الوسم: السبب

السلا م عليكم .. شلونكم يا أحلى كويتيات ..
اليوم ياتكم بسالفه أثرت فينى وااايد وحبيت اقولكم اياه عشان تستفيدون .. ما راح أطول عليكم .. احنا نعرف وحده من معارفنه وحبايبنه .ز هذه الوحده متزوجه وعندها عيال وما شاء الله عليها سنعه ومدبره ومن النوع اللى تلبس وتهتم بعمرها وانسانه ملتزمه ولله الحمد .. قبل فتره قصيره سمعنه ان زوجها تزوج عليها لا وصاير له 4 سنين ومحد يدرى واهيا توها تدرى والله كلنا انصدمنه معقوله مستحيل !!!! طبعا اهى عرفت عن طريق مكالمه من فاعلة خير ولمن تحققت من الموضوع طلع صج وواجهت زوجها واعترف انه فعلا متزوج .. لا واللى يقهر ان باع بيت العمر >> اهم كانوا سكنين بشقه ومأجرين البيت .. طلع بايع البيت ولعب بالفلوس وكله قطهم على زوجته الثانيه .. طبعا زوجته حدها منهاره .. تدرووون بنات شنو السبب اللى خلا زوجها يتزوج عليها ..

لسانها طووووويل .. وهذا الشى شفنه بعينه لمن سافرنه معاها .. والزوج ما قدر يتحمل الظاهر فدوور على الراحه عند الزوجه الثانيه ..
المهم يا بنات انا حبيت أقول هالسالفه عشان تديرون بالكم يعنى لا تقولون والله عندى 3 أو 4 عيال ومستحيل يطالع غيرى أو يتزوج على .. ترى الريال ما يحب المره اللى صوتها عالى وتصارخ وتنزر عليييه .. كل شى بالهداوه وبالكلمه الطيبه والله انج تكسبين قلبه .. الريال شنو يبى ؟؟ يبى لمن يرجع بيته عقي تعب الدوام يلاقى الزوجه اللى تستقبله بابتسامه .. بضحكه .. بكلمه حلوه ..

وربى يسخر لكم أزواجكم ويحفظ لكم عيالكم

و عليكم السلام و الرحمة

صحيح حلاة المراة باحترام زوجها و تقدريها

و الريال مثل اليهال كل ماداريتينه كلما حبج و عزج

مشكورة على النصيحة

مشكورة وجزاج الله خير………..فعلا ممكن يغفر الاهمال او التقصير بس مايغفر لكرامتة وطول اللسان
الله يهدينا ويهدي الحريم لازواجهم

يييييييييييمه ياويييييييييييييييييييييييييلييييييييييييييييييييي ييييييييييييييييييييييييييييييييييييييييييييي اللهم لك الحمد

لا حول ولا قوة الا بالله

مشكوره اختي

جذابه ليش خفتي هههههههههههههههههههه اي ديري بالج .. :

والله تبون الصج مو عذر لسانها طويل يقدر يجعمها عيل اشخانته ريال؟؟؟؟
مو عذر كلش بصراحه وما اعتقد هذا السبب لازم في سبب واذ مافيه عيارته

اى والله كلامج عدل .. والعفو يا قلبى

العفو يا قلبى ..

