الوسم: القروض

السلآم عليكم ،،

وآضح العنوان بنات ،، منو فيكم سوّت جدولة القرض مالها ؟ وشلون الطريقة ؟

عفيه بنات بروح باجر البنك ،، وماني عارفه ئش مطلوب مني !

انا قرضي 160 دينار !

من 2001 وانا ادفع و باقيلي 3 سنين ويخلص <<<الحمدلله هانت

،،

انطركم بنات ،،

160 دينار و الا 160 الف؟

160 الف هههههههههه والله لو معاشي معاش وزير !

لا قسطي الشهري 160 دينار وقرضي كنت ماخذه 12 الف بس والله يابحر الرمال انه وصل لل30 الف وانا ميته قهر من الفوايد !

روحي قوليلهم ابي اعاده جدوله للقرض
والنتيجه راح تكون يا تنزل قيمه القسط او تقل المده او تستلمين الفرق كاش
وسلامتج

مشكورة ياقلبي ،
زين انا ودي اعرف اذا وحدة راحت وسوت معاملتها ،، جم خذا منها وقت لأني باجر بستأذن من دوامي

انا دقيت عالبنك الوطني وسالتهم عن الموضوع لان قسطي 452.500
اكثر من نص الراتب … … وباقي لي واييييد …
قالوا لي ما يصير احس يجذبون .. بس مدري شسوي … …

الله يعينج و ييسر امورج
بس نصيحه اذا تبين حل روحي بنفسج ترا لو تكلمين خدمه العملاء بالتلفون ماينفع مايعطونج حل و يمكن يتهربون لان الجدوله مو لصالحهم

مري على فرعج و سأليهم و ان شالله تلقين حل

ام جوري

بلى يصير ونص الناس ماشاءالله طاحت عنهم الفوايد بس من صجج تصدقين كلام ناس مومن مصلحتهم يجدولون قرضج !
روحي حبيبتي واضمن لج التغيير للأفضل من فضل ربي

//

بحر الرمال

مشكورة ياقلبي ماقصرتي انا بروح باجر والا عقب باجر بس قلت أسألكم يمك عندكم علم

رفع

رفع

الله يررفع من قدرج يالغاليه

الحمد لله ماعندي قسط حاليا الله يطول عمر الي كيشلي القرض وقسط السيارة وريجني طبعا مو الحكومة (باباتي ) الله يخليه ذخر لنا

وعسى الله يفك ضيقة كل مديون

بس والله الحين بخاطري افتح سيارة جديدة ( مايفيد فينا ) …………..بس بصبر نفسي خل اتهنى بالمعاش سنتين على الأقل يحلوة واهو صافي ان شاء الله تجربين هالشعور قريب

up

up

up

غزاله هههههههههه

عشتي ياقلبي والله يحفظ لج الوالد ويطول بعمره

إيمانا ً من أخوانكم في إدارة الشبكة الوطنية بأهمية توفر المعلومات للمواطن الكويتي … وبالأخص في القضايا التي تمس حياته المعيشية و حقوقه التي كفلها له الدستور الكويتي … ورغبة ً في توفير مقر آخر لبيان المواطن خالد عبدالحميد الزامل يمكن من خلاله ضمان إستمرار توفير هذا البيان و تفاصيل الحكم التاريخي الذي حصل عليه ضد أحد البنوك المحلية التي أستغلت جهل المواطنين بالقوانين لتشارك المواطن الكويتي في راتبه بصورة غير قانونية وغير مشروعة … نفتح هذا الموضوع ليكون نسخة أخرى لموقع الأخ خالد عبدالحميد الزامل … وسيتم تحديثه إن شاء الله بصورة مستمرة مع التحديثات التي تطرأ على الموقع الأصلي (https://www.chakbom.com)

تحياتنا لكم جمعيا ً

منقول

مشكوره حبوبه
قريت هالموضوع بالنت من قبل جم شهر وصج زين يسوي فيهم ويستاهلون

حسب الله على هلبنوك ال ما تعرف الرحمه

شسم المحامي الي يرفع القضايا على البنوك

بنات منو المحامي الي يقدر يمسك هالقضايا..؟ فيدونا بليز..

حسبي الله على هالبنوك

جزاك الله خير أختي على هذا الموقع بصراحة لما قريت الكلام واستفسارات الناس اللي مكتوين بنار القروض صار عندي أمل كبير بحل موضوع القروض وخاصة إن زوجي ماخذ قرض عشان أخوه ( زوجي طيب زيادة عن اللزوم ) وياريت أخوه فقير عنده محل لبيع وتأجير السيارات وأخذ عشانه قرض واكتشفنا إن القرض تضاعف بقدرة قادر بسبب الفوائد….. والحين بيتنا الجديد متوقف الشغل فيه من ثلاث سنين محنا قادرين نكمله بسبة هالقرض وكل أمورنا متعطلة لأن البنوك ماتعطي قروض الآن إلا لحد40% من المعاش للموظف العادي و30% للمتقاعد . حسبي الله على البنوك اللي قاعدة تظلم المواطنين .

اتحدى ان يكون هناك من يفهم ماهي مشكلة القروض
البعض يعارض دون ادنى فهم اواحساس بالمشكلة
سوف اتكلم وباختصار ماذا حدث من جريمه مدبرة بمشاركة ومباركة البنك المركزي الذي يمثل الحكومة
اولا نضرب مثال بسيط واحد اخذ قرض بمبلغ 20000 وبفائده 3 بالمائة يعني 6000 وبقسط 300 على 10 سنوات وبعد مرور كم سنه على التسديد والانتظام يتفاجئ بارتفاع قيمة القسط من 300 الى 450 وتغير المدة من 10 سنوات الى 20 سنه ولما يراجع البنك يقول الفايده ارتفعت ورفعنا عليك القسط انزين وين السنوات الي التزمت بتسديدها يقول البنك انت موقع على عقد ويحق للبنك اعدة الجدولة متى ما تغيرت الفائدة يعني راح عليه المبلغ اللي سدده للبنك انزين وين العقد يرفض البنك اعطاء وتزويد اي عميل بالعقد
ثانيا وبعد التزام العميل ومرور كم سنه يتفاجئ مرة اخرى بارتفاع القسط الى 550 وزيادة مدة القرض الى 30 سنه ومازال ال2000 اصل الدين ثابته لم تنقص
ثالثا لجأ كثير من المواطنين الى المحاكم واصبع عدد القضايا اكثر من 52 الف قضيه ( البنك الوطني لوحدة 18000 قضيه مرفوعه من المتضررين ) والباقي موزع على البنوك الاخرى
رابعا القضايا امتدت سنين كثيرة والقرض اصل الدين (20000) لم يتغير ولو نحسب ما دفعه المواطن المسكين تعدى 40000 الى 50000
خامسا اعترفت الحكومه بوجود مشكله والدليل عمل صندوق للمتعثرين يستفيد منه البنوك اكثر من المواطن المسكين لماذا لان الصندوق يسدد جزء من القرض وليس كل القرض حيث يسدد المواطن للصندوق بعد ان يخلص من البنك اي تم توفير سيوله للبنوك اولا ولم تحل المشكلة ومازال المسكين يسدد للبنك وبعدها يحل قرض الصندوق من 15 ال 20 سنه
سادسا هناك احكام على المواطنين بالسجن ومنع سفر وحالات طلاق وتفكك اسري والبعض لايستطيع الخروج من بيته بسبة الضبط والاحضار والناس اللي تطلبه

