الوسم: التحية

صباح الخير …

شلونكم يا معلماتي الافاضل …

كل عام وانتو بألف خير ……

أول شي أعرفكم على نفسي أنا معلمة حاسب آلي تعين جديد توني متخرجة ….

وقالولي تعينج راح يكون بالابتدائي …. المنطقة العاشرة ( منطقة الاحمدي التعليمية )

لذلك …

حبيت أستشير بنات ديريتي و أخواتي المعلمات الأقدم مني والحلوااااااااااااااات

عندي كم سؤال أحب أطرحهم عليكم ….

1- شنو الأحسن بنظركم ورأيكم : تدريس الابتدائي أو تدريس المتوسط ؟؟

2- شنو أحسن مدرسة إبتدائية بنات من ناحية الإدارة و قلة عدد البناتت بالصفوف ؟

3- شنو أحسن مدرسة متوسطة من ناحية الإدارة و قلة عدد البناتت بالصفوف ؟

4- بالنسبة للابتدائي تفضلون تدريس البنات أم البنين ؟

5- شرايكم بمدراس فهد الأحمد و المنقف و الرقة و جابر العلي ؟

*** سؤال يغرد خارج السرب *** متى ينزل معاش المعلمة تعين جديد وشنو لازم اسوي من اجراءات عشان ينزل معاشي بسرعه وما يتاخر ؟؟؟

وسلامتـــــــــــــــــــــــــــــــــــــــــكم و تعيشووووون

اتمنى ما ثقلت عليكم بالاسئلة … وأتمنى إنكم تتفاعلون معاي للاستفادة للجمييييييع

وجزاكم الله الف خير ومشكووورين مقدما

MewMew
انا نفس حالتج ومحد عطاني ويه اهئ اهئ بس وحدة يزاها الله خير ردت علي وهذا موضوعي بليز ابي احد يقولي معلومات
https://www.q8yat.net/showthread.php?t=470297

شدعوة !!! ليش محد يعطي وجه !!! لا ان شاء الله هالمرة خواتنا ماراح يقصروووون حبيبات سم الله عليهم فيهم الخير والبركة

والله يوفقج حبيبتي ويوفق الجمييييييع

اجمعين حبيبتي ويوفقج ان شالله والخوات ماراح يقصرون

– شنو الأحسن بنظركم ورأيكم : تدريس الابتدائي أو تدريس المتوسط ؟؟

أنا أشوف المتوسط احسن البنات شوي كبار و يفهمون و ما يخربون شيء

2- شنو أحسن مدرسة إبتدائية بنات من ناحية الإدارة و قلة عدد البناتت بالصفوف ؟

ما عندي فكرة أنا متوسط

3- شنو أحسن مدرسة متوسطة من ناحية الإدارة و قلة عدد البناتت بالصفوف ؟

عندج مدارس فهد الأحمد كل مرحلة 3 او 4 صفوف و عدد البنات 20 -24 في الصف الواحد

4- بالنسبة للابتدائي تفضلون تدريس البنات أم البنين ؟

أكيد البنات

5- شرايكم بمدراس فهد الأحمد و المنقف و الرقة و جابر العلي ؟

ما أدري عن المناطق الثانية بس فهد الأحمد مدارسهم نموذجية يعني فيها كراف شوي بس حيل متساهلين بالدوام

يعني برمضان دوامهم 9 ونص لي 12

*** سؤال يغرد خارج السرب *** متى ينزل معاش المعلمة تعين جديد وشنو لازم اسوي من اجراءات عشان ينزل معاشي بسرعه وما يتاخر ؟؟؟

ما عندي اي فكرة و ياليت أحد يساعدنا بهالموضوع

ابتدائي اعتقد افضل

جزاكم الله ألف خير خواتي اللي رديتوا علي …. ماقصرتوا جعله بميزان حسناتكم

وين الباجي ؟؟؟؟؟؟ لا تزعلوني عليكم يا أبلات !!!!!!!!! شدعوة منتي خسرانة شي اذا عطيتينا رايج الله لا يهينج

بنات بلييييييييييييز لا اطنشون صج صج انا محتاجة آخذ رايكم لأني جديدة على هالمجال ……

خلونا نساعد بعض بهالايام الفضيلة عشان الله يحسبها لنا حسنات …..

