شفيها مدارسنا الحكومه كانا كنا شحلاتنا درسنا فيها وتفوقنا وطلعنا دكاتره ومهندسين ونقايش بالانجليزي والعربي
لييييش الحين الكل يدخل عياله خاااص شفيها الحكوووووووووومه
بتقولي ماكو هيئه تدريس سنعه؟ ليش شفيهم الكويتيات ولا لازم عنقليزيه اتدرس واتعنفق علي عيالنا
انا احس الام اهيا بمجابلها حق عيالها تقدر اطلعهم متفوقين ووو وناجحين وان شاءالله لي وصل الجامعه يدخل اقوى الجامعه بمعدله القووي
اما التوجه حق المدارس الخاصه ليييييييييش يطلعهم بلبل انجيليزي اوكي اقدر ادخله انجيلزي بالصيف دورات وكان الله غفور رحيما مااشووووووف احنا جيلنا ضرنا شي الحمدالله
سمعووني رااااايكم ليش مدخلته خااااااص !!!!
نادي واحد يدرس بالحكومه وواحد يدرس بالخاص وشوفي الفرق بنفسج انا ماعندي عيال بمدارس بس اشوف الفرق عاليهال كافي اللغه الانجليزيه حيل يحتاجها بحياته الحكومه يتخرج مايعرف يقول جمله على بعضها دورات ماتنفع واشوف خريجين الخاص اغلبهم يوصلون اعلى الشهادات غير الاهتمام
وبعد هابين بشي مناهج الحكومه كل شي يديد وتسالين الابله الي تعودت عالقديم تقولج مادري مناهج يديده مانعرف ندرسها اي شييييييييي اهما بكبرهم موفاهمين المنهج
لا والله انا اعرف ناس وايد يدرسوون بخاص وامهاتهم زاعييين العافيه من التعب والوواجباات والتبهذل
جيلنا اغلبه دخل حكومه الرك اكثررر شي عل الام انتي تبييينه متفوق تبينه يصييير شاطر بمدارس الحكومه اطلعين شاطر وقووي بمجابلج حقه
سويت تعديل عالموضوع ياريت تقرينه لان بنت اختي تعاني من هالموضوع وايد اشياء مومفهومه بالمنهج تروح اختي بنفسها تسال المدرسه تقلها ماندري مناهج يديده علينا واعرف وحده مدرسه مغيرين منهج عندهم تقول موعارفين نسوي شي الي اهو علوم مستهلك الوضع اي شي مناهجنا تغيرت مونفس اول
انا وحده أدخل اعيالي روضه خاص بعدين مدارس حكومه والود ودي يكملون بخاص بس شسوي أقساط المدارس تكسر الظهر .
ما شاء الله المدارس الخاصه غير غير , كاهو ولدي السنه الي طافت اموديته كي جي خاص اشزينه بدى يقرا بالاجليزي وألحين أشوفه يحفظ الكلمه …أصلا مناهج الحكومه اتخلي الياهل حافظ مو فاهم وألحين بعد غيروا المناهج و راكضين فيهم ركضه
غير اللغه الانجليزيه اتشوفينهم غير حتى بشخصيتهم .
وعلى فكره مدارس عن مدارس تفرق
واذا بتقارنين بين جيلنا و هالجيل ترى مافي وجه مقارنه هالجيل اتكالي درجه أولى واحنا الي عودناهم على هالشي .
