الوسم: التعرق

السلام عليكم
ولدي الله يحفظه في بداية المراهقة بادية تطلع فيه ريحة عرق
مع انه يتسبح كل يوم
شنو اخليه يحط اخاف الديودرنت يضره
و الشبة سمعت عنها
مادري شلون شكلها و لا طريقة استعمالها
باختصار ابي شي سريع و مو ضار
تجاربكم امهات

منقوع الشبه حطي كسره متوسطه ببطل ماي وخليه يستعمله بالقطنه ما تطلع ريحه ولا تسود الابط

اما الديودرنت في بالصيدليه ماركة بايوت مرهم يحطه مره بالاسبوع ريلي يستعمله اول وايد زين

بس الشبه افضل بكل الاحوال

خليه يستخدم بايوت اهو للجنسين نسائي ورجالي حلو 24 ساعة ما يعرق

مشكورة حرم راشد بايوت وايد قوي

بجرب منقوع الشبة افكر اعبيها بغرشة ديودرانت فاضية

انا بعد نفس المشكله اخذتله ليدي ستك فيه مال التينيجر

بس المشكله اشكالهم على تفاح وفراوله وهو يقول جنه مال بنات
فخذيت له البنفسجي العادي

وابوه ذاك اليوم خذاله واحد مال رياييل بس ماعرف اسمه

اخذيله من بدي شوب عندهم اشياء طبيعيه و ماتضر و مافيها اي كحول او غيره اشكال و انوااااع و الاهم انهم طبيعي الواحد يصير سعره ب3 تقريبا عجيييييب

الشبه تحصلينها بالعطار اهيه بودره لونها ابيض

طريقتها سهله لما يتسبح ياخذ شويه منها ويحط بالابط مثل البودر مايبيله شي بس فيه عيب انه لما ايحطه

بتلاحظين انه مافي ريحه بس تكون المنطقه رطبه يعني العرق راح يبين بملابسه فهمتيني

فانا ارشح ديودرنت بايوت صارلي 7 سنين استخدمه ممتاز

اي والله انا بعد ولدي نفس القصه اخذتله ديودرنت خالي من العطور والكحول بس نسيت اسمه

بس تصدقون جني بخلي يستخدم شبه اخاف يضره الديودرنت اسم الله عليه وهم اهو واااايد يسبح بس لان يلعب كره ويروح النادي فا لازم يستخدم ديودرنت

زاجل نفس الي يستعمله ولدي خذيته من مركز سلطان بس
اللي خرعني مكتوب عليه مو زين للي فيهم مرض بالكلة
مادري شالعلاقة

مشكورة عمري بمر عليهم

مشكورة كوفي جيرل
مو مشكلة البقعة بس اهم شي ما يضر

انا مشكلتي نفسج مع اللعب بالمدرسة وجذي تطلع فيه ريحة
ولا بالاجازة ما فيه ريحة

مثل ماقلت فشلنى ……….حيل يصب وجمى صوب الاباط ماى كان احد صاب ماى على قمت اتفشل اقعد يم احد من كثر ماهو مبللماخليت ديودرنت ماجربتة..وماقدر البس ملابس ملونة عشان متبين البقعة اللى اشكبرها اللى مايشوف بشوفهاشرايكم بسوى بوتكس بس تنصحونى وين؟؟؟؟؟؟؟وبدعيلكم تكفوووووووووون لالالالالالالاتخلللللللللللللللللللووووووووووووونى ىىىىىىىىى

السلام عليكم ورحمة الله

بخصوص مشكلة التعرق أنصحج وبأمانه بمركز دار البراء في عندهم
خوش دكاترة يعالجون مشكلة التعرق وبهوه بصراحة وايد فعال ونتايجة مظمونة.

تحيتي.

والله ماعندي فكره عن البوتكس بس جربي تغسلين بغسول خاص وتمسحين بمقطنه مبلله بالاسكينول واستخدمي الشبه بدال الديودرنت ودايما اي شي تشربينه ضيفي له قفشه ماي ورد

مشكورين علمعلومات الطيبة………..بس هاوينكم ابى تفاعل موضوعى حيل ماذينى

انتي مثل مشكلت امي لكن امي اتوقع من السكري
الله يشفيها ويعافي كل مرضى السكري

بس عفوا شنو البوتكس ادري داشه عرض لكن سوري
ممكن تشروحنه لي
يمكن اذ زين نسويه لامي