*** سؤال يغرد خارج السرب *** متى ينزل معاش المعلمة تعين جديد وشنو لازم اسوي من اجراءات عشان ينزل معاشي بسرعه وما يتاخر ؟؟
اذا انتي تعيين جديد شهر 9 راح ينزل معاشج شهر 10 مع اثر رجعي لشهر 9 ان شالله

مشكورة حبيبتي ماقصرتي جزاج الله خير انا تعيني يوم نزلت معاشاتكم هههههههههههههههههههههه وجهي خير عليكم

هلا فيج

انا الي اعرفه ان الابتدائي اريح واونس وشغلهم اخف من المتوسط

افا عليك انتي تامرين امر والي ما يجاوب عليك يبيله

بس انا مو بالمنطقه العاشره برد عليك باللي اعرفه

– شنو الأحسن بنظركم ورأيكم : تدريس الابتدائي أو تدريس المتوسط ؟؟
بالنسبه لك مادام حاسوب انصحك بالابتدائي لان المتوسط امتحانات ودرجات وتصحيح

2- شنو أحسن مدرسة إبتدائية بنات من ناحية الإدارة و قلة عدد البناتت بالصفوف ؟
ماعندي علم

3- شنو أحسن مدرسة متوسطة من ناحية الإدارة و قلة عدد البناتت بالصفوف ؟
كمان ما عندي علم

4- بالنسبة للابتدائي تفضلون تدريس البنات أم البنين ؟
البنات اذرب واحلى وتقدرين تسيطرين على الصف بسهوله

5- شرايكم بمدراس فهد الأحمد و المنقف و الرقة و جابر العلي ؟
كمان كمان ماعندي علم >>> ليش داخله يا الله برى

اما بالنسبه للمعاش ينزل بعد شهرين من التعيين

وبالتوفيق في حياتك العمليه الجديده

آنا أبلة حاسوب بعد تعيين جديد ..

شكلج من رفيجاتي ..

نفسي قاعده اراكض باوراق التعيين ..

وآنا ابشرج قطوني ابتدائي بنات ولو كان بخاطري صبيان ..

وجربت المتوسط بالتربيه العمليه ..

وهالسنه راح اجرب الابتدائي وبعدها بحكم اثبت ابتدائي والا متوسط ..!

والمعروف ان المعاش ينزل بعد شهرين ..

اجباري درسين سنه ابتدلئي تالي تحولين
و البنات طبعا احسن و همن المتوسط
صج تصليح و درجات
بس كبار احسن من اليهال و بجي و الحاله حاله
فهد الاحمد مدارس يديده و يشتغلون عشان يطلعون المدرسه مو نفس جابر العلي ولا المنقف مدارس قديمه و لها اسمها بالمنطقه
المنقف انحاشي لا دشينها
جابر العلي وايد حلوين عندج عاتكه و سعاد الصايغ و سبيعه كلهم حلوين
الرقه مدرسه بدر همن فيها قله ادب شوي بس عندهم نقص جربي
على العموم مافي شي يظل على حاله
حتى لو اداره زينه هالسنه
السنه الي وراها احتمال كبيييير تتغير

أبله رشا ..

احنا تخصص حاسوب الغالبية العظمي يحطونا متوسط ..

بنات عندي عرض بوربوينت عن درس الاسراءوالمعراج ودي تساعدوني لان راح يدخل علي الموجة فيا ليت تساعدوني بالافكار للتمهيد وشلون اسويه ودي ادخل صوت ياليت لووحدة مسويته بور بينت مميز تساعدني ضروري اليوم تردن لاتبخلون علي واملي فيكم كبيرياابلات الاسلامية

اي مرحله انتي ؟

حبيبتي فيه سيديات بوربوينت لكل الدروس تلاقينها في مكتبه الواضح تهبل فيهاا كل درس مع الصور وفيديو