اي صج بالنسبه حق الكويتيات ( المدرسات ) ترى معظمهم ما بي أظلم الكل داش التدريس عشان ما يبون يشتغلون بوسط الرياييل وغصبا عنهم , عكس مدرساتنا قبل يعطون من قلبهم . حتى المدرسات الاجانب يايبين لنا الصعيديه والمغربيه ……ووووو
حبيبتي مافي مجال للمقارنه
ولدي كي جي تو بخاص واسم الله عليه كل سوالفها بالانجليزي وعيال حماي بالابتدائي ولدي يكلمهم ساعات انقليزي مايفهمه تخيلي مع انهم داسن نوادي ودورات
ثانيا :
موبس سالفه الانجليزي
كافي الاهتمام بالولد رفيجتي كانت تشتغل مدرسه بروضه حكومه تقول الولد كان تكرمون يرجع فجاه واهي ولا سوت ولا شي ولادقت على الاهل ولاقالت حق احد بس اللي فالحه فيه قالتله روح اشرب ماي !!!!!!! اي شي
وولدي بالخاص اول ماطلعتله بس حبه عند شفايفه خذوه حق الممرضه وقاسو حرارته
امبيه لاااااااااااااااااا فرق
ثانيا شي :
الصراحه واااااااااااايد اليهال اللي بالخاص اذرب من الحكومه وفوق هذا عيال الحكومه اييلج كل يوم مفلوع تحسين استغفر الله مادري شقول
وثالثا: المناهج اقوا حيييييييييييييييل يعني تخيلي واحد يصيرلي ب اولى ابيدائي خاص يعرف اسم الله عليه يكتب اسمه بالانجليزي ويقرا كلمات وقصص انجليزيه والرياضيات بعد قوي حيييل عندهم
حرام و الله ظالمين المدرسات الكويتيات
مو كلهم جذيه
في كل مدرسة في مدرسات زينين و في مدرسات لا
لكن التعميم حرام
و اللي عيالهم مدارس خاصة (و اعرفهم شخصيا)…… اغلبهم (اقول اغلبهم مو كلهم علشان اكون عادلة) ، اغلبهم حاطين مدرسين خصوصيين حق مواد الانجليزي …. يعنى تصرف ميزانية الصبح و ميزانية العصر ……. تقول كل ساع داقيين علي يقولولي.. ولدك ضعيف و يحتاج تقوية و انا ما اعرف ادرسه انجليزي و دراسته كلها بالانجليزي ….. او يدخلون عيالهم تقوية عربي …….. المفروض انتي وخرتى عن الحكومة علشان مو عاجبك طريقة التدريس و موعاجبك المدرسات اذن بالخاص المفروض ولدك يرجع البيت فاهم كل شي …. مو يرجع البيت يحتاج مدرس خصوصي مرة ثانية يدرسه …. عيل ليش دخلتيه خاص !!!!!!!!!!
يعنى الخلاصة الحال من بعضه سواء خاص او حكومة ……….الشاطر شاطر …… اللي يفرق و اللي فعلا يأثر :
الاهتمام + الاختلاط (في المدارس المختلطة ….. سألي عدل و تعرفين شنو قاعد يصير بالمدارس الخاصة المختلطة و شنو قاعد يصير بين الأولاد والبنات بالفرص ووقت الهدة تطلع عيونك …. خصوصا مرحلة خامس ابتدائي و مابعد ….. بدون ذكر تفاصيل) + الخاص يهتمون بالطالب يعنى يتصلون فيك اذا ولدك فيه شي اذا ولدك ضعيف+ الخاص عندهم حفلات زيادة و ايام مفتوحة و غيره…….
اما مستوى تدريس و هو المهم + الكفاءة + المستوى التعليمي ……. فهذا يختلف من مدرسة للثانية
الخلاصة :
اذا تبين ولدك متفوق (حطى ببالك اليهال قدرات و مستويات و كل طفل و حدود عقله)
ففي رأيي ان الاعتماد 100% على الولد نفسه اذا شاطر و حريص + على الام (اذا الولد اتكالي )………. هذا سبب تفوق الطالب + حطيه بمدرسه سمعتها زينة سواء خاص او حكومة كلهم ممكن يطلعون متفوقين و كلهم ممكن يطلعون ضعاف ماتفرق
يعنى المدرسة خاص ولا حكومة مو سبب رئيسي لتفوق الطالب ….. و الدليل شوفي خريجين كلية الطب و الهندسة جامعة الكويت مو كلهم طالعين من خاص !!!!!!