مو عذر << الله يصبر قلبهااااا >>

الله يستر صج اللسان الطويل يخرب البيوت

الله يستر علينا

سبحان الله
نصيبها معه صار جذيه

الله يلم شملهم خاصه ان عندهم اطفال

وعليه

الله يصبرها

لاحول ولا قوه لا بالله

بسم الله الرحمن الرحيم

نعمة الوحم

تعرف علامات الحمل في مظاهر الغثيان والقيء والاشتهاء المفرط لبعض أنواع الأغذية أو النفور من أنواع أخرى باسم "الوَحَم" أو "مرض الصّبح". وغالبا ما يظهر الوحم في الأشهر الثلاثة الأولى (ما بين 7 و 12 أسبوعا من الحمل). وتختلف المؤشرات الطبّية حسب شدة الغثيان والقيء باختلاف البنية الجسدية، وترتبط كذلك بنوعية الأغذية المُتناولة. وتنقطع الشكوى من الغثيان والقيء عند أغلب النّساء مع بداية الشهر الرّابع للحمل، وتستمر لدى القليل منهن خلال الشهرين الخامس والسادس.*وكشفت الأبحاث في الآونة الأخيرة أنّ هذه الظاهرة تخفي خلفها رحمة عظيمة مُستترة مِن لَدن الخالق سبحانه، فهي ظاهرة زاخرة بالحِكم. أجل، إنّ الوحم ليس قلَقًا أو مرضًا، بل هو درع فيزْيولوجي يحمي الطفل.*إن الأبحاث التي أثبتت أن الوحم في سيره العادي مفيدٌ للأم من جهة وللجنين في مرحلة نموّه من جهة أخرى، لقيت استغرابًا في الوهلة الأولى؛ فقد كان الرّأي السائد -إلى يومنا هذا- يتمثل في ضرورة إجراء معالجة طبية إذا ما أدّى الوحم إلى قيء مكثف مما ينجرّ عنه فقدان في توازن السّوائل في الجسم بسبب حدوث نقص في كمّية الأملاح والفيتامينات. ويطلق على هذا النوع من القيء والغثيان الشديدين في لغة الطب اسم "hyperemesis gravidarum".*ما هي أسباب الوحم؟*لا تُعرف الأسباب الحقيقية للوحم، لكن من المعلوم أنّ التغيّرات الهرمونية واختلاف سكر الدّم في فترة الحمل يلعب دورًا مهمّا في ذلك. ومادة الأستروجان التي تسجل زيادة في بدايات الحمل والتي تفرز من المشيمة (وهي طريق التّواصل بين الأم والطفل) ترهف حاسَّة الشمّ وتجعلها كثيرة التأثر بما تشمه. لذا تزداد حاسّة الشم قوّة لدى النساء الحوامل اللائي لديهن كمية أكبر من مادّة الأستروجان في الأشهر الثلاثة الأولى من الحمل. كما أنّ الأستروجان وهرمونات البروكسترون (pro-gesteron) من شأنها زيادة الحساسية لـ"المنطقة المنشطة" للـ"كمورابسابتورات" الواقعة في الدماغ، ويؤدي هذا الأمر إلى الكشف عن التوكسينات (السّموم) الموجودة في الدم بكمّية قليلة جدّا. وعندما تكتشف هذه المنطقة في الدماغ وجود السّموم الموجودة في الدم تحرّك أحاسيس الغثيان والقيء على الفور. كما أنّ هناك تقارير أثبتت أنّ البكتيريا المسماة بـ "helicobacterpylory" تلعب دورًا مهمًّا في وقوع إثارتهما بشكل مكثّف.*وإذا اعتبرنا كلاًّ من الغثيان والقيء نظاما دفاعيا للبنية الجسدية ضد الأجسام الغريبة، فإنّ العلامات الطبّية للوحم من الغثيان والقيء تصبح موضع نقاش حول ما إذا كانت مرَضا أم لا. والتغيرات في الأستروجان والبروكسترون وسائر الهرمونات، ليست سوى ردود أفعال نيروهرمونية يقوم بها الجسم في إطار النّظام الدفاعي. وقد أثبتت الأبحاث الأخيرة التي أجريت على النّساء الحوامل من اللواتي عشن الوحم واللواتي لم يعشنه، أن الهرمونات المتزايدة ليست عاملا في حدوث الوحم، كما لا نجد أيّ دليل يوحي بأنّ محاولة تذليل شكاوى النّساء حول الشعور بالاشمئزاز والغثيان نحو أغذية معيّنة سوف ينفع الجنينَ والحمل. بل على العكس من ذلك، فإنّ الأبحاث الأخيرة أثبتت أنّ هذا الوضع ليس مرَضيّا، وإنما هو نظام دفاعيّ ذو فوائد مهمّة للجنين الذي ينمو في رحم الأم.حكمة الوحموكان "مارجي بروفت" من جامعة كاليفورينا – باركلي (The University of California at Berkeley-Margie Profet) أول من لفت النّظر إلى هذا الموضوع في عام 1955م. رأى هذا الباحث أن الوحم يمثل آليّة رحمةٍ إلهية هدفها حماية الجنين الذي ينشأ داخل جسم الإنسان بشكل معجز، وأنه يحمي الجنين من السّموم الطبيعية في الأغذية. وحسب الإثباتات والاكتشافات فإنّ التي تتجنب بدافع الوحم تناولَ بعض الأغذية في فترات حسّاسة خلال الحمل تتمتع بحظّ عال لإنجاب مولود سليم.*وتحتلّ حالات الإعاقة عند الإنجاب مكانة هامّة في يومنا أيضا، حيث نجد في أمريكا الشمالية أن نسبة تتراوح بين 2% إلى 3% من حالات الإنجاب السنوي تدخل في إطار الإعاقة عند الإنجاب. ورغم اكتشاف الأسباب الجينية لبعض هذه الإعاقات التي تقع عند الإنجاب والتي تتكوّن خلال فترة الحمل، إلاّ أنّ أسباب ثلثَيها غير معروفة. وحسب رأي "بروفت" فإنّ السّبب في ذلك هو تناول الأغذية بشكل عشوائيّ خلال الحمل، وكذلك الغذاء غير المنتظم لدى النساء غير الواحِمات.*وأثبت الباحث بجامعة كورنال "باول شارمان" (Paul Sherman) وزملاؤه عام 2000م بأدّلة مقنعة أنّ للوحم حِكمًا هامة لدى 80 % من النّساء الحوامل.أقر شارمان وفريقُه أن الحكمة من وراء الحساسيّة المفرطة للجسم البيولوجي نحو أغذية معينة هو حماية الأمّ والجنين معًا من السّموم الطبيعية المحتمل وجودها في الأغذية، وكذلك من الموتاجينات (المواد المضرة التي تتسبب في طفرات وراثية). والشعورُ بالغثيان والقيء (الوحم) في بدايات الحمل يمنع الأمّ من تناول الخُضر والأغذية المحتمل احتواؤها على مخاطر السّموم. وهكذا يظل الطفل البريء في ظلّ الرحمة والعناية عند نموّه، وهو نفس ما يحدُث بتوجيه إلهيّ لكثير من الحيوانات المحرومة من العقل والعلم عندما تبحث عن أغذية معينة.وثبت أن احتمال إسقاط الجنين لدى النساء اللواتي يعشن الوحم المعتاد بالقيء والغثيان ضعيف جدًّا، في حين تظل مخاطر إسقاط الجنين وإنجابِ طفل معاق لدى النساء اللّواتي لا يعشن الوحم نسبة مرتفعةً. وقام "فلاكسمان" و"شرمان" بتحليل نتائج 56 بحثا أجريت على 79.000 امرأة حاملاً من 16 دولة للتوصّل إلى هذه الاستنتاجات. وكانت نسبة 65% من النّساء الحوامل يشعرن باشمئزاز وتهرع وغثيان ضدّ نوع واحد من الأغذية على الأقل، و16% من النّساء الواحِمات يشعرن باشمئزاز ضدّ المَشروبات الكافائينية (الكافائين هي المادّة المنبّهة في البنّ)، و8% منهنّ ضدّ الأزهار وخضر معيّنة مثل القرنبيط والكرنب، و4% منهن ضدّ الأغذية الحارة والأغذية التي تحتوي على توابل.والعجيب في كلّ هذا هو احتواء جميع هذه الخضر والأغذية ذات التوابل على سموم طبيعية. وتعد السّموم الطبيعية في النباتات وجها آخر للرحمة والشفقة، حيث تحميها من الحشرات والبكتيريا المضرة والمؤدية إلى الأمراض. لكن هذه الخضر تحمل في طياتها مخاطر تتمثل في إلحاق الضرر بالجنين الذي لا يملك أيّ نظام دفاعيّ في مرحلة نموه. ويدعم الشعورُ بالغثيان والاشمئزاز المتكون في جسم الأم منعَ تسرّب هذه الأغذية إلى الجسم مما يساعد على نمو الطفل بشكل صحي. و28% من الحوامل الواحمات يشعرن باشمئزاز وغثيان ضدّ الأغذية الحيوانية. وقد قارن الباحثون في "جامعة كورنال" بين السّجلات والاكتشافات المتعلقة بالوحم في 27 مجتمعا مختلفا لتأييد إثباتاتهم. ووجدوا ظاهرة الوحم في 7 مجتمعات من بين 27 مجتمعا، ولم تكن تظهر كمشكلة طبية سريرية، لأنّ أهلها تعوّدوا على استهلاك الذّرة والأرز والبطاطا فضلا عن اللحوم، بينما عمّت الشكاوى الطبية السريرية المتعلقة بالوحم في 20 مجتمعا منها. وكان السبب في ذلك يرجع أساسا إلى استهلاك الأغذية الحيوانية واللحوم غالبًا في المأكولات التقليدية لهذه المجتمعات.*وبما أن غذاء الجنين يأتي من البروتينات الموجودة في اللّحم لدى النساء الحوامل اللواتي يستهلكن اللّحوم، فإنه من المحتمل أن تُلحق الكائنات الطفيلية والبكتيريا المتسببة في الأمراض داخل اللحوم أضرارا بالجنين. لذا يجب منع هذه الأغذية من التّسرب إلى جسم الجنين، الأمر الذي يكوّن شعورا باشمئزاز وغثيان ضدّ الأغذية المضرّة، وذلك بوقوع زيادة في قدرة الشمّ والطعم بمئات الأضعَاف.رغم أن الشعور بالاشمئزاز والغثيان حالة عرضيّة وحدث مؤقّت لدى كثير من النساء، فإنه مع ذلك يحمل أهمية كبيرة بالنسبة إلى مرحلة الحمل. وتعد فترة تزايد الشكاوى جرّاء الوحم أخطر فترة خلال الحمل، حيث تزداد حساسية الجنين ضد المواد الكيميائية خلال الأشهر الثلاثة الأولى للحمل نظرا لتكون الأعضاء فيه.ويتم الضغط في هذه الفترة على نظام المناعة للأمّ كي لا يَرفض الجنين، وذلك عبر إحداث تغيير حيويّ وإعجازيّ، وبذلك يلتصق الجنين بجدران الرّحم التصاقا شبيهًا بانتشار جذور الشجرة في التراب. ولئن كان هذا الضّغط أمرًا إيجابيا للطفل، إلا أنه قد يكون سلبيا للأمّ التي تصبح -في هذه الحالة- عُرضة للجراثيم المسببة للأمراض. ولذلك يتحوّل جهاز الالتقاط في دماغ الأمّ إلى وضع حساس جدًّا، كي لا تقبل الأمّ الحامل الأغذية الفاسدة والمحتوية على البكتيريا في الفترة التي يقع فيها الضغط على نظام المناعة.سموم الأغذية وخطورتها على الجنينوالشعور بالنفور والغثيان من رائحة القهوة مؤشّر مهم على الحمل، لأن القهوة تحتوي على ما يزيد على ألف نوع من السّموم، ومنها الكافَيين. كما تحتوي أنواع الشّاي النباتي على التوكسينات الطبيعية مثلما هو الأمر بالنسبة إلى التوابل. ويحتوي الجزر الغنـيّ من حيث الفيتامينات على مادة كيميائية تعـرف بـاسم "بسـورالين" (psoralin)، ويحتـوي الفِطر عـلى "الهيدرازين" (hydrazine) ونبات الرّيحان على مادة سامّة تسمى "إسترغول" (estragol) وهي تؤدي إلى تغيّرات وراثية. ويحتوي الكرنب الأحمر والزّهور والكرنب الأبيض على مادة مسبّبة للتّحولات وتعرف باسم "I-isothiocyanate". وتحتـوي قشـور البطاطا والطماطم على مـادة "السولانين" (solanin). وتفرز هذه النباتات كلّ تلك المواد السامّة المذكورة من أجل حماية نفسها من الأعداء. وعلى سبيل المثال، ترتفع نسبة الإعاقة لدى جدي الماعز إذا استهلكت الماعز الحامل نباتا عشبيًّا يعرف باسـم "Lupinus sp" أو "الفول المرّ" الغنـيّ بالسموم الطبيعية بكمّية كبيرة.وبفضل الأنزيمات المغيرة لتركيبة السّموم الموجودة في الكبد، فإنّ جسم الإنسان يستطيع أن يجابه التأثيرات السلبية لهذه الخضر والفواكه عند استهلاكه، بينما تمثل هذه الأنزيمات خطرا جادًّا على الجنين النامي في رحم الأم، لأن الجنين لم يحصل بعدُ على الآلية الفيزيولوجية والأنظمة المضادة لتلك السموم الطبيعية في الأشهر الثلاثة الأولى من الحمل، فلا مفرّ إذن من أن تُلحق هذه الأغذية التي تحتوي على السّموم الطبيعية والتي تستهلكها الأمّ أضرارا بالجنين. ويكمُن الحلّ إذنْ في ضرورة عدم تناول الأمّ لهذه الأنواع من الأغذية، ومن هنا يتحوّل جهازا التّذوق والشّم لدى الأم إلى وضع حساس جدًّا.وبما أن المواد المؤثرة داخل التوابل مضادة للجراثيم والطفيليات فإنّ استعمالها في الأطعمة مفيد للكبار وغير الحوامل من النساء من حيث الوقاية، خاصّة. واستهلاك النّاس المقيمين في أقاليم ساخنة ذات مأكولات حارّة وغنية بالتّوابل قرار صائب، لأنّ التّوابل الحارة تقلل من مخاطِر فساد اللّحوم مبكّرًا، وبالتالي تقلّل من خطر الكائنات المسبّبة للأمراض بسبب الحرارة. وتقوم التوابل الحارة داخل الأطعمة بدور تطهيري ضد الجراثيم.*غير أنّ هذا الوضع المفيد للنّاس العاديّـين يشكل خطرًا هاما على الحوامل، لأن أغلبية التوابل تحتوي على سموم طبيعية إلى جانب مواد مضادة للجراثيم، ومن المحتمل جدًّا أن تُلحق هذه السمومُ الطبيعية التي تتميّز بخاصية "التحْويل الوراثي" ضررا بالبرنامج الجيني للجنين الذي يسجّل نموًّا عبر انقسام سريع في الخلايا. وتشعر الحامل باشمئزاز وغثيان ضدّ الأطعمة ذات التوابل، وبذلك يحتمي الطفل من أخطار التوابل المتوقعة، بينما تتبدَّد أضرار هذه السموم لدى الكبار وغير الحوامِل من قبل الأنزيمات المضادة للسموم والتي توجد في السيتوكرومات الموجودة في الكبد. كما أنّ عدم امتلاك غير الحامل عضوًا مثل الجنين الذي يكبر بسرعة كبيرة، ويكون حساسا إزاء مؤثرات التحول الوراثي (الموتاجينية) يعتبر آليةَ وقايةٍ إضافية.خطورة البكتريا على الحواملوالأغذية التي لا تشتهيها النساء الحوامل ويشعرن ضدّها باشمئزاز أكثر خلال فترة الحمل هي اللحم والسمك والدجاج والبيض بالدّرجة الأولى، لأن هناك احتمالا كبيرًا أن تحتوي هذه الأغذية على البكتيريا والكائنات الطفيلية (إذا استثنينا حالات الصّيانة الصحية الحديثة والتغليف الغذائي الجيد). ومثلا نرى في بدايات فساد الأغذية أنها تحمل طفيليّات تكسوبلازما بارازيتينا وهي طفيليات وحيدة الخلية وتنتقل إلى الإنسان من القطط. وإذا تناولتها الأم مع الأغذية في بدايات الحمل فإن ذلك يؤدّي إلى إصابتها بالعدوى وإلى إسقاط جنينها. ومن هذه الناحية نرى أنّ الوحم الذي يظهر في الأشهر الثلاثة الأولى من الحمل هو نظام دفاعيّ فطري يحمي الطفل من هذه الأخطار كلّها. وقد أصبح الكثير من الأطباء يقرّون اليوم أنّه من الخطأ تسمية الوحم الذي يسمى بالأنجليزية "morning sickness" (بمعنى "مرض الصبح") مرضًا، لأنّ الوحم ليس مرضًا، وإنما هو واقع تناغم فيزيولوجي تتجلى فيه الرّحمة والعناية نحو الطفل بكل وضوح. وهذا يعني أنه لا حاجة لتناول النّساء الحوامل أدوية ضدّ الغثيان.*الوحم نعمة إلهيةونحن نشعر اليوم بحزن شديد إزاء هؤلاء النّساء اللواتي اعتبرن هذا الوضعَ مَرَضيًّا في الماضي وتناولن أدوية مختلفة ممّا أدّى إلى إنجاب أطفال معاقين. ويا ليت هذه الأبحاث كانت أُجريت قبل هذا الوقت ليُكتشف أنّ الوَحم كان نعمةً إلهيّة. ويتضح أنه من أجل ذلك، ينبغي تغيير نظرتنا إلى الكون والإنسان في كل شيء.وخلاصة القول، في ضوء المعلومات المذكورة سابقا يجب عدم اعتبار الوحم الذي يظهر في الأشهر الثلاثة الأولى من الحمل مرضًا، بل ينبغي اعتباره مؤشرا لاستمرار الحمل بشكل طبيعي، حيث يتضح من ذلك أن التغييرات النفسية والفيزيولوجية مع بداية حمل هي مظهر لتجلّي رحمة الخالق العليّ وشفقته إزاء الجنين والأم معا. وتزول شكاوى الوحم في الغالب بعد الأشهر الثلاثة الأولى من الحمل لانقضاء فترة الخَطر حيث تختفي الضغوط على منظومة المناعة في جسم ويكتمل نمو أغلبية أعضاء الجنين، وبذلك تَعُود الأم إلى تناول الأغذية على النحو المعتاد.

