الوسم: السبب

السلام عليكم

بنات قبل لا تفهموني غلط اول شي بقولكم نظامي مع ولدي

انا اضحك والعب وياه وادلعه وكل شي

بس بلحظه غضب مني انا افقد اعصابي واطقه وازفه واقوله انت ما تسمع الكلام

وبعدين يقعد يبجي ويقول انا اسمع الكلااااااااااااااااااام ويردد هالجمله ويبجي ومرات يرجع (يستفرغ) بعد البجي

واقعد ألوم نفسي والسبب عصبيتي الزايده يا بنات مو بيدي انا كرهت نفسي وصرت ادعي على نفسي

مادري شسوي الله يخليكم اترجاكم اترجاكم عطوني الحل شسوي واذا فيه مراكز تدربني على التربيه الصحيحه للأطفال

مابي اعقد ولدي

اهوا عمره سنتين واربع شهور تقريبا

تكفون مابي كلام جارح اللي فيني كافيني

ابي حلول عسى ربي يجزيكم الجنه واللي ماعندها حل تدعيلي الله يخليكم بنات انا محتاجه الدعاء

وينكم بنات

محتاجه اي كلمه تساعدني اعدل من نفسي

تكفون لا تخلوني

الله يعينج على نفسج ويهون عليج ،، روحي عند مركز الراشد للتنميه البشريه وان شاءالله يعلمونج شلون تسيطرين على غضبج

وحل مؤقت ،، اذا حسيتي انج معصبه هدي كل شي بيدج وروحي غرفه ثانيه شغلي نفسج بشي ثاني ..

الله يفرج همج ولا تدعين على روحج باجر لاصار فيج شي من يربي ولدج !!!

ايييييييييييييييييييييييه بس هذا بوسنتين شطقين فيه!!

ماني لايمتج ولاني مجرحه

سمعي انا اخذت عهد على نفسي اني ما امد ايدي على اعيالي ..بنتي البجر كلتها كنت مثلج ما اتحمل واعصب وانا وقتها اخذ حبوب منع الحمل العبوا باعصابي وانا بالاصل نار من غير شي المهم صار موقف طقيتها لدرجة اني انعميت طفيت ماقمت اشوف جدامي من الاعصاب واكسرت خاااااااااااطري عقبها وحلفت ما اطقها وفعلا اليوم عندي 3بنات وبنتي البجر الله يحفظها الحين عمرها13سنه شوفي طول هالسنين قضبت ايدي صج اعصب بس ما اطق لو شنو حتى خواتها ما اطقهم وسبحان الله لاحظت كل ماكبرت كل ما صار بالي اطول واعصابي تركد والحمدلله اني قدرت اتحكم بنفسي صج ساعات اعصب افقد بس فورا ادش الدار واصك الباب واروح اغسل ويهي بماي بارد واهدى واقعد لين ما خلاص احس اني لي طلعت بره الدار ما راح اضايق احد…وصدقيني تعوذي من ابليس وديري بالج حزة المغرب بالذات لا اتصرخين وتعصبين ولا اطقين الياهل حرام عليج طولي باااااااااالج عدي نفسج انج باختبار وقاعده تختبرين قوة التحمل عندج والياهل يبيله مساحل ووشوفي شنو يصير الله يهدي بالج ويحفظ لج اوليدج

الله يعينج
حبيبتي امسكي اعصابج حتى انا اعصب واتنرفز وحزة الحزة اطنشه ولا جني قاعدة معاة لان اذا بتكلم معاة راح اطقة فاحاول اني اتحاشاة اطلع برة الدار او الف وجهي عنة حاولي تمسكين ايدج والله يشفيج ويهديج ان شاء الله

حبيبتي لازم تمسكين اعصابح انا جذي اتنرفز وما اقدر امسك نفسي خصوصا لما اكوون مضغوطه ومشغوله واليهال يحنون بس حراام لازم نمسك روحنا وما نمد ايدنا عليهم ,, انتي حاولين تعاهدين نفسج انج ما تطقينه وحاولي كثر ماتقدرين تقعدين معاه , والله يهديج ,,,

