السلام عليكم
بسوي جسمي الوسطي كله يعني تكبير صدر و شد بطن و تكبير المؤخره
محتارة بين احمد المسلم و ممدوح الضاوي
احمد المسلم عطاني سعر حلو 3500 حق هذيل كلهم
ملاحظاتي علي شغله من تجارب شفتها …
سوا الصدر اوووفر علي حجم وحده محيط خصرها صغير
بطن وحده رووعة بس اخر الخياط في خفسه صغيره غلط اخر غرزة مو مضبوطة
بس الخط سمته وحده ماشالله و مضبوط من البنت بعد اشهر اخترب الظاهر من التدخين
او مالبست الكورسيه مادري شلي يخرب الخط بلضبط من ناحيه اللون و ان صار نازل صاعد و متعرج فرق عن اول ماسوته ؟؟ ودي اعرف عشان اتجنب 
منها او منه مادري
و بالنسبة لحقن الدهون الدهون نزلت شوي للفخذ و مو مشدوده المؤخرة بس هم مستواها
يظل حلوو و مقبول بمقاييسيي و لو اني اطمح للافضل لان حتن لمن ضعفت البنت ماراحت ظلت المؤخرة اكبر شي بجسمها و حاقنه عنده مرتين
ممدوح الضاوي بس اسمع مدح ما شفت بعيني و لا اعرف سعره و لا راجعته
و قريتله تجربه انه يحط سليكون بالخلفيه و مادري اذا احمد المسلم يسوها
لاني ناويه سليكون مو بس حقن دهون مافيني دهون وايد للاسف
طبعا دكتور كروووز اخخ هذا خوش دكتور حبيبي و اثق فيه ثقه تامه
عطاني علي جسمي تقريبا 4200
وراني صور خاصه لعملياته قالي ممنوع بس لان وعدتج من قبل اوريج
بنات خلفيه جنها سبونج بوب و ربي شلون خلاها مغريه و مدورة و طبيعيه هلريال ***
للاسف انتقل الى رويال حياة لمن رحتله استشارة ثانيه صارت تكلفة عملياتي 10000
على ان ابو رويال حياه و مساج و بكجات و خدمه و ضاق خلقي مستحيل اقط هلسعر و انا جسمي نتفه و مايستاهل 10
ولوان تنقصني معلومات بس
احتمال وارد و كبير جدا اذا لقيت وحده من اهلي او رفيجاتي متفرغتلي اخر هالشهر
و شفت السعر مناسب اطير تايلند مستشفى بانكوك بس ماشفت بعيني عمليات لهم بس صور بالنت
و احااتي مع التذاكر و الفندق نفس الكويت ماسوينا شي .. و احاتي السليكونات بالموخرة و الصدر
والطيارة و شكثر بقعد بتايلند لان لازم لازم فترة بين العمليتين مادري شكثر لان مايقدر يقلبني او يسوي العمليات كلها بيوم واحد منو سوت بره تفيدني
ابي شوووركم حق دكتور فنان يضبط نفس جسم
amber rose يعجبني .gif "Eh S(22)")
, kim kardashian هلطقة
حبيبتي
انا مستعده اعطي الدكتور كروز
١٥ الف على العمليات اللي قلتيها
بس هل هو فعلا شغله ابداع؟
والا عادي؟
أي والله وراني حاله عنده جدا سيئة من الاوزان الثقيله و صدرها لي السرة كان و الكرشه مترهله لي القاع
و النتيجه حللللللوة قلت عيل انا اللي ترهل بسيط شبيسوي ..
