الوسم: الغياب

السلام عليكم

شخباركم حبايبي

ابي تساعدوني بفكرتين لشغلتين بسيطة

1) ابي فكرة لااخذ الحضور والغياب للأطفال بشكل حلووو ويونسهم ويخليهم ينبسطون

واستخدم صورهم فيها

بعطيكم فكرة تقربية

وحدة من رفيجاتي طريقتها بالحضور حاطة مثل السلة وفيها مجسم قطوة وحاطة صورهم بمثل

البطاقات بشكل بارز والقطوة صايرة بنص السلة

وبعدها تطلع صورهم وتنادي الاسم وتقول هاة حاظر والاغايب

اذا حاضر تحط صورتة قدام القطوة

واذا غايب تحطها بالنص الخلفي وراء القطوة وطبعا تقولها باسلوب حلووووتشوفون الاطفال

متحمسين معاها وتعبيرات ويها .. هم حلوة

والاطفال واااي ينبسطون لان يشاركونها غايب وحاظر وجذية

ابي فكرة حلوة مثل جذية للغياب والحضوووور

//////////

وهم ابي فكرة للوحة تحفزهم مثل احط نجوم قدام صورهم وجذية

بس شنو الشكل العام ماني عارفة ابي فكرة او شكل حلووو وتكون جنب السبورة

حتي تحمسهم للعطاء

ساااااااااعدوني تكفوووون

ناطرتكم حبايبي

بس حبيبتي لوحة الحضور والغياب مو الابلة تفتحها

الطفل اول مايدخل الصف يقلب اسمه ويقعد

والافكار بالرياض كلها تتشابه في ان الطفل يقلب اسمه لكن مره شفت فكرة غريبه بصف .. كانت عبارة عن علب والطفل يفتح العلبة وتطلع صورته واذا مسكرة يعني غايب

الحضور والغياب مايصير لازم الطفل بنفسه يعدل صورته
انا بعرض لج صور وانتي اختاري لج فكرة

وهذا موضوع لواحدة من الخوات

https://www.q8yat.net/showthread.php?t=229256

نورتي ياقلبي

وبالنسبة للحضور لاعمري عندنا الابلات يبدعون بالطريقة

والطفل مايسوي هالشئ

وكل ابلة وطريقتها بعد

ممكن تخلية يسويها اولااا

وياليت تسااااعديني بشغلات حلوة وغررريبة وجذابة

والفكرة اللي قلتي عنها مافهمتها

الف شكر لمرورج وطلتج الحلووووة

مرررحبا والله

الافكار حلوووين وايد

واعجبتني آآآخر صورة تبع النحل

ومنها طلعت لى فكرررة ثانية

عاد بشوف اختي وآرائها معاي واستقر على شئ واطبقة

الف شكر لمرورج وطلتج الحلووووة

بليز بنات

بالنسبة لوسيلة الحضور والغياب تقريباً عندي جم فكرة

بس الباقي ابي

لوحات التحفيز ابي افكاااااااااااار

بجد موعارفة شنو اسوي بالضبط

شدوا حيلكم معاي وساعدوني حبايبي

السلام عليكم

غنج أهلها احنا عندنا بجدة المعلمات هم اللي يقومون بعملية سحب بطاقات الحضور والغياب والتنفيذ فيه ابداع مثل ما قلتي

بالنسبة لفصلي

أنا مسوية شجرة وأوراق شجر ملونة عبارة عن أغصان هذه الشجرة ومثبتتها بالتش تش على كل فرع طبعا على عدد أطفالك

وتحت في العشب اللي في الأرض حاطة تش تش بعدد الأطفال الحاض يعلق اسمه في أعلى الشجرة والغائب أسفل