صباح الخييييير الى جميع الخوات بالمنتدى وانا مشتركة جديدة أمس مشتركة بالمنتدى """""""" حبيت اسأل ابي مكان القى فية ملابس رومانسية مع خالص تقديري ( كوثر )

السلام عليكم
شلونكم مدرسات العلوم
حبيباتي طلبتكم
عندي ندوة عن انفلونزا الخنازير وما رضوا عالموضوع قالوا غيريه
فودي اسوي ندوة عن صحة الفم والاسنان
اللي عندها افكار غير تقليدية وجديدة تساعدني وتريحني
ناااااااااااااااااااااااااااطرتكم يا احلى مدرسات

تكككككككككككككككككككككككككككككفون ردددددددددددددوا علي
حدي متوهقة

جيبي دكتور اسنان حق المدرسه وقبلها سوي مسرحية حلوه صغيره ولبسي البنات مجسم سن مسوس وسن نظيف وفرشاة ومعجون اخر شئ وزعي عينات فرش ومعجون

مششششكورة اختي
بس ياريت تعطيني افكار جديدة فرش غييييييييييييييييييييييير تقليدية ومميزة
واذا في مجال تكتبين نص المسرحية
والله يجزاج الجنة انتي واللي تحبين

السلام عليكم استاذي انا عندي طفلة عمرها 4 سنوات كملتهم شهر 9 الفائت المهم من بداية ولادتها وانا الاحظها غير الاطفال الاخرين لا تترك احد يحملها او يلاطفها غيري حتى ابوها ولكن الان تسمح له وتكلمه عادي لكن بالنسبة للاخرين اهلي او اهل زوجي فهي اما ان لا ترد عليهم او تحاول ان تستفزهم بس بشكل طفولي وليس قلة ادب ما تسلم على احد تحب ان ياتينا زوار لكن تنظر لهم يعني ما احاول ان اوضحه هي تحب الناس لكن ليست اجتماعية كما انها عنيدة ولا تسمح لاحد بالاقتراب مني حتى امي تكرهها وتحاول ان تعثرها لو مشت امامها لان امي صعب حركتها نهرتها كثيرا وضربتها لكن دون فائدة , عنيفة مع الاطفال الهادئون تحاول انت تستحوذ على العابهم ولا تجعلهم يلعبون معها الا نادرا يكرهونها الاطفال والكبار احيانا ولانها تحرجني بدات انا اكرهها المهم ادخلتها الروضة لتعديل سلوكها وجعلها تختلط بالاطفال زاد سلوكها العدواني تعاند المدرسات لا تدخل الصف تبكي بصوت عالي يزعج الحاضرين ولانها روضة باكستانية لا تفهم ما يقولون لها فهي ابتكرت حيلة جديدة لا تتركني ادخلها الصف وتبقى بالخارج مع الفراشات تنتظر والدها الساعه 12 لياخذها يعني من ال7 الى 12 لا تعمل شي حتى اكل لا تاكل ولانها نشيطة عندما احاول ان افرش اسنانها علي سحبها للحمام مما سبب لي الام بيدي ومرفقي تمسكني بعنف وتستطيع هزي بشدة احس انها معركة بيني وبينها ساعات ابكي وادعو الله ان يهديها رايت اطفال كثيرون لكن لم ارى مثلهاماذا افعل ساعدني ارجوك؟؟؟؟ ابنتي تعرضت لالسحايا عندما كان عمرها 3 شهور فهل هذا هو السبب ؟ كما انها تعاني من امساك مزمن لكني دئما متابعة صحتها مع الادوية والاطباء هل هذا هو السبب؟؟

اب اب اب رفع لعيونج

الله يعينج علا بنتج ويوفقج تلقين لها حل

بس لو احد يرد علي ؟؟؟؟

اب اب اب

رفع لعيوووووووووونج

الله يعين

ليش منزله موضوع بروحه ما اتوقع يقراه حطيه استفسارج بموضوعه المثبت عشان يرد عليج

رفع لعيونج

حطي استفسارج بالموضوع المثبت للدكتور احمد البرماوي
علشان يرد عليج احسن

السلام يا ابلات
شلونكم مع نهاية العام الدراسي … الله يعينكم ويصبركم على بلواكم ويخلفلكم خيرا منها …..