و قلتله صورة ثانيه بليز للخلفيه وريته صورة جسم حق دكتور بلمكسيك قلتله ماعندي أي مانع اطق درب للمكسيك عشان هالنتيجه
تقدر توفرلي هالنتيجه و توفر معاها الدرب هههههه قالي هذي مو بس دهون سليكون قلتله هذا المطلوووب
و لك البنت خصر ماعندهاااا مربع مربع و رسمت خلفيتها مربعيه صغيره و بدون اردااف ماجذبت لمن قلت سبونج بوب ..نحت لها الخصر و كبرلها الخلفيه قتله لو سويتها عندك ابي نفسها بس تكبرلياها اكثر لو بلسليكون مابيها طبيعي حيل صارت قصت جسمها من تحت مثل قصت عارضاااات اللانجري كشخه ماتقولين نفس الشخص
وريه صووورة بخاطرج مثلها حده امين يعني اذا يصير بيقولج يصير اذا مايصير بيقولج مايصير فا لا تاملين حبيت امانته لان وريته حجم صدر ابيه
قالي خصرج صغييير بسويلج هلحجم يا السليكونه بتنط فوق يا بيصير شاذه علجنب مايرضااااا على كيفي علي يشوفه مناسب يسويه
بحثي عنه بقوقل و المنتدى لمن تروحيله لحي عليه تشوفين صور من لابتوبه شغل ايده قوليله انج مرتاحتله و مستعده تسوينها عنده بشرط تشوفين صووره و انتي حكمي بعد بفلوس مو بلاش اذا بتقطين مبلغ و قدره قنااعتي لااااازم صور و اشوف بعيني شغلك
هذا اسلوبي مع كل الدكاتره ما امشي علمدح بس لان
مقاييس الجمال تختلف من وحده لي وحده في بنات يحبون الاوفر في الطبيعي علي حسب فا لازم اتطمن ان شغله علي ذوقي و اللي ابيه انااا
ماشفت احد يذمه صراحه لا داخل و لا خارج المنتدى و خياطه ممتاز
و صج بخاطري اسوي عنده بساله اذا يقدر يسويلياهم بره رويال حياة لانه كان بمزايا عطاني 4000 يسويها لي بالسلام او الصفاه
انصحج توكلي عنده استشاره و انتي حكمي ..
وحده من اهلي بتسويها بدايه 6 انشالله علعطله نحت ظهر و خصر و شد بطن اذا انتي مو مستعيله اتابعج بلنتيجة
و انا بأذن الله اذا ربي كتبلي اسويها اخر 4 و مشت الامور كلها حسب تخطيطي ماراح اقصر معاكم بتجربني ايجابيه انشالله او سلبيه لا سمح الله
لان صج الاختياااار متعب و التفكير بهالموضوع ارهااااااااااق وفي بنات مايقصرون يقولون .. بس ماحب نحاسة بعض البنات
السلام عليكم
هذي اول مشاركه لي وحبيت اشارك بالموضوع
بالنسبه حق المسلم شغله حلو بالنسبه للبطن لأن انا سويت عنده وصراحه فظيع بس لازم تحافظون عالوزن – أما بالنسبة للصدر فما انصح فيه عند المسلم لأن رفيجتي سوت عنده شوه صدرها الصراحه والخياط كلش مو شي يعني باختصار اخذي منه شفط بطن وبس
انزين الخصر شلون ينحتونه يعني يكسرون العظم على الجوانب او انه يشيلون الدهون والجلد الزايد او شلون
انا الحمد لله خصري ضعيف وحلو بس استغرب لمن اشوف وحده انرسملها خصر واهي كانت مربع جنها ريال
عاشقة باريس بعد عمريييييييي والله حياتي اللي خذت من وقتها و سوتلها حساب عشان تفيدني عسى ربي يعطيج علي قد نيتج و لج كامل الشكر و التقدير يا قلبي و كلامج بحطه بعين الاعتبار
لان صج البنت اللي سوالها العمليه وايد تعبت منها احس تعب ظهرها الحجم كبير عليها
امارفيجتي الثانيه تقولي شافت ثنتين عنده بلعياده مسوي صدورهم مادحينه
انا قالي عمرو ثابت اللي يسوي الصدر مو اهو بس قالي راح يشق الصدر صوب الهالات عشان يصغرهم لانهم راح يكبرون مع العمليه و بيسوي جرح تحت الصدر عشان يدخل السليكون ليش انشالله !
4 جروح يقول احسن ؟ احسه يختار الاسهل لو على حساب المريضه فا لو بسويها عندهم بطلب صور و بقوله السليكونه من الحلمة مابي جرح ثاني
keka89 حبيبتي بالغالب يشيل الدهون اللي بالخصر و الظهر بعد صوب الخصر
و في يشيلون الاضلع الصغار و هذي ناادر يسونها و ماعندي علم فيها ولا مهتمه اتثقف فيها لان احس فيها مضره كبيره
و سمعت تاثر علحمل و مادري اصلا اذا يسوونها بالكويت
هذا حد علمي فيها
حبيبتي
الدكتور كروز على شنو غالي؟
اللي فهمته انه هو افضل دكتور بالكويت للتجميل
وفي افضل مستشفى واغلى مستشفى اللي هي
رويال حياة
طيب دام انه دكتور شاطر
ليش للحين يستخدم البرابيش بعملياته؟
شخباري البرابيش الحين ما تستخدم
بالعمليات الجراحية فما بالكم بالعمليات التجميليه
اعرف وحده مسويه صدرها وبطنها في تايلند
وما حطو لها ولا بربيش !
ووحده في لندن
ولا حطوا لها بربيش واحد
الكويت ليش غاليت على شنو !؟
وتقنياتهم عفا عليها الدهر !