والعرض بطريقة مشوقة جداً حيث أنادي على الإسم ثم يقول نعم وأسأله بطريقة ممتعة أين تريد أن نضع بطاقتك فالجميع يقولون في الأعلى بمنتهى الحماس
وأحياناً قتلاً للروتين أجعلهم هم يختارون بطاقاتهم بأنفسهم ويضعونها في الأعلى
والغائب نضعها سويا في الأسفل
وبالنسبة للصورة انشاء الله عند العودة اصورلك هي عشان تتوضح لك الفكرة
بالنسبة للفصول الأخرى
في فصل حاطة وجة كبير يضحك والآخر حزين طبعا الحضور في اللي يضحك والغائب في الوجه الحزين وطبعا التزيين على حسب مسمى فصلك والبطاقات بحسب اسمه أيضاً .
في بعد معلمة حاطة شمس وقمر الحاضرين يروحون للشمس والغائب للقمر يعني نايمين

وبالنسبة للوحات التعزيز .. طبعاً أنا أي شي فيه شجر أستغله انا لوحة تعزيز أطفالي عبارة عن شجر تفاح التفاح غير ملونة كل من يقوم بعمل حسن وهنا التعزيز أشترط الأعمال لتقويم السلوك يلون تفاحته بنفسه وسأعرض عليك اللوحة لأني خذيتها من موقع في النت
شوفي الفكرة اني أخذت كل شجرة تفاح وحطيت عشب تحتها على حسب عدد الأطفال وأنا مسوية فلينتين واحدة للأولاد والثانية للبنات عشات تكفيني المساحة والفكرة هذي فعلاً فعّالة كثير لأن نهاية كل اسبوع نشوف من اللي تفاحاته تلونت أكثر ويصير هو ملك الإسبوع وياخذ الهدية طبعا احيانا تتوهقين ويطلعلك أكثر من ملك بس هذا هو المطلوب وانتِ عاد الله يعينك على الخساير
وهنا حطيتلك بعض أفكار التعزيز لطشتها لك من المنتديات الأخرى
ولي عودة سلاااااااااااااااااااام

مبين على فكرتج حلووووووه
ناطرينج تحطين الصور واذا حلوه شكلي ببوقها حق صفي نياهاهاا عاد حلليييينييي

هلااااعمري

افكااارج روعة والله

يعطيج الف عاااااااااااافية

وفكرة شجرة التفاحة رهيبة

وناطرين الصووور وعودتج بليززز

الف شكر لمرورج وطلتج الحلووووة

اي والله حلووووة

وكلنا ناطرررينها : )

انا فصلي فصل سمك وجذي

ف حطيت لوحه حضور وغياب حوضين سمك وحده للحضور وحده للغياب … والي يغيب تاكله السمكه .. مساكين صارو يجون خوف هههههه تاكلهم السمكه

التعزيز سويت لزحه زرقاء و اسم كل واحد على صور صدفه وتحته زي المخبى يجمع فيه لولو الي تجمع اكثر تطلع فارسه الاسبوع

ولكمووو عسولة

واي فصلج مبين يووونس ماشاء الله

وفكرة الاحواض حلوة

طيب والحاظر شلون يكون لان بينتي الغايب بس الحاظر مادري شنو مصيرة

وهم التعزيز رووعة

عساج عالقوة

الف شكر لمرورج وطلتج الحلووووة

مشكورين جميعا على هذه الأفكار والله يفتح عليكم

والله خووووووووووووش حركه تشجعهم على الحضور..ماشالله عليج بدعتي

السلام عليكم ورحمة الله وبركاته

بنات سؤالي اهوا اني بعد ما تعديت الغياب الـ 15 يوم

متي يبدي الخصم من أي شهر ؟

ولا ما يخصمون الحين …
ويتجمعون ومن معاش العطلة يخصموونهم ؟؟

بلييييز اللي عندها خبر تبلغنا متي يبدي الخصم بعد ما نعدي غياب الـ 15 يوم

وشنو الآلية اللي ينخصم منها المعاش …. يعني اللي يغيبون شهر سته الياي
ينخصم منهم شهر تسعه الياي ؟؟ ولا يتجمعون لي معاشات العطله اللي وراها ؟؟

احس اني احتست

اشدعوا ولا وحده ردت ؟

آب

آب

آب

آب

امممم ماعرف بالضبط متى يبدأ الخصم
بس انا مرات اغيب بدون طبيه وينخصم بالشهر نفسه اللي اغيب فيه او اللي بعده