و هذا موضوع صار فيه نقاش على نفس الموضوع و راح يفيد اكثر كل اخت محتارة
بعد اذن صاحبة الموضوع طبعا
https://q8yat.net/showthread.php?t=507634
اقتباس:
المشاركة الأصلية كتبت بواسطة كويتية هيبه  حبيبتي مافي مجال للمقارنه
ولدي كي جي تو بخاص واسم الله عليه كل سوالفها بالانجليزي وعيال حماي بالابتدائي ولدي يكلمهم ساعات انقليزي مايفهمه تخيلي مع انهم داسن نوادي ودورات
ثانيا :
موبس سالفه الانجليزي
كافي الاهتمام بالولد رفيجتي كانت تشتغل مدرسه بروضه حكومه تقول الولد كان تكرمون يرجع فجاه واهي ولا سوت ولا شي ولادقت على الاهل ولاقالت حق احد بس اللي فالحه فيه قالتله روح اشرب ماي !!!!!!! اي شي
وولدي بالخاص اول ماطلعتله بس حبه عند شفايفه خذوه حق الممرضه وقاسو حرارته
امبيه لاااااااااااااااااا فرق
ثانيا شي :
الصراحه واااااااااااايد اليهال اللي بالخاص اذرب من الحكومه وفوق هذا عيال الحكومه اييلج كل يوم مفلوع تحسين استغفر الله مادري شقول
وثالثا: المناهج اقوا حيييييييييييييييل يعني تخيلي واحد يصيرلي ب اولى ابيدائي خاص يعرف اسم الله عليه يكتب اسمه بالانجليزي ويقرا كلمات وقصص انجليزيه والرياضيات بعد قوي حيييل عندهم
|
انا معاج بكل كلمه انا عيالي بخاص من ياهل عطس او قالهم بس تعبان ودوه عند الممرضه تشيك عليه ويدقون علي الاهل يطمنونهم علي عيالهم غير من ناحية الاهتمام
وتصدقين ولدي مو اولي ابتدائي بكي جي ون يكتب اسمه اسم الله عليه
وغير جذي هم في نقطه انت تقولون احنا تخرجنا من الحكومه شفينا صح بس انا اشوف ان حتي علي ايامنا نتخرج نحس بفرق من الي متخرجين من خاص من ناحية المناقشه والحوار مع الدكاتره والابتكارات
وشوفي اغلب الي يتخرجون الحين من الحكومه يبون شي سهل بعد الثانويه ما يحاولون يطورون نفسهم هذا راي وياريت محد يزعل
نا ببناقش معاج الموضوع واقولج وجهة نظري كولية أمر وبنتي بخاص .. وكمدرسة بمدارس الحكومة ..
بس اول شي حطي في بالج ترا محد يحب يكرف ويتعب ويشقى ويقصر على روحه وعياله ويحرم نفسه من اشياء وايدة ويدفع لشي موجود عنده اصلا !! لو لاقين بديل يرضينا صدقيني ما ودينا عيالنا بفلوس .. نفس الكلام ينطبق على المستشفيات الحكومية للأسف ..
واللي ينطبق عليج يمكن ما ينطبق على غيرج .. لو الخاص افضل جان ما بقى احد مدخل عياله حكومة .. والعكس صحيح ..
لو في مدرسة الكل متفق عليها جان لقيتي كل الكويت عيالهم فيها .. بس اختلاف الاراء رحمة ..
بالنسبة لي اول سبب يخليني ادخل بنتي خاص .. التعاااامل ..
انا اشكره اقول لرفيجاتي بمدرستي لما يسألوني ليش ما تييبين بنتج عندنا .. اقولهم علشان ما تدرسونها !! حتى قلت هالكلمة لناظرتنا اشكره .. مابي مدرساتكم يدرسون بنتي !!
بتقولين لي ظالمينهم وبناتنا فيهم الخير .. بقولج صح .. مو الكل ..
في فئة يهبلون عسل .. وفي فئة كبيرة اشين التربية غصبن عنهم علشان المعاش او لأنه مكان مو مختلط او علشان العطلة او عموما وباختلاف الاسباب .. مو حبا للتدريس .. وحدة منهم بس كافي انها تدمر نفسية الياهل ..
زف .. والفاظ .. ونزر .. ليش عاد ؟؟
بتقولين لي تصرف فردي .. اقولج اي فردي .. بس لي وديت عيالي خاص .. انا مدخلتهم بفلوسي .. واهمه يراعون هالناحية .. خل يهتمون فيهم بفلوسنا .. راضين
انا ماقولج خل بنتي تغلط ولحد يأدبها .. خل يأدبونها لهم اللحم ولي العظم .. بس خل يحترمونها .. ولا يستقوون على ياهل ضعيف !! ولا تسمع لفظ شين ما تسمعه بالبيت !!
من ناحية المتابعة .. يتابعون مستواها الصحي والنفسي والتعليمي ويبلغوني اول باول .. وهذا شي مهم عندي لأن شوي وسواسية احب اخلي عيالي بمكان اواكون انا متطمنة ومرتاحة ان في الف عين اتابعهم مثلي ..
ثاني شي الناحية الدراسية ..
انا اتكلم عن روحي .. قاعدة اتعب بالتدريس .. والتأسيس .. والتربية .. وحالي حال كل الناس ودي عيالي يطلعون احسن ناس ..