منقوووول
المرجع :السندريلامنتديات بنات سدير

يا سبحان الله

خوووش معلووومات

يعطيج العااااافيه

يعطيج العافيه

مشكورة حبيبتي

يعطيج العافية

يعطيج العافية&#55357;&#56397;&#55357;&#56397;&#55357;&#56397;&#55357;&#56397;

يعطيج العافية👍👍👍👍

حلو الموضوع و مفيد

سبحان الله

مشكوره كوكيز ما ننحرم من مواضيعج الحلوه ؛*

العفو يا حلواااات…تستاهلووون الطيب فديتكم..نورتوا موضوعي

خووش موضوع
ماقصرتي

نورتي ام صقوور

سبحان الله ،، ما تقصرين على هالمعلومات حبيبتي

جزاج الله خيييير

لوولوو و أميرة الورد..حياااكم الله..نورتوا الموضوع..★☆

بناااات الحقوووني قسم من حرررجه من اناس لما يشوووفو بنتتتي الصغيييرة تحك رااسهااا فيها قمل يمه مدري وشلوون فيها انصدمت مع انو كل يومين اسبحا ومحافضه على نضافتها وامس مشطت شعرها وحصلت قمله وبنتي من امس قاعدة تحك شعرها عند اناس وي وي فشيله الحقوووني بشي طبيعي ومايضر وبس لاحد يقوولي روحي الصيدليييه لاني مقدر اقول لزووووجي فشله

ترا بنتي صغييييرة عمرها سنتين 2 ,,,, وماخليها من دعووواتي

اذا نامت فتشي شعرها
واسحبي بيض القمل
وغسليه يومي
وجايها عدوه انتبهي عليها
وشوفي شعور اللي تلعب معاهم
يمكن مقملين

يمكن من الخدم انا بنت اخوي اكتشفنا ان الخدمه تحط في شعرها منها وجدامنا بعد .
اخذي مشط سنونه قريبه من بعض ومشطيها كل يوم

عادي صغيره تقدرين تنظفين ششعرها
مشط من العطار سنونه صغار ومشطيها والصبح بزيت زيتون ونظفي شعرها من غير رجالج يحس والا يشوف وكل يوم دهنيها ونظفي شعرها

ايووووووة جتهااااا عدووووة احس كذا من الاستشووووار يخذووووة خوات زوووجي وانا دايم استشووورها

الله يعطيكم العافيه ع الردووود مشطها بس ماحصلت شي وهي كل شوي تحك راسها

فيه شامبو للقمل بالصيدليه اسالي عنه بالنت

مو فشله ولا شي موشرط الواحد لما يقمل يعني وصخ ولا ما يتسبح ..
بنتك اكيد جاتها عدوه من احد .. وانتبهي لا تعديك بعد او تعدي ابوها ..
في شامبو خاص للقمل بالصيدليات

ليش كل يومين تسبحينها … ؟؟ المفروض يوميا .. هذي طفلى ويعلق الرمل بشعرها والرمل يسوي قمل ..

المفروض يوميا تسبحينها وتمشطين شعرها بمشط ناعم

لرفع

يسلموووووو

ايه كل يومين وين الرمل هههههههههه لابس دحين الجووو مرة برد وصعبه اروشهااا يوميا

الله يشفيها يارب

روحي الصدليه قوليلهمً يعطونج لها دوا وشامبو ومشط خاص لقتل القمل

مافي حل
الا الصيدلية
روحي بنفسج
وتأكدي
انه يناسب عمرها
وترى مو حلو تقولين عدوة من خوات زوجج
مو شرط منهم
واذا شايفة شعورهم وصخة ليش
تبادلينهم؟
والسبوح وعدد مراته ماله علاقه بالقمل

ا حبيبتي هذي عدوة مو قلة نظافه .. الحل دوا الصيدليه

الحل صعب شوي بس ماعاد تشوفي القمل بحياتك

زيت الكاز خففيه مع شوية ماي. يعني ماء

حطي المشط بزيت الكاز ومشطي. شعر بنتك خلي يوصل لكل شعرها لا تخلي يقرب من عيونها انتبهي
بس شعرها بعدين لفيه وخلي زيت الكاز عشر دقائق وحمميها. ماعاد تحك لأنو بقتل البيوض

كل اسبوع كرريها
لا تخافي مابضر الشعر غير يصير يلمع بيجنن

هاي تجربة من النت تحتى تاكدي

عن تجربه وبصراحه العااام انتشر عندنا بشكل فضيع اخوااتي الصغار وعيال اخواني وبنات اخواني واستعملنا شامبو من الصيدليه ولا فاد الشامبو

والحل النهائي للقمل ( الكاز ) علاج مفعول وسريع بصراحه وعن تجربه ولايأثر بنت اخوي والله عمرها 2 سنه وانتشر براسه من استعملت الكاز بسرعه اختفى من راسها

بس مايطول على راسها بس مدته 5 دقايق وانتبهي منه لاتقرب لنار تفركين فيه الراس والفروه ويلف بكيس نايلو لمده

خمس دقايق وانا حذرتك انتبهي منه لاتقرب لنار او الدفيه تكون بعيده عنه عن الاشياء الخطره وبعدها تغسله

بالشامبو ،، لاتقول فيه ريحه او ريحته تطول براسي لالا على طول تطير ريحته من الراس بعد الغسيل …

ان شاء الله معافية

لا لا لا انتبهي تحطين كاز وربي يخلي الشعر ابيض ..
الله يسامحك ي ام دليار بالله هذي وصفه معروف الكاز خطير وتبغين تحط ع بنت صغيره وفروتها ماتتحمل

الموضوع:

خالتي (أخت أمي) تزوجت وجلست عشر سنوات بدون أطفال وماكان فيه سبب واضح لعدم الحمل بس كان عندها تكيس خفيف جدا وضعف في التبويض…..
طبعا بدأت في العلاج من بداية السنه الثانية للزواج وجربت كل أنواع العلاجات والمنشطات والأعشاب ولكن للأسف بدون أي فائدة تذكر…..

