الوسم: المحرجة

السلام عليكمـ ورحمه الله وبركاته
هذي بعض المواقف المضحكه والمحرجه للامهات مع الاطفال ..ناقلتها لكم من منتدى آخر

تقول وحده من الأمهات .. كنت معزومة على حفل عشاء فأخذت ابنتي الصغيرة معي فلما جلسنا حول البوفيه ظنت انه مطعم وقالت بصوت عال : هذا الأكل بفلوس وإلا ببلاش ؟ فضحكوا عليها الحاضرات.

والثانية …. جانا ضيوف وجابوا معهم هديه للمولود الجديد فكان ابني يريد فتحها فقلت له اصبر حتى يروحوا ! صار يدخل ويطلع … ولما مل الولد من الانتظار دخل وقال بصوت مرتفع خلاص أبفتحها شكلهم بينامون عندنا !!!!

والثالثة قالت … رحنا لزيارة عمات زوجي ، وحده منهم كبيرة في السن قلت لولدي حب رأسها عيا وقال : ريحة راسها خايسه ! يقصد الحناء عاد شوفوا الإحراج اللي صار لي …!!!

والرابعة كما قالت.. جتـني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، ولما قلت لها عيب ردت وقالت شكـلها شغالة.

والخامسة من جد قوية …أستعرت من أختي شنطتها ورحنا لحفله وكانت معنا بنت أختي ولما وصلنا وخلعت عبايتي شافت بنت أختي الشنطه وقامت تسحبها بقوة وهي تقول حقت ماما هاتيها !!! وأنا أحاول أسكتها. !!! فشيلة قمت ألقط وجهي !!

والسادسة تقول .. زوجي كان عنده ضيوف على العشاء وحطيت العشاء كله لهم وولدي يبي يتعشى قلت له : إذا خلصوا الرجال بنتعشى .. ورحت أصلح لهم الشاهي .. راح ولدي ودخل على الضيوف وقال لهم لا تخلصون العشاء لأنا بنتعشى أنا وأمي بعدكم شوفوا وجه أبوه وقتها.!!!

والسابعة … وحده تقول …. بنتها دايم تحرجها بنقل الكلام قدام الناس – هذا عيب اللي يحش بالناس – تقول مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!! تقول الأم : صار وجهي مية لون ويوم سمعت جارتي هذا الكلام زعلت وطلعت من البيت.!!!

والثامنة تقول …. هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير اسم أمي ماما !!! وهاتـك ضحك وحنا نصلي استغـفـر الله ما قدرنا نمسك الضحكة .!!!

والتاسعة … في المدرسة كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتلكس والبريد الجوي والفاكس فرفعت إحدى الطالبات الصغيرات يدها وقالت : أبله حنا عندنا فاكس في البيت عند جدتي وتستعمله كل يوم!! فشجعتها المدرسة على إكمال حديثها وقالت : وكيف تستخدمونه ؟؟؟ فقالت الطفلة : تدهن به البنت بالطبع كانت تقصد فكس!!!!!

والعاشرة … إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال : ذولا حريم ما يطـلعـن من البيت ويشوفن الرجال!!

والحادية عشر …. أيضاً في المدرسة طفلة في الروضة كانت تعبث بأنفها أثناء الحصة فانـتـقدتها المعلمة وقالت لها استعملي المنديل عيب تسوين كذا .. فأجابت الطفلة : لا مو عـيـب !! بابا يسوي كذا

والثانية عشر ….. جاء بيكحلها عماها … دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تمتنع .. فرد الطفل بلهفة لإنقاذ أمه من المأزق لا تحطين لها صحن ثاني ترى بابا يقولها لا تكثرين أكل … انـتـفـخـتي !!!

هاااااااااااااااااااااااي
اكيد لما قريتو العنوان تكودت المواقف المحرجة
ابي كل وحدة تقولنا شنو اول موقف محرج صار لها بالملجة سواء مع زوجها او حمولتها…………….
يالله همتكم.

للأسف للحين ما صار بس إذا صار إن شاء الله أنتي أول وحدة أقولها..وهذا هو مكاني محجوز يالغاليه

مشكورة على المرور يا قطربة
واتمنى ان الله يوفقج ويزقج بالريل اللي يحبج وموووووووووووووت فيج

تسلمين أختي على هالدعوة الحلوة..وأهم شي يكون حنون..

