الوسم: العيال

العيال الحين صاروا يربطون المره =امهم
الريـال للأسف صار مايربطه شي

شوفي في مثل

اللي ما يغلي جبينج ما يغلي جنينج

فهمتيني يعني الموضوع مترابط كلن يوثق الثاني الحب بدون اطفال صعب اشوي بتحسين في فراغ وخصوصن لو كان العيب بواحد منهم باب للمشاكل ما يسكر

اما الجهال فانا اعتبره شي يدعم هالحب ويزيده انا اقولج قبل مو حيل احب زوجي يعني زواج تقليدي

فبعد الطفل الثالث خلاص بدا الهيام والخبال يزيد

فهذي نظرتي عن الموضوع كلن يكمل الثاني

ماادري بس العيال عزوه لج مو للريل
حلو انج تتحققين حلم الامومه والاحلي تربينهم وتشوفينهم يكبروون قدامج ممو مهم امسك الريال بالعيال لان هالكلام مااظن انه صح انا ابي احقق سعادتي واشبع امومتي بعيالي اذا كنت حاطه بالج انج تمسكين الريل بالعيال فهذا مفهوم مااحبه العيال نعمه من رب العالمين موقادره تربين اوماتحبين المسيوليه لاتجيبين عيال اولا تكثرين علي غير صنع اتمني الفكره وصلت وهو العيال عزوه وسند واشباع واحساس عظيم لج انتي مو عشان خاطر الريل

شوفي الريال مايمسكه شي بس محد ينكر ان وجود اطفال بين الزوجين يخليهم يتنازلون علشان المركب تمشي ولايعيشون العيال مشتتين

لا اذا الريال عوي بتم عوي ماراح يتعدل و انا اشوف اذا الوحده تزوجت واحد الله بلاها فيه ما تقوم تترس البيت كوكش يهال خل تعرف ارضها من سماها وياه يتعدل يتسنع كفو يصير ابو مو تدبس روحها وياه و عقب تاكلها تقعد غصبن عليها وياه عشان العيال

الرجال مايمسكون الرجال بس لهم دور مهم حييييل يعني الرجال بينشغل باله بعياله بيفكر يجمع لهم فلوس حق المستقبل ويشتغل وظيفه زينه علشان مايقصر فيهم أما الرجال اللي ماعنده عيال طبعا البعض مو الكل يكون باله فاضي وفلوسه زايده فيفكر بالخربطه أو زواج ثاني يعني ماعنده مسأوليه والعيال بعد يحننون قلب الأبو وبعضهم ينصلح حالهم علشان يكونون قدوه زينه لعيالهم ومايقربون من الحرام او الغلط–وطبعا فيه رجال ماااهمهم العيال اهم شي عندهم وناستهم

اهم شي تفكير الريال ومحبته لزوجته

الحب اللي يمسكه
مو العيال

مع شواقه

في هالزمن الرجال مايمسكه الا الله سبحانه وتعالى
لا عيال ولا يحزنون

حياكم الله ردودكم وايد اثرت موضوعي

الريال ما يمسكه العيال

اول السنوات مفروض يا خذون راحتهم وبعد 3 او اقل بجيبوا اولاد والذي يمسك الرجل دين المراة واخلاقها

السلام عليكم

السالفه الله يسلمكم
انا متزوجه من 9 شهور وحملت في هالمده مره وسقطت.. والحين صارلي 7شهور من الاجهاض وما حملت ولامره

المشكله ريلي مستعجل بشككل مووو طبيعي عالعيال وكله يضايقني بهالخصوص ودايما على لسانه طاري الموت وانه يبي عيال قبل لا يموت وااااااايد يردد هالكلام وانه يبي عزوه تشيل اسمه من بعده !! والله صار يخوفني انه فيه شي جايد ومايبي يقول

وكل ما نفتح موضوع العيال على اساس نقاش ينتهي بمشكله كبيره ويطلعني اني انا مابي عيال منه وقاعده اماطل ويزعل ومادري شنو!!

المهم رحنا لدكتور نساء وعطانا فحوصات احنا الاثنين .. وطلعت عنده مشكله في الحيوانات المنويه انها ما تعيش اكثر من ساعه وتموت بسرعه وهالشي يخلي فرصة الحمل بنسبة 0.5% (اقل حد طبيعي 25%)
يعني وايد ضعييف فعطاه الدكتور حبوب مدة 3 شهور يلتزم فيها عشان ترتفع النسبه وتوصل على الاقل 20

المهم اقترح الدكتور اطفال انابيب يوم شاف استعجال ريلي عالموضوع ومن يومها وريلي ناشب لي الا نسوي اطفال انابيب
وانا مو مرتاحه للموضوع احس انه بدددرييي علينا نخطي بهالخطوه اولا تونا متزوجين من 9 شهور ثانيا انا عمري 22 واهوه 32 يعني للحين بدري انه نيأس من الحمل الطبيعي ونروح للأجراءات اللي جذي.. المفروض نصبر فتره للعلاج بس اهوه يقول ماقدر انطر اكثر من جذي

حاولت معاه بكذا طريقه اني اغير رايه وبعد الحننه والصداع اللي سوالي اياها قلت له اوكي موافقه بس بشرط نحط اجنه 2 بس عشان اذا صار في حمل بيكون طفل واحد.. وعيااا الا تحطين 4 عشان اذا طاح منهم يتم عندنا توم .. انا وين اجابل 3 توائم او 2 وانا وراي جامعه ولازم اهتم بمستقبلي بعد وفوق هذا بكريه يعني ماعرف لليهال واحد وبالغصب بتعلم عليه هالدور توم..