مع إنه كان تبويضها جدا ممتاز مع المنشطات وماكان يحصل حمل والسبب غير معروف والعلم عند الله…..

زوجها عمل تحاليل وكان سليم والحمد لله…….

وفي يوم من الأيام حملت وحدة من قريباتنا بعد 15 سنة من تأخر الإنجاب…..
اتصلت عليها خالتي وأخذت رقم المستشفى وأسم الدكتور اللي تتعالج عنده…..

وكانت تتعالج عند الدكتور طارق العزيزي في مستشفى النهضة في الطايف…..

راحت خالتي عند هذا الدكتور وتعجبت كثير من طريقته في العلاج
كان يقولها ماراح أعالجك بالأدوية والمنشطات لأن هذي كيماويات تنفخ البويضة من الخارج وهي من الداخل غير صالحة بتاتا للتلقيح…..

كان يقول إن نسبة التأخر في الحمل في السعودية أكبر شي والسبب في غذائنا وأنظمتنا الغير صحية….

أعطاها نظام غذائي وقالها استمري عليه حتى تحملين….

هذا النظام الغذائي يعالج الهرمونات وينظم الدورة ويقضي على التكيس وبالتالي يصير عندك تبويض ممتاز من غير منشطات ولا تدخلات علاجية…….

أعطاها مع النظام الغذائي الجلوكوفاج والفوليك فقط لاغير….

الدكتور يطلب من المريضة إنها تجي في وقت التبويض علشان يشوف إستجابة المبايض للنظام الغذائي وماشاء الله تبارك الله بدأ جسم خالتي يستجيب للنظام من أول شهر بدأت فيه….

وطلب من خالتي الحركة والرياضة المستمرة لأنها كانت سمينة شوية وزنها في حدود 64 وكان يقول إن الرياضة راح تساعد المبايض على النشاط وإنتاج البويضات السليمة بإذن الله…..

وبعد شهرين من الحمية الغذائية حملت خالتي والحمد لله….

بعد معاناة عشر سنوات من العلاج كان حملها بسبب حمية غذائية ياسبحان الله…..

وهذي هي الحمية الغذائية:
النظام الغذائي خالي تماما من كل أنواع النشويات والسكريات لأنها السبب الأساسي في تكون التكيسات وبالتالي لخبطة الهرمونات وضعف التبويض….

المواد الغذائية المسموحه:
اللحوم بجميع أنواعها (لحم – دجاج – سمك ) وابتعدي عن القلي في الزيت وعن جلود الدجاج لأنها مليانه هرمونات……

مافي مشكلة لو حطيتي شوية زيت مع شربة الخضار او مع الدجاج لكن مايزيد عن ملعقه واحده ويفضل لو تستخدمين زيت الزيتون……

البيض والحليب ومشتقاته مثل اللبن والزبادي والجبنة والقشطة واللبنة …..الخ وخذيها كاملة الدسم مافي أي مشكلة…..

الخضار بجميع أنواعها مثل الخس والجرجير والملفوف والفلفل والفاصوليا والكوسا والبقدونس ……الخ ماعدا الجزر والطماطم لأنها تحتوي على نسبة من السكر…..

الفواكه مسموح لك بالبرتقال والتفاح فقط لاغير وتاكلين حبة تفاحه وحبة برتقالة في اليوم وماتزيدين عنها أبدا لأن الهدف من النظام المحافظة على الجسم مايدخله أي نسبة زيادة من السكر…

المواد الغذائية الممنوعه:

النشويات بجميع أنواعها مثل الرز والمكرونه والخبز والمعجنات وكل مايصنع من الدقيق الأبيض…..
البطاطس…والنشا والشوفان….
البقوليات مثل العدس والفول والحمص والذرة…
السكريات بجميع أنواعها وأولها السكر الأبيض والحلويات….
الشاي والقهوة والمشروبات الغازية….
العنب والتين والمانجو وكل الفواكه ممنوعه ماعدا التفاح والبرتقال….
العصيرات بجميع أنواعها وخاصة المعلبه لأنها تحتوي على نسبة عاليه من السكر وممكن تشربين عصير برتقال أو تفاح فقط وتعصرينه في البيت وممنوع إضافة السكر…..
العسل والتمر….

الخبز البر ممنوع لكن الدكتور قال مافي مانع لو تاخذين شريحه وحده من التوست البر كل صباح فقط وبعدها تعملين رياضة علشان تحرقين اللي أكلتيه…..

يمكن يكون النظام قاسي شوية ومتعب لكن والله والله وفي هذا اليوم الفضيل من هذا الشهر الفضيل إن قريبتنا حملت بعد استخدامها للنظام بسبع شهور وهذا لأنها كانت سمينة جدا فكانت استجابة جسمها للنظام بطيئة حتى نحفت وبعدها حملت على طول…..
وبعدها خالتي استمرت عليه شهرين فقط والله العظيم ماكملت الشهر الثاني إلا وهي حامل…..

خالتي مدرسة ولما سألت المدرسات عن هذا الدكتور كلهم مدحوه وقالوا إن كثير حريم يعرفونهم حملوا بسبب نظامه الغذائي بعد الله…..

وأنا كمان لي ثلاث سنوات ماحملت وبدأت في هذا النظام شهر ثمانية كامل لكن بعدين جا رمضان وبديت أخربط في النظام لأنه صعب جدا مع الصيام لكن إن شاء الله إني أبدأ فيه بعد العيد مباشرة واستمر عليه لحد ما أحمل بإذن الله…..

ومستعده اتحمله لو ياخذ مني سنه كامله لأني تحملت الإبر والعلاجات سنين والحين ما اتحمل نظام غذائي والله العظيم انه أسهل علينا من المنشطات وبلاويها إللي ضررها أكبر من نفعها….

لكن أنا ناوية أروح للدكتور في الطايف إن شاء الله علشان أسوي عنده تحاليل للهرمونات من جديد لأنها ضرورية واللي تروح عنده لآزم يطلب منها تحاليل للهرمونات وراح أراجع عنده لحد ما أحمل بإذن الله……

واللي ماتقدر تروح للدكتور تستخدم بس الحمية الغذائية وتتوكل على الله لأن الدكتور مايعطي مع الحمية أي علاجات ثانية غير الجلوكوفاج حبة وحدة بقوة 500 يوميا مع حمض الفوليك اسيد فقط لاغير….وتتابع التبويض عند دكتورتها…..

أنا كنت مترددة إني أكتب هذا الموضوع لأني ماحبيت أقولكم شي إلا بعد ما أحمل علشان تتحمسون أكثر وتصدقوني لكن والله العظيم إني ماقدرت أصبر وحبيت إنكم تستفيدون مثلي يمكن وحده تستخدمه وتحمل قبلي علشان كذا ماحبيت أسكت وقلت لازم أقولكم علشان تستفيدون وماتستنوني الين احمل……

أنا راح أبدأ جديا بعد العيد إن شاء الله وراح أفتح موضوع ونتجمع فيه أنا وكل من راح يستخدم هذا النظام ونشجع بعض ونوقف مع بعض لحد مانحمل ان شاء الله…..
اللي حابة تبدأ معاية بعد العيد تسجل إسمها هنا في هذا الموضوع وبعد العيد إن شاء الله أول ما أفتح الموضوع أبرسل لكل من سجل معاية رابط الموضوع ونبدأ مع بعض إن شاء الله….

وأنا بروح للدكتور إن شاء الله وراح أكتب لكم كل شي يقوله لي وبالتفصيل الممل وماراح أبخل عليكم بشيء إن شاء الله…..

اللي عندها أي سؤال أو استفسار تتفضل أنا تحت خدمتكم لكن بشرط تصبرون علي لأني جديدة ومسموح لي في اليوم بثلاث مشاركات فقط……..

ملاحظة:
الموضوع يبغاله صبر وتحمل ممنوع الطفش والملل من أول شهر…..
ماهو شرط تحملين من أول شهر ممكن ياخذ منك الموضوع شهرين ثلاثه اربعه خمسه سته شهور واكثر .. انتي وحالتك ومدى استجابة جسمك للحمية….
ومثل ماشفتو قريبتنا 15 سنه من غير أطفال وتعالجت الين طفشت وطفش جسمها لكن ما استفادت شي لأن السبب الأساسي لمشاكلها كان من الغذاء السيء ونفس الشي خالتي والله العظيم إنه كانت بويضاتها أثناء العلاج كثيرة من اربع لخمس بويضات وكلها بالحجم المناسب بس ماكان يحصل حمل ما سألتي نفسك ليش؟؟؟؟
لأن البويضة انتفخت وخرجت بالقوة عن طريق الكيماويات والمنشطات وكانت فارغة تماما من الداخل وغير صالحة للتلقيح……
لكن عن طريق الحمية ما أخذ الموضوع منها سوى شهرين فقط وحملت من خروج بويضة واحده فقط لكن ما كانت أي بويضة كانت ممتازه من الداخل والخارج لأنها انتجت بطريقة طبيعية بدون استثارة وتحريض للمبيض ولأن المبيض اصبح يصل له غذاء سليم وبالتالي صار ينتج بطريقة سليمة………
زمان لما كان الغذاء صحي ماكنا نسمع بتأخر الحمل إلا نادرا جدا لكن الآن بعد دخول الأغذية السيئه أصبحت المستشفيات تغص بالمتأخرات وقسمنا هذا أكبر دليل…..