(ملاحظه لم تكن القروض من قبل بهذى الصوره الكل كان يأخذ قرض ويسدده دون حدوث اي مشاكل لكن بدات الأزمه من سنة 97 و98 الى هذا اليوم )
اسأل الله العلي القدير ان يفك كرب اخواننا المقترضين وان الله يمهل ولايهمل

والله البنوك نصابين ويقصون على الناس
اسقاط القروض شئ مستحيل لان مافي انصاف للمواطنين
بس لو يقطون الفوائد احسن

استغلوا حاجه الناس

وانشاءالله تطيح الفوايد ويبقى اصل الدين واللي تم دفعه يخصم من اصل الدين

استغلوا حاجه الناس

وانشاءالله تطيح الفوايد ويبقى اصل الدين واللي تم دفعه يخصم من الصل الدين

نبي اسقاط القرووض

اي والله نبي إسقاط القروض وانا والله ماعلي قرض ولا زوجي بس حرام كل الكويتين يشتكون خلو الواحد ينام وهو مرتاح

اي والله خل تطيح القروض

واللي تقعد تقولي محد طقهم على ايدهم ويروحون يسافرون انا اقول حمدي ربج انج ماخذيتي دامج عايشه بخير ونعمه
حسد اللهم ياكافي

انا برايي يسقطون فوائد القروض
لان القروض احنا حطيناها ع ظهورنا لاي سبب وكنا عارفين لازم نرجعها يعني مولي هالدرجه نصير طماعين
الله يخليلنا ديرتنا ياارب

كلامج عين العقل وهذا اللي لازم يصير

اتمني يسقطون القروض صراحه ما فيها شي ولا نحسد اخوانا الكويتين اللي ما خذين قروض والبنوك مو غبية اول شي تستقطع فوائد القرض وبعدين القرض يعني حاسبينها عدل:eh_s(1 4):

نشكر الجميع على الردود الطيبه والاحظ اغلب الردود عن اسقاط الفوائد ……..

هل تعلمون ان البنوك كانت تستقطع الفائدة كل هذه السنين ولم تستقطع من اصل الدين لذلك ما كان القرض ينقص اويتحرك وهذا ذكاء من البنوك لان لو فرضنا ان الحكومه ارادت اسقاط الفوائد فلن تكن هناك فوائد اومبالغ لأسقاطها وهذه سياسة المماطله من الحكومة ومن البنوك لكسب اكبر وقت واستنزاف اموال المقترضين واخيرا حسبي الله ونعم الوكيل

اكبر ورطة تورطنا فيها القرض

الله يفرجها انشاالله

السلام عليكم

بنات ابي اعرف الحين بيطيحون القروض او الفوائد ولا لا ؟؟؟

عفيه الي تعرف ترد علي لاني مااقرا جرايد

شدعوه ولا رد

الي دخلوا شنو يعني ما يعرفون شي ولاشسالفه

سمعت طيحووووووو الفوايد بس انشالله يكووون صج عشان نرتاااح من الهم

لابيطيحون الفوائد
بس مو الحين لان باقي جلسه وراح يصوتون عليها
بس ان اشاء الله في امل

يارب الله يسمع منكم

ومشكورين على الردود

من صجكم عندكم امل

ان شاء الله الله يكتب الافيه الخير

ان شااء الله والله في ناس مظلومه اللي ماخذ قرض عشان بس يسدد طلبات عياله
الولد يبي بلاك بيري والبنت تبي تروح الصالون والمراة ينيه شاقه الارض وطالعه
كل همهاا المظاهر بس بس عشان يقولون الناس انهاااا ماركيه وكشخيه وانزين ولي متى ارحمي هالمسكين
وبلاوي والله وكل هذا مافي قرووض رياييلنا صاروا قرعاان والسبب القرووض وعليااااا
لك ايتهما السيده المتزوجه صاحبه الماركه الماركه ليست بالتباهي والكشخه
فكري شوووي بزوووجج ومستقبل عيالج ترا زوجج حق عيالج مو لج
وبسسسسسسسسسسسسسسسسسسسسسسسسسسسسسسسسسسسسسسسسسسسسسسسس سسسسسسسسس

يا ليتهم يطيحون الفوائد ويخلون هالناس تخلص قروضها من غير تعب

هو اللى قاص ظهرهم الفوائد مو القرض لو مطيحينها من زمان جان الحين مرتاحين

غلا الروح ترى مو كل الناس تاخذ قروض عشان تكشخ انا اعرف واحد اخذ قرض عشان يعالج عياله اثنين بره قولي الله يعافيهم ولا يبلانا

وكل واحد يتكلم عن نفسه

الله يعلم اشكثر متأذين من القروض

بس مانطالب الا باسقاط الفوائد علشان لايقع الظلم على البقيه

يارب ترحمنا من الديون والله هي البلاء والابتلاء

انزين و عقبها اللي بياخذ قرض ؟؟ ياخذه بدون فوايد و لا شلون ؟؟

جان زين يطيحون الفوايد
غلا الروح موكل الناس تاخذ قروض عشان بلاك بيري والماركات الناس تصيرلها ظروف خارجه عن الاراده وتنحد تاخذ قرض والا الواحد شله بالدين وعمات العين ياحلات المعاش اذا نزلج صافي ماعندج اقساط ولا ديون
يام يام هههههههههههههههههههههههه يعني مفكره ان البنوك راح تعطي قرض حسن جان وقفو القروض موليه لووووووووول
الفوائد اللي يبون يطيحونها حق اللي اخذو قروض اللي قاع يدفعون اقساطهم الحين

اي والله جان زين يطيحون الفوائد

ياسبحان الله صاروا الكل يقترضون للبي بي والماركات !! واذا كان فاكيد ماتتعدى قروضهم ال5000

ولو تركزون على شنو احنا نتكلم عن القروض اللي فوق 30 الف .!

