اشلونكم حوامل كويتيات الله يسهل على كل حامل يااااا رب
بنات انا حامل اب اخر الثامن و كنت امخططه اولد في رويال حياة و جهزت كل شي على اساس اني بولد اهناك عالاسعار القديمه و انصدمت لما رفع اسعاره واعتقد وايد منكم نفس الحاله و وايد منا غيرو رايهم و ابيولدون ابمستشفى ثاني ابسبب هالموضوع وانا وحده منهم اليوم رحت افتر ادور بديل فقلت خل احاول محاوله اخيره يمكن تنفع قلت خل الروح احاجيهم واحتج وابينلهم ان الاسعار اليديده اصدمت وايد ناس و ياااااااريت كلنا انتضامن وانسوي نفس الشي بدل ما انغير المستشفى يمكن محاولاتنا تنفع
انا رحت اليوم و بينتلهم اشكثر احنا مستائين من هالاسعار و عطيتهم سايت منتدانا قلتلهم يدشون يقرون ارائكم و وعدوني انهم يدشون و يدرسون الموضوع يااااااااا ريت كلكم ايدكم بيدي و انطالب انهم يعيدون التفكير بالاسعار اليديده فهمتكم معاي يااا بنات انا ادري ان وايد منكم غيرو رايهم و ابيولدون ابمستشفى ثاني بس عالاقل انحاول يمكن يسوون شي دقو عليهم احتجو قولولهم يعيدون التفكير والله يسهل يمكن يصير شي
نبي الاسعاااااااااااار القدييييمه معاااي او لا ؟ نفسيتي زفت والسبه تغيير المستشفى امبرمجه نفسي اني بولد فيه حرام اللي صار 
نبيييييييييييييييييه ارخص..gif "Eh S(1)")
مو على كيفنا نحتج هذا مستشفى خاص و صاحبه كيفه يزيد مثل ما يبي
مبدعة شكلج مضامنه مع صاحب المستشفى..شكلج وحده منهم….والله انا ويااج كنت مخططه بس مو على اساس المستشفى على اساس الدكتورة خالدة…والله كان سعرهم حلو ومناسب حق كل غرفة يعني الكاميليا 750وايد زين ومناسب لها لسعر الحين الف وااااااايد عليها صار ماتستاهل…وانا شكلي بغير دكتورتي علشان المستشفى والله حرام المشكلة انا اقدر ادفع بس ريلي مو راضي يبي هو يدفع ..وانا مااقدر احمله اكثر من طاقته
ادري مو كيفنا وادري انه مستشفى خاص بس اهم الحين قاعدين يشوفون ردة فعل الناس و يدرسون تأثير الزياده عاد خنبينلهم عالاقل انا متضايقين انا مو قصدي احتجاج بمعنى احتجاج قصدي بس اندق وانقول للرسبشن انا زيادة اسعار المستشفى مبالغ فيها عالعموم انا اسفه ينقتلج كنت بسوي شي عشان اليوم لما رحت قالتلي مالت الرسبشن احنا بنسوي اجتماع و ندرس تاثير زيادة الاسعار عالزباين قلت لي شافت ان هالاسعار مو عاجبه ناس وايد يمكن اتوصل حق صاحب المستشفى و ااااسفه مره ثانيه اني حاولت اسوي شي انا كان قصدي الخير للكل و مع اني اشثقلي رحت افتريت عالمستشفيااات واحد واحد و خذيت البروشورات و العروض اللي امسوينها و عطيتها مالت الريسبشن اللي ابرويال حياة عشان اتشوف ان الفرق وايد مو هين اسمي اني سويت شي
ana men rayeee erdon elas3ar methel ma kant….ya3neee baje elmostshfyat elthanya a’3la ‘3orf o akbrhom 3ala 1200…royale hayat 7elo o ma fee shay…bas wayed as3rhom sart over….ya3nee ana kent bwld ehnak bas el7een ‘3yart reyeee barooo7 dar elshefa elembr6oryeee 1200 …..
هذي مستشفى خاص واهم على كيفهم يزيدون
اكيـد احنا مانقدر نتحجا ولو مهما اوعدوج ماراح يدشون انا متأكده اصلا اهم ماراح يفلسون غيرنا وايد يولدون عندهم وراضين بالاسعار
انا ما قلت ان مو ابكيفهم ادري ان ابكيفهم وادري انه مستشفى خاص اشدعوه ما ادري بس حبيت يعرفون راينا اب هالاسعار و بس خلاص يبا اسحبها خاني التعبير مو قصدي نحتج بس انقولهم راينا عالعموم خلاص انا شكلي بغير بروح اخذ الامبراطوري مال دار الشفاء سعره 1067بدون حساب الدكتور اللي من بره . و يعطونج غرفة ولاده خاصه اللي حق باجي الغرف احسابها 60 دينار بس فري مع الامبراطوري و يعطونج فلبينيه للسيرفس هم فري مع البكج .