أسأل الله أن يرزقنا جميعا بالذرية الصالحه

للامانه منقوووووووووووول

ومابي منكم الا دعوه في ظهر الغيب
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة

جزاك الله خير بس اختي السبب في زوجها تتبع النضام او لا

حبيبتي السبب فيها ومو في الزوج …!

لعلاج الضعف عند الزوج راح أنزل لج رابط التغذية والأكل الصحي ……….. انتظريني

السلام عليكم ورحمة الله وبركاته
ماشاءالله ربي يتمم لها على خير ♥

الحمدلله . الحمدلله . الحمدلله

طيف علي : تفضلي رابط الموضوع .. ركزي على الأغذية الخاصة بالزوج

&&لكل مقبلة على عملية أطفال أنابيب أو حقن مجهري&& إليكي المسموح والممنوع .. ونصايح بع

وموفقة حبيبتي ..

مشااااءالله تبارك الله

الله يرزق المتاخرات بالحمل بالذريه الصالحه المعافاة

ربي يرزقنا كلنا يارب

جزاج الله خير

مشكوررررره حبيبتي

صاجه الحين كثر التااخر بالحمل تعالي وين زمن امهاتنا مانسمع تاخر بالحمل

اكلات المطااعم والدهونات الي فيهاا والحلويات الي مانتخلي عنها

خلاص نويت انا من هالاسبووع مبلشه
وموضوعكك ياقلبي جا بوقته

ونبي نسووي مع بعض ونتعاون هالحمية

عن نفسي تركت المطااعم واكلاتها لان فيهاا دهوون والحلوياات
معن الحمدلله مو متينه بس بخلي نضامي الغذائي يبيله حمية

بس بسالج الحين اكلي بس صموون الكروساان والحليب والعصير ماشة عليه هذا غلط او لا

الله كريم

قللي الكربوهيدرات (صمون وعيش وخبز) وركزي عالبروتين

اقري النظام عدل محطوطة فيه هذي الملاحظات

هلا والله نور الموضوع

اب اب اب

جزاج الله خيييييييير

تفارقنا وقلبي يتقطع..

بنات انا بخبركم سالفتي وانتوا احكموا اذا انا على حق او ظلمته..

انا حبيت واحد ومن سنتين على علاقه معاه..والحين عمره 30سنه..بصراحه ما اذاني ولا قلل من احترامي ..احسه رباني مثل امي وابويه..كنت اعتبره اهلي وربعي وناسي …..بصييييييح…
المهم الريال هذا محيرين له وحده من اهله بس ما استوت خطوبه رسميه..وهو مصارحني بهذا الشي..المصيبه اني يوم ناقشته في موضوع الزواج قاللي اسمحيلي انا ما اقدر اخطبج ولا اقدر ازعل اهلي اوعدج بالزواج والبنت هاذي مخلينها لي من سنين والحين ما اقدر ارفضها من بعد ما انتظرتني سنين..وهو بدوي وانا حضريه ..

عاد انا قررت ابعد نفسي شوي شوي لاني ما بقدر انتظره يجي ويقولي انا بعرس وانتي بكيفج حابه تستمرين حياج الله واذا مو حابه الله يجفظج..احسها بتكون اصعب..

يوم حاولت ابتعد اتصل فيني وقاللي انتي اكيد تكلمين واحد ثاني ..بس انا قلتله انا ابعد نفسي من الحين وابغي اعود عمري على فراقك عشان ما تتدمر نفسيتي ..وما فيني اترياك اتعرس وانا اقعد اتخيل وحده ثانيه في حظنك..تعرفون شو قاللي؟؟؟؟
قاللي انتي انانيه وتحبين تتملكين ..انتوا خبروني في وحده ما تحب تكون مع حبيبها..؟؟
حتى انا قلت له اني مستغربه من حبك هذا اللي ما فيه اي تضحيه..شو هالحب الفاضي..اعتقد اللي يحب يضحي وانت ما حاولت تخطي خطوه وحده عشاني وكيف تحكم ان اهلك بيزعلون؟؟ واللي اعرفه ان الريال محد يفرض عليه شي وخاصه في موضوع الزواج..صح والا انا غلطانه؟؟

المهم اني اليوم كتبت له مسح اني احبه واموت فيه بس ما اقدر اعيش نفسي في وهم وتخيلات ما منها امل والله يحفظه ويرزقه بالبنت اللي تصونه وتسعده..وبجذي انتهت علاقتنا..

الحين قولولي هل انا غلطانه في قراري او انانيه مثل ما قال؟؟

من صجج تسألين
حبيبتي اللي سويتيه عين العقل الريال اذا بغى شي محد يوقف بويهه الحين البنت ما تنغصب هالدور الريال واهو مو صغير 30 سنه يعني عاقل ويدرك شيقول
حبيبتي نصيحه من اخت لج ولكل وحده الريال يتعذر باهله عشان ما يتزوجها
صح الزواج قسمه ونصيب بس اللي يتعذر هذا مو جاد ويبيج وما يبيج بنفس الوقت يعني بتكونين الاختيار الثاني او الثالث او يمكن الرابع انا اسفه يمكن كلامي ما يعجبج
بس انا تعور قلبي البنت اللي تصدق الريال يحبها وما يفكر انها تكون معاه لآخر العمر بالحلال.ويحرني الريال اللي مو قد كلامه ويعلق بنات الأياويد بكلمه الحب .
سوري احس استنيت
انا أقول لج احسن قرار اتخذتيه انج أنتي اللي انهيتي كل شي وصدقيني اذا المسأله ان طولت شهور وبتحسين فعلا انج ارتحتي
الله يكتب لج كل خير

يا بعد عمري و الله صج قطعتي قلبي واي عاد كلش و لا الحب

حبيبتي اللي سويتيه صح خليه ما عليج منه اهوه الخسران لو كان جدي ويحبج

جان قال و الله ما اقدر استغني عنها وابيها مو يكلمج على ابوووو تقزووره او انه

يتسلى على ما يجي زواجه حرام والله ليش الرجاجيل جذي يتعذرون دايما باهلهم

يعني معقوله رجال طول بعرض ماله كلمه ما يقول لا و الله انا ابي اللي قلبي اختارها

الحين البنت ما تنغصب على الزواج وتقول رايها بكل حريه اذا كانت تبي الشخص

اللي متقدملها او لا .. بس يا حياتي لا يضيق خلقج وهذي ترى خيره يمكن ربج كاتبلج

بواحد احسن منه لا تحزنين من من عافنا عفناه و لو كان غالي والله يبيعنا بالتراب

نبيعه لا تضايقين يا قلبي و قولي بينج وبين نفسج انها خيره حتى لو كنتي تحبينه و

مع مرور الايام بتنسين صدقيني ما فيه احد يظل على حاله يمكن مع السنين

بتضحكين على عمرج .. تقربي من ربج و ادعي بصلاتج انه ربي يرزقج باللي احسن

منه و يعوضج ان شاء الله و لا تندمين و لا تتحسفين على اي شي راح بالعكس

تجربه و عدت .. الله يوفقج ان شاء الله

والله ياختي انا مستغربه ان سنتين ضيعتيهم من عمرج
انتي تدرين ان ماراح يتزوجج واهو يدري ان مافي امل بالزواج عيل ليش مستمرين؟
حرام عمركم اللي يضيع وتتعلقون ببعض بدون فايده
اهو مايبيي يواجهه اهله وعنده التزام وعارف مصيره بياخذ البنت المسكينه اللي محيريتنها له ! علي اي اساس مستمرين
اللي انتي سويتيه عين العقل
ونصيحه قطعي كل علاقه وياه وغيري تلفونج ولاتعطينه اياه اخذي موقف وخلصي الامور بدال لاتعلقون بعض بدون نتيجه تعذبون عمركم باديكم حرام جذي
والعمر حراااااااااااااااام بضيع اهو ريال مايضره ومرته ناطرته وقت مايبي يملج وانتي؟ عمرج يزيد ماينقص وفرصج تقل للزواج حرام عليج عمرج ياختي
الصراحه اهو قمه الانانيه يبي زوجه محجوزه ناطرته من عمر ، ويبي وحده يحبها ومعلقه له

اللي سويتيه عين العقل .. و الافضل انج تشغلين نفسج بشي عشان ما تفكرين بالموضوع او تضعف ارادتج .. مارسي هوايه او تعلمي خياطه و الا كروشيه .. المهم سوي شي يخليج تنسين .. و النسيان نعمة من رب العالمين .. ماني راده و فاتحه الموضوع و مناقشتج باللي فات .. الاهم اهو الياي .. و ادعي ربج يرزقج الرجل الصالح اللي يعوضج عن كل شي .