الحين اردى بيت بالكويت ب100 الف

يعني فوق قرض الحكومه 30 الف دينار يتضامن المسيجين مع مرته لين مايبقى من معاشهم شي لا وبعد سداد 10 سنين يكتشف انه يسدد الفوايد مو القرض..!!!!

كل مشاكل الكويتيين مع العقار

اللي مادري على شنو مرتفع!!

لو تطل البيوت على نهر بحر شير اراضي خضرا عذرناهم لكن عارفين الارض جلحه ملحه وبالغصب تقدر تزرعلك زرعتين..!!

لاتخلون الاقتصاديين اصحاب الشركات منو النواب يقصون عليكم ..اهم همهم هالغلاء الفاحش اللي احنا فيه عشان يعبون جيوبهم

مايبون الحكومه تعطينا من الودايع عشان اهم يربحون منها ..بانهم يقرضون اياها!!!

الحين عقب ما فات الفوت يايين تشتكون من القروض؟
ليش ما فكرتو بهالمشكلة قبل ما تصير؟
ليش ما قريتو شروط العقد عدللل و فهمتووووووها؟؟؟
لا تتعذرولي بالحاجة حتى المحتاج المفروض يحتاط
لأن هالعقد اذا ما تمت شروطه ممكن ينقط بالسجنننننننن
واذا اعترضتو وقلتو والله ما كنا ندري راح يقولون لكم القانون لا يحمي المغفلين
دام انكم وقعتو فالعقد شريعة المتعاقدين
ليش ما تتحملون المسئولية؟ ادري ان ضغوط ومصاريف والاسعار زايدة
بس انتو اللي يبتو هالشي على روحكم وزدتو هم المصاريف هم القروض
وليش الحين؟ الكويت طول عمرها فيها قروض ومقترضين
والدنيا ماشية بدون مشاكل
ليش انتو الحين ياين تطالبون؟
وهل كل ما صارت نفس المشكلة بتييون حق الحكومة تطلبون مساعدتها؟
تدرون هالفلوس منو فلوسه؟؟؟
هالفلوس كلها فلوس عيالنا اللي عقبنا
شنو راح يبقالهم ؟ ترا احتياطي الاجيال كل ماله قاعد يتقلص
هالفلوس ممكن تنصرف على مدارسهم مستشفيات مناطق يديدة
بس لأن في ناس ما تتحمل المسئولية وانانيين قالو نقط مشكلتنا على الجيل الياي وخليه يبتلش بعمره

الله يسامحج اختي
موليهدرجه انا وحده من الناس ماعندي قرض وامي الله يخليها لنا خذت قرض ورا قرض بس علشان
نشتري البيت من مرت ابوي اللي موكويتيه ماخذه فوق النص وقاعده عند اهلها ببلاش ومضيجه علينا
واحنا محشورين حشررر بالبيت حتى مكان نحط ملابسنا
ماكووووو امي ماحطت على روحها هالقروووض الا علشان توسع علينا ونرتاح مثل باجي الناس
بتقولين مدي ريولكم على قد لحافكم؟ اوووكي انا معاج شرايج ان انا واختي بغرفه وامي واخوي اللي عمره 31 بغرفه
بتقولين سكرو الحوش ابنوا؟ من وين نبني؟ من وين فلوس ؟ البنيان مايبي فلوس اقل شي 10 الاف من وين واحنا
على الله وعلى معاشاتنا
بتقولين اخوج ليش ماخذا وانتو تاخذون؟ حزتها كنا ندرس وامي خذت هالقروض علشان ما تبي تضيق علينا معاشاتنا لي اشتغلنا
اختي ترا البيوت فيها بلاوي بس محد يحس احنا من النوع اللي خذا قرض علشان نعيش ببيت كامل حالنا حال
خلق الله حرام نعيش ببيت حكومه كامل مو مقسم؟
سامحيني اختي بس والله الفوااايد لعبت بالناس لعب
وانا اقووولج ليش نطالب مو اولا بخير ديرتنا احنا ولا العراقيين اللي طيحوا قروضهم؟ احنا شكوو في ناس
غزونا وذبحو عيالنا ؟؟ علشان جذي نطااااااااالب وبعين قويه بعد خيرنا لنا ولعيالنا مو للغرب والمجرمين

ولازم يكون لكل رب اسره معيل او لكل مطلقه معيله 15 الف نصف القرض او ارمله معيله هم نصف القرض

ومايعطى الا لرب الاسره فقط عشان الحريم الي مو موظفات مايزعلون ويقولون شمعنى الموظفات وهكذا ندخل

بنفس عدم وجود عداله وهم علشان مو معقوله الي ماخذ 10 الاف نفس الي ماخذ 60 الف مايصير

ويكون قرض حسن للي عنده او ماعنده قرض يقدر ياخذه

الي عنده قرض يسدد قرضه او يعيد جدولته بحيث يطيح هم كبير منه وتقاسطه الحكومه بعد ماينتهي من تسديد المتبقي من قرضه بالبنك مباشرة من راتبه

مثال

الي قرضه 40 الف يعيد جدولة 30 الف بحيث ان الحكومه تقاسطه عليهم بعد ماينتهي قرضه مباشره ويدفع للبنك ال 10 الاف للبنك ويتحمل فايدتهم بروحه وبجذي فوائد ال 30 الف ارتاح منهم كليا

والي عنده قرض 20 الف يدفع للبنك قرضه ويستفيد من باقي المبلغ اذا يبيه

والي يبي القرض المقدم من الحكومه ياخذه والي مايبيه اهو حر ( يعني قرض حسن اختياري للي محتاجه )

والي ماعنده قرض مايكون انظلم من هالقرار ويستفيد

والي عنده قرض استفاد من هالقرار وشال جزء من الهم الكبير على قلبه

شرايكم باقتراحي ومنو تقدر توصله للنواب

شوفي انا نائبين اعرفهم معرفه تامه ..
واحد من الجماعه والثاني اخوي سكرتيره الخاص ..
وحلوه هالاقتراح … واذا قدرت وصلته لاني استحي
بس بقول لاخوي وان شاء الله في اذان صاغيه ..

