الوسم: الخارج

مبرووووووووك حبيبتي على الموافقه وما تدرين يمكن تكون بالديره خيره لج لا تتشائمين وايد بنات عادوها مره ومترين وثلاث

والخطوات اللي هني نفسها هناااااااااااااك

استخيري حبيبتي واا حسيتي نفسج مو مرتاحه راجعيهم اذا في امكانيه يغيرون لكم جهة العلاج

كلش ما عندي فكره عن هالموضووووووووع

بس حبيت ادعيلج ان ربي يرزقج ويفرح قلبج ولا يخيب مسعااااااااااااج ياااااااااااااااااااااارب

مشكوووووووره حبيبتي على مرورج……………بس انا سبق وسويتها بالكويت…..الحين نبي نسويها برا……………

والمشكله احنا قلنالهم مانبي اهنيه بالكويت…………الله المستعان………….

والله ما عندي خبره بس حبيت ادعي لج ان الله يرزقج ان شالله الذرية الصالحه سواء بالكويت وله بره الكويت

الف مبروووك ميخالف حبوبه حمدي ربج غيرج يتمنى حتى لو علاج بالكويت
وان شاء الله خيره لج هالشي

حبيت بس ادش ادعيلج

عسى الله يرزقج بالحمل السليم والذرية الصالحة

والله ياعمرى ما ادرى 000

اسالى وروحى للعلاج بالخارج وجربى اعتقد اعتقد انهم يغيرون القرار والله اعلم بس اعتقد بيخلونج بدولة عربية مثل الاردن او مصر

لا تسكتين روحى وناقشيهم حتى لو تدشين على الكيل او المدير المهم كلميهم

وان شاء الله نسمع الاخبار اللى تطمن اللهم امين يارب

وعسى الله يرزقج ويرزقنى ويرزق كل محروم ومحرومه منهم وكل من يتمناهم منوة امين يارب

الله كريم………………وجزاكم الله خير…………..

اول شي الف مبرووووك

احنا صارت معانا بس شوي غير
وافقوا على الاردن
بس رحنا غيرنا لامريكا والحمدالله وافقوا
لان مشكلة زوجي صعبه ومتوفر علاجه بامريكا والله اعلم

انتي استخيري يمكن تكون خيره لج
والله يووفقج ياارب ويرزقج

حبيبتي والله كنت احاتيج لا يكون رفضوج بس الحمدلله انهم وافقوا
ويوم الاحد روحوا اسألوا شلون اذا بتغيرون الدوله ؟
بس ترا هم فيه لجنه ثانيه علشان يوافقون على تغيير الدوله الله يعين

احنا كلمنا عسكر وقال يوم الأحد اردلكم خبر……………بس قال لنا ترى وقفوا العلاج بالدول الأوروبيه……………

ومافيه إلا السعوديه ومصر والأردن……………………وزوجي يقول إذا خيرونا بختار السعوديه…..بمركز سليمان الحبيب بالرياض…….

اي صح انا قريت بالجريده انهم خلاص بيوقفون العلاج لدول اوربا بس للحين ماأكدوا

ليش ماتروحون الاردن
ترا حيل زينه وشطار ماشاءالله

والله ياغزل انا ابي الأردن…………..بس زوجي يقول ابي السعوديه…….ربعه مأثرين عليه…مادحين له السعودبه…………

نعومه انا اكثر وحده اعرف تخبيصهم.. العلاج بالخارج..
اسمعيني سنو بقول

تزوحين طال عمرج انتي وزوجج وعسكر عند الوكيل وتقولين للوكيل حرفيا انا بروح برا.. وقولي انا راسلت مستشفيات برا
مثلا لندن او بلجيكا او امريكا او حتى الاردن عن طريق النت.. وقالواا لي فيه علاج متوفر حق نفس حالتج.. فلا تحرموني هالفرصه..
لا تعتمدين على اللجنه ترى اخوااااره.

السلام عليكم ورحمة الله وبركاته

انا عضوه جديده معاكم اتمنى انكم تتقبلوني واكون ضيفه خفيفه على قلوبكم

انا متواجده حاليا في بلجيكا لعلاج العقم

طبعا المدة الي عطونا اياها للعلاج هي شهرين وانمدد عليها شهرين يعني اربع شهور وفي حالات يمددونلهم بس شهر يعني مدة علاجهم ثلاث شهور وفي ناس يمددونلهم اسبوعين فقط على حسب آراء أطباء اللجنه.