ترا مو مجبورين تولدين فيه
فيه غيره واحسن
ويعدين لا تفكرون بالغرف
فكروو اهم شي بخبرتهم وستافهم الطبي
اظن مشالله اغلب بيوت الكويتيه قصور
مو محتاجين تقعدوون بسويتات ملكيه وامبراطوريه
اهم شي فكروو بسلامتكم
وعذروني بس هذا رايي
لاني احس اغلب البنات يفكرون بشكل الغرف ما يفكرون بسلامتهم
لووووووووووووووووول من صجج
من صجج تبين تحتجين !!!
امبيه هذا مستشفى خاص
واحد عنده فلوس بنى مستشفى من فلوسه
ويبي يولد الناس بمليووون
كيفه
اللي يبي حياه الله واللي مايبي كيفه
ماجبركم الرجااال
خخخخخخخخخخخخخخ شكله بيحط لافته عند بوابة المستشفى بيكتبون ((البيت بيت ابونا والقوم حاربونا))
وتحتها
((يامن شراله من حلاله عله))
ههههههههههههههههههههههههههههههههههههه
موضوعج انا اعتبره فشة خلق على قولتهم يعني مستشفى خاص و فندقي و راقي جدا ماسووه الا حق الناس اللي حالتها الماديه عاليه و تقدر تدفع و تدلل عمرها و اهي مرتاحه ما سووه حق عامة الشعب و الواحد لازم يفكر بالشي اللي يناسب حالته الماديه مو يروح يبطر و يناطح و يسوي نفسه من اصحاب الملايين و يحط راسه براسهم انا هذي وجهة نظري
بكل ادير الدنيا في طبقات من الناحيه الماديه الا بالكويت هالطبقات موجوده صج بس كلن بساوي نفسه بغيره مد ريولج على قد لحافك و اللي ماعنده حق رويال حياة يروح السلام الهادي المواساة الراشد دار الشفا طيبه لندن الصباح كلن حسب ميزانيته
هالقسم متروس ناس بدال ماتفكر باللي يناسبها و يناسب ميزانيتها اغلبهم يفكرون برويال حياة و ياخذون بهالقروض و يهدون ميزانيه اسرة كامله عشان التفخفخ و اللي عذرها تبي الدكتورة خالده في الف دكتورة و دكتور احسن من مسوى الدكتورة خادله مع احترامي لها بس اللي خلقها خلق غيرها و جنه اشكرة يقولونلهم مانبي اي ناااااااااااااااااس
لا والله انا معاج قلبا وقالبا وأضم صوتي لصوتج فعلا يعني اللي مضبطة ميزانية معينة طول هالاشهر حق الولادة آخر شي تنقط على صخر وتتوهق نفسيا بروحه الوحده نفسيتها تعبانه خالصه تحاتي لحظة الولادة والحين يسوون جذي بالعالم بعدين ليش هالتفرقه يعني ناس ولدت وخذت احسن الغرف بالتالي اللي تولد الحين ويمكن تاخذ غرفة اصغر منها وابسط منها تدفع تقريبا نفس اللي دفعته اللي خذت جناح اكبر موحرام هاالتفرقه وبعدين اساسا اسعارهم من الاول كانت موهينه بس نقدر نقول معقولة اذا الوحده خططت لها بس الحين يوهقون الناس ترى البنات الله يهداهم موفاهمينج وانا فاهمه موقفج عدل ومقدرة ظروفج النفسية صج ماله داعي رفع الاسعار بس ذبحونا يعني علقوا الاوادم شنسوي ويابنات احنا ماقلنا انه مستشفى حكومي بس مقارنة بغيره غالي والوحده بعد لازم تحط ببالها لا سمح الله صار شي اثناء الولادة واحتاجت قيصرية تدفع دبل لا والله حرام واعرف وايد ناس غيروا رايهم لهالسبب ويمكن اكون وحدة منهم مع دوامي عندي خصم خاص بس بطوا جبدي ليش بالله
يابنات انتوا موفاهمين المقصد موقصد التفخفخ والتشيحط الحمدلله اعتقد ان بنات الكويت ماعليهم قاصر بس نفسيا انتي أقلمتي نفسج على الولادة هناك بعدين خليلتزمون بسعر واحد موينزلون ويرفعون الحركة نفسها موحلوة بس انتوا موفاهمين
بنات جم صارت الأسعار ؟؟
اهم مستشفى خاص .. يعني ما يحكمهم شي بزيادة الاسعار .. يزيدون و يسوون عروض براحتهم .
و الحمدلله المستشفيات الثانيه بالكويت مو اقل مستوى او خبره منه
و اللي ما عندوش ما يلزموش
و الاخت اللي تقول نفسيا متاقلمه اني بولد فيه ..فرضي لا سمح الله صار طارئ وقت الولاده مو بس رويال حياة حتى كل المستشفيات الخاصه يحطونج باسعاف و يدزونج للصباح و ساعتها ما فيها متاقلمه و لا غيره .. يالله العافيه .
قولوا الله يهون عليكم و يسهل ولادتكم وين ما صارت
.gif "Eh S(17)")
.gif "Eh S(6)")