انا حيييل خايفه من الالم ومن تجارب الحريم اللي حملو انها اتعب وتسبب الالام فظيعه فالمبايض .. وطبعا هالموضوع لازم يكون بسريه يعني محد من اهلي او اهله بيدري بهالسالفه واذا سئلو بنقول حملت طبيعي وبنسافر الاردن وبنسويها هناك عشان الخصوصيه.. يعني فوق ما اهوه عوار فوق ما بكون بروحي

بنات شنو تشورون علي اضغط على نفسي واوافق عشان اريحه ولا ارد اقوله مابي وشلون اقنعه يغير رايه بدون لا يزعل لاني عيزت من كثرما احاول فيه وهو معند ومو راضي؟؟

بليييييز ادعووولي الله يكتب لي الخير وييسر لي اموري

اختكم
انعم

الله يهدي زوجك

لا تستعجلون وتسونها

سمعت انها متعبه نفسيا وجسديا ومااااديا

وان شاء الله بيتعالج وبتحملين طبيعي من غير انابيب

والانابيب مش كل مره تنجح

والله يرزقكم الذريه الصالحه ويسخرلك زوجك

كثري من الاستغفار انتي وزوجك

حبوبة اذا هذا راي الدكتور فخلاص توكلي على الله وسويهااا لان الريل الحنان على اليهال مشكلة

بيعيش وبيعيش بنكد لين الله يكتب

سالي الدكتور عن الحقن المجهري جنه اخف على الوحدة

استخيروا ربكم والله كريم

عمري والله
ربي يرزقج بالذريه الصالحه عاجلا غير اجل يارب العالمين
انتي ماتدرين يمكن في ضغوطات وكلام من اهله عن الخلفه
يمكن مايبي يبين لاهله انه في شي مريض ترى مو حلو بحقه
وقال اوريهم اني احط توائم احسن
وتفائلي بالخير ياقلبي
انزين توج صغيره شوي شوي قولي له
ان جبت توائم هل في احد بيساعدني ؟
هل اقدر اكمل دراستي
لاتنسين اعرف ناس واجد جابو توائم نص حملهم بالمستشفى نايمين
فما بالج الثلاثي والرباعي
ومايخفي عليج امنيتي بالدنيا ايب توائم لعيالي عزوه يمكن تقولين شقى
بس للظروف احكام خصوصا لو حددوا البطن فتفكير ينحصر ابي عزوه واحس ريلج نفس التفكير
استخيري وقولي له العجله من الشيطان استخير وشوف
وربي يكتب لج التوائم المتعافيه المتشافيه اللى مايتعبونج ماعليه ويعوضونج ويفرحون قلب ريلج

. والله حياتي الريال من حقه يشوف ظناه وعمره يعتبر كبير يعني لي حملتي وولدي ولي صار عمر ولدج عشر بيكون بالاربعين ..
والحمال والولاده سهاله من الله ولو كان بهالعوار الي تسمعينه جان ما شفتي ناس حمل بالشارع ,توكلي على الله وسوي ولا تحاتين والله يوفقكم ان شاء الله
.

من حزب الطماشة

بس اهو قلتي عمرة 32 يعني كبييير عشان جذي يبي عيال صح توة الناس عليج انتي صغيرة بس اهو مو توة الناس علية

حاولي تقنعينه يستمر على العلاج وبعدها يعيد الفحص اذا لا سمح الله تمت المشكلة نفسها أمشي على رايه يمكن الحبوب تجيب نتيجه ومدام انتي حملتي مره معناته المشكلة بسيطة وبتنحل الأنابيب آخر الحلول والريال عموما بس يدخل الثلاثين يحس انه كبر خلاص مثل المره وكلام الناس ما يرحم انتي حاولي تهدينه وأخذيه على قد عقله أهو شوي هبه ويطخ بعدين وما عليج دام المشكله عنده بيصبر ويتحمل

الله يهدي زوجج .. ويرزقج الذريه الصالحه

الله يعينج حبيبتي جربو اول شي فترة العلاج يعني خليه يتحمل الثلاث اشهر وان ماصارت توكلي على ربج وسويها صج انتي صغيرة بس هو يعنقد انه فرصه بتقل اذا كبر واشوف انه معاه حق وثانيا اذا حن عاليهال معناته انه يحبج ويبي عيال منج

الله يرزقك بالذريه الصالحه يا رب
بصراحه حاسه فيج والله مشكله
شوفي مسأله التربية مو مشكله سواء كان واحد أو اثنين أو ثلاث مو مشكله
المشكله اني شايفه ان تو الناس على مسأله الأنابيب ،، وانتوا بعد في مجال للحمل طبيعي
لكن إذا كان زوجك طيب معاج ويحبك ومعاملته معاك زينه ،، وافقي ،، بعد الاستخاره
والدعاء ،، وانصحك الزمي الاستغفار والدعاء والصلاة
والله يرزقك ويسخر لك زوجك ،،،

الله يرزقج يارب بالذريه الصالحه ويؤفقج عاجلا غير اجلا ويعطيج علي قد نيتج يارب واستخيري ربج وخلي زوجج يابعد عنه اوووهام الموت ويتفاااول بالخير ولاتستعجلين اتواقع دامج حملتيي بفتره قصيره اتوقع انج تحملين بسرعه وخلللي زوجج يتعالج وان شالله ترزقون يااارب بالذريه الصالحه يارررب ويسر امررج

توكم بدري عليكم قولي له خلنا ننطر بس فتره علاجك
لو ماتحسنت كلها 3 شهور اسوي الي تبي
والله يكتب لكم الي فيه الخير ويرزقكم

الله يرزقج يارب ويفرج عنج

السلام عليكم بنات شلونكم
يالله نبي كل وحدة تقولنا شنو تبي تسوي بالألف
وألف عيالج وين تروح؟؟؟؟

والله محتارة مادري شسوي ودي اسوي اسناني وودي جهاز جديد وودي اشتري غرفة نوم جديده وودي افصلي جم دراعه وودي اجدد مكياجي وبعد شنو شنو شنو؟؟؟ حشى مو الف

