النسا والولادة بمستوصف الفيحا اهم قالولي اليوم العصر بس من الساعة جم لي جم ..
الله يعافييكم قولولي عشان الحق عليهم .. شكرا ..

محد يدري

بلييو منو تدل الملحق الثقافي بالفيحاء

تحط العنوان أو الرقم أو توصف وشكراا

اذا انتي مدرسة طالبين منج حسن سير و سلوك راح يردونج الملحق الثقافي بس روحي للسفاره

على العموم هو عند دار القران اللي بالفيحاء

مشكووره حبووبه بس ما تدرين بأي قطعه ؟؟

بقطعه 7 هو عباره عن بيت بزاويه على الدوار اللي قبل اشاره الفيحا والعديليه

واذا تبين اوصفلج بالضبط قوليلي من اي شارع بدشين الفيحا وانا ان شاء الله اوصفلج بالضبط

مشكوووره حبووبه

انزين اذا أبي أدش من الشارع اللي بين العديليه والفيحاء ؟؟

مرحبااا بنات

بغيت روضة خاصة حق بنتي تكون اما بالفيحاء او النزهة او كيفان او القادسية

يعني نظااام حضانة واولى روضة وثانية اللي تعرف لا تبخل علينا بالعنوان او على الاقل

اسم الروضة

شاكرة لكم ………….

حبيبتي في بالفيحاء حاضنة كيدز و ليتل لاند وايد حلوين

السلام عليكم ورحمة الله وبركاته …
شلونكم خواتي ..
موضوعي هذا خاص حق عيال الفيحا ..نستفيد من بعض ونحاول نتعرف على بعض ونعرف أمهات صديقات بناتنا وربع عيالنا
طبعا انا عندي بالابتدائي كلهم وواحد بالروضة ..
واللي عيالها بالمتوسط خل تشاركنا ونستفيد منها ..
أولا التجهيز جهزت حق عيالي من مهرجان القرطاسية بالفيحا ..والحمد لله خلصت ..
بنتي بتروح رابعة ان شاء الله وولدي بيروح ثانية ابتدائي والصغير اولى روضة ..إن شاء الله
أولا :
مدرسة عمرة بنت حزم للبنات ..
ممتازة ونظامية وقانونية ومرتبة وهذا الشي يعجبني ..صحيح اني في البداية كنت أنزعج من هالشي بس ألحين تعودت وارتحت ويزاها الله كلللل خير ناظرتنا بنت الشطي على جهودها ..
المدرسات كلهم يهبلون ويفهمون الطالبة بس انتي بعد لازم تشدين حيلج مع الابلات شوي
المدرسة طريقتها حلوة وأنا أحب النظام يعني مثل الغيابات جادين فيها حيل ويحاسبون عالغياب بدون عذر
مايعذرون البنت اللي تغيب بين العطل مثل مايسوون ناس وايد ياكلون قبل العطلة الرسمية يوم وعقبها يوم يعني يحسبونه غياب..
ومثل اللبس والجاكيتات بالشتا لازم اللون اللي يطلبونه من البنات ولازم الدلاقات البيضا والجوتي الأسود طوووووووووووول السنة
بالفرصة مراقبة بالصفوف وبالممرات وممنوع اي بنت تكون بالصف وكل البنات بالساحة وعند المقصف الابلات مجندين نفسهم وهالشي يريح ..الله يعطيهم الصحة والعافية ويحفظ عيالهم ويسخر لهم من يحرس عيالهم يارب
البنت اللي تجتهد وتشد حيلها بالصف وتساهم بالوسائل التعليمية وتتميز بالبريزينتيشن هذي الأبلات يعاملونها غير ويحترمونها ويقدرون جهدها
ثنيا : مدرسة بن رشد ابتدائي بنين:
للحين ماني عارفة طريقة المدرسة وهل هم نظامييين مثل عمرة بنت حزم ؟
ولدي دلوع وماله خلق دراسة وكان بأولى ابتدائي ؟
لاحظت عليه من أول شهر كلام وسخ وحركات وسخة (يبول ورا باب الغرفة ويقول حق خوانه شوفوا —-يقصد عورته ) وأنا وأبوه ماخليناه أدبناه وربطنا هالشي بعقاب الله وقوم لوط واشلون الله عاقبهم وان قوم لوط كانوا يسوون جذيه والله خسف فيهم والخ …..
حسيت ان المدرسة تفتقر الى المراقبة والمتابعة للصبيان وقت الفرصة والاحتياطات ..واحد يعلم الثاني شي قذر ..وأنا حاولت اتقرب حيل من ولدي لين قام يقولي عن الصبيان وشطانتهم ..