والله انا مثلج
بس صرت اللحين اتغاضي عنه واذا شقتة يسوى اي شئ غلط
ما اطقة ازعل ما اكلمه وهو يحس واذا كنت معصبة منه حييل احاول اطلع من الغرفة

الله يعينج على العصبية واللي أغلبها من ضغوطات ويكون الطفل الضحية ،،، تعوذي من الشيطان وتذكري ضعف طفلج

حبيبتي ديري بالج ترى باجر اذل كبر راح يتعقد لا تقولين لا شلون خاذا الي يصير ويمكن ياخذ منج موقف و الله يهديج

اااااااااااااااااااااه انا بعد جذي نفسج اطق ولدي ويكسر الخاطر جنني وانا اعصاااااب
تخيلي ذاك اليوم طقيته قعد يبجي وراح يمشي وملتفت علي جان يدعم الطوفه حييييييييييل
كسر خاااااااااطري والله بغيت ابجي والله ,,, عاد بعدها قلت والله تنكسر ايدي ماطقه ..

تكفين لا طقينه حرام .. حاولي تتجنبينه …فكري بشي ثاني ع طول .. ولا غيري مكانج روحي لغرفتج وصكري الباب ..

اولا فكري بو سنتين شنو ممكن يسوي انك تعصبين؟؟؟ ترى ولا شي؟ اسم عليه بيصير مجرم ويلا بييب مخدرات؟ يعني حدة يكسر شي ويلا يكت عصير…..يعني الدنيا ما تسوى…..المشكله مو في ولدك….المشكله أكييد فيك انتي…مو قصدي اضايقك ..بس انتي اكيد مضغوطه…دوري وقت حق نفسك بس…سوي هواياتك….سوي الاشياء اللي كنتي تسوينها من زمان….وشوفي ان العصبية راح تروح انسي ولدك الحين ديري بالك على روحك

الله يعينج على نفسج

الحال من بعضة …… بس قمت امسك اعصابى وتعوذ من ابليس

تحمدي ربج على النعمه اللي عندج .. صونيها عشان الله يحفظها لج ,

شوفي حبيبتي .. أنا كنت نفسج بالضبط ..وولدي كان بالضبط نفسج يبجي لحد ما يرجع ..
بس بصرااااااااااااااحة مشيت عالتالي :

1- إدعي الله يخفف هالعصبية إللي عندج .. ويهدي لج ولدج .

2- تعلمي أساليب العقاب الصحيحة لعمر ولدج .. بحثي في جوجل وتثقفي عن : تربية الطفل .

3- سوي له جدول لمراقبة سلوكه أو … لوحة السلوك اليومي : أفففففففففففففففففف شنو تغير ولدج وتخليه مؤدب ومطيع ..

( ملاحظة : اللوحة موجودة في موضوع للأخت : شمعة تحترق في المواضيع المثبته .. طريقتي مع إعيالي )

كل ما سوه شي صح حطيله هابي فيس وكل ما سوه شي غلط حطي له ساد فيس

– مجمع الهابي فيس من 5 إلى 7 = طلعة أسبوعية مكان يختاره

– من 10 وفوق = هدية سنعة

– واحد هابي فيس = لمة وبوسة وضمة وكلام حلو ( عفية على ولدي الشاطر )

وزيدي إنتي وطريقتج وشنو ولدج يحب .

4- كرسي النوتي بوي : كرسي تحطينه في مكان أو زاوية .. من يسوي شي تحطينه في هالكرسي 3 دقايق وتقولين له :
أنا زعلانة منك إنت سويت غلط جذي وجذي ((( رجاءا بدوووووووووووووون صرررررررررررررررررراخ وطق وأسسلوبج المحطم للولد )

طبعا الكرسي أول مروة وثاني مرة مو فاهم شالموضوع وبيقوم وبيصارخ وبيأذيج أصري على موقفج ..

لمن يشوف السالفة جد راح يمشي على هالعقاب .. ويتغير ويبتعد عن الشغلات أللي ترفع ضغطج !!!

إتبعي هالطريقة شهر .. وشوفي التحسن في سلوك ولدج .

