الوسم: المراجعات

السلام عليكم ورحمة الله وبركاته
بنااات بليييز ابي تلاخيص الصف السادس لمادة العلوم الفترة الثالثة
الله يخلييكم ضروري

موقع اكثر من رائع به كل ما يخص العلوم

السلام عليكم ….
شرايكم بنات نسوي تجمع حق اللي يراجعون عند الدكتورة ناهده ياليت اشوف تفاعل معاي

والله انا ارااجع عندهااا بس الحين موقفه علااجي ورديت لفووزيه

هالدكتووووووووره تههههههههههههههههههههههههههههبل والله

الله يعطيج العافيه بس ممكن نعرف ليش وقفتي عندها

والله هالدكتورة عسل كنت أراجع عندها بحملي الاخير
وكلمة تهبل شوي عليها قمة في التعامل وأم حنونه
وولادتها سهالات بإذن الله

انا بعد وياااكم
حدها اتينن الدكتوووة ناااهدة
ماشاالله تحسسج جنها امج
اسلوبها وااايد راقي وهي وااااايد مريحة

السلام عليكم

انا اراجع عند الدكتوره ناهده و ماشالل عليها اتيين و حبوبه و كنت اراجع عدنا قبل لا احمل بولدي و و هم لما حملت ضليت عندها لحد ما ولدتني و ماشالله بالولاده روعة و الحين انشالله هالشهر ناويه اراجعها علشان الحمل …

صج صج الدكتورة قمة في التعامل والاخلاق

بنات كل وحده ولدة عند الدكتوره تقول شنو موقف الدكتورة معها حزت الولادة وتعاملها وشلون خياطها

والله هذي دكتورتي لمن كنت حامل بعيالي تهبل وتعاملهااا رااااقي وحنونه تحسسج جنج بنتهاا

انا عن نفسي الدكتورة هذه اعتبرها امي الثانية ولدتني بكل عيالي اول شئ في بجري بمستشفى الصباح قبل 8 سنين ولدت قصيرية وعقب بعيالي الحمدالله صبرت علي بعد قلبي الين ما ولدت طبيعي ومواقفها وياي وايد ما انسى طيبها ووقفتها معاااااي وانا حاليا اراجع عندها بحمالي هذا ولا افكر اروح اولد عند وحدة غيرهااا الله يجزاها خير وين ماراحت وويوسع لها دنيا والاخرة ياااكريم

واي شكثر هالدكتوره احبها
صج الحب من الله

انا جربتها وما افكر اجرب غيرها حنووووووووووووووونة وضمييييييييير
اللحين انا حامل وابي موعد عندها مو قادرة الاقيهم تدرون مستحيل يردون على التلفونات

وااايد تعجبني هالدكتوره
انا اراجع عندها حاليا روعه بالتعامل بس المشكله بالزحمه الي عندها والاتصالات
بس الحمدلله هانت مابقى شي واولد وافتك من هالزحمه
لالا ونسيت اقولكم شي الحين زحمه الواحد يتسلى بالمجلات وتقرين المجلات كلهااااااااااااا قديمه مالت 2000 تخيلو 9سنين
والله اني حفضتهم

ابي وحدة تسويلي خير وان شاء الله ربي يرزقها…. اذا راحت تحط لي موعد وياهاااااااااااااااا بلززززززززززززززززززز

اهلين miss_uk حبيبتي انا قلت بمرهم احط موعد اذا انزلت علي الدوره يعني يمكن على آخر الأسبوع الياي و اذا بروح راح اعطيج خبر عالخاص …..

السلام عليكم

شلووونكم
بنات بسالكم حيان الاحمد استقال من المواساة وين راح؟

قالولي طلع عيادة خاصه بس للحين مابطلها؟

بليييييز بنات اللي تراجعون عنده شصار عليكم؟؟؟

أي هم انا نفس السؤال .!!

بليز بنات ساعدونا !

اي شي .! عاد ناوية اروح المواساة عشانه بس .,وين عيادة الحين ؟؟؟؟؟؟؟؟؟؟؟؟؟و ليش طلع ؟

والله يابنات مادري وين راح ؟
لما دقيت ع المواساه قالولي هالكلام
عاد سبحان الله مستخيره عليه وحيييل مرتاحتله

عياده بالجابريه اليوم مكلمه الدكتور حيان الاحمد على الموبايل
وحدد لي موعد على الاسبوع الياي اخره يفتح العياده
على ما يخلص شغله بالعيادة اخر الاسبوع الياي يستقبل ولا الي وراه
وقالي حاليا يولد ب 3 مستشفيات في الوقت الحالي ومنهم المواساة

عيادته بالجابريه مجمع مزايا انا كلمته على موبايله و قالي في دكتورة بنفس العماره عندها ملفي و قالي اراجع عندها عاى ما تخلص عيادته و قالي راح تخلص على تاريخ 7 او 10 -3

بنات عفيه اذا تبطلت عيادته كتبوا لنا عنوان العياده كامل مع رقمها …

وهل اهو يصبر ع البجر ولالا .!