الســلام عليكم

ليش نزلت هذا الموضوع

نزلته لهدف واحد

هدف تعرفون مواقف هالنواب اللي صوتم لهم

هدفي شوفوا شلون يتقلبون في مواقفهم ويبيعون الشعب اللي وثق فيهم ووثق في كلماتهم الرنانه ايام الانتخابات

يبون الشعب يتعب

يبونا طول عمرنا نتعب مع هالقروض

حلال على كل الدول اموال الكويت اللي تبني لهم مدن ومحطات كهربا ومستشفيات وبيوت وطرق وحرام عالشعب اللي الحكومه تبي تشتري الفوايد المجحفه اللي كسرت ظهره!!

قرة عينكم يالبنوك

عقب مااختبصتوا من هالقانون ونزلتوا اعلانات كلفتكم الكثير الحين تقدرون ترقدون وتامنون في بالمجس نواب ضد الشعب!

واتمنى مااشوفج يارولا دشتي على سكوب تتغنين بالوطنيه وتقولين ( انا مع هيدا الشعب الكويتي!!)

ومايسعني في النهاية الا ان اقول كما قال الجسمي في اغنيته الاخيره( آه من وعود الحريم )

تنشر أدناه أسماء النواب الموافقين والمعارضين لقانو شراء قروض المواطنين، حيث رفض المجلس اقرار قانون شراء فوائد المديونيات رغم موافقة 32 نائبا بالمداولة الثانية مقابل 20 عضوا ، وذلك لعدم حصول القانون على أغلبية لإقراره.

وفي ما يلي الأسماء للمداولتين الأولى والثانية:

المداولة الأولى:

الموافقين:

1- أحمد السعدون

2- الصيفي مبارك الصيفي

3- جمعان الحربش

4- حسن جوهر

5- حسين مزيد

6- حسين الحريتي

7- خالد العدوة

8- خالد السلطان

9- خالد الطاحوس

10- خلف دميثير

11- دليهي الهاجري

12- سالم نملان

13- سعد زنيفر

14- سعد الخنفور

15- سعدون حماد

16- شعيب الموزيري

17- صالح عاشور

18- ضيف الله أبورمية

19- عدنان المطوع

20- عدنان عبدالصمد

21- عسكر العنزي

22- علي الدقباسي

23- غانم الميع

24- فلاح الصواغ

25- فيصل الدويسان

26- فيصل المسلم

27- مبارك الخرينج

28- مبارك الوعلان

29- محمد الحويلة

30- محمد هايف

31- مخلد العازمي

32- مسلم البراك

33- معصومة المبارك

34- ناجي العبدالهادي

35- وليد الطبطبائي

36- يوسف الزلزلة

غير موافقين:

1- أسيل العوضي

2- رولا دشتي

3- سلوى الجسار

4- صالح الملا

5- عادل الصرعاوي

6- عبدالرحمن العنجري

7- عبدالله الرومي

8- علي العمير

9- محمد المطير

10- مرزوق الغانم

الحضور : 54 ، الموافقة: 36 ، عدم موافقة 18 ( 10 أعضاء + 8 وزراء من الحكومة)

نتيجة التصويت في المداولة الثانية:

الموافقين:

1- أحمد السعدون

2- الصيفي مبارك الصيفي

3- جمعان الحربش

4- حسن جوهر

5- حسين مزيد

6- حسين الحريتي

7- خالد العدوة

8- خالد الطاحوس

9- خلف دميثير

10- دليهي الهاجري

11- سالم نملان

12- سعد زنيفر

13- سعد الخنفور

14- سعدون حماد

15- شعيب المويزري

16- صالح عاشور

17- ضيف الله أبورمية

18- عدنان عبدالصمد

19- عسكر العنزي

20- علي الدقباسي

21- غانم الميع

22- فلاح الصواغ

23- فيصل الدويسان

24- فيصل المسلم

25- مبارك الخرينج

26- مبارك الوعلان

27- محمد الحويلة

28- محمد هايف

29- مخلد العازمي

30- مسلم البراك

31- وليد الطبطبائي

32- يوسف الزلزلة

غير موافقين:

1- أسيل العوضي

2- خالد السلطان

3- رولا دشتي

4- سلوى الجسار

5- صالح الملا

6- عادل الصرعاوي

7- عبدالرحمن العنجري

8- عبدالله الرومي

9- علي العمير

10- محمد المطير

11- مرزوق الغانم

12- ناجي العبدالهادي

الحضور 52 ، الموافقة: 32 ، عدم الموافقة 20 ( 12 نائبا + 8 وزراء من الحكومة)

ملاحظات:

– النائبان خالد السلطان وناجي العبدالهادي في المداولة الأولى أيدا القانون، وفي المداولة الثانية رفضا القانون.

– النائبان د.معصومة المبارك وعدنان المطوع في المداولة الأولى أيدا القانون ، وفي المداولة الثانية انسحبا من الجلسة مع بدء التصويت

حسبي الله ونعم الوكيل على كل وااحد فيهم ماوافق

امين

حياج الله

اغلب اللي موموافقين شوفيهم من التجار وشبعانين
شعليهم من باقي الشعب ان شاء الله يحترقون اهم شي المصلحه المشتركه

حسبي الله ونعم الوكيل

حسبي الله ونعم الوكيل

استغقر الله … انا مادري شلوون عينهم قويه .. ومادري شلوون الناس تصوتلهم !!!!!!!

انا وحده ماحب سالفة القروض وضدها بس لو افكر فيها حرااام في ناس حيل متاذين منها …

يافرحه ماتمت
الله يعوض المقترضين خير..والله يعطيهم طولت العمر ويسددون

الاخ معصومه بالله عليها هذي سوات تسويها ؟؟ تنحاش

انا رولا دشتي بياعه كلام انصدمت فيها اهي والدكتوره اسيل وكملتها سلوى الجسار مافي ولا وحده اوقفت مع هالقانون

اما خالد السلطان مايبي يسوي معروف قبل لا يتوكل من هالدنيا

اما ناجي عبدالهادي & عدنان المطووع لاتعليق الشرهه عاللي صوتولهم وحطوهم بهالمجلس

مااقول الا كفايه بسكم لعب بمشاعر الكويتيين ذليتو شعب طول عمره رافع راسه بهالسالفه اللي مصيرها نفس مصير قضيه البدون… الى مالا نهاااااااااااااااااايه

بصراحه انه مع عدم اسقاط !!ومع اسقاط الفوائد فقط!!