من شهر تسعه اعتقد

يا ربي حاسه بمعاناتج من ظلم بعض الدكاترة اللي ما يسامحون عالتأخير

بس ما ننكر يعني أكثر من تسع غيابات مو شوية

لو يزيدون عدد الغياب ل 15 أحسن

بس أحس القانون ما فيه شي

الله يعينج

أتمنى تتقبيلن مروري

الله يعينج
تقرييييبا اعاني نفس مشكلتج
انا درجااتي تنخفس بسبب الغياب ومو بدون عذررررر لالالالالا عذر قوي وتقارير من طبيب وحاله بس ماكو فايده 10 درجات تروح مني
عند الدكتور اللي مايرحم

الله كريم حبيبتي

اي والله ظلم مره رحت عند الاستاذه اسألها عن درجتي
جان تقولي كل درجات بما فيها الغياب قالت انتي غايبه 7مرات قلت لا شدعوه استاذه انا كل يوم اداوم وهذي اقل محاضره اغيب فيها
بس الحمدلله ان كنت مسلمه التكاليف بالتاريخ وامسحت غياباتي
والتأخيييييير سالفه سالفه الدكتور صالح ابراهيم كنت ماخذه عنده س8اوصل 8وارع دقايق ما يدخلني وكذا مره غياب على هالسالفه
من عقبها حرمت اخذ س8 لا والقهر ان اكنت اداوم بس على مادته

كلاامج كله صح

عيل في دكاتره الغياب بدرجه

ولاالثاني حتى لو يبتي عذر وغبتي ماراح يرفعج اخر الكورس لو شنو
حتى لووو غايبه يوم ويبدي يحاسب بلدرجات لان مايعترف بالاعذار

ولا فجاه
فلانه اف ايه .. فلانه حمدي ربج ترى انتي المفروض اف ايه يعني زين مني ترى معطيج هالدرجه !
اي عطونا انذار قبلها قولووو لنا شدرانا متى تحسبون متى ماتحسبون

والتاخيير
لو تدشين متاخره دقيقه والدكتور موجود في بعضهم مايدخلج
لو صايرتلج ظروووف الدنيا .. غياب

المفروض يعطونا عشر دقايق عالاقل او خمس دقايق اذا كلش
خصوصا بالصيفي في مواد تخلص قبلها بثلث ساعه بمنطقه ثانيه
مايمدي البنات

و يعطيج العاافيه فشييت خلئي

يعطيج العافيه وكلامج عدل

بس انتي غياباتج كلهم بسبب ومعذوووره بس وييين اللي يقدر هالكلام ؟؟؟؟

مو صج القهر الي انتي فـــيه ,,!

جووفي اختي بااين انج بالجامعه .. يعني ما عرف نظامكم

لكن ما فيه شي اسمه تظلم ..!

انزين عميد او وكيـل .. حاجي الدكتور مره مرتين 3

حراام شقى الفتره كله يرووح عشاان رفضه للطبياات .. او لسؤ تقديره .!

الله يعينج اختي

ويوفقج ان شاء الله ياا رب

وياا ليت احد يلتفت للموضوع الـ fa

آخيـه يالـfa خذيتهـا مرة وحدة و بسبب غيـاب واحد بالفاينل سوت فيني البـلاوي
وأدري وايـد انظلموا فيهـا الصراحة برايي قانون ظالم و نص .. !!
والله يعوضـج وانشالله تكون خيره لج ..
.
.
يعني ناخذ الـf اوكي صدمه و تعدي ….
لكن لمه نعيـد المادة ونشـد حيلنـا فيهـا و نجابل و انييب الفـل مارك آخر شي ما ينحط لنـا A ليييييش مو احنا يايبينها بمجهودنا ؟؟
والله ظلم يعني نتعب ونجتهد اخر شي يقسمون الدرجة و كل هذا عشان غياب
يعني عقـاب وتعاقبنـا وعدنـا المادة بعد شحقـه يعطونـا عقـاب ثاني بعد الاعادة و ما يحسبون درجتنـا كاملـه
حسبي الله على هالقانـون الظالـم