سبحان الله و بحمدهـ .. سبحان الله العظيم

بـآرك الله فـيـه
ويـعـطـيـك الـعـآفـيـه

جزاك الله خير

و فيك حبيبة قلبي , نورتِ الموضوع بتواجدك الطيب ,,

سبحان الله

جزاااج الله خير

راااائع جزيتي جنه ابديه ياعسل ^ـــــــــــــــــ^

و إياك حبيبة قلبي ,, نورتِ الموضوع بتواجدك الطيب ,

احترامي و تقديري

ترانيم القصيم

نورتِ يا قلبي ,, بارك الله فيك و جزاك بالخير ,

ما شاء الله عليه صووووووته و تلاوته روعه

يزاج الله خير حبيبتي

ســــــــــــــــــبحان الله
مشكورة اختى

جزاتس ربي الجنة ,, يا هلا و غلا ألفين مسهلااااااااااااا

جزاك الله خير

لماذا .. يكره الرجل دموع المرأه ؟؟ اعرفي السبب واحذري *_*

——————————————————————————–

** السلااااااااااام عليكم **
كيف الحااااااااال يا كويتات .. ندخل في الموضوع على طول <<<<

هنالك البعض من النساء يستخدمن دموعهن كسلاح امام الرجل ، ولكن هذا السلاح لا يجدي نفعا امام نوع مختلف من الرجال وهو الذي يكره دموع المرأة . وذلك للاسباب التالية :

– لان الرجل يتعب نفسيا لو اشعرته المراة بانه السبب في تعاستها ودموعها قد تكون دلالة علىذلك.

– الرجل يرى دموع المراة ضعف وسذاجة وخاصة في بعض المواقف التي يرى الرجل انها تحتاج الى حل ونقاش عقلي وليس دموع.

-الرجل يدرك ان دموع المراة سلاح لاضعافه وقد تكون قسوته ردة فعل لبداية احساسه بالضعف والرضوخ.

– الرجل يحب المراة الرقيقة والتي تنزل دموعها غزيرة أي بالمناسبات التي تحتم الدموع…وليس في كل وقت.

ثم انه لايحب الدموع المصحوبة بنوح وضعف بل يحب دموع الكبرياء والعزة او الرقة.

وبالتالي فان الرجل لايحب الدموع كثيرا وللنساء ، ان الزمن الصعب يتطلب امراة قوية يثق الرجل بقدرتها ولذا فالدموع لاتشعره بقوتها لمساندته

منقول

ميرسي عالنقل

حياج بالغلا

مشكوره يا حياتي

مع تحياتي ياحياتي

مزيونه وشقره

كلج ذوق شقرة ومزيزنه

مشكووووووووووورة حبيبتي منار عالنصيحة
يلا بنحاول نمسك روحنا شوي مع ان موبيدنا هالدمعة دالة طريجها بروحها من غير استاذان تنزل ههههههه

مشكورة

الريال ما يحب شي هههههههههههههههههههههههههههههههههه

مشكوووووووووووره عالنقل

هههههه مالفينيا

عجبني الموضوع معلومه يدييييده

شكرا لج

تسلم ايدج عالنقل وكلامج صح 100%

يعطيج العافيه على المعلووووووووووومه…ماكنت اعرفها

شكرا

مشكورة يا قلبي على الموضوع

واي يادمعتي صبري لاتنزلين لما اعطيج الضوء الاخضر

عاد انا ام ادميعة

بس صرت اشوة اشوي بس هم ام ادميعة

السلام عليكم بنااات
حبيت اسوووي تجمع للي اجهضت وطولت ماحملت
بنشوف شنو سبب اجهااضج
وجم المده اللي قعدتي فيه ماحملتي
وربي يعوضنااا
ناطره ردودكم نفيد ونستفيد والمشاركه للكل وربي يرزق الجميع

عن نفسي صارلي 3 شهور ومصار حمل ربي يرزقني
والسبب كنت حيل مطفوقه تااااخرت عني الدوره وطبعا ماكنت ادري حامل ماخليت
اعشاب ماشربت وجهدت روحي ومناقز ومطامر لوووووووول خخخخخخخخ
والحمدلله علي كل حال

