اشلونكم يا حلوات
والله الكل يعرف ان قدر اهل العرس من الحضور اللي يجونهم
ويعطيهم ابرستيج وشكل في المجتمع ويدل على انهم محبوبين وطيبين
انا والله اجي اعروس الناس اللي واقفه اكثر من اللي قاعده ما شاء الله لا تقولون جماعه لا تقلون معول
الكل يبي يرقص ويوجب
انزين
هقوتكم هذول الكل يبي يوجبهم ويوقف معاهم ليش ؟
السبب يمكن ان الكل وزع بطايق او ان بطايقهم ماشاء الله واجد وتم توزيعها بالشكل المطلوب
وقت العرس حلو والناس مستانسه
اهل العرس مسوين داعيه حلوه لعرسهم مثل الي يقولون بنجيب الطقاقه الفلانيه وبنجيب المصمم الفلاني وحطينا الحلو الفلانتاني
او اناهم ساكنين في منطقه فيها كثافه سكانيه من قبيلتهم
او انهم يدخلون ناس بدون بطايق
والطق من بدايه العرس الى نهايته ابدوي
او ان المعرس ما تزوج وحده من العايله عشان جذي العروس عازمه اهلها وصار الحضور دبل العدد
او ان العروس والمعرس امهاتهم من قبايل مختلفه والعروس والمعرس هم من قبيلتين مختلفات
لوووووووووووووول
دوختكم ادري
بس والله هذي مشكله ليش اعروس وااااجد واعروووس اشويه ويتهمون اهل العرس بانهم ما يوجبون الناس معقوله على عدد رقصااات الغرب في عرسكم يعني انت راقصه بكذا عرس يعني فوق الثلاثين رقصه
يعني ثلاثين عرس انزين اشلون ادل الناس اللي وجبتهم وشي ذكرني
بنااات لا تضحكون علي بس والله هذي مشكله كل بنت قرب عرسها او عرس اخوها الحضووووووووور
الناس اللي ترقص
والله اعرف وحده تقول ذبحتني لعروس عرس اخوي قرب
اشلون تنعزم على العرس ؟؟ ما شاء الله
انزين اهمم انا ابي اروح اوجب وابي الناس تعزمني عشان تجيني واجيها بس وين غير الشغل ابي مكان خصب للتعاااارف عشان يكون لي قاعده جماهيريه
اطقق البيبان واقو ل للناس حياكم الله على عرسنا
ما اعتقد
يالله بنات نبي نستفيد ونفيد من بعض انا اشعر بالحيره بليز
اشدعوه بنااات وينكم
ما في ردود ابي مشورتكم
هلا ليجل والله خووش موضوع
الناس الحين وجبيني اوجبج والله معاد يعرفون هذا قريب ولا بعيد اهم شي جاني بجيه
وصح مثل ما قلتي يمكن تكون العروس مو من الجماعه والحظور اكثرهم من اهلها
انا قبل فتره حظرت عرس ناس معروفين دايم معازيمهم او الحظور بعروسهم قليل جدا
بسبب ان جماعتهم اهنيه قليلين وان امهم مو اجتماعيه يعني معارفها شوي
بس هالمره ما خذه وحده غريبه مو منهم والله انصدممممممممت الحظور شي مو طبيعي
والله انه ماكو مكان نقعد فيه الكراسي فل كل هذول مشاءالله اهل العروس ومعارفهم …
بس فعلا اذا تبين الناس تجيج وتوجبج وجبيهم وجااامليهم ..