وانا عندي ولد وبنت يعني الفين راح تروح للبنك اقساط طايفة شكلي بحط عيني على الف ابو العيال

الله يعين
انا بصكر فيه الفيزااا وافتك
والباجي مادري للحين افكر
والف العيال لابو العيال بس اكيد شي يفيدنا كأسره وحده
بس لو بيحطهم بجيبه والله ابجي

سلام
سالفت هالالف سالفه
الحين و ين ما رحت عزايم عرس حفله موضوعهم هالالف

وحده تقول ابي الف العيال و ابو العيال غصب مو طيب
وحده تقول ابي الف العيال و لو ما اخذته بروح بيت اهلي ازعل ههههههه

و انا اقول الف ابو العيال ماخوذ خيره يعني بح
و الف حمودي مممم خططت عليه بس مو كله نصه و لما ينزل بقول لكم اذا فزت في ولا

ام الفي ماكوو لاني مو كويتيه

و عليكم بالعافيه و الله يعطيكم خيره و يبعدكم من شره و مشاكله

لا انشالله شكله ابو العيال ماراح يقصر معاج
اي والله لازم نخفف من مسؤولياتنا شويه ونحسن دخل الاسرة بس هم نبي نشتري شغلات لنا هم نبي نستانس ياربي

تدروووووووووون بروح فيها حق هونج كونج وكوانزوا ودي بسنغفورة وبعدين برووووح سويسرا واسبانيا
احلام احلام احلام احلام
بسكر الفيييييييييييييييييييييييييزا وفلوس العيال بنسكر شويه من القرض او يمكن نخليها بالبنك يمكن نحتاجهم
ياليت يطيحون القروووووووووووووض

الف عيالي مو من حقي اخذها واتصرف فيهاا ولا من حق زوجي يتصرف فيهااا …..

هذي الالف لهم ….وراح احطها بحسابهم الشخصي….

عسى الله يكثر من امثالج و يخلي لج ريلج و عيالج يارب

خوش موضوع
أنا إلإلف مالتي بسجل بالاثري لأن بصراحه حذي محتاجه وظيفة
أما إلإلفين ملوت أغيالي ما أدري شنؤ راح يسوي فيها ريلي لأن متزاعلين مع بعض و قاعده عند أهلي

حبيبتي اذا على بالج ان الدوره ام 9 شهور بتزيد راتبج ترى انا قطيت 1700 بنيوهورايزن على دوره و نقعتها وشربت مايها

حبيبتي روز يمكن أنتي تخصصج شوي مو مرغوب ؟؟
أنا أغرف ٢ من أهلنا اشتغلو على هالذبلوم

حلو حلو يالله بنات بعد قولولنا شتبون تسوون

الله يطول بعمر اميرنا بنات فرج عن الناس اللي عندهم اقساط واللي واللي يالله لك الحمد

الف عيالي مو من حقي اخذها واتصرف فيهاا ولا من حق زوجي يتصرف فيهااا …..

هذي الالف لهم ….وراح احطها بحسابهم الشخصي…. صج انج اصيله الله يكثر من امثالج وانتي بعد نفسي مو من حق اي ام وابو يتصرفون بفلوس اعيالهم حتى لو قاعدين على الحديده الفلوس بحسابهم دام نازله لهم حتى اللي يقولون ياما صرفنا لاعيالنا ما فيها شي ناخذهم اصلا غصبا عليكم تصرفون لعيالكم بدون مقابل اللي عنده ضمير صاحي ما راح يصرف فلوس اعياله اما الفي راح اخشها لسفره بالصيف

؛up

وينكم بنات يالله شاركونا الخميس انشالله بتنزل الالف خلونا نتشارك شنو نبي نسوي فيها ليش نايمين

مساء الخير يا حلوين ، حبيت أسئلكم في صراعات الظروف الأقتصاديه ، وكل طفل مفكرين انسوي استقبال و تجهيز آخر طراز ، كل وحده فيكم جم مفكره تييب من العيال ؟

مسا الورد ..

انا ودي بـ 6 ..

والله يرزقنا ان شالله ..

مو شرط كل ولادة تسوين لها استقبال .. يكفي اول ولادة ..

والتجهيز سهل وخفيف ما يحتاي يكون اخر طراز على قولتج

ربي يسهل علينا

والله حدي 3 او4 ان كثرت
وعلى طاري الاستقبال والتجهيز نفس ماقالت لندتوووووووووا فديتها

انا عندي صبين وودي بنتين
والاستقبال فخم وحلو لان سويت حق الصبيان ومثل ماسويت بلاثنين اسوي بالثالث والرابع
بس صراحه حاليا مو مفكره ايب لان عيالي صغار يكبرون بعدين ابي اكمل دراستي

انا حدي 3 او 4 بس
واذا على الاستقبال والتجهيز لندتوا كفت ووفت فديتها

سبعه او سته اذا الله اراد

خليهم يجون وبعدين يصير خير ، إتا من ناحيتي أقول عسى ربي يتمم حملي ويرزقني بالطفل المتعافي لا أبي استفبال ولا غيره

4 بالكثير

4 بالكثير

2 وبس

4 بسسسسسسسسسسسسسسسس

وكل واحد له نصيبه بالاستقبال والترحيب فيه ماراح ابخل عليهم كلهم واحد الاول مثل الاخير

ابي 8 هههههههههه صج وانشالله الله يرزقني

كل شي بيد ربي العالمين بس انا اتمنى سبعه

اتمنى اجيب 8
واتمنى يكونون 5بنات و3عيال
اموت بالبنات احس انهم عزوة وقلوبهم على اهلهم اكثر من العيال
والله يرزقنا اجمعين ..