بس ما يهمني يتفوقون ولا هذا الهدف اللي مدخلتهم خاص علشانه .. ولا هدفي يطلعون دكاترة او مهندسين !! شي راجعلهم الصراحة .. لأن هذا يعتمد على قدرات الطفل ومستواه ودافعيته واشياء وايدة ..
يهمني يتعلمون صح ..
بنتي منهجهم الانجليش جدا مقنع .. يعلمونهم الحروف ويتدرجون لين يتقنونها تالي الكلمات البسيطة والتهجئة وماشالله من كيجي2 تقرا قصص بالانجلش وهذا شي ممتاز .. تتهجى اي شي تشوفه .. الرياضيات والعلوم وباقي المواد اشوف مستواهم فوق الممتاز ..
بينما العربي .. ويحز بخاطري هشي والود ودي يكون التأسيس الصح بالعربي مو بالانجليزي .. بس لأنهم مضطرين يدرسون منهج الحكومة .. انا اتعب .. وادرس .. والمستوى سيء الصراحة .. لأن المنهج جدا سيء .. وانا اتكلم من ناحية فنية .. بنتي تحفظ شكل الكلمات بدون فهم .. وتتملا وترا تاخذ درجات كاملة بعد .يعني تحصيلها مو سيئ . بس ماتعرف تقرا .. ولا تتهجى .. ولاااااااا شي غير حفظ ونسخ الكلمات المقررة !! والحديث يطوووول في المنهج ..
الناس يختلفون في تطلعاتهم .. انا يهمني نفسية عيالي تكون مستقرة وتأسيسهم يكون زين .. غيري يمكن يهمه التفوق .. او البيئة .. اهمه احرار ..
وانا مو من النوع اللي اعتمد على المدرسين .. ولا الخدم .. ولا حتى اهلي !! ولا ابي مناهج سهله ويتفوقون بدون تعب … يبالعكس الدنيا تتطور وعيالنا اذكيا ولهم القدرة على التعلم … انا يهمني المضمون اكثر .. ولا ابي احد ايي يخرب تعبي بتأسيسهم او تربينهم او يأثر سلبا بشخصيتهم ..
طبعا ممكن هالشي يصير بالمدارس الخاصة بس الواحد يسأل ويتقصى ويستخير ويشوف الاصلح ويتوكل على الله ..
حبيبتي ما في وجه مقارنه كلش مو عن الخاص انجليزي والحكومه لأ اول شي الحكومه مثل ما قالوا الخوات ولا على انه الشاطر شاطر انه وياج بهالحجي اهني يطلع شاطر وهناك اذا الام جابلت صح والحكومه على قولتج طلعت شهادات ومناصب والخاص كذلك بس في فرق الخاص تنمي الفكره وتعطي المعلومه وتعززها وتنمي الشخصيه حق انه يختلط بكل الناس ويقدر يخطط اهو شنو يبي من اهو صغير الحكومه ما تدير بال حق هالسوالف بس ادرس ومتحن وانجح بالدز واذا كان شاطر انجح والسنه اليايه ينسى المعلومه والمدرسه اتدرس وتحط امتحانات وبس فكنا و مافي اهتمام ولا رعايه كلش الخاص في اهتمام ورعايه الحكومه تحشي روس عيالنا بمعلومات مايستفيد منها بعمره بس حشي وبس الخاص توصل المعلومه الي محتاجه الطفل وتحاول الخاصه ان هالمعلومه ماتطير من راس الطفل الحكومه المدرسه شتقول تقول بالطقاق فهم فهم مافهم انتوا الامهات فهموهم في مدرسات حكومه تقول الدرس بدون لا تعطي من نفسها مدرسات الخاصه يعطون من دم قلبهم ما اقول كلهم اغلبهم والمدارس الخاصه نظام انضباط الحكومه اي شي كافي انه الياهل بالحكومه من يدش المدرسه ودش الصف اليهال كلهم على بعض ويتكافخون مافي مدرسه تستقبل الياهل بالصف وتعلمه النظام عكس الخاص وانا اقول الناس وعلى حسب تفكيرها الي يبون يحطون عيالهم حكومه يحطون ولي موعاجبهم نظام الحكومه ويقدر يتحمل مصاريف يحط عياله مدارس خاصه كل وحده فينا تشوف وين مصلحه ومستقبل عيالها وتحدد وين تحطهم كل وحده وقناعاتها واخر شي نشوف هالسوريين واللبنانيين عموم اخوانه العرب عيالهم ياكلون الكتاب اكل وكل مجال داشين نقول ليش عيالنا مو جذيه (شلون يطلعون عيالنا جذيه واهم بهالمدارس الحكوميه الي بس شهاده وبس لا فايده ولا معلومات ومناهج تلوع الجبد الله يكون بالعون)