وويفر البيبي ولالا .!

وشسمه وين يولد غير المواساه..

بليز بنات ريحوني وردوا علي

اففف مادري ليش طلع قبل لما كان بالمستشفى ويتني الولاده وكل شوي يايني ماخلاني بس مادري عن طريقته لما بيطلع عياده ايي على طول ولا اخر شي ايي الدكتور من نفس المستشفى اريح اشوا اني ماتعنيت كنت بروحله كان عقده مع المواساه لي نهاية 6 بس اهوا مُصر ان يطلع من المستشفى جان نطرني اولد بعدين طلع هههههههههههه

بنات واللي يعافيكم

لاتنسوون تحطون رقم العياده

عيادته بالجابرية برج مزايا اللي على الدائري الرابع يبين البرج طويل واضح بس ليلحين ما فتح العيادة

دكتور حيان راح برج مزايا المثلث الدور الرابع وراح يفتح عيادته خلال عشر ايام

وزين طلع من المواساة قمته الله يكافينا الشر

الله يوفقه ويفتح عيادته على خير

الله لايهينكم
ويعطيكم العافيه

والله خوش دكتور محترم وخلوق واسلوبه راقي بالتعامل مع مرضاه واهم شي صبور لأبعد حد
المستشفى أهي الي خسرت دكتور مثله اصلاً اهو مكسب لهم
اصلاً بالقصب طلع منهم مو راضين يقبلون استقالته
الله يهنيه ويوفقه *

اي عيادتة فبرج مزايا الدور الرابع حتى انا كنت اراجع عندة بالمواساة والحين قمت اروح له بمزايا اهو حاط له غرفة بالدور الاول مؤقتا حق الحالات الضرورية ليما يفتح العيادة

السلام عليكم

من خلال هالموضوع بكتب كل شي حمالتي من اول ماعرفت انى حامل ليييين اخر دكتور وصلت له .. واسامي دكاترتي واسعارهم ومنو احسنهم ..

اول ماعرفت انى حامل كان بشهر 8 وكنت مخلصه الشهر الاول وداشه بالثاني اسبوعين .. اول مراجعه كانت عند الدكتوره يسرا عبدالسـلام واختها جميله عبدالسـلام وعيادتها بالفروانيه .. وللامانه خوش دكتوره متابعه .. ورخيصه .. وتفحص كل شي الضغط البول السكر وتعطيج حبوب ومقويات وكل مره سعرها مايتعدى الـ 30 دينار مع التحاليل وكل شي واسلوبها عسل .. ومعاها لين الشهر السابع .. لان قالت لى انها ماتولد ..بس متابعه .. المهم .. عقبها رحت لدار الشفا ..وقمت اراجع عند الدكتور حسام كمال .. بصراحه ماحس فيه اهتمام ساكت ولازم انتى تسألينه عن كل شي حتى السونار لما يشوفه مايتكلم ساكت بعدين يقولج كل شي زين وبس وريلى قاله مرتي ماتاكل حبوب الفيتامينات جان يقول كيفها @@ اهى الخسرانه .. صدمنى رده بدال لاينصحنى ولا يسألنى ليش ماكلهم يقول جذي !! مع انه يدري انى بجر .. وماعرف شي .. المهم راجعت عنده لين الثامن وانا مو مرتاحه له بس رايحه له على مدح حماتي .. المهم .. قبل لادش التاسع .. قالى راس البيبي فوق .. وتعالى لى يوم السبت اسوي لج قيصريه لان راس البيبي فوق وماراح يلف وحرام تنطرين !!! وكل مراجعه ياخذ 25 دينار بدون اى تحليل وراجهت عنده 3 مرات ونحشت عقب ماقالى بولدج قيصري قبل وقتي
ونزلت موضوع على هالسالفه
https://www.q8yat.com/t812612.html