انا حملت شهر سبعه واجهضت اخر رمضان بالشهر الثالث سويت تنظيفات لان الجنين مات داخل الرحم وكنت اخذ مثبتبات فما طاح بعدها رحت سويت تنظيفات وللحين ماحملت الف حمد على كل حال والسبب مافي سبب معين انا نفسي موعارفه ليش معنى حافظت على نفسي بس صج كنت امشي وايد مسافره شهر وما ادري اني كنت حامل وكله مشي بمشي بره وووووووووبس وربي يرزقنا يارب

عجبتني فكره التجمع عطونا من خبرتكم سبب تاخير الحمل بعد الاجهاض ؟

اب اب

أجهضت ثلاث مرات الاسباب يقولي شي من الغدة وشي من كتر التكيس وشي يقولولي اذا مانتظمت دوتك كويس راح تظلي تجهضي
هلأ راح أعمل كي مشان يروح التكيس لنشوف بلكي يصير حمل طبيعي
الله يرزقنا أجمعين

هلا والله ابوووووده …
الله يرزقج ويرزق كل محرووووومه …

خوش موضوع انا صارلي اكثر من سنتين اجهضت وبعدها ما حملت قالوا لي عندج خمول غدة علشان جذي اجهضت
بعدها عالجت خمول الغدة وهرمون الحليب و للحين ماصار عندي الحين ببدي اعالج مره ثانيه وشوف
الله يعوضنا ويرزقنا ويرزق كل محروم

الله يرزقنا بنات ان شالله

الله يرزقج حبيبتي
ودااامج حملتي ان شالله ربي بيعوضج
راجعي لاتقعدين

ماكو سبب حبيبتي كتبه ربي

حوبي كوتيه مذهله
اكيد شي مختاره رب العباد
بس انا قلت اشوف البنات اللي حملوا وجهضوا كم المده اللي قعدوا
ويوم يراجعون شنو السبب من تاخر الحمل بعد الاجهاااااض

ياحياتي يا ابووده

الله يفرح قلبج عاجل غير اجل يااااارب

ماعندي فكره حبيت ادعيلج

وربي يسرلج الخير يااارب

انا اجهضت شهر ثلاثة اللي طاف وللحين ماكوو شي عسي يرذقني ويرزقكم وماني عرفه شسبب للحين ماحملتتت ربي لاتذرني فرد وانت خيرررر الوارثين

الله يرزقكم بنات انا اذكر اجهضت وضليت سنتين بدون حمال مع انى اتعالج حبوب وابر بس سبحان الله اخرتها مليت وقررت تلقيح صناعي لان خلاص 6 سنوات كاااافي علاااج ….عند التلقيح اكتشفت الدكتوره ان عنق الرحم مسكر مره وحده ماكو شيء يدخله كللللللللللللللش سبحان الله وتفركشت سالفة التلقيح الصناعي وخسرت 300 دينار وتحولت لتوسعه عنق الرحم …..وسعت لي وسبحان الله نفس الشهر حملت ويبت احلى بنوته وبعدها صرت احمل طبيعي ماشاء الله وصججج ماكو احلي من الضنا الله لايحرمكم هالشعور يارب

مرحبا بنات شلونكم؟

انا باقي على عرسي يمكن 3 شهور
وقلت بعتني بشعري مع انه ما يطيح لكن خفيف
فشفت تاجره تبيع زيت ب20 دينار وقطعووه البنات بالمدح وشريته قسم بالله العظيم يابنات من 4 استخدام شعري يطيح بشكل مو طبيعي قلت حرام يمكن مو منها
واستخدمته ل7 مرات وشعري راااح انجنيت مابقى شي على عرسي وشعري صار خفيف بشكل واضح وفوق كل هذا يطيح حيل صرت اتضايق لا مشطته وكلمتهآ واخر شي رجعت لي اقل من نص المبلغ حسبي الله و نعم الوكيل

حبيت احذر البنات وماراح اذكر اسماء
لكن بقول الله يسامحها دهورتني قبل عرسي.