بدش بالموضوع انا بنقل تدريس حاسب الي ابتدائي .. وابي استشيركم بشغلات شلون تدريس هذي المادة وجم حصة بالاسبوع ادرسين وشنو المهام الموكلة لكم غير التدريس واي ادارة بالمنطقة العاشرة تنصحوني فيها ؟؟؟
انا مو تربوية خريجة علوم .. ومعاي شهادة ICDL …يعني ادرس على طول ولا يعطوني دورة تربوية ؟؟؟؟
وانا الحين درجة ثالثة اذا نقلت تتغير درجتي ولا لأ ؟؟؟ واذا ما تغيرت جم يكون معاشي ؟؟؟

واللي تفيدني راح ادعيلها ان الله يوفقها بدنيا وآخره ويفتح لها ابواب الرزق والخير ويهديلها زوجها ويصلحلها ذريتها … ان شاء الله …..

ومشكوووورين … ولا اطنشوني يا ابلات ..

الحاسوب حصه وحده بالاسبوع للفصل

ويكون النصاب حسب عدد المعلمات والفصول

يعني الدول اغلب الاحيان يكون خفيف

والشغل حسب الاداره وطلباتهم

وما اظن الدرجه تتغير

والراتب يكون بحدود 900 او اقل بشوي

ان شالله البنات يفيدونج اكثر ولا تنسيني بالدعاء

ويع

والله خلج على الشغل المكتبي ولا تدرسين

انا مدرسة حاسوب

مع اني احب التدريس

واحب اليهال

اموووت فيهم

مو هم الي متعبيني

الي متعبتني المدرسة والإدارة والمدرسات

اربعة وعشيرن ساعة نشاطات

لإنها مادة مو أساسية

غير طلبات المديرة الي ما تنتهي

وطلبات المدرسات

هذه طبعي لي وهي سحبي لي وهذه نزلي لي وانت مضطرة تجاملين

ولا راح تكونين لج عداوات

او تحتاجينهم بيوم

يعني شغل غير شغل الطلبة…والإبتدائي يبي لهم انتباه

انت راح تتعاملين بمختبر مع يهال…تخافين عليهم من الكهربا…وتخافين يعورون بعض…واحد طاق الثاني بقلم…غير انج مضطرة كل حصة تيبين اليهال للمختبر طابوووور…وتردينهم قبل ما تخلص الحصة طااابووووور

هذا غير التدريس

الله يعين

انا ما ابي اسدها بويهج…بس إذا تقدرين على كل هذا توكلي

اسعدني مرورج ضحاوي …. انا ادري انها حصة وحدة بالاسبوع بس جم حصة تطلعلي بالاسبوع تقريبا ؟؟؟؟

مشكووورة Make Me Happy عالافادة بس ما قلتيلي قبل لا ادرس يعطوني دورة تربوية ولا عادي ادرس على طول …
الله يسعدج وعلى طول تصيرين Happy

الجدول يكون حسب عدد الي معاج بالقسم وحسب عدد الفصول

يعني اغلب الاحيان يكون بين 4 االي 12 حصه انتي وحظج

الحاسوب معروف جداولهم خفيفه حدها بالنسبه للتخصصات الثانيه

للرفع

تسلمين شوقي وهواي

اي يعطونج دورة تأهيل معلمين لمادة الحاسوب

يعلمونج شلون تدرسين المادة و شو المطلوب منج

هذه الدورة الكل ياخذها … سواء تخصصه حاسوب او غيره

والدورة حلوة ومفيييدة وايد

ماقصروا البنات الله يوفقج

أنا رفيجاتي مدرسات حاسوب لاشهادةicdإضافه 50 ساعه والجدول حسب الصفوف المدرسه والمدرسات وتعينين الدرجه الخامسه حالج حال المدرسه