صج دولتنا الحمدلله بلد خير وغنيه وما عليها قاصر بس ما يصير يعيش طول عمره المواطن الكويتي جذي!!

يعني الواحد ما يصير يروح ويحط على نفسه قروض وديون وكل شوي سياره وكل شوي سفره وصرف وبذخ وعقب ما استانس وشبع ولعب

ولي صار عليه قرووووض يقعد وطاح الفاس بالراس وتعالي يا الحكوووومه دفعي عني!!

يدخلون البورصه واهم ما عندهم اي خلفيه ولا خبره ويقطون فلوسهم فيها ولي خسروا ولا انزلت البوووورصه يحاسبون الدوله

وتعالوا ساعدونا تعالوا دفعوا عنا!!! ماصارت دوله!!

يعني اقتصاد الدوله ميزانيتها ما فكرتوووووووا فيهم؟؟

يعني الحمدلله احنا عايشن احلى عيشه ومو قاصرنا شي والناس تحسدنا على الخير العز اللي احنا في والدوله ما قصر ت معانا بشي

بس ما يصير اسلوب الا مسئووليه والإستهتار اللي نعيشه!!

يعني بعضهم من سمع بسالفه اسقااااااط القروض على اوله ما بقى قرض ما خذاه ما بقى سياره ما شرااااها!!

وبعدين القضيه ما فيها مساواه بين الشعب يعني اللي عندهم قروض راح يستفيدون واللي ما عندهم!!؟؟

انه ما اقول ان ما في ناس فعلا مظلوووومه ومحتاجه مساعده وظروفها صعبه بس في طرق ثانيه نساعدهم فيها ونتبنى مشاكلهم وحلها

وبالنهايه احنا بدوله ديموقراطيه وكل واحد يقول رايه بحررررررريه والإختلاف بالراي لا يفسد للود قضيه

الله ابخص بالخفايا والنوايا والله يفرج لكل مكروب

كلنا مع عدم اسقاط القروض بس القانون شراء الفوايد اللي كسرت ظهور الناس البنك المركزي اهو اللي غلط لما فتح المجال وسوى تسهيلات وصار معاش الكويتي مايصفى منه دينار اشلون مايساعدونه واهما السبب في دماره ؟؟

عالاقل يشترون الفوايد ويسوون اعاده جدوله للقسط بحيث ان ماتتعدى 35% من الراتب مو الراتب كله طاير جذي حرام هم الناس تبي تربي عيالها تبي تاكل مايصير جذي.. وبطريقتهم هذي ماراح يبقى كويتي فبيته الكل بينسجن والسبب الديون والنتيجه والطامه الكبرى دمار على كل المستويات يكفي ان العايله تتفكك وان رب الاسره لما يكون بالسجن بنظركم حل؟

بالعكس لا اهو اللي دفع ولا اهو اللي ربى عياله

انا حيل متعاطفه مع هالفئه لان والله خراب بيوت اللي قاعد يصير

انا مع عدم اسقاط القروض .. و لا الفوائد

و كلام رولا دشتي بسكوب كان كلام مقنع بخصوص صندق المعثرين و المعسرين و حل راضي تماما

النواب اللي صوتوا مع الاسقاط مايعرفون شنو هالطبخة و د.رولا دارسة اقتصادد و افهم اللي موافقين يبون يشترون مشاعر الشعب و اهم يدرون انه مستحيل تطيح القروض و الفوائد

ترى اهلي كلهم عندهم قروض عشان لا تقولون بس اسقاط القروض و الفوائد احسه مو فير ..

اللي تقول كلنا مع عدم اسقاط القروض اقول لها منو انتم ….؟ تكلمني عن نفسج وبس ..

الكويت دايما ما تقصر مع دول الغير
سواء دول اسلاميه او غير اسلاميه

الحين كاسرين خاطرهم العراق ويبون يعمرونها ويطيحون الديون عنها
ورافضين يطيحون ديون الكويتين اللي اهي اقل بكثير من ديون العراق ؟؟؟

وبصراحه من بعد عينه امير القلوب الكويت ماهي مثل قبل

كل شي صاير للأسوء
اول شي البورصه طايحه
وانقطاع المياه
والغلاء المستمر

والكويت مو ناقصها شي ولله الحمد ديرة خير ونعمه
مافيها شي اذا اسقطوا الديون وخلوا الشعب يعيش مرفهه حاله حال غيره

صرحنا مثل عين عذاري تسقي البعيد وتخلي القريب..

وخيرنا لغيرنا ويليت الي نساعدهم حامدين ربهم إلا حاسدينا ومو عاجبهم لكن لو الخير لآهل البلد والمواطنين كان الخير بيزيد لآن شكثر مواطنين بحاجة لتحريرهم من قروضهم واكيد بيبين بعيونهم لانهم اهل خير ونعمة ، لكن الشكوى لله شنقول غير الله كريم انشالله وتتحقق الامنية باسقاط القروض …. والله يحفظ دولتنا الحبيبة

يعني انتي الحين ىتدرين شالطبخه… وشنهي رولا اللي تتكلمين عنها .. خل تتكلم بلهجه ديرتها اول مو كويتيه وكلامها لبناني .. لا تقولين عايشه بلبنان وامها لبنانيه ومدري شنو اغلب الكويتين امهاتهم اجنبيات لكن مو مبني على عيالهم ولا تأثرو بخوالهم ونسو عمامهم . تكلمي عدل مره ثانيه والاعضاء اللي صوتو مع اسقاط القروض عسى الله يوفقهم ويرزقهم اما اللي ماصوتو ربي يسدها بوجيههم مثل ما سدوها بوجه الناس ماهم خسرانين شي اذا وافقوو والا يعنني الفاهمين .. والا صندوق المعسرين شنو طراره السالفه خل يخلون صندوقهم لهم عشان يلهفون منه على كيفهم ااما اذا اسقطو القروض افلسو من الصندوق وماكو بوووق

كلهم نفس الشيء

من المؤسف جدا ان الحكومه تكيل بمكيالين فعندما يكون الامر به مساعده للمواطنين الكويتين ماديا تتعذر عن المساعده تحت ذريعه المحافظه على المال العام .
اما اذا كانت المساعده للشعوب الخرجيه فانها تضرب بالنال العام عرض الحائط بل انها في بعض الاحسان تهرول للمساعده من تلقاء نفسها و دون طلب من حكومات هذه الشعوب ….