والله يعين ان شاءالله
وجبينى واوجبج بس هذى السالفه
ياقدم العرووووووووووووووس هههههههههههه
ليقل اي مثل ماقالوا البنات شاركي الناس بافراحها يشاركوونج بافراحج
مثل ماقالت دلوعه الي يوجب الناس يوجبونه
بس عاد الحضور ناس وقافيه الصراحه هذي خسبقه احد يوزع بطاقات اكثر من عدد الكراسي ؟؟ ليش داعينهم عيل دام موعاملين حسابهم
السالفه وما فيها كثر ما توجبين الناس توجبج
والعلاقات واجد
اهل عمام وخوال
ونسابه
ورفيجات كليه
ورفيجات دوام
ورفيجات سفر
ومعارف
وجيران
وكذلك عنصر مهم جدا الصاله اذا قريبه او بعيده
ومستوى اهل العرس اذا عروسهم كشخه ومرتبه والا عفسه
لان الناس ترى مو بس توجب ترى هم يحبون يشوفون شي جديد
ويونسهم
انا عن تجربة
اخالف راي البنات
السالفة مو سالفة اوجبج وتوجبيني
لأن انا واهلي ما بقى عرس من اهلنا ومعارفنا وجيران معارفنا ما تنططنا بعروسهم
على امل يردونها لنا بعرس اخوي
وكانت الصدمة ..الحضور كان قليل ..لا واللي جايين اغلبهم متنقبات واذا الكراسي اللي هم عليها تحركت هم تحركوا
ولا تصفيق ولا تشجيع ..يعني اشكره جايين يتطمشون
لا و الطقاقة هزأتهم على برودهم ..وهذا اللي زاد الطين بلة
والله تخسرنا على العرس مخاسير ما يعلمها الا الله ..كان العرس خيالي من كل شي ..والكل يسولف عنه لي يومج
بس انا قهرني قلة الحضور رغم اننا نوجب ولا نقصر بعروس العالم
وكل النقاط اللي ذكرتيها ببداية موضوعج سويناها ..لجذب حضور وخصوصا اللي يرقصون
لأن اللي يرقصون هم اللي يحييون العرس فعلا ..مو اللي مرتزين ع الكراسي وما يكلفون خاطرهم حتى يصفقون ..تقولين
حاضرين حفلة محمد عبده مو عرس وطقطقة !
بس بعد اذا كان الحضور "اوفر" ما راح يبين شغلج اللي مسويته عدل
يعني الاعتدال حلو
بس ترى اذا عروسكم مو منكم او من قبيلة ثانية بيكون الحضور حلو ..تعرفين الناس يحبون يشوفون وجوه جديدة : )
ما يبي لها شي في ناس اهلهم كثير و في ناس لا ما في اهل
او متزاعلين .. عشان جذي تلاقين فرق بالحضوور
لا ياقلبي يمكن لان الناس لاعت جبدها من العروس كل ي نفس الشي الكوش و الاغاني و غيرها
مع أن انا لو وين مايكون العرس ماقصر و لازم أوجب الناس
و في ناس صج ماتستحي
الحين سؤالي .. لا رقصتوا بالعرس .. ترقصون توجيب و مجامله لاهل العرس و الا لانكم انطربتوا و مستانسين و فيكم رقصه !!
بصراحه بالنسبه لي الاثنين مع بعض .. و اللي ما يبي يرقص بعروسنا ما يشوف شر .. كافي انه وجب و لبس و تعنى و وصل و لاكشت و الا تعذر بعذر بايخ او جذب عشان ما اييون .
هذا التوجيب .. و التوجيب ما يصير بالرقص و بس!
اقتباس:
| و اللي ما يبي يرقص بعروسنا ما يشوف شر .. كافي انه وجب و لبس و تعنى و وصل و لاكشت و الا تعذر بعذر بايخ او جذب عشان ما اييون .
هذا التوجيب .. و التوجيب ما يصير بالرقص و بس! |
اختي انتي الحين حاجزة طقاقة بالشي الفلاني وجايبة دي جي معاها
علشان بس انتي وخواتج تقعدون ترقصون والعالم متبرقعين ويتفرجون عليكم؟!!
اصلن حتى العرس بيكون بارد وبتتعبون وبتملون والطقاقة بيقل حماسها
حبيبتي الحين الواحدة لا شبعت من الفرارة بالسوق جاتج العرس ..تفرجت عليج نص ساعة او ساعة ومشت
يعني لا كاشخة ولا شي
اجل شنو الفرق بين اللي جايتني بتوجب بس قاعدة بنقابها ولا حتى تكلف خاطرها تصفق..وبين واحدة مو معزومة شافت الاعلان عن العرس وجاية تتفرج؟!
باختصار ..اللي يرقصون هم اللي يحييون العرس فعلا ويشعللونه
واختلاف الآراء لا يفسد للود قضية : )
التوجيب مو بس بالافراح حتى بالاحزان الله يبعدها عنكم والاهل اكيد مع انه انا احب العرس المحفوف ماحب الزحمه
الحظ يلعب دور
اي والله صاجه الحظ يلعب دور
@@
.gif "Eh S(16)")