يعتمد انتي ناقلة و لاشنو ؟؟
اتوقع ان الدرجة ما تتغير
و النصاب انتي و حظج

أنا تعينت شهر 2 اللى طااف ودرست عادي بس أنا بمتوسط – وعقب دششوني دورة تربوية – الحاسووب يكونون بالدورة بس الحاسوب لانه خاصة بالتوجيه ويكون معاج ابتدائي ومتوسط وثانوي ومدتها شهر – وبالنسبة لنا والله فيه شغل مع العلم ان احنا مادة أساسية

الله يوفقج

مشكووورين حق كل اللي ردوا والله يوفقكم ويرزقكم .. آآآمين

شلون اتعين على الخامسة ؟؟؟؟؟ يعني المدرسة اللي تعيين جديد درجة خامسة مستحيييل اللي اعرفه ان اللي معاهم دبلوم هم اللي يتعينون عالخامسة ….

المدرسه تتعين على الدرجه الرابعه

شلونكم بنات اكيد كثير مثلي عايشات وغثىة خوات زواجهن على روسهن انا وايد تحملت بس كنت اقول يلة رح يتغيرون رح يقابلون معروفي بمعروف لكن كل مرة يجيني درس من هاحريم انة المعروف مايبين بعيونهن حتا الصغار يعني تخيلوا انا سافرت مع زوجي الشهر الي فات ماليزيا سياحة اخت زوجي الصغيرة سنة اولى جامعة يربي استحي على دمج كاتبة في الواتس اب اللة يحفظك يخوي برحلتك وانا وين معقول ومعها على جهازها مو بس رفيقاتها وايد حريم من العايلة يعني هذا اسلوب منها وهي اقل وحدة تكلمني او ازعلها يعني تخيلوا الكبارشلون نفسيتهم وكل شي يخبونة عني وانا عندهم بالبيت حتا يوم اشتركت بالنادي علمت اخت زوجي الكبيرة والصغيرة ابيهم معاي وادري يحبون رياضة تخيلوا الشهر هذا راحوا اشتركوا وانا ماقالولي تعالي معانا مخذين صديقاتهم وش يكون احساسي لا وريلي ماعندة سالفة كلة مايحبني اقول كلمة عنهم شايفهم ملايكة يربي طقت شبد شبدي من زلاعتهم افففففف

السلام عليكم ورحمه الله وبركاته

اختي الحبيبه

سمحيلي
ماشوف ان عندج فعلا مشكله او انهم فعلا غلطانين عليج !
يعني اهي حره تكتب اي شي تبيه بستايتس الواتس اب وعن اللي تبيه دام ماتعرضتلج بشر!
كتبت الله يحفظك يا اخوي برحلتك!
شالمشكله!
ليش تضايقتي عشان ماكتبت يا اخوي ومرتك؟
مافيها شي
لاتصيرين حساسه بزياده
وبالنسبه لاشتراكهم بنادي ومابلغوج هم شالمشكله؟
مو مفروض يبلعونج كل تصرفاتهم ولامفروض تقوليلهم كل تصرفاتج
انتي بلغتيهم انج اشتركتي باختيارج

مادري احس سالفة الواتس اب حدها عادية يعني
مثل ماقالت الحلوة الي فوقي !!
انتي اذا سويتي شي مو مهم تقولين لهم ولازم يسوون مثلج
ونفس الشي اهماا مو كل شي يقولونه لج
كل واحد وله خصوصياته !!
وبعدين ريلج شايفهم ملايكه لازم مو اهما اهله !
هم احنا نشوف اهلنا ملايكه من السما منزله ^_^
مادري ليش متحسسة من كل شي حبي !