ان الشعب الكويتي تعرض لعده ازمات كتلك التي تعرضت لها بعض الشعوب الخارجيه الا ان الحكومه سارعت الى حل ازمه الشعوب الخارجيه و تركت المواطنين الكويتين يعانون …

* تعرض الشعبين الاردني و الكويتي الى ازمه الكهرباء حيث اصبح الشعبين يعانون من انقطاع التيار الكهربائي فقامت الحكومه الكويتيه – جزاها الله خير – بدفع [COLOR="Red"]75 مليون[/ لبناع محطه كهرباء جديده بالاردن لمواجهه زياده طلب الاحمال الكهربائيه ..و تركت الشعب الكويتي يعاني الصيف الماضي من الانقطاع المبرمج ..

* تعرض الشعبين الكويتي و العراقي الى نقص في المياه فقامت الحكومه هم بعد الله يجزاها خير ببناء محطتي تحليه للعراق و تركت الشعب الكويتي يعاني من انقطاع المياه و يشتري ماي صحه هههه

* تعرض الشعب اللبناني الى تدمير البنيه التحتيه و بنفس الوقت احتاجت المناطق الكويتيه حديثه الانشاء الى بنيه تحتيه فقامت الحكومه الله يجزاها خير بالتبرع بمبلغ 300مليون للحكومه اللبنانيه لبناء البنيه التحتيه في حين طلبت من الكويتين الذين خصصت لهم قسائم في المناطق الجديده بدفع قيمه البنيه التحتيه من حسابهم الخاص .

* يعاني الشباب الكويتي من البطاله كما ان دوله فلسطين تعرضت لازمه ماليه جعلتها غير قادره على دفع رواتب الموظفين و قامت الحكومه بالتبرع ب 747 مليون لدفع رواتب موظفيهم …و في المقابل خلوا شبابنا ينطرون الميه و خمسين مالت بدل بطاله …

* ظهرت ازمه جديده بالمستشفيات الكويتيه تتمثل بنقص الاسره و الحاجه الى بناء مستشفيات جديده و تركت الحكومه الكويتيه هذه المشكله عالقه فالشعب الكويتي يعالج نفسه دائما عند القطاع الخاص …و تبرعت لبنغلاديش ببناء مستشفى متكامل من حيث المعدات و اللوازم الطبيه …

* تبرعت الحكومه الكويتيه ب 500 مليون للمصرف اللبناني للمحافظه على استقرار العمله اللبنانيه و امرت بنفس الوقت البنك المركزي الكويتي برفع قيمه الفائده على الشعب الكويتي 9 مرات خلال عام واحد فقط فتضاعفت قيمه الفوائد على القروض ..

* اجمالي تبرعات الكويت للعراق منذ سقوط صدام بلغ مليار و 150 مليون حتى عام 2024 في حين انها ترفض اسقاط القروض عن المواطنين بل و ترفض بشده زياده ال50 دينار

****** اجمالي تبرعات الكويت الخارجيه بلغ 19 مليار دولار اي ما يقارب 5 مليارات و 700 مليون دينار كويتي في حين ان اجمالي ديون المواطنين يبلغ مليارين و 200 مليون دينار

صايرين نفس عين عذارى نسقى البعيد وانخلى القريب

يعطيج العافيه

انا هالموضوع يحرق قلبى

السلام عليكم ورحمة الله وبركاته
يا بنات ادعو انهم يطيحون القروض ويريحونه شوي

حكومتنا رشيده لاتعليــــق

ok

ماااااااااشاااااااء الله

كل هالفلووووووس عندنااااا

بالملاييييييييييين نتبررررررررررع؟؟؟

ويشتكون من الميزانية والعجزززززز

لا حول ولا قوة الا بالله

يعني لازم يقهروننااا

اذا جت ع القروض اعتقد صعبه
الشعب يطمع هل من مزيد
بس انا لي اخذ على الحكومه بتفرقه المره والرجل يعني الرجل اللي معاه دبلوم نفس معاش المره اللي معاها ماجستير واكثر بعد وين العدل ….؟
ليش اللي معاها دبلوم ماتصير جذي بعد

والامور الخارجيه ترا اكيد حكومتنا ماتواطن شي اسمه
((الاردن + فلسطين )) عشان تساعدهم بس لوجه الله وعشان البروتوكول
لانه الكل عارف وقفتهم التي ولازالت والدليل مظاهرات لوقف اعدام صدام
مابان فيهم الخير

(( نعبي بجربه مشقووووووووووقه )) بس لزوم البروتوكول

السالفه صراحه اتبط الجبد …و هي
لا بروتوكول و لا هم يحزنون …يعني شكو يجاملون بنغلاديش و هي دوله مالها اي ثقل سياسي …

بس انا اقول ليش ؟
XXXXXXXXXXXXXXXXXXXXXXXXXXXXXXXXX

الرجاء الالتزام بالنقاش الهادف

XXXXXXXXXXXXXXXXXXXXXXXXXXXXX

ههههه صححححححححححححححح لو أقدر جان قلت بس قلبي مترووووووووووووووسة

امن الدووووولة ينادوووونج seule12

الرجاء الاتزام بحدود النقاش الهادف موخوف من امن الدوله خوف على اسم ديرتنا الي ماتستاهل منا جذي

ان شاء الله يسقطون القرووووض ادعو بس

اختي دارين هلكلام اللي قاعدين نقوله مو استهزاء ولاشي بس تقدرين تعتبرينه حرة قلب وقهر على ديرتنا اللي وصلت لما هالمواصيل ترى الناس ما وصلت لمرحلة انها تطالب باسقاط القروض الا لما شافوا أشياء تقهر بديرتهم طول عمرها الكويت ديرة خير ولله الحمد بس في كل ديرة فيه سلبيات وفيه ايجابيات ولما احنا نتكلم مو معناه استخفاف لأ معناه الخوف على هالديرة الطيبة .