اللي شفناه من الحالات اللي صادفتهم وحالتنا انا وزوجي ان مدة العلاج غير كافيه ابد وبذكر لكم الاسباب

اول شي3 اسابيع بالبدايه راحت بس علشان نتيجة التحاليل

ثاني شي في علاجات يعطونا اياها احيانا اتطول لمدة شهرين قبل لا نبدي المحاوله وفي حالات مثلا اللي هرموناتهم متلخبطه يروح عليهم شهر أو شهرين الى ان يبدون المحاوله الأولى

يعني بعد هالسفر والتعب والعنوه اللي تعنيناها علشان نحصل على العلاج بالخارج ما راح نقدر انسوي الا محاولتين حقن مجهري وان كثر ثلاث محاولات و في ناس بس محاوله وحده ومثل مانتو عارفين علاج العقم يحتاج فتره طويله وتكرار محاولات الى ان يحصل الحمل

والمده اللي عطونا اياها قليله وما تكفي

ليش ما يرجعون القانون السابق اللي اهو ( مدة علاج العقم بالخارج 6 شهور واللي يحتاج تمديد يمدد ) هالقانون نصف مرضى العقم وماشاءالله اشكثر ناس حصلهم حمل بالسابق مع تكرار المحاولات

لأن مثل مانتو عارفين يا بنات كلما تكررت المحاولات تزيد نسبة النجاح

والا اشرايكم؟

عدل كلامج المده وايد قصيره
عسا ربي يسهل عليكم اموركم ويرزقكم ولا يخسر تعبكم اللهم أمين
وترجعين وانتي حامل يارب

صدقتي يا اختي وجزاج الله خير

حسبي الله ونعم الوكيل على كل من سعى في تغيير القرار القديم

انا عن نفسي في لندن ورجعولي قبل انتهاء تمديدي ب5 ايام ولمرة واحدة فقط والسبب في التأخير نتيجة التحليل اللي اخذت على ما اطلعت النتيجة 7 اسابيع وغير هذا طول فترة العلاج
ورفيجتي المسكينة 4 شهور واهي بس تعدل هرموناتها الملخبطة ولما ما بقى شي ويبتدون معاها العلاج الا ويخلص التمديد

ظلم في ظلم لكن الله يمهل ولا يهمل

فعلا المدة مو كافيه
وحسبي الله ونعم الوكيل على اللي ظلمنا

اي والله ظلمونا

حسبي الله ونعم الوكيل والله يعينا.

رفع

ياناس تكفون كلمو الوزراة والله موكافي حرام عليكم اللي محرومه من سنوات من الطفل تكفون حاولوا وصلوا صوتكم للاعضاء وللجرايد
الحمدلله سافرنا بس علاج موكافي يارب ساعدنا

الله المستعان

للرفع

والله امستعان

يا بنات انا حبيت انصحكم قبل لا تسافرون حق العلاج بالخارج انكم تفتحون حساب بعملة الديرة الي بتروحولها من الكويت قبل لا تسفرون اب فترة عشان يمديكم تستلمون الكرت و اذا تبون تفتحون حساب مشترك بينج و بين زوجك او شخصي علا راحتكم بس الفايدة منها انكم لما تستلمون فلوسكم من المكتب الصحي مو امان اتخلون المبلغ معاكم و اتمشون فيه و بعد احسن لكم بدال ماتشيلون كاش معاكم تستخدمون ال كي نت اي مكان بدون عمولة لانه بعملة الديرة فينخصم على طول من نفس العملة و دفع ايجار الشقق وايد احسن تقدرين تحويل اون لاين شذي ترتاحين من وايد اشياء السوق ماتشيل معاش كاش و امان اكثر و خاصة الدول لها قانون و شروط و موافقة بفتح الحساب و صعب تفتحين من هذي الدول يعني الي صار معانا واحد طلب ايداع 50000 الف ضمان و واحد قال تاخذ موافقة 10 ايام و كل شىء عليه عمولة ، و بعد احسن لكم تفتحون الحساب من الكويت عشان اول ماتردون بالسلامة مع الذرية الصالحة امين تقدرون اتصكونا على راحاتكم ما توهقون اب شروطهم هناك. و لما تفتحونة من الكويت من البنك الى تختارونة استفسروا اكثر عن الصلاحيات و الاستخدام وانشاالله اوضحت الصورة معاكم و استفتدوا