اختي الي سويتيه عين الصواب ولوماسويتيه برضاج اليوم بيصير غصبن عليج باجر

وبعد جم سنه لمه تتذكرين الماضي بتضحكين وتقولين الحمدالله اني انا هديته مو اهو هدني

شوفي حبيبتي سنتين ضاعوا من عمرج لا تضيعين أكثر من جذي حتى الأجانب إلي لا دين ولا مذهب إذا ظلت الوحدة على علاقة مع الريال 6 أشهر و ما إييبلها طاري الزواج تقطه و تنساه …هذا يقول لج ليش ما تكلميني إنتي تحبين واحد ثاني مو لأنه يحبج لأنه ما يبي يحس بالفشل ما يبي يحس إن تقدرين تتخلين عنه ارتباطج فيه على الرغم من صده عنج يغذي غروره …ابتعدي عنه و فضي نفسج و صفحتج حق إلي إيي لي باب بيتج شاريج و الله يوفقج

تصرفج حكيم وديري بالج راح اتييييج حالة من الضعف والشوق له واهو راح يستغل هالشي ديري بالج تضعفين وترضين بالقليل منه ابتعدي احسن وقولي هذي خيره من الله ربج كريم ان شاء الله الله يصبر قلبج ياحبيبتي على الفراق تراه شين بس خلي ثقتج بالله أكبر وقولي رب ما راح يقصر معاج ان شاء الله

حبيبتي اصلا قولي له انا انخطبت وابدي انتي بتركه والله يعوضج احسن منه وسمعي نصيحة اخت لا يروح عمرج يوم ورا يوم ورا يوم بدون ماتحسين الا انتي بروحج وهو مع زوجته وعياله يروح ويجي وترى الريال لما يشوف عنده اسرة يصيرون اهما الأهم

والأهم انتي الحين حبيبته والأولى عنده ….. بس اذا تزوج وصار يكلمج وطاحت عليه مرته تعتبرين في نظر المجتمع كلمة تعرفينها وما تعتبرين حبيبته وباجر تشرشحج جدام اهلج واهله وسمعتج زفت تصير ……

عسى الله يوفقج مع الي يستاهلج

وهذا انسيه خلاص ولا عاد تكلمينه

الصراحه كلامه غريب شنو يعني انتي أنانيه؟؟؟؟؟؟

عيل أهو شنو؟؟؟؟؟؟؟

يبيج انتي ويبي بنت عمه بعد شلون يعني بنات الناس لعبه بأيده؟؟؟؟؟؟؟؟؟

مو غلطانة

هذا معناته انه عمره ما حبج ، شلون يعني يتزوج غيرج ويبيج تضلين تكلمينه اذا كان يحبج حلاته يخاف عليج من الحجي يا امه يخطبج او اهو اللي يبعد ، وبعدين اهو الاناني وما يفكر الا بنفسه يعني زوجه وحبيبه بنفس الوقت ….. وبعدين صدقتي انه اهله مارضوا اهو اصلن كلم اهله عنج
يا بنات ترا موكل كلمه يقولها الشاب تصدقونها ترا لا خلص منج ومل يقطج مثل اي دشداشه قديمه توصجت وقطها

اسفه اني قسيت عليج بس هذا علشان مصلحتج

هلا اختي
انا معاج 100% والله يوفقج انشالله

تبين الصراحه اهو الاناني يبي يملكج وحتي اهو بعيد عنج لا هو اللي راحمج ولا مخلي رحمة الله تنزل وعلي قولة فوزية الدريع اللي يتعذرلج باهله او باي شي هذا بيتسلي فيج مايبيج زوجه اهو ريال كلمة بايده لو يبيج مايتزوج غيرج كان سوا المستحيل بس علشان ياخذج وهذا خلاج تتعلقين فيه بالرغم انه عارف بياخذ بنت عمه واللي سويتيه عين العقل مثل ماهو يبي يتزوج ويخليج انتي بعد شوفي حالج والله يرزقك باللي احسن منه

خواتي والله نصيحة لوجه الله من اختكم المجربه

مهما مهما مهما
صار بينج وبين زوجج … اااااااخر شي تفكرين فيه الطلاق او الانفصال

والله لولا رحمة الله ونصيحة البنت اللي الله سخرها لي والا كنت اليوم احمل اسم مطلقه

بعدها اكتشفت ان الامور والمشاكل دااااائما لها حل

بس بعيد عن التسرع وعدم التفكير

والله يسامحهم اللي بدل لا يهدءونج ويطخخونج وينصحونج ,,, يقومون يشيشونج او يعطونج راي غلط في الوقت الغلط

انا اقول ان بحسن نيه
بس شنو تفيد حسن النيه وبسبب هالنصايح تخسرين ول شي؟

نصيحه نصيحه نصيحه

مهما وصلت المشاكل بينج وبين ريلج لاااااااا تفكرين بلحظه بالطلاق

تراهو دمار ماهو حل

ادعولي ,,, والله يوفقك كل بنت ويثبتها مع ريلها

عز الله صاااااااااااااااااااااااجه ياوخيتي وعيال الحرام اللي يخربون بيتج وااايد وهو محترين مايبولج الخير والله يعنيا يارب

الله يوفقج يارب مشكوره

صاجة المفروض يكون من ابعد وآخر الحلول

صاجه والله وانا دايما انصح انه الوحده تفكر مره وثنتين وثلاث وحتى تجرب طريقه البعد المؤقت اذا قدرو يحلون الامور الي بينهم او قدروو يباعدون بعض يكون الحلا الانفصال بس اخر الحلول يعني

الله يسخرلج يارب ويدوم المحبة والعشرة بينج وبين ريلج يااااارب

صاجه اخر حل الطلاق
موفقه

صاجه والله مهما صار لاتخسرين زوجج ترى مراح احد ينفعج لا اهل ولا اخواااااااااان نصيحه خلج عند زوجج ومع الايام راح تزين حياتش وتكووووووووون احسن عن قبل نصيحه صبري على كل شي هي فتره وزوجج يكوون احسن عن قبل

ايي والله صاجة وانا اختج

صاجه عمري –بس بالنسبه لي بفرط فيه وانا فرحانه قريبا جدا اذا كان خاين ومستمر بخاينته ماراح يتغير لو بعد سنين والعلم عند الله –بس هم للمره حد توصله بعدها تقول ستوب خلاص-بالنسبه لي اشوف نفسي عنوان للصبر -وان شاء الله راح اكتب معاناتي جود احد يستفيد ومشكوره عمري وعسى الله يديم السعاده بيتج

كلام سليم….ميه بالميه…

ليتج تكتبين قصتج بس مو مهم تذكرين المشكله الي بينج و بين زوجج عشان البنات الي يخربون البيت يتعظون

الصبر مفتاح الفرج لكل شي والله سبحانه مع الصابرين
وعمر الاستعجال ما جاب نتيجة الحكمه والصبر والدعاء وسيلة لتغير اي شي حتى القدر يتغير بالدعاء
إن الله مع العبد مدام العبد مع ربه فشتبون احسن من جذي
ربي ايسخرلي زوجي وايسخر لكل وحده زوجا قولوا آآآآآآآآآآآمين
أبي الدعاء منكم

صح كلامج

ابغض الحلال عند الله الطلاااااق

صح كلامج
والواحد لازم يفكر قبل لايسوي شيء ، واذا في احد
تستشيرينه فأنا انصح باقرب شيء امج واهلج … وموفقين ان شاءالله

السلااااام شلونكم بناات
تكفووون اقروا قصتي

انا واااااايد تعبانه و ماكوا الا انتوا بعد ربي و امي اشكي لكم

انا زعلانه و بييت اهلي صارلي 5 ايام مشاااااااكل مشااكل و السبب( ام الزوج و الاخت) باختصار الحمولة

انا عمري ما ضايقته بشي و يشهد اهو و الله ان اسوي كل شي عشان ارضي و بالاخيير يصف مع اهله و لااا قلب السالفه علي و تمنن علي اشياء سواها براضاه

و انا سكت و سكت و انفجرت
ابي شقة نسكن بروحنا لان تحملت سب و اهانات و حتي طعن الشرف و علي بنه اهيا طبعها جذي و بلاوي شقول شخلي يعني ماكو انسانه متربية بيئة نظيفة تحب تعيش و لا تقدر اصلا تحملت الظيم بهالسنة و نص

اهو ما اكلمه الحين بس يدز مسجات و قاعد احاول احل الموضوع واقف علي امه مابي اهدها اخاف تموت!!
شكو الطلعة و الموت يقول لان انا اغلي عيالها و من هالحجي!! اغلي عيالها تطردك 3 مرات من البيت و كل يوم ضغطك مرتفع من سوالفهم
انا تعبت و اهو واقف علي هالسالفه شسوي انا ما انام الليل لان احبه و اهو بعد بس هلام النسرة واايد متعاطف معاها مع ان اتوقع ان ما فاتحها بالموضوع و اللة احس بتقوله بالطقاقا اطلع لان هذا اسلوبها بس تتمسكن جدام عيالها و غالبا و دائما تقلب علي ريلي لان و انا يوميا مشاكل و لا تقولولي قعدي بشقتج و صيري رسمية لان جربت كل الطرق البلاوي لي شقتي و يقول نطري بيتنا اليديد مدخلج بروحج انا مو طايقة ان اقعد معاهم و لا اهو ادري في بس شسوي ما بقا شي ما اقنعته و اللي زاد الطين بله ام مو قادر يوقفهم عند حدهم لا الخت اللي اصغر منه و لا الام و لا يدافع و بالاخير بحط الحرة فيني !!