اسألوا عن مزيل عرق اسمه dryclor

حبيبتى ليمونه غلى طول بالجمام وكل ما دخلتى مسحى فيها الاباط والله انا جربتها حدها عجيبة ويتم 2 او 3 ما فى اى عرق

نفسي قبل يوم كنت ميداني فترة وراح بس احرجني لدرجة قلت لمي قالت حطي ملابس تحتة قطنية تمص العرق وفعلا سويتها
لزقت خام فنيلة قطن ابيض داخل مكان اللبس وصج تعبني بس شسوي وسوية على فانيلة قطن بيضة ولبسيها على كل ملابسج بس هلا هلا كبري وكثري خام القطن خلية قطن
ولا استعملي البوتكس وقتها ماكان موجود
والحمد لله الحين مافيني هالمشكلة بس ترجعلي لما احاتي وانا طالعة
فاتوقع نفسية هدي اعصابج ولا تشتطين وايد
وما تشوفين شر
ما اعرف بالمراكز
بس وايد يمدحون مركز الزهير الطبي بالسالمية يبون الدكتور نادر صعب مال التجميل

ما عندي فكرة

ان شاءالله البنات بيفدونج

اشربي الشمر 3مرات طبعا حطي ملعقه من الشمر وضعي عليه ماء مغلي

وعقب يفتر شوي اشربي زين ………..وسوي بحث عن الاعشاب والله يساعدك

الشمر هو حبه حلوه رفيجتي عجميه وايد تمدحها وتقول تضعف ومفيده
نصيحه خليه ابرة التعرق استخدمي كريم بولو بالحواج تلاقينه وايد زين وسوي تحليل جيكي على اكلج احيانا سوء التغذيه تسبب هالشيء وانصحج بالزنجبيل زين وايد

عدل كلام اوركيدا انا بعد سمعت عن مركز دار البراء وايد زين يمدحونه

روحي حق د. اسمهان الشبيلي
استشاري امراض الجهاز العصبي
تداوم بابن سينا
وعنها عياده خاصه

في ناس اعرفهم راحوا سووا عندها بوتكس وانقطع عنهم العرق لمده (تختلف الفتره من شخص لاخر) (بحدود من 3 – 6 شهور )

وبعدها يرجع طبيعي

ورقم عيادتها 25654251

بالسالميه

بس جربي الحلول العلاجيه الطبيعيه بالعشاب بالاول وان شاءالله تفيدج

ما عندي فكرة

لبسي فنايل قطن نص جم تحت ملابسج ( الفنايل الولادية ترى روعة وما تبين )
وسئلي عن البوتكس ليش لأ

أهم أسباب ظاهرة التعرّق الليلي :
1- فترة النفاس لدى المرأة ( وهي الاربعين يوم بعد الولادة ) وهي حالة شائعة لدى النفساء .
2- زيادة التعرق الليلي ولفترة طويلة من الزمن دون سبب طبي واضح وهي الحالة المسماة
( hyperhidrosis ) .
3- العدوى والالتهابات :
وأهم اسبابها والشائع منها هو التدرّن ( السلّ الرئوي ) وكذلك الالتهاب بصمامات القلب ، التهاب العظام وكذلك الخراج ومرض الايدز .
4- السرطانات
ويعتبر من الاعراض المبكرة لبعض السرطانات ، ولعل اهمها هو سرطان العقد اللمفاوية .
5- استعمال بعض الادوية : كأدوية الكآبة , وبعض الادوية الخافضة لدرجة الحرارة والاسبرين
6- انخفاض سكر الدم
وخاصة لدى المرضى الذين يتناولون ادوية السكر كالانسولين وغيرها .
7- التغيرات الهرمونية : كما في حالات تضخم الغدة الكظرية وزيادة افرازات الغدة الدرقية .
8- امراض الجملة العصبية : وهو سبب غير شائع

عاد انا زوجي اذا نام يتعرق بشكل موطبيعي والله جنه احد راش عليه ماي؟؟؟ يعني لازم يروح يسوي فحوصات ولاشنو؟؟؟

i guess he have to

مشكورة على هالمعلومات

يسلمووووووووو

مرحبا

بليييييز بنات اللي جربت ابره البوتكس لمنع التعرق تعطينا تجربتها

عند منو سوت وبجم ؟؟

وهل فعلا انفعت معاج ؟؟

انا حيل متخوفه احس ماراح تنفع معاي لاني حنفيه

حتى وانا بردانه يصبصب .. ومو اي خامه ولا اي لون اقدر اشتريه او البسه

ملييييييييييييييييييت بلييز بنات تجاربكم

و ابي دكاتره سنعين مو حي الله

ماعندي فكره وانا بعد عقب الليزر متأذيه ):