اختي اميره انا مابي اتناقش بالكلام الي لغيته لان كلام ماحب ان ينذكر هني لان ينتقص منا ومن اي احد يذكره ترا عادي الواحد يتهم بس ماتطلع منا احنا ياكويتين بعدين كلنا عندنا قروض ومحد طقنا على ايدنا وقالنا اخذو كل من عنده ضروفه بعدين اسقطوها خير وبركه ماسقطوها ديرتنا عازتنا ورازتنا بكل مكان وسنه الغزو يوم تشردنا وتبهدلنا مارد ديرتنا غير الله سبحانه وتعالي واعمال الخير الي تسويها

بكل شي بنتدخل بكل شي نبي نبجي ياتعطونا فلوس ولا نبجي مايصير صارو الناس يحجون فينا وكل من الاعضاء حسبي الله عليهم ونعم الوكيل شجعو وايد ناس مالهم حاجه بالقروض على القروض واستغلوهم عشان مصالحهم النتخابيه ومحد ربحان غير البنوك

صباح الخير بنات

طرى علبالي موضوع وقلنا خنتناقش فيه

بما ان احنا متزوجات فاكيد تمر على كل وحدة ظروف نفسية اجتماعية مادية

وتحديدا مادية

طبعا في كثير من الناس عليهم قروض كبيرة وطبعا القرض له تأثيره الكبير على راتب الزوج والزوجة وخصوصا اذا كانت الزوجة غير موظفة وزوجها عليه قرض كبير وساكنين اجار ومصاريف البيت والالتزامات اللي ماتخلص وغيره وغيره

ياترى هالامر له تأثير على حياتج الزوجية من حيث ان اخلي حياتج متماسكة وقوية او انه اهزها اشوي واشلون تتصرفين اذا مريتي في ظروف مادية صعبة

هل تلجأين لحد

هل عندج تخطيط للادخار

هل الضيقة المادية اتخليج تطفشين وتصير حياتج باردة نوعا ما

يريت تشاركونا ونتناقش ابهالموضوع

موضعج وايد حلو لان يوصف حياتي بالضبط ريلي تصرف بانانيه من ناحيه الماده وغلط غلطه زوجنا اهوا الي دفع الثمن والله يعلم شنو الايام الي مرينا فيها ولا جنه كويتين وطبعا فشله تطلبين من اهلج فلوس وانتي توووج متزوجه ولا ماخذته عن حب بعد يعني هذا الي تبينه وانا اقووولج صج اُثر على زواجنا حيل حيل والحين الحمدالله الامور قاعده تتعدل بس لي الحين الجرح عميق خصوصا لما يصير في تحذف حجي والريال اذا ماصار عنده فلوس وقامت المرأه تصرف يحس بالنقص وعاد تعالي فججي خصوصا اذا اهوا نوعيته سي السيد على قولتهم

انا لما شريت البيت سويت حساب بنكي متضامنه مع ريلي وبجذي صار ريلي يستلم نص راتبه وانا استلم نص راتبي

هذا غير اقصاد السيارات وقصد الفيزا اللي ما يخلص وطبعا رواتب الخدم … شنو يصفى لنا ؟؟؟؟؟؟

بس الحمد لله بالصبر والتحمل المسؤليه قدرنا نعدي هالمرحله لاخر قصد للبيت

وألحين راتبي رد لي بالكااااامل واهو نفس الشي بس كانت فعلا فتره صعبه علينا من الناحيه الماديه وليست الاجتماعيه والاسريه

انا ماكتبت هالموضوع الا لاني عانيته وبالاحرى لازلت اعاني منه كوني غير موظفة وزوجي راتبه بسيط وعليع قرض وساكنين اجار

وغلاء المعيشة اللي كااااااااسر الظهر يعني صعبة انج تعيشين اقل من غيرج ودج حالج حال غيرج تلبسين تكشخين تروحين وتردين لان غيرج مو احسن منج لكن اكيد اهي ظروف ومافي شي ادوم على حاله كلشي اتغير

واهم شي التفاهم والمحبة بين الزوجين اهي اللي تعطي للحياة الزوجية طعم يعني كل واحد اكون عون للثاني ابهالدنيا عشان مركب الزواج يستمر

black_arno0oBa
ياحياتي ميخالف هذا زوجج وابو عيالج الله سبحانه اسامح احنا خلينا انسامح بعد وعلى قولتج اهو دفه ثمنها والحين احسن من اول

هذا شي الزين والايام كفيلة في انها تغير كثير من الامور

والله اسهل عليج ووسع عليكم انتي وزوجج

بناتي حبيباتي

الله اوفقج حياتي وفعلا الصبر زين ومن صبر نال

حبيبتي انتي الحمدلله بس عانيت وايد خصوصا انه انا صغيره وكنت باول زوجي وما تدلعت ولا بطيخ بس اهوا الحين حده متحسف والله يهدي ما استوعب الي صار الي يوم صار عندنا بيبي وزادت المصاريف وانا بعد ترى نفسج ما اشتغل ادرس

الله يعينكم

للرفع

موضوع حلوو … انا احس ان المفرووض اول ما يتزوج اي ثنائي يتفقون افبداية حياتهم ايسوون استقطااع بمبلغ وكل واحد وامكانياته وراتبه ويسوون حساب مشترك ويحطون فيه وينسوووون هلحسااب حق الايام السوده الله لا ييبها او حق اي ظرف طارئ او حق بيت او حق اي شي ضرووري ويكون لهم سند بالدنيا … بس النااس يستهينون بهلنقطه بالبدايه وياكلونها لي مر فيهم الزمن

وانتي ايمان الله يعينج ويصبرج خصوصا انج ماتشتغلين …الحين الناس راتبين ويالله يمشوون بهلاسعار … حبيبتي مستحيل تقدرين تشتغلين؟
انا احسج صغيره و توج متزوجه ماصرلج فا توج افبداية حياتج ليش ماتشتغلين ؟

انا طالبة وريلي معاشه مو قوي والماده مو ماثره وايد لاني من النوع اللي يقدر الوضع وادري ريلي لو عنده مايقضر

بس اكيد تمر اوقات صعبه ينقصنا فيها فلوس بس الحمدلله كل مرة الله يفرجها

وهذي اخر سنه لي بتخرج ويكون معاشي قوي انشاءالله وتخلص اقساط ريلي ومعاشه يكون راهي
والحمدلله بتنحل هالمشكله