هاه وأنتي شنو الموقف اللي مريتي فيه أختي عشان ناخذ بالنا؟؟

ابدي انا
في اول ايام الملجة رحت مع زوجي سوق شرق
طبعا كاشخة ومتسمتة واحنا نازلين من الدرج اللي جبال الكافيه
تكودت هااااااااااااااهاااااااااااااااااااااااااااااااااا اااااا واي فشلة والطيحة تضحك ما فيها ذرابة كلش
طحت على ركبي وقمت ازلق عليهم هاهاهاهاهاهاهاهاهاهاهاهاهها
وزوجي ما سكني بغيت اسحبة معاي
تالي قومني وانا مستحية لما طالعته اببتسم ارقع جان اكملها واطيح باجي الدري هاهاهاهاهاهاهاههااههاهااههااههاه
جدام الكافيه
كل الناس شافتني
اهو مسكين سكت شيقول!
كل ما اروح سوق شرق واشوف الدري ودي ابجي

انا اول عرسي

تعرفون بيوت الحكومه تتكدس اغلب الكش تحت الدرج ( مخزن بباب )

الوالده بابها مكسور ذاك الوقت المهم صاكته لكن اهو اساسا خربان ماينصك ريلي بيلس جوتيه تراكه عليه

خخخخخخخخخخخخخخخخخخخخخ طاح داخل المخزن واهو يخزني ويبوسم

بس عاد انا ماقدرت امسك نفسي لي هاليوم وانا اذكره وويها يصير احمررررررر هههههههههههههههه

بس كان موقف حرررام لايحسد عليه صوووت الطيحه واصل ليما الصاله هههههههههههه

ههههههههههههه انا بايام الملجة رحت معاه مجمع دسمان كان هناك خياطي
المهم فيه درج طوييييييل صوووب المواقف واشوه ما كان في احد المهم زلقت وسويت شقة ههههههههههههه
تبطلت ريولي لي الاخر … ما تعورت بس اهو مسكني من ايدي وقومني جان اقولة آآآآآآآي ريولي
من الفشلة طبعااا جان يقولي قومي قومي ادري ما فيج شي ويهج صار حمر
هههههههههههههههههههههههه
والله الحين انا ميتة من الضحك على روووحي

يحليلكم هههههههههههههههههههههه

انا خالتي ام ريلي طاحت غشيانه من الفرحة جدام الناس………وانا وريلي شرقنا واحنا نشرب العصير ….من الخرعة…….هههههههههه…يعني كنا لازم نطلب اسعاف مع البوفيه…….

يلا باااااااااااي

خخخخخخخخخخخخخخخخخخخخخخخخخخخخخخخخخخخخخخ

كملو بنات سوالفكم ضحك

آنا مره قريت موقف حق وحده بمنتدى ثاني مو يفشل الا قمة الاحرااااااااااااااااااااج

تقول مره كنا رايحين المطعم ومتعشين والحبيبه شاربه بيبسي ومكثره خخخخخخخخخخ

تقول يوم طلعنا وركبنا السياره التفت علي زوجي وقام يطالعني بنظرات حب وهيام وشوق

واهي بعد قامت تطالعه بنظرات المحبه

فجــــــــأه …………….

ولا تعطيه أياها بويهه عااااااااااااااااااااااااااااع

خخخخخخخخخخخخخخخخخخخخخخخخخخخخخخ

اكيد عرفتوا شنو أقصد

مسكينه تقول الريال أنصدم حد الصدمه وطوووووووووول الطريج تم ساكت من الصدمه خخخخخخخخخخخخخخخخ

لووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووول

سبائك الموقف فظيييييييييييييييييييييييييييييييييييييييع مسكينة ماترقع

واي أم فرح تخيلي نفسج مكانها خخخخخخخخخخخخخخخخخخخخخخخخخخخخخخخ

لالالالالالالالالالا مو لي هالدرجه شنو ما تقدر تتحكم بروحها ؟؟
بالنسبه لي مافي مواقف محرجه صارت غير الدبغاااات اللي ادبغها على قولته تعودت عليج وعلى طيحاتج لوووووووووول

لووووووووووووووووووووووووووووووووووووووووووووووووو وووووووووووووول :×××

خلااااااااااااااااااص ,, خذيت منكم درس لم انخطب ماراح اطلع جدام الناس ولا جدام ريلي ولا اهله كيفهم يشوفون الصورة منقبه بعد :×××××××

اهم شي العاااااااااااااع تقصد مشكور بس بلغه عربجيه لووووووووووووووووووووووووووووووووووول

السلام عليكم بنات
ابي اقول لكم مشكلتي المحرجة وصدقوني قاعدة اكتب لكم ونا مفتشلة
بليز لحد يفهمني غلط بس… انا صج بمرحلة صعبة في حياتي الزوجية
وما كتبت الا اني ما اقدر اقول لاي احد قريب مني هالمشكلة الي اعانيها

