ولدي بالصف الخامس الابتدائي خلص الامتحان وقاعد ينطر الجرس
ولا الابلات يسولفون ويا بعض بالصف شنو تقول الابله المربيه الفاضله :-
تقول حق المدرسه تصدقين انا حامل قالت لها شنو قال ايه والله شنو اسوي مع اني حاطه لولب اشلون حملت ما أدري
رد ولدي البيت وسأل ابوه على الغدا يبا شنو اللولب رد عليه ابوه بطريقه حلوه وقاله بابا هذا مرض بالحريم بابا
رد عليه وقاله لاء يبا مدرستي يقول مركبته مو مرض بابا عشان ما تحمل انت ما تعرف
قاله لا بابا هذا جهاز تدليك يركبونه الحريم عشان الياهل بابا
رد ولدي يقول بابا ريل الابله ما يبيها تحمل تقول جهاز تدليك ريلي باجر بيروح المدرسه ويكلم الابله ويبي يقول لها مبروك على الحمل وانتي مركبه لولب جدام المديره
ويبي يحقق الموضوع ويبي يرفع الموضوع الى الوزاره بعد
والله عيب شنو ذنب الياهل يعرف السوالف هذي
ما أقول عيب على المربيات الفاضلات إللي يسمون نفسهم مربيات خل يغيرون الاسماء الى
مركبات لولب وتعليم الاطفال شنو يعني لولب أحسن ولا يدرسونهم عن الحياة الزوجيه
ولا اقولكم خل نبارك لها ونقول لها ديري بالج لا يطلع ويا الياهل 
عاديه السالفه ابلا ت يسولفون ويا بعض
مادرو ان ولدج قاط اذانيه عندهم
ولله انا اشوفها عادي ماكفرت قاعده تسولف مع زميلاتها مافيها شي ولدج اللي قاط اذونه الله يهديه انتي
المفروض تمسكينه وتقولين عيب يابابا تصوخ على الكبار
عيب في سوالف ماتنقال جدام اليهال……..
زين يسوي فيهم ريلج…..
السالفه عاديه ……. طوفيها وتطوف
والله الصراحه انا ضد البنات اللي ردوا .. وانا معاج اللي قاعد يصير بالمدارس غلط × غلط
انا اقوول ان المفروض المدرسـات مايتكلون جدام الطلبه ..!
يعني اكو غرفه للمدرسـات تسولف اللي تبي تسوولف فيه .. مو جدام اليهال بالفرصه او نهايه الدوام
واليهال معروفين واغلبهم اصلا .. يحفظون الكلام حتى لو كانو مستمعين ..
مو شرط ان الولد كان يتسمع لا بس صارت سالفه وسمع و الياهل بسررعه يحفظ ترى ..!
وبعدين توه الولد بالصف الخامس تقوولج يعني عمره اتوقع 10 او 11 سنه صح وينه وين التّسمع ..؟
ويعني كان قاعد ينطر واهي مراقبه مسؤوله عن الطلبه مو تسوولف وتهدهم وماتدري عنهم ..؟
:
والله الصراحه ماني عارفه شنو اقوولج .. بس زين يسوي ريلج .. لان هالشغلات عيب اليهال من الحين يعرفونهم
وعسى الله يهنيكم .. و يستر علينا على عيالنـا
اسفه على الاطاله *_*
والله عيب عليهم
المفروض ينتبهون على كلامهم
وبعدين اوليدج اسم الله عليه
منتبه عدل لهم
صح كلامج في سوالف ما تنقال جدام الياهل، ونقول ليش عيال هالوقت صايرين مبلتعين ويعرفون كل شي، من السوالف اللي دايما يسمعونها يكبرون قبل عمرهم
انا ابله واستحي ان دشت بنت القسم اقول لابلات ان كانوا يتحاجون الجو غيم لانه البنات يحطون في بالهم انها مثل ماقلتي مربيه فاضله شنو هالسوالف
وشدعوه ماتقدر تنطر لاخر الدوام او القسم ؟؟؟
ولدج حط الموضوع في باله الحين
حاولي تفهمينه انه لما يكبر بيعرف
أنا معاج بس المفروض زوجج يكلم المديرة ويفهمها السالفه وجداااااااااام المربيه الفاضله
زين يسوي ريلج وهم مسكي ولدج وعلميه انه عيب يتجسس على احد
شدعوة امبييييه السالفه ما تسوى يعني!!!!!!!!!!!!!!!!!!!!!!!!!!!!!!
عادي ابلات يسولفون مع بعض والولد سمعهم بالصدفه!!!!!!!!
ماله داعي يعني شدعوة
حبيبتي اول شي كلمي ولدج لاتخلينه
قوليله حبيبي اذا احد يتكلم لاتسمعهم وخر عنهم
لان انت ماتحب احد يسمع كلامنا اذا تكلمنا انا معاك واي مثال ييبيله
اهما يفهموون ويستوعبون بالامثله
الله يخليلج وليدج
ما ادري احسها عاااديه
حلوه اطوف الموضوع
عيب وين قاعدين بعد شرايهم يسولفون بخصوصياتهم جدام اليهال
قاط اذنه او لا هذا ياهل وعنده فضول وكل ياهل جذيه
شنو ما يعرفون ينطرون لما يروحون اقسامهم ويطلعون كل الي بقلبهم