مشكورة اختي
ماقصرتي عسى ربي ينولج الي فبالج

جزاج الله خير

ياعمري جزاك الله الخير الكثير والذريه الصالحه هاذي معلومه مهمه حق الي بسافرون وتنفعهم وأنا منهم بس الله يوفقج من وين بالضبط نفتح حساب شلون الطريقه أنا بسافر لبلجيكا قريب وشاكرتلج جدا

مشكوووووووووووورة ياقلبي
انزين ياليت تقولين لنا من وين نفتح حسااب؟؟
وان ان شاء الله بسافر امريكا بعد شهرين ونص تقريبا
يعني افتح من الحين والا متى ؟؟

بس انا اللي سمعته ان في مكتب بالمستشفى مال العلاقات العامه يقولون روحي فتحي حساب بالمكان الغلاني

فجر العيد انا فتحت حساب من بنك الوطني عندهم حساب العملات و أضن انا بلجيكا عملتها يورو فتقدرين تفتحين حساب عندهم اذا تبين و بعد 4 او 5 ايام تستلمين الكرت تقدرين اتراجعينهم و تستفسرين اكثر و اموفقة اتشاءالله

ام جسوم انا فتحت الحساب في بنك الوطني لا ما انصحك تفتحين من الحين الا اذا كان سعر الدولار زين حق الصرف استغلي سعر الدولار للصرف مدام جدامك شهرين لان لازم يكون في الحساب مبلغ تقريبا 200 دينار ما ينزل عنها فانتي شوفي متى اليوم الزين و فتحي الحساب و خاصة في امريكا بعد في فرع بنك الوطني هذا شيء مهم نسيت اضيفه عشان تقدرين اتسوين ايداع من هناك لما تستلمين المبلغ من المكتب الصحي و تقدرين بعد قبل لا تسفرين تحطين المبلغ الي تبينا في هل الحساب و هناك على طول يصير الصرف بالدولار يعني ما يصير وياك كل يوم فرق العملة و عمولة لما تستخدمين البطاقة

غزل انا في لندن و محد قال لنا نقدر نفتح حساب من وين بس قالوا روحوا استلموا الفلوس من البنك الفلاني و البنك يعطيك المبلغ كاش و رحنا بنفتح من الوطني من لندن صارت السالفة طويلة و رحنا الاهلي قال لازم مبلغ كبير ايداع بالحساب عشان كذا فتحتا اون لاين

بنات حبيت اضيف شيء بعد اذا اخترتوا البنك الي بتفتحون في الحساب من الكويت استفسروا منها اذا تقدرون اتسوون ايداع من بنك ثاني مو نفس البنك يعني بنك اجنبي لان احتمال البلد الي تروحون له مافي فرع حق هذا البنك هذا شيء مهم تأكدوا منه قبل كل شيء و اشلون بتصير الطريقة و اذا في عمولة و كم

ياعمري تسلمين وماقصرتي فديتج بروح أسأل عن الطريقه
بس الوطني اللي له فرع هناك؟؟؟

حبيبتي فجر انتي لمن تروحين بنك الوطني سأليهم وين فروعكم برة الكويت و شوفي قريب منك أو لأ و تقدرين اتسوين مع أي بنك نفس الشيء سألي وين أفرعكم برة الكويت بس انا عن نفسي ليش تعامل الوطني وايد امريحني داخل و برة الكويت حتى لما اشتري بالفيسا أو ال كي نت وايد سعر الصرف زين معاهم و ال اون لاين مالهم وايد زين معاي اموفقة انشاءالله

السلام عليكم

حبيباتي احنا في امريكا اول ماوصلنا قالولنا لازم نفتح حساب في البنك لآنه السفارة تحول المخصصات دايركت على البنك مانستلم شي بالايد

والي تعاملنا معاهم بنكين :

1- Chase
2- Bank of Amireca

تفتحين في اي واحد منهم حساب مشترك لج ولزوجج او كل واحد فيكم حساب خاص

والمكتب إلي بالمستشفى راح يطرش ارقام الحسابات بالفاكس للسفاره عشان يحولون المخصصات على الحسابات دايركت

مشكوووووووووووووورة حياتي ام حسيييييين ماقصرتي
زين انج قلتيلينا

العفو حبيبتي ام جسووم

وسامحوني كان لازم اعطيكم عالمعلومه من قبل بس والله مايت على بالي الله يعافي بطوطه ذكرتني