أما روضة بورسلي ..
بنتي اللي الحين برابعة كانت هذي روضتها ..طبعا ممنوع جنطة فيها اكل حق الطفل مراعاة لشعور الاطفال الآخرين!!!!!!!
الفطور (كرواسون سادة أو بريحة الجبنه خخخخ + خيارة + لبن أو عصير ) <<<< خوش ريجيم
الوجبة الخفيفة (موزة + حبتين بسكوت) <<< نااااااشف والياهل مايشتهيه
بس حفلاتهم آخر السنة حلوة حيل وماأذكر ان عيالي راحوا رحلات وايد أذكر ودوا بنتي رحلة حق الجمعية وولدي أيضا ودوه رحلة حق الجمعية ..
ماكو اجتماع امهات وايد
يعني هذا اللي أذكره
وأتمنى تفيدونا ونكون أفدناكم

ارجو قراءة قوتنين القسم

جزاكم الله خير

بارك الله فيج :*

بارك الله فيكي ….

ممكن اعرف شنو الفرق بين دار القرآن والاترجه مؤ عارفه معني الاترجه

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

اخواتي المعلمات

الموضوع لتبادل اراء واستفسارات الجميع عن اي اداره مدرسيه

يعني احنا كلنا محتاجينه بالذات في فترات النقل والندب

عشان نتعرف اكثر على اسلوب الاداره وطريقتها في التعامل

فيرجى من الجميع التقييد بالشروط التاليه

1- عدم ذكر الأسماء على العام

2- احترام اراء الاخرين

3- يمنع منعا باتا التلميح او التشهير باي احد

( سواء مديره او مديره مساعده او رئيسة قسم اواداريه او معلمه )

4- للمشرفه الحق في حذف او تعديل اي رد تراه غير لائق او غير مناسب

يرجى التقييد بالشروط

وبالتوفيق

ملاحظه : تم فتح الموضوع من جديد لتعم الفائده على الجميع

يسلموووووووووو يا ضحاوي وبارك الله فيكم

وان شاءالله الفائدة تعم للجميع

مشكوووووره حبيبتي ضحاوي وانشاء الله الكل يستفيد

وين الموضوع القديم كنت اقراه امس وابي اكمله ؟؟؟؟؟؟؟؟؟؟؟

هلا والله بنات العاشره فديتكم على الدخول وهذا العشم من غير ما اطول السالفه انا ابي اغير مدرستي صراحه ملييييت اللي مرفوع مرفوع على طول والمنداس منداس على طول يعني فاهميني .. والحين ما دام ان التقارير بيدين الناظرات والموجهات مالهم دور الا ابداء الراي ف.. المطلوب منكم يا حبوبات ..
ابي اترشحولي مدارس بالعاشرةناظرتها زينه وتكفون لا اتخلوني …

ايام عدت كانت مدرستي انا متخرجه منها سنة97
الله يالدنيه ذكرتوني فيها

انا بعد كنت ادرس فيها انا خريجة 2001 ياحلوها من ايام كلها مغامرات وشطانه ذكرتوني بالايام الخوالي

انا درست فيها كانت تهبل اللحين ما ادرى عنها

أختي شهالاسلوب بطه وكحيانه وعرجه والله عيب يمكن اهم يقرون الكلام الله يهديج بس هذول كانو ابلاتنا ولازم نحترمهم نبي شوي اسلوب لبق بنات

اي مرحلة ؟ اي مادة ؟؟

اذا ابتدائي ماعرف ماعرف

اذا متوسط عندج سودة بنت مالك فهد الاحمد
ام حكيم فحيحيل
عاتكة بنت عبدالمطلب جابر العلي
زبيدة الصباحية

وموفقة

مشكورة فطووومة
ابي ابتدائي تكفون يالعاشرة الفزعه ؟؟؟

يعطيج العافية ضحاوي وبارك الله فيج وين الموضوع الأول مايخالف تعطينآ الرابط عشان يكون مرجع لنا