حسبي الله ونعم الوكيل فيها

عليج بالحنا

وزيت الجدايل من القرشي يمدحونه حيل سوي سيرج بقوقل وشوفي

الله يعينج
حبيبتي حيلك بالصبار الطبيعي والثوم والله رووعه وانا شخصيا جربتهم ونبت شعري الي طاح من جديد

مشكورات يابعد حيي
ماله اسم شريته من تاجره اهني تقول بأعشاب يمنيه ولعب بشعري لعب

روحي الجوثن وعن تجربه واخذي من عندهم امبولات هم اشوي غاليين بس بالنسبة لمفعولهم والله يستاهلون
انا عقب نفاسي شعري كله طاح ومن حطيت هالامبولات والله اشوف شعر صغير قاعد ينبت وايد وايد زينين

أحبج "
مشكوره ياقلبي ع النصيحه

انا داومت ع الحنه وزيت ام يعقوب والحمدلله خف التساقط
يااارب شعري يكثف

اب لعيونج

واااااااااااااااي اخترعت
حسبي الله على اللي مايخاف الله
مادري بس الحنه وايد زينه
سوي حناج بالبيت وروحي اي صالون يحطه لج مع بخار
وايد وايد وايد زين بالاسبوع مره وحده والله يوفقج ويعوضج يارب

الله يعوض عليج ياقلبي ويرد شعرج احسن من اول

اختي عليج بالسدر والحنة ولأ تستخدمين زيوت ماتعرفينها

والله يوفقج

يالله ما نقول الا حسبي الله ونعم الوكيل …

شوفي اختي مثل ما قالوا الاخوات عليك بالحنا والسدر وان شاء الله شعرك يطول ويكثر احسن من اول ..

ونصيحة مني استخدمي الاشياء الطبيعة وقبل استخدامها اقري عنها وبرضوة انتي سويها وريحي راسك …

تحياتي ,,,

مشكورات يابعد قلبي اسعدني مروركم

انا قعد اعالجه بالحنه واحط داخلها ملح عشان ما يتساقط

انا شعري حت من دون سبب يمكن لاني متوتره ووايد واحاتي شغلات وايد على فكره انا هم بنيه مثلج والمشكله منو راح يخطبني وحالي جذي لولقيتي حل عفيه طرشي لي عخاص

ان شاء الله ياقلبي

حسبي الله ونعم الوكيل الخلطات معروف موزينه استخدمي الخروع ترا وايد زين للتكثيف ودابر املا يطول ويعطي لمعه

بسم الله الرحمن الرحيم

السلام عليكم بنات ومتزوجات

حبيت اقولكم واشاركم قصة احد من معارفنا على لسانا قالتلي هالسالفه :

تقول كنت صغيره وانخطب على طوووووول واعجب اهل الريال واعجب الريال قبل الملجه يروحون مايردون ظلت على
هالحال فتره طويله ومسكينه تحبطت وتضايقت بعدها ما شاءالله يالها نصيبها الزين وصار عندها عيال اعترف لها ريلها
قالها انا كنت ادرس وكنت احبج وانتي ما تدرين كنت كل ماسمع انج انخطبتي ادعي ربي ان ما يصيرلج نصيب وانج
تكونين من نصيبي لين اتخرج واشتغل والحين صرتي من نصيبي .

سبجان الله بنات حبيت اضع لكم هالامر والقصه علشان لا نتحبط فعلا فعلا لا تتحبطون ان ماصار نصيب انا كنت لما
اوافق ويتكنسل بعدها بفتره بسيطه اسمع المصايب وحتى يطلقون اقول حمدالله اني ماخذته الله مع الايام يبين لج
ليش ما يصير نصيب .

ثقي تماما ان ماتزوجتي وزوجتي شخص تعرفينه راح تتزوجين من الحور العين اللي طول عمرج راح تفرحين وتكونين
اسعد الناس يوم القيامه ان شاءالله

بالتوفيق ويرزقكم الزوج الصالح ويهني المتزوجات

سبحان الله هذا النصيب محد يقدر يرده اللي الله كاتبه يصير ومشكوره عالقصه الحلوه

قصتج فيهااا عبر

مشكووره فديتج

مشكوره هالقصه عطتنا امل لوول

الله يرزق الجميع بالازواج الصالحين

مشكوره خيتو وجيتي بوقتك كثير اسمع مثل هاالسالفه
متى ماربي كتب النصيب جاء ويطق الباب

الزواج قسمة ونصيب(((قايله شي يديد يعني))

والله صج

كل وحده مكتوب تاخذ لها شخص معين بهالدنيا لو منوا تقابل

لو حق منو تنخط مصيرها تاخذ نصيبها بسسسس

والله يجعل نصيبنا من النصيب السنع يارب

سبحان الله هذا الي الله يكتبه وكلن ياخذ نصيبه

اي صح …محد يأخذ الا نصيبه
وعسى الله يكتب للبنات المنتدى العزابيات النصيب الزين قولوا امين ………….