والحب يبن بهالفترة وتعرفين نوعية ريلج والحمدلله ريلي طلع الماس صافي

ReMaaas^MLS

الله اعين الجميع حبيبتي

والحمدلله على كل حال على الرغم من ظروف زوجي مافي شي ااثر على حبنا البعض وكلما دايما اقولها ما بعد الضيج الا الفرج باذن الله

وهاكونا ماتاتااااااااااا

وادي الدنيا افاااااااااكك

الله يعيناااااااا ويعينكممممممم

وانشاءلله نفتك من سالفت ها القروض لان والله متعبتني حيل هذا واحنا بشقه وعند الحموله شلون براا

مع ان رجلي مو خلي عيلناا قاصرر وحياتناا لله الحمد تمام بس هم تقث سالفت القروض

ماقول غير الله يعين

اهليييييييين جوجو هلا وغلا نور الموضع قولي آمين

ياااارب ياااااااارب ياااارب عسى ربي يرزقج الزوج الصالح اللي يسعدج طوووول عمرج يارب وكونلج سند اهالدينا

وبخصوص الوظيفة انا ظروفي غيييييييييييييييييييييييير انا كنت موظفة وطلعت لظرووووووووف بس انشالله ربج ابيفرجها من عنده

وشاكرة لج مرورج حبيبة قلبي وردج اسعدني

عسى ربي لابغير عليج حبيبتي وخليج لريلج وخلي ريلج لج يااارب

اي وااااااااااااايد مأثره

مهما ضاقت مردها تفرج باذن الله وشاكرة لج مرورج اختي ام ضاري

السلام عليكم بنات

مناظرة بين رولا دشتي وخلف دميثير بخصوص القانون شراء المديونيات

وتحسون دميثير منفهر منها مسح فيها الارض ههههههههههههههههههههههههههههههههههـ

امانه شوفوا ردودها ليش رافضه القوانين !!

انا ماني عارفها ليش صارمة ودقيقة واطلع حجج تحسون غصب ماتبي تنحل المشكله

تابعوا كلامهم وردوا ناقشوني

لأ موطبيعي النقاش واحلى شي لما يرد عليها بنفس طريقة كلامها

قالتله تفتحونها بحري قال شو بحري وفيه الضحكه واهيا انحرجت هههههههههههههههههـاي

والله جني اطالع مسرحية لعبدالحسين

واللة حرام عليهاا لايطيحون القروض بس الفوايد كافي …

المشكله اعذارها واهيه

تقول مايصير واحد <<فاصل توة خلف دميثير زفها ههههههههههههههه برد حرتي اول مره احبه خخخخخخ

نرد لمحورنا

تقول مايصير انتي معاشج الف وقسطج 100 ونطيح فوايدج!!!!!!!

جان يقولها دميثير اكو احد بالكويت قسطه 100!

يقول ودايع الحكومة تاخذ عليها 1 بالامية ربح البنوك تقرض هذي الودايع كقروض وتكسر فيها ظهر المواطن!!!!

يقولها لاتشددين اكثر من الحكومه لاياخذج الحماس ههههههه

انا اتفق مع رولا بشغلات

الحين اللي ياخذ قرض عشان يكمل فلوسة وياخذ بيت

نفس اللي ياخذ قرض عشان يشتري x6

لا طبعا ماكو عدل جذي

حسافه طافتني الحلقه

حججها ماعجبتني وماراح أعلق أكثر عشان لا يزعلون بنات المنتدى بس أنا مع اسقاط القروض كاملة وليس الفوائد فقط

يعني الواحد ليمتي بيقعد بشقه وبيأجر ؟ لازم بياخذ قرض عشان يبني بيته
اذا الناس مرضى هالسرطان اللهم يكفينا شره منتشر والامراض لاحول ولا قوة ومو الكل يودونهم بره يعالجونهم أنا بنات أخوي معاقين أثنين ودوهم للفحححححص فقط بأمريكا وليش العلاج هاذي قوانين العلاج بالخارج وماتبون الكويتي ياخذ قرض يودي ولده والا مرته ولا امه يعالجها؟ والا هذول مو أوادم؟

بس ماني مكمله بروحي محترة من هالموضوع عساه يتعسر عليهم مثل ما عسرو على أهل الكويت

شر البليه ما يضحك اللقاء يضحك صج بلوه وثبت مثل مايحك اظهيرك الا اظفيرك خلف دميثير ولد الديره وعايش طول عمره بالكويت عارف مشاكل اهل الديره عدل كلامه صح مشاكل الديون خطر على المجتمع ….بس انا مع رولا دشتي بنقطه وحده مايصير واحد معاشه3 الاف و4 الاف يدشون مع القانون وهم يقدرون يعرفون منو الي محتاج ومن الي مو محتاج ترا خواتي والله فيه ناس مو لاقيه نعيش وناس الله يسهل لها ماعندهم قروض لان من الاصل معاشات قويه وتجاره وورث الله يرزق الكل بس هذي ارزاق خلوا الي محتاج يستفيد حرام الي قاعد يصير الطبقه المتوسطه انعدمت واليوم يقولون بالجرايد ان اسعر السلع الاستهلاكيه راح ترتفع ارتفاع شديد بالايام القادمه القريبه

هذوول الحريم الي انتخبتووهم جاان سوو لكم شي هااذي يترااوالي انه مافيهاا عرج الوطنيه لهديرة استغفر الله
الله يعين …

انا البارحه شفتها الحلقه صج ماعندهااا سالفه وحتى خلف قال احنا نتكلم عن الكويت مو ببيروت لووووول

هذوله الحريم والي يبيهم غير هذا تقول من قبل أن المره عدتها 4شهور وعشر ايام لازم تقلص إلى 20 يوم وغير الاجازات الي قدمتها كمقترح عشان تناقشها لإلغاءها
يالله هذيله الحريم الي تبونهم لااااا ويليت مولودين بالكويت بعد !!!

علي اى قناه ؟

وعليكم السلام

والله قهر خل تتكلم مثل اهل الكويت عشان تعرف معانات اهل الكويت

زين يسوي فيها خلف دميثير>>>>مقهوره لوووول

واي ليش جذي جنها دافعه من جيبها

داخلة حرب امس شفناها

والله لو بيدهااا جان تدبببببببل الفوائد بعد

خل تروح تتكلم كويتي بالاول هههههه بس دميثير فشلهااا صج استانسنا عليه