الله يسلمج زيتونه حبيبتي

العفو البيداء حبيبتي

فتحنا موضوع جديد ,, والقديم صار للقراءه فقط

الله يعافيج حبيبتي

وغاااااليه والطلب رخيص مطيريه ,, هذا الرابط

https://www.q8yat.net/showthread.php?t=90156

أبتدائي أكيد مو أم الفضل

فاطمه بنت الخطاب الصباحيه

السلام عليكم ورحمة الله وبركاته

بنات ابي مساعدنكم قابلين نقلي في مكتبة الطالب انقل عندهم امينة مكتبة وانا خايفه اول امره اسمع فيه ياريت وحده سامعه عنا زين شين البنات الي فيه شلونهم والله

كريم

سبحان الله وبحمده

لا اله الا الله محمد رسول الله

هلا اختي توكلي على الله البنات يهبلون المسؤول وايد طيب

روحي والله معاج
مبروك

ااااااااااب

توكلي على الله وموفقه انشالله

اعرف وحدة تمدح المكان تقول المكان زين ومديرهم زياد ما ادري احمد السربل وعندهم نظام البصمة والاجازات عادية حال حال المبنى

الرئيسي بالعديلية

السلام عليكم
حبيبتي انا موظفة بالمكتبة
بس الله يوفقج في مكان غير مكتبة الطالب
البنات اللي هناك مو كلهم زينين فيهم كذا وحده اعوذ بالله يحبون المشاكل
مكان كله مشاكل
لانه مكان مافيه تقدير وغير معترف فيه من الهئية مبني هدام يلوع الجبد قالوا يبنقلونا وتحسفوا لانه ماورانا احد يطالب لنا بحقوقنا
عندنا بصمة
مو ادارة فرع تابع لادارة المخازن
المخزن مسئولية ممكن يكون فيه نقص ومسؤلية ومشاكل يبلة رجال لانة عندنا اشكثرامينات مخازن بس محد قاد علي المسؤلية
وتعالي حياج شوفي علي الطبيعة

جزاج الله خير انا هونت عنه والله كريم

[COLOR="Navy"][B]السلام عليكم

شخباركم امهات عساكم بخير …..
فكرت وقتلت لابد اني وبلاقي امهات من نفس حضانة ولدي ما يصير بالهامنتدى الكبير والمشهور مافي
عاد قلت تعالو نسولف ونقول عن هالحضانه …. شلونج وياهم مرتاحه ؟؟ وليش اخترتيها مادحينها لج والا على الطريج ؟؟؟
اي كلاس وليدج او بينتج ؟؟؟ تحسينهم استفادو ؟؟؟ المدرسات ساعدوج بشنو وشنو وساعت صدرهم وياج زينه ؟؟
تحسين في وحده مهم مو شي ولو انهم ما يخلوها تمسك الياهال من نفسيتها او من شكلها ؟؟؟
عاجبتج الحضانه بكل شي والا عندج شي ياريتهم يضيفونه؟؟؟… اي تعالو بالرحلات مره صارلكم موقف موشي ؟؟
شلون تعامل الأداره والسكرتيرات وياكم ؟؟؟
منو المدرسّه الي ولدج او بنتج عنها واذا اهوه بيضل بعد عندهم ودج تودينه اي كلاس ؟؟ واذا ولدج واو بنتج بالفرع اليديد ها شلونهم ؟؟؟ ومنو اقلت عيالها الفرع اليديد شلونه اشرح احسن والا الفرع الاول مدرساته افضل ؟؟؟
مره صار موقف وماعجج والا موقف حسسج انج راح تثقين فيهم زود ؟؟؟ شنو وشنو شنو؟؟؟
نبي نفتح هالموضوع عشان نفتح قلوبنا لبعض حتى بالمساعدات والفراشات نبي نقول عنهم ما نبي وحده تكون على ويها … اي الام الي عيالها تخرجو منهم شلونهم وعقب اي مدرسه وديتيهم ووقت الاختبار بيضو الوي والحضانه مأثره فيهم في اختبار القبول يعرفون كل شي والا لا ؟؟؟؟ ومره وحده سولفيلنا عن التخرج بعد شلون كان ووين سووه ؟