وقالو لى البنات روحى لغيره .. وفعلا رحت للدكتوره شاديه عثمـان .. وسوت لى سونـار جان تقول لى راس البيبي تحت .. بس موداش حيل بالحوض .. امشي وان شاء الله ينزل اكثر و تولدين طبيعي .. واستمريت مع شاديه التاسع كله .. وكل مره اجيها بس تسوي لى سونار وتقول لى الوضع اوكي .. امس رحت لها وباقي لى اخلص التاسع اسبوع .. جان تفحصني وتقولى انتى حوضج صغير وعنق الرحم مسكر وراح تولدين قيصري 90% ولا تحاولين تولدين طبيبعي لان من خلال خبرتي مستحيل .. انا انصدمت ..وينها من زمان عن هالحجي توها تدرى ان حوضي صغير وعنق الرحم مسكر !!!
وقالت اذا تبين تحاولين تولدين طبيعي انا بعطيج تحميله وراح تتعذبين وماكو نتيجه !!!!!!
كرهتها ..وغاااليه .. كل مره تاخذ 35 من غير اى فحص بس كشفها بالسعر هذا وياليتها فاهمه ..حرتني .. جان اروح لمحسن طلبه بالامومه .. وياليتني رايحه له من زمااان بصراحه دكتــور موطبيعي .. قلت له سالفتي .. وقصتي جان يفحصني .. وفحصه غير وفتحتى 1 سم .. وقالى انتى لو جايه لى من زمــان جان ولدتج من اسبوعيــن .. لان حوضج صغير .. بس الحمدالله البيبي صغير .. واحتمال ولادتج طبيعي فيها اكثر من 70% وانا لو 99% قيصري و1% طبيعي وانتى بكر راح احاول بـ 1% واعطيج فرصتج .. لان القيصري غير عن الطبيعي .. بصراحه كلامه مريح وماحسيته مشفوح على الفلوس وعلى طول قيصري .. وعطانى 4 ايام اتحدا فيهم نفسي وقالى اخذي فرصتج بالولاده الطبيعيه .. عطانى خروع .. وقالى اشربيه مرتين باليوم .. واشربي دارسين .. وامشي واجد .. ومارسي العلاقه الزوجيه وان شاء الله تنفتحين اكثر ..بس ان خلصت الـ 4 وهذا وضعج بدخلج العمليات على طول .. لان سوينا الى علينــا .. بس المفروض من اول ماتدشين التاسع تبدين بالخروع والدارسين وانا كانو يقولون لى ان حسيتي بالطلق اشربي دارسين طلع غلط .. وهذا كلام الدكتور .. قال الوحده من تدش التاسع تبدا بالشغلات هذه وتساعد نفسها ..وانتى مادام انج بكر المفروض تنفحصين ونعرف مقاس حوضج بس انتى الظاهر محد فحصج من قبل .. وهذا غلط ..
وللعلم .. انا مرتين حاشني عوار ورحت للسلام ودخلت على الدكتوره رحاب هنديه وفحصتني وقالت لى انى مفتوحه 1سم وقالت لى امشي .. ورحت بعد اسبوع للدكتوره سناء همن بالسلام وفحصتني وقالت لى مقفوووله خالص مافيج ولا سم مفتوح !!
قلت لها من اسبوع 1 سم قالت لى مافيش ولا سم !!
ولا وحده منهم نصحتني اشرب خروع ولا اشرب دارسين ولا امارس العلاقه الزوجيه !!!!
هذه تجربتي بأمانه .. وان شاء الله ابشركم انى ولدت طبيعي .. لان قاعده احاول .. كثر ماقدر ,, وموعدي يوم السبت ان شاء الله ادعولى بنـــات …والى تبي اى استفسار انا حاظره .. والى عند شاديه خل تلحق على عمرها او تقول لها افحصيني من اول ماتدش التاسع .. لان طااحت من عيني .. وحسيت انها نصابه .. لان حاولت تكسبني من حسام بعدين قالت لى قيصريه ..

حبيبتي الله يقومج بسلامه يارب وتفرحين بولادتج طبيعي انشالله ودكتور محسن وايد يمدحووونه مشالله شاااطر وانتي عليج بلمشي وسوي رياااضه جدامج كرسي وقعدي وقومي واذا مارستي العلاقه ضلي نايمه عشان يساعدج على فتح عنق الرحم وجربي الحلتيته تبخري فيها يقولون وحده بوحده والله يسهل عليج

الله يتمم عليج وتولدين بالسلامة انشالله

في دكاترة زينين عندهم ضمير وفي دكاترة همهم المادة لا ذمة ولا ضمير

الله يسهل ويهون عليج وع الجميع يا رب

الله يقومج بالسلامه

الله يهون عليك
بس اذا قال لك قيصريه لا ترفضين
لان لو تتعسر الولاده يمكن يأثر على البيبي

مشكورة وماتقصرين والله يسهل عليج يارب

الله يقومج بالسلامه
استغفري كثيييييييييييير
والله يهون عليج

الله يقومج بالسلامه يارووحي

وتولدين طبيعي ~

ياحياتي

الله يسسهل عليج يارب

الله يقومج بالسلامه ان شالله

الله يسهل عليج وتولدين بالسلامه

الله يسهل عليج ويقومج بالسلامة يارب وإن شاءالله تولدين طبيعي

الله يسهل عليج يارب وتولدين طبيعي وتقومين لنا بالسلامة

ناطرينج تطمنينا ان شاءالله

الله يسهل عليج
ونصيحه من اختج عليج بالتمرر كثري منه والجماع

مرحبا بنات .. شلونكم ؟؟

بنات عندي سؤال .. في وحده منكم مره قالت للطبيبه عن مشكلة التلفون ؟؟ وان يا مشغول يا محد يرد ؟؟؟

عفيه بنات ردو علي ..