مشكوورة حبيبتي على القصة ^^

والله يرزقنا بالازواج الصالحين ان شالله ~

يعطيييييييييييييج العافيه القصه واااااااااااااايد حلوه وتعطي امل لانه فعلا كلامج صحيح وربي له حكمه بكل شي

مشكووووووووووره حبيبتي على القصه
والله يعوضنا خير

يزاج الله خير حبيبتي على هالموضوع الحلو

يعنيي تعتقدون في واحد قاعد يدعي علي الحيييين؟؟
لووووووووول

هذا النصيب مكتوب على الجبين لو طال الزمن والا قصر

كلن تاخذ نصيبها من الدنياا

مشكورين على المرور المميز والجميل !!

حياك مالله والله يوفقكم يارب

السلام عليكم أول مره أكتب موضوع أول مره أحس إني موعارفه أفكر
ولاعارفه شنو أكتب أحس إني ضايعه المهم أنا عمري 35 ورفيجتي اللي من عمر من فتره كلمتني عن أخوها وهذي
رفيجتي أتهبل حبيبه وعرف أخلاقها المهم المشكله شنو إنه أخوها مطلق وعمره تقريبا 53 وعنده 5 عيال بس عند أمهم ومطلقها طلقه بائنه يعني مافي رجعه كلش وريال ماديا وأخلاقيا ممتاز بس عيبه عمره وأنه منفصل وأنا قتلها إنه أخاف أخذه وباجر مرته تقط عياله عليه وأنا ماني ملزومه فيهم بصراحه قالت مستحيل لكن فرضا لوصار ماراح يسكنهم عندج راح يحطلهم بيت وأهوه قايل لوصار هالشي أنا كل اللي يتقدمولي ياأكبر ياأصغر وأنا قلت لأمي وقالت شتبين فيه شايب قتلها يمه أنا صح شكلي صغير لكن العمر قاعد يمشي وأخاف أرفض محد أي بعدها قالت فكري وأستخيري أحس مخي مقفل مادري يعني بصراحه ماحس هذا طموحي أهوه ك عايله جدا مناسب لي ولد عايله وماديه نفس مستواي لكن عيبه اللي ذكرتهم مادري شسوي وع فكره أهوه شافني عندها وحيل عاجبته أساسا يحمد ربه هههههه كامله بسم الله علي
وأنا لي الحين ماستشرت خواني ولاأحد غير أمي بنات عفيه أبي نصيحه من القلب لاني صج محتااااره ومشكوررررين مقدما
إن شاءالله أحد يعبرني ويرد علي

والله مادري شقولك انتي توج صغيره وهذا كبير حيل يعني يمكن يجي لج واحد احسن

نفس تفكيري أنا بعد جذي أقول يعني لوأصغر سبحان الله كثر ماقول ويع مابي شايب هههههه أستغفرالله إن شاءالله ربي يكتب الخيره مشكوره حياتي وأتمني باجي البنات يعطوني أرائهم بعد

حبيبتي انتي صلي استخاره والله كريم بس ﻻتتسرعين هذا شخص مطلق عقب 5 يهال وطلقه برون رجعه على قولتج يعني بدون زعل احسه مايهمه شيء ﻻعيال وﻻ مره اذا طقت براسه وماعجبه تصرف منج قضبج الباب اسفه يمكن هو موجذي بس انا بحكم عمره وعدد اعياله حسيت بهذا الشيء يعني اللي بعمره الحين يزوج اولده وبنته مو يطلق ويتزوج لو كان 43 &#55357;&#56838; قلت لج ميخالف

اتمنى ماتزعلين من كلامي انا ﻻني اعرفج وﻻ شيء بس النصيحه بلاش وان شاء الله اللي ربج كاتبه يصير

