|
|
السلام عليكم
من خلال هالموضوع بكتب كل شي حمالتي من اول ماعرفت انى حامل ليييين اخر دكتور وصلت له .. واسامي دكاترتي واسعارهم ومنو احسنهم ..
اول ماعرفت انى حامل كان بشهر 8 وكنت مخلصه الشهر الاول وداشه بالثاني اسبوعين .. اول مراجعه كانت عند الدكتوره يسرا عبدالسـلام واختها جميله عبدالسـلام وعيادتها بالفروانيه .. وللامانه خوش دكتوره متابعه .. ورخيصه .. وتفحص كل شي الضغط البول السكر وتعطيج حبوب ومقويات وكل مره سعرها مايتعدى الـ 30 دينار مع التحاليل وكل شي واسلوبها عسل .. ومعاها لين الشهر السابع .. لان قالت لى انها ماتولد ..بس متابعه .. المهم .. عقبها رحت لدار الشفا ..وقمت اراجع عند الدكتور حسام كمال .. بصراحه ماحس فيه اهتمام ساكت ولازم انتى تسألينه عن كل شي حتى السونار لما يشوفه مايتكلم ساكت بعدين يقولج كل شي زين وبس وريلى قاله مرتي ماتاكل حبوب الفيتامينات جان يقول كيفها @@ اهى الخسرانه .. صدمنى رده بدال لاينصحنى ولا يسألنى ليش ماكلهم يقول جذي !! مع انه يدري انى بجر .. وماعرف شي .. المهم راجعت عنده لين الثامن وانا مو مرتاحه له بس رايحه له على مدح حماتي .. المهم .. قبل لادش التاسع .. قالى راس البيبي فوق .. وتعالى لى يوم السبت اسوي لج قيصريه لان راس البيبي فوق وماراح يلف وحرام تنطرين !!! وكل مراجعه ياخذ 25 دينار بدون اى تحليل وراجهت عنده 3 مرات ونحشت عقب ماقالى بولدج قيصري قبل وقتي
ونزلت موضوع على هالسالفه
https://www.q8yat.com/t812612.html
وقالو لى البنات روحى لغيره .. وفعلا رحت للدكتوره شاديه عثمـان .. وسوت لى سونـار جان تقول لى راس البيبي تحت .. بس موداش حيل بالحوض .. امشي وان شاء الله ينزل اكثر و تولدين طبيعي .. واستمريت مع شاديه التاسع كله .. وكل مره اجيها بس تسوي لى سونار وتقول لى الوضع اوكي .. امس رحت لها وباقي لى اخلص التاسع اسبوع .. جان تفحصني وتقولى انتى حوضج صغير وعنق الرحم مسكر وراح تولدين قيصري 90% ولا تحاولين تولدين طبيبعي لان من خلال خبرتي مستحيل .. انا انصدمت ..وينها من زمان عن هالحجي توها تدرى ان حوضي صغير وعنق الرحم مسكر !!!
وقالت اذا تبين تحاولين تولدين طبيعي انا بعطيج تحميله وراح تتعذبين وماكو نتيجه !!!!!!
كرهتها ..وغاااليه .. كل مره تاخذ 35 من غير اى فحص بس كشفها بالسعر هذا وياليتها فاهمه ..حرتني .. جان اروح لمحسن طلبه بالامومه .. وياليتني رايحه له من زمااان بصراحه دكتــور موطبيعي .. قلت له سالفتي .. وقصتي جان يفحصني .. وفحصه غير وفتحتى 1 سم .. وقالى انتى لو جايه لى من زمــان جان ولدتج من اسبوعيــن .. لان حوضج صغير .. بس الحمدالله البيبي صغير .. واحتمال ولادتج طبيعي فيها اكثر من 70% وانا لو 99% قيصري و1% طبيعي وانتى بكر راح احاول بـ 1% واعطيج فرصتج .. لان القيصري غير عن الطبيعي .. بصراحه كلامه مريح وماحسيته مشفوح على الفلوس وعلى طول قيصري .. وعطانى 4 ايام اتحدا فيهم نفسي وقالى اخذي فرصتج بالولاده الطبيعيه .. عطانى خروع .. وقالى اشربيه مرتين باليوم .. واشربي دارسين .. وامشي واجد .. ومارسي العلاقه الزوجيه وان شاء الله تنفتحين اكثر ..بس ان خلصت الـ 4 وهذا وضعج بدخلج العمليات على طول .. لان سوينا الى علينــا .. بس المفروض من اول ماتدشين التاسع تبدين بالخروع والدارسين وانا كانو يقولون لى ان حسيتي بالطلق اشربي دارسين طلع غلط .. وهذا كلام الدكتور .. قال الوحده من تدش التاسع تبدا بالشغلات هذه وتساعد نفسها ..وانتى مادام انج بكر المفروض تنفحصين ونعرف مقاس حوضج بس انتى الظاهر محد فحصج من قبل .. وهذا غلط ..
وللعلم .. انا مرتين حاشني عوار ورحت للسلام ودخلت على الدكتوره رحاب هنديه وفحصتني وقالت لى انى مفتوحه 1سم وقالت لى امشي .. ورحت بعد اسبوع للدكتوره سناء همن بالسلام وفحصتني وقالت لى مقفوووله خالص مافيج ولا سم مفتوح !!
قلت لها من اسبوع 1 سم قالت لى مافيش ولا سم !!
ولا وحده منهم نصحتني اشرب خروع ولا اشرب دارسين ولا امارس العلاقه الزوجيه !!!!
هذه تجربتي بأمانه .. وان شاء الله ابشركم انى ولدت طبيعي .. لان قاعده احاول .. كثر ماقدر ,, وموعدي يوم السبت ان شاء الله ادعولى بنـــات …والى تبي اى استفسار انا حاظره .. والى عند شاديه خل تلحق على عمرها او تقول لها افحصيني من اول ماتدش التاسع .. لان طااحت من عيني .. وحسيت انها نصابه .. لان حاولت تكسبني من حسام بعدين قالت لى قيصريه ..
في دكاترة زينين عندهم ضمير وفي دكاترة همهم المادة لا ذمة ولا ضمير
الله يسهل ويهون عليج وع الجميع يا رب
بس اذا قال لك قيصريه لا ترفضين
لان لو تتعسر الولاده يمكن يأثر على البيبي
استغفري كثيييييييييييير
والله يهون عليج
وتولدين طبيعي ~
الله يسسهل عليج يارب
ناطرينج تطمنينا ان شاءالله
ونصيحه من اختج عليج بالتمرر كثري منه والجماع
والدكاتره بعضهم ماديين وبعضهم يخافون الله ويراعونج
انا بعد تو داشه التاسع ماراجعت خاص كلششش كله حكومه والحمدالله كل شي اوكي معاي
واليوم بس رحت السلام وراجعت عند الدكتورة نجمه والله كلامها يريح وشكلها زينه
بس ماطلبت انها تفحصني او شي بس قالت لي دام انج بجر انصحج بأبرة الظهر
وانا حدي خايفة من ابرة الظهر واثارها بعد الولادة مع اني كنت ناويتها بس خوفوني منها
وعسى الله يستر ويهون علينا ياااااااااااااااااااااارب