فتحي قلبج وقولي كل شي نفعي غيرج وخلي قلبج يكون حامي

لا من صجكم ولا وحده عيالها بلتل لاند الفيحاء؟؟؟
upppppppppppppppppppppppppppppppppp

انا ودي ادخل بنتي هالحظانه بشهر 2 بس ما سالت اذا يقبلونها او لا بيكون عمرها سنه ونص

امبلا يقبلونها انا ولدي كان سنه و4شهور
ووبعد شنو ؟؟
اي بقولج لازم تحطين اسمها الحين دقي وحطي اسمها عشان بترتيهم للصفوف معبدايه الكورس الي تدخل فيه يحطونها مع كلاس مناسب

سجلت ولدي بلتل لاند 2 وانشالله مقابلته على اول شهر 9

لازم يسووله مقابله ؟؟

جم رسومهم ؟؟

ولي الساعه جم دوامهم ؟؟

انا ولدي ابحضانة كيدزي هم بالفيحا
واللي امريحني انج تقدرين تاخذين ولدج باي حزة تبين
يعني انا اطلع من الدوام الساعه 2 ونص فاروح اخذه على طول بس طبعا دافعه افلوس ازياده عشان جذي
لان الحضانة دوامهم من 7 لي 12 ونص
وكل ساعه ازياده ياخذون عليها 15 دينار بالشهر

خلاصة الكلام اللي بعرفه حضانة ليتل لاند يصير جذي ؟؟

انا ولدي اهناك بلتل لاند

الحضانه زينه ووممتازه المدرسات اجانب وبعضهم اهنود بس لهجتهم 100% برتش

ولدي مستانس منها ويحب يروح لها حتى الحين بالعطله كل مامرينا قالي ودييييييييييييييييييينييييييي

اهوا عمره 2 وشهرين يوم دخل كان في صف ويني ذ بووو بس الحين على شهر 9 راح يدش بالقروب الي اكبر

ليش دخلته هالحضانه اولن لانه يم بيت اهلي وثاني شي لان مادحينه لي وحسيت انها تعليميه مو سوالف قعدي مع خدامه وخلاص

الي ماعجبني فيها انه الجانب العربي والدين شوي مهمش عندهم يعني يهتمون يقوون لغتهم بس العربي والدين مو زوووود

عندهم وايد سوالف هابي بيرث دي يعني ولدي ماعرف هالسوالف الا من عندهمم

الحين قام من يشوووف الكيكه يغني هالاغنيه كل اسبوعين ثلاث واحد من الطلبه محتفل بعيد ميلاده

سويت له عيدميلاد مضطره معنه ماكان يوم ميلاده بس جذي عن خاطره قتلهم حفله ختاميه بسبب انه مستانس بالمدرسه

مدخلته انا حضانه لتل لاند 2 الفرع اليديد وااااااااااااااايد اشرح من الحضانه 1 واكبر وفي تحت سرداب وسييييع

الحلو انه عندهم يوني فووورم

وبس اي استفسار انا حاضر

رسومها بالشهر 100 و 80 فتح ملف

بالتوفيق انشالله … وانشالله يرتاح وترتاحين وياهم… بس ما قلتي ليش اخترتيها ؟؟

الشهر100 و80 فتح ملف بس اهما يخلونج تدفعين نظام كورسات يعني لازم لازم الطفل يظل عندهم كورس لانهم يعلمون ويدرسونه

بالنسبه للساعات الزياده لا مافي وداومهم من الساعه 7 لين الوحده ويقعدون نص ساعه مناوبه

لااا فماعندهم انج تخلينه زياده

الزين ….. انزين قصدج كان بالفرع الاول وعلى شهر تسعه بتودينه الفرع الثاني ؟؟؟؟
اهوه ج اشرح بس كل المدرسات القدم بالاول فشرايج؟؟
انا ولدي كان في الفرع الاول من شه رتسعه لين سهر 6 وعطلو وكان بكلاس تيشر باربارا تونكل تو بس يعني انا ولدي دخلته ما يتكلم فما اعرف استفاد او لا بس الحين وبالعطله قاعد يطلع منه عقب ما انفلت لسانه … الحين ودوه عند التيشر اللبنانيه وبعدعنده مقابله

upupupupupupupupupuupupupupupupupupupupupup

لا انا ولدي من البدايه بلتل لاند 2 مادخل لتل لاند 1 انا اقولج الثانيه اشرح بس ماجربت الاولى وعن الابلات والله مادري شنو الفرق بس كلهم زينين واجانب قتلج الي ماكان عاجبني بس انهم مهمشين العربي شوي بس حصه وحده جنه كل اسبوعين من ناحيه استفاد اولا