بلييييز لحد يطلع بدون رد احتاجكم

،

قولي له الطعن بـ الشرف ادخل فيه رجآل وين قآعدين عبآلك مآورآي ظهر امك وخوآتك يتكلمون بشرفي واسكت لهم ؟

لآتسكتين عن سآلفة الشرف انتي مو بنت شآرع والا مآورآج رجآل اسم الله عليج

انتي بنت نآس وعآيله لآترضينهآ على نفسج قولي له انت مآحشمتني مرتك يتكلمون عن عرضهآ وانت سآكت ورآآضي

حبيبتي .,~

هذي امه مهما سسوت فيه تبقى امه .,~ وانا مالومه اذا مايبي يطلع من البيت صج اهوا يمكن غالي عليها وماتقدر تسستغني عنه حتى لو كانت نسسره .,~
ترى الام مهما تكابر وتسسوي قلبها ضعييف جدام عيالها .,~

انا اخوي طالع بشقه بروحه والله انه امي اذا مرت فترة مامر عليها انها تبجي بجي مو طبيعي .,~

لا تلومينها اذا ماتبيه يطلع او اهوا مايبي يطلع .,~

انتي لا تطلبين منه تطلعون بيت بروحكم لانه صدقيني اذا طلعتوا وامه مو راضيه عنكم الله ماراح يوفقكم ولا تنسسين انه رضى الرب من رضا الوالدين .,~

واذا ع سسالفة الشرف .,~ حاولي تحلين الموضوع ودي .,~ صدقيني الهواش ماراح اييب نتيجه .,~

الحين انتي شنو تسسوين ؟

انا اقولج .,~

لا تختلطين فيهم وااايد .,~
حااولي انج تخففين قعدتج معاهم قد ماتقدرين .,~
بسس اللهم لا صار وقت مواجيب لا تقصرييين لانه هذا يبين طييب اصلج .,~
حاولي قد ماتقدرين تشوفين اي شي تلهين فيه بدل القعده معاهم .,~

واذا كلش كلش اي شي يقولونه لج سسكتي لا تردين عليهم يمكن تحترين من داخلج بسس انتي هونيها على نفسسج .,~

وصدقيني لا تقولين حق الريال امك وامك ترى اذا اهوا اصيييل وولد ناسس عمره ماراح يجحد بأمه ويوقف بصفج وانا لو صار معاي وريلي وقف مع امه ضدي راح اسستانسس واييد لانه يقولون اذا بتعرفين اخلاق الريال شوفي معاملته مع امه .,~

واللي مافيه خير لاهله مافيه خير للناسس صح حبوبه ولا انا غلطانه .,~

وبسس مثل ماقتلج حاولي انج ماتختلطين فيهم وحاولي تكسسبين خالتج صوبج يعني ييبي لها هدايا ومن هالسسوالف .,~

وان شاءالله الله يسسهلها ويفرجها .,~ ولا تنسسين الدعاء .,~

واتمنى تتقبلين رايي حبوبه .,~

زعلي فبيتكم
و سكنو بشقه دام السالفه وصلت لي درجة يطعنون بشرفج
واذا مارضا قعدي عند امج
اشتبين بالمشاكل

هذي امه …

والام مشكله لازم يدور رضاها واذا ما راضاها ما راح يتوفق بحياته فكري وتذكري هالشي رضا رب العالمين ثم الوالدين ..

واذا مزعلينج ومضايقينج خليج بغرفج بروحج لا تنزلين لهم لين تعدي فتره عالموضوع وبعدين بينسون وبتتصافى النفوس .. انا جذي اتركهم فتره .. وبعدين انزل لهم جنه ماصار شي ..لا قالولي اشفيج ما فيج اقول تعبانه .. مشغوله بالبيت انظف وارتب .. يعني ما ابين لهم اني زعلانه عشان لا يحشون فيني عند ولدهم ويكبرون جبده علي .. ولا تجيبين سيرتهم عنده ترى مهما كان اهله وما يرضى عليهم ..

والله يعينج ..

استخيـــــــــــــري ياقلبي

شور الله أبرك

اذا حياتج معاه راح تجيب لج الأمراض والضغوطات ..ربي سبحانه بيصرف الشر عنج

واذا فيه خير ,,ربج بيهديه اهو وامه وقبيلتهم كلهم

وبتسكنون بروحكم ..وفوق هذا بيهديهم سبحانه

وأكثر وأكثر خير راح يجيج من الإستخاره

ربي هو اللي يعلمه

ادعي ربج ..وبيستجيب ان شاء الله

ربج كريم

وقولي حسبي الله ونعم الوكيل

وادعي هالدعاء دايما (( اللهم من أراد بي أو بزوجي أو بيتي أو عيالي سوءا فأشغله في نفسه ..واجعل تدبيره في تدميره ..ورد كيده في نحره))

وعسى الله يفرجها عليج عاجلا غير آجلا يااااارب

هذي امه يعني وش تبين يسوي فيها يغصبها عشانك؟..

يااربي مدري احس السالفه فيها ان؟……….

لا ان و لا شي شقصدج ان العيب مني لو مني جان ما تعبت عمري و كتبت انا حييل تعبانه
و انا ابي نصايح ما ابي كلام يزيد همي

معها ميه بالميه
هذي ياعمري حلوه البن
اصبري بنات انصحوها لاتخربون بايتها

اللهـ يصبرج على بلواج …

الله يهديها ويسخر زوجك لك يااارب
قولي امين
وحاولي تضبطين العلاقه معها ام زوجك لو تقسى ولو تجرح اهم شيئ زوجك لاتزعلينه ماتقولين فيه طغط

خلاص لاترضين تردين الا بشقه بروحج

ولاتقولين امك وامك حرام عشان لاتغثينه

لاتردين الحين قعدي بيت اهلج لما يحس بقيمتج وانا ما انصحج بشقه لانه راح يكون مغصوب فراح يحط اللوم كله عليج بعدين…
انا ماني عارفه ليش الامهات جذي خلاص ربيتي ولدج خليه يعيش حياته …*

نصيحتي لاتخسرينه ردي له
وعليك بألحاح بالدعاء ان ربي ييسر امركم وتطلعون
لان ام وصعبه عليه يطلع وانت راعي لظروفه والله بعدين ان يذكرك بخير
وربي يمهل ولا يهمل
ألتأجي بالدعاء عليه
ولاتخسرين زوجك

رفع

امهات حبيباتي ..

ولدي الحمدلله وزنه زين واكله مهتمه فيه من ناحيه الخضار والفواكه والحليب واللحوم وانوع له على طوول ..

بس ولدي اشووفه يستمرض واايد .. عاد اللي عندها خبره ياليت ماتبخل علي ..

انا ساعات بالطلعه اخلي الخدامه تغير له حفاظ عشان لا ينجس ملابسي يطشر عليها ..

واوقف يمها ساعات .. تتوقعون لما تحط ريله بالمغسله اول شي تكوون بارده عشان جذي يستمرض ؟؟

ولا شنو ؟؟ ساعدوني جزاكم الله خيييييييير

انا ولدي كان وايد يستمرض بس جربي عطيه عسل حبة البركة على الريج طبعا كل يوم ملعقة وسط وتقدرين اتذوبين العسل بماي دافي وتشربينه يكون افضل والله يشافيه ان شاالله

الله يشافيييييييييييييييييييييه

انا مثلج ولدي ما عنده مناعه ليش ما رضعته وايد
علشان جذي بسرعه يمرض
تخيلي انا ولدي كل اسبوعين يمرض
ما يقعد صاحي حده حده يقعد شهرين وبعدين يبدي يمرض

ورحت عند دكتوره عفاف الرومي
قالت لي لانكم بسرعه تعطوني مضاد حيوي وما عودتوو جسمه انه يقاوم الامراض
ومو كل مشكله تحتاج مضاد حيوي الا اذا كانت التهابات مزمنه باللوز

وقالت لي انه اعطيه عسل مع لوز مطحون زين ويقوي المناعه

اي والله انا بعد مثلكم يابنات ولدي في كحه صارله جم شهر واهو عمره الحين 6 شهور يصير اعطيه عسل حبة البركه مع الحليب؟؟
لان الصراحه مليت من الاطبه من لما كان عمره 18 يوم واهو بالطبيب ياخذ مضاد حيوي وما ابي اعطيه ادويه وايد بس قاعده اشربه بابونج

الله يشافي عيالنا يارب

بنات ميخالف تحملووو ترا جونا فيه مكيروب وانا عيالي دايما هالوقت مراضه
بس عطوهم عسل ولوز علشان يقوي مناعتهم
وانشالله ماكو الا الخير