شلونكم بنات …انا كاتبة مشكلتي اكثر من مره و اكثر من موضوع مشكلة زوجي نادرة و لما عالجنا عند اكثر من دكتور بالكويت كانو يدقون على دكاترة بره و يشاورونهم لان ما شافو نفس حالته و كلهم قالو لنا راح نساعدكم باللي نقدر عليه بس نفضل تسافرون بره فرصكم راح تكون احسن و هذا الشي بيد رب العالمين …
زوجي يرفض العلاج بالخارج بله انا شسوي صار لي اكثر من 10 سنين و انا صابره و السبب منه مو حرام عليه يظلمني انا شاريته و حابته بس مو بكيفه يختار هالقرار و هو مو محتاج ماشالله معاشه يكيفينا بره و ما علينا اقساط و لا قروض شناطر انا والله كل يوم احتر و ابجي مو حرام كل مره اسوي عملية طفل انبوب اهني قاعده اضيع بويضاتي على الفاضي تدرون كثرة العمليات هذي تخلي البويضات تخلص و العادة تقطع مبجر و نصير عيايز بسرعة على الاقل استفيد من الوقت و اجرب بره كل مره اسوي عملية ياخذون مني 17 بويضه و حيل قط لأن ما يقدرون يخزنونهم خو هو شعليه ماياخذ و لا جرب العلاج و الابر لا و دوام و تحويل قانونية و مجلس طبي و فوق هذا مفضوحين ماكو احد من العايلة ما يسال عني شنو صار و ما صار مو لما اسافر شويه خصوصيه اكثر و الدوام اجازة للعلاج تصير بمرتب و اله يسهل كل يوم اكلمه و ادعي الله يهداه

الله يهدي ريلج ان شاءالله ويهدي ريلي نفس حالت ريلج ماأدري ليش مايبون يسافرون الله يعينج حبيبتي ويكتب لج كل الخير وداومي على صلاتج وادعي ان يهدي ريلج ويفج همج يااااااااااااااارب

الله يعينج وضعج جدا صعب بس ابيج تعرفين انه ماكو شي صعب على رب العالمين ادعي والتزمي آداب الدعاء في الثلث الاخير من كل ليله خلي هذا الوقت مثل الموعد بينج وبين ربج وادعي بكل ثقه ان الله بهديه وبيرزقج وايسر لج اللي فيه الخير سواء برا والا بالكويت وروحي عمره وادعي اكثر واكثر وحاولي تفاتحينه بالموضوع هناك يمكن ربج يستجيب دعوتج ويهديه ان كان في الامر خيره لكم وتحصني زين

الله يصبرج اختي ويآجرج ويرزقج الذريه الصالحه ويهدي ريلج .. وصدقيني اختي لما رب العالمين يكتبلج تحملين بالكويت بتحملين واذا الله كاتب لج الحمل برا بدون ماتطلبين من ريلج اهو راح يقولج بنسافر للعلاج .. بس طلبي من الله الصبر والثبات والله كريم

لا مايصير هذا القرار يتخذه من نفسه…هذا الشي متعلق فيكم انتو الاثنين …ولازم يقدر ان العيب منه وانتي ضحيتي عشانه طووول هالسنين….لازم يضحي اهو بعد…..لازم تقعدين معاه واتفهمينه الموضوع عدل…الله يهديه لج ويسخره ويرزقكم الذرية الصالحة

وبالنسبة للبويضات لا تخافين …التنشيط مايخلصها …انا سألت الدكتورة وقتلها اخاف اتخلص بويضاتي من كثر التنشيط…اشرحتلي السالفة عدل ..اتقول ان الجسم كل شهر يفرز بويضاااات وايد وبويضة وحده منهم تنضج وتكبر وباقي البويضات يضمرون وينزلون مع الدورة…يعني المنشطات فايدتها انها اتكبر البويضات الي اهي بالاساس موجودة ….