امبلا تغير وايد تكلم انجليزي وعرف الاوالوان والاحرف والاغاني بسسسسسسسسسسس

السلام عليكم

انا بعد ولدي بحضانة ليتل لاند 1 و في كلاس Blue Bells عند teacher لينيت و كان معاهم من شهر 9 الى شهر 6 و انا اخترتها لأنها قريبة علي و لأنها كانت الافضل بعد ما شفت كذا حضانة و هم مستواهم حلو و نظيفة و مريحة وايد و خصوصا انه اصحاب الحضانه موجودين دايما فيها …

و انشالله ناوية ادخل ولدي على الكورس الياي بس من شهر 10 انشالله عاد اذا حصلت عندهم مكان زين و اذا ما حصلت مو مشكله انطر الكورس اللي وراه …

اوكي لازورديبليز قوليلي تيشر لينيت بريطانيه والا شنو جنسيتها ؟؟؟ وايصوب صفهم ؟؟ تحت والا فوق وشلونها مع ولدج زينه؟؟؟ تحسينه صار يعرف كل شي؟؟؟

اهلين ساره ابلة ولدي من جنوب افريقيا و اهي شقره و اضعيفه و كلاسهم يصير تحت ناحية اليسار …

و بالنسبة اذا ولدي استفاد او لاء و الله استفاد و تغير سلوكه من اول اسبوع دخل فيه الحضانة مع انه ولدي متأخر بالكلام شوي يعني اللي بعمره يتكلمون عدل بس تعلم و استفاد منهم اممم يعني 70 بالمية و المدرسة و المساعده اللي معاها و هم الفراشة اللي معاهم و الله كلهم يهبلون

السلام عليكم

شخباركم حبايبي ؟

بغيت استفسر منكم ويا رب تساعدوني ..

انا طالبة بكلية الشاميه وبدخل بنتي عمرها 11 شهر تقريبا للحضانة لأن دوام وابي اخلص وفوق هذا

بعد حامل والفترة اللي قبل كنت ناوية اوقف قيدي عشان اقعد عندها بس ما يصير بعد لازم اخلص ..

وما عندي خدامة ..

وابي حضانة نظيفه تهتم في بنتي ويلعبونها ويعلمونها عن طريق اللعب ويكون الصف في يهال شويه

مابيها تكون مزحومة وابيها شرحه ..

مدحوا لي سمارت كيدز وكيدزي وليتل لاند .. علموني تكفون وجم يقبلون الاعمار وجم ياخذون بالشهر وفتح الملف جم ..

بليييز ردوا علي محتاجة اسجلهاا الايام هذي عشان ما بقى شي على دراستي وتبدي وما عندي احد احط بنتي عنده ..

اخ عورتوا قلبي …

بليز ردوا علي لا تطنشوني !!

الفيحاء

هلا حبيبتي
بالفيحاء يمدحون ليتل لاند بس صراحه مادري اذا ياخذون عمر بنتج او لا …

حبيبتي اللي قلتي اساميهم كلهم زينين بس بنتج اصغر من العمر اللي ياخذونه شوفي حضانة المثنى اتوقع ياخذون هالعمر فتح الملف 20 و شهريا 95

Arabic | Almuthana nursery مادام العمر صغير لا تجازفين و تودينها اي مكان , تعني لي المثنى بس تكونين مطمنه عالاقل

اختى الله يوفقج فى بكيفان حضانة حامل المسك من عمر اربعة شهور لى 4سنين حضانه شرحة ومنظمة والعيال مو وايد بالصف
مريهم قطعة اربعة صوب الجمعية .. شوفيهم
فتح الملف 20
ان شاء الله اكون افدتج

هااااي بنات منو بمدرسة الفيحاء المتوسطة وتقولي اي صف عشان اتعرف عليها بالمدرسة