اب اب

اناا كان حسبالي هالشي اناا الوحيده اللي اعاني منه

اناا هم حنفيه

ياليت تفيدوناا

لالا ماانصحك فيها

انصحك تستشيري طيب

mayoo

قصدج لمه سويتي ليزر صار عندج فرط بالتعرق ؟؟ معقووووول

عاد انا ناويه ع الليزر

مولاي الفرج

ميرسي

عروب

لا اشكثرهم اللي يعانون من مشكلة فرط التعرق

الله يشافينا ان شاء الله

عبقريه

شنسوي مضطرين .. مشكله جدا محرجه

..

ماعندي فكره
اب لعيونك

قرأت عن وحده بالمنتدى عامله الابره وقالت انها مرتاحه ،

بس انا بقولك يمكن مو اي جسم يتأقلم معها ، افضلها تسالي الطبيب وتنصحك

ترا في ديديرون انا بستخدمه ما بطلع مي ولا ريحه عرق ،

اسمه
Deonat

انا عمتي جربتها
بس الدكتور قالها ان العرق راح يختفي من منطقت الاندر ارم بس راح يطلع من مكان ثاني
و حددلها 3 اماكن
اما الظهر او بين الصدر او فوق الشفايف

أنا اختي سوتها من سنه تقريبا وما شاء الله حدها مرتاحه وافتكت من هالمشكله
الطبيب قالها مفعولها راح يظل ٦ اشهر بس ظل اكثرر يعني على حسب الجسم

انا كنت حنفيه ورحت اوباجي عند دكتور سامح وطقني ابرة بوتكس وارتحت سنه كامله البس كل الالوان والحمدلله ما اعرق كلش وثالث مره سويتها من سنه ونص عند نفس الدكتوور وما سوتها بعد لان العرق قل وااااااايد عن اول والحمد لله

بجم الابرة عند اوباجي ؟

صباح الخير بنات حبيت استفسر منكم اليوم لما قعدت من النوم كنت معرقه وايد ما ادرى شنو السبب مع العلم انه بعد جم يوم راح اتيينى الدوره الشهريه اتهقون له علاقه ؟ اللى عندها معلومه لاتبخل على فيها مشكورين مقدما

upppppppppp

هلا والله

اي له علاقه لان في بنات اعرفهم لمن تقرب موعد دورتهم يعرقوون حيل

اتمنى فدتج

مشكوره حبيبتى على الرد

يمكن بعيد الشر صخونه داخليه او بدايه انفلونزا عادي لاديرين بال بس تدفي عدل

انا نفسج قبل الدورة اعرق واحس كله حر وحرانه

السلام عليكم خواتي شلونكم وشخباركم

انا بقولكم شنو اخر شي توصلتله علشان ارتاح من التعرق تحت الابط بنات انا حدي اتضايق اطلع بالشمس وبالحر منكثر العرق اللي تحت الابط لانه يفشل يبقع بالملابس اذا كانت فاتحه وتسبب لي احراج بس والله مو اللي فيه ريحه لا والله بس ماي لاني انا على طول اهتم بالنظافه واخذ حمام يومي بس انا طبيعةجسمي وايد حار وما بقى نوع من الديديورانت ما استعملته ابي يخفف عني هالحاله بس ماكو فايده ليييييييييييييييييييييييييييييييييييييين سالت واايد وااااااايد وعرفت ان الشي الوحيد اهي الابره ورحت حق دكتوري وخذيتها وبينت معاي من رابع يوم وقالي ان تتم من ست الى ثمان شهور وانا حبيت اقولكم بنات اللي تعاني نفس مشكلتي ترى حلها الوحيد الابرررررررررررررررررررررررره وبس
وما تشوفون شر ان شاءالله

انا عندي نفس مشكلتك بس مترددة من البوتوكس ، لان العرق فضلات يطرحها الجسم فاذا منعنا التعرق وين بتروح هذه الفضلات ؟

يصير اخدها بالويهه لانه وايد يعرق ؟؟ الناس تعرق بالاباط وانا من ويهي

عادي حبيبتي يتخلص منها الجسم عن طريق البول وانتي بكرامه

شوفي حبيبتي انا عندي وحده من حمواتي نفس حالتج وسالت الدكتور وقالي نعطي بالوجه بس على الخفيف وخاصه دار مادار الشفايف

