لحقوووو علي طحت على موقع اجنبي فيه آراء عن كل المدارس الخاصه بالكويت

ياجماع قمت اهوجس

شكلي بطلع ولدي واحط بمدرسه حكوميه اصرف لي ..

هذا الموقع للاجانب المغتربين وكاتبين تجاربهم عن المدارس ..

الامريكيه بالكويت والعالميه وكامبردج والبريطانيه بالكويت وغيرها من الاسامي الطنانه

طبعا اللي يعرف يقرا انجليزي تمام واللي مايعرف يسوي ترجمه اذا كان يتصفح من قوقل كروم

https://www.expatexchange.com/rspnet….67&start=25631

مشكووورة حبوبه

المشكله ماجنني الا الام اللي تقول ان المدرسه الامريكيه بالكويت فيها مخدرات ..

كان حلم اني ادخلهم فيها ..

قسم بالله شيء يخوف

مشكوره والله يعطيج العافيه

رفع

ياساتر الله يحفظهم

يعطيييييج الف عافيه والله خوش موووقع

عاد على تكون التعليقات صج مو تاليف.

مشكوووووره حيااااتي

مشكوره

هذيل اهالي الطلاب .. المغتربين بالكويت

والله الظاهر بعيد حساباتي ..

زوجي بعد طاح على موقع فيه مدرسين سابقين بهالمدارس وتعالي شوفي الفضايح ..

عاد تقول وحده منهم ان كامبردج المنقف فيها بالوعه مو مقفلينها عدل والمسبح فاضي مافيه مويه ومكشوف .. وان اخر شيء يهتمون فيه السيفتي .. المشكله ولدي بكامبردج ودافعه قسط السنه كامل ..

والله احترناااااااااااااااا

اوكي يمكن هذول بس يبون يشوهون السمعه

لان ان عيالي بمدرسة الكويت الوطنيه الانجليزيه بحولي
اسمها بالانجليزي kuwait national english school
وكل اللي كاتبين عنها انها مو قويه وان اليهال يبجون مو حابين المدرسه

وانا اشوف العكس لان والله بنتي ماترضى اطلعها امبجر اذا اضطريت ماشالله
واهي صغيره ثاني روضه
واول سنه لها هذي والله بنات يوم دشت بنتي ماتعرف انجلش ميييح والحين لا اله الا الله خلال شهر تقريبا والله تعرف تقولي جمل قصيره وغير حفظها للاغاني وحتى تتحچى انجليزي مع الخدامه (باشياء بسيطه طبعا)
بس حيل فرقت معاي بنتي

وولدي بالحضانه ماشالله هم تعلم وااايد صار يعرف اعضاء جسمه كلها ماباقي الا المصارين يقولي اسمهم بالانجليزي
وجم لون حافظ وجم كلمه( فش .. كار .. هاوس ..تري )
يعني الحمدلله مو مثل ماقالوا

ومع هذا انا مفكره انقلهم عالسنه اليايه حق نيو انجلس سكول لانها وايد عاجبتني وحيل يمدحونها يقولون اقوى من مدرسة عيالي
واشوووووه مالقيت اسمها من ضمن القائمه بالمووقع

اذا ماعليج امر حطيلنا الموقع الي طاح عليه ريلج

منو قال ان مسبح كيمبرج مافي ماي انا ذاك اليوم كان اجتماع حق ولدي ومريت صوب المسبح اشوفه وكان في طلبه يسبحون ومعاهم المدرس

بنات انزين اللي مترجه الموقع تحطه لنا
علشان نقرا
ونستفيد

الله يسلمك ياقلبي .. والله مااتوقع تاليف .. لان مافيه مصلحه ..

مااتوقع يشوهون السمعه اساليني ليه .. لان فيه امهات يمدحون ببعض الاشياء اللي ببعض المدارس

ومااتوقع متفقين .. ماعندهم الاجانب هالسوالف انا عشت معهم طول عمري واعرفهم

حبيبتي اذا متصفحك قوقل كروم راح تلقين اعلى الصفحه "ترجم" اضغطيه ويترجم لك واذا متصفحك انترنت اكسبلورر انسخي رابط الموقع ولصقيه بقوقل حق ترجمة المواقع

مشكوره حبيبتي

اللهم امين يارب مشكوره عالمرور ياقلبي

الشكر لك عالمرور

والله هذي مدرسه سابقه تقول .. بس يمكن عبوه اللحين .. طيب انتي بما انك شفتي المسبح كل هو امين ومقفل عن اليهال .. يعني لو ماكو احد ممكن اي طفل يدش او صعب ..

مشكوره الللللف عالتفاعل