اتمنى 5

السلام عليكم
شلونكم يا متزوجات؟؟؟
مابقى شي عالعيد ان شالله…
وودي من الحين اجهز افكاري حق هدية زوجي
بس كلش ماااااااااااااكو افكااااار
كل شي هديناهم
ودي شي يديد فنتق
او حتى لو فكرة غريبة بتقديم الهدية
(والميزانية على قد الحال) هههههه
كل وحدة تعطينا خبراتها السابقة وفناتقها
ادري الموضوع فكرته مطروحة من زمان بس حان الموعد انه ينعاد!!!

ام فروحه موشرط هديه غاليه لو بجامه غتره لو دشدشه بيت ذربه او تريينغ يديد للبيت
يعني شي ذكرتيه فيه
وغيري من ترتيب البيت واشتري كفر يديد وبس

صدقين عاد ام فرح ما اذكر إن اهديت زوجي في العيد يعني إذا اهديه في راس السنه الجديد وعيد ميلاده وعيد زواجنا اما العيد لا والله ما فكرت بس مسكوره عاد إنج قلتي لنا عشان بهيده هذي المره .

نفس كلام كوين

مشكورين بس ودي شي غير عطر ساعة قلم بوك اي شي
وانا موشرط شيي غالي حتى لو رخيص بس على قولتكم ذكرته
وزين حتى لو شي بسيط لازم فكرة حلوة بالتقديم
وعلى الكفر ان شالله ناوية اغيره واسوي نيو لوك حق داري

ام فرح سويله كيكه او طبق اهو يحبه
واذا تبين اقلام كريستيان ديور منزلين اقلام يديده على 50 حلوين

والله أنا مااشتريله هو مسكين يشتريلي..بس فكره حلوه أفاجأه بهالعيد وأهاديه..
غتره . بوك ماركه . عطور . دهن عود للشتا . أخذي مقاش دشداشه عنده وفصلي عليها . دعوه لمطعم راقي . أقلام . أحجزي غرفه بفندق…

انا ولا مره هديته بالعيد بس خوش فكره وحلو بما انه العيد ياي
تشتريله ساعه حلوه
نيديه_جوتي راقي مكرم السامع_عطر_خام دشداشه

انا اختي مؤه قدمت لريلها هديه ..

قطعة خام حق دشداشه مع مسباح فظه شرته من محل بليلى قلري + بوك ..

حطتهم بعلبه كشخه من بوابة الهدايه وشرت كرت خشب مكتوب عليه حجي حلو لزوج هم من بوابة الهدايا ..

وقدمته بس كلفتها بحدود الاميه وشوي المسباح بروحه 60 دينار ( بس مانصح فيه لانها تقول انه مو للاستعمال لان خرزه زجاج بس جذي كشخه ) اشتريله بداله مسباح عادي اذا يستعمل المسابيح وتلاقين مسابيح شكثر ببيضون بمجمع بلازا ..

وعاد انتي كيفج ممكن خام وبوك او خام ونعال حلوه وكشخه حق العيد .. يعني حسب فلوسج ..

وتسلمين

جكوره حجز غرفة بفندق ما تخافون منها يمكن في كاميرات ولاشي داخل الغرف صراحه الدنيا ما فيها امان هاليومين ..ولا شرايج ..

انا بقولكم افكاري اللي جربتها مع زوجي

روب للحمام وطقم فوط
اشتراك دي اس ال
مفارش حق سيارته
ومره شريت علبة هدايا كبيره فاضيه وحطيت فيها :ماكينة حلاقة .عدة للاظافر . عطر .شور جل .فرشاة اسنان كهربا.وحطيت بالعلبه كاكاو وحلويات غير ورق الهديا المقصقص . استخف عليها واستانس وايد لانها تغير عن الهدايا الروتينيه
دلاغات ماركه للشتاء
بزمات ماركه
وسلامتكم هذا اللي اذكره الحين

مشكوريييين بنات ماتقصرون
بس شكلي بين (غترة جيفينشي) او عطر (شيخ) واااااااااااايد مدحووووه

الغشيمه والله ماعمري جربت أحجز بفندق بس شكثر أعرف ناس يروحون هناك.. وعلى قولتج شدرانا فيه كاميرات أو لا. الدنيا مافيها أمان… ومشكوره على التنبيه…

صدقين عاد اختي جاكوره زوجي يكره موضوع الفندق يقول فيها كا مرات وانا ماني مصدقته بس الحين صدقت .

ههههههههههههههه
عاااد انا افكر شنو يهديني في العيد وسلامتكم ..

خواتي عفيه ساعدوني ابي ساعه اقل من 50 حدي فلست وانا اشتري

swatch ؟؟

اي ساعه ولا نوع معين

دلوووعه أبوها عندج خيارين الاول محل جوفيال ماركه حلوه و عندهم ساعات اقل من خمسين بعد يسوون عليهم خصومات…. لا تغرج اشكال الساعه لانها وايد حلوه توحي لج انها غاليه بس بالعكس سعرهم بالاربعينات
الحل الثاني محل أو تايم اللي بكل المجمعات فيه ماركات حلوه و رخيصه مثل ديزل و تيمبرلاند و فوسيل و اسعارهم معقوله بالثلاثينات

و بالتوفيق أتمنى اني اكون ساعدتج

هم عندج بعد ماركة جيس Guess عند بيضون ومحلات جيس طبعا, و عندج روائع جنيف سمعت انهم مسوين خصومات, أتصور ممكن تلقين ساعات بأسعار معقولة عندهم, و أون تايم طبعا فيه ساعات D&G- Police-DKNY وساعات وايد ممكن تحصلين عندهم بالسعر اللي تبينه.