أنا أحس انه 100 % النظام عادل لأن بصراحة البنات أغلبهم ما يحترمون نفسهم ! كل وحده تدش و تطلع على كيفها على بو ما ياخذ الغياب أو ياخذ الغياب نهاية الكلاس و متى ما أدش أدش !! صادفتني مع واااااااايد دكاترة !! الدكتور طيب يقول دشوا اي وقت عادي لو آخر ثانية احسبكم حضور و الله وكيلكم كل 5 دقايق ينفتح الباب و تدش بنت !! بس كافي محد قادر يركز بكلمة وحده

و 9 غيابات وايد و كافي .. لو كنتي بكلية ثانية عندج نص ساعه أو أكثر بينهم .. إذا طالعه من بيتكم طلعي أبجر من الوقت .. و إذا ظروف و مريضة " ماكو انسان ما يمرض " ييبي عذر طبي يحسبج غياب بس ما ينقص عليها

الباجي معاج حق يعني في أشياء اهو غلطان فيها مثل ان ما نبهكم ان غير القاعه و جذي
بس اهم حاطين هالموضوع عشان يحدون من سالفة الغياب و الله في تسيب مو طبيعي !! لو يهدونهم على كيفهم جان نص البنات ما داوموا و لا انتظموا و لا بطيخ .. دام ما تلتزمون في غيركم أولى و كان يبي كرسي عشان يدش بس ناس مهملة خذته عشان تقزر و بس

الله يوفقج حبيبتي و شدي حيلج و تابعي مع دكاترتج أول بأول بجامعتنا العريقة كل دكتور و له طريقة خاصه فيه و لازم نلتزم فيها

انا اقول ان الطالب ياخذ fa اهوا الظلم

و المفروض f

ليش

لما سبب الغياب ان الطالب نام بالكفتريا ماله ذنب اللي حرص و حضر و شبع نوم ببيتهم !
لما سبب الغياب ان الطالب مالقى موقف ماله ذنب اللي يا قبل المحاضرة بساعة و دور مصفط ع الراحة !
لما سبب الغياب ان الطالب تكرر تأخيره ماله ذنب الطالب اللي حرص انه ما يتأخر و عمل حساب المفاجآت اللي بتصادفه من زحمة و حوادث و غيره !

انا مو ضدج و لا ضد الطلبة

لكن الحق ينقال

هالدكتور سوا اللي عليه و اللي يمليه عليه ضميره و قوانين الجامعة

و القانون عادل و فيه دلع بعد !!

يعني اللي عمرهم ماخذوا fa بسبب الغياب ساكنين بالجامعة و لا يروحون لها مشي لانها قريبة !!!

كلنا طلبة و كلنا نعاني من كل المشاكل

لكن الفرق بالطالب نفسه و الخلل بالطالب نفسه مو بالقوانين

صح لسانج..

حبيبتي مو قصدي اني ضدج انا بعد ,,ومثل لما الدكتور يعني غير مكان القاعه وحط اعلان مثلا هني المشكله بس هذا واحد من اصل باجي الغيابات,,,

الصرااحه انا اغيب مو ما اغيب ولا ما اتاخر لابد تصير ظروف للواحد..واعتقد 9 غيابات وايد زين ووكافي..

في دكاتره عطونا ويه وقالولنا عادي تاخروو صارت الشعبه كلها تدش عالاخير ووفي دكاتره ما تحسب الغياب صارت الشعبه مصخره ووقت الفاينلات والمدتيرمات تعالي شوفي الناس بس تصور,,مو عشان غياب او اثنين او ثلاث لا تلقين التصوير على كل جزء المدتيرم,,

اما الدكاتره الي الصراحه بالوقت يحاسبونج هذولا الي يعلمونج الضبط والنظام…وكله بمصلحه الطالب ,,بالله ما يحضر وبعدين يزفت ووتعالو قولو الدكتور مو زين,,,

يعني الصراحه مثل دكتور عدنان الشطي ماكو احد …عنده صج كل عذر خارج قاعه المحاضره ماله شغل فيه ..عليج انج بالوقت بالضبط تيين حياج الله بس ان تاخرتي مع السلامه مع انه كرات وايد كان يدخل بنات,,

اسسفه عالطواااله,,,وتقبلي مروري وووراي ,,وانا مع قانون ال اف اي وبشده

انا اخذت اف اي بسبة تأخير بالفاينال وكان خارج عن ارادتي
بجيت ليما قلت بس وأي أحد يحاجيني أبطها بوجها

واللي قاهرني التعب اللي راح كل الكورس وآخر شي تأخير بامتحان الفاينل خرب كل شي!!