والله العظيم من الساعه 10 ونص ليلحين وانا ادق على طول ورا بعض مشغول واذا لقط ما ترد هذي الكريهه مالت الرسبشن !!

تحطمت بصراحه لازم اخذ موعد وقت دورتي اليايه وهذي ما ترد

قولولي بنات شتسوون العاده اذا صار فيكم جذي ؟؟؟

وقولولي منو ترشحول طبيبه بديله عنها للعلاج مو مراجعات حمل .. ومواعيدها زينه مثل الاوادم ؟؟؟

عفيه بنات ردو ضروري

لازم تروحين للعيادة وتاخذين موعد

لاتفكرين تحجزين موعد بالتلفون..لانه مستحيل يردووون عليج

انا عالجت للحمل عند د.عماد غزاوي في مستشفى حياة رويال..وحملت بعد ما سوالي تلقيح صناعي
اما اذا تبين دكتورة اعتقد انه د.فوزية القطان يمدحونها للعلاج

جربت فوزية القطان رحت لها مراجعه وحده وما ارتحت لها ..

حبيت ناهده من اول مراجعه بس تعبت من التلفون اعيز وانا ادق

بنات شرايكم بنداء بو خضور ؟؟

و الله سمعت انع نداء شاطرة
ناهده تهبل بس سالفة التلفونات و السكرتيرة الكحيانه مخربين عالدكتورة

24 مشاهده ولا رد

شدعوه

روحي عند نداء بوخضور انا اراجع عندها صراحه قمه في الاخلاق وشغلها روعه والله العظيم مافي مره دقيت على عيادتها عالطول يردون لحقي حجزي عندها لن برمضان دوامها غير عن الايام العاديه

ام امار انا ابي مراجعه علاج مو مراجعه حمل .. تنصحين فيها ؟؟ سمعت انها تجاريه صحيح الكلام ؟؟

والله توني اشوف ردج ..

ودي استخير والله .. بس ابي اعرف شلون مراجعاتها ؟؟ موعدج 8 تدشين 8 ؟؟؟

مرحبا حبيباتي صح مشكلة التلفون موراضيه تنحل لأن هم من يفتحون العياده يستخدمون التلفون عشان يدقون على المراجعات فإذا دقيتوا وردوا ماراح يخلصون ويأكدون على المواعيد لأن ماعندهم إلا خط واحد بس انا بحطلج رقم النقال حق العياده ترد عليج السكرتيره وتراها حليوه وتهبل بس ضغط الشغل كله عليها لأن السكرتيره الثانيه طلعت وهذا الرقم 5976627 وانشالله يردون والله يرزقج انشالله يارب

تسلمين حبيبتي .. بس عادي ادق على هالرقم ؟؟؟ وله رقم خاص بالسكرتيره ؟؟؟

اي اهم مايردون لازم تروحين شخصيا

حبيبتي انا كنت حامل بس الله ماكتب وطاح وكنت عندها امس حتى ماتعطيني ادويه قويه مراعيه صغر سني بس كعلاج والله مااجذب عليج ماجربتها
اما اذا كانت تجاريه صراحه انا اشوف اسعارها زينه وعلى فكره كل الدكاتره تجاريين
بس لاتروحين عند ناهده كافي سالفتها اللي تحجوا عنها بالمنتدى صراحه تخرع
والله يرزقج ويعوضني بالذريه الصالحه

ناهده اتهبل وشاطره وكل شي بس ترى من كثر الضغط ماتجابل الي عندها مشكله بالحمل انا اعرف وحده سنين معاها ولا حملت بعدين راحت مستشفى لندن واحد اسمه باتريك جنه وحملت اب3توائم ماشاء الله نصيحتي لا اتضيعين وقت ناهده وايد عندها ضغط وماعندها مواعيد ولا تكلمجبالتلفون وحالتج لازم وحده لازم اتجابل

تسلمون حبيباتي ما قصرتو ..

حبيبتي الرقم خربان صار له يومين

السلااام عليكم ورحمه الله وبركاته
بنات الموضوع باين من عنوانه
كل وحده تقول متى مراجعاتها وشنو خذنت وشنو فيها
والدكتور شنو رايه عقب العلاج ؟
يارب ترزقناااا الذريه الصالحه
ربي لاتذرني فردااا وانت خير الوارثين