مشكورين ياقلبي يعطيكم العافيه ماقصرتوا

Ontime tlen feh

بيضون روعة واسعارهم جنن وبالذات الوقت هذا خصومات

مشكوره حبيبتي

يازين شغلات دبنهامز عندهم سوالف تونس حق ريايلنا ومسوين خصومات حلووووه

الله يخليلج ابو عيالج يااااااارب ويدوم هالمحبه بينكم
وفديتج الحين خصوماااات وبكل مكاااان خصم وبيضووون مثل ما قالت اختنا ام سعودي باشا حلوه هداياهم واسفه على القصور فديتج

كتبت موضوع شطووووووووووووووووووله و انمسح

شلونكم حبيباتي

بسالكم؟

الوحده فينا تتزوج و تنطر البيبي الاول و يوصل البيبي بفرحه و لهفه و سعاده و بعدها يوصل البيبي الثاني و تزيد الفرحه باكتمال العايله

وين السؤال

كم عدد الاطفال اللي تتمنينهم او اللي ربي رزقج فيهم ؟
هل تعتقدين ان في زمنا هذا عدد الاطفال عائق للحياة الرومنسيه في الزواج ؟
هل كثرة الاطفال في وقتنا ما لها داعي؟
ابيكم تسولفونلي عن رايكم بعدد الاطفال ؟

ابي اشوف اراءكم ؟

ابي استفيد

انا عندي 3 اللهم لك الحمد بس زوجي يحن يبي الرابع و انا متخوفه و ربي مو عارفه سبب خوفي ؟

كم عدد الاطفال اللي تتمنينهم او اللي ربي رزقج فيهم ؟
عندي ولد و مقرره احمل المره الثانيه ان شاء الله 2024
هل تعتقدين ان في زمنا هذا عدد الاطفال عائق للحياة الرومنسيه في الزواج ؟
انا اشوف انهم عائق من الناحيه التربويه و الماديه فقط لانه كثرت المشاكل حولنا وصار من الصعب انج تربين عدل او تعطين وقتج حق اكثر من عدد بسيط غير عن قبل ايبونهم و الفريج يربيهم و المدرسه و الجد والجده و جي اللحين تغير الوقت مافي الا الام والابو وساعات بس الام و هاي حمل كبير عليهاااا .. ماديا كل شي غالي ولازم تامنين لهم احتياجاتهم وفوق هذا بعد انتي تبين تستمتعين و تعيشين حياتج فانا اشوف كثرتهم مب بهالزمن .. و بطبيعة الحال بتخف الرومنسيه الى ان تنعدم و يشرد الريل و تبدى المشاكل و الي بتوازن بتصير المراءه الحديديه
هل كثرة الاطفال في وقتنا ما لها داعي؟
ودنا بالكثر بس انا اشوفها اجهاد قبل العرب يبون اولاد لانهم عزوه و بالحرب معاهم ايام الخيام و عشان اسم العايله ما ينتهي وينقطع سرهم ( برايي ماله داعي تغير الوقت )و البنات ايون صدفه وما كانوا يهتمون للبنات وايد مع انه اللحين الي ميت على البنات لانه عرفوا ان الله حق و انه محد بنافعهم الا البنات ..
ابيكم تسولفونلي عن رايكم بعدد الاطفال ؟
انا عن نفسي مفكره ايب 3
بالنهايه موضوع متعلق بالقبليه و تفكير الزوجين و تقيمهم للاسره .. مثلا اختي تبي 6 وانا ابي 3 فرق
الله يعين ويكتب الي فيه الخير ..

انا عندي ثلاثه ولد وبنتين والحمد الله وعساي اقدر اربيهم اما الرمنسيه طارت من جبت الاول وسلامتكم

والله العيال نعمه والحمدالله احسن شي لمن تكبرين يكونون عندج سند وعندج واااايد عيال

انا بخاطري اييب 6 ,, بس عقب ماجربت الولاده لالالالالالالا والف لا لو بيدي بس بنوتي الي عندي وخلاص
الولاده صعبه ماتحملتها استغفرالله

انا ابي اييب 2 واذا كلش 3

هذا الشرط بشرطه قبل الزواج

لان صج مالي خلق يهال وااااي

انا عندي 4ماشاء الله الله يخليهم لي كافي علينا والزمن تغير مومثل اول حتي الحمل الولاده اللحين تغيرو عن قبل ماشاءالله الاولين يجيبون10 وعادي ولاحرام بعدبالبيت واحنا 3 او 4 وتطلع روحنا هههه بس والله صج انتي تبين بعدحق نفسج تبين تطلعين وتسافرين مع زوجج علي راحتج حتى الرجال اللحين يكره العيال الواجد الحمدالله علي كل حال والله يخليهم لنا ولكم و يرزقنا برهم

انا عندي بنووتي وافكر ابي 3 بعد

بس طبعا مو الحيين بعد 5 سنووات

انا عندي اربعه الحمدلله ربي يحفظهم ويهديهم …
كنت افكر ايب 6 بس الحين لااا مااقدر الصراحه تربيتهم
واايد صعبه المصاريف يمكن مقدور عليها بس التربيه العدله
والدراسه ومتابعتهم بروحنا قبل غير امهاتنا مب هاك الاهتمام كله هايتين فالفريج هع
الحمدلله على كل حال

كم عدد الاطفال اللي تتمنينهم او اللي ربي رزقج فيهم ؟

انا عندي اربع الله يخليهم لو الود ودي اجيب بعد احب العيال الصغار

هل تعتقدين ان في زمنا هذا عدد الاطفال عائق للحياة الرومنسيه في الزواج ؟

والله بالنسبه لي اي مسويه عائق شوي بس مو دايما

هل كثرة الاطفال في وقتنا ما لها داعي؟

والله انا اشوف يعني الواحد حده اربع او خمس وخلاص مو لازم وايد وكلمن يمشي برزقه

ابيكم تسولفونلي عن رايكم بعدد الاطفال ؟

والله العيال عزوة ويسون حس يالبيت صج ازعاج بس ساعات لا رحوالمدارس استاحش الصبح الله يخليهم لي