انا ماجربت الحكومة عشان اقولج بس سمعت ملاحظات كثيرة عليهم
وعن نفسى انا مدخلة عيالى الخاص موعشان تفوق هذا اخر شى يهمنى انا المهم عندى التأسيس السليم والحمدلله عيالى متاسسين عدل
ثانيا المراقبة وهذا شى مهم عندى الحين مدارس الصبيان تخوف وسوالفهم وايد والسبب التكدس وقلة الاهتمام ومراقبة الطلبة يعنى ولدج ينطق يتحرشون فية يتلفظون علية ينزف كل هالاشياء معرض لها تقدرين تشتكين صح بس مرات ماراح تلقين من يسمعج وياخذ حقج
لكن بالخاص لااااا ملاحظااتج واعتراضااتج دايما مسموعة ولدج بأمااان من بعد لله فى طبيبة وفى اخصائية نفسية وفى مدرسة وناظر وكلهم يقومون بواجبهم اتجاة ولدج على اكمل وجة الانهم يخافون تحاسبينهم يعنى صج حطى فلوسج بشمس وقعدى بالظلال صج فى مشاكل تواجهج مع نظام بعض المدارس الخاصة بس مستحيل تكون المشاكل بمستوى مشاكل المدارس الحكومية
ولاتقارنين تعليم الحين بتعلمينا قبل كل شى قبل غييييييير
اول شى انا تربويه .. وانا دخلت ولدى الخاص مو علشان اللغة انا اقدر اعلمه انجلش وادخله على قولتج دورات ومعاهد انا اهم شى عندى المعامله .. التربية قبل التعليم .. لانى قاعده اشوف نماذج لبعض المدرسات الكويتيات وغير الكويتيات بصراحه شى يضيق الخلق 
ماااافى اسلوب ولا تعامل ما عندهم غير الصراخ والسب عيل فى مدرسه تربويه تقول لطالبه يا سا… والله فشله اقوول الكلمه .gif "Eh S(1)")
لأني شاهدت ووقفت على انحدار مستوى التعليم وتخبط القرارات التعليمية وتفرد أصحاب المناصب التربوية
بالتحكم في مصير أهالي … هربت فيهم من البدايه للخاص
ولا أفكر أتعامل مع الحكومة لسبب رئيسي وهو عدم الاهتمام بشخص الطالب وتنمية شخصيتة وتحفيزة لاسغلال موهبته وتفجير ابداعاته كما تفعل المدارس الأجنبية ووسائلها .
نهتم للغة نعم لكن ما فائدة متعلم مع بيئة غير مثقفة !
بناء الشخصية هي ما نطمح له وللأسف هذا لا يكون إلا مع أغلبية المعلمين الأجانب ، لأننا نعاني الأسوء في اللغة العربية والتربية الإسلامية !
صحيح تتكلفين في تهيئة من يقوم بمتابعة دروسهم وهذا من ضمن الميزانية وقسط المدرسة لكن في النهاية يبقى الأبناء هم أعظم استثمار لنا في الدنيا ، ولماذا أصلا نعمل ولمن نهتم إلا لأبنائنا !
والطموح الشخصي ربما يستدعي لأن يكونوا في الخاص ، تعليم متوفر أجنبي بأي بقعة في الأرض .
نسبة كبيرة تروح للخاص بس لزوم الكشخة لا اكثر
وتلاقين ثلاثة ارباع كلامها انجليش سكول و انجليش سكول
انا مدرسة وفي شغلات كثيرة مو عاجبتني بالمدارس الحكومية
بس ما افكر نهائيا بالخاص ووجهة نظري انه الواحد مايحمل نفسه فوق طاقته
الي بيتعلم بيتعلم بالحكومة والخاص
والفاشل مايمشي لاهني ولاهناك
وبالنسبة لاغلب الشخصيات واصحاب الشهادات العليا اغلبهم خريجين مدارس حكومية
والخاص مايفرق عن الحكومة الا باهتمامهم اكيد دام بندفع بيهتمون
شالفايدة طيب ؟
انا ضد الخاص بشكل مطلق
.gif "Eh S(14)")
حرام ,, أكيد انه حان عليكم حبوبه بس لا تطاوعونه ,,
.gif "Eh S(2)")
.gif "Eh S(11)")