اتعور ولا لأ أمانه قولي الصج أنا خوافه ووين سويتيه وبجم

صاجه هالابره وايد تنفع

اختي غزت هالابر من سنه تقريبا وايد ارتاحت

بمركز جار الله اللي بحولي

عند دكتور محمد محسن

ويحطلج بنج موضعي ويغز الابر

وكلفها 120 دينار

تقبلي مروري

سوته رفيجتي ومرتاحة بس انا متخوفة من المنطقة

شوفي حبيبتي الدكتور يحطلج بنج موضعي قبل لا يعطيج اياها لانه راح يوزعهاتحت المنطقه وتدرين بيني وبينج انا كنت حاطه في بالي حتى لو فيها عوار بس تريحني من عذاب العرق وسويتها عند دكتوري عبدالناصر خلاف اللي بالمنار وعطاني اياهم ب250دينار لانها مكثفه لان اول مره

يالله بنات معقوله محد جرب الابره نبي منكم تجارب وشكثر طولت وياكم

صراحه انا اعاني نفسج وساعات ودي البس فاتح بس ادري بنفسي مرات حتي بالشتاء يصير معاي جذي
يعني قبل شوي لابسه اصغر بس اضطر البس فوقه بلوزه مفتوحه او تونز او جاكيت لون اسود عشان تغطي الاباط
وانشالله بسوي بس انا اقول اسويها عقب الشتا او يمكن عن قريب ومشكورة علي موضوعج وايد عجبني

صراحه ودى بس بعرف هم للريحه الابط اوبس للتعرق

حياج الله يالغاليه مرورج شرفني

شكرا عالتجربة

,

شوفي حبيبتي اذاما معرق المكان مستحيل تطلع منه ريحه وخاصه مع النظافه وازالة الشعر

السلاااااام بنات .. شلونكم شخباركم …

بنات منو فيكم جرب ابرة منع التعرق اللي تصير بالأباط … اعتقد انها ابرة بوتكس او شي جذي …. انا سألت الدكتور المشاري دكتور الأمراض الجلديه وقالي انها زينه … يقول وااايد ناس استانسوا عليها … سألته ما تضر ؟ يقولي لاء ! بس حسيت انه ماكان له خلق حق اسألتي وايد … وحسيت انه كان قاعد يجاوبني على الماشي بس بصرفني !!

عموما اللي سامعه عن هالابره او مجربتها ياريت تفيدنا بتجربتها ….

هذى ابره بوتكس والمشارى كله ما له خلق!!!!!!
ما انصحج فيها لان منطقة الباط والصدر مكان حساس يمكن خطر والله اعلم

مشكوووووره حبيبتي على النصيحه ….

بس بصراحه واااااااايد ودي اسويها …. لاني وايد اعرق بمنطقة الاباط بس … ماكو ريحه الحمدالله … بس ماي

ها وينكم بنااات؟

لا تسوينها ترا مو زينه

خلي جسمج على طبيعته

و العرق طبيعي يطلع و يطلع السموم اللي بالجسم .

انا سويتها عادي ،، بشكل عام تحسين بالثقة و بالراحه النفسية

مو اكثر ، و الشغله ما تعور لانهم يحطون مخدر الاول

بس مفعولها ما يطول الحد الاقصى 6 شهور -حسب جسمج –

اهي مؤقته ترا ست شهور وبس عقب لازم تجدديننها وبصراحه مادري اذا لها اضرار جانبيه بس العرق مفيد صحيا ان يطلع مثل ماقالو البنات

اهي الابره صح مثل ما قلتي بوتكس ,, بس اكثر شي يستخدمونها الممثلين هوليوود طبعا عشان شكل العرق عرفتي , واهي علاجيه اتوقع إذا عندج مشكلة سوييها و استشيري طبيب ثاني و سألي أكثر عنها

شدراج ؟ انتي مجربتها ؟ ولا سامعه عنها شي ؟؟

بليزززز بنات كتبوا كلشي تعرفونه عنهاااااااا

اي صح الدكتور قالي ان مدتها 6 اشهر …. انزين وين مسويتها حبيبتي ؟؟

ما انصح فيها لان العرق طبيعي ومفيد اذا كانت درجة حرارة الجسم مرتفعه يفرز الجسم العرق عشان يخفض حرارة الجسم
واسم هالعمليه الاتزان الحيوي
Homeostasis