هذيل الخيارات اللي عندنا بالديره .. شنسوي
يامعودة راضين بلبرابيش اهم شي النتيجه ..
نبي شغل مضبوووط
انزين بما ان تايلند احدى احتمالاتي شلون تجربه رفيجتج و باي مستشفى عند أي دكتور
و مافكرتي تسوينها بتايلند ؟؟
و اعتقد جنه البرابيش تطلع السوائل الزايده من الجسم .. يمنع احتباس السوائل
سوتها رفيجتي بمستشفى يانهي
صدر شد وتكبير
وبطن
ونحت خصر فيزر ب ٦٠٠ ( بس مافيه اي نتيجة للنحت)
كلهم المجموع ٤ الاف كويتي
اول اسبوعين النتيجة حلوه
بعد شهرين متنت ومالبست كورسيه
الا يمكن اسبوع او اقل
الحين فيها بطن
صار لها سنه تقريبا
ابظاهر عشان ما لبست كورسيه
الدكتور الشاطر
يكون شغله نظيف من داخل
وما يحتاج برابيش تنظف بعده
حبيبتي اللي اعرفه ان الجسم بعد أي عملية فقد دهون يعوض هالنقص بأنة يفرز سوائل لا الدكتور و لا شطارته لهم يد بهالموضوع
صلحولي المعلومة اذا كنت غلطانه لان احس البرابيش افضل و تخفف من التورم بعد العمليه لان شفت دكاترة اجانب و مكسيكين بموقع بنات يعرضون اجسامهم و فترة النقاهه شفت البرابيش عليهم تحديدا بامريكا و المكسيك و النتايج حلوة ما احس البرابيش مقياس لشطارة الدكتور
و بالنسبة لي البرابيش ماتشكلي اهميه ماتقعد اكثر من 10 ايام اسبوعين …
تركيزي الشغل يكون مرتب و حلو و مضبووط و هذا اللي شفته من الصور اللي وراني اياهم
و هم ماني غااااافله عن نقطة .. انه ممكن موريني صورتين بأحسن العمليات الي عنده و جايز عمليات ثانيه نتايجها عاديه ما يطوفني شي بهالامور وايد افكر و احاتي و مالوم حالتج النفسيه و تفكيرج صراحة كلنا بلهواا سوااا
المهم مرتاحتله وودي عنده
ويييين هذا الدكتووووور البيرفكت 100 % اللي تتكلمين عنه علي ايدج يالله ماقول لا .. اذا لقيتي فيدينا نروح
حتن اشطر الدكاترة لهم اغلاط عسى ماقريت عن دكتووور ناس ترفعله ايولج بنتين يذمووون و ردي احتاري من يديد
والله انتي سوي اللي عليج بالبحث و توكلي التوافيج من الله
برايي الشخصي ان البرابيش وعدم وجودها
لها علاقة بشطارة الدكتور
من واقع تجربتين لصديقتين لي
وحده بتايلند ووحده بلندن
لكن انا مشكلتي بالزنود ابي شد للزنود
وهالمنطقة مو اي دكتور يسويها عدل
خصوصا تايلند
احس موومتعودين عليها
حبيبتي الفك المفترس تسلمين عالدعوه الحلوه ومن قلبي لج مثلها فدييييتج
بالنسبه للبرابيش حبيت أكد علا كلامج وفعلا ما له علاقه شطارة الدكتور فيها وكل الدكاتره يستخدمونها
انا لما حطولي البربيش واحد شالوه عقب اسبوع والثاني طول شهر حسب كل وحده ترى
وتوكلي علا الله بالنسبه لخصر وخلي موضوع الصدر بعدين لأن السيلكون تقريبا صار محظور دوليا وما انصحج فيه وترى طبيعي بعد ما تسوين بطنج صدرج راح يبرز وتحسينه كبر لأن صار هالشي معاي حتى اغلب رفيجاتي يحسبوني مسويه صدري وما يصدقون الا اوريهم ان ماكو شي هههههه
وعلى فكره عمليتي لها الحين خمس سنين وما زال بطني منشفط لي داخل لان هم انا محافظه شوي
وصج المسلم فنان بهالنوع من العميات
الله يوفقج ان شاء الله وطمنيني اذا سويتيها
.gif "Eh S(11)")
.gif "Eh S(2)")
.gif "Eh S(17)")
.gif "Eh S(7)")
.gif "Eh S(1)")
.gif "Eh S(16)")
.gif "Eh S(15)")
تمام .gif "Eh S(9)")
.gif "Eh S(14)")