حبيبتي أهوه طول ع ماياله عيال كانت تعالج مرته ف الحين أكبر ولد عنده 13 وأنا مومعتمده ع كرام رفيجتي ولاع كلامه أهوه بس أنا وياها من عمر وقتها كنت أشوف سبب المشاكل كانت من مرته عوبه وله أهوه كان مدللها بس أهيا كانت يعني مسببتلهم مشاكل وأهوه حيل مدلل عياله الحق ينقال مومقصر فيهم بس أنا أحس من داخل مومقتنعه يعني عرفتي الإحساس اللي ماتدرين شنو لما أتذكر عمره يضيق خلقي وعنده عيال أقول موناقصني شي شلي حادني والله مادري بستخير وربي يكتب الخير مشكوره حبيبتي ع النصيحه ومازعل أنا بالعكس أبي رأي صريح واضح

حبيبتي اولا الله يكتب لج الخيره
انتي ماشالله ع كلامج حلوه ومو مبين عليج ليش مستعيله دام السالفه فيها تردد بلاش من هالزواج وبعدين يقلبي فرق ٢٠ سنه مو شوي احس حتى فارق التفكير بينج وبينه يختلف وان الله رزقج يهال متى يلحق يكبرهم ع العموم صلي استخاره وشوفي ربج شنو بيكتب لج

انا اقول اخذيه انتي ٣٥عمرج علي الاقل تقدرين تييبين لج عيال ينفعونج اذا كبرتي
اذا نتطرتي راح اقل فرصتج للحمال هذا رايي

مو عيب عمره 50 بس شوفي تصرفاته و اسلوب حياته اذا راح يعيشج حياة شياب مانصحج بالشي هذا

استخيري و فكري حطي السلبيات والايجابيات استشيري القراب منج اللي يعرفون اطباعج الله يكتب اللي فيه الخير

ما ادري والله أحسه كبير عليج !!!
بس انتي استخيري وربي يختار لج الافضل

السلام عليكم حبيبتي
و الله ياما شياب احلى من الشباب بألف مرررره و اكشخ
اذا محافظ ع شكله و نظيف و انيق و مثقف ليش لا
احسن ما تطيحين لج بياهل جمبازي عيونه اتلاقط ع الحريم
جيل طنى ورور ما وراهم الا الغثا اسأليني
رياييل قبل واااايد ابرك و يحسون بالمسؤوليه
و هذا كبير يعني ما وراه بعد لا مغازل و لا بطيييخ
يبي القاع البارده

انتي شوفيه
دينه و اخلاقه و ثقافته و انفتاحه
صحته زينه ما فيه امراض لا قدر الله
حطي له شروطج : بيت منفصل و مصرف سنع يدلعج فيه
و استخيري مره و مرتين و عشرين مره قد ما تقدرين

و عسى ربي يوفقج ♡

أنا بعد جذي أفكر وبستخير والله يكتب الخيره مشكوره حبي

والله مادري أحيانا جذي أفكر وأحيانا أقول يمكن في الافضل والله يكتب الخيره مشكوره حبيبتي

أهوه شكله وتصرفاته موشايب يحب الحياه بس انا أقول إذا الله عطانا عمر بعد چم سنه يعني أحس خلاص ماله خلق وأنا بكون توني لاني أشوف جم وحده أعرفها متناصفه الاربعين لي الحين تبي الحياه والوناسه ف وقتها بيكون بالستين ماله خلق جذي أفكر الله يختار الخيره مشكوره حبيبتي

أنتي نفس تفكير أمي وإن شاءالله بستخير والله يسهل مشكوره حبيبة قلبي

شوفي أهوه شكليا مومبين عليه كبير ومن ناحية الثقافه جامعي ومكمل ماستر وبياخذ الدكتوراه أهوه أعتقد جنه أخته قالتلي عقيد بس متقاعد وشفني نظام يحب السفرات والوناسه ونظامه يدلع حده ومرتاح ماديا بس أنا الحمدالله هم مرتاحه ماديا وبيت أهلي مرتاحه لوأنطر يمكن أي الافضل وساعات أقول هذا أفضل من صغير يمكن يلوع جبدي بغثاه وخيانات بس بستخير وبدعي والله يكتب الخيره مشكوره حبي