تحسبت عليها ولحد الحين اتحسب وادعي عليها صراحه قهرتني وحرقت قلبي وخصوصا وقتها كنت مستجده يعني المفروض تمشي

قلبتي المواجع …

و9 غيابات صراحه مو شويه انا غبت بماده 3 مرات << هالماده كنت احبها واحب دكتوووورها حيييييييل فعديت غياباتي المهم حسيت اني غبت واجد

والله المستعان ..

روحي كلمي الدكتور وقولي له اعذارج ان شاء الله يقتنع ..

اما على سالفة الـ 9 غيابات اشوفها شوويــــه … لو كانت 12 او 15 احسسسن .

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

اخواتي المعلمات

الموضوع لتبادل اراء واستفسارات الجميع عن اي اداره مدرسيه

يعني احنا كلنا محتاجينه بالذات في فترات النقل والندب

عشان نتعرف اكثر على اسلوب الاداره وطريقتها في التعامل

فيرجى من الجميع التقييد بالشروط التاليه

1- عدم ذكر الأسماء على العام

2- احترام اراء الاخرين

3- يمنع منعا باتا التلميح او التشهير باي احد

( سواء مديره او مديره مساعده او رئيسة قسم اواداريه او معلمه )

4- للمشرفه الحق في حذف او تعديل اي رد تراه غير لائق او غير مناسب

يرجى التقييد بالشروط

وبالتوفيق

ملاحظه : تم فتح الموضوع من جديد لتعم الفائده على الجميع

يسلموووووووووو يا ضحاوي وبارك الله فيكم

وان شاءالله الفائدة تعم للجميع

مشكوووووره حبيبتي ضحاوي وانشاء الله الكل يستفيد

وين الموضوع القديم كنت اقراه امس وابي اكمله ؟؟؟؟؟؟؟؟؟؟؟

هلا والله بنات العاشره فديتكم على الدخول وهذا العشم من غير ما اطول السالفه انا ابي اغير مدرستي صراحه ملييييت اللي مرفوع مرفوع على طول والمنداس منداس على طول يعني فاهميني .. والحين ما دام ان التقارير بيدين الناظرات والموجهات مالهم دور الا ابداء الراي ف.. المطلوب منكم يا حبوبات ..
ابي اترشحولي مدارس بالعاشرةناظرتها زينه وتكفون لا اتخلوني …

ايام عدت كانت مدرستي انا متخرجه منها سنة97
الله يالدنيه ذكرتوني فيها

انا بعد كنت ادرس فيها انا خريجة 2001 ياحلوها من ايام كلها مغامرات وشطانه ذكرتوني بالايام الخوالي

انا درست فيها كانت تهبل اللحين ما ادرى عنها

أختي شهالاسلوب بطه وكحيانه وعرجه والله عيب يمكن اهم يقرون الكلام الله يهديج بس هذول كانو ابلاتنا ولازم نحترمهم نبي شوي اسلوب لبق بنات

اي مرحلة ؟ اي مادة ؟؟

اذا ابتدائي ماعرف ماعرف

اذا متوسط عندج سودة بنت مالك فهد الاحمد
ام حكيم فحيحيل
عاتكة بنت عبدالمطلب جابر العلي
زبيدة الصباحية

وموفقة

مشكورة فطووومة
ابي ابتدائي تكفون يالعاشرة الفزعه ؟؟؟

يعطيج العافية ضحاوي وبارك الله فيج وين الموضوع الأول مايخالف تعطينآ الرابط عشان يكون مرجع لنا

الله يسلمج زيتونه حبيبتي

العفو البيداء حبيبتي

فتحنا موضوع جديد ,, والقديم صار للقراءه فقط

الله يعافيج حبيبتي

وغاااااليه والطلب رخيص مطيريه ,, هذا الرابط

https://www.q8yat.net/showthread.php?t=90156

أبتدائي أكيد مو أم الفضل

فاطمه بنت الخطاب الصباحيه

حذرت وزارة التربية التلاميذ من الغياب قبل عطلة رأس السنة. واوضحت ان «الامتحانات لن تؤجل».