مشكلتي ان زوجي تنقصه نوع من النظافة !!!
ما ادري اذا في احد يعاني مثل مشكلتي

يعني ما يفرش اسنانه و لا يهتم بالسباحة
ويدش الفراش بدون لا يراعي مشاعري بأن ماكل اكل في ريحة
وفوق كل هذا يدخن

انا اسفة اذا ضايقتكم بس والله حياتي معاه صايره فاترة وبالاخص قاعدة انفر منه حييل
حايشني اكتئاب حااااد

مع العلم باني والله مو مبالغة بس اهتم بنفسي وبنظافتي وما انام الا وانا متسبحة واتبخر واتعطر يعني مثل اي بنت طبيعية

والله اني وصلت مرحلة اني قلت له عن الي مضايقني مع انها كانت صعبة واااايد علي تخيلوا يحط عطر فوق ملابسه وبس وانا ابجي من القرف

يا ربي ساعدني

والله ما ادري شسوي لاعة جبدي جددد

شنو الحل

غريبة عاد الرجال الحين حييييل مهتمين بعمرهم

انتي شجعيه

ودايم نغزي بضحك ليما يحس

كل يوم قبل لا ينام قوليله يتسبح ويفرش اسنانه
اول الايام دشي معاه وسوي أكشن لما يتعود

قلت له يعطيني ظهره وينام

الله يعينج

شوفي ترسي الحمام بشامبوات واللوشنات والصابون الغريب واهتمي بشكل الحمام من شموع وورود صناعيه والرغوات وعلى يوم واهوا راد من نادى او دوام جهزيله الحمام وقوليله انا امسويتلك مفاجأه وانتي دخلي معاه و(0000(؟الباجي عليج خليه يحب الحمام والسبوح والنظافه واذا مافاد قطي نغزات بس بشط انه تكون بصوره عفويه وعلى غشمره وبالتوفيق

عادي صارحي

.تم تعديل الرد
الرجاء الالتزام بأدب الحوار !!.

هذا طبع ما يقدر يغيره تعود عليه
بس انتى بطيها بويهه و قوليله الصج و اذا تستحين كتبيله بورقه الشى ألي مضايقج و بينيله المشكله و قوليله انج مستحيه و منحرجه من الموضوع و كتبي الموضوع بأسلوب حلو ما يحرجه و خلي الورقه شكلها حلو و حركات و حطي راسج و نامي عشان لا يشوفج ولا تشوفينا يعنى عن الأحراج

امبيه بنات من صجكم حدكم بدعتوا

صاحبه الموضوع عادي شوي شوي يتعلم

8
88
888

الله يعينج عليه

sorry

هل زوجك يصلي ؟؟؟

هذه صفات واحد ما يهتم بنظافته يعني ما يتوضي للصلاه

مو شرط يكابر عن الصلاه ساعات اعراض شي ثاني

انا اقول انت في ابتلاء كبير وهو محاوله ارجاعه للصلاه وللدين

الله يآجرك وماكو شي صعب بس الصبر مطلوب

قولي له ودي انا اسبحك بجرب هالصابون

او اذا رضيت تتسبح اسبوع كامل كل يوم رح اكافئك بال …. ( فلوس ، وضعيه معينه الخ )

وبعدين كبري الهديه و كبري المده

الريال يحب سوالف التحدي و يثبت قدرته وهمن اذا تعود علي النظافه مرح يرجع للوساخه

الله يعينج مشكلتج صعبه ادعي ان الله يهديه ودوري لج مركز استشارات اسريه او زوجيه يكون ثقه واعرضي مشكلتج عليهم يمكن يعطونج حل مايسبب لج او لزوجج احراج

الله يعينج
بس كلميه باسلوب حلو
واذا ما نفع دخليه غصب الحمام وافركيه وصبي عليه ديتول ولا حسسيه ان ريحته خايسه وانقرفي منه قولي انا ماحب الريحه الشينه وترا ماهوب زين بتجيك الامراض

قووووة اشلونكم يااااحلوين انشالله كلكم ابخير

الحمدالله ما ابي اطول عليكم يالله نبدي بالموضوع وانشالله راااااااااااااااااااااااااااح يعجبكم

اليوم يايبة لكم موضوع حلو وخفيف ويتكلم عن مواقف الاطفال المحرجة امام الناس

وراح اقولكم موقف محرج صااااااااااااااااااااااااااارلي مع بنتي جدام الناس

كاااااااااااااااااااااان عندنا عزة عمي في بيتنا امسوينة والنااااااااااااااااااااااااااااااس ماااااشالله