اتمنى اوضحت الصورة

انا قتلج هالشي عشان ماتحاتين ولا تخافين على بويضاتج لانج نفسي كنت واااااايد احاتي هالنقطة

الله يهديه ياارب

الله يسوي اللي فيه الخير والصلاح ويهديه يارب العالمين
ويارب ماتحتاجي العلاج بالخارج أن شاء الله

الله يهديه

مالج غير الدعاء

السلام عليكم و رحمة الله و بركاته

انا راح اختصر علاخر ابي احد يفيدني مو عارفه اسال منو ؟
انا حاليا مسافره امريكا عندي عملية طفل انبوب و احنا نتبع المكتب الصحي اللي بلندن
قالو حق زوجي بس تطلع نتيجة العملية سواء نجحت او لا
يعني اذا حملت او ما حملت لازم ترجعون لان راح نوقف اجازتكم للعلاج عندكم يومين من تاريخ النتيجه
بنات اللي تقدر تتاكد لي من الموضوع ترد علي
انشالله اذا في حمل مو معقولة بجازف انا ناطرة صارلي اكثر من عشر سنين و مالي الا هالفرصه اضيعها على قراراتهم اللي كل يوم تتغير
لا تقولون لي اخذي اجازة ماعندي رصيد و ما اقدر اخذ بدون مرتب محتاجتهم حق مصاريفي الحين
عمليتي ليلحين تو الناس عليها بس ابي اتاكد من القرار عشان اتصرف

شنو هذا القرار البايخ حسبي الله ونعم الوكيل فيهم

حبيبتي الله يوفقج ويكتبلج الي فيه الخير انشاء الله
انا ما عندي فكرة بس الخوات انشاء الله بيساعدونج

لازم تسالين العلاج بالخارج من الحين قبل ما تسافرين
وانا والله ماعندى اى فكرة
الله يرزقج ويوفقج
احنا الله يساعدنا حدهم كاشتين فيننا مو اوادم احنا ولا شنو ولا مالنا رب حالنا حال الناس نتعالج يعنى؟استغفرالله الله يساعدنا بس يا قلبى الله يوفقج ويرزقج وطمننينا عنج دايما

مرحبا بنات عطوني رايكم بالايميل اللي دزيته بعنوان: باسمي وباسم بنات الكويت المتضررات
عطوني رايكم بالكلام اللي كتبته

السلام عليكم ورحمة الله وبركاته

أستاذي الفاضل صاحب القلم الصادق فؤاد الهاشم لا شك بأنك على علم ودراية بقرار الصحة الظالم بشأن إلغاء مخصصات العلاج بالخارج بالنسبة لمرضى العقم هل من العدل والإنصاف صدور هذا القرار بحق أناس لا تستطيع الوزارة علاجها داخل الدولة لعدم توفر الامكانيات الخاصة للعلاج علما بأنه ليس باستطاعتنا تحمل تكاليف التذاكر والمصاريف الخاصة بالسكن على نفتنا الخاصة واقتصارها على تكاليف العلاج فقط

وكلنا أمل بتوصيل صوتنا للمسؤولين بقلمك الصادق

وجزاك الله عنا خيرا

جزاااااااااااااااااك الله خير

صدقيني ماكو فايده دايما ادزله ايميلات بخصوص العلاج بالخارج والعقم ويحولها على صفحة اظن اسمها الوطن والمواطنون

ولا حيااااااااااااة لمن تناااااااااااادي

اختي أغصان سواء كتبها بزاويته أو لا المهم انها تنكتب بالجريدة وما عليه لا تيأسين واحنا نسوي اللي علينا والباجي على رب العالمين

اسعى يا عبدي وانا اسعى معاك
وانشالله نسمع أخبار طيبة وللحين الدنيا في خير

خل نجذب التفائل والله يا بنات الشيء يجذب الشيء نفسة

انتو ما قريتو كتاب the secret ؟

خل نحط في بالنا ان القرار راح يتغير لصالحنا وخل نشغل المخ بالهالفكرة وصدقوني اعمل خير تلقى خير
قولوا راح يتعدل القرار يتعدل باذن الله أصروا انه يتعدل حطوه في بالكم على طول

بالهم وعطهم على قد فالهم

الله كريم

مع ان اعمك اصمخ بس يالله ان شاء الله يسوون شي ويطورون مستشفياتنا ويخلون دهنا في مكبتنا