ابي اشوف اراءكم ؟

اختي اذا ريلج يحب العيال جيبي مادام انكم صغار وارتاحي بعدين بينفعونج ويشيلونج بعدين
والرسول عليه افضل الصلاه والسلام قال(تكاثروا فاني متباهي بكم الامم يوم القيامه )

انا عندي 3 اللهم لك الحمد بس زوجي يحن يبي الرابع و انا متخوفه و ربي مو عارفه سبب خوفي

لاتخافين اذا الثالث كبير خلاص جيبي كلمن يجي برزقه

عندي4
والحمدالله وكل مكبروووو زادت المسؤوليات
مكتفيه فيه والله يخليهم يارب

صراحه ينهكوون الام لانه اهي الي مجبلتهم 24 ساعه

كل شي من ربنا ولله الحمد ،

بس حلاتهم 2 ، عشان تعرفي تربي وتعرفي تقسمي بين هاد وهاد وتوفريلهم الراحه والدراسه

وعشان تحكمي بالعدل بالتربايه

وان شاء الله ناويه 2 باذن الله

قبل كنت اقول طفل واحد يكفي
لوووول

بس سبحان الله هذي فطرة الله غرسها فينا (المال والبنون زينة الحياة الدنيا)

الحين عندي بنوتة وحامل
ومفكرة ايب الطفل الثالث واطق stoooooop

لأن احس كثرت اليهال تأثر على العلاقة الزوجية ..

هذا غير ان التربية صعععععععععبة وكل شي مكلف والوحدة فينا اكيد تبي تدلع عيالها .. اذا عندي 5ولا 6 شلون بدلعهم واوفرلهم كل شي . . لابد يصير قصور

انا هذا راييي. .والله يرزق كل محروم

والله انا للحين ماتفقت مع نفسي مرا اقول ابي 4 ومرا 10 وانا ماحب الجهال حيل عادي وعندي بنتين الله يصلحهم وايخليلياهم المشكله بالزوج اذا كان يبي 12 او ع قولته قد ماتقدرين جيبي امممممممممم افكر يعني لي متى ..؟؟؟؟؟؟؟؟؟؟؟

انا عن نفسي حالياَ حامل الله يتمملي ع خير يارب وناوية ان شاء الله 3 وريلي مثلي ما يأيد كثرة اليهال بهالوقت
واعتقد اغلب اللي عندهم يهال وايد يصير بحياتهم الزوجيه برود لأن اليهال مسؤوليه ويبيلهم مجابل وان الأم تفضالهم اكثر من الأبو واللي كاتبه الله بيصير
الله يحفظلج عيالج وريلج يارب

عندي واحد و حاليا مكفيني لووول بس ان شاء الله بالمستقبل اييب بعد معنه الحياه صعبة

السلام بنات المتزوجات فقط انا قعدت ويا بنات وايد متزوجات يعني صديقاتي ولا زميلاتي

الي بالدوام لاحظت ان حياتهم الجنسية بس حق العيال او غضاء حاجة ما ادري ليش

مثلا شحقة اسوي جذي لا ما ابي لو يموت واو مثلا ما احب هالحركات حتى لو طلب مني

واذا سألت مثلا وجدة عيل ليش متزروجة تقول ابي يصير عندي عيال وعايلة بس

عيل الريال ليش متزوج لا يكون حق العيال ، لا ياحلوين الريال يبي يحصن نفسه من البلا وي

الي قاعد تمر علية كل يوم يشوف سوالف بالتلفزيون ليش نروح بعيد عند الانترنت ما يقصر

ولا الايميلات الي فيها هوايل انا مرأة ويدزولي اشياء ةسخة فما بالج الريال

واذا راح حق مرته تقولا ويييع لوعت جبدي لو شنو ما اسوي جذي

ترى يروح حق وحة غيرج وتصيرين انتي حق العيال بس وحق وناسته وحدة غيرج

على فكرة لا عبالج لبستي قميص نوم ولا كشختي انتي اهني كفيتي ووفيتي

ريايل هالايام شبعو من اللبس يبي يشوف يروح المجمعات ماتقصر عرض مباشر

واشكال والوان طب وتخير ، ذاك قبل اذ مرة حطت مكياج ولبست الريال استخف عند اهيا مسوية

شي بس الحين حس ان مايهتمون باللبس كثر الحركات

فنصيحة انا رفيجتي تطلقت من سبة هالشي انها كلا تستحي وتلوع جبدها وانا كنت انصحها

وقولها ريلج شاب مو شايب ومتفتح ودارس برة اسوي الي يبي عاندت وتطلقت

طبعا لان خانها مع وحدة وهد رفيجتي وتزوج الي متعرف عليها لانها ما قصرت صايعة

بنات حرام تصيرون بعين ريايلكم ان مرتي بس حق العيال ويروح يشوف غيرج

اذا الله محلل الشي لا يصير انتي اي تحرمينا وتمنعينا

وسلامتكم

كلام ميه ميه …
انا ما يذبحني الا اللي يسوون ليالي برتقاليه و فضيه و ذهبيه و غابيه و بحريه
وهي نفس الحركات في الفراش ما تغيرها و لو حب هو يغير ترفض و تقرف

ما استفدنا شي من هالليالي الخنفشاريه غير كثره القراشيع

معاااااااااااك قلبا و قالبا
شكرن

يسعدني اني اول وحده ارد على موضوع انا اقول الزواج مبني على امور كثير ومن دونها مايسوى شئ يعني انا ابي زوج يكون سندي وعزوتي في هالدنيا يحن علي يفرح معاي ويحزن معاي يشااركني كل شئ واجيب منه احلى عيال يملون علينا حياتنا واذا كبرنا شالونا وبرونا يعني اللي تتزوج عشان بس عيالها ياما عيال رموا امهاتهم وابائهم بدار الرعايه واللي همها الجنس فقط فمصيره يطفش ويشوف غيرها تشبعه اكثر