لاتفكرين جذي ترا بتتعبين حاولي تمشين الامور

هذي لو تصيدج الله لا يقوله مشاكل اكبر شبتسوين بعدين !
والله يوفقج

ريلج كبر بعيني بصراحه مايبيج تتكلمين عنهم الشخص اللي جدي ماينخاف منه وبعدين اختي لاتحسبين لكل شي احساب بتتعبين معاهم سوي مثل مايسون ماعلمو لا تعلمين مو ضروري تعلمين واخته لماتكتب على الوتساب اشوف الامر عادي جدا اخوها الحل تقعدين مع نفسج وتسالين نفسج هل انت مقصره معاهم بشي شايفين منج شي اذا مو مسويه شي لهم يمكن تكون غيره منج والله يسعدج

بصراحة ماجعل الله لأمرئ من قلبين
ركزي بشغلات اهم
هذي تفاهات نسائية لاتودي ولا تجيب
لا تشغلين فكرج فيهم
ولا تضايقين زوجج بهالسوالف
الرجل مايحب هالسوالف اشلون اذا فيها حش باهله
قولي الحمدلله وشوفي مصاب غيرج
مايحصلون شغلات اساسية لهم ولعيالهم ومضطرين يصبرون
وانت همج سفرة وستيتوس ونادي

كبري عقلج وحافظي على بيتج خلي عنج هالسخافات اهم شي ريلج والباجي طاف =)

بصراحه
ماعندج مشكله
اقول
حمدي ربج
ترا النعمه زواله

صراحه

والله ما اشوف الستاتس فيه شي ابدا

انا مع راي البنات

مااشوف فيه مشكله ابد ابد … واذا كتبت عن اخوه بالواتسس … !! وين المشكله ..
لو انتي تحسنين الظن شوي انتي ورجلك واحد يعني لو كتبت عن اخوهـ
كأنه كاتبه عنك …

ومّ شاء الله على زوجك ونعععععععععععععم والله .. مايرضى على خواته هذا الرجل ولا بلاش

كثري من الاستغفار .. و فــمآن الله ..

خليج مثلهم لاتقولين سوالفج الخاص

الحمدالله والشكر بس كبري عقلج بس وانتبهي تكثرين كلام عن اهله

وين المشكلهـ الله يهداااج بس

…………..

مسااااااااااااااااااء الخير أخواتي العزيزات ^_^"

يسعد مساكم خواتي ،،

عندي موضوع وأتمنى من يقراااه يساعدني فيه ،،
ولكم كل الشكر والاحترام والتقدير ،،

وبعد ،،،

آنه عمري 25 متزوجه وعندي فارس بطل ضرغام صغنون ،، بنهاية هالشهر يكمل سنه ،، الله يخليه لي ويحفظه من كل شر ،، اسمه محمد حيدر ،، << إسمه مركب من إسمين << بس حبيبوو توه يطلع له ضرس لأنه كان فيه نقص كالسيوم ،، والصخونه موراضيه تخف مرررررره تصعد ومرررررره تنزل ،،، وليلحينه مامشى بس يمسك الاغراض ويخطي <<< بس استكشافاته ماله حدود ماشااااالله عليه ^_^ ….

وبعد ،،

آنه طالعه من المدرسه من سنة 98 بس كملت أولى ثانوي وقعدت ..
والحين فكرت بفكرة واتمنى تسااااعدوني من خبراتكم وتجاربكم في الحياة ..

((( عندي فكرتين ،، يا إني أكمل دراستي >> أو أدخل دورة جم شهر تالي أشتغل )))

فالحين ابي تقولون لي وين اروح ؟؟؟ شنو أسوي ؟؟؟

لا تبخلون علييي أخواتي الغاليات ،،
لكم تحياتي ،،

اذا انتي لج خلق الدراسه وعندج طمووح انا اقولج درسي وكملي ماباقي شي وتخلصين الثانوي

بس اذا مالج خلق الدراسه دخلي دوره واشتغلي بعدها

شوفي ميوولج انتي شنووو

وموفقه يارب

نصيحتي تكملين ثانوية لأنه بهالوقت الجامعي ماله مكان فما بالج اللي ماعندي ثنويه عامه

كملي ثنويه تالي دشي معهد او دورة عشان لي 10 سنين جدام اذا قررتي تكملين جامعه بيكون عندج ثنويه عامه وسهالات

السلاااااااااام عليكم

الله يوفقج ياقلبي ويخلي لج وليدج ياربي ويوفقه ويطول بعمره ان شاءالله

نصيحتي من نصيحة خواتي اللي قبلي

كملي ثانويه وتوكلي على والله يوفقج انشالله الحين الجامعيين مو لاقين شغل تبين الي عندهم ثانويه يشتغلون شلون