وااااااااااااااااااااااااااايد داشين طالعين والكل سهران عندنا وينام عندنا تقريبن اسبوع مرة انزلت بنتي ولة اشوف هل ناااااااس

ولة اتيييني جداااااااااااااااام الناس وتقولي طبعا بصوت عالي شوي ( ماما متى ايررررروحون الناس شنو هذيلة كل يووم

ايووووون انا ماابي احد ايي بيتنا اففف) وانا ويهي قام يعطي الوان اضحك ماادري ابجي مادري شسوي لما زفيتها ودشت غرفتها

لوووووووووووووووول والله اليهال طمااااااااااااااااااشة يالله بنات شنو مواقف صارت لكم مع

اعيالكم جداااااااام الناااااااااس يالله نبي نضحك

يالله ناطرة مشاااااااااااااااااااااركاتكم

وينكم شنو مااااااااااااااااعجبكم الموضوع

ههههههههههههههههههههههه يحليلها الله يخليها واليهال يتسلطوون

مشكووووووووووووورة حبيبيتي على مشااااااااااركتج

وحدة أعرفها عمرها سنتين امها عندها ضيوف بالصالة تجيب زيت مازولا 2لتر وتسكبه عالسجادة عند الضيوف
فشششششششلة

مره انا حدي ضايق خلقي من قعده البيت جان تيني بنتي تقولي شفيج ماماتي سويتي big لؤؤؤل قلتلها لالالا جان تقولي ماما شفيج تبين psp تضحك والله حنونه هالبنت

عندي ولدي الله يخليه ديم يشوف افلام جاكي شان ويحبهم
مره كنت رايحه الطبيب ومعاي ولدي وشاف صيني مادري ياباني جان يأشر عليه وبصوت عالي يقول ماما جاكي شان
وانا انحرجت والرجال يطالعه ويضحك ولما قلت السالفه لزوجي قالي اشوه ماكنت معاكم

لووووووووووووووووول فشلة . انا وايد مواقف صارت ويا ولدي اسم الله عليه سمعو اخس سالفة ، اول شي خالتي الله يهديها معلمة ولدي على كلمة خلفية بس بلغاتنا العامية وانا جد جد ماحب جذي ترا ولدي ما يسب حتى تكرمون حمار مايعرف شنو بس هلكلمة مسوية لي ازمة المهم كنت بلمطار واقفة وولدي يمي ناطرني اخلص الاجراءات ولا مرة وحدة الاخ مادري شلون طقت برااااسه ولا يقول لي جدام الكل تخيلوو ( ماما خلفيتج حلوووووووووووووة ) طبعا بلغتنا العامية انا اهنيييييي اشوي وابجييييي ولا الي يسوي لي الجواز ريال فشلة فشلة دمعت عينيييييييي ماعرفت شسوي وترا ولدي اول مرة يقول هلجملة كلش مو حزتها

انا عندي بنوتة عمرها 4 سنوات

و الكبيرة عمرها 13 تقريبا

مرة كانت زايرتنا رفيجة بنتي الكبيرة و كان صوتها غريب شوي

حاد و مبحوح بنفس الوقت

يشبه صوت البطوط مال ميكي ماوس ( دونالد داك )

بس البنت تينن و حدها كيوت و صوتها مخليها ميزة بصراحة مو شين كلش

المهم

البنت مندمجة تسولف

جان اتي بنتي الصغيرة تجابلها و تسرح بصوتها

يوم سكتت جان تطالعني و تقول لي

ماما ليش صوتها جذي ؟

فششششششششششششششششششلة

قلت لها عاد كل الناس صوتهم غير عن بعض

انا عندي ولدي عمره اللحين 6 سنين قبل تقريبا سنتين من كان اولى روضه

كان عندهم اجتماع امهات وكان وياه واحد من اليهال اسمر عقب ما خلص الاجتماع يا لي عندي بوسط

الامهات جان يقول ماما انا اعرف ام صالح "الولد كان اسمه صالح" وانا رديت عليه وانا مستانسه ومبتسمه منو امه

ولا يقولي واهو يأشر عليها ماما هاذي الي لونها اسود ااااااااااااااانننننننننننااااااااااااااااااا عيونكم ماتشوف إلا النور ابي الأرض

تنشق وتبلعني افتشلت حددددييييي قتله لا ماما عيب مايقولون جذيه ولا تقول ام الولد لااا عاديي يهال ماعليهم شرهه بس انا حدي تفشلت