وينكم يا بنات شكلكم صار عندكم فتور

وين التفاعل

ينات والله مادرى بس معقولة الهاشم بيسوى شى لنا 0000 لو بيسوى شى جان من اول ما نزل القرار مو اللحين ناطر لين نشتكى علشان بيسوى لنا شى والله ما اعتقد 000
اما بالنسبة لخالد عبدالجليل انا كلمت اليوم معدة البرنامج وقلت انه بيعرض مشكلتنا بجزء من برنامجه ( يعنى يا بنات البرنامج مو كله لنا ولمشكلتنا ) وهم قالت لى انه بيحطنا باكثر من حلقه والله كريم وانا بصراحه شخصيا عطيتها اسمى ورقم تلفونى لانها تقول كل مازادت نسبة المتضررات زادت الفرص بانهم يغيرون القراروالله كريم شوفى عاد متى وشلون بيغيرون هالقرار الظالم 000
وغير هذا قرارهم اللى قصوا علينا اليوم وبشرونا فيه ترى لحس مخ يعنى بس سوالف الظاهر علشان فى انتخابات
اما بالنسبة للبراك توه يتذكر انه فى ناس انظلمت من قرار وزير الصحه 000 توه بدا يقول ويقول ايييه ايييييييه الله كريم 0000 الظاهر هالمرشحين والوزارء حسبالهم بنثق فيهم مرة ثانية

مس جاندوفلي / فعلا جــــزاك الله كــــــــل خيروالله يحفظك ويسعد ايــــــامك علي ها البــــادره الطيبه والله انا كلمت
مـاجد النعمه في جريده القبس وكان جدا جدا متعاطف معانا. ولو كلنــــــا جيشنا طاقتنا وتكلمنا بالصحف والقنوات الفضائيه لأثرنا علي القرار وصدقيني ان الضغط راح يعيد النظر في مشكلتنا لا احد يعتمد علي احد كلنا بالهواء سواء كل من صوب
الله يوفق الجميع…..

اختى الغالية شجرة الدر 000 اول شى يعطيج الف الف عافية

اختى ولا امرعليج اذا تعطينى رقم ماجد النعمه علشان اكلمه عن موضوع العلاج بالخارج 000 لانه كل ما كثرت الاصواتانحلت اسرع انشاء الله 000 وتسلمين يالغالية مقدما

بنات اللة اعافيكم شنو اجراءات العلاج بالخارج وشكثر اطول

هلا عزيزتي.. عطيني اي بلد وان شاء الله اقدر افيدج بس اذا بغيتي اي معلومه عن العلاج في تايلند انا حاضره ..

شلونكم بنات ابي مساعدة الله يعافيكم اللي عندها فكرة تساعدني

انا الحين بالخارج من اول السنة مع ولدي في رحلة علاج يعني مرافقة مريض وان شاء الله برجع اخر شهر خمسة بس مالي مزاج اداوم لان السنة تقريبا خلصت وغير ذلك ابي ارتاح مع ولدي شوي واهتم فيه

سؤالي شنو نوع الاجازة اللي اقدر اخذها لنهاية السنة ؟

وهل راح يطلبون مني مباشرة عمل ؟ واذا ماابي اباشر العمل عادي لان مزاجي متعكر عقب هذي الغربة تسع شهور فابي ارتاح شوي لاحقة على الشقا وعوار الراس

يلا بنات همتكم لاتنطشون

:شدعوة سبع مشاهدات ولا احد عبرني
زين نبي بس نصيحة شسوي اكيد مارة عليكم مثل حالتي
انتو ولا احد من رفيجاتكم شدعوووووووة

يلا منو المزيونة الحبيبة اللي بتجاوبني

اخذيها اجازه خاصه تنخصم من الراتب
جذي ترتاحين و اجازتج شرعيه و رسميه
و الف الحمدالله على سلامتكم

بعد قلبي مشكورة على المشاركة يا ديفا

اجازة خاصة هذا الموجود

اخذي اجازه خاصه
وله داومي و اخذي مرضيات

مشكورة امة2006

مشكورة قوطي نيدو على المشاركة

السلام عليكم حبايبي بليييييز ساعدوني
بخاطري اكسر الرهبة بالمحادثة بالانجليزي وهذا الموضوع افكر فية سنين
آنا الحمدلله زينه بالانجليزي سواء فهم او قواعد واموت عليه بس مشكتي العويصه اني مااقدر او بالاصح اخاف اغلط وآنا اتحجى-مابي بالكويت ادرس ودي اروح برة اللي عندها خبرة ياريت تجاوبني عالتالي:
1-اي افضل آخذ لغة بامريكا او لندن والسبب.
2-كم تقريبا تكلفة الدراسة.
3-كم احتاج مده للاتقان.
4-آنا موظفة شلون آخذ اجازة للغة
تكفووووووووووون اللي تعرف لاتبخل علي واللي ماتعرف ترفع الموضوع خايفة زوجي يغير رايه اهو كل يوم براي يزاااكم الله الف خير