قولج صح اكو حريم حيل يذبوحن نفسهم على اللبس والشكل تقع وم كامل بالصالون والريال موصوبها

الان مل ولاعت جبده من الروتين المعتاد

صح كلامج يا مون الجنس مو هم بس الزمن هذا خلا حتى اليهال يفتحون عيونهم على اشياء قبل احنا مستحيل نسمعها

او حتى نتخيلها فالمرأة لا تحط نفسها موقف يعني موحلو ويا ريلها يسبب لها مشاكل على اشياء ما تستاهل

انزين تعالي…اشمعنا تنتهي العلاقه الزوجيه وينقهر الريال والمجمع معاه عشان زوجته موشاطره وتنفنتج بهالحركات…خل انتبادل الاماكن
اذا الريال اهو الي كلاسيك ومايعرف افنتك وحورف شصير؟؟؟ اقولولها الاهل والاصداق والمجتمع "حمدي ربك ريلك محترم مو شيطان عشان اعرف هالسوالف!! حمدي ربك انك حصلتي زوج وتقولين عور؟؟ عيب استحي ومجتمعنا وهذا قلة ادب منك ماعرفتي هالاشياء الا لانك تحوسين بالنت والستلايت يا المنحرفه …آخرها "ربي عيالك وقولي الحمدلله….

اقول انا مع المرة الشاطره الي تبدع بالفراش…بس…بس الي بطلق مرته او اخونها عشان ما تعرف هذا جذااااب لازم اقدر انها انسانه متربيه ويايه من مجتمع متحفظ ويايه من بيت لا الام تتكلم ولا الاخت تتكلم بهالمواضيع…. وشكرا

صح كلامج امرأة لازم اتشوف الريال ويستايلا اكيد اذا كان اهوا ثقيل مستحيل تصير خفيفة

شكلها راح يصير غلط وعيب فشله بس مثلا اكو ريال يقول انا ابس جذي ليش تقول لا ما ابي

وتدقرها اذا المرأة تبي شي من الريال مثلا فلوس ولا سفرة ولا طلعة غصب عليه تظل تحن وتزن ليش

ما تسويلي انت ما تحبني وتجبره و حق طلباته مثلا تقول لا وعيب وانا على جذي وانا ضد الي يشوفون المواقع

الوسخة الان بالشرع حرام ومنكر وفيها جهنم مايسوا الواحد يروح جهنم حق جذي

خوش كلام عين العقل بس انا اكبر خواتي وامي الله يهداها كل شي علمتنا عليه الا هسوالف محرم انتكلم فيها والله مره كنت معاها في سوق واشتريت قميص نوم مشخلع انهبلت قالت انتي تلبسين هذا قلت اي بس والله تفشلت حيل

تكفون انا احس حيل حياويه ابي احد يعلمني حركات علا الخاص واكون شاكره له

شوفي اكو موقع اسما مملكة بلقيس على ما اعتقد ان مال الدكتورة ناعمة الهاشمي ترى وايد حلو وكل كلام الدكتورة

يعني مو سوالف خرابيط وحجي خلاعي بالعكس دشي الموقع واشوفي صوب الثقافة الجنسية وتقدرين تراسلين

الدكتورة على ما اعتقد اذا تبين شي سري

أنا بعد نفس حالة دلوعة خطيرة .. على الخاص

شر البليه مايضحك ..

يابنات الجرأه الزايده موزينه , والله زمن يشيب الراس , لحد يستعيل على رزقه ويدور على حركات لاتنقلب السالفه على راسه!!
غيره في حركات اساسا الاسلام متبري منها واحنى نسويها من الغرب !!
واي بنت محافظه ماراح ترضاها على نفسها واكيد بتلوع جبدها !!

ترى كل شي له حد وموكل شي تسوونه تقوولون وناسه ! في اشياء راح تتحاسبون عليها حتى لوقلتوو زواج وماسوينا شي غلط ! الغلط انه نقلد الغرب بكل شي من متى قذارتهم صارت مصدر وناستنا!!

والله يهدي الجميع

كل ينام على الجنب اللي يريحه

والله اذا حبج حب صآدق حب كل شي فيج حيآج وأدبج ومو حلوه تكون الوحده أجرأ من زوجها وربي فشله بقول اشفيها هذي مطيوره إذا يبي حركه يقولها وما رآح تقصر الزوجه أمأ جرأه على وقآحه مرفوضه

شكراااااااا

كلامج كله صح

المفروض المره تسوي كل شي لزوجها

وتعرفل انها تسوي هالشي عشان زوجها وناسته ووناسته

هاي بنات بقولكم قصتي انا عندي بنت ولد عسا ربي يخليهم بس جبت ولدي بقيصري وكانت بنتي صغيره تندمه لاني جبتهم ورا بعض وكسرته خاطري بنتي لانه تبهدلته بين عماته وحسيت بتانيبه الضمير لاني حسيت ان متضايقه بس ما تعرفه تعبر لانه صغيره واخذت علي نفسي وعد اني ما احمل حتي ولدي يكبر ويعتمد علي نفس والحين ولدي عمر اربع سنوات العمر كله ودي احمل بس ما ادري انا صح ولا غلطه ولا تقولن خدام وضعي ما يسمح واهلي بعيدين يعني ما عندي احد اعتمد عليه بعد ربي غير زوجي شرايكن اقطع الحبوب ولا انتظر رايكن يا خواتي