واي اليهال مرات يقطون قطات حدهاا تفشل

لووووووووووووووووووووووووووووول

امبييي فشله

خووش موضووع لاااا يوقف

لووووووووووووول فديتهم

اب

اب

حده الموضوع يونس

اي من الاشيا الي تفشل نكون طالعين والاخ مرة وحدة بمكنا عام جدام الكل ماماااااااا انا فيني كاكااااا لووووووول اقوله بلعدال مايقولون جدام الناس

قلت اليوم اغير موضوع نغير جو ونضحك الموضوع هو الرضاعة الطبيعية في احد صارله مواقف محرجة او مضحة جدام الناس او في مكان عام ؟
في احد رضع ولدة اكثر من سنتين ؟

لاتحرمونا من رددوكم ايها المرضات:roflmao

لوووووووووووووووووووول قبل ارع سنين كنت وايد صغيرة لما يبت ولدي يعني عمري 18 المهم كنت يعني مرضعة صايرة ارضع ولدي واداوم في الكلية وكان دوامي لي الساعة 3 لما وصلت البيت اكتشفت ان الحليب نازل علي مع اني حاطة هيلا مالوت الرضاعة بس وع مبقع على قميصي جي دوائر من عقبها كرهت الرضاعة حسيت جني بقرة ما قمت ارضع عيالي وسلامتج

ما ارضع هذه مشكلتى

الله يستر لما أولد أنا أبي أرضع البيبي بس أخاف يعور وأخاف مايكون فيه حليب حزتها أبي البيبي يتغذى عدل وهم الرضاعه زينه حق الأم ترفع رحمها وتبعدها عن الأمراض الله يكافينا الشر

يلا سولفو عن تجاربكم أنا توني ولاتجربه

لووووووووول خوش موضوع

اذكر كرهت نفسيييييييي بالنفاس كل ماروح اغير ملابسي شي ينقط وبكثثثثثثثره

وبعد النفاس تعليقات من زوجي>>>يالله وقت نحلبج
انتي مثل البقره نحلبج ونطلع منج زبده ولبنه

كانت تعليقات وايد وتحطمني

وطبعا بالنفاس غييير الاحراج من خواني داخلين فجأة وطالعين
والصراااخ براااااااا لاااااتدخلوووووون الكل يدري اني ارضع
اذا شافو المخده المخصصه للرضاعه بحظني يطلعون قبل لاانتبه
حده فضيحه

وبعد ماطلعت من الاربعين كنت يوميا انزل عند حمولتي وانسى ارضع بنتي واتكيييييييسل اسويلها صناعي مالي خلق اصعد اغير هدومي
لين تركت الرضاعه الطبيعيه بظرف شهرين بسسس

ابيه شهالموضوع ذكرتوني بالذي مضي – صارلي سنتين من اخر ولاده – ما اتذكر صارلي شي, بس اهم شي بالموضوع ان من يبدا صدرج يدر الحليب اول يومين يصير وايد كبير -الصدر – ويصير جنج مسويه عمليه تكبير صدر. انا صارلي جذيه ببجري ثاني يوم من طلعت من المستشفي قعدت من النوم وكان صدري يعورني يوم رحت الحمام بغسله عشان الرضاعه ولا ششوف صدري اشكبره جني باميلا اندرسون واي اخترعت بس بعدين عادري فشششش..

انا ما رضعت بنتي بس الحين متحسفه حدي لان فوائد الرضاعه وايد بس مادري ليش ماكنت ارضعها

بولدي الاول مار ضعت ما كنت اعرف وماكنت اخلي احد يعلمني يعني استحي
والحين ومع بنتي امشي وارضع صرت لا استحي ولا يحزنون امبدعه

انا استحى ارضع جدام احد

مواقفكم ظريفة

انا بولدي البجر رضعته 6 اشهر وتمنيت اني ارضعه ليما السنتين بس اضطريت اسافر واهده ف فطمته بس الموقف المحرج الي صار معاي ان مره لما كنت بالانفاس كان عمي ابو ريلي زايرني وقاعد يمي و ولدي قام يبجي يوعان
وانا مو معوه ولدي على الصناعي وكنت لازم ارضعه ومستحيه اقول حق عمي
واهو يقولي شفيه الياهل يبجي يمكن يوعان عطيه حليب وانا متوهقه مادري شقوله
بعدين دزيت مسج حق ريلي قتله عفيه انقذني اطلع مع ابوك من الغرفه لاني مو قادره ارضع الياهل
مسكين عاد ييه ريلي وابدبلوماسيه خذه ابوه وطلعو من الغرفه

وفي بنتي كان ودي ارضعها وما اعطيها صناعي بس عقب 3 اشهر وايد خف الحليب وما قامت تشبع ف اضطريت اعطيها صناعي

يعطيج العافية

يسلمـــوو حبيبتـــي