يبوووووووووووووي

لاااا ماعليح منه ومن هالسوالف

خوب الدكاتره مايهمه زين ولا مو زين

اكيد يقول لج زين يبي يشفط فلوس

لا خلي جسمج طبيعي

وروحي محل بودي شوب واشتري كريمات والله بترتاااحين وماتعرقين واذا عرقتي بتطلع ريحة حلوه من البودي شوب

انا قلت لج نصيحتي وانتي حره

حبيبتي انا الحمدالله مافيني ريحه .. بس احيانا يبقع على هدومي شوي ماي … من غير ريحه

😐

تصدقين انا احيانا اكوون بردانه .. او يكون الجو زين يعني مو حر … بس لازم بمنطقة الاباط اعرق ! حتى بالشتا ! … واذا انحرجت وستحيت هم اعرق من الاباط بس !

ورانا زواج والحيا بصير ماله والي … وانتي عاد تخيلي الوضع

بنات منو سمع او جرب ابر البوتكس اللي تخفف او توقف التعرق واي دكتور اروح دكتور غدد او دكتور جلديه ومنو احسن دكتور وبجم يسونها وشكثر يبقى مفعولها

اب اب اب

اب اب

حبيبتي احسن عيادة بوحمرا فالسالميه اخوي مسويها ومدتها 6 شهور بس يقول شاف الموت من العوار وماشاء الله عقبها في عز الصيف لاتعرق ولا غيرها وسلامتج

حبوبه انا حماتي طاقتهاا عند جار الله اللي بحولي وتمدحه واااااايد

ما لها مضار؟
بقول حق أبوي يروح يسويها
مسكيييييين وايد يعرق
بليز فيدونا أكثر

انا مسويتها في الشعب كلينك ماتعور ولا شي 5 دقايق والدكتور يقولج قومي … وقمه السعادة والثقه ما تحاتين تعرقين حتى لو شويه والله ظل مفعولها سنه او اكثر بس عجـــــــــــــــــــــــــيبة

سلام عليكم خواتي
بدش بالموضوع على طول ولو ان فيه احراج. بنات انا من قبل سنتين و نص قمت اعالج شعر جسمي بالليزر و ماكنت مواظبة. يعني مرة ليزر و مرة شيرة و يوم حملت قطعت مرة وحدة و بعد ولادتي سويت ليزر مرتين. لاحظت ان التعرق بمنطقة الاتدرارمز(الابط) زاد و انا مو من النوع الي يطلع ريحة بس الحينشي مو طبيعي لدرجة اني و انا اتسبح بس البس الفوطة احس لازم اخذ شاور مرة ثانية. مرة بالدوام نسولف عن اليزر ولا وحدة تقول "مابي اسوي اباطي يقولون مع اليزر اكو غدة تتحرك و بس تصبصبين. بس حلها بسيط ابرة موضعية" دقيت على عيادتي الي اسوي عندها اليزر اسألهم عن الابرة و لا الصدمة ب 200 دينار كويتي الابرة ! شدعوة!!!!!! بنات شتنصحوني؟ اخذها و اخاف ماتنجح! ولا اكو حلول بالحكومة؟؟ بليز بنات مابي تسمعوني رد جارح لأني مااقصد اأرفكم!

عادي حبيبتي …

انا استخدم هالابرة صارلي 7 سنين … واستخدمتها 3 مرات .. واخر مرة من 3 سنين .. بس نتايجها حلوة ..

ترتاحين من العرق نهائيا …

بس سعرها شوي غالية .. عندنا في الامارات بـــ 1500 درهم

ما اعرف بس اب لعيونج

وعليــــــــكم الســـــــــلام حبيبتي

انا بعد صار معاي هالشي ..

قبل ماكنت اعرق كللللش

ومن عقب الليزر قمت الاحظ هالشي ….

يمه الحمد لله اني ماسويت ليزر

شوفي الحكومة يمكن عندهم حل .. اذا مافيه خذي الابرة شنو تسوين بعد

بس الابرة تاخذينها مره وحده ولا لازم اكثر من مره ؟

انا شايله احس عادي ورفيجتي تقول زادت عندها العرق

ترى جسم الى جسم يختلف

بنات ،،،، هل العرق الزائد في فترة النفاس خاصة وقت النوم طبيعي ؟؟؟؟
آه لو تشوفون المخدة اللي أنام عليها كأني كاته عليها جركل ماي

اي عادي انا اختي لما كانت بالنفاس جذي بس حطي بالج لايحوشج برد مو زين