بلييييييييييييز بنات

*

*

*

بيلللللز بنات كل وحدة تعرف جامعة زينة للبنات الي مايقدرون يدرسون

بالخارج سواء كانت انتساب او منازل او اي جامعة وبلييز

تذكر الاسعار واذا فيجامعات رخيصة تكتب لان بعض البنات الي

مثلي مصاريفهم واايد ومايقدرون على الجامعا

الغالية ياريت تحطون موسوعة لنا عشااان الكل يستفي

ياريت وانا اول وحدة معاج

للرفع

و انا بعد وياكم

انا سمعت ان في اقصاد حق جامعة الخليج وسمعت بعد ان فية قرض اسمة قرض الطالب للي مايقدر يدفع يحاسبونة اذا توظف وطول فترة الدراسة مايحاسبونة
والجامعة المفتوحة زينة
وسمعت في مكتب بالكويت يمتحن الطلبة بالانترنت بجامعة بالهند راح استفسر من الي قالتلي واقولكم عنة انشاللة
وسمعت في بنفس الطريقة جامعت مصر

انا بعد وياكم

مافي شي اسمة انتساب كللللللللللللللللللش لا بالكويت ولا برة الكويت انا توني رايحة التعليم العالي وسالة لازم الحضور .. بس برة الكويت ومصر تقدرين تظبطينهم انج تقدمين الامتحانات وقت الامتحانات بس والحظور والغياب يظبطونج اهمة يعني تروحين بس 20 او شهر تقدمين الامتحان وترجعين .. وهذا نص الكويتين قاعد يسونها ترا واولهم ولد عمي ولد خالي

اي حبيبتي ماكو شي عيني عينك مثل الجامعة الخليجية نداوم 4 ايام بالشهر و بالشهادة يكتبون لنا ان احنا داومنا الصبح عادي يومي

صح شخباري انتساب انا ولد خالتي بالهند بس لازم يساااافر عاد شوديكم الهند لوووووووول

ماااااااااااااكو شغل

اقعد ادرس مع بابو و راجو و لا يتفلسف علي كوني بديرته فيني خير ابطل حلجي

هذا اللي ناقص بعد

اي وانا شقلت منو قال راجو او بابو.؟؟ بس عاد تدرون ولد خالتي يقول بالطياره كانو معانا 2 كويتيات او قالوله خلك معانا اهم بنفس الجامعه مسافرين بروحهم امبي اي شي كل شي في سبيل العلم لوووووووووووول
او على قولة موت الحمر بابو او راجو معاملتهم حق الكويتين هناك نزر مثل ما قاعدين ينزرون فيهم هني الكويتين عشنا وشفناعشان جذي الوحده تكمل هني ماكو غير المفتوحه سهالات

صح المفتوحة يقولون سهالات وما تكلف وايد ارخص جامعة بالكويت
واذا تبون هالايام هابين بالفلبين
الكورس الاول تدفعين حق المكتب عشان يسجلج ويصدق لج 600 دينار
وكل كورس تدفعين 120-180 دينار للتسجيل
وطبعا تروحين وقت الامتحانات 3 مرات بالسنة كل مرة اسبوعين

اي و الله مملوحة اهنيه اهما صرخة وحدة تلاقينه لزق بمكانه هناك شوفيه شسوي

مو بعيدة دكتور و لا اي واحد بالجامعة يقول حق ولدنا اطلع بره !!!!!!!!!!!! صدمة صراحة

و بعدين شنو كويتيات رايحين وييييييييييييييع قاعدين بنص الخيسة و الدهن لا يبا لا يحوووشك

خلوني على البحرين واااااااااااااااااااااااااااااااايد ابرك على الاقل الاقي ناس اوادم

والله يا بنات ترا جامعة الخليج واااااااااااااااايد زينه وانجليزيهم قوي بس ترا غاليه ولازم اللي تدش بلبل انجليزي ولا ما تعدي

اذا قصدج اللي بالكويت ادري فيها بس ما عندهم تخصص هندسة و اذا على الانجليزي الحمدلله مقدور عليه