نفس حالة ولدي بس على فكرة الــــــــــــــــعـــــــــــــــــســـــــــــــ ــــــــل للرضع الاقل من سنه او نص ممكن يذبحهم لان حار على المعده ديروا بالكم من سنتين او طالع اوكي

بصراحة صج اليهال مسؤولية كبيرة انا بعد بنتي كله مريضة

مشكوره يااختى على هالمعلومه وان شاء الله تفيد

بس بسال اللوز نطحنه ونخلطه مع اى نوع عسل؟

وكل يوم ياخذ وشكثر ؟

والشكر موصول لصاحبة الموضوع

حاولوا تعرضينه علي دكتور ويعطيج له فيتامينات والله انا من وصفلي الدكتور فيتامينات ولله الحمد اولدي نحمد الله ما يستمرض الا بالمواسم بس بس لازم استشارة طبيب بالفيتامينات علي عمر الطفل يعطيج والله يشافي جميع الاطفال

العسل زين على الريج مثل ما قالوا البنات
وممكن تعطينها حليب بدياشور يقوي المناعة خالتي بنتها كانت علي طول مريضة من استخدمت لها هالحليب وااايد تحسنت عن أول

شنو احسن نوع عسل تستخدمونه حق عيالكم ؟؟

وفيتامينات ؟؟

عسل حبة البركة من المرشد بس يكون عمر الطفل اكثر من سنتين

ليش سنتين انا سمعت سمعت سنه وحده ؟؟

انزين وشلون نستخدم حليب بيديا شور ماني عارفه والله

السلام عليكم
لاحظت على ملابس زوجي البيضا بالذات انهم متمزعين (متشققين) رغم ان ملابسه يشتريهم من الانواع الممتازه والغاليه وصار له سنوااات يشتري نفسهم لما جات عندي هالشغاله صارت ملابسه كذا وفي الاونه الاخيره حتى ملابس بناتي متشققين البيضا رغم انهم جدد ورغم ان نوعيتهم ممتازه بناتي ثنتينهم ملابسهم البيضا الداخليات متشققين واليوم اختي تشوفهم الا تقولي ترى شكلهم واضح انهم اثر قص بالمقص ؟!رغم اني عدة مرات اقول لها ان عمري ماشفت ملابس زوجي وبناتي كذا الا لما صارت عندي هالشغاله ..معقول الملابس من نفسهم يتشققون وهم صار لهم سنوات زوجي يستخدمهم ماصار كذا ؟والشغاله ممكن منها ؟..سبق وفتشت شنطتها ولا لقيت شي كيف اعرف الحقيقه واكتشف ؟كيف اخليها تعترف ؟

ركبي كاميره

يمممممه الله العالم الخدامه ..اكيد بمكان سري تخشهم ليمن تسافر …..وانتبهى لرسايل اذا تودي فتشيهم بدون ماتحس وردي لزقيهم….الله يحفظكم يارب

يمكن انها تكثر الكلوركس

ساليها وقولي لها تخففه او اشتري فانش الوردي
للملابس البيض

لاتخلينها تدخل غرفتج

والله يستر توقعي الا متوقع ماوراهم اماان نسمع ونسلم

اذكر جتنا خدامه امي كل ما تشر هدوم بعد الغسيل

تاخذهم وتشققهم وبعضهم تسرقهم

اي ديري بالج

لايكون شعوذه وصارت معاي

يحطونه تحت الشنطة وتخيطها فيه
بحيث ماتحسين
والواضح شغالتك تقصص منهم
ولاتنسين البقرة ببيتك يوميا

اي تحط الحره بالهدوم وتشققهم

شوفي ممكن تخيطها داخل الشنطه والا بملابسها بكفة الملابس من تحت والا بالاكمام تحطها فيه وتخيطها عشان مااحد يلاحظ عليها شئ حتى لو فتشتيها انتبهي منها وراقبيها

يماي حطي بالج لا تسحركم

عسى الله يكافيج ويكافي عيالج وريلج شرها يا رب

تاكدي حبيبتي تاكدي عدل قبل لا تظلمين احد .. وملابسكم يا قلبي انتي غسليها .. لا تخلين احد يغسلها .. اشتريلج الغساله الاوتوماتيك وانتي قطيهم وطلعيهم ترا السالفه ما يبيلها شي

وخليها اهي علي غسيل المواعين وتنظيف البيت والحمامات ..

الله يكافيج شرها يارب

الغسيل خليه عليج هذي تخررررع
خوفج باجر تاخذ شي من اثر زوجج او بناتج
وعسى الله يستر عليج وعلى عيالج و ريلج يارب

دام انتي شاكه وهالخدم مامنهم امان .. اكيد لو خذت شي مابتحطه جدام عينج .. نبشي بغلاف الشنطه وبالمخدات وبهالاماكن الي ماتتوقعينها وحتى بتاير الشنطه .. يمكن ناويه عليكم شي مو زين واقري المعوذات على نفسج وزوجج وعيالج ودايم شغلي سورة البقرة بالبيت .. والله يكفيج شرها ..

قبل لاتشكين فيها يمكن بناتج الصغار عندهم مقص ومستانسين يلعبون فيه بس اذا لا ديري بالج من الخدامه

بسرااحه حركتـه غـريبـه المفرووض من البدايه سالته يمكن فيه شي

او في شي ضاايقه ,, مقدر اقوولك سوي كذا ولا تسوين كذا

لان مووقفه غريب مقدر احكـم ّّّّّ

الله يهديه لك ..

يمكن كان معصب ومترفز من شغله وطلع هالكلام من غير قصد
الرياييل اذا عصبو ينسوون نفسهم انا اقول تعوذي من ابليس وفكري عدل
والله يهديكم ويريح قلبج

الله يهديه

الله يهديه
انتي طنشيه واذا جاك يعتذر اقبلي عذره وردي بيتج واذا مااعتذر وهو اصلا غلطان عليج لا تراضينه ابد راح يركب ع راسج كل مره
اذا كان معصب ومتندم اكيد بيراضيج

مادري اهو رد الكيك لان يمكن ماعنده فلوس جان ماطلبتي الفطاير عشان ماتحرجينه انتي متاكده انه بوكه فيه فلوس يمكن ماعنده ومايحب يقول ساعات الرياييل مايبينون لحريمهم هالشي لانه يحسونه نقص فيهم بس اذا عاندتي وقعدتي ومارديت ييمكن يركب راسه وخليج وذيك الساعه شتسوين موحلو الموقف ردي معاه احسن وقعدي معاه وفهمي ليش سوى جذي يمكن تقبلين السبب والله يهدي النفوس يارب

قطيعه لسانه وسسسخ

بس بعد اقولج تحملي واصبري!!

خو احنا يا الحريم مخلوقات للتحمل ..

يعينج الله حبيبتي

انا اقول طنشيه وردي معاه بس لاتعطينه ويه سوي واجبات بسكات عشان يتادب مره ثانيه

الله يهدي لج

بس لازم تفهمين منه اهو ليش عصب وقام يقط خيط وخيط

حبيبتي طنشيه خليه يتعبر ولاتعدين الكلام الي قاله بالساهل
طنشي ،~
واذا ماكلمج لاتدقين عليه موليه
واذا الموضوع انفتح حطي النقاط على الحروف
عشان ماتكرر مره ثانيه لاتعدينها ،~

الله يهديه
بس انتي تقولين اهو عصبي
المفروض تسكتين عنه وما تثيرينه زود
ووقت ما يكون رايقك عاتبيه
الله يوفقكم

شالسالفة ليش يعاملج جذي الله يهديه ويصلحه لج

طنشيي وردي بس خلييج بقمة الهدوء لين انتي ترتاحين ويصفي ذهنج واهو نفس الشي وبعدين فتحو الموضوع يوم يومين المهم لما تهدى النفوس ,, عندنا وعندج خير انا توني متناجره معاه واتاسف ومندقره لاني فهمت موضوع غلط واهو كل مره يقولي انتي تشكين فيني وكله تجذبيني وين بالله بنلحق وراهم رووس هذول ااااخخخخ شنسوي بعد الصبر زين والهون ابرك مايكون لاتنامين بيت اهلج وعقب تتوهقين

احسني الظن وتعوذي من الشيطان
يمكن الفلوس اللي بالبوك محتاجها وبيعطيها احد
او خاف مثل لا ينقصج شيء انتي وبيتج
حاب يدخر عادي حبيبتي
او حس انه في ضروريات محتاجها اولا من الكيك

..,, ..

..,, ..

واذا على سالفة من يراضي الثاني اول
يفرجها ربج ودعي الامور تسير

..,, ..

اكثري الاستغفار وهو راح يجي يعتذرك
والله يهون عليكـ ويرح بالك

..,,..

مايصح ابدا يكلمك بهالهجه

تراكى زوجته مو رفيجته

حدى مستغربه وخاصه انك تقولى انصدمتى يعنى اول مره يتكلم بهالطريقه

رايى لازم يجى يصالحك عند اهلك ومايكررها كلش ملش ابببببببببدا

ماكانت شويه حلويات اللى تخلى واحد يهين زوجته بهالطريقه وحتى لو فلوسه اللى ببوكه محتاجها

ممكن يرجع الكيك ويتخذك وتمشى مو يهينك ويجلس يشتمك طول الوقت )=