كملي ثانويه احسن لش اذا انتي لش خلق دراسه وانتظام واذا ما تحبين الدراسة دشي دورة وتوظفي انتي شوفي شنو وضعش بالضبط وسويه

موفقه ان شاء الله

الله يوفقج حبووبة

اذا عندج وقت

كملي دراستج ترى الشهادة وايد تفيد بهالزمن

الدلال
ماما_عودا
الــفــجــرالــبــعــيــد
bintq8
أنفاسي دخون

أشكركم خواتي وعزيزاتي على مروركم ،،
الحين النتيجة كلكم تقولون اكمل دراستي !! _ !!
بصراحه بيني وبينكم ودي أشتغل بمكان مايبيله شهادة ثانوي لأنه الدراسه يبيلها مقاقة وطولت بال مع المنهج الحين صعب ،،
الله يعين الطلاب ويوفقهم ،،

مايصير أدخل دورة وأشتغل عقبها بمكان يقبل شهادة الدورة ؟؟
وشنو المكان الي تعرفونه يقبل شهادة الدورة … ؟؟؟

مشكووووره حبيتي على مرورج ،،
كوني بالقرب دوماً ،،

انا اقول روحي سوي اوراقج ودشي مسائي
ترا انا خريجت مسائي خخخخخخخ
لان تزوجت بالثنوي ولمن حملت جان احول مسائي
وكاني الحين تخرجت وادرس في معهد
والله انا اقول درسي وكملي تعليمج
اصلا اهناك كلا بنات اصغاار متزوجين وعشان جذي قاعدين يكملون مسائي

مشكووورة خيتوو على تعقيبج ،،
مممممممم اشلون دراسة المسائي ،، ؟؟
سامعه انهم يسهلون وينجحون ..!!
ومتى اوقاتهم ..!!
بس الحين ماظن ينفع أدخل إلا بداية السنة الدراسيه اليايه ،-_-،

لكني هم افضل دخول دورة وبعدها أشتغل …

للرفع ،،،
هل من مجيــــــب ؟؟

كملي دراسه احسن لج

بناااااااات منو عندها فكرة عن المعاهد إلي بشهادتهم يتوظفون ؟؟؟؟؟؟؟

أنصحج من كل قلبي كملي دراستج لأنها اهيه الي بتنفعج لاحقه عالوظيفه والكد والتعب درسي وتمتعي بدراستج العلم نووور والثقافه مالها حدود الله يوفقج حبيبتي

خواتي معلمات اللغة العربية بالإبتدائي بسألكم عن مادة مهارات حياتية جم حصة بالإسبوع وإشلون تدريسها ؟

تكفون اللي تقدر تفيدنا الله يسعدها

والله ودي اساعدج بس ما ادري

باجر بسال المشرفة وارد لج خبر

ما حبيت اطلع من غير رد

محد قال لنا شئ عنها

أحنا ماجانا مشرفة

نفسي أفيدج

هلا حبيبتي
الماده حصه وحده بالاسبوع بس طبعا من غير حصصج الاساسيه

وفتره محدده بعين خلاص ما ادرسينهااا يعنى لج شهرين تقريبا

الا اذا كان عندج صفين ممكن يخلون مدرسه غيرج تعطي هالماده

وعادي حضري لها نفس الحصه العاديه بملف خاص

هذا اللى قالته لى المشرفه طبعا ليما توصل تعليمات من الموجه
وبالتوفيق

اهي ماده نصابها 8 حصص بالشهرين يعني حصة اضافية كل اسبوع
وتكون استماع و محادثه

ولها ملف خاص

عاد انا باجر حصتي وبتقول المشرفه بتدخل لي بسم الله الرحمن الرحيم حدهاا شاده حيلها

ان شاء الله اقولكم شصار معاي

ودنا بنسخة من طريقة التحضير الله يخليج
حدنا متوهقين

هذي غير الحصة المساندة

وغير حصة الزيارة المكتبية

والله مادري شيبون هالوزارة؟