المصدر : جريدة الوطن

والله اعتقد راح يغيبون

اي صاجه دام برمضان كان الكل مطنش

اعتقد ان لازم تكون في اجراءات صارمه اكثر من جذي

راح يغيبون وجنه الورد

يسلمووو على الخبريه

حبيبتي ولا درو عن وزارة التربية ولا بطيخ

غايبين غايبين احد يفوتها ويخلي كشتات البر

يوم الاثين و يوم الخميس العطله بس

شر البلية مايضحك

منو عندة امتحانات اي مرحله ؟؟؟؟؟

ابوي مايقدر الا على امي
محد منغث غير المدرسين ولا الطلاب بيطقون سوالف وزارة الصبيح بالطوفة
ولاكأنهم هددوا ولاقالوا
عشتو ياوزارة التنحيش بس هذا الي شاطرين فيه
بدال مايطلعون اعتذار رسمي للاهالي عن الوفيات الي كل شوي بالمدارس
بدال مايسنعون وزارتهم ومدارسهم
بدال مايحطون مسعفين وسسترات نفس ايام العز
فالحين بس بالتهديد
ماقول الا مالت على البامية بس

بالضبط اي امتحانات اللي راح تكون هالحزة؟؟؟
ماكو امتحانات انا خبري
احنا متوسط ماكو

ابلات لالخبر هذا للعلم مو للسب

مآقول الا : سنعي وزارتج بس …. يا …….. ابلة نوريه

الله المستعان

اقول يا جماعة مو بسنا واحنا نسب بنورية والوزارة
ترى العيب مو بس فيهم
العيب بالابلات اللي نص السنة غياب ومهيتين الدوام
والاهل اللي ما يعلمون عيالهم الالتزام بالدوام وان ماكو شي اسمه غياب الا للمرض وبس
والعيب بالادارات اللي تعطي الموضوع طاف والابلات اللي يقولون للطالبات غيبو باجر والا انقصكم

نورية على مكتبها مالها شغل بغياب الطالبات احنا اللي بالمدارس المفروض نتحمل المسئولية مع اولياء الامور والا ليش حاطين ادارة بكل مدرسة ؟؟ شفايدتهم؟

الحين تقولون هذي تحب نورية والا من اهلها لووول
مالي شغل فيها بس الحق ينقال

وشكرااااا

امة2006 سكتي ونامي احسن هههههههه

السلام عليكم

انا قررت اغيب باجر لان نص المدرسه غايبه وانا ما ابي اخذ احتياطات ولا اني ادش صف مو صفي واشرح ولما قلت حق المدرسه الاولى ابي عرضي

قالت لي لا اخذي غياب بعذر مقبول!

فاللي ابي اعرفه هالغياب بينخصم من راتبي

وهل راح يأثر على تقديري؟

للرفع

ما فهمت ؟

ما تبين طبية ولا شلون ؟

لان خواتنا الابلات الشيعيات يكتبون لهم مكان التوقيع (عاشوراء ) أما الباجي لازم عذر حبيبتي .

السلام عليكم

للموظف المعلم 15 يوم مرضي خلال سنة كاملة تحسب من 1/1 الى 12/31

السؤال :

اذا تعدى المعلم ال 15 يوم خلال السنه كم يكون نسبة الخصم للمعاش في اليوم الواحد ؟!

