اتصدقون بنات انا بحاجه لدعائكم انا عندي بنتين وولد وحملت بالغلط الحين ومتأزمه حالتي حدي متضايقه (استغفر الله) لإن ولادتي دايما متعسره اخر ولاده بقيت اموت تشنجت عليهم وما ني قادره انسي شنو صار فيني وحاولت اجهض بس ما قدرت (لا حول ولا قوة الا بالله) طبعا مو مني من اللي فيني ادري حرام بس شسوي بعد ما أذبح نفسي بسبت اليهال واللي عندي الحمدالله بس ما أقدر بعد والمهم انا الحين بالشهر الخامس واختي وولدت وقعدت معاها بالولاده وشفت كل شي ومن يومها قمت احلم بالولاده واني متعسره واصرخ وفلم ما في منه واقعد من النوم صاكه فيني الدنيا كوابيس واحلام وتفكير ماله نهايه شنو تنصحوني بنات انا كل يوم ادعي بصلاتي ان تكون ولادتي سهله (اتصدقون كمام الخاص ما سوالي شي) نفسيتي تعبانه وحاسه اني راح اموت بهالولاده ما أدري شنو هالتفكير اللي افكر فيه بس ولادتي وايد عسره شنو الحل؟.gif "Eh S(1)")
إتعوذي من إبليس هذا كله وساوس الشيطان و الله سبحانة و تعالى مايضيع عبده
إتكلي عليه في أمورج و إنشالله ماعليجح إلا العافية و تقومين بالسلامة و إنشالله هذي الولادة تكون أفضل و أسهل من سابقاتها ودايما إطلبي من الله السهالة وتيسير الأمور وبطلي من هالتفكير
حبيبتي ليش ما تطلبين ابرة الظهر ؟؟؟
ومن الحين انصحج بقراءة ادعية تسهيل الولادة والاذكار والله سبحانه
ماراح يخيب ظنج …والله يا ويختي انا مت من التفاكير واني بموت من الولادة
وماراح اعيش عشان اشوف النونو واربيه …وانا بعد ما عندي عيال بس مجربة الولادة لاني ولدت بالسادس ومات البيبي والله لا يوريج اللي شفته مووووووت غير الاهمال والحمدلله على كل حال ….خلي ظنج بالله خير يعطيج الخير..
حبيبتي ادعي يوميا ((اللهم لا سهل الا ما جعلته سهلا وانت تجعل الحزن اذا شئت سهلا))
وادعي دااااااااايما((الله المستعان))<<<عن تجربه هالدعائين روعه ربي لك الحمد
واذا انتي حييييييييييل خايفه من الولاده ترى الحمدلله كل شي تطور الحين
اتفقي مع دكتورتج تولدج فتح بطن وخلاص انتهى الموضوع
ولا تتأزمين ونفسيتج تتعب لهالدرجه
تعوذي من ابليس و ذكري ربج
هذا رزق من الله قولي الحمدلله قولي الحمدلله
ترا في ناس محرومين و انتي بنعمه
ادعي ربج علطول ان يسهل ولادتج ان شاءالله
واذا انتي خايفة ونفسيتج احتمال تاثر على الولادة اخذي ابرة الظهر وريحي نفسج احسن
تعوذي من ابليس ومالج الا الله في ادعيه وايد وسورة مريم وايد ينصحون فيها حق اللي بتولد لازم تقراها وان شاء الله تكون ولادتج من اسهل مايكووون بس اني لا تخافين ولا تحاتين و على طول ذكري الله وحمديه على النعمه
وكل هذا بأجره
دايما تذكرى ان الله يغفر للوالده لما تولد ويستجاب دعاها من يجيها الطلق لين تولد وان فى هالوقت الملائكه حواليج وانتى ايمانج بالله اقوى من شياطين الارض وان كتب الله السلامه الحمد لله وان قدر وصار شى فهو بامر الله وكلنا فى هالدرب ماشين ماندرى متى اتوكلى على الله وتذكرى المولود بين ايدينج واشلون بتكون فرحتج بعد الولاده الله ييسرلج
حبيبتي ادعي يوميا ((اللهم لا سهل الا ما جعلته سهلا وانت تجعل الحزن اذا شئت سهلا))
عليج بدعاء والله يسهل عليج انشاءالله وتولدين بسلامه
ماله داعي الخوف كلشي تساهليل من رب العالمين انتي ادعي ربج وان شاء الله ماراح يرد دعائج وبتولدين بسهاله ويسر
ماله داعي الخوف كلشي تساهليل من رب العالمين انتي ادعي ربج وان شاء الله ماراح يرد دعائج وبتولدين بسهاله ويسر
الله يسهل عليييج وعلييج بالدعاء وتحري اوقات الاجابه + الصدقة
حبيبتي استغفري ربج
وتعوذي من الابليس
هذا وسواس
وصدقيني الموت والحياه مو بيدج وبيدي لا بايد رب العالمين
والله انشالله يسهل عليج والله يحبج وهذا اختبار منه لج
ادعي واستغفري على الغلطه الكبيره اللي بغيتي تسوينها اللي اهي الاجهاض
على فكره كان من الممكن انج تموتين بالاجهاض مع انه شي عادي وسهل صح (( يأتيكم الموت ولو كنتم في بروج مشيده )) ممكن تنامين بالليل وما يصبح عليج الصبح عدل كلامي ولا لأ
الله بذنه الواحد الاحد الفرد الصمد بيسهل عليج انشالله وراح تقومين بالسلامه بإذنه
ومثل ما قلت لج سبائك طلبي قيصريه وانتي ماراح تحسين بشي انشالله
او ابره الظهر
بقول لج كلمتين وبس
تعوذى من ابليس وكثري من الدعاء واقري القرآن دووم وتركي عنج الوسواس وخرابيطج هذى ماتوكلج خبز شهالتفكير انتي متعلمه ومثقفه اشخليتي حق الجهلا الاميين الحمدلله والشكر
خلي ثقتج برب العالمين كبيره ولاتيأسين من رحمة ربج ودامج ماتبين الحمال ليش حملتي يمه جان بلعتي حبوب والا لولب والا سويتي اي شى يمنع شهالعياره بعد
مسحي ايديج علي بطنج وادعي ان الله يقومج بالسلامه ويرزقج ياهل مشافي معافي وبلااااااااااهياط علي قولة ام خلف رفيجتي هههههههههههههههههه
لي فات الفوت ما ينفع الصوت 