4 سنوات حلوه علي ماتولدين الا له 4 ونص ….. وتفكيرج حلو تعطين كل واحد وحقه

اول شي استغفري لاتقولين هم العيال غيرج يتمنى ريحة الجهال

وثانيه بس ولدج كبير 4 سنين اسم الله يعطي كافي

بالعكس حملي
بنتج عمرها 5 و ولدج 4 وعلى ماتحملين وتولدين يكون عمرهم 6 و5 يعني كبار مايبيلهم مجابل نفس اللي عمره سنه ولا 2

الله يرزقج على قد نيتك

انتي ادري بظروفج اذا حسيتي انه عيالج اعتمدو علي نفسهم شوي حملي
4 سنين يعني دش الروضه حلو تحملين الحين لي بعد 9 شهور يكون جريب ال5 سنين
موفقه

يا قلبو والله مشكورات عن جد عاد انا ام دميعه الحين ابجي من كلامكم الحلووصج اختي استغفر الله ميته مر الحمد لله علي كل شي

الله يرزقج
رايي 4 سنين زين حملي

حملي حبيبتي خليهم يكبرو مع بعض
بعدين شوفي نفسك واهتمي بروحك

انا مثلك حملت وبنتي صغيره وجبت ولد والحين عمره سنه ومو مفكره احمل غير لما يصير اربع سنوات باذن الله يكون يفهم على الاقل يدش الحمام تكرمين بنسه والحمدلله ولدك الله يخليه كبير الحين وماتولدين غير عمره 5سنوات فترة الحمال سنه الا 3شهور وانتي عافه

اب اب

بنات انا بدش بالموضوع
انا زوجي كل شهر يعطيني مبلغ 150 لعيالي الثلاثه واقولي تصرفي فيهم تبين تيمعينهم لهم تبين تشرين فيهم حقهم ملابس كيفج حتى اهدوم العيد منهم وانا احس نا مقصر شوي علما ان عيالي اقل من سنتين فقلت اخذ رايكم انتو شلون طريقتكم بالمصرف

اااب

البنات ان شاءالله يفيدونج

والله يوفقج

لا حول ولا قوة الا بالله

قعدي معاه بهدوء وناقشية وقولي ما يكفون ممكن تزيد عليهم والله يسخره لج

يعتمدىحبيبتي على راتب ريلج بالاساس. .اذا كان الله مرهي عليه وراتبه راهي فالمفروض انه يزيد المبلغ شوي
او انه هو اﻷي يروح معاج السوق ويشوف بنفسه شكثر تصرفين عليهم. ..

يمكن اغلب الرجال ما يعرفون باسعار السوق وحاجات الام والطفل بعد فتلقين اي مبلغ يعطيج اياه يحس انه كبير. ..

نصيحه حاولي تخلينه يشتري بنفسه لهم. . بوجودج طبعا. ..

وارد اقول يعتمد على راتب الزوج. .بالدرجه الاولي. ..

الله يوفقج واتمنى لكم حياة سعيده. ..

انا طريقتي غير
ما آخذ مبلغ معين
لما احتاج يعطيني اللي احتاجه او اك
او يعطيني بطاقته وانا اتصرف
بس اذا تحسين المبلغ شوي
طلبي منه يزيده
ووفري منه شوي اذا زاد

قبل لايعطيج هالمبلغ روحي معاه السوق واشتري لج ولعيالج كل اللي تحتاجونه وتالي اخذي صرفج يمكن يعطيج اقل من هالمبلغ بس على الاقل بتكونين شاريه كل اللي يلزمكم

جربي انتي 150 يكفون اعتقد

اذا ماكفوو

قوليله الشهر الياي مايكفوون

اذا من ضمنها مصرف الحليب و البامبرز لانهم اقل من سنتين كلشششش م يكفي وهم فوق بعض
ماشالله ..

اذا للبس مو شين المبلغ م يكدون لبسهم بحكم سنهم بس للمناسبات يزيدهم ..

كلميه يزيد او قولي لا تعطيني المصصصرف انت تكفل فيهم

اتوقع مايعرف جم يكلف ملابسهم عشان جذي يعطيج شويه
عباله نفس ايام قبل كل شي رخيص
لمن تشترين قطعه حق عيالج وريه و تحلطمي يمه شويه
قولي تصدق الاسعار نااااار و الفي شوي عليه اسعار من عندج عشان يشوف انه مايكفي
اما اذا معاشه على قد الحال فصبري و يمعي من كل شهر شوي حق الاعياد و المناسبات

أنا أقول لا تاخذين منه فلوس اذا العيال احتاجوا شيء روحي معاه
وجيبوا مع بعض عشان يعرف الاسعار وشلون ممكن ما تكفي
واهو يفتح حساب لهم ويشيل كل شيء عليه واهو بيتحمل المسؤوليه

هالشي يعتمد على معاش الزوج
اذا معاشه راهي المفروض يعطيج زيادة
اذا لا صبري وحاولي تكونين اقتصاديه

ماوضحتي لنه هال150 حق ملابسهم بس واهو متكفل بالحليب والبامبرز وكل شي

ولا هالمبلغ حق كل مصاريف اليهال انا من كلامج حسيت ان هالمبلغ للملابس انتي مو كل شهر

تشترين شهر اشتري بجايم وملابس داخليه وشهر ملابس طلعه لاتكثرين قطعتين او 3

والمبلغ الباقي خشيه فرضا لو اعيالج بعمر صغير مايطلعون وايد لاتكثرين ملابس طلعه

خليج على البجايم لان راح تكدينهم للبيت فتره شهرين اقل شي والباقي خشيه للشهر

اللي بعده لو نقصج شي واما للعيد مادري عن وضعج وشنو طريقتج تشترين ماركات ولا لا

احس مايكفي للعيد بس من ناحيه مقصر ماقدر احكم لان اشوف شي زين يعطيج في

رياييل مايدرون عن مصرف اعيالهم المره تسوي كل شي بس انتي مع الوقت

كلميه يزيد لج المبلغ لو حسيتي ناقصج شي لهم