ارجو الرد لمن يعرف الاجابة و شكرا

اول ١٥ يوم بدون خصم
ثاني ١٥ يوم خصم نصف الراتب لليوم الواحد( يعني يوميتج ٢٤دينار نصها لج ونصها للوزاره(بس هليوم اللي غبتيه مو راتبج كله))
ثاني ١٥يوم خصب ربع راتب من اليوم اللي غبتيه(ربع لج والباقي للوزاره)
ثالث ١٥ يوم خصم كل الراتب يعني اليوم اللي تغبين فيه يخصمون كله مالح ولافلس فيه

وقال وزير التربية ووزير التعليم العالي الدكتور نايف الحجرف ان قرار تعطيل الدراسة من عدمه ليوم غد سيتخذ اذا استدعى الوضع ذلك فقط في المناطق المتأثرة من الغازات المنبعثة من الحريق الذي اندلع في منطقة (رحيه) وليس في عموم المناطق التعليمية.

يعني في دوام باجر ؟؟ والله ولدي امتحان اليوم غيبته احنا بسعد العبدالله وكان دخان واجد وفيه ربو وخفت عليه ..

انتظر ردكم

اي نسيت هذا رابط الخبر

https://www.alaan.cc/pagedetails.asp?nid=104518&cid=48

انا سمعت بالاخبار ان باجر تعطيل مدارس
محافظة الفروانيه والجهرا فقط

هقوتج اغيبهم ؟؟

شدعوه ابلات ردو علينا يامال العافيه

السلام عليكم ورحمة الله وبركاته

شلونكم يا معلمات ، بغيت استفسر عن نظام الغياب الجديد ، صج إذا زيادة عن 15 يوم الكمبيوتر على طول ينزلج من الامتياز حتى لو مشتغله شغل الدهر ، وكارفينج المدرسة عدل مدل ، والناظرات مالهم شغل بهالشي حتى لو تحطلج امتياز ينزلج الكمبيوتر

عفية بنات إللي عندها خبر ولا تعرفلها ناظرة تسألها وربي يجازيها خير إن شاء الله

للرفع

للي اعرفه ان بند الغياب اذا كنتي غايبة اكثر من 10 ايام ينزلونج من الامتياز

طبعا هذا قبل سالفة الخدمة المدنية والخصم,,

الحين مااادري

رفع

رفع للاهمية القصوى

والله ماندري ياليت ايعلمونا

رفع

لتعم الفائدة للجميع

السلام عليكم
هلا اختي
لو غايبه 20 يوم و الناظرة تبي تعطيج امتياز بتاخذين و لو غبتي 8 ايام و الناظرة ما تبي تعطيج ما راح تاخذين هالكلام من اللي عروقهم بالماااااي >>> اعتقد عرفتيهم

اي حبيبتي هذا أول ، بس يقولج ألحين لو شنو تعطيج الكمبيوتر ينزلج
آنا اختي بالفروانية قالتلهم الناظرة جذي ، وبما إني الجهره آخر من يعلم ، تو وصلت هالمعلومة فحبيت أتأكد ، وإن شاء الله إللي عروقهم بالماي صدقوا

اغلبيه النظار مايعطون امتياز حق الي يغيبون اكثر من 15
تخيلي العام غبت 12 يومخ نزلت درجتي بالامتياز

انا سمعت هالكلام من الناظرة

مالها حق ، إذا السبب الغياب فإنتي ما تجاوزتي ال 15 ليش ما رفعتي عليها تظلم

من خبرتي بالناظرات اذا تبي اتنزلج من الامتياز لسبب في نفسها على طووول اتعلقه على الغياب كأنه مو حق مشروع لج وكأن انتي مو بشر وعندج ظروف اسريه وصحيه ونفسيه

بعدين رفيجتي غايبه 18 يوم ومانزل امتيازها وكله حجي بحجي

الحين تقرير الكفاءه كله متعلق بيد الناظره والله يعينهم على المسؤوليه ومحاسبة النفس

ماعندي فكره يس اعتقد كلام البنات صح كله بيد الناظره

احنا ناظرتنا قايلتلنا ان الي تغيب اكثر من 15 يوم ( الطبيات فقط ) ما تاخذ امتياز حتى لو المدرسه كلها واقفه عليها هي وكارفه كرف اليهد ..

