|
السلااام عليكم
بنات كويتيات شلونكم
الصرااحه اناا يايتلكم و ابيي حل معااه ,,
انا الحمد لله من عشرين يوم ولدت بالسلامه و يبت بنوته بس بنتي تعبت و شربت مااي واايد و اهو اسااسا الماي فبطني كان واايد زايد ,,, و الحين عندها مشاكل بالتنفس و ليلحينها بالشيشه ,,, و هذي ثاني ولاده لي اول ولاده كان عندي توم بس واحد توفا فبطني بالسادس و صارتلي ولاده مبكره باخر السادس و ما الله كتب على الثاني يعيش بعد الولاده باسبووعين توفى والحمد لله على كل حااال ,,,
و الحيين ريليي يااايبليي الكآبه الحمد لله الدكاتره قاعدين يطمنونا على البنوته بس اهو مادري شفييه البنيه بالعدان وكل ما ياخذني علشان نروح حق البنيه تخيلووو طرييييج نص ساااعه و اهو ساااكت و كآآآآبه في كآآبه ,, أحااول اكلمه اتحرش فييه بس مااكو فايده اضخك معاااه يطالعني بنظره و يرد يكمل سياااقته لاااا تعليييق وحااولت على يووم قلت ابيي اشووم ماني متكلمه و لااني متحرشه فييه ،،، طووووول الطريييج كان ساااكت ولااا كلمه الصرااحه حزت بخاطري يعني مو بس انت نفسيتك تعبانه علشاان البنيه حتى اناا بس هذا اللي الله كااتبه و الحمد لله على كل حاال ،، صاارحته و قلتله يقوولي مو بيدي ,,,
ادري طولت علييكم بس شسوييي ابييي حل عفيه
ميخالف حبيبتي عذريه اهوا يمكن شوي نفسيته تعبانه من اللي صار ,,
انتي لا تيأسين كلميه مره ومرتين وثلاثه وقوليله انه هالشي مو بيدج وبيد الله ,, بس من غير حنه ,,
وقوليله احنا بدل مانسوي جذي لازم ندعي حق البنيه انه الله يقومها بالسلامه ,,
وانتي بطريقتج تعرفين شلون تكلمينه ,,
والله يسخره لج ان شاء الله ,,
وعسى الله يقوم لج بنيتج بالسلامة وتشوفينها أحلا عروس
حاولي تشغلين نفسج … وإذا بالطريج شغلوا راديو الكويت إذاعة القرآن الكريم
إذا هذا مو طبعه من أول فأنصحج تكثرين قراءة قرآن
والله المستعان
والله مادري شقول الله يعوضج ان شاء الله
اما بالنسبه للي صاير مع زوجج عادي يصير مع كل الازواج .. انتي حاجيه قوليله انه هالشي عادي وانه اكو ناس شكثر مروا عيالهم بالشيشه لاسباب معينه منتوا اول ناس ولا اخر ناس والحين شحلاتهم عايشين ولله الحمد…
ماعليه حبيبتي ازمه وتدعي..وان شالله تقوم بالسلامه وتفرحون فيها وتبشرينا حبيبتي بس اهم شي انتي الحين لا تتضايقين سولفي معاه عادي..ولا كانه في شي جايد..وموفقين يارب
و حاولي تفتحين قلبه و تعرفين شنو فيه عشان تواسينه
الله يهديه لج يارب و تزوجون بنيتكم و اخوانها يارب
ودعو حق الابنية ان تطلع اباسرع وقت وانشالله ريلج بيكون احسن ميخالف صبري عليه
وانشالله الله يرزقج ابتوام ثانيين يارب امييييييييييين والله يكون في عونج يالغالية
ويهديلج ريلج .. ميخالف حبيبتي حاولي فييه
واايد لان اهوا ريلج مالج غنا عنه حبيبتي و الريال
بالكلمه الطيبه تكسبيينه .. وقوليله ان شاءالله بنتنا بتصيير
زينه و الله بيعووضناا اللي راحوو فييها ..
ولا تحقرينه هم اهوا متضايق لاتزيدينه اووقفي معاه بهالوقت محتاجج ..
بعد عمري و الله الله يووفقج ويسعدج ويشافي بنيتج ياااا رب..
اللهم اشفيها وعافها ويبعد عنها التعب عسى بنتج تربا بحظنج وتكون لج بهجة روحج اللهم آآآآآآآآمين
ياعمرى انتى هدى بالج انتوا بظروف نفسيه الحين ريلج ياحرام يحاتي وخايف
لا تلومينا يا حياتى هدى بالج وأجلي الموضوع لما ترتاحون
وباجر ان شاءالله بنتج تربى بينكم وتكون عوض عليكم
انا بنتى انولدت جذى وكاهي الحين لله الحمد مافيها شي
لا تحاتين من شي ان شاءالله باجر الامور تتعدل وخلج صبوره
عليج بالدعاء
ويالنسبه لابوها ما ينلام زعلان على بنته انتي حاولي تواسينه
ضحكي يا بنت الحلال وفوضي أمرج لواحد أحد وخلي ريلج يصلي ويقرى قرآن هاضيجة اللي هو فيها تروح باذن واحد وأحد وانشالله تييلكم هالنتفة وتنور بيتكم