عشان جذي حذرتني اكثر من مره هي تبي تعطيني امتياز اشكره قايلتلي بس لا تخلين غيابج يخرب عليج حسافه شغلج وتعبج يظيع .. بس والله مو بيدي الانسان تييه ظروف والله يعلم ان طبياتي كلها انكرف فيها اكثر من كرف المدرسه .. وانا وصلت الى 15 يوم بالتمام والكمال .. الله يعيني وما اظطر اخذ طبيه زياده ..

وتسلمون

احنا ناظرتنا قايلتلنا ان الي تغيب اكثر من 15 يوم ( الطبيات فقط ) ما تاخذ امتياز حتى لو المدرسه كلها واقفه عليها هي وكارفه كرف اليهد ..

عشان جذي حذرتني اكثر من مره هي تبي تعطيني امتياز اشكره قايلتلي بس لا تخلين غيابج يخرب عليج حسافه شغلج وتعبج يظيع .. بس والله مو بيدي الانسان تييه ظروف والله يعلم ان طبياتي كلها انكرف فيها اكثر من كرف المدرسه .. وانا وصلت الى 15 يوم بالتمام والكمال .. الله يعيني وما اظطر اخذ طبيه زياده ..

وتسلمون

وينكم بنات

اول مره اسمع عن قانون الغياب !!

شسالفته

اقصد القتنون الي صدر العام بخصوص الايام الي يغيبها الموظف في حد موعين وبعدها تبدا الوزاره تقص من الراتب

القانون سمعت انه طبق بس راح يحسبون ايام الغياب من شهر 5 الى شهر 12 .. بس هالسنه ومن السنه اليايه
لج 15 يوم فقط مرضيه من شهر 1 الى 12

واذا تعديتي ال 15 يوم ينخصم ربع الراتب

واذا 15 يوم مره ثانيه نص الراتب

وهكذا لما تفلسين

قانونهم بايخ .. 15 يوم شتسوي !!!!!!!!! نسو جو ديرتنا الغاليه .. ونص الديره مراضى ارماض مزمنه .. مادري هال15 يوم شنو بتسوي

بالنسبة للموضوع الغياب سألت عنه السكرتيرة وبلغتني انه اول 15 يوم نوبربلم .. ومن 15 يوم الثانية يبدون يعدون لك.. وان تجاوزتيها بيوم واحد يبدا ينخصم ربع راتب .. وان خلصتي ال15 الثانية ينخصم النص وتمشين مع كل 15 يوم الى الزيرو

والقرار تطبق وناس واجد تأذوا منه

ماتشوفين شر انشالله
ودمتم

شسالفه

خو احنا اوادم مو مكاين

والله حتى المكينه تتعب

لاحولله

امبيه ربع الراتب يعني موربع اليوم الي غبته وين قاعدين طيب الوحده فينا شتسويي اذا مرضوا عيالها الله المستعان على هالقانون

الصراحة مو شي ؟؟؟؟؟؟
الله يهديهم على هالقرارات !!!!!!!!!!

اللي فهمته من السكرتيره لما سألتها ان اول 15 يوم عادي ثاني 15 يوم يعني لما تمين 30 يوم غايبه يخصمون ربع الراتب ثالث 15 يوم لما اتمينها كلها يخصمون نص الراتب رابع 15 يوم الراتب كله

مشكورين على الرد

هذا قانون المرضيات و بعدين يحسبونها باليومية مو الراتب كاامل

الله بشرج بالخير طمنتيني انه ينخصم من اليوم نفسه ولا انه ينخصم من الراتب كله

خخخخخخخخخ امبييه لو كل يوم طبيه ربع الراتب والله نتقاعد وهم يطلبوونا فلوووس ونداوم بدون راتب

بالعكس القرار حلو

في ناس ما تخاف ربها تاخذ معاش شهر وهي ما داومات حتى نصه

خل يصير فيه ضبط شوي .. أنا أشوفه قرار منصف ورادع لبعض الموظفين لأنه صج ما ينفع معاااهم إلا الخصم شغله فيها فلوووس بيشتغلووون مثل الساااعة